| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠴᠠᠬᠢᠯᠭᠠᠨ ᠭᠡᠭᠴᠢ ᠬᠠᠴᠢᠨ ᠵᠢᠭᠲᠡᠢ ᠶᠠᠭᠤᠮᠠ ᠬᠥᠮᠦᠨ ᠲᠥᠷᠦᠯᠬᠢᠲᠡᠨᠳᠦ ᠠᠰᠢᠭᠯᠠᠭᠳᠠᠵᠤ᠂ ᠪᠥᠮᠪᠦᠷᠴᠡᠭᠦᠨ ᠪᠦᠷᠬᠦᠭ ᠬᠠᠷᠠᠩᠭᠤᠢᠶᠢ ᠭᠡᠢᠭᠦᠯᠵᠦ᠂ ᠦᠢᠯᠡᠳᠪᠦᠷᠢᠯᠡᠯᠪᠠ ᠨᠡᠢᠭᠡᠮᠦᠨ ᠬᠥᠭᠵᠢᠯᠲᠡᠶᠢ ᠨᠢᠰᠬᠦ ᠮᠡᠲᠦ ᠠᠬᠢᠭᠤᠯᠤᠨ᠂ ᠬᠥᠮᠦᠨ ᠲᠥᠷᠦᠯᠬᠢᠲᠡᠨᠢ ᠴᠠᠬᠢᠯᠭᠠᠨᠵᠢᠯᠲᠠᠶᠢᠨ ᠴᠠᠭ ᠦᠶᠡᠳᠦ ᠣᠷᠤᠭᠤᠯᠤᠭᠠᠳ 150 ᠭᠠᠷᠤᠢ ᠵᠢᠯ ᠪᠣᠯᠵᠤ ᠪᠠᠢᠨᠠ᠃ ᠣᠳᠣ ᠬᠥᠮᠦᠨ ᠲᠥᠷᠦᠯᠬᠢᠲᠡᠨ ᠶᠠᠭ ᠰᠤᠷᠠᠭ ᠵᠠᠩᠭᠢᠴᠢᠯᠠᠭᠰᠠᠨ ᠴᠠᠭ ᠦᠶᠡᠳᠦ ᠣᠷᠤᠵᠤ᠂ ᠲᠣᠣᠷ ᠰᠦᠯᠵᠢᠶᠡᠲᠦ ᠨᠡᠢᠭᠡᠮᠳᠦ ᠰᠢᠯᠵᠢᠨ᠂ ᠰᠢᠨᠡ ᠪᠣᠯᠪᠠᠰᠤᠨ ᠵᠦᠭ ᠳᠠᠪᠰᠢᠵᠤ ᠪᠠᠢᠨᠠ᠃
ᠺᠣᠮᠫᠢᠦ᠋ᠲᠧᠷ᠂ ᠴᠢᠮᠡᠭᠡ ᠬᠣᠯᠪᠤᠭᠠᠪᠠ ᠰᠤᠷᠠᠭ ᠵᠠᠩᠭᠢᠶᠢᠨ ᠮᠡᠷᠭᠡᠵᠢᠯᠢᠶᠡᠷ ᠲᠤᠯᠭᠠᠭᠤᠷᠢᠪᠠᠨ ᠪᠣᠯᠭᠠᠭᠰᠠᠨ ᠲᠣᠣᠷ ᠰᠦᠯᠵᠢᠶᠡᠨᠢ ᠢᠷᠡᠭᠡᠳᠦᠢᠶᠢᠨ ᠨᠡᠢᠭᠡᠮᠦᠨ ᠬᠣᠯᠪᠤᠭᠠᠰᠤ ᠪᠣᠯᠤᠨᠠ᠃ ᠡᠨᠡ ᠵᠦᠢᠯᠦᠨ ᠲᠣᠣᠷ ᠰᠦᠯᠵᠢᠶᠡ ᠳᠡᠯᠡᠬᠡᠢᠶᠢᠨ ᠣᠯᠠᠨ ᠤᠯᠤᠰ ᠣᠷᠤᠨᠢ ᠨᠢᠭᠡᠯᠡ ᠴᠣᠭᠴᠠᠰ ᠪᠣᠯᠭᠠᠵᠤ᠂ ᠳᠡᠯᠡᠬᠡᠢᠶᠢᠨ ᠪᠥᠮᠪᠦᠷᠴᠡᠭ « ᠨᠢᠭᠡᠯᠡ ᠲᠣᠰᠭᠤᠨ »ᠰᠢᠭ ᠪᠣᠯᠵᠤ᠂ ᠬᠥᠮᠦᠨ ᠲᠥᠷᠥᠬᠢᠯᠲᠡᠨᠢ ᠬᠠᠮᠲᠤᠪᠠᠷ ᠬᠥᠭᠵᠢᠭᠦᠯᠦᠨᠡ᠃ ᠪᠦᠬᠦ ᠪᠥᠮᠪᠦᠷᠴᠡᠭᠦᠨ ᠲᠣᠣᠷ ᠰᠦᠯᠵᠢᠶᠡᠶᠢᠨ ᠰᠢᠰᠲᠧᠮᠨᠢ ᠡᠳᠦᠷ ᠢᠷᠡᠬᠦᠶᠡ ᠨᠡᠮᠡᠭᠳᠡᠵᠦ ᠪᠦᠬᠦᠢ ᠲᠣᠭᠠ ᠪᠠᠷᠢᠮᠲᠠ᠂ ᠰᠤᠷᠠᠭᠪᠠ ᠮᠡᠳᠡᠯᠭᠡ ᠮᠡᠳᠡᠴᠡᠶᠢ ᠨᠡᠩ ᠲᠦᠷᠭᠡᠨᠢᠶᠡᠷ ᠤᠯᠠᠮᠵᠢᠯᠠᠨ ᠰᠢᠢᠳᠪᠦᠷᠢᠯᠡᠬᠦ ᠪᠣᠯᠤᠨᠠ᠃ ᠬᠥᠮᠦᠨ ᠲᠥᠷᠦᠯᠬᠢᠲᠡᠨᠦ ᠨᠡᠢᠭᠡᠮᠳᠦ ᠠᠪᠴᠤ ᠬᠡᠯᠡᠪᠡᠯ ᠡᠨᠡ ᠪᠣᠯ ᠤᠷᠢᠳ ᠡᠮᠦᠨᠡ ᠭᠠᠷᠤᠭᠠᠦᠭᠡᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯᠦᠨ ᠬᠤᠪᠢᠰᠭᠠᠯ ᠮᠥᠨ᠃ ᠬᠥᠮᠦᠰᠦᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠠᠷᠭᠠ ᠮᠠᠶᠢᠭ᠂ ᠠᠵᠢᠯᠤᠨ ᠠᠷᠭᠠ ᠮᠠᠶᠢᠭ᠂ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠮᠠᠶᠢᠭᠪᠠ ᠥᠷᠢᠰᠦᠯᠳᠦᠨ ᠲᠡᠮᠡᠴᠡᠬᠦ ᠠᠷᠭᠠ ᠮᠠᠶᠢᠭᠢ ᠨᠣᠴᠢᠲᠠᠢ ᠨᠥᠯᠦᠭᠡᠯᠡᠬᠦ ᠪᠣᠯᠤᠨᠠ᠃
ᠲᠣᠣᠷ ᠰᠦᠯᠵᠢᠶᠡ ᠭᠡᠳᠡᠭᠢ ᠳᠥᠭᠦᠮᠢᠶᠡᠷ ᠬᠡᠯᠡᠪᠡᠯ ᠲᠣᠭᠠ ᠲᠣᠮᠰᠢᠦᠭᠡᠢ ᠣᠯᠠᠨ ᠺᠤᠮᠫᠢᠦ᠋ᠲᠧᠷᠢ ᠬᠣᠭᠤᠷᠤᠨᠳᠤᠨᠢ ᠬᠣᠯᠪᠤᠵᠤ ᠲᠠᠯᠪᠢᠬᠤᠶᠢ ᠬᠡᠯᠡᠨᠡ᠃ ᠪᠠᠢᠭᠤᠯᠭᠠ ᠨᠢᠭᠡᠴᠢ᠂ ᠣᠷᠤᠨᠤ ᠳᠣᠲᠤᠷᠠ᠂ ᠤᠯᠤᠰᠤᠨ ᠳᠣᠲᠤᠷᠠ᠂ ᠴᠢᠨᠠᠭᠰᠢᠯᠠᠪᠠᠯ ᠳᠡᠯᠡᠬᠡᠢᠶᠢᠨ ᠣᠯᠠᠨ ᠤᠯᠤᠰ ᠬᠣᠭᠤᠷᠤᠨᠳᠤᠪᠠᠨ ᠺᠣᠮᠫᠢᠦ᠋ᠲᠧᠷᠢᠶᠡᠷ ᠰᠢᠭᠤᠳ ᠬᠠᠷᠢᠴᠠᠬᠤᠶᠢ ᠬᠡᠯᠡᠨᠡ᠃ ᠣᠳᠣ ᠳᠡᠯᠡᠬᠡᠢ ᠳᠡᠭᠡᠷᠡ ᠨᠥᠯᠦᠭᠡᠪᠡᠷ ᠬᠠᠮᠤᠭᠤᠨ ᠶᠡᠬᠡ᠂ ᠬᠡᠷᠡᠭᠯᠡᠭᠴᠢᠳ ᠬᠠᠮᠤᠭᠤᠨ ᠠᠷᠪᠢᠨ᠂ ᠰᠤᠷᠠᠭ ᠵᠠᠩᠭᠢ ᠬᠠᠮᠤᠭᠤᠨ ᠪᠠᠶᠠᠯᠢᠭ᠂ ᠣᠯᠠᠨ ᠤᠯᠤᠰᠢ ᠰᠤᠨᠳᠠᠯᠠᠭᠰᠠᠨ ᠲᠣᠣᠷ ᠰᠦᠯᠵᠢᠶᠡ ᠪᠣᠯ ᠢᠨᠲᠧᠷᠨᠧᠲ ᠲᠣᠣᠷ ᠪᠣᠯᠤᠨᠠ᠃ ᠡᠨᠡ ᠲᠣᠣᠷ ᠣᠳᠣ ᠳᠡᠯᠡᠬᠡᠢᠶᠢᠨ 100 ᠭᠠᠷᠤᠢ ᠤᠯᠤᠰ ᠣᠷᠤᠨᠢ ᠺᠣᠮᠫᠢᠦ᠋ᠲᠧᠷᠢᠶᠡᠷ ᠬᠣᠯᠪᠤᠵᠤ ᠲᠣᠣᠷᠲᠤ ᠣᠷᠤᠭᠰᠠᠨ ᠡᠷᠦᠬᠡ ᠨᠢᠭᠡᠴᠢ 5 ᠳ᠋ᠦᠩᠰᠢᠭᠤᠷ ᠭᠠᠷᠤᠢ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠬᠥᠮᠦᠰ ᠲᠣᠣᠷ ᠰᠦᠯᠵᠢᠶᠡᠶᠢ ᠠᠰᠢᠭᠯᠠᠵᠤ ᠲᠦᠮᠡᠨ ᠭᠠᠵᠠᠷᠤᠨ ᠠᠯᠤᠰᠲᠠᠬᠢ ᠨᠠᠢᠵᠠᠨᠠᠷᠲᠠᠢᠪᠠᠨ « ᠰᠢᠭᠤᠳ ᠠᠭᠤᠯᠵᠠᠵᠤ » ᠰᠤᠷᠠᠭ ᠵᠠᠩᠭᠢᠪᠠᠨ ᠰᠣᠯᠢᠯᠴᠠᠵᠤ ᠪᠣᠯᠤᠨᠠ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠦ ᠦᠵᠡᠯᠲᠡᠪᠡᠨ ᠵᠥᠪᠳᠡᠯᠴᠡᠵᠦ ᠪᠣᠯᠤᠨᠠ᠂ ᠲᠣᠣᠷ ᠰᠦᠯᠵᠢᠶᠡᠪᠡᠷ ᠪᠠᠰᠠ ᠡᠯᠡ ᠵᠦᠢᠯᠦᠨ ᠪᠠᠷᠠᠭᠠ ᠲᠠᠸᠠᠷ ᠰᠣᠩᠭᠤᠨ ᠠᠪᠴᠤ ᠪᠣᠯᠤᠨᠠ᠂ ᠣᠬᠢ ᠰᠠᠢᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠬᠦᠷᠲᠡᠵᠦ ᠪᠣᠯᠤᠨᠠ᠂ ᠳᠡᠯᠡᠬᠡᠢᠶᠢᠨ ᠣᠯᠠᠨ ᠤᠯᠤᠰᠤᠨ ᠬᠠᠮᠤᠭᠤᠨ ᠰᠢᠯᠢᠳᠡᠭ ᠲᠣᠭᠯᠠᠯᠲᠠᠶᠢ ᠰᠣᠨᠢᠷᠬᠠᠵᠤ ᠪᠣᠯᠤᠨᠠ᠃
ᠲᠣᠣᠷ ᠰᠦᠯᠵᠢᠶᠡᠶᠢᠨ ᠠᠵᠤ ᠠᠬᠤᠢᠳᠤ ᠦᠵᠡᠭᠦᠯᠬᠦ ᠨᠥᠯᠦᠭᠡᠨᠢ ᠮᠠᠰᠢ ᠶᠡᠬᠡᠶᠦᠮ᠃ ᠰᠤᠷᠠᠭ ᠵᠠᠩᠭᠢᠶᠢᠨ ᠲᠣᠣᠷ ᠰᠦᠯᠵᠢᠶᠡᠪᠡᠷ ᠳᠠᠮᠵᠢᠵᠤ᠂ ᠤᠯᠤᠰ ᠣᠷᠤᠨ ᠪᠣᠯᠤᠨ ᠳᠡᠯᠡᠬᠡᠢᠶᠢᠨ ᠠᠵᠤ ᠠᠬᠤᠢᠶᠢᠨ ᠬᠣᠭᠤᠷᠥᠨᠳᠤ ᠬᠠᠷᠢᠯᠴᠠᠨ ᠲᠦᠰᠢᠭᠯᠡᠯᠴᠡᠵᠦ᠂ ᠬᠠᠷᠢᠯᠴᠠᠨ ᠠᠬᠢᠭᠤᠯᠵᠤ᠂ ᠬᠠᠷᠢᠯᠴᠠᠨ ᠨᠥᠯᠦᠭᠡᠯᠡᠬᠦ ᠪᠣᠯᠤᠨᠠ᠃ ᠪᠦᠷᠢᠳᠭᠡᠯᠢ ᠦᠨᠳᠦᠰᠦᠯᠡᠪᠡᠯ᠂ ᠣᠳᠣ ᠦᠶᠡᠶᠢᠨ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠪᠠ ᠨᠡᠮᠡᠭᠳᠡᠯᠦᠨ 40%ᠨᠢ ᠰᠤᠷᠠᠭ ᠵᠠᠩᠭᠢᠶᠢᠨ ᠠᠵᠤ ᠦᠢᠯᠡᠰᠦᠨ ᠦᠵᠡᠭᠦᠯᠦᠭᠰᠡᠨ ᠬᠤᠪᠢ ᠨᠡᠮᠡᠷᠢᠡᠴᠡ ᠢᠷᠡᠵᠦ ᠪᠠᠢᠨᠠ᠃ ᠢᠷᠡᠭᠡᠳᠦᠢᠶᠢᠨ 10 ᠵᠢᠯᠳᠦ ᠪᠦᠬᠦ ᠳᠡᠯᠡᠬᠡᠢᠶᠢᠨ ᠣᠯᠠᠨ ᠤᠯᠤᠰᠤᠨ ᠠᠷᠠᠯᠵᠢᠶᠠᠶᠢᠨ ᠭᠤᠷᠪᠠᠨᠤ ᠨᠢᠭᠡᠨᠢ ᠲᠣᠣᠷ ᠰᠦᠯᠵᠢᠶᠡᠶᠢᠨ ᠠᠷᠠᠯᠵᠢᠶᠠᠶᠢᠨ ᠬᠡᠯᠪᠡᠷᠢᠪᠡᠷ ᠪᠡᠶᠡᠯᠡᠭᠳᠡᠬᠦ ᠪᠣᠯᠤᠨᠠ᠃ ᠡᠢᠮᠦᠡᠴᠡ ᠲᠣᠣᠷ ᠰᠦᠯᠵᠢᠶᠡᠶᠢᠨ ᠠᠵᠤ ᠠᠬᠤᠢᠨᠢ ᠯᠠᠪᠲᠠᠢ 21ᠳ᠋ᠤᠭᠡᠷ ᠵᠠᠭᠤᠨᠤ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠭᠣᠣᠯ ᠤᠷᠤᠰᠭᠠᠯ ᠪᠣᠯᠤᠨᠠ᠃
ᠬᠥᠮᠦᠨ ᠲᠦᠷᠥᠯᠬᠢᠲᠡᠨᠦ ᠨᠡᠢᠭᠡᠮᠳᠦ ᠲᠣᠣᠷ ᠰᠦᠯᠵᠢᠶᠡᠶᠢᠨ ᠦᠵᠡᠭᠦᠯᠬᠦ ᠨᠥᠯᠦᠭᠡ ᠪᠣᠯ ᠲᠤᠢᠯᠤᠨ ᠥᠷᠭᠡᠨ ᠳᠡᠯᠭᠡᠷ ᠪᠥᠭᠡᠳ ᠠᠯᠤᠰ ᠬᠡᠳᠦᠶᠢᠨ ᠪᠠᠢᠳᠠᠭᠶᠤᠮ᠃ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠠᠵᠤ ᠠᠬᠤᠢᠳᠤ ᠦᠵᠡᠭᠦᠯᠬᠦ ᠨᠥᠯᠦᠭᠡᠡᠴᠡ ᠭᠠᠳᠠᠨᠠ ᠴᠡᠷᠢᠭ ᠳᠠᠢᠨ᠂ ᠭᠠᠳᠠᠭᠠᠳᠤ ᠶᠠᠪᠤᠳᠠᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯ᠂ ᠰᠤᠷᠭᠠᠨ ᠬᠥᠮᠦᠵᠢᠯ᠂ ᠠᠮᠢ ᠠᠬᠤᠢᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ᠁ ᠵᠡᠷᠭᠡᠳᠦ ᠴᠥᠮ ᠶᠠᠨᠳᠠᠰᠢᠦᠭᠡᠢ ᠶᠡᠬᠡ ᠨᠥᠯᠦᠭᠡ ᠦᠵᠡᠭᠦᠯᠬᠦ ᠪᠣᠯᠤᠨᠠ᠃