| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠨᠢᠭᠡ
ᠨᠢᠳᠦᠦᠭᠡᠢ ᠬᠠᠷᠠ ᠰᠢᠭᠤᠷᠭᠠ ᠬᠤᠢᠯᠠᠷᠠᠨ ᠰᠢᠭᠤᠷᠴᠤ ᠪᠠᠢᠯᠠ᠃
1943 ᠣᠨᠤ ᠬᠠᠢ ᠯᠠᠢ ᠠᠭᠤᠯᠠᠷᠬᠠᠭ ᠣᠷᠤᠨ᠂ ᠲᠠᠰᠭᠢᠮᠠ ᠬᠦᠢᠲᠡᠨ ᠡᠪᠦᠯᠢᠶᠡᠷᠢᠶᠡᠨ ᠪᠠᠢᠪᠠ᠃
ᠰᠢᠷᠦᠭᠦᠨ ᠰᠠᠯᠬᠢᠨ ᠴᠠᠰᠤᠨ ᠯᠠᠪᠰᠠᠶᠢ ᠬᠤᠢᠯᠠᠷᠠᠭᠤᠯᠵᠤ᠂ ᠠᠭᠯᠠᠭ ᠠᠭᠤᠯᠠ᠂ ᠠᠲᠠᠷ ᠲᠠᠯᠠ᠂ ᠠᠢᠯ ᠲᠣᠰᠭᠤᠨᠢ ᠬᠠᠷᠠᠩᠭᠤᠢᠯᠠ ᠰᠢᠭᠤᠷᠤᠭᠠᠳ ᠦᠵᠢᠷᠡᠨ ᠬᠤᠪᠠᠬᠠᠢᠷᠠᠭᠰᠠᠨ ᠮᠣᠳᠤᠶᠢ ᠰᠠᠵᠢᠯᠠᠭᠤᠯᠤᠨ ᠨᠠᠬᠢᠯᠵᠠᠭᠤᠯᠵᠤ᠂ ᠡᠷᠦᠬᠡ ᠭᠡᠷᠦᠨ ᠡᠭᠦᠳᠡ ᠴᠣᠩᠬᠤᠶᠢ ᠰᠠᠪᠠᠯᠠᠵᠤ᠂ ᠤᠯᠠᠯᠵᠢᠶᠢᠨ ᠪᠦᠷᠭᠡᠶᠢᠨ ᠳᠡᠭᠡᠪᠦᠷᠢ ᠪᠥᠭᠡᠮ ᠪᠥᠭᠡᠮᠢᠶᠡᠷ ᠬᠣᠪᠬᠤ ᠬᠡᠢᠰᠭᠡᠵᠦ᠂ ᠬᠦᠢᠲᠡᠨ ᠵᠢᠪᠠᠷ ᠰᠦᠩᠭᠢᠨᠡᠭᠦᠯᠦᠭᠰᠡᠨ ᠴᠠᠰᠤᠨ ᠯᠠᠪᠰᠠᠶᠢ ᠠᠢᠯᠤᠨ ᠭᠡᠷᠲᠦ ᠴᠢᠬᠢᠵᠦ᠂ ᠬᠤᠪᠠᠬᠠᠢᠷᠠᠭᠰᠠᠨ ᠮᠣᠳᠤᠨᠤ ᠮᠥᠴᠢᠷᠢ ᠵᠢᠭᠲᠡᠢᠬᠡᠨ ᠢᠰᠭᠡᠷᠦᠭᠦᠯᠦᠨ ᠱᠤᠤᠭᠢᠭᠤᠯᠵᠤ᠂ ᠳᠠᠶᠠᠩ ᠳᠡᠯᠡᠬᠡᠢᠶᠢᠨ ᠠᠯᠢᠪᠠ ᠪᠦᠬᠦᠨ ᠪᠦᠷ ᠲᠡᠭᠦᠨᠦ ᠡᠷᠬᠡᠨᠳᠦ ᠪᠠᠢᠬᠤᠰᠢᠭ᠋ ᠳᠤᠷᠠ ᠮᠡᠳᠡᠨ ᠰᠦᠢᠷᠡᠭᠦᠯᠵᠦ ᠪᠠᠢᠯᠠ ᠁
ᠰᠢᠷᠠ ᠪᠦᠷᠦᠢ ᠪᠣᠯᠬᠤ ᠬᠢᠷᠢ᠂ ᠬᠤᠸᠠᠩ ᠱᠦ ᠢᠩ ᠬᠠᠮᠤᠭ ᠡᠴᠦᠰᠦᠨ ᠨᠢᠭᠡ ᠪᠣᠣᠪᠤᠪᠠᠨ ᠬᠠᠭᠠᠷᠢᠵᠤ ᠳᠠᠭᠤᠰᠤᠭᠠᠳ᠂ ᠰᠠᠭᠰᠤᠨᠳᠤ ᠬᠢᠵᠦ ᠬᠠᠭᠤᠷᠠᠢ ᠡᠪᠡᠰᠦᠪᠡᠷ ᠪᠦᠲᠡᠭᠡᠨ ᠲᠣᠬᠤᠢᠯᠠᠭᠠᠳ ᠭᠠᠷᠪᠠ᠃ ᠲᠡᠷᠡ ᠪᠣᠯ ᠠᠷᠪᠠ ᠶᠢᠰᠦᠨ ᠨᠠᠰᠤᠲᠠᠢ ᠬᠡᠦᠬᠡᠨᠶᠦᠮ᠃ ᠲᠥᠭᠦᠷᠢᠭᠬᠡᠨ ᠬᠠᠷᠠᠪᠲᠤᠷ ᠨᠢᠭᠤᠷᠲᠠᠬᠢ ᠮᠣᠢᠯ ᠬᠠᠷᠠ ᠲᠣᠮᠤ ᠨᠢᠳᠦᠡᠴᠡᠨᠢ ᠡᠶᠡᠯᠳᠡᠭ᠂ ᠠᠰᠪᠤᠷᠢ ᠴᠠᠭᠠᠪᠤᠷ᠂ ᠡᠷᠬᠡ ᠳᠡᠭᠵᠢᠭᠦᠨ ᠣᠴᠢ ᠳᠤᠸᠠᠯᠠᠵᠤ᠂ ᠣᠷᠴᠢᠯᠠᠩ ᠳᠡᠯᠡᠬᠡᠢᠳᠦ ᠰᠠᠶᠢᠬᠠᠨ ᠣᠷᠤᠵᠤ ᠢᠷᠡᠭᠰᠡᠨᠰᠢᠭ ᠪᠠᠢᠳᠠᠭ᠃ ᠵᠢᠭᠠᠬᠠᠨ ᠡᠷᠲᠡᠭᠡᠷ ᠤᠷᠤᠭᠤᠯᠳᠤᠨᠢ ᠢᠨᠢᠶᠡᠩᠭᠦᠢ ᠪᠠᠢᠳᠠᠯ ᠪᠠᠢᠩᠭᠤ ᠢᠷᠯᠡᠳᠡᠭ ᠪᠥᠭᠡᠳ ᠠᠭᠤᠷᠯᠠᠭᠰᠠᠨ ᠦᠶᠡᠳᠣᠨᠢᠴᠦ ᠭᠤᠤᠠ ᠦᠵᠡᠰᠭᠦᠯᠡᠩ ᠵᠢᠰᠦ᠂ ᠦᠨᠡᠨᠴᠢ ᠰᠢᠳᠤᠷᠭᠤ ᠵᠠᠩᠨᠢ ᠡᠰᠡ ᠬᠠᠯᠬᠠᠯᠠᠭᠳᠠᠨᠠ᠃ ᠡᠨᠡ ᠪᠣᠯ ᠲᠡᠮᠦᠷᠦᠨ ᠳᠠᠷᠬᠠᠨ ᠬᠤᠸᠠᠩ ᠯᠣᠣ ᠵᠢᠢᠶᠢᠨ ᠥᠬᠢᠨᠶᠦᠮ᠃ ᠳᠥᠷᠪᠡᠨ ᠵᠢᠯᠦᠨ ᠡᠮᠦᠨᠡ ᠭᠣᠮᠢᠨᠳᠠᠩᠤᠨ ᠶᠠᠫᠤᠨᠳᠤ ᠪᠠᠭᠤᠵᠤ ᠥᠭᠭᠦᠭᠰᠡᠨ ᠵᠣᠣ ᠪᠣᠣ ᠶᠤᠸᠠᠨᠤ ᠴᠡᠷᠢᠭᠲᠦ ᠡᠴᠢᠭᠡᠨᠢ ᠠᠯᠠᠭᠳᠠᠬᠤ ᠦᠶᠡᠰ᠂ ᠠᠷᠪᠠᠨ ᠲᠠᠪᠤᠬᠠᠨ ᠨᠠᠰᠤᠲᠠᠢ ᠵᠢᠭᠠᠯ ᠪᠠᠢᠵᠤ ᠡᠳᠦᠷ ᠲᠤᠵᠢ ᠡᠵᠢᠪᠡᠨ ᠳᠠᠭᠠᠵᠤ ᠠᠭᠤᠯᠠᠠᠴᠠ ᠡᠪᠡᠰᠦ ᠲᠦᠯᠡᠭᠡ ᠬᠠᠳᠤᠵᠤ᠂ ᠲᠣᠭᠤᠷᠢᠭᠰᠠᠨ ᠠᠢᠯᠳᠤ ᠲᠡᠨᠦᠨ ᠪᠤᠳᠠᠭᠠ ᠭᠤᠶᠤᠳᠠᠭ ᠪᠠᠢᠵᠠᠢ᠃ ᠣᠳᠣ᠂ ᠨᠢᠭᠡᠨᠲᠡ ᠨᠠᠰᠤᠨᠳᠤ ᠬᠦᠷᠦᠭᠰᠡᠨ ᠬᠡᠦᠬᠡᠨ ᠪᠣᠯᠵᠤ ᠠᠯᠠᠭᠳᠠᠭᠰᠠᠨ ᠠᠪᠤᠲᠠᠢᠪᠠᠨ ᠠᠳᠠᠯᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ ᠪᠣᠯᠪᠠ᠃ ᠥᠴᠦᠭᠡᠳᠦᠷ ᠰᠥᠨᠢ᠂ ᠨᠤᠲᠤᠭᠤᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ ᠯᠣᠣ ᠵᠣᠣ᠂ ᠬᠤᠸᠠᠩ ᠵᠢᠶᠠ ᠺᠤᠸᠠᠩᠳᠤ ᠢᠷᠡᠭᠡᠳ᠂ ᠡᠮᠦᠨᠡ ᠠᠭᠤᠯᠠᠶᠢᠨ ᠡᠩᠭᠡᠷᠲᠡᠬᠢ ᠬᠤᠸᠠᠩ ᠸᠧᠨ ᠯᠢᠶᠠᠩ ᠡᠪᠦᠭᠡᠨᠦ ᠦᠲᠦᠷᠮᠡᠶᠢᠨ ᠭᠡᠷᠲᠦ ᠳᠠᠯᠳᠠᠯᠠᠪᠠ᠃ ᠡᠨᠡ ᠠᠢᠯ ᠪᠣᠯ ᠳᠠᠢᠰᠤᠨᠳᠤ ᠡᠵᠡᠯᠡᠭᠳᠡᠭᠰᠡᠨ ᠣᠷᠤᠨ ᠲᠤᠯᠠ ᠡᠳᠦᠷᠢᠶᠡᠷ ᠠᠵᠢᠯᠯᠠᠵᠤ ᠴᠢᠳᠠᠬᠤᠦᠭᠡᠢ ᠪᠣᠯᠵᠤ᠂ ᠨᠢᠭᠡ ᠡᠳᠦᠷᠢᠶᠡᠷ ᠬᠣᠭᠤᠯᠠ ᠢᠳᠡᠭᠡᠳᠦᠢ ᠠᠵᠢ᠃ ᠡᠢᠮᠦᠡᠴᠡ ᠬᠤᠸᠠᠩ ᠱᠦ ᠢᠩ ᠡᠵᠢᠪᠡᠷᠢᠶᠡᠨ ᠨᠢᠭᠡ ᠬᠤᠯᠤ ᠴᠠᠭᠠᠨ ᠭᠤᠯᠢᠷ ᠵᠢᠭᠡᠯᠡᠭᠦᠯᠵᠦ᠂ ᠬᠣᠶᠠᠷ ᠪᠣᠣᠪᠤ ᠬᠠᠭᠠᠷᠢᠨ᠂ ᠳᠠᠪᠤᠰᠤᠲᠠᠢ ᠨᠤᠭᠤᠰᠤᠨ ᠥᠨᠳᠡᠭᠡ ᠬᠣᠶᠠᠷ ᠴᠢᠨᠠᠭᠠᠳ᠂ ᠰᠢᠷᠠ ᠪᠦᠷᠦᠢ ᠪᠣᠯᠤᠮᠠᠭᠴᠠ ᠯᠣᠣ ᠵᠣᠣᠳᠤ ᠬᠦᠷᠭᠡᠬᠦᠪᠡᠷ ᠶᠠᠪᠤᠯᠠ᠃
ᠦᠶᠡ ᠦᠶᠡ ᠰᠢᠭᠤᠷᠤᠭᠰᠠᠨ ᠰᠢᠭᠤᠷᠭᠠ ᠡᠷᠴᠢᠯᠡᠨ ᠰᠢᠯᠪᠢᠭᠦᠷᠳᠡᠬᠦᠳᠦ᠂ ᠬᠤᠸᠠᠩ ᠱᠦ ᠢᠩ ᠳᠠᠭᠵᠢᠰᠬᠢᠨ ᠴᠡᠴᠡᠷᠡᠵᠦ᠂ ᠵᠡᠭᠡᠯᠢ ᠥᠭᠡᠳᠡ ᠠᠵᠢᠬᠤᠳᠤ ᠶᠡᠬᠡ ᠵᠡᠭᠡᠯᠢ ᠡᠯᠦᠢ ᠬᠤᠯᠤᠢ ᠨᠢᠭᠡᠴᠦ ᠬᠥᠮᠦᠨ ᠦᠵᠡᠭᠳᠡᠬᠦᠦᠭᠡᠢ ᠪᠣᠯᠬᠣᠷ ᠰᠠᠭᠰᠤᠪᠠᠨ ᠯᠠᠪᠳᠠᠭᠤᠨ ᠲᠣᠬᠤᠢᠯᠠᠵᠤ᠂ ᠲᠣᠰᠭᠤᠨᠠᠴᠠ ᠭᠠᠷᠴᠤ ᠰᠠᠯᠬᠢ ᠰᠥᠷᠦᠨ ᠶᠠᠭᠠᠷᠠᠤ ᠠᠯᠬᠤᠯᠠᠪᠠ ᠁
ᠳᠥᠩᠭᠡᠵᠢ ᠠᠭᠤᠯᠠᠶᠢᠨ ᠪᠠᠯ ᠬᠦᠷᠦᠮᠡᠭᠴᠡ ᠭᠡᠨᠡᠳᠲᠡ ᠫᠤᠤ ᠳᠤᠤᠭᠠᠷᠪᠠ᠃ ᠲᠡᠷᠡ ᠰᠣᠴᠢᠰᠬᠢᠨ ᠠᠵᠢᠭᠯᠠᠪᠠᠯ᠂ ᠴᠠᠢᠷᠠᠨ ᠰᠢᠭᠤᠷᠤᠭᠰᠠᠨ ᠴᠠᠰᠤ᠂ ᠠᠭᠤᠯᠠᠶᠢᠨ ᠬᠠᠭᠠᠰ ᠪᠠᠯᠢ ᠤᠲᠤᠭᠠ ᠤᠨᠢᠶᠠᠷᠰᠢᠭ᠋ ᠪᠦᠷᠬᠦᠵᠦ ᠶᠠᠭᠤᠴᠤ ᠦᠵᠡᠭᠳᠡᠬᠦᠦᠭᠡᠢ ᠪᠠᠢᠪᠠ᠃ ᠭᠡᠲᠡᠯᠡ ᠲᠡᠷᠡᠬᠦ ᠤᠲᠤᠭᠠ ᠤᠨᠢᠶᠠᠷᠤᠨ ᠭᠦᠨᠳᠦ ᠫᠤᠤ ᠦᠷᠭᠦᠯᠵᠢᠯᠡᠨ ᠬᠡᠳᠦ ᠳᠤᠤᠭᠠᠷᠪᠠ᠃
ᠬᠤᠸᠠᠩ ᠱᠦ ᠢᠩ 《ᠬᠡᠷᠡᠭ ᠮᠠᠭᠤᠬᠠᠢ ᠪᠣᠯᠤᠯᠠ!》 ᠭᠡᠳ ᠪᠠᠢᠳᠠᠯ ᠬᠦᠨᠳᠦ ᠪᠣᠯᠤᠭᠰᠠᠨᠢ ᠥᠪᠡᠷᠦᠨ ᠡᠷᠬᠡᠦᠭᠡᠢ ᠮᠡᠳᠡᠷᠡᠵᠦ᠂ ᠵᠠᠮᠤᠨ ᠬᠠᠵᠠᠭᠤᠳᠤ ᠮᠡᠭᠡᠷᠡᠨ ᠵᠣᠭᠰᠤᠵᠤ᠂ ᠥᠪᠡᠷᠡᠴᠡᠪᠡᠨ 《ᠶᠠᠭᠠᠬᠢᠬᠤ ᠪᠢᠯᠡ?》 ᠭᠡᠵᠦ ᠠᠰᠠᠭᠤᠨᠠ᠂ ᠵᠠᠯᠭᠠᠭᠠᠳ ᠤᠷᠤᠭᠰᠢᠯᠠᠬᠤᠤᠤ? ᠲᠦᠷ ᠵᠠᠢᠯᠠᠵᠤ ᠳᠠᠯᠳᠠᠯᠠᠬᠤᠤᠤ? ᠭᠡᠵᠦ ᠪᠣᠳᠤᠯᠬᠢᠯᠠᠨ᠂ ᠦᠷᠭᠦᠯᠵᠢᠯᠡᠨ ᠳᠡᠭᠡᠭᠰᠢ ᠶᠠᠪᠤᠪᠠᠯ ᠠᠶᠤᠮᠰᠢᠭᠲᠠᠢ ᠪᠠᠢᠨᠠ᠃ ᠭᠡᠪᠡᠴᠦ ᠳᠡᠮᠡᠢ ᠲᠦᠳᠡᠭᠡᠯᠵᠡᠭᠰᠡᠨᠦᠭᠡᠢᠪᠡᠷ ᠰᠡᠳᠭᠢᠯ ᠰᠢᠭᠤᠳᠪᠠ᠃ ᠰᠠᠭᠰᠤᠨ ᠳᠣᠲᠤᠷᠠᠬᠢ ᠪᠣᠣᠪᠤ᠂ ᠥᠨᠳᠡᠭᠡᠪᠡᠨ ᠰᠣᠨᠤᠷ ᠰᠡᠷᠡᠮᠵᠢᠲᠡᠢᠪᠡᠷ ᠵᠠᠮᠤᠨ ᠬᠠᠵᠠᠭᠤᠶᠢᠨ ᠴᠠᠰᠤᠨᠳᠤ ᠪᠤᠯᠠᠵᠤ ᠬᠣᠭᠤᠰᠤᠨ ᠰᠠᠭᠰᠤᠪᠠᠨ ᠳᠣᠬᠤᠢᠯᠠᠨ ᠦᠷᠭᠦᠯᠵᠢᠯᠡᠨ ᠠᠭᠤᠯᠠ ᠥᠭᠡᠳᠡ ᠠᠪᠠᠷᠢᠪᠠ᠃ ᠳᠡᠮᠡᠢ ᠶᠠᠪᠤᠭᠠᠦᠭᠡᠢᠪᠠᠷ ᠡᠮᠦᠨᠡᠨᠢ ᠡᠷᠢᠶᠡᠨ ᠮᠢᠷᠢᠶᠡᠨ ᠳᠠᠭᠤ ᠭᠠᠷᠴᠤ᠂ ᠤᠷᠲᠤ ᠬᠤᠪᠴᠠᠰᠤᠲᠠᠢ ᠠᠷᠪᠠᠭᠠᠳ ᠬᠥᠮᠦᠨ᠂ ᠨᠢᠭᠡ ᠬᠥᠮᠦᠨᠢ ᠪᠠᠷᠢᠪᠴᠢᠯᠠᠨ ᠠᠭᠤᠯᠠᠠᠴᠠ ᠪᠠᠭᠤᠵᠤ ᠢᠷᠡᠪᠡ᠃ ᠣᠢᠷᠠᠳᠴᠤ ᠣᠴᠢᠭᠠᠳ ᠦᠵᠡᠬᠦᠯᠡᠷ ᠯᠣᠣ ᠵᠣᠣ ᠪᠠᠢᠪᠠ᠃ ᠲᠡᠭᠦᠨᠦ ᠭᠠᠷᠨᠢ ᠠᠷᠤᠳᠠᠭᠠᠨ ᠬᠦᠯᠢᠶᠡᠰᠦᠲᠡᠢ᠂ ᠮᠥᠷᠦᠡᠴᠡᠨᠢ ᠴᠢᠰᠤ ᠭᠣᠭᠤᠵᠢᠨ᠂ ᠨᠢᠭᠤᠷᠲᠤᠨᠢ ᠵᠣᠳᠤᠯᠳᠤᠵᠤ ᠴᠣᠬᠢᠯᠳᠤᠭᠰᠠᠨ ᠣᠷᠤ ᠮᠥᠷ ᠬᠡᠰᠡᠭ ᠬᠡᠰᠡᠭ ᠦᠵᠡᠭᠳᠡᠨᠡ᠃ ᠤᠷᠤᠭᠤᠯᠨᠢ ᠴᠡᠴᠡᠷᠬᠢᠯᠡᠵᠦ ᠲᠠᠲᠠᠯᠳᠤᠨ ᠲᠤᠢᠯᠢᠶᠠᠷ ᠠᠭᠤᠷᠯᠠᠵᠤ ᠬᠢᠯᠢᠩᠨᠡᠭᠰᠡᠨ ᠪᠠᠢᠳᠠᠯ ᠢᠯᠡᠷᠡᠨᠡ᠃ ᠬᠤᠸᠠᠩ ᠱᠦ ᠢᠩᠢ ᠦᠵᠡᠮᠡᠭᠴᠡ ᠨᠢᠳᠦᠨ ᠬᠠᠷᠠᠴᠠᠨᠢ ᠭᠡᠢᠭᠡᠰᠬᠢᠨ ᠨᠢᠭᠤᠷᠲᠤᠨᠢ ᠦᠯᠦ ᠮᠡᠳᠡᠭᠳᠡᠮᠡ ᠢᠨᠢᠶᠡᠮᠰᠦᠭᠯᠡᠯ ᠢᠯᠡᠷᠡᠨᠡ᠃
ᠬᠤᠸᠠᠩ ᠱᠦ ᠢᠩ ᠳᠠᠷᠤᠢᠬᠠᠨ ᠵᠠᠢᠯᠠᠨ ᠥᠭᠴᠦ᠂ ᠵᠠᠮᠤᠨ ᠬᠠᠵᠠᠭᠤᠳᠤ ᠵᠣᠭᠰᠤᠭᠠᠳ᠂ ᠦᠯᠦ ᠲᠠᠨᠢᠭᠴᠢᠰᠢᠭ᠋ ᠠᠵᠢᠭᠦᠭᠡᠢ ᠰᠢᠷᠲᠡᠪᠡ᠃ ᠤᠷᠲᠤ ᠬᠤᠪᠴᠠᠰᠤᠲᠠᠢ ᠳᠡᠭᠡᠷᠡᠮᠴᠢᠳ ᠰᠢᠭᠤᠷᠭᠠᠨ ᠳᠤᠮᠳᠠᠭᠤᠷ ᠬᠦᠵᠦᠭᠦᠦᠪᠡᠨ ᠰᠢᠷᠭᠢᠭᠦᠯᠦᠭᠰᠡᠭᠡᠷ ᠤᠷᠳᠤᠭᠤᠷᠨᠢ ᠠᠩᠬᠠᠷᠤᠯᠦᠭᠡᠢ ᠥᠩᠭᠡᠷᠡᠪᠡ᠃ ᠯᠣᠣ ᠵᠣᠣ ᠬᠠᠵᠠᠭᠤᠳᠤᠨᠢ ᠣᠢᠷᠠᠳᠴᠤ ᠢᠷᠡᠭᠡᠳ᠂ ᠥᠳᠭᠡᠨ ᠬᠠᠷᠠ ᠬᠥᠮᠦᠰᠭᠡᠪᠡᠨ ᠠᠲᠤᠷᠢᠭᠤᠯᠵᠤ᠂ ᠨᠢᠳᠦᠪᠡᠨ ᠬᠦᠴᠦᠲᠡᠢᠬᠡᠨ ᠬᠣᠶᠠᠷ ᠴᠠᠪᠴᠢᠯᠠᠨ᠂ ᠠᠭᠤᠯᠠ ᠥᠭᠡᠳᠡ ᠡᠷᠭᠢᠨ ᠬᠠᠷᠠᠵᠤ ᠣᠢᠯᠠᠭᠠᠭᠳᠠᠰᠢᠦᠭᠡᠢ ᠨᠢᠭᠤᠴᠠ ᠳᠣᠬᠢᠶᠠ ᠥᠭᠪᠡ᠃ ᠡᠳᠡᠭᠡᠷ ᠪᠦᠬᠦᠨᠨᠢ ᠡᠨᠡ ᠮᠡᠲᠦ ᠰᠣᠴᠢᠮᠠᠭᠢᠶᠠᠷ ᠲᠣᠬᠢᠶᠠᠯᠳᠤᠵᠤ᠂ ᠬᠤᠸᠠᠩ ᠱᠦ ᠢᠩ ᠪᠦᠷᠢᠨ ᠣᠢᠯᠠᠭᠠᠵᠤ ᠠᠮᠵᠢᠭᠠᠳᠤᠢ ᠪᠠᠢᠲᠠᠯᠠ᠂ ᠯᠣᠣ ᠵᠣᠣ ᠬᠣᠯᠠᠳᠤᠨ ᠣᠳᠪᠠ᠃ ᠤᠲᠤᠭᠠᠰᠢᠭ᠋ ᠬᠠᠷᠠᠩᠭᠤᠢᠯᠠᠨ ᠪᠠᠢᠭᠠ ᠰᠢᠭᠤᠷᠭᠠ᠂ ᠲᠡᠳᠡᠨᠦ ᠪᠠᠷᠠ ᠰᠡᠭᠦᠳᠡᠷᠢᠨᠢ ᠦᠳᠲᠡᠷ ᠪᠠᠯᠠᠷᠠᠭᠤᠯᠤᠨ ᠣᠷᠬᠢᠯᠠ ᠁
ᠬᠤᠸᠠᠩ ᠱᠦ ᠢᠩ ᠵᠠᠮᠤᠨ ᠵᠠᠬᠠᠳᠠᠬᠢ ᠬᠥᠷ ᠴᠠᠰᠤᠨᠳᠤ ᠵᠣᠭᠰᠤᠨ ᠴᠠᠢᠷᠠᠨ ᠬᠤᠢᠯᠠᠷᠠᠭᠰᠠᠨ ᠰᠢᠭᠤᠷᠭᠠᠨ ᠳᠤᠮᠳᠠᠭᠤᠷ᠂ ᠥᠴᠦᠬᠡᠨᠴᠦ ᠬᠥᠳᠡᠯᠦᠯᠦᠭᠡᠢᠪᠡᠷ ᠮᠡᠯᠡᠷᠡᠨ ᠰᠢᠷᠲᠡᠨᠡ᠃ ᠪᠠᠴᠢᠮᠳᠠᠭᠰᠠᠨ ᠰᠡᠳᠭᠢᠯᠭᠡᠪᠡᠨ ᠳᠠᠷᠤᠵᠤ ᠶᠠᠳᠠᠨ᠂ ᠳᠠᠭᠠᠷᠢᠨ ᠣᠷᠤᠵᠤ ᠯᠣᠣ ᠵᠣᠣᠶᠢ ᠠᠪᠤᠷᠠᠭᠰᠠᠨᠦᠭᠡᠢᠳᠠᠭᠠᠨ ᠪᠡᠶᠡᠪᠡᠨ ᠵᠢᠮᠡᠯᠡᠬᠦᠳᠦ᠂ ᠲᠡᠮᠦᠷᠦᠨ ᠳᠠᠷᠬᠠᠨ ᠬᠤᠸᠠᠩ ᠯᠣᠣ ᠵᠢᠢᠶᠢᠨ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠴᠢᠨᠠᠷ᠂ ᠪᠦᠬᠦ ᠪᠡᠶᠡᠳᠦᠨᠢ ᠡᠷᠴᠢᠯᠡᠨ ᠣᠷᠭᠢᠯᠵᠤ ᠪᠠᠢᠯᠠ᠃ ᠡᠢᠮᠦᠡᠴᠡ᠂ ᠥᠬᠢᠨ ᠤᠯᠠᠮ ᠵᠣᠷᠢᠭᠵᠢᠪᠠ᠃ ᠭᠡᠪᠡᠴᠦ ᠯᠣᠣ ᠵᠣᠣᠶᠢᠨ ᠥᠭᠭᠦᠭᠰᠡᠨ ᠣᠢᠯᠠᠭᠠᠭᠳᠠᠰᠢᠦᠭᠡᠢ ᠨᠢᠭᠤᠴᠠ ᠳᠣᠬᠢᠶᠠᠨᠢ ᠲᠡᠳᠦᠢᠬᠡᠨ ᠵᠠᠭᠤᠷᠠ ᠲᠡᠭᠦᠨᠦ ᠤᠭᠤᠷᠠᠭ ᠲᠠᠷᠢᠬᠢᠨᠳᠤ ᠢᠯᠡᠷᠡᠪᠡ᠃ ᠡᠨᠡᠬᠦ ᠨᠢᠭᠤᠴᠠ ᠳᠣᠬᠢᠶᠠ ᠲᠡᠭᠦᠨᠦ ᠲᠠᠷᠢᠬᠢᠨᠳᠤ ᠡᠭᠦᠯᠡ ᠮᠠᠨᠠᠨᠰᠢᠭ᠋ ᠥᠷᠭᠡᠵᠢᠵᠦ᠂ ᠬᠣᠭᠤᠰᠤᠨ ᠪᠣᠳᠤᠯ ᠪᠠ ᠠᠭᠤᠷ ᠬᠢᠯᠢᠩᠢᠨᠢ ᠳᠠᠷᠤᠪᠠ᠃ ᠵᠢᠯ ᠭᠠᠷᠤᠢ ᠨᠢᠭᠤᠴᠠ ᠲᠡᠮᠡᠴᠡᠯ ᠶᠠᠪᠤᠭᠤᠯᠤᠭᠰᠠᠨ ᠲᠤᠷᠰᠢᠯᠭᠠᠪᠠᠨ ᠦᠨᠳᠦᠰᠦᠯᠡᠪᠡᠯ ᠯᠣᠣ ᠵᠣᠣᠶᠢᠨ ᠬᠥᠮᠦᠰᠭᠡᠪᠡᠨ ᠠᠲᠤᠷᠢᠭᠤᠯᠤᠨ᠂ ᠨᠢᠳᠦᠪᠡᠨ ᠴᠠᠪᠴᠢᠯᠬᠢᠯᠠᠵᠤ ᠡᠷᠭᠢᠨ ᠬᠠᠷᠠᠭᠰᠠᠨᠨᠢ ᠨᠢᠭᠡᠨ ᠤᠴᠢᠷᠲᠠᠢ ᠪᠣᠯᠬᠤᠶᠢ ᠣᠢᠯᠠᠭᠠᠪᠠ᠃ ᠭᠡᠪᠡᠴᠦ᠂ ᠴᠣᠬᠤᠮ ᠵᠣᠷᠢᠯᠭᠠᠨᠢ ᠶᠠᠭᠤᠨᠳᠤ ᠪᠠᠢᠬᠤ ᠪᠤᠢ? ᠭᠡᠵᠦ ᠵᠢᠷᠪᠢᠢᠭᠰᠡᠨ ᠤᠷᠲᠤ ᠬᠥᠮᠦᠰᠭᠡᠪᠡᠨ ᠵᠠᠩᠭᠢᠳᠴᠤ ᠨᠠᠷᠢᠪᠴᠢᠯᠠᠨ ᠪᠣᠳᠤᠪᠠ᠃ ᠡᠨᠡ ᠦᠶᠡᠳᠦ ᠣᠷᠤᠢᠶᠢᠨ ᠰᠢᠭᠤᠷᠭᠠᠨ ᠭᠠᠯᠵᠠᠭᠤᠷᠠᠭᠰᠠᠨ ᠮᠡᠲᠦ ᠰᠢᠷᠦᠭᠦᠰᠴᠦ᠂ ᠲᠡᠭᠦᠨᠦ ᠰᠠᠢᠬᠠᠨ ᠬᠠᠷᠠ ᠭᠡᠵᠢᠭᠡᠨᠢ ᠰᠠᠯᠬᠢᠨᠳᠤ ᠦᠯᠢᠶᠡᠭᠳᠡᠨ ᠰᠡᠷᠪᠡᠯᠵᠡᠭᠡᠳ᠂ ᠬᠠᠴᠠᠷᠨᠢ ᠬᠠᠭᠠᠷᠢᠭᠳᠠᠨ ᠬᠥᠪ ᠬᠥᠬᠡᠷᠡᠨ᠂ ᠬᠥᠷ ᠴᠠᠰᠤᠨᠤ ᠭᠦᠨᠳᠦ ᠴᠥᠮᠦᠷᠡᠨ ᠣᠷᠤᠭᠰᠠᠨ ᠬᠥᠯᠨᠢ ᠵᠢᠮᠵᠢᠭᠢᠨᠡᠨ ᠶᠠᠩᠭᠢᠨᠠᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ᠂ ᠡᠨᠡ ᠪᠦᠬᠦᠨᠢ ᠠᠵᠢᠶᠠᠷᠠᠭᠰᠠᠨᠴᠤᠦᠭᠡᠢ᠂ ᠪᠦᠬᠦ ᠰᠡᠳᠭᠢᠯᠢᠶᠡᠨ ᠲᠥᠪᠯᠡᠷᠡᠭᠦᠯᠦᠨ ᠨᠠᠷᠢᠨ ᠬᠢᠨᠠᠭᠤᠷ ᠪᠠᠢᠳᠠᠯᠳᠤ ᠣᠷᠤᠪᠠ᠃ ᠵᠢᠷᠦᠨ ᠦᠶᠡᠳᠦ ᠵᠡᠷᠭᠡᠯᠡᠳᠡᠭᠡ ᠭᠡᠷᠦᠨ ᠬᠡᠦᠬᠡᠨᠴᠦᠳᠲᠡᠢ ᠦᠶᠡᠷᠬᠡᠨ ᠣᠨᠢᠰᠤᠭᠠ ᠲᠠᠭᠠᠵᠤ ᠨᠠᠭᠠᠳᠬᠤᠳᠠᠭᠠᠨ ᠴᠥᠭᠡᠨ ᠭᠠᠷᠲᠠᠭᠠᠭᠳᠠᠳᠠᠭ᠂ ᠬᠠᠨᠢᠲᠠᠨᠤᠪᠠᠨ ᠳᠣᠲᠤᠷᠠ ᠬᠠᠮᠤᠭᠤᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠭᠡᠭᠳᠡᠳᠡᠭᠶᠦᠮ᠃ ᠲᠡᠳᠡ ᠪᠦᠷ ᠲᠡᠭᠦᠨᠢ ᠣᠨᠢᠰᠤᠭᠠ ᠲᠠᠭᠠᠬᠤ ᠮᠡᠷᠭᠡᠵᠢᠯᠲᠡᠨ ᠭᠡᠨᠡ᠃ ᠭᠡᠪᠡᠴᠦ᠂ ᠣᠳᠣᠬᠢᠶᠢᠨ ᠡᠨᠡ ᠣᠨᠢᠰᠤᠭᠠᠨᠢ ᠲᠡᠭᠦᠨᠳᠦ ᠣᠭᠲᠤ ᠣᠢᠯᠠᠭᠠᠭᠳᠠᠰᠢᠦᠭᠡᠢ᠂ ᠲᠠᠭᠠᠵᠤ ᠮᠡᠳᠡᠬᠦᠳᠦ ᠬᠠᠮᠤᠭᠤᠨ ᠬᠡᠴᠡᠭᠦᠦ ᠪᠠᠢᠪᠠ᠃ ᠲᠡᠭᠡᠭᠡᠳ ᠡᠴᠦᠰᠲᠦᠨᠢ ᠦᠲᠦᠷᠮᠡᠶᠢᠨ ᠭᠡᠷᠲᠦ ᠣᠴᠢᠵᠤ ᠦᠵᠡᠬᠦᠪᠡᠷ ᠰᠢᠭᠤᠳᠪᠠ᠃ ᠤᠴᠢᠷᠨᠢ ᠯᠣᠣ ᠵᠣᠣᠶᠢᠨ ᠡᠷᠭᠢᠵᠦ ᠬᠠᠷᠢᠨ ᠳᠣᠬᠢᠶᠠ ᠥᠭᠭᠦᠭᠰᠡᠨᠨᠢ ᠦᠲᠦᠷᠮᠡᠶᠢᠨ ᠭᠡᠷᠲᠦ ᠶᠠᠮᠠᠷ ᠨᠢᠭᠡ ᠭᠦᠢᠴᠡᠳᠭᠡᠭᠡᠳᠦᠢ ᠶᠠᠪᠤᠳᠠᠯ ᠪᠠᠢᠬᠤᠶᠢ ᠮᠡᠳᠡᠪᠡ᠃ ᠡᠢᠮᠦᠡᠴᠡ᠂ ᠰᠡᠩᠳᠡ ᠮᠡᠩᠳᠡ ᠠᠯᠬᠤᠯᠠᠵᠤ ᠲᠡᠳᠡᠨᠦ ᠰᠠᠶᠢᠬᠠᠨ ᠪᠠᠭᠤᠵᠤ ᠢᠷᠡᠭᠰᠡᠨ ᠠᠭᠤᠯᠠᠨ ᠵᠠᠮᠢ ᠥᠭᠰᠦᠨ᠂ ᠠᠭᠤᠯᠠᠨ ᠬᠢᠷᠠᠳᠠᠬᠢ ᠦᠲᠦᠷᠮᠡᠶᠢᠨ ᠭᠡᠷ ᠤᠷᠤᠭᠤ ᠣᠴᠢᠪᠠ᠃
ᠦᠲᠦᠷᠮᠡᠶᠢᠨ ᠭᠡᠷᠦᠨ ᠡᠭᠦᠳᠡᠨᠢ ᠨᠡᠭᠡᠭᠡᠭᠳᠡᠵᠦ ᠭᠡᠷᠦᠨ ᠳᠣᠲᠤᠷᠠ ᠳᠠᠷᠢᠶᠢᠨ ᠦᠨᠦᠷ ᠬᠠᠩᠬᠤᠯᠤᠨ᠂ ᠭᠢᠰᠭᠢᠭᠳᠡᠨ ᠲᠠᠯᠬᠢᠭᠳᠠᠭᠰᠠᠨ ᠬᠠᠭᠤᠷᠠᠢ ᠡᠪᠡᠰᠦ ᠭᠠᠵᠠᠷ ᠳᠦᠭᠦᠷᠴᠦ᠂ ᠡᠪᠡᠰᠦᠨᠳᠦᠨᠢ ᠤᠯᠠᠭᠠᠨ ᠴᠢᠰᠤ ᠴᠣᠬᠤᠷᠯᠠᠨ ᠳᠤᠰᠤᠯᠠᠭᠰᠠᠨ ᠪᠥᠭᠡᠳ ᠭᠠᠷ ᠫᠤᠤᠶᠢᠨ ᠬᠡᠳᠦᠨ ᠭᠢᠯᠠᠯᠵᠠᠭᠰᠠᠨ ᠬᠣᠩᠭᠢᠶᠠ ᠪᠠᠢᠪᠠ᠃ ᠪᠠᠢᠳᠠᠯᠢᠨᠢ ᠦᠵᠡᠬᠦᠳᠦ ᠯᠣᠣ ᠵᠣᠣ ᠭᠡᠨᠡᠳᠲᠡ ᠳᠠᠭᠠᠷᠢᠭᠳᠠᠵᠤ᠂ ᠲᠦᠷ ᠵᠠᠭᠤᠷᠠᠶᠢᠨ ᠲᠡᠮᠡᠴᠡᠯᠢ ᠥᠩᠭᠡᠷᠡᠭᠡᠨ ᠰᠢᠷᠬᠠᠲᠤᠭᠠᠳ ᠰᠠᠶᠢ ᠪᠠᠷᠢᠪᠴᠢᠯᠠᠭᠳᠠᠭᠰᠠᠨ ᠪᠣᠯᠤᠯᠲᠠᠢ᠃ ᠬᠠᠨᠵᠤᠨ ᠪᠤᠯᠤᠩᠳᠤ ᠬᠥᠬᠡ ᠬᠥᠪᠦᠩ ᠬᠥᠨᠵᠢᠯᠡ ᠬᠤᠷᠢᠶᠠᠭᠠᠰᠤᠲᠠᠢ ᠪᠠᠢᠯᠠ (ᠡᠨᠡ ᠬᠥᠨᠵᠢᠯᠡᠶᠢ ᠬᠤᠸᠠᠩ ᠡᠵᠢ ᠥᠴᠦᠭᠡᠳᠦᠷ ᠰᠥᠨᠢ ᠯᠣᠣ ᠵᠣᠣᠳᠤ ᠥᠭᠴᠦ ᠬᠤᠴᠢᠭᠤᠯᠤᠭᠰᠠᠨ ᠪᠠᠢᠵᠠᠢ)᠃ ᠱᠦ ᠢᠩ ᠰᠠᠨᠠᠭᠠᠴᠢᠯᠠᠭᠠᠲᠠᠢᠪᠠᠷ ᠬᠥᠨᠵᠢᠯᠡᠶᠢ ᠠᠪᠴᠤ ᠬᠦᠴᠦᠲᠡᠢᠬᠡᠨ ᠰᠡᠭᠰᠦᠷᠬᠦᠳᠦ᠂ ᠬᠥᠨᠵᠢᠯᠡᠶᠢᠨ ᠥᠨᠴᠦᠭᠡᠴᠡᠨᠢ ᠬᠡᠰᠡᠭ ᠪᠦᠰ ᠤᠷᠠᠭᠳᠠᠵᠤ ᠨᠠᠪᠰᠠᠢᠭᠠᠳ᠂ ᠬᠠᠭᠤᠴᠢᠨ ᠬᠥᠪᠦᠩᠨᠢ ᠭᠠᠷᠤᠭᠰᠠᠨᠢ ᠣᠯᠵᠤ ᠦᠵᠡᠪᠡ᠃ ᠲᠡᠭᠦᠨᠢ ᠰᠡᠵᠢᠭᠯᠡᠨ ᠬᠥᠨᠵᠢᠯᠡᠶᠢ ᠨᠠᠷᠢᠨ ᠨᠢᠮᠪᠠᠢ ᠲᠡᠮᠲᠡᠷᠢᠵᠦ ᠦᠵᠡᠭᠡᠳ ᠶᠠᠭᠤᠴᠤ ᠣᠯᠤᠭᠰᠠᠨᠦᠭᠡᠢ᠃ ᠲᠡᠭᠡᠭᠡᠳ ᠥᠨᠥᠬᠢ ᠤᠷᠠᠵᠤ ᠠᠪᠤᠭᠰᠠᠨ ᠪᠦᠰᠢ ᠳᠠᠬᠢᠨ ᠨᠠᠷᠢᠪᠴᠢᠯᠠᠨ ᠡᠷᠢᠪᠡᠴᠦ ᠪᠠᠰᠠ ᠶᠠᠭᠤᠴᠤ ᠣᠯᠤᠭᠰᠠᠨᠦᠭᠡᠢ᠃ ᠬᠠᠮᠢᠭᠠᠨᠢᠴᠤ ᠭᠡᠳ ᠥᠨᠥᠬᠢ ᠥᠭᠡᠳᠡᠰᠦᠨᠦ ᠣᠷᠤ ᠮᠥᠷ ᠬᠠᠷᠠᠭᠳᠠᠬᠤᠦᠭᠡᠢ᠃ ᠬᠠᠭᠠᠭᠳᠠᠭᠰᠠᠨ ᠡᠭᠦᠳᠡ ᠨᠡᠭᠡᠭᠡᠭᠳᠡᠭᠰᠡᠨᠲᠡᠢ ᠠᠳᠠᠯᠢ᠂ ᠱᠦ ᠢᠩ ᠭᠡᠨᠡᠳᠲᠡ ᠬᠠᠰᠭᠢᠷᠪᠠ᠃ ᠪᠠᠴᠢᠮ ᠲᠤᠯᠭᠠᠮᠠ ᠪᠠᠢᠳᠠᠯᠤᠨ ᠳᠣᠣᠷᠠ: ᠯᠣᠣ ᠵᠣᠣ ᠡᠨᠡᠬᠦ ᠪᠦᠰᠢ ᠤᠷᠠᠨ ᠠᠪᠴᠤ ᠶᠠᠮᠠᠷ ᠨᠢᠭᠡᠨ ᠴᠢᠬᠤᠯᠠ ᠶᠠᠭᠤᠮᠠ ᠪᠣᠭᠤᠭᠠᠳ᠂ ᠨᠢᠭᠡ ᠭᠠᠵᠠᠷ ᠨᠢᠭᠤᠭᠰᠠᠨ ᠪᠥᠭᠡᠳ ᠲᠡᠷᠡ ᠶᠠᠭᠤᠮᠠᠨᠢᠴᠤ ᠡᠨᠡ ᠭᠡᠷᠲᠦ ᠪᠠᠢᠬᠤ ᠶᠣᠰᠤᠲᠠᠢ ᠭᠡᠵᠦ ᠢᠲᠡᠭᠡᠪᠡ᠃ ᠡᠨᠳᠡ ᠬᠦᠷᠲᠡᠯᠡ ᠪᠣᠳᠤᠭᠠᠳ ᠲᠡᠰᠭᠡᠯᠦᠭᠡᠢ ᠪᠠᠶᠠᠷᠯᠠᠪᠠ᠃ ᠴᠢᠩᠭᠢᠭᠡᠳ ᠲᠡᠷᠡ ᠶᠠᠭᠤᠮᠠᠶᠢ ᠡᠷᠢᠵᠦ ᠡᠬᠢᠯᠡᠵᠡᠢ᠃ ᠭᠠᠵᠠᠷ ᠳᠡᠪᠢᠰᠦᠭᠰᠡᠨ ᠡᠪᠡᠰᠦᠶᠢ ᠤᠷᠪᠠᠭᠤᠯᠪᠠᠴᠤ ᠶᠠᠭᠤᠴᠤ ᠣᠯᠤᠭᠰᠠᠨᠦᠭᠡᠢ᠂ ᠭᠡᠷᠦᠨ ᠪᠤᠯᠤᠩᠳᠠᠬᠢ ᠬᠣᠭ ᠨᠣᠪᠰᠢᠪᠠᠷ ᠳᠦᠭᠦᠷᠦᠭᠰᠡᠨ ᠰᠠᠪᠠ ᠳᠣᠭᠤᠤᠷ ᠬᠥᠷᠪᠡᠭᠦᠯᠦᠨ ᠦᠵᠡᠪᠡᠴᠦ ᠪᠠᠰᠠ ᠣᠯᠤᠭᠠᠦᠭᠡᠢ᠃ ᠲᠡᠭᠡᠭᠡᠳ ᠵᠤᠤᠬᠠᠨ ᠳᠡᠭᠡᠷᠡ ᠭᠢᠰᠭᠢᠨ ᠪᠠᠢᠰᠢᠩᠤᠨ ᠨᠢᠷᠤᠭᠤᠨᠳᠤ ᠡᠷᠢᠭᠰᠡᠨᠴᠦ ᠣᠯᠤᠭᠰᠠᠨ ᠶᠠᠭᠤᠮᠠ ᠠᠯᠠᠭᠠ᠃ ᠪᠦᠬᠦ ᠭᠡᠷᠢ ᠨᠡᠩᠵᠢᠵᠦ ᠣᠩᠭᠢᠴᠢᠪᠠᠴᠤ ᠶᠠᠭᠤᠴᠤ ᠣᠯᠤᠭᠰᠠᠨᠦᠭᠡᠢ᠃ ᠰᠡᠭᠦᠯᠳᠦᠨᠢ ᠠᠷᠭᠠ ᠮᠤᠬᠤᠷᠳᠠᠭᠰᠠᠨ ᠪᠠᠢᠳᠠᠯᠲᠠᠢ ᠡᠭᠦᠳᠡ ᠲᠦᠰᠢᠨ ᠵᠣᠭᠰᠤᠵᠤ᠂ ᠦᠨᠡᠰᠦᠨ ᠥᠩᠭᠡᠲᠦ ᠠᠭᠠᠷᠤᠨ ᠴᠠᠰᠤ ᠰᠢᠭᠤᠷᠭᠠᠨᠢ ᠰᠢᠷᠲᠡᠨ ᠮᠡᠯᠡᠷᠡᠭᠡᠳ᠂ ᠭᠱᠠᠨ ᠵᠠᠭᠤᠷᠠ ᠲᠤᠢᠯᠤᠨ ᠶᠡᠬᠡ ᠶᠠᠳᠠᠷᠠᠨ ᠵᠦᠳᠡᠷᠡᠭᠰᠡᠨᠰᠢᠭ ᠰᠠᠨᠠᠭᠳᠠᠵᠤ᠂ ᠰᠠᠶᠢᠬᠠᠨᠤᠪᠠᠨ ᠲᠠᠭᠠᠮᠠᠭᠯᠠᠵᠤ ᠪᠣᠳᠤᠭᠰᠠᠨ ᠪᠦᠬᠦᠨᠢᠶᠡᠨ ᠰᠡᠵᠢᠭᠯᠡᠵᠦ ᠡᠬᠢᠯᠡᠪᠡ᠃ ᠭᠡᠲᠡᠯᠡ᠂ ᠳᠡᠮᠡᠢ ᠤᠳᠠᠯᠦᠭᠡᠢ ᠪᠠᠰᠠ ᠵᠣᠷᠢᠭᠵᠢᠵᠤ 《ᠦᠭᠡᠢ᠂ ᠲᠡᠢᠮᠦ ᠪᠢᠰᠢ ᠪᠠᠢᠬᠤ ᠡ᠂ ᠯᠠᠪᠲᠠᠢ ᠶᠠᠭᠤᠮᠠ ᠪᠠᠢᠬᠤ ᠶᠣᠰᠤᠲᠠᠢ᠃ ᠶᠠᠭᠠᠷᠠᠯᠦᠭᠡᠢᠪᠠᠷ ᠠᠭᠠᠵᠢᠮ ᠡᠷᠢᠶᠡ!》 ᠭᠡᠳ ᠬᠣᠶᠠᠷ ᠨᠢᠳᠦᠪᠡᠨ ᠬᠤᠷᠴᠠᠯᠠᠵᠤ ᠭᠡᠷᠦᠨ ᠳᠣᠲᠤᠷᠠᠬᠢᠶᠢ ᠪᠦᠷᠢᠨ ᠨᠡᠩᠵᠢᠪᠡ᠃ ᠳᠡᠮᠡᠢ ᠤᠳᠠᠭᠰᠠᠨᠦᠭᠡᠢ ᠲᠡᠭᠦᠨᠦ ᠨᠢᠳᠦᠨᠢ ᠵᠤᠤᠬᠠᠨ ᠳᠡᠭᠡᠷᠡᠬᠢ ᠣᠪᠤᠭᠠᠯᠠᠭᠠᠰᠤᠲᠠᠢ ᠦᠨᠡᠰᠦᠨᠳᠦ ᠲᠤᠰᠴᠤ 《ᠰᠣᠨᠢᠬᠠᠨ ᠠ᠋!》 ᠭᠡᠵᠦ ᠪᠣᠳᠤᠪᠠ᠃ 《 ᠬᠠᠨᠵᠤᠨ ᠬᠣᠭᠤᠯᠠᠢᠶᠢᠨ ᠦᠨᠡᠰᠦ ᠶᠠᠭᠠᠬᠢᠭᠠᠳ ᠵᠤᠤᠬᠠᠨ ᠳᠡᠭᠡᠷᠡ ᠭᠠᠷᠴᠤ ᠢᠷᠡᠭᠰᠡᠨ ᠪᠤᠢ?》 ᠭᠡᠭᠰᠡᠭᠡᠷ ᠵᠢᠷᠦᠬᠡᠨᠢ ᠲᠦᠭ ᠲᠦᠭ ᠴᠣᠬᠢᠯᠠᠵᠤ᠂ ᠴᠣᠩᠬᠤᠨ ᠴᠠᠭᠠᠰᠤ ᠴᠣᠭᠤᠯᠤᠭᠰᠠᠨ ᠮᠡᠲᠦ ᠭᠱᠠᠨ ᠵᠠᠭᠤᠷᠠ ᠤᠬᠠᠭᠠᠷᠠᠵᠤ ᠪᠦᠬᠦᠨᠢ ᠣᠢᠯᠠᠭᠠᠯᠠ᠃ ᠲᠡᠭᠡᠭᠡᠳ ᠯᠣᠣ ᠵᠣᠣᠶᠢᠨ ᠰᠡᠳᠭᠢᠯᠢ ᠨᠡᠪᠲᠡ ᠦᠵᠡᠵᠦ ᠭᠠᠷᠤᠭᠰᠠᠨ ᠮᠡᠲᠦ ᠪᠣᠯᠪᠠ᠂ ᠪᠠᠴᠢᠮ ᠶᠠᠭᠠᠷᠠᠤ ᠪᠠᠢᠳᠠᠯᠤᠨ ᠳᠣᠣᠷᠠ ᠪᠠᠰᠠ ᠴᠢᠬᠤᠯᠠ ᠶᠠᠭᠤᠮᠠᠪᠠᠨ ᠬᠢᠴᠢᠶᠡᠩᠭᠦᠢ ᠪᠣᠯᠭᠤᠮᠵᠢᠲᠠᠢ ᠪᠣᠭᠤᠵᠤ ᠬᠠᠨᠵᠤᠨ ᠬᠣᠭᠤᠯᠠᠢᠳᠤ ᠨᠢᠭᠤᠵᠤ᠂ ᠰᠡᠴᠡᠨ ᠱᠦ ᠢᠩᠢ ᠯᠠᠪ ᠲᠠᠭᠠᠵᠤ ᠣᠯᠬᠤᠶᠢ ᠮᠥᠷᠦᠭᠡᠳᠦᠨ᠂ ᠬᠡᠷᠪᠡ ᠣᠯᠬᠤᠦᠭᠡᠢᠳᠤ ᠬᠦᠷᠪᠡᠯ᠂ ᠡᠨᠡᠬᠦ ᠴᠢᠬᠤᠯᠠ ᠶᠠᠭᠤᠮᠠᠨᠢ ᠬᠡᠷᠬᠢᠪᠡᠴᠦ ᠠᠯᠳᠠᠬᠤᠦᠭᠡᠢ ᠪᠥᠭᠡᠳ ᠬᠠᠷᠢᠨ ᠭᠡᠷᠦᠨ ᠡᠵᠡᠨ ᠬᠠᠨᠵᠤᠨᠳᠠᠭᠠᠨ ᠭᠠᠯ ᠲᠦᠯᠡᠭᠦᠳᠦ ᠰᠢᠲᠠᠭᠳᠠᠴᠢᠬᠠᠨᠠ᠃ ᠱᠦ ᠢᠩ ᠢᠩᠭᠢᠵᠦ ᠪᠣᠳᠤᠭᠠᠳ ᠳᠠᠷᠤᠢ ᠰᠥᠭᠦᠳᠦᠨ ᠰᠠᠭᠤᠵᠤ᠂ ᠬᠠᠨᠵᠤᠨᠤ ᠬᠣᠭᠤᠯᠠᠢᠪᠠᠷ ᠭᠠᠷᠢᠶᠠᠨ ᠣᠷᠤᠭᠤᠯᠤᠨ ᠲᠡᠮᠲᠡᠷᠢᠭᠰᠡᠨᠳᠦ᠂ ᠦᠨᠡᠰᠦᠨᠦ ᠳᠣᠲᠤᠷᠠ ᠨᠢᠭᠡᠨ ᠵᠥᠭᠡᠯᠡᠨ ᠶᠠᠭᠤᠮᠠ ᠪᠠᠷᠢᠭᠳᠠᠪᠠ᠂ ᠱᠤ ᠢᠩᠦᠨ ᠵᠢᠷᠦᠬᠡᠨᠢ ᠤᠯᠠᠮ ᠲᠦᠭᠰᠢᠵᠦ᠂ ᠴᠡᠴᠡᠷᠬᠢᠯᠡᠭᠰᠡᠨ ᠭᠠᠷᠢᠶᠠᠷᠢᠶᠠᠨ ᠠᠪᠴᠤ ᠭᠠᠷᠭᠠᠨ ᠦᠵᠡᠬᠦᠯᠡᠷ᠂ ᠬᠠᠷᠢᠨ ᠥᠨᠥ ᠬᠥᠪᠦᠩᠲᠡᠢ ᠬᠥᠬᠡ ᠬᠥᠨᠵᠢᠯᠡᠡᠴᠡ ᠤᠷᠠᠵᠤ ᠠᠪᠤᠭᠰᠠᠨ ᠪᠦᠰᠲᠦ ᠨᠢᠭᠡ ᠶᠠᠭᠤᠮᠠ ᠪᠣᠭᠤᠵᠤ ᠣᠷᠬᠢᠭᠰᠠᠨ ᠪᠠᠢᠯᠠ᠃ ᠲᠡᠭᠦᠨᠢ ᠨᠢᠳᠡᠷᠡᠵᠦ ᠲᠡᠮᠲᠡᠷᠢᠬᠦᠳᠦ ᠱᠠᠷᠴᠢᠭᠢᠨᠠᠭᠰᠠᠨ ᠳᠠᠭᠤ ᠭᠠᠷᠤᠨᠠ᠃ ᠨᠢᠭᠡ ᠬᠡᠰᠡᠭ ᠴᠠᠭᠠᠰᠤᠶᠢ ᠪᠣᠭᠤᠭᠰᠠᠨ ᠪᠣᠯᠤᠯᠲᠠᠢ᠂ ᠱᠦ ᠢᠩ ᠨᠠᠷᠢᠪᠴᠢᠯᠠᠨ ᠦᠵᠡᠵᠦ ᠵᠠᠪᠳᠤᠭᠰᠠᠨᠦᠭᠡᠢᠪᠠᠷ᠂ ᠪᠦᠰ ᠪᠣᠭᠤᠯᠲᠠᠲᠠᠢᠨᠢ ᠡᠪᠦᠷᠯᠡᠭᠡᠳ᠂ ᠦᠲᠦᠷᠮᠡᠶᠢᠨ ᠭᠡᠷᠡᠴᠡ ᠭᠠᠷᠴᠤ ᠠᠢᠯ ᠵᠦᠭᠢᠶᠡᠨ ᠶᠠᠪᠤᠪᠠ᠃
ᠭᠡᠷᠲᠡᠭᠡᠨ ᠬᠠᠷᠢᠵᠤ ᠢᠷᠡᠬᠦᠳᠦ᠂ ᠣᠷᠤᠢᠶᠢᠨ ᠬᠣᠭᠤᠯᠠ ᠢᠳᠡᠵᠦ ᠳᠠᠭᠤᠰᠴᠠᠢ᠂ ᠬᠤᠸᠠᠩ ᠡᠵᠢ ᠲᠡᠭᠦᠨᠢ ᠬᠦᠯᠢᠶᠡᠵᠦ ᠶᠠᠳᠠᠨ ᠠᠶᠤᠨ ᠪᠠᠴᠢᠮᠳᠠᠭᠰᠠᠨ ᠪᠠᠢᠳᠠᠯᠲᠠᠢ ᠰᠠᠭᠤᠵᠤ ᠪᠠᠢᠯᠠ᠃
《ᠶᠠᠮᠠᠷ ᠬᠡᠷᠡᠭ ᠭᠠᠷᠴᠢᠬᠠᠪᠠ?》 ᠭᠡᠵᠦ ᠬᠤᠸᠠᠩ ᠡᠵᠢ ᠰᠡᠵᠢᠭᠲᠡᠢᠬᠡᠨ ᠰᠠᠨᠳᠤᠷᠴᠤ ᠠᠰᠠᠭᠤᠪᠠ᠂
ᠱᠦ ᠢᠩ ᠬᠠᠷᠢᠭᠤᠯᠤᠭᠰᠠᠨᠴᠤᠦᠭᠡᠢᠪᠠᠷ ᠡᠵᠢᠪᠡᠨ ᠲᠦᠯᠬᠢᠵᠦ:
《ᠡᠵᠢ ᠡ᠂ ᠲᠠ ᠡᠭᠦᠳᠡᠨ ᠳᠡᠭᠡᠷᠡ ᠠᠵᠢᠭᠯᠠᠵᠤ ᠪᠠᠢᠭᠠᠷᠠᠢ》 ᠭᠡᠳ ᠪᠤᠰᠢᠭᠤᠬᠠᠨ ᠭᠡᠷᠲᠡᠭᠡᠨ ᠭᠦᠶᠦᠨ ᠣᠷᠤᠵᠤ᠂ ᠳ᠋ᠧᠩᠢᠶᠡᠨ ᠠᠰᠠᠭᠠᠵᠤ ᠪᠦᠰ ᠪᠣᠭᠤᠳᠠᠯᠢ ᠵᠠᠳᠠᠯᠵᠤ ᠥᠨᠥ ᠴᠠᠭᠠᠰᠤᠶᠢ ᠭᠠᠷᠭᠠᠪᠠ᠃ ᠳᠡᠭᠡᠷᠡᠨᠢ ᠨᠡᠯᠢᠶᠡᠳ ᠣᠯᠠᠨ ᠬᠥᠮᠦᠨᠦ ᠨᠡᠷᠡ ᠪᠢᠴᠢᠭᠡᠰᠦᠲᠡᠢ ᠪᠠᠢᠪᠠ᠃ ᠬᠤᠸᠠᠩ ᠱᠦ ᠢᠩ ᠬᠡᠳᠦᠨ ᠦᠰᠦᠭ ᠲᠠᠨᠢᠳᠠᠭ ᠪᠣᠯᠬᠣᠷ ᠡᠨᠡ ᠬᠠᠭᠤᠳᠠᠰᠤᠨᠢ ᠪᠦᠬᠦ ᠨᠤᠲᠤᠭᠤᠨ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠪᠦᠷᠢᠳᠭᠡᠯᠦᠨ ᠬᠦᠰᠦᠨᠦᠭᠲᠦ ᠪᠣᠯᠬᠤᠶᠢ ᠮᠡᠳᠡᠪᠡ᠃ ᠡᠳᠡᠭᠡᠷ ᠨᠡᠷᠡᠶᠢᠨ ᠵᠠᠷᠢᠮᠢᠨᠢ ᠲᠠᠨᠢᠬᠤ ᠪᠥᠭᠡᠳ ᠥᠪᠡᠷᠦᠨ ᠬᠢᠨᠢ ᠨᠡᠷᠡ ᠪᠠᠰᠠ ᠪᠠᠢᠪᠠ᠃ ᠠ! ᠡᠨᠡ ᠪᠣᠯ ᠪᠦᠬᠦ ᠨᠤᠲᠤᠭᠤᠨ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠠᠮᠢᠨ ᠰᠤᠳᠠᠰᠤ ᠮᠥᠨ᠂ ᠬᠠᠷᠠᠩᠭᠤᠢ ᠳᠠᠷᠤᠯᠠᠯ ᠪᠦᠷᠬᠦᠭᠰᠡᠨ ᠬᠠᠢ ᠯᠠᠢ ᠠᠭᠤᠯᠠᠷᠬᠠᠭ ᠣᠷᠤᠨᠤ ᠤᠯᠠᠭᠠᠨ ᠦᠷᠡ ᠪᠣᠯᠤᠨᠠ᠃ ᠲᠡᠭᠦᠨᠦ ᠵᠢᠷᠦᠬᠡᠨᠢ ᠲᠦᠭᠰᠢᠨ ᠯᠤᠭᠰᠢᠭᠰᠠᠭᠠᠷ ᠪᠠᠢᠪᠠ᠃ ᠪᠦᠷᠢᠳᠭᠡᠯᠦᠨᠢᠶᠡᠨ ᠬᠦᠰᠦᠨᠦᠭᠲᠦᠶᠢ ᠳᠠᠬᠢᠨ ᠰᠠᠢᠲᠤᠷ ᠪᠠᠭᠯᠠᠵᠤ᠂ ᠬᠠᠨᠵᠤᠨ ᠴᠢᠭᠢᠷᠰᠦᠨ ᠳᠣᠣᠷᠠ ᠳᠠᠷᠤᠵᠤ᠂ ᠲᠠᠯᠪᠢᠭᠠᠳ᠂ ᠲᠣᠬᠢᠶᠠᠯ ᠵᠠᠪᠰᠢᠶᠠᠨ ᠣᠯᠳᠠᠪᠠᠯ ᠳᠡᠭᠡᠳᠦ ᠱᠠᠲᠤᠨᠤ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠳᠠᠭᠠᠨ ᠲᠤᠰᠢᠶᠠᠬᠤᠪᠠᠷ ᠪᠡᠯᠡᠳᠭᠡᠪᠡ᠃ ᠪᠣᠭᠤᠳᠠᠯᠢᠶᠠᠨ ᠲᠣᠬᠢᠲᠠᠢ ᠲᠠᠯᠪᠢᠭᠰᠠᠨᠤ ᠰᠡᠭᠦᠯᠡᠷ᠂ ᠬᠦᠷᠢᠶᠡᠨᠦ ᠲᠡᠰᠢ ᠭᠠᠳᠠᠭᠰᠢ ᠰᠡᠷᠭᠡᠢᠯᠡᠨ ᠬᠠᠷᠠᠬᠤᠳᠤ᠂ ᠡᠵᠢᠨᠢ ᠪᠠᠰᠠᠯᠠ ᠡᠭᠦᠳᠡᠨ ᠳᠡᠭᠡᠷᠡᠪᠡᠨ ᠵᠣᠭᠰᠤᠭᠰᠠᠭᠠᠷ ᠪᠥᠭᠡᠳ ᠴᠡᠯ ᠪᠤᠭᠤᠷᠤᠯ ᠦᠰᠦᠨᠢ ᠬᠦᠢᠲᠡᠨ ᠰᠠᠯᠬᠢᠨᠳᠤ ᠵᠠᠭᠤᠷᠠᠯᠳᠤᠨ ᠬᠡᠢᠰᠴᠦ ᠪᠠᠢᠯᠠ ᠁
ᠬᠣᠶᠠᠷ
ᠡᠨᠡ ᠰᠥᠨᠢ ᠡᠵᠢ ᠬᠡᠦᠬᠡᠨ ᠬᠣᠶᠠᠭᠤᠯᠠᠪᠠᠨ ᠪᠦᠷ ᠤᠨᠲᠠᠵᠤ ᠴᠢᠳᠠᠭᠰᠠᠨᠦᠭᠡᠢ᠃ ᠰᠠᠯᠬᠢ ᠤᠯᠠᠮ ᠰᠢᠷᠦᠭᠦᠰᠦᠭᠰᠡᠨᠰᠢᠭ ᠪᠣᠯᠵᠤ᠂ ᠬᠦᠷᠢᠶᠡᠨᠳᠡᠬᠢ ᠪᠢᠴᠢᠬᠠᠨ ᠫᠧᠩᠦᠨ ᠲᠡᠮᠦᠷ ᠬᠠᠪᠲᠠᠰᠤᠨ ᠳᠡᠭᠡᠭᠦᠷ ᠵᠣᠭᠰᠤᠯᠲᠠᠦᠭᠡᠢ ᠫᠠᠷᠴᠢᠭᠢᠨᠠᠨ ᠳᠤᠤᠭᠠᠷᠤᠭᠠᠳ᠂ ᠡᠭᠦᠳᠡᠨ ᠡᠮᠦᠨᠡᠬᠢ ᠬᠣᠩᠭᠤᠷᠴᠤᠭᠲᠤ ᠮᠣᠳᠤᠨᠤ ᠬᠤᠪᠠᠬᠠᠢᠷᠠᠭᠰᠠᠨ ᠰᠠᠯᠠᠭᠠ ᠮᠥᠴᠢᠷ ᠵᠣᠭᠰᠤᠯᠦᠭᠡᠢ ᠲᠠᠷᠴᠢᠭᠢᠨᠠᠨ ᠬᠤᠭᠤᠷᠠᠵᠤ ᠤᠨᠠᠨᠠ᠃ ᠬᠤᠸᠠᠩ ᠡᠵᠢ ᠣᠷᠤᠨᠳᠠᠭᠠᠨ ᠬᠡᠪᠲᠡᠵᠦ᠂ ᠡᠪᠳᠡᠷᠬᠡᠢ ᠴᠣᠩᠬᠤᠪᠠᠷᠢᠶᠠᠨ ᠬᠠᠷᠠᠩᠭᠤᠢ ᠣᠭᠲᠠᠷᠭᠤᠢᠶᠢ ᠰᠢᠷᠲᠡᠨ ᠰᠡᠳᠭᠢᠯ ᠰᠠᠨᠠᠭᠠᠨᠢ ᠪᠤᠰᠠᠨᠢᠨ ᠰᠠᠮᠠᠭᠤᠷᠠᠨᠠ᠃ ᠠᠢ!ᠯᠣᠣ ᠵᠣᠣᠴᠤ ᠳᠠᠭᠤᠰᠤᠯᠠ᠃ ᠪᠠᠰᠠ ᠨᠢᠭᠡ ᠰᠠᠢᠨ ᠨᠥᠬᠦᠷᠢᠶᠡᠨ ᠦᠷᠡᠭᠳᠡᠭᠦᠯᠴᠢᠬᠡᠯᠡ ᠰᠢᠦ! ᠬᠡᠳᠦᠨ ᠵᠢᠯᠦᠨ ᠲᠤᠷᠰᠢ ᠡᠳᠦᠢ ᠲᠡᠳᠦᠢ ᠬᠤᠪᠢᠰᠭᠠᠯᠴᠢ ᠨᠥᠬᠦᠳ ᠪᠡᠶᠡ ᠦᠷᠡᠭᠳᠡᠵᠦ ᠬᠠᠯᠠᠭᠤᠨ ᠴᠢᠰᠤᠪᠠᠨ ᠤᠷᠤᠰᠭᠠᠭᠰᠠᠭᠠᠷ ᠢᠷᠡᠪᠡ! ᠡᠢᠮᠦ ᠪᠠᠢᠳᠠᠯᠢ ᠦᠵᠡᠬᠦ ᠪᠦᠷᠢᠳᠦ ᠬᠤᠸᠠᠩ ᠡᠵᠢᠶᠢᠨ ᠡᠯᠢᠭᠡ ᠵᠢᠷᠦᠬᠡᠨᠢ ᠡᠮᠲᠡᠷᠡᠵᠦ ᠪᠠᠢᠭᠠᠰᠢᠭ᠋ ᠲᠡᠰᠭᠡᠯᠦᠭᠡᠢ ᠰᠢᠮᠰᠢᠷᠡᠳᠡᠭᠶᠦᠮ᠃ ᠲᠡᠷᠡ ᠪᠣᠯ ᠤᠳᠠᠭᠠᠨ ᠡᠳᠦᠷ ᠵᠤᠵᠠᠭᠠᠨ ᠬᠣᠨᠤᠭᠤᠨ ᠵᠣᠪᠠᠯᠠᠩ ᠵᠦᠳᠡᠭᠦᠷᠢᠶᠢ ᠳᠤᠭᠤᠯᠤᠭᠰᠠᠨ ᠨᠠᠰᠤᠲᠠᠨ ᠪᠣᠯᠬᠣᠷ ᠬᠣᠨᠤᠭᠰᠢᠵᠤ ᠴᠤᠭᠯᠠᠷᠠᠭᠰᠠᠨ ᠭᠤᠨᠢᠭ ᠡᠮᠭᠡᠨᠢᠯᠨᠢ᠂ ᠬᠣᠶᠠᠷ ᠨᠢᠳᠦᠨᠦ ᠬᠢᠨᠢ ᠨᠢᠯᠪᠤᠰᠤ ᠪᠢᠰᠢ ᠪᠣᠯᠤᠭᠰᠠᠨ ᠪᠥᠭᠡᠳ ᠬᠠᠷᠢᠨ ᠮᠠᠷᠲᠠᠭᠳᠠᠰᠢᠦᠭᠡᠢ ᠪᠣᠳᠤᠯᠭᠠ ᠮᠠᠰᠢ ᠭᠦᠨ ᠥᠰᠢᠶᠡ ᠬᠣᠷᠤᠰᠤᠯ ᠪᠣᠯᠵᠠᠢ᠃ ᠳᠥᠷᠪᠡᠨ ᠵᠢᠯᠦᠨ ᠡᠮᠦᠨᠡ ᠲᠡᠭᠦᠨᠦ ᠡᠷᠡ ᠨᠥᠬᠦᠷ ᠬᠤᠸᠠᠩ ᠯᠣᠣ ᠵᠢᠢ᠂ ᠸᠠᠨ ᠳ᠋ᠢᠳᠦ ᠰᠠᠭᠤᠭᠠ ᠳᠠᠢᠰᠤᠨᠳᠤ ᠠᠯᠠᠭᠳᠠᠭᠰᠠᠨ ᠦᠶᠡᠰ᠂ ᠲᠡᠷᠡ ᠳᠤᠰᠤᠯ ᠨᠢᠯᠪᠤᠰᠤ ᠤᠨᠠᠭᠠᠭᠰᠠᠨᠦᠭᠡᠢᠪᠠᠷ ᠦᠬᠦᠭᠰᠡᠳᠦᠨᠢᠶᠡᠨ ᠬᠡᠭᠦᠷᠢ ᠣᠷᠤᠰᠢᠭᠤᠯᠵᠤ ᠬᠠᠷᠢᠵᠤ ᠢᠷᠡᠮᠡᠭᠴᠡᠪᠡᠨ ᠬᠠᠨᠵᠤᠨ ᠳᠡᠭᠡᠷᠡᠪᠡᠨ ᠰᠠᠪᠠᠵᠤ ᠤᠨᠠᠭᠠᠳ ᠡᠪᠡᠳᠴᠢᠯᠡᠪᠡ᠃ ᠢᠩᠭᠢᠭᠡᠳ ᠶᠠᠭ ᠭᠤᠷᠪᠠᠨ ᠰᠠᠷᠠ ᠭᠠᠷᠤᠢ ᠡᠪᠡᠳᠴᠢᠯᠡᠵᠦ᠂ ᠤᠬᠠᠭᠠᠨ ᠰᠡᠬᠡᠭᠡᠦᠭᠡᠢ ᠪᠣᠯᠲᠠᠯᠠᠪᠠᠨ ᠵᠣᠪᠠᠭᠰᠠᠨᠳᠠᠭᠠᠨ ᠦᠷᠭᠦᠯᠵᠢ ᠰᠣᠯᠢᠶᠠ ᠶᠠᠷᠢᠳᠠᠭ ᠪᠠᠢᠪᠠ᠃ ᠨᠢᠭᠡ ᠤᠳᠠᠭᠠ ᠬᠡᠦᠬᠡᠨᠢᠶᠡᠨ ᠳᠠᠭᠤᠳᠠᠵᠤ ᠡᠮᠦᠨᠡᠪᠡᠨ ᠰᠠᠭᠤᠯᠭᠠᠭᠠᠳ: 《ᠬᠡᠦᠬᠡᠨᠮᠢᠨᠢ ᠡ᠂ ᠠᠪᠤᠴᠢᠨᠢ ᠨᠠᠳᠠ ᠰᠠᠶᠢ ᠵᠡᠭᠦᠳᠦ ᠥᠭᠴᠦ᠂ ᠬᠦᠦᠦᠭᠡᠢ ᠤᠴᠢᠷ ᠬᠡᠦᠬᠡᠨ ᠴᠢᠮᠠᠢᠪᠠᠨ ᠥᠪᠡᠷᠦᠨᠢᠶᠡᠨ ᠦᠢᠯᠡᠰᠢ ᠵᠠᠯᠭᠠᠮᠵᠢᠯᠠᠭᠠᠷᠠᠢ ᠭᠡᠨᠡ》 ᠭᠡᠳ ᠦᠭᠡᠪᠡᠨ ᠲᠠᠰᠤᠯᠳᠠᠭᠤᠯᠤᠨ ᠤᠳᠠᠲᠠᠯᠠ ᠪᠣᠳᠤᠯᠬᠢᠯᠠᠨ: 《ᠦᠭᠡᠢ᠂ ᠲᠡᠭᠡᠵᠦ ᠪᠣᠯᠬᠤᠦᠭᠡᠢ᠂ ᠬᠡᠦᠬᠡᠨᠮᠢᠨᠢ ᠠᠪᠤᠶᠢᠨᠢᠶᠠᠨ ᠭᠡᠷᠢᠶᠡᠰᠢ ᠪᠤᠤ ᠳᠠᠭᠠᠭᠠᠷᠠᠢ᠂ ᠶᠢᠷᠲᠢᠨᠴᠦ ᠳᠡᠯᠡᠬᠡᠢ ᠳᠡᠭᠡᠷᠡ ᠣᠳᠣ ᠨᠠᠳᠠ ᠴᠢᠮᠠᠠᠴᠠ ᠥᠭᠡᠷᠡ ᠣᠢᠷᠠ ᠲᠦᠰᠢᠭ ᠭᠡᠵᠦ ᠠᠯᠠᠭᠠ᠂ ᠴᠢᠮᠠᠢᠪᠠᠨ ᠶᠠᠭᠠᠬᠢᠪᠠᠴᠤ ᠁ᠦᠭᠡᠢ ᠴᠢ ᠨᠠᠳᠠᠠᠴᠠ ᠰᠠᠯᠵᠤ ᠪᠣᠯᠬᠤᠦᠭᠡᠢ᠂ ᠬᠡᠷᠬᠢᠪᠡᠴᠦ ᠰᠠᠯᠵᠤ ᠪᠣᠯᠬᠤᠦᠭᠡᠢ ᠁》 ᠭᠡᠵᠦ ᠬᠡᠯᠡᠵᠡᠢ᠃ ᠭᠡᠪᠡᠴᠦ᠂ ᠰᠡᠭᠦᠯᠳᠦᠨᠢ ᠬᠡᠦᠬᠡᠨᠨᠢ ᠦᠨᠡᠬᠡᠷ ᠠᠪᠤᠶᠢᠨᠢᠶᠠᠨ ᠵᠠᠮᠢᠶᠠᠷ ᠶᠠᠪᠤᠭᠰᠠᠨᠢ ᠮᠡᠳᠡᠭᠡᠳ᠂ ᠬᠠᠷᠢᠨ ᠤᠷᠲᠤ ᠭᠡᠭᠴᠢ ᠰᠠᠨᠠᠭᠠ ᠠᠯᠳᠠᠵᠤ᠂ ᠥᠴᠦᠬᠡᠨᠴᠦ ᠬᠠᠰᠢᠵᠤ ᠬᠣᠷᠢᠭᠯᠠᠭᠰᠠᠨᠦᠭᠡᠢ ᠮᠥᠷᠲᠡᠭᠡᠨ ᠬᠡᠦᠬᠡᠨᠢᠶᠡᠨ ᠬᠠᠪᠰᠤᠷᠴᠤ ᠵᠠᠬᠢᠳᠠᠯ ᠴᠢᠮᠡᠭᠡ ᠵᠥᠭᠡᠭᠡᠨ᠂ ᠬᠣᠯᠪᠤᠭᠠ ᠬᠠᠷᠢᠴᠠᠭᠠ ᠨᠡᠪᠲᠡᠷᠡᠭᠦᠯᠵᠦ᠂ ᠪᠠᠢᠳᠠᠯ ᠪᠠᠴᠢᠮ ᠪᠣᠯᠬᠤ ᠦᠶᠡᠰ᠂ ᠰᠥᠨᠢᠵᠢᠨ ᠤᠨᠲᠠᠬᠤᠦᠭᠡᠢᠪᠠᠷ ᠬᠡᠦᠬᠡᠨᠦᠪᠡᠨ ᠲᠥᠯᠦᠭᠡ ᠰᠠᠨᠠᠭᠠᠰᠢᠷᠠᠳᠠᠭ᠃ ᠡᠨᠡ ᠰᠥᠨᠢ ᠡᠬᠡ ᠪᠠᠰᠠ ᠤᠨᠲᠠᠵᠤ ᠴᠢᠳᠠᠬᠤᠪᠠᠨ ᠪᠣᠯᠢᠪᠠ᠃ ᠯᠣᠣ ᠵᠣᠣ ᠪᠠᠷᠢᠪᠴᠢᠯᠠᠭᠳᠠᠭᠰᠠᠨᠳᠤ ᠲᠤᠢᠯᠢᠶᠠᠷ ᠡᠮᠭᠡᠨᠢᠨ ᠭᠤᠨᠢᠷᠬᠠᠬᠤᠶᠢᠨ ᠬᠠᠮᠲᠤ (ᠯᠣᠣ ᠵᠣᠣ ᠥᠴᠦᠭᠡᠳᠦᠷ ᠰᠥᠨᠢ ᠪᠠᠰᠠ ᠲᠡᠭᠦᠨᠦ ᠭᠡᠷᠲᠦ ᠠᠮᠲᠠᠲᠤ ᠲᠥᠮᠦᠰᠦ ᠢᠳᠡᠵᠦ ᠬᠠᠯᠠᠭᠤᠨ ᠳᠣᠲᠤᠨᠤᠰᠤᠭᠢᠶᠠᠷ ᠡᠵᠢ ᠭᠡᠵᠦ ᠳᠠᠭᠤᠳᠠᠵᠤ ᠪᠠᠢᠵᠠᠢ) ᠲᠡᠭᠦᠨᠳᠦ ᠨᠢᠭᠡ ᠵᠦᠢᠯᠦᠨ ᠠᠶᠤᠯ ᠲᠦᠭᠰᠢᠭᠦᠷᠢ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠰᠢᠬᠠᠨ ᠢᠷᠡᠬᠦᠰᠢᠭ ᠰᠠᠨᠠᠭᠳᠠᠨ᠂ ᠶᠡᠬᠡ ᠠᠶᠤᠨ ᠰᠠᠨᠠᠭᠠ ᠠᠮᠤᠷᠦᠭᠡᠢ ᠪᠠᠢᠪᠠ᠃
ᠡᠨᠡ ᠰᠥᠨᠢ᠂ ᠬᠤᠸᠠᠩ ᠱᠣ ᠢᠩ ᠪᠠᠰᠠ ᠤᠷᠪᠠᠵᠤ ᠬᠦᠷᠪᠡᠨ ᠤᠨᠲᠠᠵᠤ ᠴᠢᠳᠠᠭᠰᠠᠨᠦᠭᠡᠢ᠃ ᠲᠡᠷᠡ ᠯᠣᠣ ᠵᠣᠣᠶᠢᠨ ᠪᠠᠷᠢᠪᠴᠢᠯᠠᠭᠳᠠᠭᠰᠠᠨᠳᠤ ᠭᠤᠨᠢᠷᠬᠠᠨ ᠵᠣᠪᠠᠨᠠ᠃ ᠲᠡᠭᠦᠨᠳᠦ ᠡᠨᠡᠬᠦ ᠪᠠᠢᠳᠠᠯᠤᠨ ᠪᠤᠢ ᠪᠣᠯᠤᠭᠰᠠᠨᠨᠢ ᠲᠤᠢᠯᠤᠨ ᠴᠣᠴᠢᠮᠠᠭ ᠲᠤᠩ ᠬᠠᠴᠢᠨ ᠰᠠᠨᠠᠭᠳᠠᠨᠠ᠃ ᠬᠡᠷᠪᠡ ᠤᠷᠪᠠᠭᠴᠢ ᠭᠠᠷᠤᠭᠰᠠᠨᠦᠭᠡᠢ ᠪᠣᠯ ᠯᠣᠣ ᠵᠣᠣᠶᠢᠨ ᠨᠢᠭᠤᠭᠰᠠᠨ ᠭᠠᠵᠠᠷᠢ ᠳᠠᠢᠰᠤᠨ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠪᠤᠢ?ᠭᠡᠲᠡᠯᠡ ᠤᠷᠪᠠᠭᠴᠢᠨᠢ ᠬᠡᠨ ᠪᠤᠢ?ᠭᠡᠵᠦ ᠪᠣᠳᠤᠯᠬᠢᠯᠠᠨᠠ᠃ ᠬᠤᠸᠠᠩ ᠵᠢᠶᠠ ᠺᠤᠸᠠᠩᠤᠨ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠳᠣᠲᠤᠷᠠᠠᠴᠠ᠂ ᠬᠤᠸᠠᠩ ᠸᠧᠨ ᠯᠢᠶᠠᠩᠢᠯᠠ ᠱᠦ ᠢᠩ ᠲᠠᠨᠢᠳᠠᠭ᠃ ᠲᠡᠷᠡ ᠪᠣᠯ ᠲᠡᠭᠦᠨᠦ ᠠᠪᠠᠭᠠᠨᠢ ᠪᠥᠭᠡᠳ ᠨᠠᠮᠳᠤ ᠲᠠᠨᠢᠯᠴᠠᠭᠤᠯᠵᠠᠢ᠃ ᠡᠨᠡ ᠡᠪᠦᠭᠡᠨ ᠶᠠᠭᠠᠬᠢᠭᠰᠠᠨᠴᠤ ᠤᠷᠪᠠᠬᠤᠦᠭᠡᠢᠶᠢ ᠥᠬᠢᠨ ᠪᠠᠲᠤ ᠢᠲᠡᠭᠡᠨᠡ᠃ ᠳᠠᠬᠢᠭᠠᠳ ᠲᠡᠷᠡ ᠭᠤᠷᠪᠠᠨ ᠬᠣᠨᠤᠭᠤᠨ ᠡᠮᠦᠨᠡ ᠵᠡᠭᠦᠨ ᠲᠣᠰᠭᠤᠨᠳᠤ ᠣᠬᠤᠷ ᠬᠤᠭᠤᠴᠠᠭᠠᠨᠳᠤ ᠠᠵᠢᠯ ᠬᠢᠬᠦᠪᠡᠷ ᠶᠠᠪᠤᠵᠠᠢ᠃ ᠲᠡᠭᠡᠪᠡᠯ ᠬᠡᠨᠨᠢ ᠪᠣᠯᠴᠢᠬᠠᠪᠠ?ᠭᠡᠵᠦ ᠪᠣᠳᠤᠭᠰᠠᠭᠠᠷ ᠭᠡᠨᠡᠳᠲᠡ ᠰᠠᠨᠠᠵᠤ ᠣᠯᠪᠠ᠃ ᠰᠠᠶᠢᠶᠢᠨ ᠪᠦᠷᠢᠳᠭᠡᠯᠦᠨ ᠬᠦᠰᠦᠨᠦᠭᠲᠦ ᠳᠡᠭᠡᠷᠡ ᠪᠠᠰᠠ ᠡᠮᠦᠨᠡ ᠵᠡᠭᠡᠯᠢᠶᠢᠨ ᠬᠤᠸᠠᠩ ᠢᠦ ᠼᠠᠢᠶᠢᠨ ᠨᠡᠷᠡ ᠪᠠᠢᠵᠠᠢ᠃ ᠲᠡᠭᠦᠨᠢ ᠠᠩᠬᠠᠨᠳᠤ ᠦᠲᠦᠷᠮᠡᠶᠢᠨ ᠭᠡᠷᠡᠴᠡ ᠭᠠᠷᠴᠤ ᠢᠷᠡᠬᠦᠯᠡᠷ᠂ ᠦᠲᠦᠷᠮᠡᠶᠢᠨ ᠠᠷᠤᠳᠤ ᠬᠤᠸᠠᠩ ᠢᠦ ᠼᠠᠢ ᠵᠣᠭᠰᠤᠵᠤ ᠪᠠᠢᠭᠰᠠᠨᠨᠢ ᠪᠣᠳᠤᠭᠳᠠᠪᠠ᠃ ᠢᠩᠭᠢᠵᠦ ᠪᠣᠳᠤᠮᠠᠭᠴᠠ ᠪᠡᠶᠡᠨᠢ ᠠᠷᠵᠠᠰᠭᠢᠵᠤ᠂ ᠵᠢᠷᠦᠬᠡᠨᠢ ᠲᠦᠭ ᠲᠦᠭ ᠴᠣᠬᠢᠯᠠᠨ: 《ᠯᠠᠪ ᠲᠡᠷᠡ ᠤᠷᠪᠠᠭᠰᠠᠨ ᠪᠠᠢᠬᠤ ᠡ᠂ ᠬᠠᠷᠠᠯᠠ!ᠨᠠᠮᠠᠢ ᠦᠲᠦᠷᠮᠡᠶᠢᠨ ᠭᠡᠷᠲᠦ ᠣᠴᠢᠭᠰᠠᠨᠢ ᠲᠡᠷᠡ ᠣᠯᠵᠤ ᠦᠵᠡᠭᠰᠡᠨ ᠲᠤᠯᠠ ᠵᠢᠵᠢᠭ ᠪᠠᠭᠯᠠᠭᠠᠶᠢ ᠴᠢᠭᠢᠷᠰᠦᠨ ᠳᠣᠣᠷᠠ ᠨᠢᠭᠤᠬᠤᠨᠢ ᠪᠠᠲᠤᠯᠠᠪᠤᠷᠢᠦᠭᠡᠢ ᠪᠣᠯᠪᠠ᠃ ᠮᠠᠷᠭᠠᠰᠢ ᠳᠠᠢᠰᠤᠨ ᠢᠷᠡᠵᠦ ᠨᠡᠩᠵᠢᠵᠦ ᠮᠡᠳᠡᠨᠡ》 ᠭᠡᠵᠦ ᠪᠣᠳᠤᠭᠠᠳ᠂ ᠦᠰᠦᠷᠦᠨ ᠪᠣᠰᠴᠤ ᠴᠢᠭᠢᠷᠰᠦᠨ ᠳᠣᠣᠷᠠᠠᠴᠠ ᠪᠠᠭᠯᠠᠭᠠᠪᠠᠨ ᠠᠪᠴᠤ ᠵᠢᠭᠠᠬᠠᠨ ᠪᠣᠳᠤᠯᠬᠢᠯᠠᠭᠠᠳ ᠴᠣᠩᠬᠤᠨ ᠳᠡᠭᠡᠷᠡᠡᠴᠡ ᠨᠢᠭᠡ ᠸᠠᠭᠠᠷᠤᠨ ᠪᠣᠳᠤᠩ ᠲᠡᠮᠲᠡᠷᠢᠨ ᠠᠪᠴᠤ ᠥᠨᠥ ᠪᠠᠭᠯᠠᠭᠠᠪᠠᠨ ᠬᠢᠵᠦ ᠬᠠᠨᠵᠤᠨᠠᠴᠠᠪᠠᠨ ᠪᠠᠭᠤᠭᠠᠳ ᠵᠡᠭᠡᠲᠦᠦᠪᠡᠷ ᠬᠡᠷᠡᠮᠦᠨ ᠪᠤᠯᠤᠩᠳᠤ ᠨᠦᠬᠡ ᠤᠬᠤᠵᠤ ᠪᠤᠲᠤᠩᠢᠶᠠᠨ ᠪᠤᠯᠠᠵᠤ ᠣᠷᠬᠢᠪᠠ᠃ ᠬᠤᠸᠠᠩ ᠡᠵᠢ ᠬᠡᠦᠬᠡᠨᠢᠶᠡᠨ ᠨᠠᠰᠢ ᠴᠠᠰᠢ ᠶᠠᠭᠠᠷᠠᠵᠤ ᠪᠠᠢᠬᠤᠶᠢ ᠦᠵᠡᠭᠡᠳ ᠶᠠᠭᠤᠴᠤ ᠬᠡᠯᠡᠭᠰᠡᠨᠦᠭᠡᠢ᠃ ᠡᠷᠡ ᠨᠥᠬᠦᠷᠢᠶᠡᠨ ᠪᠠᠢᠬᠤᠠᠴᠠ ᠠᠪᠤᠭᠠᠳ᠂ ᠡᠢᠮᠦ ᠵᠠᠩ ᠳᠠᠳᠭᠠᠯᠲᠠᠢ ᠪᠣᠯᠵᠠᠢ᠃ ᠨᠥᠬᠦᠷᠨᠢ ᠨᠢᠭᠤᠴᠠ ᠠᠵᠢᠯᠳᠤ ᠶᠠᠭᠠᠷᠠᠵᠤ ᠪᠠᠢᠪᠠᠯ ᠶᠡᠷᠦ ᠡᠨᠡ ᠲᠡᠷᠡᠶᠢᠨᠢ ᠠᠰᠠᠭᠤᠵᠤ ᠰᠠᠮᠠᠭᠤᠷᠠᠭᠤᠯᠳᠠᠭᠦᠭᠡᠢ ᠪᠥᠭᠡᠳ ᠬᠠᠷᠢᠨ ᠨᠥᠬᠦᠷᠨᠢ ᠲᠡᠭᠦᠨᠢᠶᠡᠷ ᠬᠠᠪᠰᠤᠷᠤᠭᠤᠯᠬᠤ ᠭᠡᠪᠡᠯ ᠮᠥᠨ ᠳᠤᠪ ᠳᠤᠭᠤᠢ ᠬᠢᠴᠢᠶᠡᠩᠭᠦᠢ ᠪᠣᠯᠭᠤᠮᠵᠢᠲᠠᠢ ᠪᠡᠶᠡᠯᠡᠭᠦᠯᠳᠡᠭ᠃ ᠭᠡᠲᠡᠯᠡ ᠥᠨᠥᠳᠦᠷ ᠲᠡᠭᠦᠨᠦ ᠰᠡᠳᠭᠢᠯᠨᠢ ᠣᠨᠴᠠ ᠰᠠᠮᠠᠭᠤᠷᠠᠵᠤ᠂ ᠮᠠᠭᠤ ᠢᠷᠤᠠ ᠪᠣᠯᠬᠤᠶᠢ ᠤᠷᠢᠳᠴᠢᠯᠠᠨ ᠮᠡᠳᠡᠷᠡᠭᠰᠡᠨ ᠪᠣᠳᠤᠯ ᠤᠯᠠᠮᠢᠶᠠᠷ ᠬᠦᠨᠳᠦᠷᠡᠬᠦ ᠲᠤᠲᠤᠮ ᠦᠨᠡᠬᠡᠷ ᠲᠡᠰᠬᠦᠪᠡᠨ ᠪᠣᠯᠢᠪᠠ᠃ ᠬᠡᠦᠬᠡᠨᠢᠶᠡᠨ ᠪᠤᠵᠢᠭᠢᠨᠠᠬᠤᠪᠠᠨ ᠵᠣᠭᠰᠤᠭᠰᠠᠨ ᠬᠣᠢᠨᠠ:
《ᠬᠡᠦᠬᠡᠨᠮᠢᠨᠢ ᠡ᠂ ᠪᠠᠢᠳᠠᠯ ᠮᠠᠭᠤᠬᠠᠢ ᠪᠣᠯᠪᠠᠤᠤ?》 ᠭᠡᠵᠦ ᠨᠠᠮ ᠳᠠᠭᠤᠨᠢᠶᠠᠷ ᠠᠰᠠᠭᠤᠪᠠ᠃
ᠬᠡᠦᠬᠡᠨᠨᠢ 《ᠮᠠᠭᠤ ᠪᠣᠯᠵᠠᠢ ᠡᠵᠢ ᠡ》 ᠭᠡᠵᠦ ᠬᠥᠳᠡᠯᠭᠡᠭᠡᠨᠲᠡᠢ ᠬᠠᠷᠢᠭᠤᠯᠪᠠ᠃ ᠦᠨᠡᠨ ᠪᠠᠢᠳᠠᠯᠢᠶᠠᠨ ᠥᠴᠦᠬᠡᠨᠴᠦ ᠨᠢᠭᠤᠭᠰᠠᠨᠦᠭᠡᠢ᠃ 《ᠠᠢᠯᠳᠤ ᠤᠷᠪᠠᠭᠴᠢ ᠭᠠᠷᠤᠭᠰᠠᠨ ᠪᠣᠯᠬᠣᠷ᠂ ᠬᠡᠷᠡᠭ ᠶᠠᠪᠤᠳᠠᠯ ᠶᠡᠭᠡᠳᠴᠦ ᠮᠡᠳᠡᠨᠡ》 ᠭᠡᠵᠦ ᠬᠡᠯᠡᠭᠡᠳ ᠱᠦ ᠢᠩ ᠨᠡᠯᠢᠶᠡᠳ ᠭᠡᠮᠰᠢᠪᠡ᠃ ᠡᠵᠢᠶᠢᠨᠢᠶᠡᠨ ᠦᠯᠡᠮᠵᠢᠬᠡᠨ ᠵᠣᠪᠠᠯᠠᠩ ᠵᠦᠳᠡᠭᠦᠷᠢ ᠠᠮᠰᠠᠭᠰᠠᠨᠢ ᠪᠣᠳᠤᠭᠠᠳ᠂ ᠪᠠᠰᠠ ᠨᠡᠩ ᠶᠡᠬᠡ ᠭᠠᠰᠢᠭᠤᠨ ᠵᠣᠪᠠᠯᠠᠩ ᠲᠡᠳᠡᠨᠳᠦ ᠲᠤᠯᠭᠠᠷᠠᠨ ᠪᠠᠢᠭᠠᠶᠢ ᠡᠵᠢᠳᠡᠭᠡᠨ ᠮᠡᠳᠡᠭᠳᠡᠬᠦᠶᠢ ᠬᠦᠰᠡᠬᠦᠦᠭᠡᠢ ᠪᠠᠢᠪᠠ! ᠭᠡᠪᠡᠴᠦ᠂ ᠬᠤᠸᠠᠩ ᠡᠵᠢ ᠪᠦᠷᠢᠨ ᠦᠵᠡᠵᠦ ᠭᠠᠷᠤᠭᠰᠠᠨᠦᠭᠡᠢᠰᠢᠭ᠋ ᠨᠢᠭᠡ ᠦᠭᠡᠴᠦ ᠬᠡᠯᠡᠭᠰᠡᠨᠦᠭᠡᠢᠪᠡᠷ᠂ ᠴᠣᠩᠬᠤᠪᠠᠷ ᠨᠢᠳᠦ ᠠᠯᠳᠠᠯᠦᠭᠡᠢ ᠭᠠᠳᠠᠭᠰᠢ ᠰᠢᠷᠲᠡᠨᠡ᠃ ᠭᠠᠳᠠᠨᠠ ᠫᠠᠳ ᠬᠠᠷᠠᠩᠭᠤᠢ᠂ ᠰᠢᠭᠤᠷᠭᠠᠨᠤ ᠱᠤᠤᠭᠢᠶᠠᠨ ᠤᠯᠠᠮ ᠶᠡᠭᠡᠳᠴᠦ᠂ ᠬᠥᠮᠦᠰᠲᠦ ᠲᠡᠭᠷᠢ ᠨᠤᠷᠠᠵᠤ ᠤᠨᠠᠮᠠᠷ ᠰᠠᠨᠠᠭᠳᠠᠭᠤᠯᠤᠨᠠ᠃
ᠬᠤᠸᠠᠩ ᠡᠵᠢ : 《ᠪᠢ ᠲᠥᠷᠦᠬᠦᠶᠢᠨ ᠡᠢᠮᠦ ᠮᠠᠭᠤ ᠵᠠᠶᠠᠭᠠᠲᠠᠢ ᠮᠠᠭᠠᠳ ᠠ᠋》 ᠭᠡᠵᠦ ᠰᠢᠪᠡᠨᠡᠭᠰᠡᠭᠡᠷ ᠰᠠᠨᠠᠭᠠ ᠠᠯᠳᠠᠪᠠ᠃ ᠳᠠᠭᠤ ᠠᠨᠢᠷᠨᠢᠴᠤ ᠭᠤᠲᠤᠷᠠᠯᠲᠠᠢ ᠰᠣᠨᠤᠰᠳᠠᠨᠠ᠃ ᠲᠦᠷ ᠤᠳᠠᠰᠬᠢᠭᠡᠳ ᠠᠭᠠᠵᠢᠮᠬᠠᠨᠢᠶᠠᠷ ᠥᠨᠳᠡᠢᠨ ᠪᠣᠰᠴᠤ᠂ ᠥᠬᠢᠨᠢᠶᠡᠨ ᠨᠢᠳᠦ ᠴᠠᠪᠴᠢᠯᠦᠭᠡᠢ ᠬᠠᠷᠠᠭᠰᠠᠭᠠᠷ:
《ᠪᠣᠯᠵᠠᠢ! ᠵᠢᠷᠭᠠᠯᠢ ᠬᠦᠰᠡᠭᠡᠳ ᠣᠯᠬᠤᠦᠭᠡᠢ᠂ ᠵᠣᠪᠠᠯᠠᠩᠢ ᠬᠤᠰᠤᠭᠠᠳ ᠠᠷᠢᠯᠬᠤᠦᠭᠡᠢᠶᠤᠮ᠂ ᠶᠠᠭᠠᠬᠢᠪᠠᠯ ᠶᠠᠭᠠᠬᠢᠭ ᠴᠠᠰᠢᠨᠢ᠃ ᠬᠡᠦᠬᠡᠨᠮᠢᠨᠢ᠂ ᠪᠢ ᠠᠶᠤᠬᠤᠦᠭᠡᠢ᠂ ᠣᠭᠲᠤ ᠠᠶᠤᠬᠤᠦᠭᠡᠢ᠃ ᠴᠢᠴᠦ ᠪᠤᠤ ᠠᠶᠤᠭᠠᠷᠠᠢ!》 ᠭᠡᠵᠦ ᠡᠷᠡᠰ ᠰᠢᠭᠤᠷᠬᠠᠢ ᠬᠡᠯᠡᠪᠡ᠃
ᠭᠤᠷᠪᠠ
ᠲᠡᠳᠡ ᠬᠣᠶᠠᠭᠤᠯᠠᠶᠢᠨ ᠲᠠᠭᠠᠮᠠᠭᠯᠠᠭᠰᠠᠨᠨᠢ ᠶᠡᠷᠦ ᠵᠥᠷᠢᠭᠰᠡᠨᠦᠭᠡᠢ᠃ ᠳᠠᠷᠠᠭᠠ ᠡᠳᠦᠷᠨᠢ ᠤᠷᠲᠤ ᠬᠤᠪᠴᠠᠰᠤᠲᠠᠨ ᠢᠷᠡᠵᠦ ᠪᠢᠴᠢᠬᠠᠨ ᠭᠡᠷᠢᠨᠢ ᠨᠡᠩᠵᠢᠨ᠂ ᠡᠬᠡ ᠬᠡᠦᠬᠡᠨ ᠬᠣᠶᠠᠭᠤᠯᠠᠶᠢ ᠳ᠋ᠠ ᠺᠤᠸᠠᠩᠤᠨ ᠪᠠᠭᠤᠳᠠᠯᠳᠠᠭᠠᠨ ᠠᠪᠠᠴᠢᠪᠠ᠃
ᠳᠠᠢᠰᠤᠨ ᠤᠷᠪᠠᠭᠴᠢᠶᠢᠨ ᠨᠢᠭᠤᠴᠠ ᠵᠠᠭᠠᠯᠳᠤᠯᠭᠠᠪᠠᠷ ᠬᠤᠸᠠᠩ ᠱᠦ ᠢᠩᠢ ᠦᠲᠦᠷᠮᠡᠶᠢᠨ ᠭᠡᠷᠦᠨ ᠬᠠᠨᠵᠤᠨᠤ ᠬᠣᠭᠤᠯᠠᠢᠠᠴᠠ ᠶᠠᠭᠤᠮᠠ ᠭᠠᠷᠭᠠᠵᠤ ᠠᠪᠠᠴᠢᠭᠰᠠᠨᠢᠶᠠᠷ ᠰᠡᠵᠢᠭᠯᠡᠪᠡ᠃ ᠤᠴᠢᠷᠨᠢ ᠬᠠᠨᠵᠤᠨᠤ ᠬᠣᠭᠤᠯᠠᠢᠶᠢᠨ ᠦᠨᠡᠰᠦᠨᠳᠦ᠂ ᠲᠡᠭᠦᠨᠦ ᠬᠤᠷᠤᠭᠤᠶᠢᠨ ᠣᠷᠤᠨᠢ ᠪᠠᠢᠵᠠᠢ᠃ ᠡᠢᠮᠦᠡᠴᠡ ᠬᠡᠷᠴᠡᠭᠡᠢ ᠬᠠᠷᠭᠢᠰᠢᠶᠠᠷ ᠰᠢᠭᠦᠨ ᠡᠬᠢᠯᠡᠵᠦ ᠲᠡᠭᠦᠨᠢ ᠰᠢᠨᠠᠯᠭᠠᠵᠤ ᠪᠠᠢᠭᠠᠳ ᠬᠠᠨᠵᠤᠨ ᠬᠣᠭᠤᠯᠠᠢᠶᠢᠨ ᠨᠢᠭᠤᠴᠠᠶᠢ ᠬᠡᠯᠡᠭᠦᠯᠬᠦᠪᠡᠷ ᠭᠣᠷᠢᠳᠠᠪᠠ᠃
《ᠲᠦᠷᠭᠡᠨ ᠬᠡᠯᠡ᠂ ᠴᠢ ᠬᠠᠨᠵᠤᠨ ᠬᠣᠭᠤᠯᠠᠢᠠᠴᠠ ᠶᠠᠭᠤ ᠠᠪᠠᠴᠢᠭᠰᠠᠨ ᠪᠤᠢ?》
《ᠶᠠᠭᠤᠴᠤ ᠠᠪᠤᠭᠰᠠᠨᠦᠭᠡᠢ》 ᠭᠡᠵᠦ ᠬᠤᠸᠠᠩ ᠱᠦ ᠢᠩ ᠡᠷᠡᠰ ᠬᠠᠷᠢᠭᠤᠯᠪᠠ᠃
《ᠲᠡᠭᠡᠪᠡᠯ ᠴᠢ ᠦᠲᠦᠷᠮᠡᠶᠢᠨ ᠭᠡᠷᠲᠦ ᠶᠠᠭᠤ ᠬᠢᠬᠦᠪᠡᠷ ᠣᠴᠢᠭᠰᠠᠨ ᠪᠤᠢ?》
《ᠲᠠᠬᠢᠶᠠᠪᠠᠨ ᠡᠷᠢᠭᠰᠡᠨ!》
《ᠲᠠᠬᠢᠶᠠᠪᠠᠨ ᠡᠷᠢᠭᠰᠡᠨ ᠭᠡᠨᠡ? ᠶᠠᠭᠤᠨᠳᠤ ᠬᠠᠨᠵᠤᠨ ᠬᠣᠭᠤᠯᠠᠢᠶᠢ ᠮᠠᠯᠲᠠᠭᠰᠠᠨ ᠪᠤᠢ?》
《ᠬᠠᠨᠵᠤᠨᠤ ᠬᠣᠭᠤᠯᠠᠢᠳᠤ ᠲᠠᠬᠢᠶᠠ ᠰᠢᠷᠭᠤᠨ ᠣᠷᠤᠭᠰᠠᠨ᠃ 》
《ᠪᠤᠤ ᠬᠤᠳᠠᠯ ᠬᠡᠯᠡ᠂ ᠴᠢᠮᠠᠢ ᠵᠣᠳᠤᠬᠤᠦᠭᠡᠢ ᠪᠣᠯ ᠦᠨᠡᠨᠢᠶᠡᠨ ᠬᠡᠯᠡᠬᠦᠦᠭᠡᠢᠦᠦ! ᠵᠣᠳᠤ᠂ ᠦᠬᠦᠲᠡᠯᠡᠨᠢ ᠵᠣᠳᠤ!》
ᠳᠠᠢᠰᠤᠨ ᠪᠣᠯ ᠬᠠᠷᠭᠢᠰ ᠬᠡᠷᠴᠡᠭᠡᠢ ᠮᠥᠷᠲᠡᠭᠡᠨ ᠲᠡᠨᠡᠭ ᠮᠤᠩᠬᠠᠭᠶᠤᠮ᠂ ᠲᠡᠳᠡ ᠬᠡᠵᠢᠶᠡᠳᠡ ᠥᠪᠡᠷᠦᠨᠢᠶᠡᠨ ᠬᠠᠷᠭᠢᠰᠯᠠᠯᠳᠤ ᠢᠲᠡᠭᠡᠯ ᠳᠦᠭᠦᠷᠡᠩ ᠪᠠᠢᠳᠠᠭᠶᠤᠮ᠃ ᠪᠠᠷᠰ ᠴᠢᠨᠤᠠᠶᠢᠨ ᠡᠭᠦᠷᠲᠦ ᠠᠷᠪᠠ ᠭᠠᠷᠤᠢ ᠬᠣᠨᠤᠭᠤᠨ ᠠᠢᠬᠤᠪᠲᠤᠷ ᠵᠣᠪᠠᠯᠠᠩᠢ ᠠᠮᠰᠠᠭᠰᠠᠨᠤ ᠳᠠᠷᠠᠭᠠ᠂ ᠡᠨᠡᠬᠦ ᠭᠠᠯ ᠵᠠᠯᠠᠭᠤ ᠨᠠᠰᠤᠨᠤ ᠭᠣᠶᠤᠮᠰᠤᠭ ᠬᠡᠦᠬᠡᠨ᠂ ᠬᠥᠮᠦᠨᠦ ᠳᠦᠷᠰᠦᠦᠭᠡᠢ ᠪᠣᠯᠵᠠᠢ᠃ ᠡᠵᠢᠨᠢ ᠶᠠᠭᠠᠬᠢᠪᠠᠴᠤ ᠬᠡᠦᠬᠡᠨᠡᠴᠡᠪᠡᠨ ᠳᠤᠲᠠᠭᠤ ᠲᠠᠮᠤᠯᠠᠭᠳᠠᠵᠤ ᠪᠣᠯᠤᠰᠢᠦᠭᠡᠢᠶᠢ ᠣᠢᠯᠠᠭᠠᠵᠤ ᠪᠣᠯᠬᠤᠶᠤᠮ᠃ ᠭᠡᠲᠡᠯᠡ ᠳᠠᠢᠰᠤᠨ ᠬᠢᠷᠢ ᠵᠡᠷᠭᠡᠶᠢᠨ ᠬᠠᠷᠭᠢᠰ ᠡᠷᠡᠭᠦᠦ ᠲᠤᠯᠭᠠᠭᠰᠠᠨᠴᠤ᠂ ᠲᠡᠳᠡ ᠬᠣᠶᠠᠭᠤᠯᠠ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭᠢᠶᠠᠷ ᠲᠡᠰᠪᠦᠷᠢᠯᠡᠨ᠂ ᠶᠠᠭᠤᠴᠤ ᠬᠡᠯᠡᠵᠦ᠂ ᠭᠠᠷᠭᠠᠭᠰᠠᠨᠦᠭᠡᠢ ᠪᠢᠯᠡ᠃
ᠡᠨᠡᠨᠢ ᠳᠠᠢᠰᠤᠨᠤ ᠰᠠᠨᠠᠭᠰᠠᠨᠠᠴᠠ ᠣᠭᠲᠤ ᠥᠭᠡᠷᠡ ᠪᠣᠯᠵᠠᠢ᠃ ᠳᠠᠢᠰᠤᠨ ᠯᠣᠣ ᠵᠣᠣᠶᠢ ᠪᠠᠷᠢᠪᠴᠢᠯᠠᠭᠰᠠᠨ ᠡᠳᠦᠷᠡᠴᠡᠪᠡᠨ ᠠᠪᠤᠭᠠᠳ᠂ ᠲᠡᠭᠦᠨᠳᠦ ᠳᠡᠮᠡᠢ ᠶᠡᠬᠡ ᠭᠣᠷᠢᠳᠠᠯᠭᠠ ᠲᠠᠯᠪᠢᠭᠰᠠᠨᠦᠭᠡᠢᠶᠤᠮ᠃ ᠲᠡᠳᠡ ᠥᠩᠭᠡᠷᠡᠭᠰᠡᠨᠦᠪᠡᠨ ᠲᠤᠷᠰᠢᠯᠭᠠᠶᠢ ᠦᠨᠳᠦᠰᠦᠯᠡᠵᠦ: ᠡᠪ ᠬᠠᠮᠲᠤ ᠨᠠᠮᠤᠨ ᠶᠣᠰᠤᠲᠠᠢ ᠭᠡᠰᠢᠭᠦᠨᠡᠴᠡ᠂ ᠲᠡᠳᠡᠨᠦ ᠬᠡᠷᠡᠭᠴᠡᠭᠡ ᠪᠦᠬᠦᠢ ᠶᠠᠭᠤᠮᠠᠪᠠᠨ ᠠᠯᠪᠠᠳᠠᠯᠭᠠᠪᠠᠷ ᠣᠯᠵᠤ ᠰᠣᠨᠤᠰᠬᠤᠨᠢ ᠲᠡᠭᠷᠢᠳᠦ ᠭᠠᠷᠬᠤᠠᠴᠠ ᠪᠡᠷᠬᠡᠲᠡᠢᠶᠢ ᠣᠢᠯᠠᠭᠠᠵᠠᠢ᠃ ᠦᠨᠡᠬᠡᠷ ᠠᠩᠬᠠᠳᠠᠭᠴᠢ ᠤᠳᠠᠭᠠ ᠰᠢᠭᠦᠨ ᠠᠰᠠᠭᠤᠬᠤᠳᠤᠨᠢ᠂ ᠯᠣᠣ ᠵᠣᠣ ᠬᠡᠯᠡᠪᠡᠨ ᠲᠠᠰᠤ ᠬᠠᠵᠠᠵᠤ᠂ ᠴᠢᠰᠤᠪᠠᠨ ᠳᠠᠢᠰᠤᠨᠤ ᠨᠢᠭᠤᠷᠲᠤ ᠰᠦᠷᠴᠢᠭᠰᠡᠨ ᠪᠠᠢᠨᠠ᠃ ᠳᠠᠷᠠᠭᠠ ᠡᠳᠦᠷᠨᠢ ᠳᠠᠢᠰᠤᠨ ᠲᠡᠭᠦᠨᠢ ᠠᠯᠠᠵᠠᠢ᠃ ᠯᠣᠣ ᠵᠣᠣ ᠪᠡᠶᠡ ᠦᠷᠡᠭᠳᠡᠬᠦᠡᠴᠡᠪᠡᠨ ᠡᠮᠦᠨᠡ᠂ ᠡᠭᠡᠳᠡᠷᠡᠨ ᠴᠤᠯᠴᠠᠷᠢᠭᠰᠠᠨ ᠳᠠᠭᠤᠨᠢᠶᠠᠷ ᠳᠠᠢᠰᠤᠨᠢ ᠬᠣᠷᠤᠰᠤᠨ ᠬᠠᠷᠢᠶᠠᠵᠤ ᠪᠠᠢᠪᠠ! ᠡᠭᠦᠨᠳᠦ ᠳᠠᠢᠰᠤᠨ ᠳᠡᠮᠡᠢ ᠰᠣᠨᠢᠷᠬᠠᠭᠰᠠᠨᠦᠭᠡᠢ᠃ ᠤᠴᠢᠷᠨᠢ ᠡᠢᠮᠦᠷᠬᠦᠦ ᠪᠠᠢᠳᠠᠯ ᠲᠡᠳᠡᠨᠳᠦ ᠣᠯᠠᠨᠲᠠ ᠲᠣᠬᠢᠶᠠᠯᠳᠤᠳᠠᠭ ᠪᠢᠯᠡ᠃ ᠭᠡᠪᠡᠴᠦ ᠡᠨᠡ ᠬᠣᠶᠠᠷ ᠡᠮᠡᠭᠲᠡᠢ᠂ ᠲᠡᠳᠡᠨᠳᠦ ᠢᠩᠭᠢᠨᠡ ᠭᠡᠵᠦ ᠪᠣᠳᠤᠭᠳᠠᠭᠤᠯᠤᠭᠰᠠᠨᠴᠤᠦᠭᠡᠢ᠃ ᠠᠷᠪᠠᠭᠠᠳ ᠬᠣᠨᠤᠭᠢ ᠥᠩᠭᠡᠷᠡᠭᠡᠨ ᠲᠡᠳᠡ ᠠᠷᠭᠠ ᠪᠦᠬᠦᠨᠢ ᠬᠡᠷᠡᠭᠯᠡᠵᠦ ᠳᠠᠭᠤᠰᠤᠭᠰᠠᠨᠴᠤ᠂ ᠪᠠᠰᠠᠯᠠ ᠶᠠᠭᠤᠴᠤ ᠣᠯᠤᠭᠰᠠᠨᠦᠭᠡᠢ᠃ ᠲᠡᠳᠡᠨᠦ ᠢᠲᠡᠭᠡᠯ ᠵᠣᠷᠢᠭᠨᠢᠴᠤ ᠭᠤᠢᠪᠢᠪᠠ᠃ ᠬᠠᠮᠤᠭᠤᠨ ᠰᠡᠭᠦᠯᠴᠢᠶᠢᠨ ᠰᠢᠭᠦᠨ ᠠᠰᠠᠭᠤᠬᠤᠳᠠᠭᠠᠨ: ᠴᠢᠮᠠᠢ ᠡᠵᠢᠲᠡᠢᠴᠢᠨᠢ ᠠᠭᠤᠯᠵᠠᠭᠤᠯᠤᠶᠠ᠂ ᠵᠥᠪᠯᠡᠵᠦ ᠪᠠᠢᠭᠠᠳ ᠦᠨᠡᠨᠢᠶᠡᠨ ᠬᠡᠯᠡᠳᠡᠭ ᠪᠣᠯ ᠮᠠᠷᠭᠠᠰᠢ ᠲᠠ ᠬᠣᠶᠠᠭᠤᠯᠠᠶᠢ ᠲᠠᠯᠪᠢᠨᠠ᠃ ᠬᠡᠷᠪᠡ ᠦᠨᠡᠨᠢᠶᠡᠨ ᠬᠡᠯᠡᠬᠦᠦᠭᠡᠢ ᠪᠣᠯ ᠡᠨᠡᠴᠢᠨᠢ ᠡᠵᠢᠲᠡᠢᠪᠡᠨ ᠡᠴᠦᠰᠦᠨ ᠠᠭᠤᠯᠵᠠᠯᠲᠠ ᠬᠢᠬᠦ ᠪᠣᠯᠤᠨᠠ ᠰᠢᠤ ᠭᠡᠵᠦ ᠳᠠᠢᠰᠤᠨ᠂ ᠬᠤᠸᠠᠩ ᠱᠦ ᠢᠩᠳᠦ ᠬᠡᠯᠡᠵᠡᠢ᠃
ᠰᠢᠷᠠ ᠪᠦᠷᠦᠢ ᠪᠣᠯᠤᠭᠰᠠᠨᠤ ᠳᠠᠷᠠᠭᠠ᠂ ᠱᠦ ᠢᠩ ᠡᠵᠢᠶᠢᠨᠢᠶᠡᠨ ᠱᠣᠷᠤᠩᠳᠤ ᠬᠥᠭᠡᠭᠡᠭᠳᠡᠵᠦ ᠣᠴᠢᠪᠠ᠃ ᠰᠡᠭᠦᠳᠡᠭᠡᠨᠡᠭᠰᠡᠨ ᠳ᠋ᠧᠩᠦᠨ ᠭᠡᠷᠡᠯᠳᠦ ᠱᠦ ᠢᠩ ᠡᠵᠢᠲᠡᠢᠪᠡᠨ ᠤᠴᠠᠷᠠᠯᠠ᠃ ᠡᠵᠢᠨᠢ ᠪᠠᠷᠤᠭ ᠲᠠᠨᠢᠭᠳᠠᠬᠤᠦᠭᠡᠢ ᠪᠣᠯᠵᠠᠢ᠃ ᠦᠨᠡᠬᠡᠷ ᠠᠶᠤᠮᠠᠷ ᠪᠣᠯᠤᠭᠠᠳ ᠪᠠᠢᠪᠠ᠃ ᠪᠦᠬᠦ ᠪᠡᠶᠡᠶᠢᠨ ᠬᠢᠨᠢ ᠬᠤᠪᠴᠠᠰᠤ ᠪᠦᠷ ᠤᠷᠠᠭᠳᠠᠵᠤ ᠰᠡᠭᠴᠢᠭᠳᠡᠭᠡᠳ ᠴᠢᠰᠤ ᠨᠥᠵᠢ ᠳᠦᠭᠦᠷᠡᠩ ᠨᠠᠭᠠᠯᠳᠤᠵᠠᠢ᠃ ᠠᠲᠤᠷᠢᠶᠠᠲᠠᠢ ᠴᠢᠷᠠᠢᠨᠢ ᠬᠥᠭᠡᠭᠡᠵᠦ ᠴᠢᠨᠦᠷᠡᠨ᠂ ᠬᠠᠷᠠᠭᠠᠨᠢ ᠮᠠᠭᠤᠳᠠᠭᠰᠠᠨ ᠬᠣᠶᠠᠷ ᠨᠢᠳᠦᠨᠢ ᠬᠠᠷᠢᠨ ᠬᠡᠦᠬᠡᠨᠦᠪᠡᠨ ᠳᠡᠭᠡᠷᠡ ᠬᠠᠯᠲᠤᠷᠢᠯᠦᠭᠡᠢ ᠲᠤᠰᠴᠤ ᠪᠠᠢᠪᠠ᠃ ᠦᠵᠡᠮᠡᠭᠴᠡᠪᠡᠨ ᠰᠣᠴᠢᠵᠤ ᠬᠠᠰᠭᠢᠷᠤᠨ ᠦᠰᠦᠷᠴᠦ ᠣᠴᠢᠨ ᠡᠵᠢᠪᠡᠨ ᠲᠡᠪᠡᠷᠢᠬᠦ ᠰᠢᠬᠠᠯᠠ᠃ ᠭᠡᠪᠡᠴᠦ᠂ ᠣᠷᠭᠢᠯᠤᠭᠰᠠᠨ ᠰᠡᠳᠭᠢᠯᠭᠡᠪᠡᠨ ᠳᠠᠷᠤᠵᠤ᠂ ᠠᠭᠠᠵᠢᠮ ᠠᠯᠬᠤᠯᠠᠵᠤ ᠡᠵᠢᠶᠢᠨᠢᠶᠡᠨ ᠥᠭᠡᠳᠡᠡᠴᠡ ᠢᠨᠢᠶᠡᠪᠡ᠃ ᠢᠨᠢᠶᠡᠮᠰᠦᠭᠯᠡᠯᠢᠶᠡᠷᠢᠶᠡᠨ ᠡᠵᠢᠶᠢᠨᠢᠶᠡᠨ ᠰᠡᠳᠭᠢᠯᠢ ᠲᠠᠢᠪᠤᠰᠢᠷᠠᠭᠤᠯᠵᠤ: ᠥᠪᠡᠷᠦᠨᠢᠶᠡᠨ ᠪᠡᠶᠡᠶᠢ ᠶᠠᠮᠠᠷᠴᠤ ᠵᠣᠪᠠᠯᠠᠩ ᠠᠮᠰᠠᠭᠠᠦᠭᠡᠢ ᠭᠡᠵᠦ ᠢᠯᠡᠳᠭᠡᠬᠦᠶᠢ ᠵᠣᠷᠢᠵᠠᠢ᠃
ᠬᠤᠸᠠᠩ ᠡᠵᠢ ᠬᠡᠦᠬᠡᠨᠢᠶᠡᠨ ᠦᠵᠡᠮᠡᠭᠴᠡ᠂ ᠪᠠᠰᠠ ᠰᠣᠴᠢᠨ ᠮᠡᠯᠡᠷᠡᠵᠦ: ᠪᠣᠷᠤᠪᠲᠤᠷ ᠤᠯᠠᠭᠠᠨ ᠬᠠᠴᠠᠷᠨᠢ ᠬᠡᠵᠢᠶᠡᠳᠡ ᠠᠯᠢᠮᠠᠰᠢᠭ᠋ ᠪᠠᠢᠳᠠᠭ ᠭᠣᠶᠤᠮᠰᠤᠭ ᠬᠡᠦᠬᠡᠨᠢᠶᠡᠨ ᠮᠥᠨ ᠪᠣᠯᠬᠤᠶᠢ ᠢᠲᠡᠭᠡᠵᠦ ᠶᠠᠳᠠᠨᠠ᠃ ᠬᠡᠦᠬᠡᠨᠨᠢ ᠵᠢᠭᠲᠡᠢ ᠠᠶᠤᠮᠠᠷ ᠪᠣᠯᠵᠠᠢ! ᠭᠡᠵᠢᠭᠡ ᠦᠰᠦᠨᠢ ᠰᠡᠭᠰᠡᠢᠨ ᠪᠠᠭᠤᠵᠤ᠂ ᠴᠠᠭᠠᠰᠤ ᠮᠡᠲᠦ ᠴᠠᠢᠭᠰᠠᠨ ᠴᠢᠷᠠᠢᠶᠢᠨᠢ ᠪᠦᠷᠬᠦᠭᠡᠳ᠂ ᠬᠣᠩᠬᠤᠢᠵᠤ ᠲᠣᠮᠤᠷᠠᠭᠰᠠᠨ ᠬᠣᠶᠠᠷ ᠨᠢᠳᠦᠨᠢ ᠭᠡᠵᠢᠭᠡ ᠥᠰᠦᠨᠦᠪᠡᠨ ᠬᠣᠭᠤᠷᠤᠨᠳᠤᠭᠤᠷ ᠡᠵᠢᠪᠡᠨ ᠰᠢᠷᠲᠡᠨ ᠠᠨᠢᠪᠴᠢᠨᠠ᠃ ᠭᠡᠨᠡᠳᠲᠡᠬᠡᠨ ᠢᠨᠢᠶᠡᠭᠰᠡᠨᠨᠢ᠂ ᠡᠵᠢᠶᠢᠨ ᠡᠯᠢᠭᠡ ᠵᠢᠷᠦᠬᠡᠶᠢ ᠰᠢᠮᠰᠢᠷᠡᠭᠦᠯᠦᠭᠰᠡᠨ ᠪᠣᠯᠬᠣᠷ ᠡᠵᠢᠨᠢ ᠤᠷᠤᠭᠰᠢ ᠲᠦᠷᠢᠨ ᠬᠡᠦᠬᠡᠨᠢᠶᠡᠨ ᠲᠡᠪᠡᠷᠢᠨ ᠤᠷᠲᠤ ᠳᠠᠭᠤᠨᠢᠶᠠᠷ ᠡᠭᠡᠷ ᠲᠡᠳᠡᠨ ᠤᠬᠠᠭᠠᠨ ᠠᠯᠳᠠᠵᠤ ᠮᠠᠨᠠᠷᠠᠨ ᠤᠨᠠᠪᠠ ᠁
ᠬᠤᠸᠠᠩ ᠡᠵᠢᠶᠢ ᠰᠡᠬᠡᠭᠡᠷᠡᠬᠦᠳᠦᠨᠢ᠂ ᠪᠡᠶᠡᠶᠢᠨᠢ ᠬᠥᠩᠭᠡᠬᠡᠨ ᠢᠯᠪᠢᠵᠦ ᠪᠠᠢᠭᠠᠨᠢ ᠮᠡᠳᠡᠭᠳᠡᠨᠡ᠃ ᠨᠢᠳᠦᠪᠡᠨ ᠨᠡᠭᠡᠭᠡᠵᠦ ᠦᠵᠡᠬᠦᠯᠡᠷ ᠰᠠᠷᠠᠨ ᠭᠡᠷᠡᠯ ᠪᠢᠴᠢᠬᠠᠨ ᠴᠣᠩᠬᠤᠪᠠᠷ ᠲᠤᠰᠴᠤ᠂ ᠪᠡᠶᠡᠶᠢᠨᠢ ᠴᠢᠩᠭᠠ ᠲᠡᠪᠡᠷᠢᠵᠦ ᠪᠠᠢᠭᠰᠠᠨ ᠬᠡᠦᠬᠡᠨᠦ ᠬᠢᠨᠢ ᠨᠢᠭᠤᠷ ᠭᠡᠷᠡᠯᠲᠦᠨ ᠦᠵᠡᠭᠳᠡᠨᠡ᠃
《ᠠ? ᠱᠦ ᠢᠩᠮᠢᠨᠢ》 ᠭᠡᠵᠦ ᠲᠡᠷᠡ ᠰᠣᠴᠢᠮᠠᠭ ᠳᠠᠭᠤᠳᠠᠪᠠ᠃
《ᠡᠵᠢ ᠡ᠂ ᠰᠡᠷᠢᠪᠡᠦᠦ?》 ᠭᠡᠳ ᠬᠠᠴᠠᠷᠢᠶᠠᠨ ᠡᠵᠢᠶᠢᠨᠢᠶᠡᠨ ᠨᠢᠭᠤᠷᠲᠤ ᠨᠠᠭᠠᠯᠳᠤᠭᠤᠯᠪᠠ᠃
ᠬᠤᠸᠠᠩ ᠡᠵᠢ ᠬᠡᠦᠬᠡᠨᠢᠶᠡᠨ ᠨᠢᠳᠦ ᠠᠯᠳᠠᠯᠦᠭᠡᠢ ᠰᠢᠷᠲᠡᠭᠰᠡᠭᠡᠷ:
《ᠬᠡᠦᠬᠡᠨ ᠡ᠂ ᠡᠨᠡᠴᠢᠨᠢ ᠵᠡᠭᠦᠳᠦ ᠪᠢᠰᠢ ᠪᠢᠵᠡ?》 ᠭᠡᠵᠦ ᠠᠰᠠᠭᠤᠪᠠ᠃
ᠱᠦ ᠢᠩ : 《ᠪᠢᠰᠢ ᠡ᠂ ᠡᠵᠢᠮᠢᠨᠢ》 ᠭᠡᠵᠦ ᠨᠢᠯᠪᠤᠰᠤᠪᠠᠨ ᠪᠥᠮᠪᠦᠷᠢᠭᠦᠯᠦᠭᠰᠡᠭᠡᠷ 《ᠡᠨᠡᠴᠢᠨᠢ ᠵᠡᠭᠦᠳᠦ ᠪᠢᠰᠢ ᠰᠢᠤ᠂ ᠡᠵᠢ ᠡ》 ᠭᠡᠪᠡ᠃
ᠡᠵᠢᠨᠢ ᠴᠢᠳᠠᠨ ᠶᠠᠳᠠᠨ ᠪᠣᠰᠴᠤ ᠰᠠᠭᠤᠭᠠᠳ᠂ ᠬᠠᠷᠠ ᠭᠡᠷᠦᠨ ᠵᠡᠪᠡᠭᠦᠨ ᠪᠠᠢᠳᠠᠯᠢ ᠰᠡᠮᠡᠭᠡᠷᠬᠡᠨ ᠠᠵᠢᠭᠯᠠᠵᠤ᠂ ᠡᠭᠦᠳᠡᠨᠦ ᠭᠠᠳᠠᠨᠠᠬᠢ ᠬᠠᠷᠠᠭᠤᠯᠤᠨ ᠠᠯᠬᠤᠯᠠᠬᠤ ᠴᠢᠮᠡᠭᠡᠶᠢ ᠴᠢᠩᠨᠠᠭᠰᠠᠭᠠᠷ ᠬᠡᠦᠬᠡᠨᠢᠶᠡᠨ ᠲᠡᠪᠡᠷᠢᠨ ᠡᠮᠭᠡᠨᠢᠨ ᠤᠬᠢᠯᠠᠪᠠ ᠁
ᠱᠦ ᠢᠩ : 《ᠡᠵᠢ ᠡ᠂ ᠪᠢᠲᠡᠭᠡᠢ ᠤᠬᠢᠯᠠ》 ᠭᠡᠵᠦ ᠡᠵᠢᠶᠢᠨᠢᠶᠡᠨ ᠮᠥᠷᠦᠶᠢ ᠬᠥᠩᠭᠡᠨ ᠬᠥᠳᠡᠯᠭᠡᠵᠦ᠂ ᠵᠠᠢᠷᠯᠠᠭᠰᠠᠨ ᠨᠢᠯᠪᠤᠰᠤᠪᠠᠨ ᠬᠤᠷᠢᠶᠠᠪᠠ᠃ ᠱᠦ ᠢᠩ ᠶᠠᠭᠤ ᠬᠡᠯᠡᠬᠦᠪᠡᠨᠴᠦ ᠣᠯᠬᠤᠦᠭᠡᠢ ᠪᠣᠯᠵᠠᠢ᠃ ᠡᠵᠢᠪᠡᠨ ᠲᠠᠢᠳᠭᠤᠷᠠᠭᠤᠯᠬᠤᠶᠢ ᠪᠣᠳᠤᠭᠰᠠᠨ ᠪᠣᠯᠪᠠᠴᠤ ᠬᠡᠯᠡᠮᠡᠷ ᠵᠣᠬᠢᠰᠲᠠᠢ ᠦᠭᠡ ᠰᠠᠨᠠᠭᠠᠨᠳᠤᠨᠢ ᠣᠷᠤᠬᠤᠦᠭᠡᠢ ᠪᠠᠢᠯᠠ᠃ ᠡᠨᠡ ᠪᠠᠢᠳᠠᠯᠤᠨ ᠳᠣᠣᠷᠠ᠂ ᠳᠠᠶᠠᠩ ᠳᠡᠯᠡᠬᠡᠢᠶᠢᠨ ᠦᠭᠡ ᠬᠡᠯᠡ ᠪᠦᠬᠦᠨ᠂ ᠲᠡᠭᠦᠨᠦ ᠪᠤᠳᠤᠯᠢᠶᠠᠨᠲᠤ ᠰᠡᠳᠭᠢᠯᠭᠡᠶᠢ ᠢᠯᠡᠷᠡᠭᠦᠯᠵᠦ ᠴᠢᠳᠠᠬᠤᠦᠭᠡᠢ ᠪᠠᠢᠪᠠ᠃ ᠦᠨᠡᠨᠳᠡᠭᠡᠨᠴᠦ ᠶᠠᠷᠢᠯᠴᠠᠭᠰᠠᠨᠤ ᠬᠡᠷᠡᠭ ᠠᠯᠠᠭᠠ᠃ ᠲᠡᠷᠡ ᠬᠣᠶᠠᠭᠤᠯᠠᠶᠢᠨ ᠲᠣᠬᠢᠶᠠᠯᠳᠤᠭᠰᠠᠨ ᠤᠴᠠᠷᠠᠯ᠂ ᠰᠠᠨᠠᠭᠠ ᠰᠡᠳᠭᠢᠯᠭᠡ᠂ ᠬᠠᠷᠢᠯᠴᠠᠨ ᠪᠦᠷ ᠲᠣᠪ ᠲᠣᠳᠤᠷᠬᠠᠢ ᠣᠢᠯᠠᠭᠠᠭᠳᠠᠵᠤ ᠪᠠᠢᠪᠠ᠃ ᠡᠨᠡ ᠮᠡᠲᠦᠪᠡᠷ ᠲᠡᠳᠡ ᠬᠣᠶᠠᠭᠤᠯᠠ ᠴᠢᠮᠡᠭᠡ ᠠᠨᠢᠷᠦᠭᠡᠢ ᠤᠳᠠᠲᠠᠯᠠ ᠲᠡᠪᠡᠷᠢᠯᠳᠦᠨ ᠰᠠᠭᠤᠪᠠ᠃ ᠬᠠᠮᠤᠭᠤᠨ ᠰᠡᠭᠦᠯᠳᠦᠨᠢ᠂ ᠱᠦ ᠢᠩ ᠨᠢᠯᠪᠤᠰᠤᠪᠠᠨ ᠠᠷᠴᠢᠵᠤ᠂ ᠡᠵᠢ ᠤᠷᠤᠭᠤᠪᠠᠨ ᠬᠠᠷᠠᠭᠠᠳ:
《ᠡᠵᠢ ᠡ᠂ ᠲᠠᠨᠢ ᠵᠣᠪᠠᠭᠠᠮᠠᠷ ᠦᠭᠡᠶᠢ ᠪᠢ ᠦᠨᠡᠨ ᠬᠡᠯᠡᠬᠦ ᠳᠤᠷᠠᠦᠭᠡᠢ ᠪᠣᠯᠪᠠᠴᠤ ᠬᠡᠯᠡᠬᠦᠦᠭᠡᠢ ᠪᠠᠢᠬᠤᠶᠢᠨ ᠠᠷᠭᠠ ᠠᠯᠠᠭᠠ᠃ ᠲᠠ ᠬᠣᠵᠢᠮ ᠰᠤᠯᠠᠯᠠᠭᠳᠠᠵᠤ ᠴᠢᠳᠠᠪᠠᠯ ᠶᠠᠭᠠᠬᠢᠭᠰᠠᠨᠴᠤ ᠲᠡᠷᠡ ᠶᠠᠭᠤᠮᠠᠶᠢ ᠮᠠᠨᠤ ᠬᠥᠮᠦᠰᠲᠦ ᠲᠤᠰᠢᠶᠠᠨ ᠥᠭᠴᠦ: ᠱᠦ ᠢᠩᠴᠢᠨᠢ ᠨᠥᠬᠦᠳᠲᠡᠭᠡᠨ ᠣᠰᠤᠯᠳᠠᠭᠰᠠᠨᠦᠭᠡᠢ᠂ ᠪᠡᠶᠡ ᠦᠷᠡᠭᠳᠡᠭᠰᠡᠨ ᠠᠪᠤᠳᠠᠭᠠᠨᠴᠤ ᠣᠰᠤᠯᠳᠠᠭᠰᠠᠨᠦᠭᠡᠢ ᠭᠡᠵᠦ ᠬᠡᠯᠡᠭᠡᠷᠡᠢ᠃ ᠡᠵᠢ ᠡ᠂ ᠪᠢ ᠴᠢᠮᠠᠳᠤ ᠪᠠᠰᠠ ᠣᠰᠤᠯᠳᠠᠭᠰᠠᠨ ᠭᠠᠵᠠᠷᠦᠭᠡᠢ》 ᠭᠡᠪᠡ᠃
ᠡᠵᠢᠨᠢ: 《ᠬᠡᠯᠡᠬᠦ ᠬᠡᠷᠡᠭᠦᠭᠡᠢ ᠬᠡᠦᠬᠡᠨᠮᠢᠨᠢ》 ᠭᠡᠳ ᠤᠯᠠᠮ ᠰᠦᠷᠡᠬᠡᠢ ᠤᠬᠢᠯᠠᠵᠤ᠂ 《ᠴᠢ ᠬᠡᠷᠪᠡ ᠵᠠᠪᠰᠢᠶᠠᠨ ᠪᠤᠰᠤᠪᠠᠷ ᠪᠡᠶᠡ ᠦᠷᠡᠭᠳᠡᠳᠡᠭᠯᠡ ᠪᠣᠯ᠂ ᠪᠢ ᠪᠠᠰᠠ ᠠᠮᠢᠳᠤᠷᠠᠭᠠᠳ ᠶᠠᠭᠤ ᠬᠢᠬᠦ ᠪᠤᠢ? ᠴᠢᠮᠠᠢᠪᠠᠨ ᠳᠠᠭᠠᠭᠠᠳ ᠵᠠᠯᠠᠷᠠᠭᠰᠠᠨ ᠳᠡᠭᠡᠷᠡ》 ᠭᠡᠪᠡ᠃
《ᠲᠡᠭᠡᠵᠦ ᠪᠣᠯᠬᠤᠦᠭᠡᠢ ᠡᠵᠢᠮᠢᠨᠢ᠂ ᠪᠤᠤ ᠴᠢᠩᠭᠢᠭᠡᠷᠡᠢ᠃ ᠪᠢ ᠭᠤᠶᠤᠶᠠ᠂ ᠬᠡᠷᠬᠢᠪᠡᠴᠦ ᠴᠢᠩᠭᠢᠵᠦ ᠪᠣᠯᠬᠤᠦᠭᠡᠢ!》 ᠭᠡᠬᠦᠶᠢᠨ ᠵᠡᠷᠭᠡᠴᠡᠭᠡ ᠡᠵᠢᠶᠢᠨᠢᠶᠡᠨ ᠴᠢᠬᠢᠨᠳᠦ: 《ᠡᠵᠢ ᠡ᠂ ᠲᠡᠷᠡ ᠶᠠᠭᠤᠮᠠ ᠶᠠᠭᠤ ᠪᠣᠯᠬᠤᠶᠢ ᠲᠠ ᠮᠡᠳᠡᠨᠡᠦᠦ?》 ᠭᠡᠵᠦ ᠰᠡᠮᠡᠭᠡᠷᠬᠡᠨ ᠠᠰᠠᠭᠤᠪᠠ᠃
ᠡᠵᠢᠨᠢ ᠲᠣᠯᠤᠭᠠᠢᠪᠠᠨ ᠰᠡᠭᠰᠦᠷᠪᠡ᠃
《ᠡᠵᠢ ᠡ᠂ ᠣᠳᠣ ᠪᠢ ᠲᠠᠨᠳᠤ ᠬᠡᠯᠡᠵᠦ ᠥᠭᠭᠦᠶᠡ᠃ ᠲᠡᠷᠡ ᠶᠠᠭᠤᠮᠠ ᠪᠣᠯ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠪᠦᠷᠢᠳᠭᠡᠯᠦᠨ ᠬᠦᠰᠦᠨᠦᠭᠲᠦ ᠮᠥᠨ᠃ ᠪᠦᠬᠦ ᠨᠤᠲᠤᠭᠤᠨ ᠭᠤᠴᠢᠨ ᠬᠡᠳᠦᠨ ᠨᠠᠮᠤᠨ ᠭᠡᠰᠢᠭᠦᠨᠦ ᠨᠡᠷᠡ ᠪᠦᠷ ᠪᠢᠴᠢᠭᠡᠰᠦᠲᠡᠢ ᠪᠤᠢ᠃ ᠡᠨᠡ ᠬᠦᠰᠦᠨᠦᠭᠲᠦ ᠳᠠᠢᠰᠤᠨᠤ ᠭᠠᠷᠲᠤ ᠣᠷᠤᠬᠤᠳᠤ ᠬᠦᠷᠪᠡᠯ ᠡᠳᠡᠭᠡᠷ ᠭᠤᠴᠢ ᠭᠠᠷᠤᠢ ᠬᠥᠮᠦᠰᠦᠨ ᠠᠮᠢ ᠨᠠᠰᠤ ᠳᠠᠭᠤᠰᠴᠤ᠂ ᠮᠠᠨᠤ ᠨᠤᠲᠤᠭᠤᠨ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠴᠤ ᠦᠨᠳᠦᠰᠦ ᠲᠠᠰᠤᠷᠠᠬᠤ ᠪᠣᠯᠤᠨᠠ᠃ ᠬᠡᠷᠪᠡ ᠡᠨᠡᠬᠦ ᠬᠦᠰᠦᠨᠦᠭᠲᠦᠶᠢ ᠳᠡᠭᠡᠳᠦ ᠱᠠᠲᠤᠨᠳᠤ ᠲᠤᠰᠢᠶᠠᠬᠤᠦᠭᠡᠢ ᠪᠣᠯ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠬᠣᠯᠪᠤᠭᠠᠴᠤ ᠲᠠᠰᠤᠷᠠᠬᠤ ᠪᠣᠯᠤᠨᠠ᠃ ᠡᠵᠢ ᠡ᠂ ᠲᠠ ᠥᠪᠡᠷᠦᠨᠢᠶᠡᠨ ᠬᠡᠦᠬᠡᠨᠢ ᠬᠠᠢᠷᠠᠯᠠᠳᠠᠭ ᠠᠳᠠᠯᠢᠪᠠᠷ ᠲᠡᠳᠡᠨᠢ ᠬᠠᠢᠷᠠᠯᠠᠭᠠᠷᠠᠢ᠃ ᠲᠡᠳᠡ ᠴᠥᠮ ᠲᠠᠨᠤ ᠦᠷᠡ ᠬᠡᠦᠬᠡᠳ ᠮᠥᠨ᠂ ᠲᠡᠳᠡ ᠤᠳᠠᠯᠦᠭᠡᠢ ᠪᠢᠳᠡᠨᠦ ᠥᠰᠢᠶᠡᠶᠢ ᠠᠪᠴᠤ ᠥᠭᠭᠦᠨᠡ ᠰᠢᠤ! ᠡᠵᠢ ᠡ᠂ ᠲᠠ ᠪᠤᠤ ᠣᠢᠷᠠᠶᠢ ᠪᠣᠳᠤᠭᠠᠷᠠᠢ᠂ ᠲᠠ ᠦᠷᠡᠭᠳᠡᠵᠦ ᠪᠣᠯᠬᠤᠦᠭᠡᠢ! ᠡᠷᠬᠡᠪᠰᠢ ᠠᠮᠢᠳᠤᠷᠠᠬᠤ ᠶᠣᠰᠤᠲᠠᠢ!》 ᠭᠡᠪᠡ᠃
ᠡᠵᠢᠨᠢ ᠦᠭᠡ ᠳᠠᠭᠤᠨᠦᠭᠡᠢᠪᠠᠷ᠂ ᠬᠠᠷᠠᠩᠭᠤᠢ ᠣᠭᠲᠠᠷᠭᠤᠢᠶᠢ ᠰᠢᠷᠲᠡᠨ ᠮᠡᠯᠡᠷᠡᠨᠡ᠃ ᠲᠡᠭᠦᠨᠦ ᠰᠡᠳᠭᠢᠯ ᠰᠠᠨᠠᠭᠠᠨᠢ ᠲᠤᠢᠯᠢᠶᠠᠷ ᠰᠠᠮᠠᠭᠤᠷᠠᠵᠤ᠂ ᠶᠡᠷᠦ ᠤᠬᠠᠭᠠᠨ ᠲᠥᠬᠦᠭᠡᠪᠡᠨ ᠣᠯᠬᠤᠪᠠᠨ ᠪᠣᠯᠢᠪᠠ᠃
《ᠡᠵᠢ ᠡ᠂ ᠪᠠᠰᠠ ᠬᠡᠯᠡᠬᠦ ᠵᠦᠢᠯ ᠪᠠᠢᠨᠠ᠃ ᠯᠣᠣ ᠵᠣᠣ ᠪᠢᠳᠡ ᠬᠣᠶᠠᠭᠤᠯᠠᠶᠢ ᠬᠡᠨ ᠬᠤᠳᠠᠯᠳᠤᠭᠰᠠᠨᠢ ᠲᠠ ᠮᠡᠳᠡᠨᠡᠦᠦ?》
ᠬᠤᠸᠠᠩ ᠡᠵᠢ : 《ᠮᠡᠳᠡᠬᠦᠦᠭᠡᠢ᠂ ᠬᠡᠨᠨᠢ ᠪᠣᠯᠴᠢᠬᠠᠪᠠ?》 ᠭᠡᠵᠦ ᠰᠣᠴᠢᠰᠬᠢᠨ ᠭᠠᠢᠬᠠᠵᠤ ᠠᠰᠠᠭᠤᠪᠠ᠃
ᠱᠦ ᠢᠩ : 《ᠬᠤᠸᠠᠩ ᠢᠦ ᠼᠠᠢ ᠰᠢᠤ》 ᠭᠡᠵᠦ ᠵᠠᠨᠤᠯᠲᠠᠢ ᠬᠠᠷᠢᠭᠤᠯᠤᠨᠠ᠃ ᠬᠤᠸᠠᠩ ᠡᠵᠢ 《ᠠ!》 ᠭᠡᠵᠦ ᠰᠣᠴᠢᠨ ᠨᠢᠳᠦᠨᠢ ᠭᠥᠯᠢᠷᠡᠪᠡ᠃
《ᠡᠵᠢ ᠡ᠂ ᠲᠠ ᠮᠠᠷᠲᠠᠯᠦᠭᠡᠢ ᠴᠡᠭᠡᠵᠢᠯᠡᠵᠦ ᠪᠠᠢᠭᠠᠷᠠᠢ᠃ ᠬᠤᠸᠠᠩ ᠢᠦ ᠼᠠᠢ ᠵᠣᠯᠢᠭ ᠳᠠᠢᠰᠤᠨᠳᠤ ᠯᠣᠣ ᠵᠣᠣ ᠪᠢᠳᠡ ᠬᠣᠶᠠᠭᠤᠯᠠᠶᠢ ᠨᠢᠭᠤᠴᠠᠪᠠᠷ ᠵᠠᠭᠠᠯᠳᠤᠭᠰᠠᠨ ᠪᠠᠢᠨᠠ᠃ ᠡᠨᠡ ᠤᠷᠪᠠᠭᠴᠢ ᠢᠯᠡᠭᠦᠦ ᠨᠢᠭᠡ ᠡᠳᠦᠷ ᠠᠮᠢᠳᠤᠷᠠᠪᠠᠯ᠂ ᠮᠠᠨᠠᠢᠬᠢᠨ ᠢᠯᠡᠭᠦᠦ ᠨᠢᠭᠡ ᠡᠳᠦᠷᠦᠨ ᠬᠣᠬᠢᠷᠠᠯᠢ ᠠᠮᠰᠠᠨᠠ᠃ ᠬᠡᠷᠪᠡ ᠲᠠ ᠭᠠᠷᠴᠤ ᠴᠢᠳᠠᠪᠠᠯ᠂ ᠵᠠᠪᠠᠯ ᠡᠨᠡᠬᠦ ᠪᠠᠢᠳᠠᠯᠢ ᠮᠠᠨᠠᠢᠬᠢᠨᠳᠤ ᠮᠡᠳᠡᠭᠳᠡᠵᠦ᠂ ᠡᠨᠡ ᠳᠠᠢᠰᠤᠨᠢ ᠤᠰᠠᠳᠭᠠᠬᠤ ᠬᠡᠷᠡᠭᠲᠡᠢ᠃ ᠡᠵᠢ ᠡ᠂ ᠲᠠ ᠦᠬᠦᠵᠦ ᠪᠣᠯᠬᠤᠦᠭᠡᠢ᠂ ᠵᠠᠪᠠᠯ ᠠᠮᠢᠳᠤᠷᠠᠬᠤ ᠶᠣᠰᠤᠲᠠᠢ ᠰᠢᠤ》 ᠭᠡᠪᠡ᠃
ᠬᠤᠸᠠᠩ ᠡᠵᠢ ᠬᠥᠮᠦᠬᠡᠢᠪᠡᠨ ᠵᠠᠭᠤᠵᠤ᠂ ᠬᠠᠷᠠᠩᠭᠤᠢ ᠣᠭᠲᠠᠷᠭᠤᠢᠶᠢ ᠬᠢᠯᠢᠩᠲᠡᠢ ᠰᠢᠷᠲᠡᠨ ᠶᠡᠬᠡᠲᠡ ᠪᠤᠬᠢᠨᠢᠳᠤᠨᠠ᠃
《ᠲᠡᠭᠡᠶᠡ᠂ ᠬᠡᠦᠬᠡᠨᠮᠢᠨᠢ᠂ ᠡᠵᠢᠨᠢ ᠠᠮᠢᠳᠤ ᠶᠠᠪᠤᠵᠤ ᠴᠢᠳᠠᠳᠠᠭᠯᠠ ᠪᠣᠯ᠂ ᠡᠨᠡ ᠤᠷᠪᠠᠭᠴᠢᠶᠢ ᠶᠠᠭᠠᠬᠢᠪᠠᠴᠤ ᠵᠦᠭᠡᠷ ᠲᠠᠯᠪᠢᠬᠤᠦᠭᠡᠢ᠃ ᠵᠢᠷᠤᠮᠦᠭᠡᠢ ᠠᠳᠤᠭᠤᠰᠤ ᠬᠤᠸᠠᠩ ᠢᠦ ᠼᠠᠢ!》 ᠭᠡᠵᠦ ᠡᠷᠡᠰ ᠰᠢᠭᠤᠷᠬᠠᠢ ᠬᠡᠯᠡᠪᠡ᠃
ᠨᠢᠭᠡᠨᠲᠡ ᠰᠥᠨᠢᠶᠢᠨ ᠭᠦᠨ ᠪᠣᠯᠤᠯᠠ᠃
ᠰᠠᠷᠠ ᠠᠯᠭᠤᠷᠬᠠᠨ ᠨᠡᠭᠦᠭᠰᠡᠭᠡᠷ ᠪᠠᠷᠠᠭᠤᠨ ᠭᠡᠷᠦᠨ ᠳᠡᠭᠡᠷᠡ ᠲᠤᠰᠪᠠ᠃ ᠬᠡᠦᠬᠡᠨᠨᠢ ᠡᠵᠢᠶᠢᠨᠢᠶᠡᠨ ᠡᠪᠦᠷᠲᠦ ᠬᠠᠮᠠᠷ ᠲᠠᠲᠠᠵᠤ ᠣᠷᠬᠢᠯᠠ᠃ ᠲᠡᠷᠡ ᠰᠡᠳᠭᠢᠯ ᠠᠮᠤᠷ ᠠᠮᠲᠠᠲᠠᠢᠬᠠᠨ ᠤᠨᠲᠠᠨᠠ᠃ ᠲᠡᠷᠭᠡᠯ ᠰᠠᠷᠠᠨᠤ ᠲᠤᠶᠠᠭᠠ ᠵᠢᠵᠢᠭ ᠴᠣᠩᠬᠤᠪᠠᠷ ᠲᠤᠰᠴᠤ᠂ ᠤᠨᠲᠠᠭᠰᠠᠨ ᠬᠡᠦᠬᠡᠨᠦ ᠨᠢᠭᠤᠷᠢ ᠭᠡᠷᠡᠯᠲᠦᠭᠦᠯᠪᠡ᠃ ᠬᠡᠳᠦᠢᠪᠡᠷ ᠨᠢᠭᠤᠷ ᠳᠦᠭᠦᠷᠡᠩ ᠴᠢᠰᠤ ᠨᠥᠵᠢ ᠨᠠᠭᠠᠯᠳᠤᠵᠤ ᠰᠢᠯᠪᠤᠷᠠᠭᠰᠠᠨᠴᠤ ᠭᠠᠯ ᠵᠠᠯᠠᠭᠤ ᠨᠠᠰᠤᠨᠤ ᠭᠤᠤᠠ ᠦᠵᠡᠰᠭᠦᠯᠡᠩᠢ ᠬᠠᠯᠬᠠᠯᠠᠵᠤ ᠴᠢᠳᠠᠭᠰᠠᠨᠦᠭᠡᠢᠨᠢ ᠶᠠᠭ ᠳᠠᠢᠰᠤᠨᠤ ᠬᠠᠷᠭᠢᠰ ᠡᠷᠡᠭᠦᠳᠡᠯ ᠪᠦᠬᠦᠨᠨᠢ᠂ ᠲᠡᠭᠦᠨᠦ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠬᠠᠳᠠᠨ ᠵᠣᠷᠢᠭᠢ ᠳᠠᠷᠤᠵᠤ ᠴᠢᠳᠠᠭᠰᠠᠨᠦᠭᠡᠢᠲᠠᠢ ᠠᠳᠠᠯᠢ ᠪᠠᠢᠪᠠ᠃ ᠬᠤᠸᠠᠩ ᠡᠵᠢ ᠬᠡᠦᠬᠡᠨᠦᠪᠡᠨ ᠮᠠᠩᠨᠠᠢ ᠳᠡᠭᠡᠷᠡᠬᠢ ᠪᠤᠷᠵᠢᠢᠭᠰᠠᠨ ᠦᠰᠦᠶᠢ ᠨᠠᠮᠤᠭᠤᠬᠠᠨ ᠢᠷᠠᠵᠤ ᠦᠵᠡᠰᠭᠦᠯᠡᠩ ᠭᠤᠤᠠ᠂ ᠰᠦᠷ ᠪᠠᠳᠠᠷᠠᠩᠭᠤᠢ ᠵᠢᠰᠦᠶᠢᠨᠢ ᠤᠳᠠᠲᠠᠯᠠ ᠨᠢᠳᠦ ᠠᠯᠳᠠᠯᠦᠭᠡᠢ ᠰᠢᠷᠲᠡᠨᠡ ᠁
ᠳᠥᠷᠪᠡ
ᠲᠠᠬᠢᠶᠠ ᠳᠤᠤᠭᠠᠷᠬᠤ ᠦᠶᠡᠰ ᠡᠭᠦᠳᠡᠨᠦ ᠭᠠᠳᠠᠨᠠ ᠡᠷᠢᠶᠡᠨ ᠮᠢᠷᠢᠶᠡᠨ ᠵᠡᠷᠯᠢᠭ ᠳᠠᠭᠤᠨ ᠭᠠᠷᠴᠤ᠂ ᠴᠣᠣᠵᠢᠶᠢ ᠲᠠᠷᠴᠢᠭᠢᠨᠠᠭᠤᠯᠤᠭᠰᠠᠭᠠᠷ ᠳᠡᠭᠡᠷᠡᠮᠴᠢᠳ ᠣᠷᠤᠵᠤ ᠢᠷᠡᠪᠡ᠃
ᠨᠢᠭᠡ ᠨᠠᠰᠤᠨᠤ ᠡᠴᠦᠰᠦᠨ ᠮᠢᠨᠦ᠋ᠲ ᠪᠣᠯᠵᠠᠢ᠃
ᠦᠷ ᠴᠠᠢᠭᠠᠳᠤᠢ ᠪᠥᠭᠡᠳ ᠰᠥᠨᠢᠶᠢᠨ ᠪᠠᠢᠳᠠᠯᠴᠤ ᠪᠦᠷᠢᠨ ᠬᠤᠪᠢᠷᠠᠭᠠᠳᠤᠢ ᠪᠠᠢᠯᠠ᠃ ᠵᠡᠭᠡᠯᠢ ᠭᠤᠳᠤᠮᠵᠢ ᠰᠠᠷᠠᠨᠤ ᠲᠤᠶᠠᠭᠠ ᠴᠠᠰᠤᠨᠤ ᠭᠡᠷᠡᠯᠳᠦ ᠪᠥᠷᠲᠦᠯᠵᠡᠨ ᠰᠡᠭᠦᠳᠡᠭᠡᠨᠡᠵᠦ ᠡᠭᠦᠯᠡ ᠮᠠᠨᠠᠨᠳᠤ ᠪᠦᠷᠬᠦᠭᠳᠡᠭᠰᠡᠨᠰᠢᠭ ᠪᠠᠢᠪᠠ᠃ ᠳᠥᠷᠪᠡᠨ ᠵᠦᠭᠦᠨ ᠠᠭᠤᠯᠠᠨ ᠳᠡᠭᠡᠷᠡᠬᠢ ᠪᠡᠬᠢᠯᠡᠯᠲᠡᠡᠴᠡ ᠪᠠᠰᠠ ᠳ᠋ᠧᠩᠦᠨ ᠭᠡᠷᠡᠯ ᠭᠢᠯᠪᠠᠯᠵᠠᠨᠠ᠃ ᠶᠡᠬᠡ ᠴᠠᠰᠤ ᠵᠡᠭᠡᠯᠢ ᠭᠤᠳᠤᠮᠵᠢᠶᠢ ᠳᠠᠷᠤᠵᠤ᠂ ᠠᠯᠬᠤᠯᠠᠬᠤᠳᠤ ᠱᠠᠷᠴᠢᠭᠢᠨᠠᠨ ᠳᠤᠤᠭᠠᠷᠤᠨ᠂ ᠴᠠᠰᠤᠨ ᠳᠡᠭᠡᠷᠡ ᠭᠦᠶᠦᠬᠡᠨ ᠰᠡᠭᠦᠳᠡᠷ ᠬᠠᠷᠠᠭᠳᠠᠨᠠ᠃
ᠡᠵᠢ ᠬᠡᠦᠬᠡᠨ ᠬᠣᠶᠠᠭᠤᠯᠠᠪᠠᠨ ᠴᠠᠰᠤ ᠬᠤᠷᠠᠭᠰᠠᠨ ᠵᠡᠭᠡᠯᠢᠪᠡᠷ ᠠᠯᠬᠤᠯᠠᠵᠤ᠂ ᠪᠠᠷᠠᠭᠤᠨ ᠡᠭᠦᠳᠡᠪᠡᠷ ᠭᠠᠷᠬᠤᠳᠤ᠂ ᠦᠷᠡᠴᠡ ᠡᠮᠦᠨᠡᠬᠢ ᠠᠭᠤᠯᠠ ᠲᠠᠯᠠ ᠲᠡᠳᠡᠨᠳᠦ ᠲᠡᠨᠢᠢᠨ ᠦᠵᠡᠭᠳᠡᠨᠡ᠃ ᠠᠭᠤᠯᠠ ᠲᠠᠯᠠ ᠴᠠᠰᠤᠨᠳᠤ ᠬᠤᠴᠢᠭᠳᠠᠵᠤ᠂ ᠭᠣᠶᠤᠯᠠᠨ ᠴᠢᠮᠡᠭᠰᠡᠨ ᠣᠷᠴᠢᠯᠠᠩ ᠳᠡᠯᠡᠬᠡᠢᠰᠢᠭ ᠪᠠᠢᠯᠠ᠃ ᠥᠷᠭᠡᠨ ᠠᠭᠤᠳᠠᠮ ᠬᠡᠭᠡᠷᠡ ᠲᠠᠯᠠ ᠨᠠᠮ ᠵᠢᠮᠬᠡᠨ ᠪᠠᠢᠪᠠ᠃ ᠱᠦ ᠢᠩ ᠥᠷᠯᠦᠭᠡᠶᠢᠨ ᠠᠷᠢᠭᠤᠨ ᠠᠭᠠᠷᠢ ᠤᠷᠲᠤ ᠭᠡᠭᠴᠢ ᠠᠮᠢᠰᠭᠤᠭᠠᠳ᠂ ᠲᠡᠭᠷᠢᠶᠢ ᠰᠢᠷᠲᠡᠨ ᠬᠠᠷᠠᠬᠤᠳᠤ᠂ ᠨᠣᠮᠢᠨ ᠣᠭᠲᠠᠷᠭᠤᠢ ᠴᠡᠩᠬᠡᠷᠯᠡᠨ ᠬᠥᠬᠡᠷᠡᠵᠦ᠂ ᠦᠷᠦᠨ ᠬᠡᠳᠦᠨ ᠣᠳᠤ ᠦᠵᠡᠭᠳᠡᠬᠦᠪᠡᠨ ᠪᠣᠯᠢᠬᠤ ᠰᠢᠬᠠᠭᠰᠠᠨ ᠣᠴᠢᠪᠠᠨ ᠭᠢᠯᠠᠯᠵᠠᠭᠤᠯᠤᠭᠰᠠᠭᠠᠷ ᠪᠠᠢᠯᠠ᠃
《ᠠ! ᠡᠵᠢ ᠡ᠂ ᠦᠷ ᠴᠠᠢᠯᠠ!》
ᠲᠡᠢᠮᠦ ᠡ᠂ ᠦᠷ ᠴᠠᠢᠪᠠ᠃ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠨᠤᠲᠤᠭ ᠬᠡᠳᠦᠢ ᠰᠠᠢᠬᠠᠨ ᠪᠤᠢ᠃ ᠭᠡᠪᠡᠴᠦ ᠡᠳᠡᠭᠡᠷ ᠪᠦᠬᠦᠨᠨᠢ ᠲᠡᠭᠦᠨᠳᠦ ᠡᠴᠦᠰ ᠰᠡᠭᠦᠯᠦᠨ ᠦᠵᠡᠮᠦᠷᠢ ᠪᠣᠯᠵᠠᠢ᠃ ᠬᠡᠳᠦᠨ ᠮᠢᠨᠦ᠋ᠲ ᠪᠣᠯᠪᠠᠯ᠂ ᠲᠡᠷᠡ ᠬᠢᠵᠠᠭᠠᠯᠠᠰᠢᠦᠭᠡᠢ ᠦᠵᠡᠮᠵᠢᠲᠦ ᠡᠬᠡ ᠣᠷᠤᠨᠤᠪᠠᠨ ᠠᠭᠤᠯᠠ ᠤᠰᠤ᠂ ᠬᠠᠢᠷᠠᠲᠤ ᠡᠵᠢ᠂ ᠦᠨᠡᠨᠴᠢ ᠰᠢᠳᠤᠷᠭᠤ ᠨᠥᠬᠦᠳ ᠪᠠ ᠥᠪᠡᠷᠦᠨ ᠭᠠᠯ ᠵᠠᠯᠠᠭᠤ ᠠᠷᠪᠠ ᠶᠢᠰᠦᠨ ᠨᠠᠰᠤᠠᠴᠠᠪᠠᠨ ᠥᠨᠢ ᠡᠭᠦᠷᠢᠳᠡ ᠬᠠᠭᠠᠴᠠᠬᠤ ᠪᠣᠯᠤᠨᠠ᠃
ᠲᠡᠳᠡ ᠨᠢᠭᠡ ᠭᠤᠤᠶᠢᠨ ᠢᠷᠮᠡᠭ ᠳᠡᠭᠡᠷᠡ ᠬᠦᠷᠴᠦ ᠵᠣᠭᠰᠤᠪᠠ᠃
ᠡᠨᠡ ᠭᠤᠤ ᠪᠣᠯ ᠳ᠋ᠠ ᠺᠤᠸᠠᠩ ᠪᠠᠭᠤᠳᠠᠯᠤᠨ ᠬᠥᠮᠦᠨ ᠠᠯᠠᠬᠤ ᠭᠠᠵᠠᠷ ᠮᠥᠨ᠃ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠬᠡᠴᠢᠨᠡᠨ ᠣᠯᠠᠨ ᠰᠢᠯᠢᠳᠡᠭ ᠦᠷᠡ ᠬᠡᠦᠬᠡᠳ᠂ ᠡᠨᠡ ᠭᠤᠤᠳᠤ ᠠᠷᠢᠭᠤᠨ ᠴᠢᠰᠤᠪᠠᠨ ᠤᠷᠤᠰᠭᠠᠭᠰᠠᠨᠢ ᠪᠤᠤ ᠮᠡᠳᠡ᠃ ᠭᠣᠮᠢᠨᠳᠠᠩᠤᠨ ᠳᠡᠭᠡᠷᠡᠮᠴᠢᠳᠦᠨ ᠶᠠᠯᠠᠲᠤ ᠠᠵᠢᠯᠯᠠᠭᠠᠶᠢᠨ ᠣᠷᠤ ᠮᠥᠷᠢ ᠬᠥᠷ ᠴᠠᠰᠤᠴᠤ ᠳᠠᠷᠤᠵᠤ ᠡᠰᠡ ᠴᠢᠳᠠᠨᠠ᠃ ᠭᠤᠯᠳᠤᠯᠠᠵᠤ ᠬᠠᠶᠠᠭᠳᠠᠭᠰᠠᠨ ᠬᠥᠯ ᠲᠣᠯᠤᠭᠠᠢᠦᠭᠡᠢ ᠬᠡᠭᠦᠷ ᠵᠤᠵᠠᠭᠠᠨ ᠴᠠᠰᠤᠨᠳᠤ ᠬᠤᠴᠢᠭᠳᠠᠭᠰᠠᠨ ᠪᠣᠯᠪᠠᠴᠤ ᠬᠡᠪᠨᠢ ᠮᠡᠳᠡᠭᠳᠡᠨᠡ᠃ ᠠᠷᠢᠭᠤᠨ ᠴᠢᠰᠤᠶᠢ ᠬᠠᠨᠲᠠᠯᠠᠪᠠᠨ ᠰᠢᠩᠭᠡᠭᠡᠭᠰᠡᠨ ᠭᠠᠵᠠᠷ᠂ ᠬᠥᠷᠯᠡᠭᠰᠡᠨ ᠴᠠᠭᠠᠨ ᠴᠠᠰᠤᠶᠢ ᠤᠯᠠᠭᠠᠨ ᠪᠣᠯᠲᠠᠯᠠ ᠪᠣᠳᠤᠵᠠᠢ᠃
《ᠰᠥᠭᠦᠳ!》 ᠭᠡᠰᠡᠨ ᠵᠡᠷᠯᠢᠭ ᠳᠠᠭᠤ᠂ ᠨᠠᠮ ᠵᠢᠮ ᠠᠭᠤᠯᠠᠶᠢᠨ ᠵᠠᠪᠠᠳᠤ ᠴᠤᠤᠷᠢᠶᠠᠲᠤᠪᠠ᠃ 《ᠠᠮᠢᠳᠤᠷᠠᠶᠠ ᠭᠡᠪᠡᠯ ᠣᠳᠣ ᠪᠠᠰᠠ ᠣᠷᠤᠢᠲᠠᠬᠤᠦᠭᠡᠢ᠂ ᠪᠣᠳᠤᠯᠬᠢᠯᠠᠵᠤ ᠦᠵᠡᠭᠡᠷᠡᠢ》 ᠭᠡᠵᠦ ᠳᠠᠢᠰᠤᠨ ᠬᠠᠮᠤᠭ ᠡᠴᠦᠰᠦᠨ ᠬᠡᠢ ᠭᠣᠷᠢᠳᠠᠯᠭᠠᠪᠠᠨ ᠪᠠᠰᠠ ᠲᠠᠰᠤᠯᠤᠭᠠᠳᠤᠢ ᠪᠠᠢᠪᠠ᠃
ᠠᠨᠢᠷ ᠴᠢᠮᠡᠭᠡᠦᠭᠡᠢ ᠨᠠᠮ ᠭᠦᠮᠢᠶᠡᠷᠢᠶᠡᠨ ᠪᠠᠢᠯᠠ᠃
ᠬᠦᠢᠲᠡᠨ ᠰᠠᠯᠬᠢᠨ᠂ ᠡᠭᠦᠯᠡ ᠮᠠᠨᠠᠨᠰᠢᠭ᠋ ᠴᠠᠰᠤᠶᠢ ᠰᠢᠭᠤᠷᠤᠭᠤᠯᠤᠨ ᠰᠡᠷᠴᠢᠭᠢᠨᠡᠭᠦᠯᠵᠦ᠂ ᠭᠤᠤᠶᠢᠨ ᠮᠥᠰᠦᠨ ᠳᠣᠣᠷᠠᠬᠢ ᠤᠷᠤᠰᠭᠠᠯ ᠰᠦᠷᠴᠢᠭᠢᠨᠡᠨ ᠱᠤᠤᠭᠢᠬᠤᠨᠢ ᠰᠣᠨᠤᠰᠳᠠᠨᠠ ᠁
ᠳᠠᠢᠰᠤᠨ: 《ᠪᠣᠳᠤᠵᠤ ᠣᠯᠤᠭᠰᠠᠨᠤᠤ?》 ᠭᠡᠪᠡ᠃
《ᠡᠷᠲᠡ ᠪᠣᠳᠤᠭᠠᠳ ᠣᠯᠴᠢᠬᠠᠭᠰᠠᠨ᠂ ᠠᠯᠠ!》 ᠭᠡᠪᠡ᠃
ᠡᠨᠡ ᠦᠶᠡᠰᠲᠦ ᠬᠤᠸᠠᠩ ᠡᠵᠢ ᠬᠡᠦᠬᠡᠨᠨᠢ ᠲᠡᠭᠦᠨᠢ ᠡᠷᠭᠢᠨ ᠬᠠᠷᠠᠭᠠᠳ ᠰᠢᠯᠤᠭᠤᠨ ᠠᠰᠪᠤᠷᠢᠪᠠᠷ ᠢᠨᠢᠶᠡᠵᠦ ᠪᠠᠢᠬᠤᠶᠢ ᠣᠯᠵᠤ ᠦᠵᠡᠯᠡ᠃ ᠨᠠᠰᠤᠲᠠᠢ ᠡᠵᠢ ᠭᠡᠨᠡᠳᠲᠡ ᠬᠡᠦᠬᠡᠨᠳᠡᠭᠡᠨ ᠬᠡᠳᠦᠨ ᠦᠭᠡ ᠬᠡᠯᠡᠮᠡᠷ ᠰᠠᠨᠠᠭᠳᠠᠭᠰᠠᠨ ᠪᠣᠯᠪᠠᠴᠤ ᠲᠡᠭᠦᠨᠢ ᠬᠡᠯᠡᠵᠦ ᠠᠮᠵᠢᠬᠤᠠᠴᠠ ᠡᠮᠦᠨᠡ ᠬᠢᠲᠤᠭᠠᠶᠢᠨ ᠢᠷ ᠬᠡᠦᠬᠡᠨᠦ ᠬᠢᠨᠢ ᠲᠣᠯᠤᠭᠠᠢ ᠳᠡᠭᠡᠭᠦᠷ ᠬᠤᠷᠤᠢᠯᠵᠠᠭᠰᠠᠨᠳᠤ ᠡᠬᠡ ᠥᠨᠳᠦᠷ ᠳᠠᠭᠤᠨᠢᠶᠠᠷ ᠬᠠᠰᠭᠢᠷᠤᠨ ᠮᠠᠨᠠᠷᠠᠵᠤ ᠤᠨᠠᠪᠠ ᠁
ᠲᠡᠷᠡ ᠰᠡᠷᠢᠵᠦ ᠤᠬᠠᠭᠠᠨ ᠣᠷᠤᠮᠠᠭᠴᠠᠪᠠᠨ ᠭᠤᠤᠶᠢᠨ ᠢᠷᠮᠡᠭ ᠳᠡᠭᠡᠷᠡ ᠭᠤᠯᠳᠤᠢᠨ ᠤᠨᠠᠭᠰᠠᠨ ᠬᠡᠦᠬᠡᠨᠦᠪᠡᠨ ᠬᠡᠭᠦᠷᠢ ᠣᠯᠵᠤ ᠦᠵᠡᠯᠡ᠃ ᠴᠠᠪ ᠴᠠᠭᠠᠨ ᠴᠠᠰᠤᠨ ᠳᠡᠭᠡᠷᠡ᠂ ᠤᠪ ᠤᠯᠠᠭᠠᠨ ᠴᠢᠰᠤ ᠨᠡᠯᠦᠢᠵᠦ ᠪᠠᠢᠯᠠ᠃ ᠲᠡᠷᠡ ᠬᠡᠦᠬᠡᠨᠦᠪᠡᠨ ᠨᠢᠭᠡᠨᠲᠡ ᠬᠥᠰᠢᠭᠰᠡᠨ ᠬᠡᠭᠦᠷ ᠳᠡᠭᠡᠷᠡ ᠳᠠᠭᠤ ᠲᠠᠯᠪᠢᠨ ᠤᠬᠢᠯᠠᠪᠠ ᠁
᠁ ᠨᠡᠯᠢᠶᠡᠳ ᠤᠳᠠᠭᠠᠨ ᠤᠬᠢᠯᠠᠨ ᠬᠡᠦᠬᠡᠨᠦᠪᠡᠨ ᠴᠢᠷᠠᠢᠳᠠᠬᠢ ᠴᠢᠰᠤ ᠨᠥᠵᠢᠶᠢ ᠠᠷᠴᠢᠵᠤ᠂ ᠴᠢᠰᠤᠦᠭᠡᠢ ᠴᠠᠢᠷᠠᠭᠰᠠᠨ ᠴᠢᠷᠠᠢᠶᠢᠨᠢ ᠦᠵᠡᠭᠰᠡᠭᠡᠷ ᠬᠡᠭᠦᠷᠢᠨᠢ ᠲᠡᠪᠡᠷᠢᠨ᠂ ᠬᠦᠢᠲᠡᠨ ᠴᠢᠷᠠᠢᠶᠢᠨᠢ ᠦᠨᠦᠰᠪᠡ᠃ ᠬᠠᠮᠤᠭ ᠰᠡᠭᠦᠯᠳᠦᠨᠢ ᠬᠡᠦᠬᠡᠨᠦᠪᠡᠨ ᠬᠡᠭᠦᠷᠢ ᠠᠶᠠᠷᠬᠠᠨᠢᠶᠠᠷ ᠲᠠᠯᠪᠢᠯᠠ᠃ ᠵᠢᠯᠠᠭᠠᠠᠴᠠ ᠵᠠᠢᠳᠠᠭᠤ ᠣᠴᠢᠭᠠᠳ᠂ ᠭᠠᠵᠢᠵᠤ ᠮᠠᠭᠤᠵᠢᠷᠠᠭᠰᠠᠨ ᠬᠤᠷᠤᠭᠤᠪᠠᠷᠢᠶᠠᠨ ᠳᠠᠩᠭᠢᠨᠠᠮᠠ ᠬᠥᠯᠳᠡᠭᠦᠦ ᠭᠠᠵᠠᠷᠢ ᠮᠠᠯᠲᠠᠭᠰᠠᠨᠳᠤ ᠳᠡᠮᠡᠢ ᠤᠳᠠᠭᠰᠠᠨᠦᠭᠡᠢ ᠬᠢᠮᠤᠰᠤᠨᠢ ᠬᠤᠭᠤᠷᠠᠵᠤ᠂ ᠬᠤᠷᠤᠭᠤᠨᠤ ᠥᠨᠳᠡᠭᠡᠨᠢ ᠰᠢᠯᠪᠤᠷᠠᠭᠠᠳ ᠴᠢᠰᠤ ᠭᠣᠭᠤᠵᠢᠨᠠ᠃ ᠭᠡᠪᠡᠴᠦ ᠲᠡᠷᠡ ᠡᠪᠡᠳᠬᠦᠪᠡᠨᠴᠦ ᠮᠡᠳᠡᠭᠰᠡᠨᠦᠭᠡᠢ ᠁ ᠡᠴᠦᠰᠲᠦᠨᠢ ᠨᠢᠭᠡ ᠨᠦᠬᠡ ᠮᠠᠯᠲᠠᠵᠤ ᠭᠠᠷᠭᠠᠭᠠᠳ᠂ ᠬᠡᠦᠬᠡᠨᠦᠪᠡᠨ ᠬᠡᠭᠦᠷᠢ ᠣᠷᠤᠰᠢᠭᠤᠯᠵᠤ᠂ ᠳᠡᠭᠡᠷᠡᠨᠢ ᠬᠠᠮᠬᠤᠤᠯ ᠣᠪᠤᠭᠠᠯᠠᠵᠤ ᠲᠣᠮᠤ ᠴᠢᠯᠠᠭᠤ ᠳᠠᠷᠤᠪᠠ᠃ ᠴᠢᠩᠭᠢᠭᠡᠳ ᠬᠡᠦᠬᠡᠨᠦᠪᠡᠨ ᠪᠤᠯᠠᠰᠢᠨᠤ ᠬᠠᠵᠠᠭᠤᠳᠤ ᠭᠦᠨ ᠪᠣᠳᠤᠯᠭᠠ ᠪᠣᠯᠤᠨ ᠰᠠᠭᠤᠪᠠ ᠁
ᠨᠠᠷᠠ ᠪᠠᠷᠠᠭᠤᠨ ᠠᠭᠤᠯᠠᠶᠢᠨ ᠣᠷᠤᠢᠳᠤ ᠲᠠᠰᠢᠪᠠ᠃ ᠰᠡᠭᠦᠳᠡᠢᠨ ᠪᠦᠷᠦᠢᠭᠰᠡᠨ ᠲᠤᠶᠠᠭᠠᠨᠢ ᠴᠠᠰᠤᠨᠳᠤ ᠰᠢᠩᠭᠡᠭᠰᠡᠨ ᠴᠢᠰᠤᠶᠢ ᠭᠡᠷᠡᠯᠲᠦᠭᠦᠯᠵᠦ᠂ ᠤᠨᠢᠶᠠᠷ ᠮᠠᠨᠠᠨ ᠲᠠᠲᠠᠭᠰᠠᠨ ᠠᠭᠤᠯᠠ ᠲᠠᠯᠠᠶᠢᠴᠤ ᠭᠡᠢᠭᠦᠯᠦᠨᠡ᠃ ᠠᠭᠤᠯᠠ ᠲᠠᠯᠠ ᠴᠠᠢᠷᠠᠨ ᠨᠡᠯᠦᠢᠵᠦ᠂ ᠵᠠᠮᠤᠨ ᠣᠷᠤ ᠮᠥᠷ ᠦᠵᠡᠭᠳᠡᠬᠦᠦᠭᠡᠢ ᠪᠣᠯᠵᠠᠢ᠃ ᠳᠥᠷᠪᠡᠨ ᠲᠡᠰᠢ ᠲᠦᠭᠰᠢᠭᠦᠷᠢᠲᠡᠢ ᠠᠵᠢᠭᠯᠠᠨ᠂ ᠡᠯᠢᠭᠡ ᠵᠢᠷᠦᠬᠡᠨᠢ ᠰᠢᠮᠰᠢᠷᠡᠵᠦ ᠡᠮᠭᠡᠨᠢᠨ ᠭᠠᠰᠠᠯᠤᠨᠠ᠃ ᠡᠬᠡ ᠬᠡᠳᠦ ᠤᠳᠠᠭᠠ ᠭᠤᠤᠶᠢᠨ ᠢᠷᠮᠡᠭᠲᠦ ᠬᠦᠷᠴᠦ᠂ ᠲᠣᠩᠭᠤᠷᠴᠤᠭᠯᠠᠨ ᠤᠨᠠᠵᠤ ᠡᠨᠡᠬᠦ ᠭᠠᠰᠠᠯᠠᠩ ᠵᠣᠪᠠᠯᠠᠩᠲᠤ ᠨᠠᠰᠤᠪᠠᠨ ᠡᠴᠦᠰᠯᠡᠭᠦᠯᠬᠦᠶᠢ ᠵᠣᠷᠢᠭᠰᠠᠨ ᠪᠣᠯᠪᠠᠴᠤ ᠤᠳᠠᠭᠠ ᠪᠦᠷᠢ ᠥᠩᠬᠦᠷᠢᠳᠡᠨ ᠤᠨᠠᠬᠤ ᠭᠡᠲᠡᠯᠡ: 《ᠡᠵᠢ ᠡ᠂ ᠲᠠ ᠦᠬᠦᠵᠦ ᠪᠣᠯᠬᠤᠦᠭᠡᠢ᠂ ᠠᠮᠢᠳᠤᠷᠠᠬᠤ ᠶᠣᠰᠤᠲᠠᠢ!》 ᠭᠡᠵᠦ ᠵᠠᠬᠢᠭᠰᠠᠨ ᠬᠡᠦᠬᠡᠨᠦ ᠬᠢᠨᠢ ᠳᠠᠭᠤ ᠰᠣᠨᠤᠰᠳᠠᠨᠠ᠃ ᠨᠠᠷᠠ ᠰᠢᠩᠭᠡᠬᠦᠳᠦ ᠡᠬᠡ ᠨᠢᠯᠪᠤᠰᠤᠪᠠᠨ ᠠᠷᠴᠢᠵᠤ᠂ ᠬᠡᠦᠬᠡᠨᠦᠪᠡᠨ ᠪᠤᠯᠠᠰᠢᠨᠳᠤ ᠠᠳᠭᠤ ᠰᠢᠷᠤᠢ ᠨᠡᠮᠡᠨ᠂ ᠰᠢᠳᠦᠪᠡᠨ ᠲᠠᠰᠤ ᠵᠠᠭᠤᠵᠤ ᠪᠠᠢᠪᠠ᠃ ᠰᠢᠷᠬᠠᠲᠠᠢ ᠬᠥᠨᠳᠡᠭᠦᠷ ᠪᠡᠶᠡᠪᠡᠨ ᠴᠢᠷᠦᠭᠰᠡᠭᠡᠷ ᠪᠤᠲᠠᠷᠠᠨ ᠰᠢᠭᠤᠷᠠᠭᠰᠠᠨ ᠴᠠᠰᠤᠨ ᠳᠤᠮᠳᠠᠭᠤᠷ ᠬᠤᠸᠠᠩ ᠵᠢᠶᠠ ᠺᠤᠸᠠᠩ ᠤᠷᠤᠭᠤ ᠮᠠᠴᠤᠯᠬᠢᠯᠠᠪᠠ᠃ ᠠᠷᠢᠭᠤᠨ ᠴᠠᠭᠠᠨ ᠴᠠᠰᠤᠨ ᠳᠡᠭᠡᠭᠦᠷ ᠨᠠᠷᠢᠨ ᠤᠯᠠᠭᠠᠨ ᠴᠢᠰᠤᠨ ᠵᠠᠮ ᠲᠠᠲᠠᠭᠤᠯᠤᠭᠰᠠᠭᠠᠷ ᠶᠠᠪᠤᠯᠠ ᠁
ᠲᠠᠪᠤ
ᠡᠬᠡ ᠬᠣᠶᠠᠷ ᠬᠣᠨᠤᠭ ᠮᠥᠯᠬᠦᠵᠦ ᠮᠠᠴᠤᠭᠰᠠᠭᠠᠷ ᠬᠤᠸᠠᠩ ᠵᠢᠶᠠ ᠺᠤᠸᠠᠩᠳᠠᠭᠠᠨ ᠬᠠᠷᠢᠪᠠ᠃ ᠠᠢᠯᠠᠴᠠ ᠨᠡᠯᠢᠶᠡᠳ ᠵᠠᠢᠲᠠᠢ ᠭᠠᠵᠠᠷᠠᠴᠠ ᠤᠲᠤᠭᠳᠠᠵᠤ ᠬᠠᠷᠠᠯᠠᠭᠰᠠᠨ ᠭᠡᠷᠦᠨ ᠬᠠᠨᠠᠪᠠᠨ ᠣᠯᠵᠤ ᠬᠠᠷᠠᠪᠠ᠃ ᠠᠢ ᠳ᠋ᠠ ! ᠭᠡᠷᠨᠢᠴᠦ ᠰᠦᠢᠳᠴᠡᠢ᠃ ᠪᠠᠢᠰᠢᠩᠨᠢ ᠰᠢᠲᠠᠭᠳᠠᠭᠠᠳ᠂ ᠵᠥᠪᠬᠡᠨ ᠨᠤᠷᠠᠩᠬᠠᠢ ᠬᠡᠷᠡᠮ ᠪᠠᠯᠪᠠᠷᠬᠠᠢ ᠲᠣᠭᠤᠰᠭᠠ ᠦᠯᠡᠳᠡᠭᠰᠡᠨ ᠪᠠᠢᠪᠠ᠃ ᠭᠡᠪᠡᠴᠦ ᠡᠬᠡ ᠳᠠᠬᠢᠵᠤ ᠨᠢᠯᠪᠤᠰᠤ ᠤᠨᠠᠭᠠᠭᠰᠠᠨᠦᠭᠡᠢ᠃ ᠬᠡᠳᠦᠢᠪᠡᠷ ᠡᠨᠡ ᠪᠠᠢᠰᠢᠩᠢ ᠨᠥᠬᠦᠷᠲᠡᠢᠪᠡᠨ ᠬᠣᠶᠠᠭᠤᠯᠠ ᠬᠠᠷᠢᠶᠠᠴᠠᠢᠰᠢᠭ᠋ ᠠᠳᠭᠤ ᠡᠪᠡᠰᠦ᠂ ᠴᠢᠮᠬᠢ ᠰᠢᠷᠤᠢᠶᠢ ᠴᠤᠭᠯᠠᠭᠤᠯᠵᠤ ᠪᠠᠷᠢᠭᠰᠠᠨ ᠪᠣᠯᠪᠠᠴᠤ ᠬᠠᠷᠠᠮᠰᠠᠭᠰᠠᠨᠦᠭᠡᠢ ᠪᠢᠯᠡ᠃
ᠰᠥᠨᠢ ᠪᠣᠯᠵᠤ ᠠᠢᠯ ᠠᠮᠢᠲᠠᠨ ᠤᠨᠲᠠᠭᠰᠠᠨᠤ ᠳᠠᠷᠠᠭᠠ᠂ ᠡᠬᠡ ᠰᠡᠮᠡᠭᠡᠷᠬᠡᠨ ᠬᠡᠷᠡᠮᠦᠨ ᠢᠷᠤᠭᠠᠷᠲᠤ ᠮᠥᠯᠬᠦᠨ ᠬᠦᠷᠴᠦ ᠲᠡᠮᠲᠡᠷᠢᠭᠰᠡᠨᠳᠦ ᠭᠠᠯᠳᠤ ᠰᠢᠲᠠᠭᠳᠠᠭᠰᠠᠨ ᠰᠢᠷᠤᠢ ᠤᠯᠠᠮ ᠬᠠᠲᠠᠭᠤᠷᠠᠵᠤ᠂ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠪᠦᠷᠢᠳᠭᠡᠯᠦᠨ ᠬᠦᠰᠦᠨᠦᠭᠲᠦᠨᠢ ᠨᠡᠩ ᠰᠠᠢᠨ ᠪᠤᠯᠠᠭᠳᠠᠭᠠᠳ ᠪᠠᠢᠪᠠ᠃ ᠲᠡᠭᠦᠨᠦ ᠴᠢᠷᠠᠢᠳᠤ ᠪᠠᠶᠠᠷᠤᠨ ᠢᠨᠢᠶᠡᠮᠰᠦᠭᠯᠡᠯ ᠢᠯᠡᠷᠡᠵᠦ᠂ ᠰᠡᠳᠭᠢᠯ ᠲᠠᠢᠪᠤᠰᠢᠷᠠᠭᠰᠠᠨ ᠪᠠᠢᠳᠠᠯᠲᠠᠢᠪᠠᠷ ᠪᠠᠢᠰᠢᠩᠤᠨ ᠪᠤᠯᠤᠩᠤᠨ ᠦᠨᠡᠰᠦ ᠰᠢᠷᠤᠢᠳᠤ ᠤᠨᠲᠠᠵᠤ ᠣᠷᠬᠢᠯᠠ᠃ ᠲᠡᠭᠦᠨᠳᠦ ᠨᠢᠭᠡ ᠬᠥᠮᠦᠨ ᠪᠣᠭᠤᠳᠠᠯᠲᠠᠢ ᠪᠣᠣᠪᠤ᠂ ᠪᠠᠭᠯᠠᠭᠠ ᠵᠣᠭᠤᠰ ᠠᠪᠴᠢᠷᠠᠵᠤ ᠥᠭᠭᠦᠨ᠂ ᠲᠡᠭᠦᠨᠢ ᠰᠡᠮᠡᠭᠡᠷᠬᠡᠨ ᠰᠡᠷᠢᠭᠡᠵᠦ ᠴᠢᠬᠢᠨᠳᠦᠨᠢ ᠬᠡᠳᠦᠨ ᠦᠭᠡ ᠰᠢᠪᠡᠨᠡᠭᠰᠡᠨ ᠪᠣᠯᠪᠠᠴᠤ ᠰᠡᠷᠢᠭᠡᠵᠦ ᠴᠢᠳᠠᠭᠰᠠᠨᠦᠭᠡᠢ᠃ ᠳᠠᠷᠠᠭᠠ ᠡᠳᠦᠷᠨᠢ ᠰᠡᠷᠢᠭᠡᠳ ᠡᠳᠡᠭᠡᠷ ᠶᠠᠭᠤᠮᠠᠶᠢ ᠣᠯᠵᠤ ᠦᠵᠡᠭᠡᠳ ᠰᠣᠨᠢᠨ ᠰᠣᠨᠢᠷᠬᠠᠵᠤ ᠤᠳᠠᠲᠠᠯᠠ ᠭᠠᠢᠬᠠᠪᠠ᠃ ᠲᠡᠷᠡ᠂ ᠰᠥᠨᠢᠶᠢᠨ ᠪᠠᠢᠳᠠᠯᠢᠶᠠᠨ ᠶᠡᠷᠦ ᠰᠠᠢᠨ ᠮᠡᠳᠡᠬᠦᠦᠭᠡᠢ ᠪᠠᠢᠪᠠ᠃ ᠭᠡᠪᠡᠴᠦ ᠡᠭᠡᠷᠡᠮᠡᠭ ᠬᠣᠭᠤᠷᠮᠠᠭ ᠬᠡᠳᠦᠨ ᠦᠭᠡ ᠴᠡᠭᠡᠵᠢᠯᠡᠵᠡᠢ: 《ᠡᠵᠢ ᠡ᠂ ᠨᠠᠮ ᠲᠠᠨᠳᠤ ᠲᠠᠯᠠᠷᠬᠠᠵᠤ ᠪᠠᠢᠨᠠ᠃ ᠵᠣᠷᠢᠭᠲᠠᠢ ᠠᠮᠢᠳᠤᠷᠠᠭᠠᠷᠠᠢ᠂ ᠪᠢᠳᠡ ᠤᠳᠠᠯᠦᠭᠡᠢ ᠢᠯᠠᠨᠠ!᠁ ᠲᠠ ᠶᠠᠮᠠᠷ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠪᠠᠢᠪᠠᠯ ᠱᠢ ᠯᠧᠢ ᠭᠧᠦᠶᠢᠨ ᠡᠮᠦᠨᠡ ᠠᠭᠤᠯᠠᠨᠤ ᠴᠢᠪᠠᠭᠠᠨᠴᠠᠶᠢᠨ ᠰᠦᠮᠡᠳᠦ ᠣᠴᠢᠵᠤ᠂ ᠰᠦᠮᠡ ᠬᠠᠷᠠᠵᠤ ᠪᠠᠢᠭᠠ ᠯᠣᠣ ᠦ᠋ᠶᠢ ᠡᠷᠢᠭᠡᠷᠡᠢ ᠁》 ᠭᠡᠰᠡᠨᠰᠢᠭ ᠰᠠᠨᠠᠭᠳᠠᠨᠠ᠃ ᠲᠡᠷᠡ ᠬᠥᠮᠦᠨᠦ ᠵᠢᠰᠦ ᠴᠢᠷᠠᠢᠶᠢ ᠪᠣᠳᠤᠵᠤ ᠣᠯᠬᠤᠶᠢ ᠬᠦᠰᠡᠭᠰᠡᠨ ᠪᠣᠯᠪᠠᠴᠤ ᠬᠠᠷᠢᠨ ᠰᠡᠳᠭᠢᠯ ᠰᠠᠨᠠᠭᠠᠨᠳᠤᠨᠢ ᠣᠷᠤᠦᠭᠡᠢ ᠪᠣᠯᠵᠤ᠂ ᠠᠯᠢᠪᠠ ᠪᠦᠬᠦᠨᠨᠢ ᠵᠡᠭᠦᠳᠦᠰᠢᠭ ᠪᠠᠢᠯᠠ ᠁
ᠭᠤᠷᠪᠠᠨ ᠬᠣᠨᠤᠭᠤᠨ ᠳᠠᠷᠠᠭᠠ᠂ ᠡᠬᠡ ᠭᠡᠯᠳᠦᠷᠢᠭᠰᠡᠭᠡᠷ ᠱᠢ ᠯᠧᠢ ᠭᠧᠦᠶᠢᠨ ᠡᠮᠦᠨᠡ ᠠᠭᠤᠯᠠᠨᠳᠤ ᠬᠦᠷᠴᠦ᠂ ᠬᠦᠢᠲᠡᠨ ᠠᠭᠤᠯᠠᠨ ᠵᠠᠪᠠᠶᠢᠨ ᠪᠠᠯᠠᠷ ᠨᠠᠷᠠᠰᠤᠨ ᠮᠣᠳᠤᠨᠳᠤ᠂ ᠥᠨᠥᠬᠢ 《ᠵᠡᠭᠦᠳᠦ》ᠪᠡᠷᠢᠶᠡᠨ ᠰᠣᠨᠤᠰᠤᠭᠰᠠᠨ ᠬᠥᠮᠦᠨᠲᠡᠢᠪᠡᠨ ᠤᠴᠠᠷᠠᠪᠠ᠃ ᠲᠡᠷᠡ ᠬᠥᠮᠦᠨ ᠡᠴᠡᠵᠦ ᠲᠤᠷᠠᠭᠠᠳ ᠠᠷᠠᠭᠠ ᠰᠢᠳᠦᠨᠢ ᠤᠨᠠᠭᠰᠠᠨ ᠪᠠᠪᠠᠭᠠᠷ ᠰᠠᠬᠠᠯᠲᠠᠢ ᠡᠪᠦᠭᠡᠨ ᠪᠠᠢᠪᠠ᠃ ᠬᠤᠸᠠᠩ ᠯᠣᠣ ᠵᠢᠢ ᠠᠮᠢᠳᠤ ᠪᠠᠢᠬᠤᠳᠤ᠂ ᠲᠡᠷᠡ ᠬᠥᠮᠦᠨ ᠲᠡᠭᠦᠨᠦ ᠭᠡᠷᠲᠦ ᠬᠣᠶᠠᠷ ᠤᠳᠠᠭᠠ ᠣᠴᠢᠭᠰᠠᠨ ᠪᠣᠯᠬᠣᠷ ᠬᠤᠸᠠᠩ ᠡᠵᠢᠶᠢ ᠨᠢᠭᠤᠷ ᠤᠴᠠᠷᠠᠮᠠᠭᠴᠠᠪᠠᠨ ᠲᠠᠨᠢᠪᠠ᠃ ᠬᠤᠸᠠᠩ ᠡᠵᠢ ᠬᠥᠬᠡ ᠪᠦᠰ ᠪᠣᠭᠤᠳᠠᠯᠢᠶᠠᠨ ᠭᠠᠷᠳᠠᠭᠤᠯᠵᠤ ᠥᠭᠬᠦᠳᠦ ᠡᠪᠦᠭᠡᠨᠦ ᠭᠠᠷᠨᠢ ᠴᠡᠴᠡᠷᠡᠵᠦ ᠪᠠᠪᠠᠭᠠᠷ ᠰᠠᠬᠠᠯᠨᠢ ᠵᠢᠷᠪᠢᠯᠵᠡᠭᠡᠳ᠂ ᠶᠡᠬᠡᠲᠡ ᠰᠡᠳᠭᠢᠯ ᠬᠥᠳᠡᠯᠦᠭᠰᠡᠨ ᠪᠠᠢᠪᠠ᠃
ᠡᠪᠦᠭᠡᠨ 《ᠰᠠᠢᠨ᠂ ᠰᠠᠢᠨ ᠪᠣᠯᠤᠯᠠ》 ᠭᠡᠵᠦ ᠡᠷᠡᠬᠡᠢ ᠬᠤᠷᠤᠭᠤ ᠭᠠᠷᠭᠠᠵᠤ: 《ᠪᠢ ᠪᠦᠷᠢᠨ ᠣᠢᠯᠠᠭᠠᠯᠠ᠂ ᠲᠠᠨᠤ ᠭᠡᠷᠢᠶᠡᠷᠢᠶᠡᠨ ᠴᠥᠮ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ!ᠲᠠᠨᠳᠤ ᠶᠠᠮᠠᠷ ᠬᠦᠴᠢᠷᠳᠡᠯ ᠪᠠᠢᠨᠠ ᠪᠤᠢ?ᠬᠡᠯᠡᠭᠡᠷᠡᠢ᠂ ᠲᠠᠨᠳᠤ ᠶᠠᠭᠤ ᠬᠡᠷᠡᠭᠴᠡᠭᠡᠲᠡᠢ ᠪᠤᠢ?》 ᠭᠡᠵᠦ ᠠᠰᠠᠭᠤᠪᠠ᠃
ᠬᠤᠸᠠᠩ ᠡᠵᠢ 《ᠠᠪᠬᠤᠦᠭᠡᠢ᠂ ᠶᠠᠭᠤᠴᠤ ᠠᠪᠬᠤᠦᠭᠡᠢ!》 ᠭᠡᠵᠦ ᠲᠣᠯᠤᠭᠠᠢ ᠰᠡᠭᠰᠦᠷᠦᠨ: 《ᠪᠢ ᠵᠠᠪᠠᠯ ᠥᠪᠡᠷᠦᠨ ᠨᠥᠬᠦᠷ ᠪᠣᠯᠤᠨ ᠬᠡᠦᠬᠡᠨᠲᠡᠢᠪᠡᠨ ᠠᠳᠠᠯᠢ ᠪᠠᠢᠬᠤ ᠶᠣᠰᠤᠲᠠᠢ》 ᠭᠡᠪᠡ᠃
ᠱᠢ ᠯᠧᠢ ᠭᠧᠦᠡᠴᠡ ᠪᠤᠴᠠᠵᠤ ᠢᠷᠡᠭᠰᠡᠨᠦ ᠳᠠᠷᠠᠭᠠ᠂ ᠬᠤᠸᠠᠩ ᠡᠵᠢ ᠳᠠᠬᠢᠨ ᠪᠤᠳᠠᠭᠠ ᠭᠤᠶᠤᠨ ᠠᠮᠢᠳᠤᠷᠠᠵᠤ᠂ ᠵᠡᠭᠦᠨ ᠭᠠᠷᠲᠠᠭᠠᠨ ᠰᠠᠭᠰᠤ ᠳᠣᠬᠤᠢᠯᠠᠨ ᠪᠠᠷᠠᠭᠤᠨ ᠭᠠᠷᠲᠠᠭᠠᠨ ᠲᠠᠶᠠᠭ ᠲᠤᠯᠵᠤ᠂ ᠡᠨᠡ ᠡᠷᠦᠬᠡᠡᠴᠡ ᠲᠡᠷᠡ ᠡᠷᠦᠬᠡᠳᠦ ᠬᠦᠷᠦᠨ ᠡᠨᠡ ᠠᠢᠯᠠᠴᠠ ᠲᠡᠷᠡ ᠠᠢᠯᠳᠤ ᠣᠴᠢᠵᠤ᠂ ᠬᠥᠯ ᠠᠮᠤᠰᠬᠢᠬᠦᠦᠭᠡᠢ ᠲᠡᠨᠦᠵᠦ ᠲᠣᠭᠤᠷᠢᠭᠠᠳ ᠰᠥᠨᠢ ᠪᠣᠯᠪᠠᠯ ᠰᠠᠶᠢ ᠥᠪᠡᠷᠦᠨᠢᠶᠡᠨ ᠰᠢᠲᠠᠭᠳᠠᠵᠤ ᠨᠤᠷᠠᠭᠰᠠᠨ ᠪᠠᠢᠰᠢᠩᠳᠠᠭᠠᠨ ᠪᠤᠴᠠᠵᠤ ᠢᠷᠡᠳᠡᠭ᠃
ᠲᠡᠭᠦᠨᠡᠴᠡ ᠬᠣᠢᠰᠢ ᠪᠦᠷᠴᠦ ᠳᠠᠭᠤᠦᠭᠡᠢ ᠪᠣᠯᠵᠤ᠂ ᠡᠳᠦᠷ ᠲᠤᠷᠰᠢ ᠦᠭᠡ ᠬᠡᠯᠡᠬᠦᠦᠭᠡᠢ ᠪᠥᠭᠡᠳ ᠭᠦᠨ ᠪᠣᠳᠤᠯᠭᠠᠳᠤ ᠠᠪᠲᠠᠭᠳᠠᠭᠰᠠᠨ ᠬᠣᠶᠠᠷ ᠨᠢᠳᠦᠨᠢ ᠶᠠᠭᠤᠮᠠ ᠪᠦᠬᠦᠨᠢ ᠰᠦᠷ ᠵᠢᠪᠬᠤᠭᠠᠲᠠᠢ ᠠᠵᠢᠬᠤ ᠪᠣᠯᠵᠠᠢ᠃
ᠵᠠᠷᠢᠮ ᠬᠥᠮᠦᠨ ᠲᠡᠭᠦᠨᠢ ᠠᠶᠤᠭᠠᠳ ᠰᠣᠯᠢᠶᠠᠷᠠᠵᠠᠢ ᠭᠡᠨᠡ᠃ ᠵᠠᠷᠢᠮ ᠬᠥᠮᠦᠰ ᠲᠡᠭᠦᠨᠢ ᠰᠡᠳᠭᠢᠯ ᠵᠣᠪᠠᠭᠠᠳ ᠮᠠᠩᠬᠤᠤ ᠪᠣᠯᠵᠠᠢ ᠭᠡᠨᠡ᠃ ᠵᠠᠷᠢᠮ ᠬᠥᠮᠦᠰ ᠪᠠᠰᠠ ᠲᠡᠷᠡ ᠳᠣᠲᠤᠷᠠᠪᠠᠨ ᠬᠡᠨᠡᠴᠡᠴᠦ ᠢᠯᠡᠭᠦᠦ ᠰᠡᠬᠡᠭᠡᠲᠡᠢ ᠭᠡᠨᠡ᠃ ᠭᠡᠪᠡᠴᠦ ᠲᠡᠭᠦᠨᠦ ᠦᠨᠡᠨ ᠰᠣᠯᠢᠶᠠᠷᠠᠭᠰᠠᠨ ᠪᠠ ᠡᠰᠡᠬᠦ᠂ ᠵᠢᠩᠬᠢᠨᠢ ᠮᠠᠩᠬᠤᠤᠷᠠᠭᠰᠠᠨ ᠪᠠ ᠡᠰᠡᠬᠦᠶᠢ ᠵᠥᠪᠬᠡᠨ ᠲᠡᠷᠡ ᠥᠪᠡᠷᠢᠶᠡᠨ ᠪᠤᠶᠤ ᠮᠠᠨᠤ ᠨᠠᠮᠤᠨ ᠨᠢᠭᠤᠴᠠ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠨᠥᠬᠦᠳᠯᠡ ᠮᠡᠳᠡᠬᠦᠶᠦᠮ᠃
ᠡᠬᠡ ᠪᠤᠳᠠᠭᠠ ᠭᠤᠶᠤᠬᠤ ᠪᠠ ᠨᠢᠭᠤᠴᠠ ᠬᠠᠷᠢᠴᠠᠭᠠ ᠬᠣᠯᠪᠤᠭᠠ ᠠᠪᠬᠤ ᠳᠤᠮᠳᠠᠪᠠᠨ ᠨᠠᠮᠤᠨ ᠭᠡᠰᠢᠭᠦᠨᠦ ᠪᠦᠷᠢᠳᠭᠡᠯᠦᠨ ᠬᠦᠰᠦᠨᠦᠭᠲᠦ ᠳᠡᠭᠡᠷᠡᠬᠢ ᠵᠠᠷᠢᠮ ᠬᠥᠮᠦᠰᠲᠡᠢ ᠲᠠᠨᠢᠯᠴᠠᠵᠠᠢ᠃ ᠲᠡᠭᠦᠨᠳᠦ ᠡᠳᠡᠭᠡᠷ ᠬᠥᠮᠦᠰᠨᠢ ᠥᠩᠭᠡᠷᠡᠭᠰᠡᠨᠲᠡᠢ ᠠᠳᠠᠯᠢ ᠴᠠᠭᠠᠰᠤᠨ ᠳᠡᠭᠡᠷᠡᠬᠢ ᠬᠡᠢ ᠬᠣᠭᠤᠰᠤᠨ ᠨᠡᠷᠡ ᠪᠢᠰᠢ ᠪᠣᠯᠤᠭᠰᠠᠨ ᠪᠥᠭᠡᠳ ᠴᠢᠰᠤ ᠮᠢᠬᠠ᠂ ᠠᠮᠢ ᠭᠣᠣᠯᠲᠠᠢ ᠪᠠᠶᠠᠷᠯᠠᠨ ᠢᠨᠢᠶᠡᠯᠳᠦᠵᠦ ᠪᠠᠢᠭᠠ ᠬᠥᠮᠦᠰ ᠪᠣᠯᠪᠠ᠃ ᠡᠬᠡ ᠵᠠᠷᠢᠮᠳᠠᠭᠠᠨ ᠰᠦᠩ ᠴᠠᠩ ᠺᠦᠢ ᠮᠠᠨᠲᠠᠭᠠᠷ ᠴᠠᠭᠠᠨ ᠬᠦᠦᠪᠡᠨ ᠲᠡᠪᠡᠷᠢᠵᠦ ᠵᠡᠭᠡᠯᠢᠳᠦ ᠪᠤᠶᠤ ᠠᠢᠯ ᠰᠠᠭᠠᠬᠠᠯᠲᠠᠳᠠᠭᠠᠨ ᠰᠠᠢᠬᠠᠨ ᠵᠣᠭᠤᠭ ᠶᠠᠷᠢᠵᠤ ᠪᠠᠢᠬᠤᠶᠢ ᠣᠯᠵᠤ ᠦᠵᠡᠨᠡ᠃ ᠵᠠᠷᠢᠮᠳᠠᠭᠠᠨ ᠰᠦᠩ ᠱᠦ ᠬᠤᠸᠠ ᠲᠡᠭᠦᠨᠦ ᠬᠠᠨᠢ ᠨᠥᠬᠦᠳᠲᠡᠢᠪᠡᠨ ᠡᠭᠦᠳᠡᠨᠳᠡᠬᠢ ᠮᠣᠳᠤᠨᠤ ᠰᠡᠭᠦᠳᠡᠷᠲᠦ ᠰᠠᠭᠤᠵᠤ᠂ ᠢᠨᠢᠶᠡᠯᠳᠦᠵᠦ ᠨᠠᠭᠠᠳᠤᠨ ᠬᠤᠸᠠᠷ ᠣᠶᠤᠵᠤ ᠪᠠᠢᠬᠤᠶᠢ ᠣᠯᠵᠤ ᠦᠵᠡᠳᠡᠭ᠃ ᠵᠠᠷᠢᠮᠳᠠᠭᠠᠨ ᠪᠠᠰᠠ ᠭᠣᠣ ᠸᠧᠨ ᠱᠠᠨ ᠰᠢᠨᠡ ᠭᠡᠷᠯᠡᠭᠰᠡᠨ ᠪᠡᠷᠢᠲᠡᠢᠪᠡᠨ ᠲᠠᠷᠢᠶᠠ ᠠᠷᠴᠢᠵᠤ ᠪᠠᠢᠬᠤᠲᠠᠢ ᠲᠣᠬᠢᠶᠠᠯᠳᠤᠳᠠᠭ ᠁ ᠲᠡᠳᠡᠨᠲᠡᠢ ᠠᠭᠤᠯᠵᠠᠬᠤ ᠪᠦᠷᠢ ᠲᠡᠭᠦᠨᠦ ᠰᠡᠳᠭᠢᠯ ᠶᠡᠬᠡᠲᠡ ᠬᠥᠳᠡᠯᠦᠨᠡ᠃ ᠡᠬᠡ ᠬᠥᠮᠦᠨᠦ ᠡᠨᠡᠷᠢᠯ ᠬᠠᠢᠷᠠ ᠲᠡᠭᠦᠨᠦ ᠪᠡᠶᠡᠳᠦ ᠣᠷᠭᠢᠯᠤᠨ᠂ ᠥᠪᠡᠷᠦᠨᠢᠶᠡᠨ ᠬᠥᠬᠦᠭᠦᠯᠦᠨ ᠥᠰᠭᠡᠭᠰᠡᠨ ᠦᠷᠡ ᠬᠡᠦᠬᠡᠳᠢᠶᠡᠨ ᠦᠵᠡᠭᠰᠡᠨᠰᠢᠭ ᠪᠠᠢᠳᠠᠭ᠃ ᠡᠬᠡ᠂ ᠲᠡᠳᠡᠨᠢ ᠲᠡᠪᠡᠷᠢᠨ ᠦᠨᠦᠰᠴᠦ ᠲᠠᠭᠠᠯᠠᠨ:
《ᠬᠡᠦᠬᠡᠳᠮᠢᠨᠢ ᠡ᠂ ᠲᠠ ᠪᠣᠯ ᠪᠦᠷ ᠮᠢᠨᠦ ᠰᠠᠢᠨ ᠬᠡᠦᠬᠡᠳ ᠰᠢᠤ!》 ᠭᠡᠵᠦ ᠬᠡᠯᠡᠮᠡᠷ ᠰᠠᠨᠠᠨᠠ᠃
ᠭᠡᠪᠡᠴᠦ ᠢᠩᠭᠢᠵᠦ ᠪᠣᠯᠬᠤᠦᠭᠡᠢᠶᠤᠮ᠃ ᠡᠷᠬᠡᠪᠰᠢ ᠰᠡᠳᠭᠢᠯᠭᠡᠪᠡᠨ ᠴᠢᠩᠭᠠ ᠳᠠᠷᠤᠪᠠᠯ ᠰᠠᠶᠢ ᠬᠠᠯᠠᠭᠤᠨ ᠨᠢᠯᠪᠤᠰᠤᠪᠠᠨ ᠬᠤᠷᠢᠶᠠᠵᠤ ᠴᠢᠳᠠᠨᠠ᠃ ᠬᠥᠳᠡᠯᠦᠭᠰᠡᠨ ᠰᠡᠳᠭᠢᠯᠭᠡᠶᠢ ᠳᠠᠷᠤᠬᠤᠨᠢᠴᠤ ᠲᠤᠢᠯᠤᠨ ᠡᠮᠭᠡᠨᠢᠯ ᠭᠤᠨᠢᠷᠬᠠᠯᠲᠠᠢ ᠬᠡᠷᠡᠭᠶᠦᠮ᠃ ᠬᠥᠮᠦᠬᠡᠢᠪᠡᠨ ᠲᠠᠰᠤ ᠵᠠᠭᠤᠵᠤ ᠲᠡᠳᠡᠨᠦ ᠬᠠᠵᠠᠭᠤᠳᠤ ᠵᠣᠭᠰᠤᠨ᠂ ᠦᠨᠡᠨ ᠰᠡᠳᠭᠢᠯᠢᠶᠡᠨ ᠪᠠᠷᠢᠵᠤ᠂ ᠡᠷᠭᠢᠵᠦ ᠬᠠᠷᠠᠬᠤᠴᠤᠦᠭᠡᠢᠪᠠᠷ ᠵᠠᠢᠳᠠᠨ ᠶᠠᠪᠤᠬᠤ ᠪᠢᠯᠡ᠃
ᠰᠦᠩ ᠴᠠᠩ ᠺᠦᠢᠨᠡᠷ ᠬᠡᠳᠦᠢᠪᠡᠷ ᠡᠨᠡᠬᠦ ᠥᠨᠦᠴᠢᠷᠡᠵᠦ ᠪᠡᠯᠪᠡᠰᠦᠷᠡᠭᠰᠡᠨ ᠨᠠᠰᠤᠲᠠᠨᠢ ᠬᠦᠨᠳᠦᠳᠭᠡᠵᠦ᠂ ᠨᠠᠰᠤᠲᠠᠢ ᠡᠵᠢᠶᠢ ᠭᠡᠷᠲᠦᠨᠢ ᠢᠷᠡᠬᠦ ᠪᠦᠷᠢᠳᠦ ᠴᠥᠮ ᠥᠪᠡᠷᠰᠡᠳᠢᠶᠡᠨ ᠬᠠᠢᠷᠠᠯᠠᠭᠠᠳ ᠢᠳᠡᠳᠡᠭᠦᠭᠡᠢ ᠶᠠᠭᠤᠮᠠᠪᠠᠨ ᠨᠠᠰᠤᠲᠠᠨᠳᠤ ᠭᠠᠷᠭᠠᠨ ᠥᠭᠴᠦ ᠢᠳᠡᠭᠦᠯᠳᠡᠭ᠂ ᠭᠡᠪᠡᠴᠦ ᠲᠡᠳᠡ ᠥᠩᠭᠡᠷᠡᠭᠰᠡᠨᠳᠦ ᠭᠠᠷᠤᠭᠰᠠᠨ ᠶᠠᠪᠤᠳᠠᠯᠢᠨᠢ ᠣᠭᠲᠤ ᠮᠡᠳᠡᠬᠦᠦᠭᠡᠢ ᠮᠥᠷᠲᠡᠭᠡᠨ ᠡᠨᠡᠬᠦ ᠰᠣᠯᠢᠶᠠ ᠭᠡᠮᠲᠡᠢᠰᠢᠭ ᠪᠣᠯᠤᠭᠰᠠᠨ ᠨᠠᠰᠤᠲᠠᠢ ᠡᠵᠢᠨᠢ ᠲᠡᠳᠡᠨᠦ ᠬᠠᠮᠤᠭᠤᠨ ᠰᠢᠳᠤᠷᠭᠤ ᠬᠠᠮᠠᠭᠠᠯᠠᠭᠴᠢ ᠪᠣᠯᠬᠤᠶᠢ ᠨᠡᠩ ᠣᠢᠯᠠᠭᠠᠭᠰᠠᠨᠦᠭᠡᠢ ᠪᠠᠢᠯᠠ᠃
ᠴᠡᠭᠡᠵᠢᠨᠦᠪᠡᠨ ᠡᠮᠭᠡᠨᠢᠯ ᠭᠤᠨᠢᠭᠢ ᠢᠯᠡᠷᠡᠭᠦᠯᠬᠦᠦᠭᠡᠢᠨᠢ ᠲᠤᠢᠯᠤᠨ ᠵᠣᠪᠠᠭᠤᠷᠢᠲᠠᠢ ᠪᠠᠢᠳᠠᠭ ᠪᠣᠯᠪᠠᠴᠤ ᠲᠡᠷᠡ ᠬᠠᠷᠢᠨ 1945 ᠣᠨᠤ ᠬᠠᠪᠤᠷ ᠲᠤᠰ ᠣᠷᠤᠨᠨᠢ ᠪᠦᠷᠢᠨ ᠴᠢᠯᠦᠭᠡᠯᠡᠭᠳᠡᠲᠡᠯᠡ ᠡᠷᠡᠰ ᠴᠢᠩᠭᠠ ᠨᠢᠭᠤᠭᠰᠠᠭᠠᠷ ᠢᠷᠡᠵᠡᠢ᠃
ᠵᠢᠷᠭᠤᠭᠠ
ᠤᠷᠢᠬᠠᠨ ᠬᠠᠪᠤᠷ ᠦ᠋ ᠯᠦᠩ ᠾᠧ ᠭᠣᠣᠯᠤᠨ ᠰᠠᠪᠠᠳᠤ ᠢᠷᠡᠪᠡ᠃ ᠡᠮᠦᠨᠡᠡᠴᠡ ᠦᠯᠢᠶᠡᠭᠰᠡᠨ ᠰᠠᠯᠬᠢ ᠭᠣᠣᠯᠤᠨ ᠤᠰᠤᠶᠢ ᠮᠡᠯᠮᠡᠯᠵᠡᠭᠦᠯᠵᠦ᠂ ᠠᠭᠤᠯᠠ ᠲᠠᠯᠠᠶᠢ ᠨᠣᠭᠤᠭᠠᠷᠠᠭᠤᠯᠪᠠ᠃
ᠠᠲᠠᠭᠠᠲᠠᠨ ᠳᠠᠢᠰᠤᠨᠳᠤ ᠪᠠᠭᠤᠵᠤ ᠥᠭᠭᠦᠭᠰᠡᠨ ᠭᠣᠮᠢᠨᠳᠠᠩᠤᠨ ᠳᠡᠭᠡᠷᠡᠮᠴᠢᠳᠦᠨ ᠡᠵᠡᠯᠡᠵᠦ ᠪᠠᠢᠭᠰᠠᠨ ᠳ᠋ᠠ ᠺᠤᠸᠠᠩᠳᠤ ᠨᠤᠲᠤᠭᠤᠨ ᠨᠠᠮᠤᠨ ᠬᠣᠷᠢᠶᠠᠨᠠᠴᠠ ᠪᠦᠬᠦ ᠨᠤᠲᠤᠭᠤᠨ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠶᠡᠬᠡ ᠬᠤᠷᠠᠯᠢ ᠬᠤᠷᠠᠯᠳᠤᠭᠤᠯᠵᠤ᠂ ᠪᠠᠭᠠᠲᠤᠷᠯᠢᠭᠢᠶᠠᠷ ᠪᠡᠶᠡ ᠦᠷᠡᠭᠳᠡᠭᠰᠡᠨ ᠨᠥᠬᠦᠳᠢ ᠦᠪᠡᠳᠡᠭᠰᠢ ᠶᠡᠬᠡᠪᠡᠷ ᠭᠠᠰᠢᠭᠤᠳᠠᠨ ᠳᠤᠷᠠᠰᠭᠠᠪᠠ᠃ ᠦᠷᠭᠦᠯᠵᠢᠯᠡᠨ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠤ ᠪᠠᠢᠭᠠ ᠬᠥᠮᠦᠰ ᠴᠥᠮ ᠭᠠᠰᠢᠭᠤᠳᠠᠯᠤᠨ ᠨᠢᠯᠪᠤᠰᠤ ᠤᠨᠠᠭᠠᠨ ᠥᠰᠢᠶᠡ ᠬᠣᠷᠤᠰᠤᠯ ᠠᠪᠬᠤ ᠪᠣᠯᠤᠳ ᠲᠡᠮᠦᠷᠰᠢᠭ ᠡᠷᠡᠰ ᠵᠣᠷᠢᠭᠢᠶᠠᠨ ᠢᠯᠡᠳᠭᠡᠵᠡᠭᠡᠪᠡ᠃ ᠡᠨᠡ ᠦᠶᠡᠳᠦ ᠨᠤᠲᠤᠭᠤᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ ᠡᠪᠦᠷᠡᠴᠡᠪᠡᠨ ᠬᠥᠬᠡ ᠪᠦᠰ ᠪᠣᠭᠤᠳᠠᠯ ᠭᠠᠷᠭᠠᠵᠤ ᠥᠨᠳᠦᠷ ᠡᠷᠭᠦᠨ᠂ ᠬᠤᠷᠠᠯᠤᠨ ᠲᠠᠯᠠᠪᠠᠢ ᠥᠭᠡᠳᠡ ᠲᠥᠪ ᠰᠢᠷᠲᠡᠭᠰᠡᠭᠡᠷ:
《ᠨᠥᠬᠦᠳ ᠡ᠂ ᠲᠠᠨᠠᠷ ᠦᠵᠡ》 ᠭᠡᠪᠡ᠃
ᠬᠥᠮᠦᠰ ᠪᠦᠭᠦᠳᠡᠭᠡᠷᠢᠶᠡᠨ ᠡᠨᠡᠬᠦ ᠬᠥᠬᠡ ᠪᠦᠰ ᠪᠣᠭᠤᠳᠠᠯᠢ ᠰᠣᠨᠢᠷᠬᠠᠨ ᠬᠠᠷᠠᠵᠤ᠂ ᠨᠢᠭᠤᠴᠠᠶᠢᠨᠢ ᠢᠯᠡᠷᠡᠭᠦᠯᠦᠨ ᠨᠡᠢᠲᠡᠯᠡᠬᠦᠶᠢ ᠨᠠᠮ ᠵᠢᠮᠬᠡᠨ ᠬᠦᠯᠢᠶᠡᠵᠡᠭᠡᠨᠡ᠃
ᠨᠤᠲᠤᠭᠤᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ ᠭᠠᠷᠢᠶᠠᠨ ᠴᠡᠴᠡᠷᠡᠭᠦᠯᠦᠭᠰᠡᠭᠡᠷ ᠪᠣᠭᠤᠳᠠᠯᠢ ᠵᠠᠳᠠᠯᠵᠤ᠂ ᠨᠢᠭᠡ ᠬᠦᠰᠦᠨᠦᠭᠲᠦᠶᠢ ᠳᠡᠯᠭᠡᠭᠡᠳ ᠳᠡᠭᠡᠷᠡ ᠳᠠᠭᠤᠨᠢᠶᠠᠷ ᠨᠡᠷᠡ ᠳᠠᠭᠤᠳᠠᠪᠠ:
《ᠰᠦᠩ ᠴᠠᠩ ᠺᠦᠢ!》
《ᠪᠠᠢᠨᠠ!》 ᠭᠡᠵᠦ ᠬᠠᠩᠭᠢᠨᠠᠲᠠᠯᠠ ᠬᠠᠷᠢᠭᠤᠯᠪᠠ᠃
《ᠰᠦᠩ ᠱᠦ ᠬᠤᠸᠠ!》
《ᠪᠠᠢᠨᠠ!》
《ᠭᠣᠣ ᠸᠧᠨ ᠱᠠᠨ!》
《ᠪᠠᠢᠨᠠ!》
᠁
᠁
《ᠬᠤᠸᠠᠩ ᠱᠦ ᠢᠩ!》
ᠴᠢᠮᠡᠭᠡ ᠠᠨᠢᠷ ᠨᠠᠮ ᠵᠢᠮ ᠪᠣᠯᠪᠠ᠃ ᠨᠤᠲᠤᠭᠤᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢᠶᠢᠨ ᠬᠠᠵᠠᠭᠤᠠᠴᠠ ᠬᠤᠸᠠᠩ ᠡᠵᠢᠶᠢᠨ ᠮᠡᠭᠰᠢᠨ ᠤᠬᠢᠯᠠᠬᠤ ᠳᠠᠭᠤᠨ ᠭᠠᠷᠤᠨᠠ᠃
ᠨᠥᠬᠦᠳ ᠡ! ᠡᠨᠡᠬᠦ ᠪᠦᠬᠦ ᠨᠤᠲᠤᠭᠤᠨ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠪᠦᠷᠢᠳᠭᠡᠯᠦᠨ ᠬᠦᠰᠦᠨᠦᠭᠲᠦ ᠳᠡᠭᠡᠷᠡᠬᠢ ᠭᠤᠴᠢᠨ ᠳᠥᠷᠪᠡᠨ ᠨᠥᠬᠦᠳᠡᠴᠡ ᠬᠤᠸᠠᠩ ᠱᠦ ᠢᠩ᠂ ᠤᠷᠪᠠᠭᠴᠢ ᠬᠤᠸᠠᠩ ᠢᠦ ᠼᠠᠢᠶᠢ ᠭᠠᠷᠭᠠᠪᠠᠯ ᠪᠤᠰᠤᠳᠨᠢ ᠪᠦᠷ ᠡᠨᠳᠡ ᠪᠠᠢᠨᠠ᠃ ᠬᠠᠷᠭᠢᠰ ᠬᠡᠷᠴᠡᠭᠡᠢ ᠳᠠᠢᠰᠤᠨᠤ ᠨᠣᠶᠠᠷᠬᠠᠭᠰᠠᠨ ᠣᠷᠤᠨᠳᠤ ᠮᠠᠨᠤ ᠨᠠᠮᠤᠨ ᠥᠪᠡᠷᠦᠨᠢᠶᠡᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢ ᠬᠠᠮᠠᠭᠠᠯᠠᠵᠤ᠂ ᠵᠣᠩᠬᠢᠯᠠᠬᠤ ᠲᠣᠭᠠᠨᠤ ᠨᠥᠬᠦᠳ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠳᠠᠪᠬᠤᠴᠠᠭᠰᠠᠨ ᠬᠠᠷᠠᠩᠭᠤᠢ ᠴᠠᠭ ᠦᠶᠡᠶᠢ ᠠᠮᠢᠳᠤ ᠥᠩᠭᠡᠷᠡᠭᠦᠯᠦᠭᠡᠳ᠂ ᠢᠯᠠᠯᠲᠠ ᠣᠯᠤᠭᠰᠠᠨ ᠥᠨᠦᠳᠦᠷᠢ ᠣᠯᠵᠤ ᠦᠵᠡᠪᠡ᠃ ᠨᠥᠬᠦᠳ ᠡ᠂ ᠭᠡᠪᠡᠴᠦ ᠡᠨᠡᠨᠢ ᠬᠢᠯᠪᠠᠷ ᠬᠡᠷᠡᠭ ᠪᠢᠰᠢ᠂ ᠲᠡᠢᠮᠦ ᠬᠢᠯᠪᠠᠷ ᠬᠡᠷᠡᠭ ᠪᠢᠰᠢᠶᠦᠮ᠃ ᠲᠠᠨᠠᠷ ᠡᠨᠡᠬᠦ ᠪᠦᠷᠢᠳᠭᠡᠯᠦᠨ ᠬᠦᠰᠦᠨᠦᠭᠲᠦᠶᠢᠨ ᠲᠡᠦᠬᠡᠶᠢ ᠮᠡᠳᠡᠨᠡᠦᠦ ᠁》 ᠭᠡᠵᠦ ᠨᠤᠲᠤᠭᠤᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ ᠬᠡᠯᠡᠭᠡᠳ ᠴᠢᠨᠠᠭᠰᠢᠳᠠ ᠦᠯᠢᠭᠡᠷᠢᠨᠢ ᠦᠷᠭᠦᠯᠵᠢᠯᠡᠭᠦᠯᠦᠨ ᠶᠠᠷᠢᠪᠠ᠃
ᠬᠥᠮᠦᠰ ᠪᠦᠷ ᠰᠡᠳᠭᠢᠯ ᠲᠥᠪᠯᠡᠷᠡᠭᠦᠯᠦᠨ ᠱᠦᠵᠢᠶᠢᠨ ᠶᠠᠷᠢᠶᠠᠶᠢ ᠰᠣᠨᠤᠰᠤᠨᠠ᠃ ᠬᠤᠷᠠᠯᠤᠨ ᠲᠠᠯᠠᠪᠠᠢ ᠨᠠᠮ ᠵᠢᠮ ᠪᠣᠯᠤᠭᠰᠠᠨ ᠪᠣᠯᠬᠣᠷ ᠵᠡᠭᠦᠦ ᠤᠨᠠᠬᠤ ᠳᠠᠭᠤᠴᠤ ᠰᠣᠨᠤᠰᠳᠠᠨᠠ᠃
《᠁ ᠨᠥᠬᠦᠳ ᠡ᠂ ᠡᠨᠡᠬᠦ ᠨᠠᠮᠤᠨ ᠭᠡᠰᠢᠭᠦᠳᠦᠨ ᠪᠦᠷᠢᠳᠭᠡᠯᠦᠨ ᠬᠦᠰᠦᠨᠦᠭᠲᠦᠶᠢᠨ ᠲᠡᠦᠬᠡᠨᠢ ᠡᠢᠮᠦ ᠪᠠᠢᠨᠠ》 ᠭᠡᠵᠦ ᠱᠦᠵᠢ ᠶᠠᠷᠢᠶᠠᠪᠠᠨ ᠲᠡᠭᠦᠰᠭᠡᠭᠡᠳ᠂ ᠭᠡᠨᠡᠳᠲᠡ ᠳᠡᠭᠡᠷᠡ ᠳᠠᠭᠤᠨᠢᠶᠠᠷ: 《ᠨᠥᠬᠦᠳ ᠡ᠂ ᠲᠠᠨᠠᠷ ᠮᠡᠳᠡᠨᠡᠦᠦ? ᠥᠨᠥᠬᠢ ᠬᠤᠸᠠᠩ ᠡᠵᠢ ᠣᠳᠣ ᠮᠠᠨᠤ ᠡᠮᠦᠨᠡ ᠪᠠᠢᠨᠠ᠃ ᠵᠠ! ᠨᠠᠰᠤᠲᠠᠢ ᠡᠵᠢᠮᠢᠨᠢ ᠪᠣᠰᠤᠭᠠᠷᠠᠢ᠂ ᠣᠯᠠᠨᠢᠶᠠᠷᠢᠶᠠᠨ ᠲᠠᠨᠲᠠᠢ ᠲᠠᠨᠢᠯᠴᠠᠭ!》 ᠭᠡᠵᠦ ᠬᠡᠯᠡᠪᠡ᠃
ᠬᠤᠸᠠᠩ ᠡᠵᠢ ᠨᠢᠯᠪᠤᠰᠤᠪᠠᠨ ᠠᠷᠴᠢᠵᠤ᠂ ᠰᠡᠭᠰᠡᠢᠵᠦ ᠪᠤᠷᠵᠢᠢᠭᠰᠠᠨ ᠴᠡᠯ ᠪᠤᠭᠤᠷᠤᠯ ᠦᠰᠦᠪᠡᠨ ᠢᠯᠪᠢᠨ ᠢᠨᠢᠶᠡᠮᠰᠦᠭᠯᠡᠭᠰᠡᠭᠡᠷ ᠪᠣᠰᠴᠤ ᠵᠣᠭᠰᠤᠪᠠ᠃ ᠬᠤᠷᠠᠯᠤᠨ ᠲᠠᠯᠠᠪᠠᠢᠳᠤ ᠬᠠᠯᠠᠭᠤᠨ ᠤᠷᠢᠶᠠ ᠴᠤᠤᠷᠢᠶᠠᠲᠤᠵᠤ ᠬᠥᠮᠦᠰ ᠪᠦᠷ ᠨᠠᠰᠤᠲᠠᠢ ᠡᠵᠢ ᠳᠡᠭᠡᠷᠡ ᠣᠪᠤᠭᠠᠷᠠᠨ ᠲᠡᠭᠦᠨᠢ ᠲᠡᠪᠡᠷᠢᠨ ᠡᠷᠭᠦᠭᠡᠳ:
《ᠨᠠᠰᠤᠲᠠᠢ ᠡᠵᠢᠮᠢᠨᠢ᠂ ᠥᠲᠡᠯᠦᠭᠡ ᠡᠵᠢᠮᠢᠨᠢ᠂ ᠲᠠ ᠪᠣᠯ ᠪᠢᠳᠡᠨᠦ ᠲᠥᠷᠦᠭᠰᠡᠨ ᠡᠵᠢ ᠮᠥᠨ!》 ᠭᠡᠵᠦ ᠬᠠᠩᠭᠢᠨᠠᠲᠠᠯᠠ ᠬᠠᠰᠭᠢᠷᠤᠯᠳᠤᠪᠠ᠃