| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠠᠮᠲᠠᠲᠤ ᠢᠳᠡᠭᠡᠨᠢ ᠳᠡᠭᠡᠵᠢᠯᠡᠵᠦ
ᠠᠷᠪᠠᠢ ᠪᠤᠭᠤᠳᠠᠢᠶᠢ ᠬᠥᠮᠦᠷᠭᠡᠯᠡᠵᠦ
ᠠᠭᠤᠤ ᠪᠠᠶᠠᠨᠢ ᠪᠡᠯᠭᠡᠯᠡᠨ
ᠠᠯᠲᠠ ᠰᠤᠪᠤᠳᠢᠶᠠᠷ ᠪᠥᠭᠡᠯᠵᠢᠳᠡᠭ
ᠬᠤᠯᠤᠭᠠᠨᠠᠶᠢᠨ ᠡᠷᠳᠡᠨᠢ ᠴᠢᠬᠢᠲᠡᠢ᠃
ᠠᠴᠢᠶᠠ ᠬᠥᠰᠭᠡ ᠲᠡᠭᠡᠭᠡᠵᠦ
ᠠᠷᠠᠯᠲᠤ ᠲᠡᠷᠭᠡ ᠰᠢᠯᠢᠳᠡᠵᠦ
ᠠᠮᠠᠷᠠᠬᠤ ᠠᠨᠢᠬᠤᠶᠢ ᠣᠮᠠᠷᠲᠠᠨ
ᠠᠮᠢᠪᠠᠨ ᠴᠦᠯᠡᠵᠦ ᠵᠢᠳᠭᠦᠳᠡᠭ
ᠦᠬᠡᠷ ᠡᠷᠳᠡᠨᠢᠶᠢᠨ ᠰᠡᠭᠡᠷᠲᠡᠢ᠃
ᠬᠠᠨ ᠣᠷᠭᠢᠯᠢᠶᠠᠷ ᠬᠠᠷᠠᠢᠵᠤ
ᠬᠠᠪᠴᠢᠯ ᠵᠢᠯᠠᠭᠠᠳᠤ ᠨᠣᠢᠷᠰᠣᠵᠤ
ᠬᠠᠮᠤᠭ ᠠᠷᠢᠶᠠᠲᠠᠨᠢ ᠵᠠᠬᠢᠷᠥᠨ
ᠬᠠᠷᠭᠤᠢ ᠵᠠᠮᠢ ᠰᠠᠬᠢᠳᠠᠭ
ᠪᠠᠷᠰ ᠡᠷᠳᠡᠨᠢᠶᠢᠨ ᠬᠢᠮᠤᠰᠤᠲᠠᠢ᠃
ᠡᠳᠦᠷ ᠰᠥᠨᠢᠦᠭᠡᠢ ᠪᠦᠭᠭᠦᠵᠦ
ᠡᠪᠦᠯ ᠵᠤᠨᠦᠭᠡᠢ ᠶᠠᠭᠠᠷᠠᠵᠤ
ᠡᠮᠦᠨᠡ ᠠᠷᠤᠦᠭᠡᠢ ᠪᠤᠵᠢᠭᠢᠨᠠᠨ
ᠡᠪᠡᠰᠦ ᠤᠷᠭᠤᠮᠠᠯᠢ ᠪᠦᠷᠢᠳᠭᠡᠳᠡᠭ
ᠲᠠᠤᠯᠠᠢ ᠡᠷᠳᠡᠨᠢᠶᠢᠨ ᠬᠠᠮᠠᠷᠲᠠᠢ᠃
ᠠᠭᠠᠳᠠᠷᠤᠨ ᠡᠭᠦᠯᠡᠶᠢ ᠬᠥᠯᠭᠡᠯᠡᠵᠦ
ᠠᠶᠤᠩᠭᠠ ᠴᠠᠬᠢᠯᠭᠠᠨᠢ ᠳᠠᠢᠴᠢᠯᠠᠵᠤ
ᠷᠠᠰᠢᠶᠠᠨ ᠬᠤᠷᠠᠶᠢ ᠰᠣᠶᠣᠷᠬᠠᠨ
ᠠᠮᠢᠲᠠᠨ ᠪᠦᠬᠦᠨᠢ ᠢᠪᠡᠭᠡᠳᠡᠭ
ᠯᠤᠤ ᠡᠷᠳᠡᠨᠢᠶᠢᠨ ᠬᠦᠵᠦᠭᠦᠦᠲᠡᠢ᠃
ᠡᠵᠡᠭᠦᠢ ᠬᠡᠭᠡᠷᠡᠶᠢ ᠲᠣᠣᠷᠯᠠᠵᠣ
ᠡᠷᠭᠢ ᠭᠠᠩᠭᠠᠶᠢ ᠰᠦᠯᠵᠢᠵᠦ
ᠡᠯᠡᠰᠦ ᠰᠢᠷᠤᠢ ᠨᠡᠪᠲᠡᠯᠦᠨ
ᠡᠴᠢᠨᠡ ᠲᠠᠯᠠᠶᠢ ᠪᠠᠢᠴᠠᠭᠠᠳᠠᠭ
ᠮᠣᠭᠠᠢ ᠡᠷᠳᠡᠨᠢᠶᠢᠨ ᠨᠢᠳᠦᠲᠡᠢ᠃
ᠠᠶᠠᠨᠤ ᠵᠠᠮᠢ ᠳᠣᠪᠴᠢᠯᠡᠵᠦ
ᠠᠯᠤᠰ ᠭᠠᠵᠠᠷᠢ ᠣᠢᠷᠠᠲᠤᠭᠤᠯᠵᠤ
ᠠᠨᠳᠠᠨᠤᠭᠤᠳᠢ ᠵᠣᠯᠭᠠᠭᠤᠯᠤᠨ
ᠠᠵᠢᠯ ᠶᠠᠪᠤᠳᠠᠯᠢ ᠪᠦᠲᠦᠭᠡᠳᠡᠭ
ᠮᠣᠷᠢ ᠡᠷᠳᠡᠨᠢᠶᠢᠨ ᠬᠣᠨᠳᠤᠯᠠᠢᠲᠠᠢ᠃
ᠲᠦᠭᠡᠭᠰᠡᠨ ᠣᠳᠣᠰᠢᠭ᠋ ᠢᠷᠠᠢᠵᠤ
ᠲᠦᠪᠰᠢᠨ ᠲᠠᠯᠠᠶᠢ ᠪᠦᠷᠬᠦᠵᠦ
ᠲᠦᠭᠡᠮᠡᠯ ᠪᠤᠶᠠᠨᠢ ᠳᠠᠯᠠᠯᠥᠨ
ᠲᠦᠮᠡᠨ ᠣᠯᠠᠨᠢ ᠳᠤᠯᠠᠭᠠᠯᠠᠳᠠᠭ
ᠬᠣᠨᠢ ᠡᠷᠳᠡᠨᠢᠶᠢᠨ ᠨᠣᠣᠰᠤᠲᠠᠢ᠃
ᠠᠭᠯᠠᠭ ᠣᠢᠳᠤ ᠨᠤᠲᠤᠭᠯᠠᠵᠤ
ᠠᠯᠢᠮᠠ ᠵᠢᠮᠢᠰᠢᠶᠡᠷ ᠬᠣᠭᠤᠯᠠᠯᠠᠵᠤ
ᠠᠰᠭᠠ ᠬᠠᠳᠠᠨᠳᠤ ᠲᠣᠭᠯᠠᠯᠳᠣᠨ
ᠠᠪᠠᠷᠢᠬᠤ ᠬᠠᠷᠠᠢᠬᠤᠶᠢ ᠪᠣᠯᠪᠠᠰᠤᠷᠠᠳᠠᠭ
ᠪᠡᠴᠢᠨ ᠡᠷᠳᠡᠨᠢᠶᠢᠨ ᠭᠤᠶᠠᠲᠠᠢ᠃
ᠬᠠᠷᠠ ᠥᠷᠯᠦᠭᠡᠪᠡᠷ ᠬᠠᠰᠭᠢᠷᠴᠤ
ᠬᠠᠷᠠᠩᠭᠤᠢ ᠬᠥᠰᠢᠭᠡᠶᠢ ᠢᠷᠡᠵᠦ
ᠬᠠᠲᠠᠭᠤ ᠳᠠᠭᠤᠨᠢᠶᠠᠷ ᠵᠠᠩᠳᠤᠷᠤᠨ
ᠬᠠᠮᠤᠭ ᠣᠯᠠᠨᠢ ᠰᠡᠷᠢᠭᠡᠳᠡᠭ
ᠳᠠᠬᠢᠶᠠ ᠡᠷᠳᠡᠨᠢᠶᠢᠨ ᠥᠪᠦᠩᠲᠡᠢ᠃
ᠠᠢᠯ ᠬᠣᠲᠠᠶᠢ ᠮᠠᠨᠠᠵᠤ
ᠠᠶᠤᠯᠲᠤ ᠳᠠᠢᠰᠥᠨᠢ ᠰᠡᠷᠭᠡᠢᠯᠡᠵᠦ
ᠠᠵᠢᠭ ᠰᠡᠵᠢᠭ ᠡᠪᠦᠷᠯᠡᠨ
ᠠᠯᠤᠰᠤᠨ ᠠᠨᠢᠷᠢ ᠴᠢᠩᠨᠠᠳᠠᠭ
ᠨᠣᠬᠠᠢ ᠡᠷᠳᠡᠨᠢᠶᠢᠨ ᠪᠣᠷᠪᠢᠲᠠᠢ᠃
ᠠᠭᠠᠵᠢᠭᠤ ᠲᠠᠢᠪᠤᠭᠤᠪᠠᠷ ᠠᠯᠬᠤᠯᠠᠵᠤ
ᠠᠷᠭᠠ ᠪᠣᠳᠤᠯᠭᠠᠶᠢ ᠪᠢᠰᠢᠯᠭᠠᠵᠤ
ᠠᠯᠢᠪᠠ ᠪᠦᠬᠦᠢᠶᠢ ᠨᠢᠭᠲᠠᠯᠠᠨ
ᠠᠯᠲᠠᠨ ᠳᠡᠯᠡᠬᠡᠢᠶᠢ ᠰᠢᠨᠵᠢᠯᠡᠳᠡᠭ
ᠭᠠᠬᠠᠢ ᠡᠷᠳᠡᠨᠢᠶᠢᠨ ᠰᠡᠭᠦᠯᠲᠡᠢ᠃