| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠠᠮᠲᠠᠷᠠᠬᠨ ᠰᠢᠮᠳᠡᠷᠬᠡᠨ ᠤᠩᠰᠢᠬᠤᠳᠤ
ᠠᠶᠠᠯᠭᠤ ᠳᠠᠭᠤᠨᠤᠬᠢᠨᠢ ᠢᠷᠠᠭᠤᠬᠠᠨ ᠭᠡᠵᠦ᠂
ᠠᠯᠭᠤᠷ ᠰᠠᠢᠬᠠᠨ ᠪᠢᠴᠢᠬᠦᠳᠦ
ᠠᠴᠤᠭ ᠰᠢᠯᠪᠢᠶᠢᠨ ᠬᠢᠨᠢ ᠡᠪᠯᠢᠭᠬᠡᠨ ᠭᠡᠵᠦ᠃
ᠤᠷᠪᠠᠭᠤᠯᠤᠨ ᠡᠷᠭᠢᠭᠦᠯᠦᠨ ᠤᠩᠰᠢᠬᠤᠳᠤ
ᠤᠷᠤᠰᠤᠮᠠ ᠲᠣᠳᠤᠬᠠᠨ ᠰᠣᠨᠤᠰᠲᠠᠬᠤ ᠭᠡᠵᠦ᠂
ᠤᠳᠭᠠᠪᠠᠷᠨᠢ ᠪᠠᠭᠤᠯᠭᠠᠵᠤ ᠪᠢᠴᠢᠬᠦᠳᠦ
ᠤᠷᠠᠯᠢᠭ ᠭᠣᠶᠤᠬᠠᠨ ᠬᠠᠷᠠᠭᠳᠠᠬᠤ ᠭᠡᠵᠦ᠃
ᠶᠠᠩᠵᠤ ᠪᠦᠷᠢᠶᠢᠨ ᠠᠶᠠᠯᠭᠤᠶᠢ
ᠪᠦᠷᠢᠨ ᠲᠡᠮᠳᠡᠭᠯᠡᠳᠡᠭ ᠦᠰᠦᠭ ᠰᠢᠦ
ᠶᠠᠭᠠᠷᠠᠵᠤ ᠲᠡᠪᠡᠳᠡᠭᠰᠡᠨ ᠦᠶᠡᠳᠦ
ᠲᠠᠲᠠᠯᠠᠵᠤ ᠪᠣᠯᠳᠠᠭᠴᠤ ᠦᠰᠦᠭ ᠰᠢᠦ᠃
ᠡᠭᠡᠰᠢᠭ ᠭᠡᠢᠭᠦᠯᠦᠭᠴᠢ ᠬᠠᠮᠵᠢᠮᠠᠨᠵᠢᠨ
ᠦᠶᠡ ᠪᠦᠷᠢᠯᠳᠦᠨ ᠲᠣᠭᠳᠠᠳᠠᠭ ᠰᠢᠦ
ᠦᠶᠡᠨᠢ ᠦᠶᠡᠲᠡᠢᠪᠡᠨ ᠨᠡᠢᠯᠡᠮᠡᠨᠵᠢᠨ
ᠦᠭᠡ ᠦᠰᠦᠭ ᠪᠦᠲᠦᠳᠡᠭ ᠰᠢᠦ᠃
ᠴᠠᠭᠠᠨ ᠲᠣᠯᠤᠭᠠᠢᠶᠢ ᠡᠵᠡᠮᠰᠢᠪᠡᠯ
ᠴᠠᠭᠠᠰᠢᠨᠢ ᠦᠰᠦᠭᠯᠡᠯᠳᠦ ᠣᠷᠤᠳᠠᠭ ᠰᠢᠦ᠂
ᠦᠰᠦᠭᠯᠡᠯᠳᠦ ᠣᠷᠤᠵᠤ ᠴᠠᠭᠠᠷᠠᠪᠠᠯ
ᠦᠯᠢᠭᠡᠷᠦᠨ ᠨᠣᠮ ᠤᠩᠰᠢᠳᠠᠭ ᠰᠢᠦ᠃
ᠦᠭᠡᠪᠡᠨ ᠶᠠᠷᠢᠳᠠᠭ ᠬᠥᠮᠦᠨ
ᠦᠰᠦᠭᠢᠨᠢ ᠰᠤᠷᠠᠬᠤᠳᠤ ᠳᠥᠬᠦᠮ ᠰᠢᠦ᠂
ᠦᠰᠦᠭᠢᠨᠢ ᠮᠡᠳᠡᠳᠡᠭ ᠬᠥᠮᠦᠨ
ᠪᠢᠴᠢᠭᠲᠡᠢ ᠪᠣᠯᠬᠤᠳᠤ ᠬᠢᠯᠪᠠᠷ ᠰᠢᠦ᠃
ᠮᠠᠨᠤ ᠮᠣᠩᠭᠤᠯ ᠦᠰᠦᠭ ᠭᠡᠭᠴᠢ
ᠮᠠᠩᠯᠠᠢ ᠰᠠᠢᠬᠠᠨ ᠪᠠᠢᠳᠠᠭ ᠰᠢᠦ᠂
ᠮᠠᠰᠢ ᠡᠷᠲᠡ ᠵᠣᠬᠢᠶᠠᠭᠳᠠᠭᠠᠳ
ᠮᠠᠷᠲᠠᠭᠳᠠᠯᠦᠭᠡᠢ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠰᠢᠦ᠃
ᠮᠣᠷᠤᠩᠬᠠᠢ ᠮᠣᠰᠢᠭᠠᠢ ᠦᠰᠦᠭ ᠭᠡᠵᠦ
ᠮᠡᠳᠡᠯᠭᠡ ᠮᠡᠭᠦᠰᠴᠦᠳ ᠭᠦᠳᠭᠡᠪᠡᠴᠦ
ᠮᠣᠯᠤᠷ ᠡᠷᠳᠡᠨᠢᠶᠢᠨ ᠦᠰᠦᠭᠢᠶᠡᠨ
ᠮᠣᠩᠭᠤᠯ ᠬᠦᠦ ᠪᠢ ᠰᠤᠷᠤᠨᠠ᠃
ᠠᠷᠢᠶᠠᠲᠠᠨ ᠰᠢᠪᠠᠭᠤᠨᠤ ᠬᠡᠯᠡ ᠭᠡᠵᠦ
ᠠᠳᠭᠠᠭ ᠰᠠᠨᠠᠭᠠᠲᠠᠨ ᠵᠠᠵᠢᠭᠤᠳᠠᠭᠤᠯᠪᠠᠴᠤ᠂
ᠠᠪᠤ ᠳᠡᠭᠡᠳᠦᠰᠦᠨ ᠬᠡᠯᠡᠪᠡᠨ
ᠠᠯᠳᠠᠯᠦᠭᠡᠢ ᠪᠢ ᠡᠵᠡᠮᠰᠢᠨᠡ!
ᠭᠠᠢᠬᠠᠮᠰᠢᠭᠲᠤ ᠰᠠᠢᠬᠠᠨ ᠬᠡᠯᠡᠪᠡᠨ
ᠭᠠᠩᠭᠠᠩ ᠰᠠᠢᠬᠠᠨ ᠦᠰᠦᠭᠢᠶᠡᠨ
ᠭᠠᠯᠪᠠ ᠶᠡᠭᠦᠷᠡᠲᠡᠯᠡ ᠬᠡᠷᠡᠭᠯᠡᠭᠡᠳ
ᠭᠠᠯ ᠭᠣᠯᠤᠮᠲᠠᠪᠠᠨ ᠬᠥᠭᠵᠢᠭᠦᠯᠦᠨᠡ᠃