| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠬᠠᠮᠠᠷ ᠯᠣᠳᠤᠨ᠂ ᠴᠢᠪᠠᠭᠠᠨᠴᠠ ᠵᠠᠭᠷᠠᠢᠮᠠ ᠭᠡᠪᠡᠯ ᠣᠢᠷᠠ ᠲᠥᠰᠦᠷᠲᠦ ᠲᠠᠨᠢᠬᠤᠦᠭᠡᠢ ᠠᠮᠢᠲᠠᠨ ᠭᠡᠵᠦ ᠪᠠᠢᠬᠤᠦᠭᠡᠢ᠃ ᠴᠢᠪᠠᠭᠠᠨᠴᠠᠴᠤ ᠶᠠᠭᠠᠮᠠᠢ᠂ ᠴᠢᠪᠠᠭᠠᠨᠴᠠ ᠰᠠᠭᠤᠭᠰᠠᠨᠳᠠᠭᠠᠨ ᠲᠡᠭᠡᠵᠦ ᠴᠣᠯᠠᠰᠢᠭᠰᠠᠨ ᠪᠠᠢᠯᠭᠦᠢ᠃ ᠬᠠᠷᠢᠨ ᠯᠣᠳᠤᠨ ᠭᠤᠸᠠᠢ ᠬᠠᠮᠢᠭᠠᠦᠭᠡᠢ ᠵᠢᠭᠠᠬᠠᠨ ᠶᠠᠭᠤᠮᠠᠨ ᠳᠡᠭᠡᠷᠡ ᠠᠭᠤᠷᠯᠠᠳᠠᠭ ᠵᠠᠩᠲᠠᠢ᠂ ᠠᠭᠤᠷᠯᠠᠬᠤ ᠪᠣᠯᠭᠠᠨ ᠮᠠᠨᠴᠤᠷᠭᠠᠨ ᠬᠠᠮᠠᠷᠨᠢ ᠵᠡᠰ ᠤᠯᠠᠭᠠᠨ ᠪᠣᠯᠲᠠᠯᠠ ᠴᠡᠨᠳᠡᠢᠳᠡᠭᠢᠶᠡᠷᠢᠶᠡᠨ ᠬᠠᠮᠠᠷ ᠯᠣᠳᠤᠨ ᠭᠡᠵᠦ ᠨᠡᠷᠡᠰᠢᠵᠡᠢ᠃
ᠰᠢᠨᠡ ᠠᠮᠪᠠᠨ ᠶᠠᠭᠤ ᠳᠤᠲᠠᠪᠠᠯ ᠡᠷᠡᠭᠡᠯᠡᠯᠦᠭᠡᠢ ᠬᠡᠯᠡ ᠭᠡᠰᠡᠨ
ᠪᠢᠰᠢᠦᠦ? ᠳᠤᠭᠤᠢᠯᠠ ᠣᠴᠢᠭᠠᠳ ᠨᠡᠬᠡᠶᠡ!
ᠬᠠᠮᠠᠷ ᠯᠣᠳᠤᠨᠤ ᠡᠨᠡ ᠶᠠᠪᠤᠭᠠ ᠨᠠᠰᠤᠨᠳᠠᠭᠠᠨ ᠳᠠᠳᠮᠠᠭᠠᠢᠷᠠᠵᠤ ᠴᠠᠭᠠᠷᠠᠭᠰᠠᠨ ᠠᠵᠢᠯ ᠭᠡᠪᠡᠯ ᠭᠠᠭᠴᠠᠯᠠ ᠮᠣᠳᠤ᠃ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠡᠷᠭᠦᠭᠰᠡᠨ ᠡᠴᠢᠭᠡ ᠮᠣᠳᠤᠴᠢᠨ ᠯᠣᠷᠤᠢᠪᠠᠨ ᠳᠠᠭᠠᠵᠤ᠂ ᠥᠨᠥᠳᠦᠷ ᠡᠨᠡ ᠯᠤᠤᠭᠠᠷᠤᠨ ᠬᠠᠰᠠᠭᠢ ᠰᠢᠭᠠᠵᠤ ᠲᠣᠪᠬᠢᠭᠠᠳ ᠠᠳᠭᠤ ᠳᠠᠪᠤᠰᠤ ᠠᠮᠠ ᠳᠠᠪᠤᠤ ᠣᠯᠵᠤ᠂ ᠮᠠᠷᠭᠠᠰᠢ ᠲᠡᠷᠡ ᠠᠢᠯᠤᠨ ᠪᠠᠯᠪᠠᠷᠬᠠᠢ ᠬᠠᠭᠠᠯᠭᠠᠶᠢ ᠰᠡᠯᠪᠢᠵᠦ ᠡᠪᠯᠡᠭᠦᠯᠦᠭᠡᠳ᠂ ᠴᠠᠭᠠᠷᠢᠭ ᠴᠢᠰᠤ ᠴᠠᠭᠠᠰᠤᠨ ᠭᠦᠵᠡᠭᠡ ᠣᠯᠵᠤ ᠢᠳᠡᠳᠡᠭ ᠪᠠᠢᠵᠠᠢ᠃ ᠠᠪᠳᠠᠷᠠ ᠱᠦᠭᠦᠢ᠂ ᠠᠷᠠᠯ ᠲᠡᠩᠬᠡᠯᠢᠭ ᠠᠷᠭᠠᠴᠠᠬᠤ ᠳᠡᠮᠲᠡᠢ ᠪᠣᠯᠤᠭᠠᠳ ᠢᠷᠡᠬᠦᠳᠦ ᠯᠣᠷᠤᠢ ᠡᠪᠦᠭᠡᠨ ᠯᠣᠳᠤᠨᠢ ᠬᠠᠶᠠᠭᠠᠳ ᠬᠣᠷᠤᠠ ᠳᠠᠭᠤᠰᠴᠠᠢ᠃ ᠬᠡᠳᠦᠢ ᠡᠷᠡᠶᠢᠨ ᠴᠡᠭᠡᠯᠳᠦ ᠬᠦᠷᠴᠦ ᠭᠠᠯ ᠭᠣᠯᠤᠮᠲᠠᠪᠠᠨ ᠵᠠᠯᠭᠠᠭᠰᠠᠨ ᠪᠣᠯᠪᠠᠴᠤ ᠤᠭᠤᠯᠢ ᠬᠢᠷᠦᠭᠡ᠂ ᠴᠦᠴᠡ ᠬᠠᠷᠤᠭᠤᠯᠢ ᠭᠠᠷᠭᠠᠪᠠᠯ᠂ ᠯᠣᠷᠤᠢ ᠡᠪᠦᠭᠡᠨ ᠲᠠᠰᠤᠷᠬᠠᠢ ᠪᠦᠷᠢᠶᠡᠰᠦ ᠬᠡᠮᠬᠡᠷᠬᠡᠢ ᠲᠣᠭᠤᠨᠤᠴᠤ ᠦᠯᠡᠳᠡᠭᠡᠵᠦ ᠥᠭᠭᠦᠭᠰᠡᠨᠦᠭᠡᠢ ᠲᠤᠯᠠ ᠮᠥᠨᠯᠡ ᠲᠡᠨᠦᠭᠦᠯ ᠠᠮᠢᠳᠤᠷᠠᠯᠢᠶᠠᠨ ᠦᠷᠭᠦᠯᠵᠢᠯᠡᠭᠦᠯᠵᠦ ᠪᠠᠢᠭᠰᠠᠨ᠃ ᠭᠡᠳᠡᠰᠦᠨᠳᠡᠭᠡᠨ ᠵᠥᠪᠦᠭᠡᠢ ᠯᠣᠳᠤᠨ ᠭᠡᠷ ᠲᠥᠪᠬᠢᠨᠡᠵᠦ ᠭᠡᠷᠭᠡᠢ ᠪᠠᠭᠤᠯᠭᠠᠬᠤᠨᠢ ᠶᠣᠰᠤᠲᠠᠢ ᠬᠣᠭᠤᠰᠤᠨ ᠰᠠᠨᠠᠭᠠ ᠪᠢᠵᠡ᠃ ᠬᠠᠪᠢ ᠲᠥᠰᠦᠷᠲᠦ ᠮᠣᠳᠤᠴᠢᠨ ᠭᠡᠪᠡᠯ ᠭᠠᠭᠴᠠᠬᠠᠨ ᠬᠠᠮᠠᠷ ᠯᠣᠳᠤᠨ ᠪᠣᠯᠬᠤᠳᠠᠭᠠᠨ ᠮᠥᠷᠦᠪᠡᠨ ᠵᠦᠳᠡᠭᠦᠦ ᠪᠥᠭᠯᠡᠵᠦ᠂ ᠴᠣ᠋ ᠴᠢᠮᠠᠢ ᠠᠮᠢᠳᠤᠷᠠᠵᠤ ᠪᠠᠢᠵᠠᠢ᠃
ᠤᠯᠠᠭᠠᠭᠴᠢᠨ ᠭᠠᠬᠠᠢ ᠵᠢᠯᠦᠨ ᠬᠠᠪᠤᠷ ᠬᠠᠮᠠᠷ ᠯᠣᠳᠤᠨ ᠪᠦᠬᠦᠯᠢ ᠰᠢᠭᠦᠰᠦᠨᠦ ᠠᠮᠠ ᠰᠢᠷᠡᠭᠡ ᠬᠢᠬᠦ ᠠᠯᠪᠠᠳᠤ ᠪᠠᠷᠢᠭᠳᠠᠭᠠᠳ᠂ ᠬᠣᠰᠢᠭᠤ ᠶᠠᠮᠤᠨ ᠳᠡᠭᠡᠷᠡ ᠲᠡᠪᠡᠷᠢᠮᠡ ᠪᠦᠳᠦᠭᠦᠨ ᠠᠭᠠᠷᠤ ᠵᠦᠰᠦᠵᠦ ᠪᠠᠢᠲᠠᠯᠠ᠂ 《ᠥᠪᠦᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠮᠠᠨᠳᠤᠵᠤ ᠭᠡᠭᠡᠨ ᠲᠤᠭᠨᠢ ᠬᠡᠢᠰᠴᠦ ᠪᠠᠢᠬᠤ》 ᠵᠢᠷᠦᠬᠡ ᠳᠣᠩᠰᠤᠯᠭᠠᠮᠠ ᠴᠢᠮᠡᠭᠡ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠵᠡᠢ᠃ ᠬᠣᠰᠢᠭᠤ ᠳᠠᠶᠠᠩᠳᠠᠭᠠᠨ᠂ ᠬᠡᠯᠡᠪᠡᠯ ᠮᠢᠨᠦ ᠵᠣᠷᠢᠭ ᠬᠡᠢᠰᠭᠡᠪᠡᠯ ᠲᠡᠭᠷᠢᠶᠢᠨ ᠵᠣᠷᠢᠭ ᠭᠡᠵᠦ ᠰᠡᠷᠬᠡᠢᠵᠦ ᠶᠠᠪᠤᠭᠰᠠᠨ ᠠᠮᠪᠠᠨ ᠨᠣᠶᠠᠨᠲᠠᠨ ᠡᠳᠦᠷ ᠰᠥᠨᠢᠶᠢᠨ ᠬᠣᠭᠤᠷᠤᠨᠳᠤ᠂ ᠪᠢᠯᠢᠭ ᠤᠬᠠᠭᠠᠨᠨᠢ ᠪᠡᠶᠡᠡᠴᠡᠪᠡᠨ ᠰᠠᠯᠵᠤ᠂ ᠵᠠᠩᠭᠢ ᠵᠠᠯᠠᠨᠢᠶᠠᠨ ᠴᠤᠭᠯᠠᠭᠤᠯᠤᠨ ᠬᠥᠯ ᠪᠣᠯᠬᠤᠳᠤ ᠬᠠᠮᠠᠷ ᠯᠣᠳᠤᠨ ᠬᠠᠷᠢᠨ ᠦᠢᠮᠡᠭᠡᠨᠢ ᠵᠠᠪᠳᠤᠨ ᠰᠥᠨᠢᠪᠡᠷ ᠠᠷᠢᠯᠵᠠᠢ᠃
ᠶᠠᠮᠤᠨ ᠳᠡᠭᠡᠷᠡ ᠬᠣᠰᠢᠭᠤ ᠠᠷᠠᠳᠤᠨ ᠵᠠᠰᠠᠭ ᠪᠠᠢᠭᠤᠯᠤᠭᠳᠠᠪᠠ᠃ ᠬᠠᠮᠠᠷ ᠯᠣᠳᠤᠨ ᠬᠠᠷᠠᠴᠤ ᠠᠷᠠᠳᠤᠨ ᠲᠥᠯ᠂ ᠶᠠᠳᠠᠭᠤ ᠨᠢᠴᠦᠭᠦᠨ ᠦᠨᠳᠦᠰᠦᠨ ᠮᠠᠯᠴᠢᠨ ᠲᠤᠯᠠ ᠲᠠᠪᠤᠨ ᠬᠠᠨᠠᠲᠠᠢ ᠴᠣ᠋ ᠰᠢᠨᠡ ᠭᠡᠷ᠂ ᠲᠠᠪᠤ ᠠᠷᠪᠠᠨ ᠮᠠᠯ ᠢᠳᠡᠭᠡᠲᠡᠢ ᠲᠡᠳᠭᠦᠮᠵᠢ ᠣᠯᠭᠤᠨᠠ ᠭᠡᠵᠦ ᠵᠠᠰᠠᠭᠤᠨ ᠣᠷᠳᠤᠨ ᠲᠣᠭᠲᠠᠭᠠᠵᠠᠢ᠃ ᠡᠨᠡ ᠴᠢᠮᠡᠭᠡᠪᠡᠷ ᠬᠠᠮᠠᠷ ᠯᠣᠳᠤᠨ ᠲᠠᠪᠲᠤᠷ ᠠᠯᠳᠠᠵᠤ ᠣᠷᠭᠤᠭᠠᠳ ᠭᠦᠶᠦᠴᠢᠬᠡᠮᠡᠷ ᠰᠠᠨᠠᠭᠳᠠᠪᠠ᠃ ᠬᠠᠭᠠᠰ ᠨᠠᠰᠤᠶᠢ ᠲᠡᠨᠦᠵᠦ ᠥᠩᠭᠡᠷᠡᠭᠡᠨ᠂ ᠰᠠᠨᠠᠭᠠᠪᠠᠷᠢᠶᠠᠨ ᠰᠠᠪᠠᠵᠤ ᠵᠢᠯᠤᠭᠤᠪᠠᠷᠢᠶᠠᠨ ᠭᠤᠶᠠᠳᠠᠭᠠᠳ᠂ ᠬᠠᠩᠭᠠᠯ ᠵᠠᠳᠠᠭᠠᠢ ᠰᠤᠷᠴᠢᠬᠠᠭᠰᠠᠨᠶᠤᠮᠴᠢᠨᠢ᠂ ᠭᠡᠳᠡᠰᠦ ᠴᠠᠳᠪᠠᠯ ᠪᠠᠶᠠᠨ᠂ ᠬᠡᠰᠦᠵᠦ ᠲᠣᠭᠤᠷᠢᠪᠠᠯ ᠪᠤᠶᠠᠨ᠃ ᠮᠠᠯ ᠢᠳᠡᠭᠡᠲᠡᠢ ᠨᠣᠴᠤᠯᠳᠤᠨᠠ᠂ ᠭᠡᠷ ᠲᠡᠷᠭᠡ ᠳᠣᠳᠤᠮᠳᠠᠨᠠ ᠭᠡᠳ ᠬᠠᠷᠠ ᠶᠠᠷᠰᠢᠭ᠂ ᠬᠠᠢᠷᠠᠨ ᠪᠡᠶᠡᠪᠡᠨ ᠠᠷᠭᠠᠮᠵᠢᠭᠤᠯᠬᠤᠪᠠᠨ ᠪᠣᠯᠢᠶᠠ! ᠭᠡᠵᠦ ᠲᠡᠷᠡ ᠪᠣᠳᠤᠵᠠᠢ᠃
ᠰᠤᠮᠤᠨᠠᠴᠠ ᠳᠠᠷᠤᠭᠠ ᠺᠠᠳ᠋ᠷ ᠪᠥᠭᠡᠮᠢᠶᠡᠷ ᠢᠷᠡᠵᠦ:
《ᠠᠪᠬᠤᠦᠭᠡᠢ ᠶᠠᠭᠠᠬᠢᠵᠤ ᠪᠣᠯᠬᠤ ᠪᠤᠢ? ᠵᠠᠰᠠᠭᠤᠨ ᠣᠷᠳᠤᠨ ᠪᠠᠢᠭᠤᠯᠤᠭᠳᠠᠭᠰᠠᠨᠨᠢ ᠨᠡᠢᠭᠡᠮ ᠵᠢᠷᠤᠮᠤᠨ ᠰᠠᠢᠨ ᠰᠠᠢᠬᠠᠨ ᠡᠬᠢᠯᠡᠵᠦ᠂ ᠶᠠᠳᠠᠭᠤ ᠨᠢᠴᠦᠭᠦᠨ᠂ ᠲᠡᠨᠦᠭᠦᠯ ᠠᠮᠢᠳᠤᠷᠠᠯ ᠪᠤᠴᠠᠯᠲᠠᠦᠭᠡᠢ ᠡᠴᠦᠰᠯᠡᠭᠰᠡᠨ ᠲᠡᠮᠳᠡᠭ ᠮᠥᠨ᠃ ᠰᠤᠷᠢᠶᠠᠨ ᠪᠦᠰᠡᠯᠡᠵᠦ ᠰᠤᠷᠤᠭᠰᠠᠨ ᠳᠠᠭᠤᠤᠪᠠᠨ ᠳᠠᠭᠤᠯᠠᠵᠤ᠂ ᠮᠤᠷᠤᠢ ᠵᠠᠮᠢᠶᠠᠨ ᠬᠥᠭᠡᠭᠡᠭᠡᠳ ᠪᠠᠢᠪᠠᠯ ᠰᠢᠨᠡ ᠰᠠᠢᠬᠠᠨ ᠴᠠᠭᠤᠨᠢᠶᠠᠨ ᠨᠢᠭᠤᠷᠢ ᠭᠤᠲᠤᠭᠠᠭᠰᠠᠨ ᠶᠠᠪᠤᠳᠠᠯ ᠰᠢᠤ!》 ᠭᠡᠵᠦ ᠣᠯᠠᠨ ᠪᠦᠭᠦᠳᠡᠭᠡᠷ ᠵᠠᠬᠠ ᠵᠠᠬᠠᠠᠴᠠᠨᠢ ᠢᠳᠭᠠᠵᠤ ᠭᠠᠷᠬᠤᠳᠤ ᠬᠠᠮᠠᠷ ᠯᠣᠳᠤᠨ ᠳᠦᠯᠡᠢ ᠭᠣᠳᠤᠯᠢᠶᠤᠮᠰᠢᠭ᠋ ᠳᠠᠭᠤᠦᠭᠡᠢ ᠥᠩᠭᠡᠷᠡᠭᠡᠨᠡ᠃
ᠬᠠᠮᠤᠭ ᠰᠡᠭᠦᠯᠳᠦᠨᠢ ᠬᠣᠰᠢᠭᠤᠨ ᠳᠠᠷᠤᠭᠠ ᠪᠡᠶᠡᠪᠡᠷᠢᠶᠡᠨ ᠮᠣᠷᠢᠯᠠᠵᠤ᠂ ᠬᠠᠮᠠᠷ ᠯᠣᠳᠤᠨᠲᠠᠢ ᠠᠭᠤᠯᠵᠠᠭᠠᠳ᠂ ᠲᠡᠮᠳᠡᠭᠯᠡᠯᠦᠨ ᠳᠡᠪᠲᠡᠷ ᠳᠡᠭᠡᠷᠡᠡᠴᠡᠪᠡᠨ ᠨᠢᠭᠡ ᠪᠠᠳᠠᠭ ᠤᠩᠰᠢᠭᠠᠳ ᠬᠡᠳᠦᠨ ᠦᠭᠡ ᠬᠡᠯᠡᠪᠡ᠃ ᠤᠭ ᠦᠭᠡᠶᠢᠨᠢ ᠬᠠᠮᠠᠷ ᠯᠣᠳᠤᠨ ᠴᠡᠭᠡᠵᠢᠯᠡᠬᠦ ᠣᠢ ᠲᠣᠢᠦᠭᠡᠢ᠃ ᠶᠠᠭᠤᠴᠤ ᠭᠡᠰᠡᠨ ᠶᠠᠳᠠᠭᠤ ᠨᠢᠴᠦᠭᠦᠨ ᠬᠥᠮᠦᠨ ᠪᠣᠯ ᠬᠣᠭᠤᠰᠤᠨ ᠴᠠᠭᠠᠨ ᠴᠠᠭᠠᠰᠤᠯᠠᠶᠤᠮ ᠪᠠᠢᠨᠠ᠃ ᠡᠢᠮᠦ ᠴᠠᠭᠠᠰᠤ ᠬᠠᠮᠤᠭᠤᠨ ᠰᠢᠨᠡ ᠬᠠᠮᠤᠭᠤᠨ ᠰᠠᠢᠬᠠᠨ ᠵᠢᠷᠤᠭᠢ ᠬᠢᠯᠪᠠᠷᠬᠠᠨ ᠵᠢᠷᠤᠵᠤ ᠪᠣᠯᠳᠠᠭᠶᠤᠮ ᠪᠠᠢᠨᠠ᠂ ᠬᠦᠢ᠂ ᠰᠢᠨᠡᠪᠡᠷ ᠰᠢᠷᠠᠭᠰᠠᠨ ᠠᠮᠪᠠᠨᠴᠢᠨᠢ ᠨᠠᠳᠠ ᠨᠠᠳᠠᠪᠠᠷ ᠨᠢᠭᠡ ᠵᠢᠷᠤᠭᠤᠨ ᠬᠦᠳᠡᠬᠢᠲᠡᠢ ᠨᠣᠶᠠᠨᠲᠠᠨ ᠪᠠᠢᠨᠠ ᠰᠢᠤ! ᠡᠢᠮᠦ ᠪᠠᠢᠮᠠᠭᠠᠢ ᠠᠮᠪᠠᠨ ᠵᠢᠷᠤ ᠭᠡᠵᠦ ᠪᠠᠢᠬᠤᠶᠤᠮᠴᠢᠨᠢ ᠳᠤᠭᠤᠢᠯᠠ ᠵᠢᠷᠤᠶᠠ᠂ ᠬᠠᠮᠠᠷ ᠪᠢ ᠶᠡᠷᠦᠨᠢ ᠲᠡᠷᠡ ᠨᠢᠭᠡ ᠵᠢᠷᠤᠭᠢ ᠭᠣᠷᠢᠯᠠᠭᠠᠳ ᠤᠳᠠᠭᠰᠠᠨᠶᠤᠮᠳᠠᠭ᠃ᠦᠭᠡᠢ ᠴᠢᠩᠭᠢᠭᠡᠳ ᠬᠠᠮᠢᠭᠠᠪᠠᠨ ᠵᠢᠷᠤᠬᠤ ᠪᠢᠯᠡ? ᠠᠯᠠᠭᠠᠨ ᠳᠡᠭᠡᠷᠡᠪᠡᠨ ᠵᠢᠷᠤᠭᠠᠳ ᠪᠣᠯᠬᠤᠦᠭᠡᠢᠯᠠᠳᠠ᠂ ᠠᠪᠳᠠᠷᠠ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠠᠪᠳᠠᠷᠠᠨᠢ ᠵᠠᠯᠠᠨ ᠵᠠᠩᠭᠢᠶᠢᠨᠳᠤᠯᠠ ᠦᠵᠡᠭᠳᠡᠳᠡᠭ ᠲᠡᠢᠮᠦ ᠠᠭᠠᠷᠤ ᠽᠠᠨᠳᠠᠨ ᠪᠠᠢᠬᠤ ᠶᠣᠰᠤᠲᠠᠢ! ᠠᠪᠳᠠᠷᠠᠶᠢᠨ ᠨᠢᠭᠤᠷ ᠳᠡᠭᠡᠷᠡᠨᠢ ᠡᠭᠡᠭᠡᠯᠡ ᠵᠢᠭᠠᠬᠠᠨ ᠰᠦᠮᠡᠶᠢᠨ ᠪᠠᠭᠠᠨᠠ ᠳᠡᠭᠡᠷᠡ ᠣᠷᠢᠶᠠᠯᠳᠤᠭᠰᠠᠨᠰᠢᠭ᠋ ᠠᠯᠲᠠᠨ ᠯᠤᠤ ᠲᠣᠭᠯᠠᠭᠰᠠᠨ ᠪᠠᠢᠬᠤ ᠬᠡᠷᠡᠭᠲᠡᠢ! ᠡᠢᠮᠦ ᠰᠠᠢᠬᠠᠨ ᠠᠪᠳᠠᠷᠠᠪᠠᠨ ᠡᠭᠦᠷᠦᠭᠡᠳ ᠶᠠᠪᠤᠵᠤ ᠪᠣᠯᠤᠨᠠᠤᠤ? ᠭᠡᠷ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠭᠡᠷᠨᠢ ᠪᠠᠰᠠᠴᠤ ᠰᠢᠨᠡ ᠪᠥᠮᠪᠦᠭᠡᠷ ᠴᠠᠭᠠᠨ! ᠁ ᠵᠠ ᠵᠠ᠂ ᠶᠠᠭᠤᠮᠠᠦᠭᠡᠢᠠᠴᠠ ᠶᠠᠭᠤᠮᠠᠲᠠᠢᠨᠢ ᠳᠡᠭᠡᠷᠡ᠂ ᠶᠠᠭᠤ ᠥᠭᠪᠡᠯ ᠲᠡᠭᠦᠨᠢᠨᠢ ᠠᠪᠤᠶᠠ! ᠥᠭᠬᠦ ᠬᠥᠮᠦᠨᠦ ᠥᠷᠦᠴᠡᠨᠢ ᠲᠠᠲᠠᠯᠳᠤᠬᠤᠦᠭᠡᠢ ᠪᠠᠢᠲᠠᠯᠠ ᠠᠪᠬᠤ ᠪᠢ ᠠᠯᠠᠭᠠᠪᠠᠨ ᠲᠣᠰᠭᠤᠠᠴᠠ ᠰᠢᠷᠭᠢᠬᠦ ᠶᠠᠭᠤ ᠪᠠᠢᠬᠤᠪ!
ᠬᠥᠮᠦᠨᠰᠢᠭ ᠠᠮᠢᠳᠤᠷᠠᠬᠤ ᠬᠦᠰᠡᠯ ᠴᠢᠩᠭᠠᠷᠠᠭᠰᠠᠨᠳᠤᠨᠢ ᠬᠣᠰᠢᠭᠤ ᠳᠠᠷᠤᠭᠠᠴᠤ ᠪᠠᠶᠠᠷᠯᠠᠭᠠᠳ:
《ᠯᠣᠳᠤᠨ ᠭᠤᠸᠠᠢ! ᠶᠠᠭᠤ ᠳᠤᠲᠠᠪᠠᠯ ᠡᠷᠡᠭᠡᠯᠡᠯᠦᠭᠡᠢ ᠬᠡᠯᠡᠵᠦᠯᠡ ᠪᠠᠢ! ᠠᠷᠠᠳᠤᠨ ᠵᠠᠰᠠᠭ ᠠᠷᠠᠳᠢᠶᠠᠨ ᠳᠡᠮᠵᠢᠨᠡ》 ᠭᠡᠵᠦ ᠡᠨᠡᠷᠢᠩᠭᠦᠢ ᠮᠦᠰᠢᠶᠡᠵᠡᠢ᠃ ᠠ ᠳ᠋ᠠ᠂ ᠰᠢᠨᠡ ᠴᠠᠭᠤᠨ ᠠᠮᠪᠠᠨ ᠭᠡᠵᠦᠴᠦ ᠪᠤᠷᠬᠠᠨ ᠭᠡᠮᠡᠷᠶᠦᠮ ᠪᠠᠢᠨᠠ ᠭᠡᠵᠦ ᠪᠣᠳᠤᠬᠤᠲᠠᠢ ᠵᠡᠷᠭᠡ ᠬᠠᠮᠠᠷ ᠯᠣᠳᠤᠨ ᠬᠣᠰᠢᠭᠤ ᠳᠠᠷᠤᠭᠠᠶᠢᠨ ᠥᠯᠮᠡᠢ ᠳᠣᠣᠷᠠ ᠰᠥᠭᠦᠳᠦᠭᠡᠳ ᠮᠥᠷᠭᠦᠴᠢᠬᠡᠮᠡᠷ ᠰᠠᠨᠠᠭᠳᠠᠨᠠ᠃
ᠬᠠᠮᠠᠷ ᠯᠣᠳᠤᠨ ᠢᠩᠭᠢᠭᠡᠳ ᠭᠡᠷ ᠮᠠᠯᠲᠠᠢ ᠪᠣᠯᠤᠯᠠ᠃ ᠭᠠᠭᠴᠠᠯᠠ ᠠᠯᠲᠠᠨ ᠯᠤᠤ ᠵᠢᠷᠤᠴᠢᠬᠠᠮᠠᠷ ᠠᠪᠳᠠᠷᠠ ᠪᠠᠢᠬᠤᠦᠭᠡᠢᠳᠤᠨᠢ ᠮᠠᠨᠴᠤᠷᠭᠠᠨ ᠬᠠᠮᠠᠷᠨᠢ ᠪᠠᠰᠠᠯᠠ ᠴᠡᠨᠳᠡᠢᠪᠡ᠃ ᠡᠨᠡ ᠪᠠᠬᠠᠨ ᠮᠢᠯᠵᠠᠩ ᠭᠤᠳᠤᠷᠠᠢᠪᠠᠷ ᠪᠢ ᠶᠠᠭᠤᠪᠠᠨ ᠬᠢᠬᠦ ᠪᠤᠢ? ᠲᠡᠭᠡᠬᠦᠶᠢᠨ ᠣᠷᠤᠨᠳᠤ ᠨᠢᠭᠡ ᠠᠪᠳᠠᠷᠠᠴᠤ ᠥᠭᠭᠦᠭᠡᠰᠡᠢ᠂ ᠪᠣᠯᠬᠤᠦᠭᠡᠢᠨᠢ ᠶᠠᠭᠤ ᠪᠤᠢ?
ᠰᠢᠨᠡ ᠠᠮᠪᠠᠨ ᠶᠠᠭᠤ ᠳᠤᠲᠠᠪᠠᠯ ᠡᠷᠡᠭᠡᠯᠡᠯᠦᠭᠡᠢ ᠬᠡᠯᠡ ᠭᠡᠰᠡᠨ ᠪᠢᠰᠢᠦᠦ? ᠳᠤᠭᠤᠢᠯᠠ ᠣᠴᠢᠭᠠᠳ ᠨᠡᠬᠡᠶᠡ! ᠭᠡᠳ ᠶᠠᠪᠤᠬᠤᠪᠠᠷ ᠰᠢᠢᠳᠦᠭᠰᠡᠨ ᠪᠣᠯᠪᠠᠴᠤ ᠬᠣᠰᠢᠭᠤ ᠶᠠᠮᠤᠨᠤ ᠴᠠᠯᠠᠢᠭᠰᠠᠨ ᠲᠣᠮᠤ ᠬᠠᠭᠠᠯᠭᠠᠶᠢ ᠪᠣᠳᠤᠮᠠᠭᠴᠠ ᠬᠠᠮᠤᠭ ᠪᠡᠶᠡᠨᠢ ᠠᠷᠵᠠᠰᠬᠢᠪᠠ᠃ ᠪᠣᠳᠤᠵᠤ ᠪᠣᠳᠤᠭᠠᠳ ᠰᠤᠷᠤᠭᠰᠠᠨᠢᠶᠠᠷᠢᠶᠠᠨ ᠡᠭᠦᠷ ᠠᠷᠪᠠᠨᠢ ᠡᠷᠢᠵᠦ:
《ᠪᠠᠢᠳᠠᠭ ᠮᠠᠯᠢᠴᠢᠨᠢ ᠪᠤᠴᠠᠭᠠᠶᠠ᠃ ᠪᠠᠯᠪᠠᠷᠬᠠᠢᠴᠤ ᠶᠠᠭᠠᠬᠢᠬᠤᠪ᠂ ᠠᠪᠳᠠᠷᠠᠠᠴᠠᠪᠠᠨ ᠢᠯᠡᠭᠦᠴᠢᠯᠡᠵᠦ ᠥᠭᠭᠦᠨᠡᠦᠦ》 ᠭᠡᠵᠦ ᠭᠠᠩᠰᠢᠭᠠᠳ ᠰᠠᠭᠤᠯᠭᠠᠬᠤᠦᠭᠡᠢ ᠪᠣᠯᠭᠠᠪᠠ᠃
《ᠬᠠᠮᠢᠭᠠ ᠪᠠᠢᠭᠰᠠᠨ ᠲᠡᠢᠮᠦ ᠪᠡᠯᠡᠨ ᠠᠪᠳᠠᠷᠠ ᠪᠤᠢ?》 ᠭᠡᠵᠦ ᠠᠷᠪᠠᠨᠤ ᠳ᠋ᠠ ᠤᠴᠠᠭᠠᠷᠯᠠᠵᠤ ᠭᠠᠷᠬᠤᠳᠤ᠂ ᠬᠠᠮᠠᠷ ᠯᠣᠳᠤᠨᠤ ᠮᠠᠨᠴᠤᠷᠭᠠᠨ ᠬᠠᠮᠠᠷᠨᠢ ᠵᠡᠰ ᠤᠯᠠᠭᠠᠨ ᠪᠣᠯᠲᠠᠯᠠ ᠴᠡᠨᠳᠡᠢᠭᠡᠳ:
《ᠪᠢ ᠲᠡᠭᠡᠪᠡᠯ ᠠᠮᠪᠠᠨᠳᠤ ᠵᠠᠷᠭᠤᠯᠳᠤᠨᠠ》 ᠭᠡᠵᠦ ᠡᠪᠴᠢᠭᠦᠦ ᠳᠡᠯᠡᠳᠬᠦ ᠰᠢᠬᠠᠵᠠᠢ᠃
ᠴᠣᠬᠤᠮ 《ᠠᠮᠪᠠᠨ》ᠡᠴᠡ ᠠᠶᠤᠭᠰᠠᠨᠳᠠᠭᠠᠨᠤᠤ? ᠯᠣᠳᠤᠨᠢ ᠬᠥᠬᠡᠷᠦᠭᠦᠢᠯᠡᠭᠰᠡᠨᠳᠡᠭᠡᠨᠦᠦ? ᠡᠭᠦᠷ ᠠᠷᠪᠠᠨᠠᠴᠠ ᠰᠤᠮᠤᠨᠳᠤ ᠮᠡᠳᠡᠭᠦᠯᠵᠦ᠂ ᠰᠤᠮᠤᠨᠠᠴᠠ ᠬᠣᠰᠢᠭᠤᠳᠤ ᠮᠡᠳᠡᠭᠦᠯᠵᠡᠢ᠃ ᠳᠡᠮᠡᠢ ᠬᠡᠳᠦ ᠬᠣᠨᠤᠭᠰᠠᠨᠦᠭᠡᠢ ᠬᠠᠮᠠᠷ ᠯᠣᠳᠤᠨᠤ ᠰᠠᠨᠠᠭᠠᠪᠠᠷ ᠬᠣᠶᠠᠷ ᠬᠡᠰᠡᠭ ᠰᠥᠭᠦᠮ ᠵᠤᠵᠠᠭᠠᠨ ᠠᠭᠠᠷᠤ ᠬᠠᠪᠲᠠᠰᠤ ᠬᠦᠷᠦᠭᠡᠳ ᠢᠷᠡᠪᠡ᠃ ᠡᠨᠡᠨᠢ ᠲᠡᠭᠦᠨᠦ ᠬᠣᠰᠢᠭᠤ ᠶᠠᠮᠤᠨᠠᠴᠠ ᠣᠷᠭᠤᠵᠤ ᠪᠣᠰᠬᠤᠳᠠᠭᠠᠨ ᠳᠤᠲᠠᠭᠤ ᠵᠦᠰᠦᠭᠡᠳ ᠬᠠᠶᠠᠭᠰᠠᠨ ᠠᠭᠠᠷᠤ ᠪᠠᠢᠭᠰᠠᠨ ᠲᠤᠯᠠ ᠬᠠᠮᠠᠷ ᠯᠣᠳᠤᠨ ᠬᠠᠭᠠᠷᠠᠲᠠᠯᠠ ᠪᠠᠶᠠᠷᠯᠠᠭᠰᠠᠨᠨᠢ ᠭᠠᠷᠴᠠᠭᠠᠦᠭᠡᠢ᠃ 《ᠲᠡᠳᠭᠦᠬᠦᠪᠡᠷ ᠪᠡᠯᠡᠳᠭᠡᠵᠦ ᠪᠠᠢᠭᠰᠠᠨ ᠤᠰᠤᠨᠤ ᠬᠠᠰᠠᠭᠢᠴᠢᠨᠢ ᠥᠭᠬᠦᠦᠭᠡᠢᠳᠦ ᠪᠣᠯᠤᠨᠠ ᠪᠢᠵᠡ?》 ᠭᠡᠵᠦ ᠠᠷᠪᠠᠨᠤ ᠳ᠋ᠠ ᠰᠠᠨᠠᠯ ᠠᠰᠠᠭᠤᠬᠤᠳᠤ ᠬᠠᠮᠠᠷ ᠯᠣᠳᠤᠨ : 《ᠳᠤᠷᠠᠲᠠᠢ ᠳᠤᠷᠠᠲᠠᠢ! ᠠᠷᠪᠠᠨ ᠭᠠᠵᠠᠷᠠᠴᠠ ᠤᠰᠤᠪᠠᠨ ᠳᠠᠮᠨᠠᠵᠤ ᠢᠳᠡᠭᠰᠡᠨᠴᠦ ᠠᠮᠪᠠᠨ ᠨᠣᠶᠠᠨᠲᠠᠨᠳᠠᠭᠠᠨ ᠪᠢ ᠭᠣᠮᠤᠳᠠᠬᠤᠦᠭᠡᠢ》 ᠭᠡᠵᠦ ᠭᠡᠨᠡ᠃
ᠡᠳᠦᠷ ᠰᠥᠨᠢᠦᠭᠡᠢ ᠱᠤᠤᠭᠢᠨᠠᠵᠤ ᠪᠠᠢᠭᠠᠳ ᠬᠠᠮᠠᠷ ᠯᠣᠳᠤᠨ ᠬᠠᠩᠬᠠᠭᠠᠷ ᠪᠡᠬᠢᠯᠢᠭ ᠵᠦᠢᠷᠡᠢ ᠠᠪᠳᠠᠷᠠ ᠵᠠᠭᠠᠳᠠᠰᠤᠯᠠᠵᠤ ᠭᠠᠷᠭᠠᠵᠠᠢ᠃ ᠬᠠᠪᠢ ᠲᠥᠰᠦᠷᠲᠦ ᠬᠢᠯᠠᠷ ᠳᠠᠮᠪᠢᠠᠴᠠ ᠥᠭᠡᠷᠡ ᠵᠢᠷᠤᠭᠴᠢᠨ ᠭᠡᠵᠦ ᠪᠠᠢᠬᠤᠦᠭᠡᠢ᠃ ᠠᠪᠳᠠᠷᠠᠪᠠᠨ ᠰᠢᠷᠳᠡᠵᠦ ᠯᠤᠤ ᠵᠢᠷᠤᠭᠤᠯᠤᠶᠠ ᠭᠡᠪᠡᠯ ᠲᠡᠭᠦᠨᠢᠯᠡ ᠵᠠᠯᠠᠬᠤ ᠬᠡᠷᠡᠭᠲᠡᠢ᠃ ᠭᠡᠲᠡᠯᠡ ᠬᠠᠮᠠᠷ ᠯᠣᠳᠤᠨᠤ ᠬᠠᠮᠤᠭ ᠪᠡᠶᠡ ᠳᠠᠭᠵᠢᠵᠤ ᠠᠪᠤᠪᠠ᠃
ᠤᠤᠯᠨᠢ ᠭᠠᠩ ᠵᠢᠯ ᠨᠠᠮᠵᠢᠯ ᠵᠠᠯᠠᠨ ᠪᠤᠶᠠᠨ ᠦᠢᠯᠡᠳᠴᠦ᠂ ᠰᠦᠷᠦᠭ ᠠᠳᠤᠭᠤᠪᠠᠷ ᠨᠠᠷᠠᠲᠤᠶᠢᠨ ᠭᠡᠭᠡᠨᠳᠦ ᠥᠭᠯᠢᠭᠡ ᠡᠷᠭᠦᠭᠡᠳ᠂ ᠵᠢᠭᠠᠬᠠᠨ ᠰᠦᠮᠡᠶᠢ ᠪᠠᠷᠢᠭᠤᠯᠤᠭᠰᠠᠨ ᠦᠶᠡᠶᠢᠨ ᠬᠡᠷᠡᠭ ᠪᠢᠯᠡ᠃ ᠬᠠᠮᠠᠷ ᠯᠣᠳᠤᠨ ᠨᠢᠷᠤᠭᠤ ᠠᠮᠠᠯᠠᠬᠤ ᠠᠯᠪᠠᠪᠠᠷ ᠪᠠᠷᠢᠯᠭᠠᠳᠤ ᠣᠷᠤᠯᠴᠠᠭᠠᠳ ᠰᠡᠭᠦᠯ ᠬᠤᠷᠢᠶᠠᠬᠤ ᠦᠶᠡᠪᠡᠷ ᠬᠢᠬᠦ ᠠᠵᠢᠯᠦᠭᠡᠢ ᠬᠠᠨᠴᠤᠢ ᠰᠠᠵᠢᠳᠠᠭ ᠪᠣᠯᠵᠠᠢ᠃ ᠨᠢᠭᠡ ᠡᠳᠦᠷ ᠭᠡᠶᠦᠷᠡᠵᠦ ᠶᠠᠪᠤᠭᠰᠠᠭᠠᠷ ᠰᠦᠮᠡᠶᠢᠨ ᠤᠯᠠᠭᠠᠨ ᠪᠠᠭᠠᠨᠠ ᠳᠡᠭᠡᠷᠡ ᠠᠯᠲᠠᠨ ᠯᠤᠤ ᠠᠮᠢᠯᠠᠲᠠᠯᠠ ᠣᠷᠢᠶᠠᠯᠳᠤᠭᠤᠯᠵᠤ ᠪᠠᠢᠭᠰᠠᠨ ᠵᠢᠷᠤᠭᠴᠢᠨ ᠡᠪᠦᠭᠡᠨ ᠬᠢᠯᠠᠷ ᠳᠠᠮᠪᠢᠲᠠᠢ ᠲᠠᠭᠠᠷᠠᠯᠳᠤᠪᠠ᠃ ᠬᠥᠬᠦᠷ ᠰᠣᠯᠢᠯᠴᠠᠨ ᠲᠠᠮᠠᠬᠢ ᠲᠠᠲᠠᠵᠤ ᠰᠠᠭᠤᠬᠤᠳᠠᠭᠠᠨ ᠬᠢᠯᠠᠷ ᠳᠠᠮᠪᠢ : 《ᠯᠤᠤ ᠪᠣᠯ ᠬᠤᠷᠮᠤᠰᠲᠠᠶᠢᠨ ᠲᠥᠷᠦᠯ》 ᠭᠡᠵᠦ ᠮᠡᠷᠭᠡᠯᠡᠨ 《ᠯᠤᠤᠲᠠᠢ ᠬᠠᠨᠢᠯᠠᠪᠠᠯ ᠥᠭᠡᠳᠡᠯᠡᠵᠦ᠂ ᠭᠤᠤᠲᠠᠢ ᠬᠠᠨᠢᠯᠠᠪᠠᠯ ᠪᠤᠯᠠᠭᠳᠠᠨᠠ》 ᠭᠡᠵᠦ ᠪᠢᠰᠢᠷᠡᠵᠦ ᠭᠠᠢᠬᠠᠲᠠᠯᠠᠨᠢ ᠠᠢᠯᠠᠳᠴᠠᠢ᠃ ᠬᠠᠮᠠᠷ ᠯᠣᠳᠤᠨᠤ ᠴᠢᠬᠢᠨᠢ ᠴᠢᠩᠨᠠᠵᠤ ᠪᠠᠢᠪᠠᠴᠤ ᠨᠢᠳᠦᠨᠢ ᠬᠠᠷᠢᠨ ᠪᠤᠳᠤᠭᠤᠨ ᠬᠠᠢᠷᠴᠠᠭᠲᠠᠬᠢ ᠠᠯᠲᠠᠨ ᠨᠤᠨᠲᠠᠭ ᠳᠡᠭᠡᠷᠡ ᠲᠣᠭᠲᠠᠭᠠᠳ ᠬᠣᠷᠤᠬᠠᠢᠨᠢ ᠬᠡᠴᠡᠭᠦᠦ ᠭᠣᠪᠤᠭᠤᠨᠠᠪᠠ᠃ ᠠᠶᠠᠷᠯᠠᠵᠤ ᠪᠣᠰᠬᠤᠳᠠᠭᠠᠨ ᠬᠢᠯᠠᠷ ᠳᠠᠮᠪᠢᠶᠢᠨ ᠪᠠᠭᠠᠨᠠᠲᠠᠢᠪᠠᠨ ᠨᠣᠴᠤᠯᠳᠤᠵᠤ ᠲᠠᠰᠢᠷᠠᠮᠢ ᠵᠠᠪᠳᠤᠵᠤ᠂ ᠠᠯᠲᠠᠨ ᠨᠤᠨᠲᠠᠭᠠᠴᠠᠨᠢ ᠠᠳᠭᠤ ᠪᠢᠲᠡᠭᠦᠯᠡᠭᠡᠳ ᠬᠡᠴᠦᠦᠭᠡᠢ ᠰᠠᠵᠢᠯᠠᠵᠤ ᠣᠳᠴᠠᠢ᠃ ᠭᠡᠪᠡᠴᠦ ᠬᠣᠵᠢᠮ ᠡᠨᠡᠨᠢ ᠵᠢᠩᠬᠢᠨᠢ ᠠᠯᠲᠠ ᠪᠢᠰᠢ ᠭᠡᠳᠡᠭᠢ ᠮᠠᠢᠮᠠᠢᠴᠢᠨᠠᠴᠠ ᠮᠡᠳᠡᠵᠦ᠂ ᠡᠵᠡᠨᠳᠦᠨᠢ ᠪᠤᠴᠠᠭᠠᠬᠤᠶᠢ ᠪᠣᠳᠤᠭᠰᠠᠨ ᠪᠣᠯᠪᠠᠴᠤ ᠠᠷᠠᠢ ᠵᠣᠷᠢᠭ ᠬᠦᠷᠦᠭᠰᠡᠨᠦᠭᠡᠢ᠃ ᠰᠣᠨᠢᠨ ᠵᠢᠭᠲᠡᠢᠨᠢ ᠬᠠᠷᠢᠨ ᠬᠠᠮᠠᠷ ᠯᠣᠳᠤᠨ ᠬᠢᠯᠠᠷ ᠳᠠᠮᠪᠢᠶᠢᠨ ᠵᠢᠷᠤᠭᠰᠠᠨᠲᠠᠢ ᠡᠭᠡᠭᠡ ᠠᠳᠠᠯᠢ ᠠᠯᠲᠠᠨ ᠯᠤᠤᠲᠠᠢ ᠵᠡᠭᠦᠳᠦᠪᠡᠷᠢᠶᠡᠨ ᠬᠡᠳᠦ ᠳᠠᠭᠠᠷᠢᠯᠳᠤᠪᠠ᠃ ᠲᠡᠭᠡᠭᠡᠳ ᠪᠡᠯᠭᠡ ᠳᠡᠮᠪᠡᠷᠢᠯ ᠪᠣᠯᠬᠤᠴᠤ ᠮᠠᠭᠠᠳ ᠭᠡᠵᠦ ᠪᠣᠳᠤᠭᠠᠳ ᠣᠯᠵᠠᠯᠠᠭᠰᠠᠨ ᠵᠢᠭᠠᠬᠠᠨ ᠠᠯᠲᠠᠨ ᠪᠤᠳᠤᠭᠢᠶᠠᠷᠢᠶᠠᠨ ᠯᠤᠤ ᠵᠢᠷᠤᠭᠤᠯᠵᠤ ᠠᠪᠬᠤᠶᠢ ᠰᠠᠨᠠᠭᠠᠷᠬᠠᠭᠠᠳ ᠤᠳᠠᠭᠰᠠᠨ ᠪᠠᠢᠵᠠᠢ᠃
ᠣᠳᠣ ᠢᠩᠭᠢᠵᠦ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠬᠤ ᠪᠣᠯᠤᠭᠰᠠᠨᠨᠢ ᠠᠯᠲᠠᠨ ᠯᠤᠤ ᠵᠡᠭᠦᠳᠦᠨᠳᠦ ᠵᠠᠶᠠᠭᠠᠭᠰᠠᠨᠤ ᠰᠠᠢᠨ ᠪᠢᠵᠡ? ᠬᠡᠷᠪᠡ ᠠᠯᠲᠠᠨ ᠯᠤᠤᠶᠢ ᠭᠡᠷᠲᠡᠭᠡᠨ ᠲᠣᠭᠯᠠᠭᠤᠯᠴᠢᠬᠠᠪᠠᠯ ᠮᠥᠩᠬᠡᠶᠢᠨ ᠢᠷᠦᠭᠡᠯ ᠲᠣᠭᠲᠠᠴᠢᠬᠠᠬᠤ ᠪᠢᠰᠢᠦᠦ? ᠁
ᠬᠠᠮᠠᠷ ᠯᠣᠳᠤᠨ ᠴᠤᠯᠭᠤᠢ ᠠᠪᠳᠠᠷᠠᠪᠠᠨ ᠰᠠᠬᠢᠭᠠᠳ ᠳ᠋ᠡᠩ ᠳ᠋ᠦᠩᠲᠡᠢ ᠬᠡᠳᠦ ᠬᠣᠨᠤᠪᠠ᠃ ᠬᠠᠮᠢᠭᠠᠰᠢᠪᠠᠨ ᠪᠣᠳᠤᠭᠰᠠᠨᠴᠤ ᠬᠠᠩᠰᠢᠨᠢ ᠨᠢᠭᠡᠯᠡ᠂ ᠰᠢᠨᠡ ᠨᠡᠢᠭᠡᠮᠳᠦ ᠮᠠᠭᠤᠪᠠᠨ ᠲᠣᠭᠠᠴᠢᠬᠤᠨᠢ ᠢᠷᠠᠭᠤ ᠠᠯᠳᠠᠷ ᠡ᠃ ᠬᠠᠨᠠᠶᠢᠨ ᠨᠢᠳᠦᠨᠳᠦ ᠬᠠᠪᠴᠢᠭᠤᠯᠤᠭᠰᠠᠨ ᠴᠠᠭᠠᠰᠤᠨ ᠪᠣᠭᠤᠯᠲᠠᠪᠠᠨ ᠠᠪᠴᠤ ᠡᠪᠦᠷᠯᠡᠭᠡᠳ ᠬᠢᠯᠠᠷ ᠳᠠᠮᠪᠢᠶᠢ ᠡᠷᠢᠨ ᠭᠡᠮᠰᠢᠯᠢᠶᠡᠨ ᠲᠣᠭᠠᠴᠢᠭᠰᠠᠨᠳᠤ ᠠᠯᠲᠠᠨ ᠪᠤᠳᠤᠭ ᠴᠤᠬᠠᠭᠲᠠᠭᠠᠨ ᠪᠣᠯᠪᠠᠤᠤ? ᠠᠰᠪᠤᠷᠢ ᠯᠣᠳᠤᠨᠤ ᠬᠥᠭᠡᠷᠦᠬᠦᠢᠯᠡᠯᠲᠡᠢᠡᠴᠡ ᠪᠣᠯᠪᠠᠤᠤ? ᠬᠢᠯᠠᠷ ᠳᠠᠮᠪᠢ ᠭᠢᠳ ᠭᠢᠳ ᠢᠨᠢᠶᠡᠵᠦ ᠬᠠᠮᠠᠷ ᠲᠠᠮᠠᠬᠢᠠᠴᠠᠪᠠᠨ ᠬᠡᠳᠦ ᠲᠠᠲᠠᠭᠤᠯᠤᠭᠰᠠᠨ ᠪᠥᠭᠡᠳ ᠬᠠᠮᠢᠭᠠ ᠪᠠᠢᠭᠰᠠᠨ ᠭᠠᠵᠠᠷᠠᠴᠠ ᠬᠠᠢᠪᠠᠭᠠᠨᠠᠨ ᠢᠷᠡᠵᠦ᠂ ᠠᠪᠳᠠᠷᠠᠶᠢᠨᠢ ᠶᠠᠭᠤᠮᠠ ᠪᠣᠯᠭᠠᠵᠤ ᠥᠭᠴᠡᠢ᠃
ᠤᠭᠤᠷᠠᠭᠤᠨ ᠰᠢᠷᠠ ᠳᠡᠪᠢᠰᠭᠡᠷ ᠳᠡᠭᠡᠷᠡ ᠠᠯᠲᠠᠨ ᠯᠤᠤ ᠭᠠᠯ ᠪᠥᠮᠪᠦᠭᠡᠪᠡᠷ ᠲᠣᠭᠯᠠᠵᠤ᠂ ᠡᠭᠦᠯᠡᠨ ᠤᠭᠠᠯᠵᠠ ᠳᠥᠷᠪᠡᠨ ᠥᠨᠴᠦᠭᠲᠦ ᠦᠵᠡᠮᠵᠢ ᠪᠦᠷᠢᠯᠳᠦᠭᠦᠯᠦᠭᠡᠳ᠂ ᠥᠩᠭᠡ ᠠᠯᠠᠭᠯᠠᠭᠰᠠᠨ ᠠᠯᠤᠬᠠᠨ ᠬᠡ ᠬᠥᠪᠡᠭᠡ ᠳᠠᠷᠤᠨᠠ᠃ ᠡᠨᠡᠨᠢ ᠬᠠᠮᠠᠷ ᠯᠣᠳᠤᠨᠤ ᠰᠠᠨᠠᠵᠤ ᠬᠦᠰᠡᠭᠰᠡᠨᠡᠴᠡ ᠬᠣᠯᠠ ᠳᠠᠪᠠᠵᠤ᠂ ᠤᠷᠢᠳᠤ ᠨᠠᠮᠵᠢᠯ ᠵᠠᠯᠠᠨᠤᠳᠤᠴᠤ ᠡᠢᠮᠦ ᠭᠣᠢᠲᠠ ᠰᠠᠢᠬᠠᠨ ᠠᠪᠳᠠᠷᠠ ᠬᠠᠷᠠᠭᠳᠠᠭᠠᠦᠭᠡᠢ ᠲᠤᠯᠠ ᠬᠥᠯᠨᠢ ᠭᠠᠵᠠᠷ ᠬᠦᠷᠬᠦᠦᠭᠡᠢ ᠬᠥᠭᠰᠡᠵᠦ᠂ ᠠᠮᠠᠨᠢ ᠬᠠᠮᠬᠢᠵᠤ ᠵᠠᠪᠳᠤᠯᠦᠭᠡᠢ ᠱᠠᠭᠰᠢᠭᠠᠳ᠂ ᠬᠠᠳᠠᠭ ᠰᠠᠮᠪᠠᠢᠶᠢᠨ ᠳᠡᠭᠡᠷᠡ ᠭᠥᠷᠦᠨᠳᠦ ᠨᠡᠷᠡᠲᠡᠢ 《ᠸᠠᠨ ᠬᠤᠸᠠᠨ ᠯᠦ》 ᠲᠠᠮᠠᠬᠢ ᠲᠠᠯᠪᠢᠵᠤ ᠬᠢᠯᠠᠷ ᠳᠠᠮᠪᠢᠳᠤ ᠲᠠᠯᠠᠷᠬᠠᠵᠤ ᠪᠠᠷᠢᠭᠠᠳ ᠦᠳᠡᠵᠦ ᠬᠦᠷᠭᠡᠭᠰᠡᠨᠨᠢ ᠭᠠᠷᠴᠠᠭᠠᠦᠭᠡᠢ᠃
ᠡᠪ ᠬᠠᠮᠲᠤᠶᠢᠨ ᠪᠤᠳᠠᠭᠠ ᠭᠡᠳᠡᠭᠴᠢᠨᠢ ᠢᠳᠡᠳᠡᠭᠯᠡ ᠬᠣᠭᠤᠯᠠ ᠪᠠᠢᠨᠠ!
ᠬᠠᠮᠠᠷ ᠯᠣᠳᠤᠨᠤ ᠪᠥᠮᠪᠦᠭᠡᠷ ᠴᠠᠭᠠᠨ ᠭᠡᠷᠲᠦ ᠶᠣᠰᠤᠲᠠᠢ ᠴᠢᠮᠡᠭ ᠰᠦᠷ ᠨᠡᠮᠡᠭᠳᠡᠵᠦ᠂ ᠯᠤᠤᠶᠢᠨ ᠬᠡᠲᠡᠢ ᠠᠪᠳᠠᠷᠠᠨᠢ ᠰᠢᠨᠡ ᠠᠮᠢᠳᠤᠷᠠᠯᠤᠨ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠤᠭᠠᠳ᠂ ᠬᠠᠪᠢ ᠲᠥᠰᠦᠷᠢ ᠳᠦᠷᠭᠢᠭᠦᠯᠵᠡᠢ᠃ ᠨᠡᠢᠭᠡᠮ ᠵᠢᠷᠤᠮᠤᠨ ᠰᠠᠢᠨ ᠰᠠᠢᠬᠠᠨ ᠡᠭᠡᠭᠡᠯᠡ ᠭᠠᠭᠴᠠᠬᠠᠨ ᠬᠠᠮᠠᠷ ᠯᠣᠳᠤᠨᠤᠳᠤᠯᠠ ᠲᠥᠪᠯᠡᠷᠡᠭᠰᠡᠨᠶᠦᠮᠰᠢᠭ ᠰᠣᠨᠢᠭᠤᠴᠢᠷᠬᠠᠨ ᠱᠠᠭᠰᠢᠯᠳᠤᠨᠠ᠃ ᠢᠩᠭᠢᠬᠦ ᠲᠤᠰᠤᠮ ᠬᠠᠮᠠᠷ ᠯᠣᠳᠤᠨ ᠠᠪᠳᠠᠷᠠᠪᠠᠨ ᠠᠮᠢᠲᠠᠢᠪᠠᠨ ᠬᠣᠯᠪᠤᠵᠤ᠂ ᠡᠳᠦᠷᠦᠨ ᠠᠷᠪᠠᠨ ᠭᠤᠷᠪᠠ ᠵᠦᠯᠭᠦᠵᠦ ᠠᠷᠴᠢᠭᠠᠳ᠂ ᠬᠡᠨᠦ ᠠᠢᠯᠤᠨ ᠳᠡᠭᠵᠢᠨ ᠰᠢᠷᠠᠨᠢ ᠬᠡᠷᠪᠡ ᠬᠢᠮᠤᠰᠤᠯᠠᠵᠤ ᠨᠢᠰᠠᠯᠪᠠᠯ᠂ ᠮᠠᠨᠴᠤᠷᠭᠠᠨ ᠬᠠᠮᠠᠷᠢᠶᠠᠨ ᠵᠡᠰ ᠤᠯᠠᠭᠠᠨ ᠪᠣᠯᠲᠠᠯᠠ ᠴᠡᠨᠳᠡᠢᠯᠭᠡᠭᠡᠳ ᠨᠠᠷᠢᠨ ᠪᠤᠷᠭᠠᠰᠤᠪᠠᠷ ᠰᠢᠪᠠᠭᠳᠠᠵᠤ ᠭᠠᠷᠭᠠᠳᠠᠭ ᠪᠣᠯᠵᠠᠢ᠃
ᠵᠡᠭᠦᠨ ᠭᠡᠷᠦᠨ ᠮᠡᠩᠭᠡᠲᠦᠶᠢᠨ ᠬᠦᠦᠶᠢ ᠬᠠᠮᠠᠷ ᠯᠣᠳᠤᠨ ᠴᠠᠭᠠᠨᠠᠠᠴᠠᠪᠠᠨ ᠠᠳᠠᠯᠠᠵᠤ ᠵᠢᠭᠰᠢᠭᠡᠳ᠂ ᠳᠡᠯᠳᠡᠩ ᠴᠢᠬᠢᠶᠢᠨᠢ ᠤᠷᠠᠭᠳᠠᠵᠤ ᠰᠤᠨᠲᠠᠯᠠ ᠮᠤᠰᠭᠢᠵᠤ ᠴᠢᠩᠭᠠᠭᠠᠭᠠᠳ ᠴᠢᠷᠴᠦ ᠭᠠᠷᠭᠠᠭᠰᠠᠨ ᠤᠳᠠᠭᠠ ᠪᠤᠢ᠃
ᠬᠠᠶᠠ ᠵᠠᠷᠢᠮ ᠦᠶᠡᠶᠢᠨ ᠠᠨᠳᠠᠨᠢ ᠬᠠᠮᠠᠷ ᠯᠣᠳᠤᠨᠤᠳᠤ ᠣᠷᠤᠭᠠᠳ ᠭᠠᠷᠬᠤ ᠳᠠᠭᠠᠨᠴᠤ ᠠᠪᠳᠠᠷᠠᠶᠢᠨᠢ ᠨᠢᠭᠡ ᠰᠢᠷᠪᠢᠵᠦ᠂ ᠡᠵᠡᠨᠢᠨᠢ ᠨᠢᠭᠡ ᠶᠣᠪᠤᠷᠤᠭᠠᠳ:
《ᠮᠠᠨᠤ ᠬᠠᠮᠠᠷᠤᠨ ᠭᠡᠷ ᠶᠣᠰᠤᠲᠠᠢ ᠬᠥᠳᠡᠭᠡᠳᠡᠭᠡᠨ ᠳ᠋ᠧᠪᠠᠵᠠᠨ ᠪᠠᠢᠨᠠᠳᠠ᠃ 〈ᠰᠠᠢᠨ ᠡᠮᠡᠭᠡᠯ ᠠᠭᠲᠠᠶᠢᠨ ᠴᠢᠮᠡᠭ᠂ ᠰᠠᠢᠬᠠᠨ ᠪᠦᠰᠡᠭᠦᠢ ᠭᠡᠷᠦᠨ ᠴᠢᠮᠡᠭ〉 ᠭᠡᠳᠡᠭᠢᠶᠡᠷ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠪᠠᠨ ᠬᠣᠢᠮᠤᠷᠲᠠᠭᠠᠨ ᠵᠠᠯᠠᠬᠤᠯᠠ ᠳᠤᠲᠠᠵᠤ ᠪᠠᠢᠨᠠ ᠰᠢᠤ!》 ᠭᠡᠵᠦ ᠱᠣᠣᠯᠠᠵᠤ ᠭᠠᠷᠳᠠᠭᠢ ᠶᠠᠭᠠᠬᠢᠨᠠ᠃
ᠬᠠᠮᠠᠷ ᠯᠣᠳᠤᠨ ᠭᠤᠴᠢᠶᠢ ᠰᠢᠭᠦᠷᠡᠵᠦ ᠶᠠᠪᠤᠭᠠ ᠵᠠᠯᠠᠭᠤ ᠲᠤᠯᠠ ᠬᠡᠳᠦᠨ ᠵᠢᠯᠦᠨ ᠡᠮᠦᠨᠡᠡᠴᠡ ᠠᠪᠤᠭᠠᠳ ᠠᠷᠤᠳᠠᠬᠢ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠵᠠᠭᠷᠠᠢᠮᠠᠲᠠᠢ ᠨᠠᠰᠢ ᠴᠠᠰᠢ ᠶᠠᠪᠤᠯᠴᠠᠵᠤ ᠢᠷᠡᠭᠰᠡᠨᠨᠢ ᠦᠨᠡᠨ᠃ ᠡᠷᠬᠡ ᠴᠢᠯᠦᠭᠡᠲᠡᠢ ᠴᠡᠭᠡᠵᠢ ᠲᠡᠨᠢᠭᠦᠨ ᠠᠮᠢᠳᠤᠷᠠᠬᠤ ᠪᠣᠯᠤᠭᠰᠠᠨᠳᠠᠭᠠᠨ ᠵᠠᠭᠷᠠᠢᠮᠠᠪᠠᠨ ᠭᠡᠷᠦᠨ ᠴᠢᠮᠡᠭᠢᠶᠡᠷ ᠵᠠᠯᠠᠬᠤᠶᠢ ᠬᠡᠵᠢᠶᠡ ᠶᠠᠵᠢᠶᠠᠨᠠᠴᠠ ᠬᠦᠰᠡᠵᠦ ᠵᠡᠭᠦᠳᠦᠯᠡᠳᠡᠭ ᠪᠠᠢᠨᠠ᠃ ᠬᠠᠤᠯᠢ ᠶᠣᠰᠤᠭᠠᠷ ᠬᠠᠨᠢᠯᠠᠨ ᠰᠠᠭᠤᠬᠤ ᠰᠠᠨᠠᠭᠠᠪᠠᠨ ᠪᠤᠯᠲᠠᠢᠯᠭᠠᠭᠰᠠᠨ ᠤᠳᠠᠭᠠ ᠪᠤᠢᠴᠤ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠨᠢ ᠲᠣᠯᠤᠭᠠᠢ ᠰᠡᠭᠰᠦᠷᠦᠭᠡᠳ ᠬᠦᠯᠢᠶᠡᠭᠰᠡᠨᠦᠭᠡᠢ᠃
ᠡᠨᠡ ᠵᠠᠭᠷᠠᠢᠮᠠ ᠭᠡᠳᠡᠭ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠶᠢᠨ ᠪᠣᠭᠲᠤᠯᠠᠵᠤ ᠬᠠᠷᠢᠯᠠᠭᠰᠠᠨ ᠬᠠᠷᠠ ᠬᠥᠮᠦᠨᠨᠢ ᠨᠠᠮᠵᠢᠯ ᠵᠠᠯᠠᠨᠤ ᠰᠡᠲᠡᠷᠲᠡᠢ ᠭᠡᠭᠦᠦᠳᠦ ᠨᠣᠭᠲᠤ ᠭᠦᠶᠦᠯᠭᠡᠭᠡᠳ᠂ ᠲᠣᠯᠤᠭᠠᠢ ᠳᠠᠭᠠᠭᠠᠬᠤᠦᠭᠡᠢ ᠶᠠᠯᠠᠳᠤ ᠤᠨᠠᠵᠤ᠂ ᠬᠣᠰᠢᠭᠤ ᠶᠠᠮᠤᠨᠤ ᠱᠣᠷᠤᠩᠳᠤ ᠶᠠᠰᠤᠪᠠᠨ ᠲᠠᠯᠪᠢᠭᠰᠠᠨ ᠪᠢᠯᠡ᠃ ᠪᠡᠯᠪᠡᠰᠦᠨ ᠬᠣᠴᠤᠷᠤᠭᠰᠠᠨ ᠵᠠᠯᠠᠭᠤ ᠪᠦᠰᠡᠭᠦᠢᠶᠢ ᠡᠪᠡᠳᠴᠢᠨ ᠡᠮᠭᠡᠭ ᠣᠷᠢᠶᠠᠭᠠᠳ ᠪᠠᠢᠬᠤᠯᠠᠷ ᠵᠢᠷᠤᠬᠠᠢᠴᠢ ᠯᠠᠮᠠᠬᠠᠢᠠᠴᠠ ᠠᠪᠤᠷᠠᠯ ᠭᠤᠶᠤᠵᠠᠢ᠃ 《ᠨᠢᠭᠦᠯᠦᠨ ᠦᠷᠡ ᠠᠢᠬᠤᠪᠲᠤᠷ ᠬᠤᠷᠠᠯᠠ ᠰᠢᠤ ᠳ᠋ᠠ ! ᠵᠢᠰᠦᠪᠡᠨ ᠬᠤᠪᠢᠯᠭᠠᠪᠠᠯ ᠡᠪᠡᠳᠴᠢᠨ ᠡᠮᠭᠡᠭ ᠠᠷᠢᠯᠵᠤ ᠪᠣᠯᠬᠤᠶᠤᠮ ᠪᠠᠢᠨᠠ》 ᠭᠡᠵᠦ ᠯᠠᠮᠠᠬᠠᠢ ᠠᠢᠯᠠᠳᠤᠭᠰᠠᠨᠳᠤ ᠵᠠᠯᠠᠭᠤ ᠪᠦᠰᠡᠭᠦᠢ ᠰᠠᠬᠢᠯ ᠪᠠᠭᠰᠢᠪᠠᠷ ᠦᠰᠦᠪᠡᠨ ᠤᠷᠤᠮᠳᠠᠭᠤᠯᠵᠤ᠂ ᠲᠠᠩᠭᠠᠷᠢᠭ ᠥᠭᠭᠦᠨ ᠰᠠᠬᠢᠯ ᠬᠦᠷᠲᠡᠭᠡᠳ ᠴᠢᠪᠠᠭᠠᠨᠴᠠ ᠪᠣᠯᠪᠠ᠃ ᠰᠦᠮᠡ ᠰᠠᠩᠤᠨ ᠪᠦᠷᠢᠶᠡ ᠪᠢᠰᠭᠢᠭᠦᠷᠢ ᠰᠣᠨᠤᠰᠤᠨ᠂ ᠰᠠᠩ ᠬᠦᠵᠢᠶᠢᠨ ᠦᠨᠦᠷᠢ ᠦᠨᠦᠷᠲᠦᠵᠦ ᠰᠠᠭᠤᠶᠠ ᠭᠡᠳ ᠣᠪᠤᠭᠠᠨ ᠠᠷᠤᠳᠤ ᠰᠠᠩ ᠰᠦᠷᠦᠭᠦᠨ ᠠᠢᠯᠲᠠᠢ ᠬᠠᠶᠠᠭᠠ ᠳᠡᠷᠡᠯᠡᠨ ᠪᠠᠭᠤᠳᠠᠯᠯᠠᠵᠠᠢ᠃ ᠣᠳᠣ ᠰᠢᠨᠡ ᠠᠮᠢᠳᠤᠷᠠᠯᠨᠢ ᠲᠡᠭᠦᠨᠦ ᠳᠤᠷᠠ ᠰᠣᠨᠢᠷᠬᠠᠯᠢ ᠡᠷᠬᠡᠦᠭᠡᠢ ᠲᠠᠲᠠᠬᠤ ᠪᠣᠯᠵᠤ᠂ ᠬᠠᠮᠠᠷ ᠯᠣᠳᠤᠨᠲᠠᠢ ᠠᠮᠢᠳᠤᠷᠠᠯᠤᠨ ᠵᠢᠯᠤᠭᠤᠪᠠᠨ ᠬᠠᠮᠲᠤᠳᠭᠠᠬᠤᠶᠢ ᠬᠡᠴᠢᠨᠡᠨ ᠰᠠᠨᠠᠭᠠᠷᠬᠠᠭᠰᠠᠨ ᠪᠣᠯᠪᠠᠴᠤ ᠮᠢᠩᠭᠠᠨ ᠣᠨ ᠤᠯᠠᠮᠵᠢᠯᠠᠭᠠᠳ ᠢᠷᠡᠭᠰᠡᠨ ᠬᠠᠷᠠ ᠰᠢᠷᠠᠶᠢᠨ ᠮᠤᠬᠤᠷ ᠪᠢᠰᠢᠷᠡᠯ ᠲᠡᠭᠦᠨᠦ ᠣᠶᠤᠨ ᠰᠠᠨᠠᠭᠠᠶᠢ ᠳᠠᠪᠬᠤᠷ ᠳᠠᠪᠬᠤᠷ ᠣᠷᠢᠶᠠᠭᠰᠠᠨ ᠲᠤᠯᠠ ᠦᠨᠡᠨ ᠬᠤᠳᠠᠯᠴᠤ ᠠᠮᠠᠨ ᠲᠠᠩᠭᠠᠷᠢᠭᠢᠶᠠᠨ ᠪᠤᠴᠠᠭᠠᠬᠤ ᠵᠣᠷᠢᠭᠦᠭᠡᠢ᠂ ᠶᠠᠭᠤᠴᠤ ᠭᠡᠰᠡᠨ ᠠᠷᠪᠠᠨ ᠵᠢᠯ ᠬᠦᠵᠢ ᠵᠤᠯᠠ ᠡᠷᠭᠦᠵᠦ ᠪᠠᠢᠭᠠᠳ ᠪᠣᠯᠤᠶᠠ ᠭᠡᠵᠦ ᠰᠢᠢᠳᠴᠡᠢ᠃
ᠦᠭᠡᠪᠡᠨ ᠣᠯᠤᠯᠴᠠᠭᠰᠠᠨ ᠬᠠᠮᠠᠷ ᠯᠣᠳᠤᠨᠴᠤ ᠠᠷᠪᠠᠨ ᠵᠢᠯ ᠬᠦᠯᠢᠶᠡᠬᠦᠪᠡᠷ ᠪᠣᠯᠵᠤ᠂ ᠯᠤᠤᠶᠢᠨ ᠬᠡᠲᠡᠢ ᠠᠪᠳᠠᠷᠠᠪᠠᠨ ᠬᠤᠮᠠᠬᠢ ᠲᠣᠭᠤᠰᠤ ᠰᠠᠭᠤᠯᠭᠠᠯᠦᠭᠡᠢ ᠵᠦᠯᠭᠦᠵᠦ ᠠᠷᠴᠢᠨ ᠭᠢᠯᠠ ᠴᠢᠯᠡ ᠬᠡᠪᠢᠶᠡᠷᠨᠢ ᠬᠠᠮᠠᠭᠠᠯᠠᠵᠤ ᠶᠠᠪᠤᠭᠰᠠᠨᠢᠶᠠᠷ ᠪᠠᠷᠠᠬᠤᠦᠭᠡᠢ 《ᠵᠠᠭᠷᠠᠢᠮᠠᠳᠠᠭᠠᠨ ᠬᠣᠭᠤᠰᠤᠨ ᠬᠣᠷᠭᠤᠶᠢᠨ ᠲᠦᠯᠬᠢᠭᠦᠷ ᠠᠳᠭᠤᠭᠤᠯᠤᠨᠠᠤᠤ ᠳ᠋ᠠ ?》 ᠭᠡᠳ ᠨᠢᠮᠭᠡᠨ ᠡᠮᠦᠰᠴᠦ ᠰᠢᠩᠭᠡᠨ ᠢᠳᠡᠵᠦ ᠪᠠᠢᠭᠠᠳ ᠬᠥᠬᠡ ᠲᠣᠷᠭᠠᠨ ᠵᠤᠪᠴᠠᠭᠠ᠂ ᠶᠠᠭᠠᠨ ᠴᠢᠰᠴᠡᠦ ᠪᠦᠰᠡ᠂ ᠪᠤᠯᠢᠭᠠᠷᠢᠨ ᠭᠤᠲᠤᠯ᠂ ᠨᠣᠭᠤᠭᠠᠨ ᠳᠤᠷᠳᠤᠩ ᠠᠯᠴᠢᠭᠤᠷ ᠵᠡᠷᠭᠡᠪᠡᠷ ᠠᠪᠳᠠᠷᠠᠪᠠᠨ ᠳᠦᠭᠦᠷᠭᠡᠵᠦᠯᠡ ᠪᠠᠢᠯᠠ᠃
ᠬᠦᠯᠢᠶᠡᠭᠡᠳ ᠤᠳᠠᠭᠰᠠᠨ ᠠᠷᠪᠠᠨ ᠵᠢᠯᠨᠢ ᠬᠦᠷᠦᠭᠡᠳ ᠢᠷᠡᠪᠡ᠃ ᠡᠨᠡ ᠬᠣᠭᠤᠷᠤᠨᠳᠤ ᠬᠥᠯᠦᠰᠦ ᠰᠡᠪᠡᠬᠦ ᠵᠠᠪᠦᠭᠡᠢ ᠶᠠᠭᠠᠷᠠᠵᠤ ᠶᠠᠪᠤᠭᠰᠠᠨ ᠬᠠᠮᠠᠷ ᠯᠣᠳᠤᠨ ᠪᠢᠰᠢᠭᠦᠢ ᠬᠥᠷᠦᠩᠭᠡᠵᠢᠵᠦ᠂ ᠵᠠᠷᠤᠯᠭᠠ ᠪᠠᠷᠢᠯᠭᠠ ᠳᠠᠭᠠᠨᠴᠤ ᠶᠡᠬᠡ ᠭᠠᠷᠢᠶᠠᠷ ᠬᠥᠳᠡᠯᠳᠡᠭ ᠪᠣᠯᠤᠭᠠᠳ ᠰᠢᠨᠡ ᠠᠮᠢᠳᠤᠷᠠᠯᠤᠨ ᠵᠠᠮᠳᠤᠮᠢᠨᠢ ᠭᠡᠭᠡᠨ ᠰᠠᠷᠠ ᠪᠣᠯᠬᠤᠦᠭᠡᠢᠴᠤ ᠭᠡᠷᠡᠯᠲᠦ ᠮᠥᠷᠢᠶᠡᠨ ᠦᠯᠡᠳᠡᠭᠡᠬᠦᠨᠢ ᠵᠠᠭᠷᠠᠢᠮᠠᠶᠤᠮ ᠡ! ᠭᠡᠳ ᠬᠤᠷᠢᠮᠢᠶᠠᠨ ᠨᠠᠮᠪᠠᠲᠠᠢᠬᠠᠨ ᠷᠠᠪᠵᠢᠶᠢᠨ ᠵᠢᠷᠤᠭᠠ ᠰᠠᠷᠠᠯᠢ ᠰᠤᠮᠤᠨ ᠳᠠᠷᠤᠭᠠᠶᠢᠨ ᠮᠥᠩᠭᠦᠨ ᠡᠮᠡᠭᠡᠯᠲᠡᠢ ᠵᠢᠭᠡᠯᠡᠵᠦ᠂ ᠪᠡᠷᠢᠶᠢᠨ ᠤᠨᠤᠯᠭᠠ ᠪᠣᠯᠭᠠᠬᠤᠪᠠᠷ ᠪᠣᠯᠵᠤᠵᠤ᠂ ᠵᠢᠪᠵᠢᠳᠮᠠ ᠬᠥᠭᠰᠢᠨᠢᠶᠡᠷ ᠲᠡᠷᠯᠢᠭ ᠡᠰᠭᠡᠭᠦᠯᠵᠦ᠂ ᠪᠠᠳᠮᠠ ᠪᠡᠷᠭᠡᠨᠢᠶᠡᠷ ᠪᠤᠭᠤᠷᠰᠤᠭ ᠬᠠᠭᠠᠷᠢᠭᠤᠯᠤᠭᠠᠳ᠂ ᠬᠣᠷᠯᠣ ᠡᠪᠦᠭᠡᠨᠢ ᠲᠦᠷᠦᠭᠦᠦ ᠬᠤᠳᠠᠪᠠᠷ ᠵᠠᠯᠠᠭᠠᠳ ᠶᠠᠪ ᠶᠠᠭᠠᠷᠠᠤ᠃
ᠠᠷᠪᠠᠨ ᠵᠢᠯᠨᠢ ᠶᠠᠭᠠᠬᠢᠵᠤ ᠡᠢᠭᠡᠳ ᠥᠩᠭᠡᠷᠡᠭᠰᠡᠨ ᠪᠣᠯᠪᠠᠴᠤ᠂ ᠠᠷᠪᠠᠬᠠᠨ ᠬᠣᠨᠤᠭᠨᠢ ᠶᠡᠷᠦ ᠥᠩᠭᠡᠷᠡᠵᠦ ᠥᠭᠬᠦᠦᠭᠡᠢ ᠬᠠᠮᠠᠷ ᠯᠣᠳᠤᠨᠢ ᠬᠡᠴᠡᠭᠦᠦ ᠬᠡᠢᠷᠭᠡᠭᠦᠯᠦᠨᠡ᠃ ᠭᠣᠣᠨᠢ ᠪᠡᠶᠡ ᠬᠣᠣᠰ ᠪᠣᠯᠵᠤ ᠭᠣᠯᠤᠮᠲᠠᠶᠢᠨ ᠵᠡᠭᠦᠨᠲᠡᠢᠨᠢ ᠪᠦᠰᠡᠭᠦᠢ ᠳᠣᠮᠪᠤᠢᠬᠤ ᠪᠣᠯᠤᠭᠰᠠᠨᠨᠢ ᠰᠢᠨᠡ ᠴᠠᠭ ᠢᠷᠡᠭᠰᠡᠨᠦᠭᠡᠢ ᠪᠣᠯ ᠬᠠᠮᠠᠷ ᠯᠣᠳᠤᠨᠤ ᠵᠡᠭᠦᠳᠦᠨᠳᠦ ᠣᠷᠤᠬᠤᠦᠭᠡᠢ ᠶᠠᠪᠤᠳᠠᠯ ᠡ!
ᠭᠡᠪᠡᠴᠦ ᠳᠡᠭᠡᠷᠡᠡᠴᠡ ᠢᠷᠡᠭᠰᠡᠨ ᠨᠢᠭᠡᠨ ᠬᠠᠭᠤᠳᠠᠰᠤ ᠪᠢᠴᠢᠭ ᠡᠨᠡ ᠰᠠᠢᠬᠠᠨ ᠮᠥᠴᠡᠶᠢ ᠵᠡᠷᠭᠡᠯᠭᠡᠨ ᠮᠡᠲᠦ ᠰᠠᠷᠨᠢᠭᠤᠯᠤᠭᠠᠳ᠂ ᠬᠠᠮᠠᠷ ᠯᠣᠳᠤᠨ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠬᠣᠶᠠᠷᠢ ᠬᠡᠢᠪᠡᠷ ᠬᠥᠭᠡᠷᠦᠭᠦᠯᠵᠦ᠂ ᠬᠥᠭᠡᠰᠦᠪᠡᠷ ᠪᠥᠭᠡᠯᠵᠢᠭᠦᠯᠪᠡ᠃
《ᠡᠪ ᠬᠠᠮᠲᠤᠶᠢᠨ ᠶᠣᠰᠤᠨᠢ ᠥᠨᠥ ᠮᠠᠷᠭᠠᠰᠢ ᠪᠡᠶᠡᠯᠡᠭᠳᠡᠬᠦ ᠲᠤᠯᠠ ᠤᠯᠤᠰ ᠳᠠᠶᠠᠭᠠᠷ ᠦᠰᠦᠷᠦᠩᠭᠦᠢ ᠳᠠᠪᠰᠢᠬᠤ ᠬᠡᠷᠡᠭᠲᠡᠢ》 ᠭᠡᠵᠦ ᠬᠣᠷᠰᠢᠶᠠ ᠨᠡᠢᠲᠡᠪᠡᠷ ᠬᠥᠳᠡᠯᠭᠡᠭᠡᠨ ᠪᠣᠯᠪᠠ᠃ 《ᠬᠡᠳᠦᠢ ᠴᠢᠳᠠᠯᠲᠠᠢ ᠪᠣᠯ ᠲᠡᠳᠦᠢᠪᠡᠨ ᠭᠠᠷᠭᠠᠵᠤ ᠶᠠᠭᠤ ᠬᠡᠷᠡᠭᠲᠡᠢ ᠪᠣᠯ ᠲᠡᠭᠦᠨᠢᠶᠡᠨ ᠠᠪᠬᠤ》ᠨᠢ ᠳᠠᠪᠰᠢᠩᠭᠤᠢ ᠭᠡᠭᠡᠨ ᠶᠣᠰᠤ ᠭᠠᠵᠠᠷ ᠳ᠋ᠠ᠂ ᠨᠠᠮᠵᠢᠯ ᠵᠠᠯᠠᠨᠢ ᠭᠠᠷᠭᠠᠪᠠᠯ ᠬᠡᠨᠴᠦ ᠭᠡᠳ ᠬᠦᠯᠢᠶᠡᠬᠦ ᠪᠠᠢᠯᠭᠦᠢ᠃ ᠬᠣᠶᠠᠷ ᠲᠣᠯᠤᠭᠠᠢ ᠤᠷᠭᠤᠭᠰᠠᠨᠴᠤ᠂ ᠬᠤᠪᠢᠶᠢᠨ ᠠᠮᠢᠳᠤᠷᠠᠯᠢᠶᠠᠨ ᠲᠥᠪᠬᠢᠨᠡᠭᠦᠯᠦᠶᠡ ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠠᠮᠠ ᠨᠡᠭᠡᠭᠡᠬᠦ ᠵᠢᠷᠦᠬᠡ ᠪᠠᠢᠨᠠᠤᠤ? ᠵᠠᠪ ᠪᠠᠢᠨᠠᠤᠤ?
ᠳᠡᠭᠡᠷᠡᠬᠢᠶᠢᠨ ᠰᠠᠨᠠᠭᠠᠪᠠᠷ ᠡᠭᠦᠷᠦᠨ ᠳᠠᠷᠤᠭᠠ ᠡᠷᠦᠬᠡ ᠳᠠᠷᠠᠭᠠᠯᠠᠨ ᠬᠡᠰᠦᠵᠦ᠂ ᠪᠣᠷᠴᠠᠲᠠᠢ ᠠᠢᠯᠠᠴᠠ ᠪᠣᠷᠴᠠ ᠨᠡᠢᠯᠡᠭᠦᠯᠵᠦ᠂ ᠭᠤᠯᠢᠷᠲᠠᠢ ᠠᠢᠯᠤᠨ ᠬᠢᠨᠢ ᠬᠡᠦᠳᠡᠢᠶᠢ ᠭᠦᠪᠢᠭᠦᠯᠦᠭᠰᠡᠭᠡᠷ ᠡᠨᠡ ᠠᠢᠯᠤᠨ ᠰᠢᠨᠠᠭᠠ᠂ ᠲᠡᠷᠡ ᠠᠢᠯᠤᠨ ᠳᠡᠪᠦᠷᠡ ᠭᠡᠵᠦ ᠴᠤᠭᠯᠠᠭᠤᠯᠤᠭᠠᠳ ᠬᠣᠷᠰᠢᠶᠠᠨᠤ ᠬᠥᠮᠦᠷᠭᠡᠳᠦ ᠬᠣᠭᠤᠯᠠᠨ ᠭᠡᠷ ᠭᠠᠷᠭᠠᠬᠤᠪᠠᠷ ᠪᠣᠯᠵᠠᠢ᠃ ᠭᠠᠯ ᠲᠣᠭᠤᠭᠠᠨᠤ ᠠᠵᠢᠯᠳᠠᠭᠠᠨ ᠬᠠᠮᠠᠷ ᠯᠣᠳᠤᠨ ᠤᠷᠢᠳᠤᠠᠴᠠ ᠪᠠᠷᠤᠭᠲᠠᠢ ᠲᠤᠯᠠ ᠠᠢᠯᠤᠨ ᠲᠣᠭᠤᠭᠠᠶᠢ ᠬᠠᠳᠠᠭᠰᠠᠭᠠᠷ ᠢᠷᠡᠭᠰᠡᠨ᠃ ᠭᠡᠷ ᠲᠡᠷᠭᠡᠲᠡᠢ ᠪᠣᠯᠤᠭᠰᠠᠨᠠᠴᠠ ᠬᠣᠢᠰᠢ᠂ ᠠᠷᠭᠠ ᠪᠤᠰᠤ ᠬᠣᠭᠤᠯᠠ ᠬᠤᠰᠢ ᠭᠡᠵᠦ ᠣᠷᠤᠯᠳᠤᠵᠤ ᠡᠬᠢᠯᠡᠭᠰᠡᠨ ᠪᠣᠯᠪᠠᠴᠤ ᠣᠯᠢᠭᠲᠠᠢ ᠠᠮᠲᠠ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠡᠷᠢᠨᠨᠢ ᠲᠣᠭᠠᠲᠠᠢ᠃ ᠡᠪ ᠬᠠᠮᠲᠤᠶᠢᠨ ᠪᠤᠳᠠᠭᠠ ᠭᠡᠳᠡᠭᠴᠢᠨᠢ ᠢᠳᠡᠳᠡᠭᠯᠡ ᠬᠣᠭᠤᠯᠠ᠂ ᠡᠷᠢᠨ ᠡᠷᠢᠨ ᠪᠡᠯᠡᠨ ᠪᠤᠳᠠᠭᠠ ᠢᠳᠡᠨᠡ ᠭᠡᠳᠡᠭᠴᠢᠨᠢ ᠡᠢᠮᠦ ᠰᠠᠢᠬᠠᠨ ᠴᠠᠭ ᠢᠷᠡᠭᠰᠡᠨᠦᠭᠡᠢ ᠪᠣᠯ ᠬᠠᠮᠠᠷ ᠨᠠᠳᠠ ᠬᠠᠮᠢᠭᠠᠠᠴᠠ ᠣᠯᠳᠠᠬᠤᠰᠠᠨ ᠪᠢᠯᠡ! ᠭᠡᠳ ᠬᠠᠮᠠᠷ ᠯᠣᠳᠤᠨ ᠴᠢᠮᠡᠭᠡᠪᠡᠷᠨᠢ ᠬᠥᠯᠦᠭᠡᠢ ᠳᠡᠷᠪᠡᠵᠦ ᠡᠬᠢᠯᠡᠪᠡ᠃
ᠭᠤᠷᠪᠠᠨ ᠬᠣᠲᠠ ᠳᠥᠷᠪᠡᠨ ᠤᠰᠤᠨᠤ ᠬᠢᠨ ᠨᠢᠭᠡᠯᠡ ᠡᠳᠦᠷᠲᠦ ᠣᠪᠤᠭᠠᠨ ᠰᠢᠯᠢ ᠳᠡᠭᠡᠷᠡ ᠲᠥᠪᠯᠡᠷᠡᠨ ᠪᠠᠭᠤᠳᠠᠯᠯᠠᠭᠠᠳ᠂ ᠬᠣᠲᠠ ᠪᠠᠯᠭᠠᠰᠤᠰᠢᠭ᠋ ᠪᠣᠯᠪᠠ᠃ ᠡᠭᠦᠷᠦᠨ ᠳᠠᠷᠤᠭᠠ ᠠᠢᠯᠤᠳᠤᠨ ᠢᠯᠡᠭᠦᠦ ᠭᠠᠷᠤᠭᠰᠠᠨ ᠲᠣᠭᠤᠭᠠᠶᠢ ᠴᠤᠭᠯᠠᠭᠤᠯᠵᠤ᠂ ᠢᠳᠡᠲᠡᠢ ᠪᠢᠷᠠᠲᠠᠢ ᠵᠠᠯᠠᠭᠤᠰᠢᠶᠠᠷ ᠨᠢᠴᠠ ᠨᠢᠴᠠ ᠳᠡᠪᠰᠡᠭᠦᠯᠦᠭᠡᠳ᠂ ᠪᠣᠯᠤᠳᠤᠨ ᠵᠤᠤᠬᠠᠨᠳᠤ ᠬᠦᠷᠭᠡᠵᠦ ᠪᠠᠢᠨᠠ᠃ ᠬᠣᠭᠤᠯᠠᠨ ᠭᠡᠷᠲᠡᠢ ᠪᠣᠯᠤᠭᠰᠠᠨᠶᠤᠮᠴᠢᠨᠢ ᠭᠡᠳ ᠬᠠᠮᠠᠷ ᠯᠣᠳᠤᠨ ᠪᠠᠢᠬᠤᠠᠴᠠ ᠭᠠᠭᠴᠠ ᠭᠠᠤᠯᠢᠨ ᠬᠠᠢᠪᠤᠪᠠᠨ ᠠᠪᠠᠴᠢᠵᠤ ᠥᠭᠭᠦᠭᠰᠡᠨᠳᠦ ᠰᠢᠷᠡᠮᠦ ᠪᠢᠰᠢ ᠪᠣᠯ ᠠᠪᠬᠤᠦᠭᠡᠢ ᠭᠡᠳ ᠪᠤᠴᠠᠭᠠᠵᠠᠢ᠃
ᠰᠦᠷᠦᠭ ᠨᠣᠬᠠᠳ ᠬᠤᠴᠠᠵᠤ ᠪᠤᠤᠷᠯᠠᠯᠳᠤᠭᠠᠳ ᠡᠮᠡᠰ ᠬᠡᠦᠬᠡᠳ ᠡᠭᠦᠳᠡᠨᠡᠴᠡ ᠭᠠᠷᠬᠤᠶᠢᠨ ᠠᠷᠭᠠᠦᠭᠡᠢ ᠪᠣᠯᠤᠭᠠᠳ ᠪᠠᠢᠨᠠ᠃
ᠬᠠᠮᠠᠷ ᠯᠣᠳᠤᠨᠴᠤ ᠨᠣᠬᠠᠢᠶᠢᠨ ᠠᠶᠤᠯᠠᠴᠠ ᠳᠥᠩᠭᠡᠵᠢ ᠮᠤᠯᠲᠤᠷᠠᠭᠠᠳ ᠡᠭᠦᠳᠡ ᠲᠠᠭᠠᠷᠠᠮᠠᠭᠴᠠ ᠰᠢᠷᠭᠤᠵᠤ ᠣᠷᠤᠭᠰᠠᠨᠳᠤ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠴᠠᠢ ᠴᠢᠨᠠᠨ ᠪᠥᠭᠴᠦᠭᠡᠨᠡᠵᠦ ᠪᠠᠢᠪᠠ᠃ ᠲᠣᠭᠤᠭᠠ ᠳᠦᠭᠦᠷᠡᠩ ᠳᠠᠷᠭᠢᠯᠠᠬᠤ ᠬᠥᠬᠡ ᠴᠠᠢᠠᠴᠠ ᠡᠬᠡᠭᠦᠨ ᠦᠨᠦᠷ ᠰᠠᠩᠬᠢ ᠲᠠᠲᠠᠨᠠ᠃
《ᠵᠣᠯᠢᠭᠴᠢᠨᠢ ᠮᠥᠨᠴᠦ ᠮᠣᠷᠢᠲᠠᠢ ᠪᠠᠢᠨᠠ!》 ᠭᠡᠵᠦ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠨᠢ ᠱᠣᠣᠯᠠᠵᠤ ᠭᠠᠷᠬᠤᠳᠤ:
《ᠨᠣᠬᠠᠢᠳᠤ ᠲᠠᠭᠤᠭᠳᠠᠭᠰᠠᠨᠦᠭᠡᠢ ᠪᠣᠯ ᠴᠠᠢ ᠳᠡᠭᠡᠷᠡᠴᠢᠨᠢ ᠵᠠᠪᠳᠤᠬᠤᠦᠭᠡᠢᠯᠠ ᠳ᠋ᠠ 》 ᠭᠡᠳ ᠬᠠᠮᠠᠷ ᠯᠣᠳᠤᠨ ᠬᠠᠭᠵᠠᠷᠬᠠᠢ ᠰᠢᠷᠬᠤᠨᠠᠭᠢᠶᠠᠨ ᠬᠣᠷᠮᠤᠢᠪᠠᠷᠢᠶᠠᠨ ᠪᠥᠭᠯᠡᠵᠦ ᠰᠠᠭᠤᠪᠠ᠃
ᠬᠥᠬᠡ ᠴᠠᠢᠶᠢᠨᠢ ᠬᠥᠯᠦᠷᠡᠲᠡᠯᠡ ᠤᠤᠭᠤᠵᠤ ᠰᠠᠭᠤᠬᠤ ᠵᠠᠭᠤᠷᠠ ᠴᠢᠪᠠᠭᠠᠨᠴᠠᠶᠢᠨᠢᠶᠠᠨ ᠰᠢᠷᠡᠮᠦᠨ ᠲᠣᠭᠤᠭᠠᠶᠢ ᠬᠠᠷᠠᠭᠠᠳ ᠬᠠᠮᠠᠷ ᠯᠣᠳᠤᠨ ᠭᠡᠨᠡᠳᠲᠡ ᠭᠡᠭᠡᠷᠡᠪᠡ᠃
ᠴᠢᠪᠠᠭᠠᠨᠴᠠᠶᠢᠨ ᠲᠣᠭᠤᠭᠠ ᠰᠦᠷᠡᠬᠡᠢᠴᠦᠶᠦᠮ ᠪᠠᠢᠨᠠ᠃ ᠯᠠᠪ ᠨᠢᠭᠡ ᠵᠤᠤᠬᠠ ᠰᠢᠲᠠᠭᠠᠵᠤ ᠬᠦᠷᠬᠦ ᠪᠠᠢᠬᠤ ᠳ᠋ᠠ !
ᠬᠠᠮᠠᠷ ᠯᠣᠳᠤᠨ ᠭᠢᠳ ᠭᠢᠳ ᠭᠡᠭᠰᠡᠭᠡᠷ:
《ᠡᠨᠡ ᠲᠣᠭᠤᠭᠠᠪᠠᠨ ᠨᠠᠳᠠᠳᠠᠭᠠᠨ ᠥᠭᠴᠢᠬᠡ ᠳ᠋ᠠ !》 ᠭᠡᠵᠦ ᠬᠡᠴᠦᠦᠭᠡᠢ ᠭᠤᠶᠤᠭᠰᠠᠨᠳᠤ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠭᠠᠢᠬᠠᠵᠤ:
《ᠭᠣᠷᠢᠦᠭᠡᠢ᠂ ᠭᠣᠷᠢᠦᠭᠡᠢ!》 ᠭᠡᠵᠦ ᠲᠣᠯᠤᠭᠠᠢ ᠳᠠᠮᠠᠷᠤᠳᠠᠪᠠ᠃
《ᠮᠠᠷᠭᠠᠰᠢᠠᠴᠠ ᠬᠣᠭᠤᠯᠠᠨ ᠭᠡᠷᠲᠦ ᠴᠠᠪᠯᠠᠵᠠᠭᠠᠬᠤᠶᠤᠮᠴᠢᠨᠢ ᠡᠨᠡ ᠮᠠᠭᠤ ᠲᠣᠭᠤᠭᠠᠪᠠᠷ ᠡᠴᠢᠭᠡᠪᠡᠨ ᠬᠢᠨᠡᠦᠦ?》 ᠭᠡᠳ ᠬᠠᠮᠠᠷ ᠯᠣᠳᠤᠨ ᠬᠠᠮᠠᠷᠢᠶᠠᠨ ᠴᠡᠨᠳᠡᠢᠯᠭᠡᠬᠦᠳᠦ:
《ᠪᠠᠢᠭ ᠴᠠᠰᠢ! ᠪᠢ ᠳᠤᠲᠠᠭᠤ ᠨᠢᠭᠡ ᠡᠷᠢᠨᠦ ᠬᠣᠭᠤᠯᠠ ᠢᠳᠡᠭᠰᠡᠨᠴᠦ ᠴᠠᠢᠠᠴᠠᠪᠠᠨ ᠰᠠᠯᠵᠤ ᠴᠢᠳᠠᠳᠠᠭᠦᠭᠡᠢᠶᠢ ᠴᠢ ᠶᠠᠮᠠᠷ ᠮᠡᠳᠡᠬᠦᠦᠭᠡᠢ ᠪᠢᠰᠢ》 ᠭᠡᠵᠦ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠳᠤᠷᠠᠮᠠᠭᠴᠢᠬᠠᠨ ᠳᠦᠳᠦᠨᠡᠪᠡ᠃
ᠲᠡᠢᠮᠦᠴᠦ ᠲᠡᠢᠮᠦ ᠳ᠋ᠡ᠃ ᠴᠢᠪᠠᠭᠠᠨᠴᠠ ᠬᠥᠮᠦᠨᠦ ᠬᠠᠮᠤᠭ ᠡᠷᠳᠡᠮᠨᠢ ᠴᠠᠢ ᠭᠦᠵᠡᠭᠡᠯᠡᠬᠦᠯᠡ ᠰᠢᠦ ᠳ᠋ᠠ !
《ᠢᠩᠭᠢᠶᠡ᠂ ᠪᠢ ᠭᠠᠤᠯᠢᠨ ᠬᠠᠢᠪᠤᠪᠠᠷᠢᠶᠠᠨ ᠲᠣᠭᠤᠭᠠᠶᠢᠴᠢᠨᠢ ᠰᠣᠯᠢᠵᠤ ᠠᠪᠤᠶᠠ!ᠮᠢᠨᠦ ᠲᠡᠷᠡ ᠬᠠᠢᠪᠤᠳᠤ ᠴᠠᠢ ᠴᠢᠨᠠᠵᠤ ᠭᠠᠢᠭᠤᠢ ᠪᠣᠯᠤᠨᠠ ᠰᠢᠤ!》
ᠴᠢᠪᠠᠭᠠᠨᠴᠠ ᠬᠠᠷᠢᠭᠤ ᠳᠤᠤᠭᠠᠷᠤᠭᠰᠠᠨᠦᠭᠡᠢ᠃ ᠤᠳᠠᠵᠤ ᠤᠳᠠᠭᠠᠳ ᠲᠣᠯᠤᠭᠠᠢ ᠳᠣᠬᠢᠪᠠ᠃ ᠬᠠᠮᠠᠷ ᠯᠣᠳᠤᠨ ᠬᠠᠭᠠᠷᠠᠲᠠᠯᠠ ᠬᠥᠭᠡᠷᠴᠦ᠂ ᠦᠰᠦᠷᠴᠦ ᠪᠣᠰᠤᠭᠠᠳ ᠲᠣᠭᠤᠭᠠᠶᠢ ᠰᠤᠭᠤᠯᠪᠠ᠃
ᠵᠠᠮ ᠵᠠᠭᠤᠷᠠ᠂ ᠪᠦᠲᠦᠨ ᠲᠣᠭᠤᠭᠠ ᠠᠪᠳᠠᠭᠦᠭᠡᠢᠰᠠᠨ ᠭᠡᠵᠦ ᠪᠣᠳᠤᠭᠠᠳ ᠬᠠᠮᠠᠷ ᠯᠣᠳᠤᠨ ᠲᠣᠭᠤᠭᠠᠪᠠᠨ ᠰᠢᠳᠡᠵᠦ ᠶᠠᠪᠤᠭᠤᠯᠤᠭᠠᠳ ᠬᠠᠷᠠ ᠬᠦᠴᠦᠪᠡᠷᠢᠶᠡᠨ ᠳᠡᠪᠰᠡᠭᠰᠡᠨ ᠪᠣᠯᠪᠠᠴᠤ᠂ ᠬᠥᠯᠦᠨ ᠤᠯᠠᠨᠢ ᠡᠭᠡᠷᠡᠲᠡᠯᠡ ᠡᠪᠡᠳᠦᠭᠰᠡᠨᠡᠴᠡ ᠪᠢᠰᠢ ᠲᠣᠭᠤᠭᠠᠨᠢ ᠬᠡᠮᠬᠡᠷᠡᠭᠰᠡᠨᠦᠭᠡᠢ᠃ ᠮᠡᠩᠭᠡᠲᠦᠶᠢᠨ ᠬᠦᠦ ᠳᠥᠷᠪᠡᠯᠵᠢᠨ ᠬᠥᠷᠵᠡᠩ ᠴᠢᠨᠡᠭᠡ ᠴᠢᠯᠠᠭᠤ ᠳᠠᠭᠠᠭᠠ ᠶᠠᠳᠠᠨ ᠠᠪᠴᠢᠷᠠᠭᠠᠳ ᠲᠣᠭᠤᠭᠠᠨ ᠬᠦᠢᠰᠦ ᠲᠠᠭᠠᠷᠠᠭᠤᠯᠤᠨ ᠪᠠᠭᠤᠯᠭᠠᠪᠠ᠃ ᠨᠠᠰᠤ ᠪᠠᠯᠴᠢᠷᠴᠤ ᠤᠬᠠᠭᠠᠨ ᠬᠡᠴᠡᠭᠦᠦ᠃ ᠰᠢᠷᠡᠮᠦᠨ ᠲᠣᠭᠤᠭᠠ ᠰᠦᠢᠷᠡᠵᠦ ᠣᠴᠢᠬᠤᠳᠤ ᠬᠠᠮᠠᠷ ᠯᠣᠳᠤᠨ ᠮᠠᠭᠠᠰᠠᠢᠵᠤ ᠢᠨᠢᠶᠡᠭᠡᠳ᠂ ᠬᠥᠶᠢᠴᠦ ᠬᠠᠮᠢᠶᠠᠷᠤᠯᠦᠭᠡᠢ ᠲᠡᠭᠦᠵᠦ ᠬᠣᠷᠮᠤᠢᠯᠠᠮᠠᠭᠴᠠ ᠭᠠᠷᠴᠤ ᠭᠦᠶᠦᠪᠡ᠃ ᠬᠠᠷᠠᠮᠰᠠᠯᠲᠠᠢᠨᠢ ᠭᠣᠵᠤᠢᠭᠰᠠᠨᠦᠭᠡᠢ ᠦᠵᠡᠭᠰᠡᠨᠡᠴᠡ ᠪᠢᠰᠢ ᠬᠢᠮᠤᠰᠤᠨ ᠲᠡᠳᠦᠢ ᠱᠠᠩᠴᠤ ᠬᠦᠷᠲᠡᠭᠰᠡᠨᠦᠭᠡᠢ᠃
ᠬᠠᠮᠠᠷ ᠯᠣᠳᠤᠨ ᠲᠣᠯᠤᠭᠠᠢᠪᠠᠨ ᠭᠠᠨᠵᠤᠭᠠᠯᠠᠭᠠᠳ ᠪᠤᠴᠠᠵᠤ ᠬᠠᠷᠢᠬᠤᠳᠤ ᠯᠤᠤᠶᠢᠨ ᠬᠡᠲᠡᠢ ᠠᠪᠳᠠᠷᠠᠶᠢᠨᠢ ᠬᠣᠭᠤᠯᠠᠨ ᠭᠡᠷᠲᠦ ᠵᠠᠷᠤᠬᠤᠪᠠᠷ ᠬᠠᠰᠠᠭ ᠢᠷᠡᠭᠡᠳ ᠬᠦᠯᠢᠶᠡᠵᠦ ᠪᠠᠢᠪᠠ᠃ ᠨᠢᠯᠪᠤᠰᠤ ᠪᠥᠮᠪᠦᠷᠢᠮᠡᠷ ᠪᠣᠯᠤᠭᠰᠠᠨ ᠪᠣᠯᠪᠠᠴᠤ᠂ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠲᠠᠢᠪᠠᠨ ᠰᠢᠷᠡᠭᠡ ᠬᠠᠪᠴᠢᠨ ᠬᠣᠭᠤᠯᠠᠯᠠᠬᠤᠶᠢ ᠪᠣᠳᠤᠮᠠᠭᠴᠠ᠂ ᠬᠠᠮᠠᠷ ᠯᠣᠳᠤᠨᠤ ᠪᠠᠷᠤᠢᠭᠰᠠᠨ ᠴᠢᠷᠠᠢ ᠴᠡᠯᠮᠡᠢᠵᠦ ᠪᠠᠶᠠᠰᠭᠤᠯᠠᠩ ᠲᠤᠶᠠᠭᠠᠷᠠᠭᠠᠳ᠂ ᠳᠠᠭᠤᠦᠭᠡᠢ ᠥᠭᠴᠦ ᠶᠠᠪᠤᠭᠤᠯᠪᠠ᠃
ᠰᠢᠨᠡ ᠴᠠᠭ ᠭᠠᠵᠠᠷ ᠳ᠋ᠠ᠂ ᠬᠡᠯᠡᠪᠡᠯ ᠬᠢᠳᠡᠭᠯᠡᠶᠦᠮ ᠪᠠᠢᠨᠠ᠃ ᠮᠠᠷᠭᠠᠰᠢ ᠥᠷᠯᠦᠭᠡᠭᠦᠷᠨᠢ ᠴᠠᠪᠤᠨ ᠳᠤᠩ ᠨᠡᠭᠡᠷᠡᠨᠴᠦ ᠠᠭᠤᠯᠠ ᠤᠰᠤᠶᠢ ᠪᠠᠶᠠᠰᠲᠠᠯᠠ ᠳᠦᠩᠭᠢᠨᠡᠪᠡ᠃ ᠬᠠᠮᠠᠷ ᠯᠣᠳᠤᠨ ᠬᠣᠭᠤᠯᠠᠨ ᠭᠡᠷᠦᠨ ᠬᠠᠲᠠᠪᠴᠢᠶᠢ ᠠᠯᠬᠤᠮᠠᠭᠴᠠ ᠨᠢᠭᠡ ᠨᠢᠳᠦᠨᠢ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠳᠡᠭᠡᠷᠡ ᠨᠥᠭᠦᠭᠡ ᠨᠢᠳᠦᠨᠢ ᠯᠤᠤᠶᠢᠨ ᠬᠡᠲᠡᠢ ᠠᠪᠳᠠᠷᠠ ᠳᠡᠭᠡᠷᠡᠪᠡᠨ ᠲᠤᠰᠤᠭᠠᠳ ᠠᠪᠤᠯᠠ᠃ ᠲᠦᠷᠦᠭᠦᠦ ᠡᠷᠢᠨᠦ ᠬᠣᠭᠤᠯᠠ ᠣᠨᠴᠤᠭᠤᠢ ᠠᠮᠲᠠᠲᠠᠢ ᠰᠠᠨᠠᠭᠳᠠᠭᠰᠠᠨ ᠪᠥᠭᠡᠳ ᠨᠡᠩᠴᠦ: 《ᠡᠪ ᠬᠠᠮᠲᠤᠶᠢᠨ ᠨᠡᠢᠭᠡᠮᠳᠦ ᠬᠤᠪᠢᠨᠤ ᠬᠣᠭᠰᠢᠯ ᠬᠡᠷᠡᠭᠦᠭᠡᠢᠴᠦ ᠬᠤᠪᠢᠨᠤ ᠪᠦᠰᠡᠭᠦᠢ ᠬᠡᠷᠡᠭᠲᠡᠢ ᠪᠠᠢᠯᠭᠦᠢ? ᠡᠳᠦᠷ ᠰᠥᠨᠢ ᠰᠣᠩᠭᠤᠵᠤ ᠪᠠᠢᠭᠠᠳ ᠥᠨᠥ ᠵᠢᠯᠳᠡᠭᠡᠨ ᠪᠠᠲᠤᠯᠠᠪᠤᠷᠢᠪᠠᠨ ᠠᠪᠬᠤᠤᠤ ᠳ᠋ᠠ ?》 ᠭᠡᠰᠡᠨ ᠵᠠᠭᠷᠠᠢᠮᠠᠶᠢᠨ ᠬᠢᠨᠢ ᠬᠠᠯᠠᠭᠤᠨ ᠰᠢᠪᠡᠨᠡᠭᠡ ᠬᠠᠮᠠᠷ ᠯᠣᠳᠤᠨᠳᠤ ᠪᠠᠯ ᠡᠮᠬᠦᠭᠦᠯᠵᠡᠢ᠃
ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠲᠠᠢᠪᠠᠨ ᠡᠳᠦᠷ ᠡᠳᠦᠷ ᠰᠢᠪᠡᠨᠡᠵᠦ ᠶᠠᠷᠢᠯᠳᠤᠬᠤ ᠲᠣᠬᠢᠶᠠᠯᠲᠠᠢ ᠪᠣᠯᠤᠭᠰᠠᠨᠨᠢ ᠬᠠᠮᠠᠷ ᠯᠣᠳᠤᠨᠳᠤ ᠮᠥᠨᠴᠦ ᠵᠢᠷᠭᠠᠯᠲᠠᠢ ᠰᠠᠨᠠᠭᠳᠠᠭᠰᠠᠨ ᠪᠣᠯᠪᠠᠴᠤ ᠯᠤᠤ ᠬᠡᠲᠡᠢ ᠠᠪᠳᠠᠷᠠᠨᠢ ᠣᠯᠠᠨᠤ ᠬᠥᠯᠳᠦ ᠲᠠᠯᠬᠢᠭᠳᠠᠬᠤᠶᠢ ᠦᠵᠡᠭᠡᠳ ᠵᠢᠷᠦᠬᠡᠨᠢ ᠵᠢᠮ ᠵᠢᠮ ᠪᠠᠵᠠᠯᠬᠢᠯᠠᠨᠠ᠃
ᠵᠤᠤᠬᠠᠨᠳᠤ ᠨᠠᠭᠠᠯᠳᠤᠭᠰᠠᠨ ᠬᠠᠪᠲᠠᠰᠤᠨᠢ ᠰᠢᠲᠠᠵᠤᠴᠤ ᠮᠡᠳᠡᠨᠡ ᠭᠡᠳ ᠬᠠᠮᠠᠷ ᠯᠣᠳᠤᠨ ᠮᠠᠨᠴᠤᠷᠭᠠᠨ ᠬᠠᠮᠠᠷᠢᠶᠠᠨ ᠴᠡᠨᠳᠡᠢᠯᠭᠡᠬᠦᠳᠦ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠨᠢ ᠲᠡᠭᠦᠨᠢ ᠶᠣᠪᠤᠷᠴᠤ ᠠᠪᠤᠭᠠᠳ: 《ᠢᠩᠭᠢ᠂ ᠴᠢᠩᠭᠢ》 ᠭᠡᠪᠡ᠃ ᠬᠠᠮᠠᠷ ᠯᠣᠳᠤᠨ ᠬᠣᠭᠤᠯᠠ ᠬᠠᠮᠢᠶᠠᠷᠤᠭᠴᠢᠳᠤ:
《ᠭᠤᠯᠢᠷᠤᠨ ᠠᠪᠳᠠᠷᠠᠪᠠᠨ ᠵᠤᠤᠬᠠ ᠲᠣᠭᠤᠭᠠᠨᠠᠴᠠ ᠵᠢᠭᠠᠬᠠᠨ ᠵᠠᠢᠳᠠᠭᠤᠯᠤᠨᠠᠤᠤ? ᠬᠠᠯᠠᠭᠤᠨ ᠢᠯᠴᠢᠨᠳᠦ ᠴᠢᠭᠢᠭᠲᠡᠢ ᠭᠤᠯᠢᠷ ᠭᠠᠰᠢᠯᠵᠤ ᠮᠡᠳᠡᠨᠡ ᠰᠢᠦ!》 ᠭᠡᠵᠦ ᠵᠥᠪᠯᠡᠯᠭᠡ ᠲᠠᠯᠪᠢᠭᠰᠠᠨᠳᠤ ᠠᠪᠳᠠᠷᠠᠶᠢᠨᠢ ᠨᠡᠭᠡᠷᠡᠨ ᠵᠤᠤᠬᠠᠨᠠᠴᠠ ᠵᠠᠢᠳᠠᠭᠤᠯᠪᠠ᠃
ᠬᠡᠳᠦᠢ ᠲᠡᠢᠮᠦ ᠪᠣᠯᠪᠠᠴᠤ ᠴᠢᠭᠢᠭᠲᠡᠢ ᠬᠡᠷᠡᠮᠳᠦ ᠨᠠᠭᠠᠯᠳᠤᠭᠰᠠᠨ ᠠᠪᠳᠠᠷᠠᠶᠢᠨ ᠬᠢᠨᠢ ᠠᠷᠤ ᠬᠠᠪᠲᠠᠰᠤᠨᠢ ᠬᠡᠳᠦᠬᠡᠨ ᠬᠣᠨᠤᠭᠲᠤ ᠭᠠᠵᠢᠵᠤ ᠮᠤᠰᠢᠢᠭᠠᠳ᠂ ᠳᠣᠷᠰᠤᠢᠲᠠᠯᠠ ᠠᠩᠭᠠᠢᠵᠠᠢ᠃
《ᠡᠪ ᠬᠠᠮᠲᠤ ᠶᠣᠰᠤᠨᠳᠤ ᠬᠠᠯᠠᠭᠤᠨᠲᠠᠢ ᠯᠣᠳᠤᠨ》 ᠭᠡᠳ ᠡᠭᠦᠷ ᠠᠷᠪᠠᠨᠠᠴᠠ ᠣᠯᠠᠨ ᠤᠳᠠᠭᠠ ᠮᠠᠭᠲᠠᠵᠤ ᠰᠠᠢᠰᠢᠶᠠᠪᠠ᠃ ᠭᠡᠪᠡᠴᠦ ᠰᠥᠨᠢᠶᠢᠨ ᠭᠦᠨ ᠪᠣᠯᠵᠤ ᠬᠥᠮᠦᠨ ᠠᠮᠢᠲᠠᠨᠤ ᠬᠥᠯ ᠬᠤᠷᠢᠶᠠᠭᠳᠠᠬᠤ ᠴᠠᠭᠲᠤ ᠬᠠᠮᠠᠷ ᠯᠣᠳᠤᠨ ᠰᠢᠩᠭᠡᠨ ᠪᠤᠳᠠᠭᠠᠨᠤ ᠰᠢᠩᠭᠡᠭᠰᠡᠨ ᠬᠣᠢᠨᠠᠬᠢ ᠵᠣᠪᠠᠭᠤᠷᠢᠶᠢ ᠡᠳ᠋ᠯᠡᠨ ᠨᠣᠢᠷ ᠬᠣᠯᠬᠢᠨ ᠬᠡᠪᠲᠡᠬᠦᠳᠡᠭᠡᠨ:
《ᠡᠪ ᠬᠠᠮᠲᠤᠶᠢᠨ ᠨᠡᠢᠭᠡᠮ ᠮᠠᠷᠭᠠᠰᠢ ᠢᠷᠡᠴᠢᠬᠡᠨᠡ᠃ ᠲᠡᠢᠮᠦ ᠰᠠᠢᠬᠠᠨ ᠨᠡᠢᠭᠡᠮᠶᠦᠮᠴᠢᠨᠢ ᠮᠠᠭᠤ ᠠᠪᠳᠠᠷᠠᠪᠠᠷ ᠶᠠᠭᠤ ᠬᠢᠬᠦ ᠪᠤᠢ? ᠯᠠᠪ ᠬᠡᠷᠡᠭᠦᠭᠡᠢ ᠶᠠᠭᠤᠮᠠᠨᠳᠤ ᠭᠠᠷᠭᠠᠵᠤ ᠬᠠᠶᠠᠬᠤ ᠪᠠᠢᠬᠤ ᠳ᠋ᠠ᠃ ᠡᠪ ᠬᠠᠮᠲᠤ ᠨᠡᠢᠭᠡᠮᠦᠨ ᠡᠭᠦᠳᠡᠨ ᠭᠠᠳᠠᠨᠠ ᠬᠣᠴᠤᠷᠬᠤᠪᠠᠷᠢᠶᠠᠨ ᠨᠠᠮᠵᠢᠯ ᠵᠠᠯᠠᠨ ᠬᠠᠷᠢᠨ ᠠᠪᠴᠢᠬᠠᠵᠤ ᠮᠡᠳᠡᠨᠡ ᠰᠢᠤ᠂ ᠲᠡᠭᠦᠨᠡᠴᠡᠯᠡ ᠵᠠᠪᠳᠤᠶᠠ! ᠁》 ᠭᠡᠵᠦ ᠣᠯᠢᠤ ᠰᠣᠯᠢᠤ ᠪᠣᠳᠤᠯᠳᠤ ᠮᠤᠩᠬᠠᠷᠠᠳᠠᠭᠢᠨᠢ ᠬᠡᠨᠴᠦ ᠮᠡᠳᠡᠭᠰᠡᠨᠦᠭᠡᠢ᠃
ᠡᠢᠮᠦ ᠰᠠᠯᠬᠢ ᠡᠷᠭᠢᠭᠡᠳ ᠬᠣᠶᠠᠷ ᠵᠢᠯ ᠰᠠᠯᠬᠢᠯᠠᠭᠰᠠᠨᠴᠤ ᠶᠠᠭᠠᠮᠠᠢ ᠳ᠋ᠠ !
ᠭᠣᠣᠯ ᠬᠠᠷᠠᠯᠠᠵᠤ ᠨᠣᠢᠷ ᠠᠯᠳᠠᠭᠰᠠᠨ ᠲᠡᠢᠮᠦ ᠨᠢᠭᠡ ᠰᠥᠨᠢ᠂ ᠬᠠᠮᠠᠷ ᠯᠣᠳᠤᠨ ᠤᠷᠪᠠᠨ ᠬᠦᠷᠪᠡᠨ ᠲᠡᠰᠬᠦ ᠠᠯᠳᠠᠷᠠᠬᠤᠳᠠᠭᠠᠨ ᠵᠢᠭᠠᠬᠠᠨ ᠢᠳᠡᠬᠦ ᠶᠠᠭᠤᠮᠠ ᠡᠷᠭᠢᠴᠡᠭᠦᠯᠬᠦ ᠰᠠᠨᠠᠭᠠᠲᠠᠢ ᠴᠢᠪᠠᠭᠠᠨᠴᠠᠶᠢᠨ ᠬᠢᠶᠢ ᠰᠡᠮᠬᠡᠨ ᠴᠢᠭᠯᠡᠪᠡ᠃ ᠳᠡᠮᠡᠢ ᠶᠠᠪᠤᠭᠰᠠᠨᠦᠭᠡᠢ ᠬᠥᠯᠨᠢ ᠥᠪᠡᠷᠦᠨ ᠡᠷᠬᠡᠦᠭᠡᠢ ᠬᠣᠭᠤᠯᠠᠨ ᠭᠡᠷ ᠤᠷᠤᠭᠤ ᠡᠷᠭᠢᠵᠦ ᠴᠣᠩᠬᠤᠪᠠᠷ ᠡᠷᠬᠡᠦᠭᠡᠢ ᠱᠠᠭᠠᠢᠵᠠᠢ᠃ ᠱᠠᠭᠠᠢᠬᠤ ᠲᠤᠲᠤᠮ ᠰᠠᠯᠬᠤ ᠳᠤᠷᠠᠦᠭᠡᠢ ᠪᠣᠯᠵᠤ᠂ ᠥᠩᠭᠡ ᠵᠢᠰᠦᠪᠡᠨ ᠠᠯᠳᠠᠭᠰᠠᠨ ᠠᠪᠳᠠᠷᠠᠨᠢ ᠭᠣᠮᠤᠳᠠᠯᠲᠠᠢ ᠴᠢᠷᠠᠢᠪᠠᠷ ᠲᠡᠭᠦᠨᠢ ᠭᠢᠯᠤᠢᠵᠤ ᠪᠠᠢᠭᠠᠰᠢᠭ᠋ ᠰᠠᠨᠠᠭᠳᠠᠭᠠᠳ᠂ ᠵᠢᠷᠦᠬᠡ ᠭᠣᠣᠯᠨᠢ ᠰᠠᠪᠠᠯᠠᠵᠤ ᠳᠡᠯᠡᠰᠬᠦᠳᠡᠭᠡᠨ ᠲᠡᠰᠴᠦ ᠴᠢᠳᠠᠭᠰᠠᠨᠦᠭᠡᠢ ᠬᠠᠮᠠᠷᠨᠢ ᠪᠤᠷᠬᠢᠷᠠᠨ ᠳᠣᠭᠤᠯᠠᠩ ᠨᠢᠯᠪᠤᠰᠤ ᠤᠨᠠᠭᠠᠪᠠ᠃ ᠡᠰᠡᠨ ᠪᠣᠰᠤᠨᠢ ᠪᠣᠳᠤᠵᠤ ᠡᠰᠢ ᠲᠡᠰᠢ ᠠᠵᠢᠭᠠᠳ᠂ ᠰᠢᠯᠦᠭᠡᠢ ᠴᠣᠩᠬᠤᠪᠠᠷ ᠪᠠᠭᠲᠠᠵᠤ ᠶᠠᠳᠠᠨ ᠰᠢᠷᠭᠤᠪᠠ᠃
ᠭᠠᠷᠲᠤ ᠲᠠᠭᠠᠷᠠᠵᠤ᠂ ᠨᠢᠳᠦᠨᠳᠦ ᠥᠷᠳᠦᠭᠰᠡᠨᠡᠴᠡ ᠭᠡᠵᠦ ᠰᠢᠨᠠᠭᠠ ᠱᠦᠭᠦᠷ ᠡᠯᠭᠦᠳᠡᠭ ᠬᠠᠳᠠᠭᠠᠰᠤᠠᠴᠠ ᠰᠤᠭᠤᠯᠤᠨ ᠠᠪᠴᠤ᠂ ᠪᠣᠣᠳᠤᠤᠶᠢᠨ ᠮᠥᠷᠦᠪᠡᠷ ᠠᠯᠤᠬᠠ ᠪᠣᠯᠭᠠᠵᠤ᠂ ᠠᠪᠳᠠᠷᠠᠶᠢᠨᠢᠶᠠᠨ ᠭᠠᠵᠢᠭᠰᠠᠨ ᠬᠠᠪᠲᠠᠰᠤᠶᠢ ᠬᠠᠳᠠᠵᠤ ᠬᠠᠳᠠᠭᠠᠳ ᠠᠶᠠᠭᠠᠨ ᠵᠦᠯᠭᠦᠭᠦᠷ ᠬᠢᠭᠰᠡᠨ ᠠᠮᠠ ᠳᠠᠪᠤᠤᠶᠢᠨᠢ ᠰᠢᠭᠦᠷᠡᠨ ᠠᠪᠴᠤ᠂ ᠨᠢᠭᠤᠷᠢᠨᠢ ᠵᠦᠯᠭᠦᠵᠦ ᠭᠠᠷᠴᠠᠢ᠃ ᠤᠲᠤᠭᠠᠨᠳᠤ ᠬᠠᠬᠠᠭᠰᠠᠨ ᠠᠯᠲᠠᠨ ᠯᠤᠤᠨᠢ ᠨᠢᠳᠦᠪᠡᠨ ᠪᠦᠯᠲᠡᠯᠵᠡᠭᠦᠯᠦᠨ᠂ ᠲᠣᠭᠤᠰᠤᠨᠳᠤ ᠳᠠᠷᠤᠭᠳᠠᠭᠰᠠᠨ ᠠᠯᠤᠬᠠᠨ ᠬᠡᠨᠢ ᠤᠯᠠᠭᠠᠨ ᠴᠠᠭᠠᠨᠢᠶᠠᠨ ᠭᠢᠯᠪᠠᠭᠤᠯᠵᠤ ᠡᠬᠢᠯᠡᠬᠦᠳᠦ ᠬᠠᠮᠠᠷ ᠯᠣᠳᠤᠨ ᠮᠠᠭᠠᠰᠠᠢᠵᠤ ᠪᠠᠶᠠᠰᠤᠭᠠᠳ ᠦᠷ ᠮᠠᠩᠬᠠᠢᠬᠤᠶᠢᠴᠤ ᠤᠪᠠᠢᠯᠠᠭᠰᠠᠨᠦᠭᠡᠢ᠃
ᠭᠡᠨᠡᠳᠲᠡ ᠦᠰᠦᠲᠡᠢ ᠬᠠᠷᠠ ᠭᠠᠷ ᠲᠡᠭᠦᠨᠢ ᠵᠠᠭᠠᠮᠠᠳᠠᠵᠤ ᠠᠪᠤᠭᠠᠳ ᠳᠠᠢᠪᠢᠯᠵᠠᠲᠠᠯᠠ ᠳᠤᠭᠲᠤᠷᠪᠠ᠃
ᠵᠣᠭ ᠲᠣᠰᠤᠭᠠᠳ ᠲᠣᠯᠤᠭᠠᠢ ᠡᠷᠭᠦᠪᠡᠯ ᠬᠣᠭᠤᠯᠠ ᠬᠠᠮᠢᠶᠠᠷᠤᠭᠴᠢ ᠬᠡᠳᠦᠨ ᠲᠣᠭᠤᠭᠠᠴᠢᠲᠠᠢᠪᠠᠨ ᠲᠡᠭᠦᠨᠢ ᠪᠦᠰᠡᠯᠡᠵᠦ ᠠᠪᠤᠭᠠᠳ ᠪᠠᠷᠢᠵᠤ ᠢᠳᠡᠮᠡᠷ ᠠᠭᠠᠰᠢᠯᠠᠨᠠ᠃ ᠲᠡᠳᠡ ᠭᠠᠷ ᠭᠠᠷᠲᠠᠭᠠᠨ ᠭᠠᠯᠤᠨ ᠰᠢᠯᠡᠭᠡᠪᠦᠷ ᠬᠠᠢᠴᠢ ᠬᠤᠰᠤᠭᠤᠷ ᠪᠠᠷᠢᠭᠰᠠᠨᠠᠴᠠ ᠦᠵᠡᠬᠦᠳᠦ ᠬᠡᠷᠡᠭ ᠶᠡᠷᠦᠨᠢ ᠮᠠᠭᠤᠬᠠᠢ ᠪᠣᠯᠬᠤ ᠪᠣᠯᠤᠯᠲᠠᠢ!
《ᠬᠠᠮᠠᠷ ᠴᠢ ᠲᠣᠮᠤᠭᠠᠲᠠᠢ ᠬᠥᠮᠦᠨ ᠪᠠᠢᠭᠠᠳ ᠡᠢᠮᠦ ᠨᠢᠭᠤᠷᠦᠭᠡᠢ ᠬᠡᠷᠡᠭ ᠦᠢᠯᠡᠳᠦᠨᠡ ᠭᠡᠳᠡᠭᠴᠢᠨᠢ! ᠥᠯᠦᠰᠦᠭᠰᠡᠨ ᠪᠣᠯ ᠪᠢᠳᠡᠨᠳᠦ ᠬᠡᠯᠡᠨᠡ ᠪᠢᠵᠡ!》 ᠭᠡᠵᠦ ᠬᠣᠭᠤᠯᠠ ᠬᠠᠮᠢᠶᠠᠷᠤᠭᠴᠢ ᠨᠢᠳᠦ ᠦᠵᠦᠭᠦᠷᠯᠡᠬᠦᠳᠦ ᠬᠠᠮᠠᠷ ᠯᠣᠳᠤᠨ ᠪᠡᠷᠬᠡ ᠰᠠᠨᠳᠤᠷᠤᠭᠠᠳ:
《ᠦᠭᠡᠢ᠂ᠦᠭᠡᠢ᠂ ᠮᠢᠨᠦ ᠴᠠᠳᠭᠤᠯᠠᠩᠢ ᠲᠡ᠊ ᠁ ᠲᠡᠭᠷᠢ ᠪᠠᠲᠤᠯᠠᠨᠠ》 ᠭᠡᠵᠦ ᠪᠤᠯᠢᠬᠠᠢᠯᠠᠪᠠ᠃
《ᠳᠠᠯᠳᠠᠯᠠᠪᠠᠴᠤ ᠳᠠᠯᠤᠴᠢᠨᠢ ᠢᠯᠡ! ᠦᠨᠡᠭᠡᠨ ᠬᠠᠷᠠᠩᠭᠤᠢᠪᠠᠷ ᠬᠣᠭᠤᠯᠠᠨ ᠭᠡᠷᠲᠦ ᠬᠤᠯᠠᠭᠤᠨ ᠣᠷᠤᠭᠠᠳ ᠶᠠᠭᠤ ᠬᠢᠬᠦ ᠭᠡᠰᠡᠨᠶᠦᠮ? ᠪᠢᠳᠡ ᠬᠠᠷᠢᠨ ᠬᠢᠯᠠᠷ ᠳᠠᠮᠪᠢ ᠪᠢᠰᠢ ᠰᠢᠦ! ᠬᠠ ᠬᠠ᠂ ᠬᠠ᠂ ᠬᠠ ᠁》
《ᠴᠢ ᠠᠪᠳᠠᠷᠠᠠᠴᠠ ᠭᠤᠯᠢᠷ ᠲᠠᠭᠠᠷᠴᠤᠭᠯᠠᠬᠤ ᠭᠡᠰᠡᠨᠴᠢᠨᠢ ᠦᠨᠡᠨ ᠪᠢᠵᠡ?》 《᠁》
ᠬᠠᠮᠠᠷ ᠯᠣᠳᠤᠨ ᠬᠠᠬᠠᠴᠢᠬᠠᠪᠠ᠃ ᠠᠪᠳᠠᠷᠠᠪᠠᠨ ᠵᠦᠯᠭᠦᠯᠡ ᠭᠡᠪᠡᠯ ᠡᠪ ᠬᠠᠮᠲᠤᠴᠢᠯᠠᠬᠤᠶᠢ ᠡᠰᠡᠷᠭᠦᠴᠡᠭᠰᠡᠨᠳᠦ ᠣᠷᠤᠨᠠ ᠰᠢᠤ᠃ ᠨᠠᠮᠵᠢᠯ ᠵᠠᠯᠠᠨ ᠬᠣᠭᠤᠯᠠᠨ ᠭᠡᠷᠦᠨ ᠭᠠᠩᠲᠠᠢ ᠤᠰᠤᠨᠠᠴᠠ ᠠᠮᠠᠨ ᠴᠠᠩᠭᠠᠭᠠᠪᠠᠨ ᠭᠠᠷᠭᠠᠭᠠᠳ ᠤᠰᠤᠨᠳᠤ ᠬᠣᠣᠷ ᠬᠢᠵᠦ᠂ ᠡᠪ ᠬᠠᠮᠲᠤᠴᠢᠯᠠᠬᠤᠶᠢ ᠡᠰᠡᠷᠭᠦᠴᠡᠬᠦ ᠭᠡᠯᠡ ᠭᠡᠵᠦ ᠬᠡᠯᠡ ᠠᠮᠠ ᠪᠣᠯᠤᠭᠠᠳ ᠬᠣᠶᠠᠷᠬᠠᠨ ᠬᠣᠨᠤᠵᠤ ᠪᠠᠢᠨᠠ᠃ ᠬᠤᠯᠠᠭᠠᠢ ᠨᠡᠷᠡᠶᠢ ᠡᠭᠦᠷᠦᠭᠰᠡᠨᠴᠦ ᠡᠪ ᠬᠠᠮᠲᠤᠴᠢᠯᠠᠬᠤᠶᠢ ᠡᠰᠡᠷᠭᠦᠴᠡᠭᠰᠡᠨ ᠶᠠᠯᠠᠳᠤ ᠪᠤᠤ ᠣᠷᠤᠶᠠ! 《ᠪᠢ ᠥᠯᠦᠰᠦᠭᠡᠳ ᠲᠡᠰᠬᠦᠦᠭᠡᠢᠳᠡᠭᠡᠨ ᠁》 ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠳᠣᠭᠤᠤᠷ ᠬᠠᠷᠠᠨ ᠳᠣᠷᠤᠢ ᠳᠤᠤᠭᠠᠷᠪᠠ᠃ ᠬᠣᠷᠤᠮᠬᠠᠨ ᠵᠠᠭᠤᠷᠠ ᠲᠠᠯᠠ ᠲᠤᠯᠠ ᠬᠠᠷᠠ ᠭᠤᠯᠢᠷᠤᠨ ᠮᠠᠨᠲᠠᠤ᠂ ᠬᠣᠶᠠᠷ ᠭᠤᠷᠪᠠᠨ ᠲᠦᠭᠦᠬᠡᠢ ᠲᠥᠮᠦᠰᠦ ᠁ ᠭᠠᠷᠲᠤ ᠠᠳᠭᠤᠭᠠ ᠠᠶᠠᠭᠠᠨ ᠵᠦᠯᠭᠦᠭᠦᠷᠲᠦᠨᠢ ᠪᠥᠮᠪᠦᠯᠵᠡᠨ ᠣᠷᠤᠭᠠᠳ ᠬᠡᠳᠦᠨ ᠦᠰᠦᠭᠲᠡᠢ ᠭᠤᠷᠪᠠᠯᠵᠢᠨ ᠴᠠᠭᠠᠨ ᠳᠤᠭ ᠵᠠᠭᠠᠮᠠᠨᠳᠤᠨᠢ ᠬᠠᠳᠭᠤᠭᠳᠠᠪᠠ᠃
ᠬᠣᠭᠤᠯᠠ ᠬᠠᠮᠢᠶᠠᠷᠤᠭᠴᠢᠶᠢᠨ ᠵᠣᠪᠠᠯᠠᠩ ᠪᠤᠢ᠃ ᠣᠢᠷᠠᠠᠴᠠ ᠶᠡᠷᠦᠨᠢ ᠬᠣᠭᠤᠯᠠᠨ ᠭᠡᠷᠦᠨ ᠬᠠᠮᠤᠵᠤ ᠴᠤᠭᠯᠠᠭᠤᠯᠤᠭᠰᠠᠨ ᠵᠢᠭᠠᠬᠠᠨ ᠬᠦᠨᠡᠰᠦᠨᠢ ᠢᠷᠤᠭᠠᠷ ᠭᠠᠷᠬᠤ ᠲᠡᠰᠢ ᠬᠠᠨᠳᠤᠭᠠᠳ ᠳᠠᠭᠠᠭᠠᠮᠠᠯ ᠰᠠᠭᠤᠭᠰᠠᠨ ᠲᠡᠭᠦᠨᠢ ᠬᠡᠴᠡᠭᠦᠦ ᠰᠠᠨᠳᠤᠷᠭᠠᠵᠠᠢ᠃ ᠳᠡᠭᠡᠭᠰᠢᠪᠡᠨ ᠮᠡᠳᠡᠭᠦᠯᠪᠡᠯ: ᠡᠪ ᠬᠠᠮᠲᠤᠶᠢᠨ ᠦᠢᠯᠡᠰᠲᠦ ᠡᠷᠴᠢ ᠨᠡᠮᠡᠬᠦᠡᠴᠡ ᠪᠢᠰᠢ ᠰᠤᠯᠠᠷᠠᠭᠤᠯᠵᠤ ᠶᠠᠭᠠᠬᠢᠭᠰᠠᠨᠴᠤ ᠪᠣᠯᠬᠤᠦᠭᠡᠢ᠂ ᠡᠪ ᠬᠠᠮᠲᠤ ᠶᠣᠰᠤᠨᠳᠤ ᠢᠲᠡᠭᠡᠯ ᠠᠯᠳᠠᠬᠤ ᠪᠣᠯ ᠠᠶᠤᠯᠲᠠᠢ! ᠭᠡᠰᠡᠨ ᠵᠢᠮᠡ ᠬᠦᠯᠢᠶᠡᠨᠡ᠃ ᠲᠡᠢᠨᠬᠦ ᠠᠷᠭᠠᠦᠭᠡᠢᠳᠠᠭᠠᠨ ᠵᠢᠩᠦᠨ ᠣᠳᠤᠶᠢ ᠢᠳᠡᠭ ᠢᠳᠡᠭᠢᠶᠡᠷ ᠳᠠᠷᠤᠵᠤ᠂ ᠥᠳᠭᠡᠨᠢ ᠰᠢᠩᠭᠡᠨ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠤᠭᠰᠠᠭᠠᠷ ᠴᠠᠳᠬᠤᠶᠢ ᠪᠠᠢᠲᠤᠭᠠᠢ᠂ ᠥᠯ ᠳᠠᠷᠤᠵᠤᠴᠤ ᠳᠡᠢᠯᠬᠦᠦᠭᠡᠢ ᠬᠡᠮᠵᠢᠶᠡᠨᠳᠦ ᠬᠦᠷᠭᠡᠪᠡ᠃ ᠣᠯᠠᠨᠤ ᠳᠤᠮᠳᠠ ᠱᠤᠤᠭᠢᠶᠠᠨ ᠪᠣᠯᠵᠤ ᠪᠠᠢᠨᠠ᠃ ᠬᠠᠮᠠᠷ ᠯᠣᠳᠤᠨᠢᠶᠠᠷ ᠬᠠᠷᠠᠭᠠ ᠪᠣᠯᠭᠠᠵᠤ ᠪᠠᠢᠭᠠᠳ ᠪᠥᠭᠡᠮ ᠶᠠᠷᠢᠶᠠᠶᠢ ᠳᠠᠷᠤᠬᠤᠨᠢᠴᠤ ᠪᠠᠰᠠ ᠨᠢᠭᠡ ᠠᠷᠭᠠ ᠡ!
ᠬᠠᠮᠠᠷ ᠯᠣᠳᠤᠨ ᠴᠡᠴᠡᠷᠡᠵᠦ ᠪᠥᠬᠦᠢᠭᠰᠡᠭᠡᠷ ᠭᠠᠳᠠᠭᠠ ᠡᠭᠦᠳᠡᠨᠦ ᠲᠤᠰᠢᠶᠠ ᠭᠣᠩᠰᠤᠢᠵᠤ ᠵᠣᠭᠰᠤᠲᠠᠯᠠ ᠴᠠᠪᠤᠨ ᠳᠤᠩ ᠳᠦᠩᠭᠢᠨᠡᠵᠦ ᠡᠬᠢᠯᠡᠯᠡ᠃ ᠢᠯᠠᠢᠮᠢᠨᠢ! ᠭᠤᠷᠪᠠᠨ ᠬᠣᠲᠠ ᠳᠥᠷᠪᠡᠨ ᠤᠰᠤᠨᠤ ᠠᠬᠠᠰ ᠵᠠᠬᠠᠰᠲᠠᠢ ᠪᠢ ᠶᠠᠮᠠᠷ ᠨᠢᠭᠤᠷᠢᠶᠠᠷ ᠵᠣᠯᠭᠠᠨᠠ? ᠭᠡᠵᠦ ᠪᠣᠳᠤᠮᠠᠭᠴᠠ ᠬᠠᠮᠠᠷ ᠯᠣᠳᠤᠨᠤ ᠬᠠᠮᠤᠭ ᠪᠡᠶᠡᠡᠴᠡ ᠬᠦᠢᠲᠡᠨ ᠬᠥᠯᠦᠰᠦ ᠴᠢᠬᠠᠷᠠᠵᠤ᠂ ᠪᠣᠯᠳᠠᠭᠰᠠᠨ ᠪᠣᠯ ᠰᠢᠷᠭᠤᠯᠵᠢᠶᠢᠨ ᠨᠦᠬᠡᠪᠡᠷᠴᠦ ᠰᠢᠷᠭᠤᠴᠢᠬᠠᠮᠠᠷ ᠰᠠᠨᠠᠭᠳᠠᠨᠠ᠃
ᠪᠥᠭᠡᠮ ᠬᠥᠮᠦᠨ ᠬᠠᠮᠠᠷ ᠯᠣᠳᠤᠨᠢ ᠬᠦᠷᠢᠶᠡᠯᠡᠨ ᠱᠣᠬᠤᠭᠤᠷᠠᠬᠤᠳᠤ ᠨᠢᠭᠤᠷ ᠴᠢᠬᠢᠨᠢ ᠨᠢᠯ ᠨᠢᠯ ᠬᠢᠨ ᠬᠠᠯᠠᠭᠤ ᠣᠷᠭᠢᠨᠠ᠃
《ᠬᠦᠢ᠂ ᠬᠠᠮᠠᠷᠴᠢᠨᠢ ᠰᠤᠷᠮᠠᠭᠠᠢ ᠬᠤᠯᠠᠭᠠᠢᠴᠢ ᠪᠠᠢᠭᠰᠠᠨᠶᠤᠮ ᠪᠠᠢᠵᠤ ᠰᠢᠤ ᠳ᠋ᠠ 》 ᠭᠡᠵᠦ ᠬᠡᠨ ᠨᠢᠭᠡᠨᠢ ᠬᠠᠯᠪᠠᠯᠵᠠᠨ ᠳᠡᠷᠪᠡᠯᠵᠡᠬᠦ ᠴᠠᠭᠠᠨ ᠲᠤᠭᠢ ᠵᠢᠭᠠᠨᠠ᠃
《ᠳᠠᠩᠴᠢ ᠲᠡᠢᠮᠦ ᠪᠠᠢᠬᠤ ᠳ᠋ᠠ᠃ ᠣᠢᠷᠠᠠᠴᠠ ᠪᠢᠳᠡ ᠶᠡᠷᠦᠨᠢ ᠴᠠᠳᠭᠤᠯᠠᠩ ᠶᠠᠪᠤᠭᠠᠦᠭᠡᠢ ᠰᠢᠤ᠃ ᠪᠠᠢᠳᠠᠭ ᠥᠳᠭᠡᠨᠢᠨᠢ ᠬᠠᠮᠠᠷᠮᠢᠨᠢ ᠬᠠᠭᠤᠷᠠᠢᠯᠠᠭᠠᠳ ᠰᠢᠩᠭᠡᠨ ᠱᠤᠩᠭᠤᠨᠨᠢ ᠮᠠᠨᠤ ᠪᠣᠯᠤᠭᠰᠠᠨᠶᠤᠮᠴᠢᠨᠢ!》
《ᠥᠪᠡᠷᠢᠶᠡᠨ ᠬᠦᠷᠦᠭᠰᠡᠨᠢᠶᠡᠷ ᠪᠠᠷᠠᠬᠤᠦᠭᠡᠢ᠂ ᠴᠢᠪᠠᠭᠠᠨᠴᠠᠳᠠᠭᠠᠨ ᠬᠡᠳᠦᠢ ᠵᠥᠭᠡᠭᠡᠭᠰᠡᠨ ᠪᠣᠯ? ᠁》
ᠴᠢᠪᠠᠭᠠᠨᠴᠠ? ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠡᠨᠡ ᠦᠶᠡᠰ ᠪᠤᠤᠯᠠ ᠦᠵᠡᠭᠳᠡᠭᠡᠰᠡᠢ ᠳ᠋ᠠ ! ᠬᠥᠬᠡ ᠴᠠᠢᠳᠠᠭᠠᠨ ᠬᠥᠯᠦᠷᠡᠭᠡᠳ ᠬᠣᠭᠤᠯᠠ ᠢᠳᠡᠬᠦᠪᠡᠨ ᠮᠠᠷᠲᠠᠭᠰᠠᠨᠴᠤ ᠶᠠᠭᠠᠮᠠᠢ᠂ ᠶᠠᠳᠠᠪᠠᠯ ᠤᠷᠢᠳᠤ ᠰᠥᠨᠢ ᠲᠠᠭᠰᠢᠭᠤᠷᠲᠤ ᠳᠠᠭᠠᠷᠢᠭᠳᠠᠭᠠᠳ ᠶᠣᠢᠯᠠᠨ ᠬᠡᠪᠲᠡᠭᠰᠡᠨᠴᠦ ᠶᠠᠭᠠᠮᠠᠢ ᠁ ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠳᠣᠲᠤᠷᠠᠪᠠᠨ ᠵᠠᠯᠪᠠᠷᠢᠨᠠ᠃
ᠭᠡᠪᠡᠴᠦ ᠬᠠᠮᠠᠷ ᠯᠣᠳᠤᠨᠤ ᠮᠠᠭᠤᠶᠢᠨᠢ ᠮᠠᠯᠲᠠᠵᠤ ᠮᠤᠬᠤᠷᠢᠨᠢ ᠲᠥᠭᠡᠯᠡᠬᠦ ᠭᠡᠰᠡᠨᠶᠦᠮᠰᠢᠭ ᠶᠠᠭ ᠡᠨᠡ ᠭᠠᠯ ᠬᠥᠭ ᠳᠡᠭᠡᠷᠡᠨᠢ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠲᠠᠯᠪᠢᠭᠠᠳ ᠢᠷᠡᠵᠡᠢ᠃ ᠵᠠᠭᠷᠠᠢᠮᠠ ᠲᠡᠭᠦᠨᠦ ᠡᠮᠦᠨᠡ ᠤᠳᠠᠲᠠᠯᠠ ᠮᠡᠯᠡᠷᠡᠵᠦ ᠵᠣᠭᠰᠤᠭᠰᠠᠨᠢᠶᠠᠨ ᠭᠡᠨᠡᠳᠲᠡ ᠠᠯᠠᠭᠠᠪᠠᠷᠢᠶᠠᠨ ᠨᠢᠭᠤᠷᠢᠶᠠᠨ ᠳᠠᠷᠤᠭᠠᠳ ᠬᠠᠢᠯᠠᠵᠤ ᠮᠠᠢᠯᠠᠭᠰᠠᠭᠠᠷ ᠪᠤᠴᠠᠵᠤ ᠭᠦᠶᠦᠪᠡ᠃
ᠬᠠᠮᠠᠷ ᠯᠣᠳᠤᠨ ᠨᠢᠭᠤᠷᠢᠶᠠᠨ ᠢᠩᠭᠢᠵᠦ ᠪᠠᠷᠠᠵᠤ ᠭᠦᠢᠴᠡᠭᠡᠳ᠂ ᠬᠠᠭᠠᠰ ᠰᠠᠷᠠ ᠪᠣᠯᠤᠳᠤᠨ ᠵᠤᠤᠬᠠᠨᠳᠤ ᠭᠠᠯ ᠨᠡᠮᠡᠬᠦ ᠲᠣᠷᠭᠠᠭᠤᠯᠢᠳᠤ ᠤᠨᠠᠵᠠᠢ᠃ ᠪᠢᠲᠡᠭᠦᠦ ᠲᠣᠭᠯᠠᠭᠠᠮᠳᠤ ᠤᠴᠠᠷᠠᠭᠰᠠᠨ ᠬᠠᠮᠠᠷ ᠯᠣᠳᠤᠨ ᠵᠣᠪᠠᠯᠠᠩᠢᠶᠠᠨ ᠲᠣᠭᠠᠴᠢᠬᠤ ᠭᠠᠵᠠᠷᠦᠭᠡᠢᠳᠠᠭᠠᠨ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠪᠠᠨ ᠡᠷᠢᠨ ᠣᠴᠢᠪᠠ᠃ ᠠᠢ ᠯᠠᠮᠠ ᠡ! ᠵᠠᠭᠷᠠᠢᠮᠠᠨᠢ ᠴᠠᠢᠴᠤᠦᠭᠡᠢ᠂ ᠴᠢᠷᠠᠢᠴᠤᠦᠭᠡᠢ ᠤᠭᠲᠤᠭᠠᠳ:
《ᠰᠢᠷᠢᠨ ᠨᠢᠭᠤᠷᠢᠶᠠᠷ ᠮᠢᠨᠦ ᠬᠠᠲᠠᠪᠴᠢᠶᠢ ᠠᠯᠬᠤᠪᠠᠤᠤ? ᠰᠢᠭᠢᠷᠡᠪᠡᠨ ᠲᠠᠲᠠᠭᠰᠠᠨᠴᠢᠨᠢ ᠳᠡᠭᠡᠷᠡᠦᠭᠡᠢᠦᠦ?》 ᠭᠡᠳ ᠵᠥᠷᠢᠭᠦᠦ ᠬᠠᠷᠠᠴᠢᠬᠠᠪᠠ᠃
《ᠪᠠᠢᠭ᠂ ᠪᠢ ᠲᠡᠢᠮᠦ ᠪᠢᠰᠢ ᠁》 ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠬᠡᠯᠡᠭᠡᠢᠷᠡᠵᠦ ᠭᠠᠷᠲᠠᠯᠠ:
《ᠪᠠᠢᠭ ᠴᠠᠰᠢ!ᠮᠢᠨᠦ ᠨᠢᠭᠦᠯ ᠪᠠᠷᠠᠬᠤᠦᠭᠡᠢ ᠭᠡᠳ ᠨᠡᠮᠡᠬᠦᠨᠢᠦᠦ? ᠬᠠᠷᠠᠯᠠ ᠭᠡᠮ᠂ ᠥᠨᠦᠳᠦᠷᠡᠴᠡ ᠬᠣᠢᠰᠢ ᠶᠡᠷᠦᠨᠢ ᠬᠤᠪᠢ ᠬᠤᠪᠢᠪᠠᠨᠯᠠ ᠬᠥᠭᠡᠭᠡᠶᠡ!》 ᠭᠡᠳ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠱᠦᠭᠦᠷᠢᠶᠡᠨ ᠪᠠᠷᠢᠵᠤ ᠱᠠᠯᠠᠪᠠᠨ ᠱᠦᠭᠦᠷᠳᠡᠵᠦ ᠡᠬᠢᠯᠡᠪᠡ᠃
ᠶᠢᠷᠲᠢᠨᠴᠦ ᠳᠡᠭᠡᠷᠡ ᠨᠢᠭᠤᠷᠯᠠ ᠬᠡᠷᠡᠭᠲᠡᠢᠶᠦᠮ ᠪᠠᠢᠨᠠ᠂ ᠲᠡᠭᠦᠨᠢ ᠠᠯᠳᠠᠪᠠᠯ ᠶᠣᠰᠤᠲᠠᠢᠴᠤ ᠶᠣᠰᠤᠦᠭᠡᠢ ᠪᠣᠯᠵᠤ᠂ ᠬᠠᠨᠢᠯᠠᠭᠰᠠᠨ ᠡᠮᠡᠴᠦ ᠰᠠᠯᠵᠤ ᠶᠠᠪᠤᠳᠠᠭᠶᠤᠮ ᠪᠠᠢᠨᠠ᠃ ᠬᠠᠮᠠᠷ ᠯᠣᠳᠤᠨ ᠭᠣᠩᠰᠤᠢᠵᠤ ᠬᠠᠷᠢᠬᠤᠳᠠᠭᠠᠨ ᠢᠩᠭᠢᠵᠦ ᠪᠣᠳᠤᠪᠠ᠃
ᠬᠠᠯᠠ ᠲᠠᠮᠤᠪᠠᠨ ᠠᠮᠰᠠᠵᠤ᠂ ᠬᠠᠨᠢᠪᠠᠨ ᠠᠯᠳᠠᠭᠰᠠᠨ ᠬᠠᠮᠠᠷ ᠯᠣᠳᠤᠨᠴᠤ ᠶᠠᠭᠠᠬᠢᠬᠤᠪ᠂ ᠳᠤᠭᠤᠢ ᠨᠣᠮᠤᠢ ᠠᠮᠢᠳᠤᠷᠠᠭᠰᠠᠭᠠᠷᠯᠠ᠃ ᠬᠠᠷᠢᠨ ᠥᠨᠥ ᠰᠦᠷᠡᠬᠡᠢ ᠬᠡᠢ ᠭᠣᠷᠢᠳᠠᠯ᠂ ᠪᠡᠯᠭᠡ ᠳᠡᠮᠪᠡᠷᠢᠯᠦᠨ ᠳᠤᠮᠳᠠ ᠱᠠᠩᠳᠠᠭᠤᠷᠠᠵᠤ ᠪᠠᠢᠭᠰᠠᠨ ᠡᠪ ᠬᠠᠮᠲᠤᠶᠢᠨ ᠰᠠᠯᠬᠢᠨᠢ ᠳᠡᠮᠡᠢ ᠬᠣᠶᠠᠷ ᠰᠠᠷᠠ ᠶᠠᠪᠤᠭᠳᠠᠭᠰᠠᠨᠦᠭᠡᠢ ᠬᠡᠢᠨᠢ ᠭᠠᠷᠤᠭᠰᠠᠨ ᠲᠤᠯᠤᠮ ᠬᠥᠭᠡᠷᠭᠡᠰᠢᠭ ᠠᠶᠠᠨᠳᠠᠭᠠᠨ ᠬᠠᠮᠰᠢᠢᠬᠤᠳᠤ ᠬᠦᠷᠴᠦ᠂ ᠬᠠ ᠶᠠᠦᠭᠡᠢ ᠰᠡᠭᠦᠷᠡᠰᠦ ᠠᠯᠳᠠᠭᠰᠠᠨ ᠬᠥᠭᠡᠷᠦᠬᠦᠢ ᠳᠠᠭᠤᠨᠤ ᠳᠤᠮᠳᠠ ᠨᠤᠷᠠᠩᠬᠠᠢ ᠵᠤᠤᠬᠠᠨᠤ ᠪᠠᠭᠤᠷᠢ᠂ ᠳᠤᠲᠠᠭᠤ ᠬᠠᠢᠯᠤᠭᠰᠠᠨ ᠬᠦᠳᠡᠷᠦᠨ ᠵᠠᠷᠢᠮᠳᠤᠭᠢᠶᠠᠨ ᠳᠤᠷᠠᠰᠭᠠᠯ ᠪᠣᠯᠭᠠᠨ ᠦᠯᠡᠳᠡᠭᠡᠵᠦ ᠠᠷᠢᠯᠪᠠ᠃
ᠬᠣᠭᠤᠯᠠᠨ ᠭᠡᠷ ᠪᠤᠰᠤᠷᠤᠭᠰᠠᠨ ᠴᠢᠮᠡᠭᠡᠪᠡᠷ ᠬᠠᠮᠠᠷ ᠯᠣᠳᠤᠨ 《ᠡᠪ ᠬᠠᠮᠲᠤ ᠶᠣᠰᠤ》ᠢ᠋ᠢ ᠮᠥᠷᠦᠭᠡᠳᠬᠦ ᠵᠠᠪᠦᠭᠡᠢ᠂ ᠰᠢᠭᠤᠳ ᠵᠦᠢᠷᠡᠢ ᠠᠪᠳᠠᠷᠠᠪᠠᠨ ᠲᠡᠭᠡᠭᠡᠭᠡᠳ ᠭᠡᠷ ᠥᠭᠡᠳᠡᠪᠡᠨ ᠭᠣᠳᠤᠢᠵᠠᠢ᠃ ᠬᠣᠰᠢᠭᠤ ᠰᠤᠮᠤᠨᠤ ᠳᠠᠷᠤᠭᠠ ᠲᠡᠭᠦᠨᠡᠴᠡ ᠰᠠᠨᠠᠯ ᠬᠤᠷᠢᠶᠠᠨ ᠲᠥᠯᠦᠪᠦᠷᠢ ᠪᠤᠴᠠᠭᠠᠬᠤᠶᠢ ᠵᠥᠪᠰᠢᠭᠰᠡᠨᠳᠦ ᠬᠠᠮᠠᠷ ᠯᠣᠳᠤᠨ ᠬᠠᠷᠢᠨ:
《ᠰᠠᠨᠠᠯᠦᠭᠡᠢ᠂ ᠰᠠᠨᠠᠯᠦᠭᠡᠢ᠂ ᠡᠢᠮᠦ ᠰᠠᠯᠬᠢ ᠡᠷᠭᠢᠭᠡᠳ ᠬᠣᠶᠠᠷ ᠵᠢᠯ ᠰᠠᠯᠬᠢᠯᠠᠭᠰᠠᠨᠴᠤ ᠶᠠᠭᠠᠮᠠᠢ ᠳ᠋ᠠ !》 ᠭᠡᠳ ᠢᠷᠡᠭᠰᠡᠨ ᠵᠣᠴᠢᠳᠢᠶᠠᠨ ᠢᠨᠢᠶᠡᠬᠦᠶᠢᠨᠴᠦ ᠠᠷᠭᠠᠦᠭᠡᠢ᠂ ᠤᠬᠢᠯᠠᠬᠤᠶᠢᠨ ᠠᠷᠭᠠᠦᠭᠡᠢ ᠪᠣᠯᠭᠠᠵᠠᠢ᠃
ᠠᠪᠳᠠᠷᠠᠪᠠᠨ ᠣᠯᠤᠭᠠᠳ᠂ ᠴᠢᠪᠠᠭᠠᠨᠴᠠᠪᠠᠨ ᠰᠠᠨᠠᠪᠠ᠃ ᠵᠥᠪᠢᠶᠡᠨ ᠣᠯᠵᠤ ᠵᠦᠭᠢᠶᠡᠨ ᠭᠠᠷᠭᠠᠭᠰᠠᠨᠢᠮᠢᠨᠢ ᠵᠠᠭᠷᠠᠢᠮᠠ ᠴᠢᠬᠢᠲᠡᠢᠯᠡ ᠲᠥᠷᠦᠭᠰᠡᠨ ᠪᠣᠯ ᠰᠣᠨᠤᠰᠤᠭᠰᠠᠨ ᠪᠠᠢᠬᠤ᠃ ᠰᠠᠢᠨ ᠯᠣᠳᠤᠨᠢᠶᠠᠨ ᠮᠠᠭᠤ ᠯᠣᠳᠤᠨᠢᠶᠠᠷ ᠬᠠᠷᠠᠳᠠᠵᠤ᠂ ᠬᠠᠮᠠᠷᠢᠶᠠᠨ ᠬᠡᠴᠡᠭᠦᠦ ᠭᠣᠮᠤᠳᠠᠭᠠᠯᠠ ᠭᠡᠳ ᠠᠮᠠ ᠨᠡᠭᠡᠭᠡᠬᠦᠡᠴᠡ ᠰᠢᠷᠭᠢᠵᠦ ᠪᠠᠢᠯᠭᠦᠢ᠂ ᠨᠢᠭᠤᠷᠤᠨ ᠠᠷᠠᠰᠤ ᠵᠤᠵᠠᠭᠠᠨᠢᠶᠠᠷᠢᠶᠠᠨ ᠪᠢ ᠳᠤᠭᠤᠢᠯᠠ ᠣᠴᠢᠶᠠ ! ᠬᠡᠳᠦᠨ ᠰᠠᠢᠬᠠᠨ ᠦᠭᠡ ᠰᠣᠨᠤᠰᠪᠠᠯ ᠬᠠᠭᠤᠴᠢᠨ ᠨᠠᠢᠷ ᠰᠡᠷᠭᠦᠵᠦ ᠪᠣᠯᠬᠤ ᠶᠠᠭᠤ ᠮᠠᠭᠠᠳ! ᠭᠡᠵᠦ ᠪᠣᠳᠤᠭᠠᠳ ᠬᠠᠮᠠᠷ ᠯᠣᠳᠤᠨ ᠬᠣᠷᠭᠤᠶᠢᠨ ᠢᠷᠤᠭᠠᠷᠠᠴᠠᠪᠠᠨ ᠨᠣᠭᠤᠭᠠᠨ ᠳᠤᠷᠳᠤᠩ ᠠᠯᠴᠢᠭᠤᠷ ᠠᠪᠴᠤ ᠡᠪᠦᠷᠯᠡᠭᠡᠳ᠂ ᠰᠢᠷᠠ ᠪᠦᠷᠦᠢᠶᠢ ᠵᠠᠪᠳᠤᠨ ᠣᠪᠤᠭᠠᠨ ᠠᠷᠤᠶᠢ ᠰᠡᠮ ᠴᠢᠭᠯᠡᠪᠡ᠃
ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠲᠡᠭᠦᠨᠢ ᠦᠵᠡᠭᠡᠳ ᠭᠢᠯᠠᠪ ᠴᠢᠯᠡᠪ ᠬᠢᠭᠰᠡᠨᠦᠭᠡᠢ ᠪᠣᠯᠪᠠᠴᠤ ᠠᠶᠠᠪᠠᠷ ᠳᠡᠮᠡᠢᠯᠡ ᠪᠠᠢᠨᠠ᠂ ᠵᠤᠤᠮᠠᠯᠵᠠᠨ ᠢᠨᠢᠶᠡᠭᠰᠡᠭᠡᠷ ᠬᠠᠮᠠᠷ ᠯᠣᠳᠤᠨᠲᠠᠢ ᠪᠢᠰᠢ ᠬᠠᠷᠢᠨ ᠬᠣᠷᠯᠣ ᠡᠪᠦᠭᠡᠨᠦ ᠬᠥᠯᠦᠰᠦᠯᠡᠭᠰᠡᠨ ᠬᠡᠯᠡᠭᠡᠢ ᠬᠣᠨᠢᠴᠢᠨᠲᠠᠢ ᠪᠡᠷᠬᠡ ᠶᠠᠭᠤᠮᠠ ᠪᠣᠯᠤᠨᠠ᠃
《ᠬᠠᠭᠵᠠᠷᠬᠠᠢ ᠭᠤᠲᠤᠯᠢᠴᠢᠨᠢ ᠬᠡᠳᠦᠢᠨ ᠲᠣᠪᠬᠢᠭᠠᠳ ᠲᠠᠯᠪᠢᠭᠰᠠᠨ᠂ ᠠᠪᠠᠴᠢᠬᠤᠪᠠᠷ ᠢᠷᠡᠬᠦᠦᠭᠡᠢᠨᠢ ᠶᠠᠭᠤ ᠪᠤᠢ? ᠪᠢ ᠴᠢᠮᠠᠢ ᠪᠡᠷᠬᠡ ᠬᠠᠷᠠᠯᠠ ᠰᠢᠤ᠃ ᠶᠠᠭᠤᠴᠤ ᠭᠠᠢᠭᠤᠢ᠂ ᠥᠨᠥ ᠬᠡᠳᠦᠨ ᠬᠣᠨᠢᠪᠠᠨᠯᠠ!》 ᠭᠡᠵᠦ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠪᠢᠲᠡᠭᠦᠦ ᠬᠠᠲᠠᠭᠤ ᠦᠭᠡᠪᠡᠷ ᠬᠡᠯᠡᠭᠡᠢ ᠬᠣᠨᠢᠴᠢᠨᠢ ᠪᠠᠶᠠᠷᠯᠠᠭᠤᠯᠵᠤ᠂ ᠥᠷᠦᠮᠡ ᠬᠤᠷᠤᠳᠢᠶᠠᠨ ᠠᠶᠠᠭᠠ ᠳᠦᠭᠦᠷᠡᠩ ᠬᠥᠰᠭᠦᠯᠡᠵᠦ ᠥᠭᠭᠦᠭᠡᠳ᠂ ᠬᠠᠮᠠᠷ ᠯᠣᠳᠤᠨᠳᠤ ᠬᠠᠷᠢᠨ ᠬᠣᠭᠤᠰᠤᠨ ᠴᠠᠢᠪᠠᠷ ᠭᠡᠳᠡᠰᠦᠶᠢᠨᠢ ᠵᠠᠢᠯᠤᠭᠤᠯᠤᠭᠰᠠᠨᠢ ᠶᠠᠭᠠᠬᠢᠨᠠ᠃
ᠤᠷᠢᠳᠤ ᠵᠠᠭᠷᠠᠢᠮᠠᠶᠢᠨ ᠶᠠᠭᠠᠬᠢᠬᠤᠨᠢᠴᠤ ᠰᠠᠢᠬᠠᠨ ᠪᠠᠢᠭᠰᠠᠨᠶᠤᠮ᠃ ᠣᠳᠣ ᠬᠠᠷᠢᠨ ᠢᠨᠢᠶᠡᠬᠦᠨᠢᠴᠦ ᠮᠠᠭᠤᠬᠠᠢ ᠪᠣᠯᠵᠠᠢ᠃ ᠬᠠᠮᠠᠷ ᠯᠣᠳᠤᠨ ᠬᠠᠮᠠᠷᠢᠶᠠᠨ ᠴᠡᠨᠳᠡᠢᠯᠭᠡᠵᠦ᠂ ᠬᠠᠭᠠᠰ ᠠᠶᠠᠭᠠ ᠴᠠᠢᠶᠢ ᠲᠤᠯᠭᠠ ᠤᠷᠤᠭᠤ ᠴᠠᠷᠳᠠᠭᠠᠳ᠂ ᠬᠠᠨᠴᠤᠢ ᠰᠠᠵᠢᠨ ᠭᠠᠷᠴᠤ ᠶᠠᠪᠤᠵᠠᠢ᠃ ᠲᠡᠭᠦᠨᠡᠴᠡ ᠬᠣᠢᠰᠢ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠶᠢ ᠬᠠᠶᠠᠨᠳᠤᠨᠢ ᠬᠠᠶᠠᠵᠤ ᠣᠪᠤᠭᠠᠨ ᠠᠷᠤᠶᠢ ᠬᠠᠪᠢᠳᠠᠭᠰᠠᠨᠦᠭᠡᠢ ᠨᠠᠮᠤᠷᠢ ᠠᠪᠴᠢᠷᠠᠪᠠ᠃
ᠯᠣᠳᠤᠨᠳᠤ ᠯᠣᠳᠤᠨᠤ ᠪᠣᠳᠤᠯ ᠪᠠᠢᠬᠤᠳᠤ ᠴᠢᠪᠠᠭᠠᠨᠴᠠᠳᠤ ᠪᠠᠰᠠ ᠴᠢᠪᠠᠭᠠᠨᠴᠠᠶᠢᠨ ᠠᠭᠠᠰᠢ ᠪᠤᠢ᠃ ᠥᠪᠡᠷᠦᠨ ᠮᠠᠭᠤᠳᠠᠭᠠᠨ ᠨᠢᠭᠤᠷᠢᠶᠠᠨ ᠪᠠᠷᠠᠴᠢᠬᠠᠭᠠᠳ ᠨᠠᠳᠠᠲᠠᠢ ᠤᠴᠢᠷᠦᠭᠡᠢ ᠥᠷᠢᠰᠦᠯᠳᠦᠬᠦ ᠶᠠᠭᠤ ᠪᠠᠢᠬᠤᠪ? ᠬᠦᠷᠦᠭᠡᠳ ᠢᠷᠡᠪᠡᠯ ᠪᠢ ᠴᠠᠰᠢ ᠭᠡᠬᠦᠦᠭᠡᠢ᠂ ᠢᠷᠡᠬᠦᠦᠭᠡᠢ ᠭᠡᠳ ᠪᠢ ᠯᠠᠪ ᠨᠠᠰᠢ ᠭᠡᠬᠦᠦᠭᠡᠢ᠂ ᠴᠢᠮᠠᠲᠠᠢ ᠴᠢᠮᠠᠦᠭᠡᠢ᠂ ᠨᠠᠳᠠ ᠡᠮᠲᠡᠷᠡᠵᠦ ᠬᠣᠬᠢᠷᠠᠬᠤ ᠵᠦᠢᠯ ᠨᠢᠭᠡᠴᠦᠦᠭᠡᠢ! ᠭᠡᠵᠦ ᠵᠠᠭᠷᠠᠢᠮᠠᠴᠤ ᠦᠭᠡᠨᠳᠡᠭᠡᠨ ᠰᠠᠭᠤᠵᠤ᠂ ᠡᠪᠦᠯᠢ ᠥᠩᠭᠡᠷᠡᠭᠡᠵᠡᠢ᠃
ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠬᠡᠯᠡᠭᠡᠢ ᠬᠣᠨᠢᠴᠢᠨᠲᠠᠢ ᠲᠡᠭᠡᠵᠦ ᠰᠦᠷᠡᠬᠡᠢ ᠰᠠᠢᠮᠰᠤᠷᠠᠭᠰᠠᠨᠨᠢ ᠵᠥᠪᠬᠡᠨᠯᠡ ᠬᠤᠪᠢᠨᠤ ᠬᠡᠳᠦᠨ ᠬᠣᠨᠢᠪᠠᠨ ᠠᠯᠳᠠᠵᠤ ᠳᠤᠰᠤᠬᠤᠠᠴᠠ ᠬᠢᠴᠢᠶᠡᠭᠰᠡᠨᠶᠦᠮ ᠭᠡᠳᠡᠭᠢ ᠬᠠᠮᠠᠷ ᠯᠣᠳᠤᠨ ᠬᠡᠵᠢᠶᠡ ᠬᠣᠵᠢᠮᠨᠢ ᠰᠤᠷᠠᠭᠯᠠᠵᠤ ᠮᠡᠳᠡᠭᠡᠳ᠂ ᠲᠠᠪᠲᠤᠷᠦᠭᠡᠢ ᠠᠭᠠᠰᠢᠯᠠᠭᠰᠠᠨᠳᠠᠭᠠᠨ ᠬᠡᠴᠡᠭᠦᠦ ᠭᠡᠮᠰᠢᠵᠡᠢ᠃ ᠬᠡᠳᠦᠨ ᠵᠢᠯᠦᠨ ᠡᠮᠦᠨᠡ ᠪᠣᠯᠤᠭᠰᠠᠨ ᠪᠣᠯ ᠪᠤᠷᠤᠭᠤᠪᠠᠨ ᠬᠦᠯᠢᠶᠡᠭᠡᠳ ᠣᠴᠢᠬᠤᠠᠴᠠ ᠪᠤᠴᠠᠬᠤᠦᠭᠡᠢ ᠪᠠᠢᠭᠰᠠᠨ᠃ ᠭᠡᠲᠡᠯᠡ ᠬᠢᠯᠠᠷ ᠳᠠᠮᠪᠢᠳᠤ ᠪᠡᠶᠡᠪᠡᠨ ᠵᠢᠮᠡᠯᠡᠭᠡᠳ ᠬᠤᠯᠠᠭᠠᠢ ᠨᠡᠷᠡ ᠵᠡᠭᠦᠬᠦ ᠪᠣᠯᠤᠭᠰᠠᠨᠳᠠᠭᠠᠨ ᠵᠢᠷᠦᠬᠡᠨᠳᠦᠨᠢ ᠰᠢᠷᠠ ᠤᠰᠤ ᠴᠤᠭᠯᠠᠭᠠᠳ ᠬᠠᠰᠢᠯᠠ ᠣᠴᠢᠬᠤᠦᠭᠡᠢᠨᠢ ᠳᠡᠭᠡᠷᠡ ᠭᠡᠵᠦ ᠪᠣᠳᠤᠭᠰᠠᠭᠠᠷ ᠵᠤᠨᠢᠶᠠᠨ ᠪᠠᠷᠠᠯᠠᠪᠠ᠃
ᠮᠣᠷᠢᠨ ᠳᠡᠯ ᠳᠡᠭᠡᠭᠦᠷ ᠶᠠᠭᠠᠷᠠᠵᠤ ᠶᠠᠪᠤᠨᠠ᠃ ᠣᠳᠣᠴᠤ ᠨᠢᠭᠡ ᠶᠠᠩᠵᠤ ᠪᠣᠯᠬᠤ ᠭᠡᠵᠦ ᠪᠠᠢᠨᠠ!
ᠨᠢᠭᠡᠳᠦᠯ ᠪᠠᠢᠭᠤᠯᠤᠭᠳᠠᠭᠠᠳ ᠬᠡᠳᠦᠨ ᠵᠢᠯ ᠪᠣᠯᠤᠯᠠ᠃ ᠴᠢᠪᠠᠭᠠᠨᠴᠠᠲᠠᠢ ᠬᠥᠨᠳᠡᠢᠷᠡᠭᠰᠡᠨᠳᠡᠭᠡᠨ ᠬᠠᠮᠠᠷ ᠯᠣᠳᠤᠨ ᠪᠤᠳᠤᠭᠨᠢ ᠬᠣᠪᠬᠤᠷᠠᠬᠠᠢ ᠠᠪᠳᠠᠷᠠᠪᠠᠨ ᠰᠢᠨᠡᠳᠭᠡᠵᠦ ᠵᠠᠰᠠᠬᠤᠶᠢ ᠪᠣᠳᠤᠭᠰᠠᠨᠦᠭᠡᠢ᠂ ᠥᠩᠭᠡ ᠭᠠᠷᠲᠠᠯᠠ ᠵᠦᠯᠭᠦᠬᠦᠪᠡᠨᠴᠦ ᠪᠣᠯᠢᠪᠠ᠃
ᠲᠡᠭᠦᠨᠦ ᠠᠮᠢᠳᠤᠷᠠᠯᠤᠨ ᠡᠷᠢᠯ ᠬᠦᠰᠡᠯᠨᠢ ᠠᠪᠳᠠᠷᠠᠶᠢᠨ ᠨᠢᠭᠤᠷᠲᠠᠢᠪᠠᠨ ᠠᠳᠠᠯᠢᠬᠠᠨ ᠬᠣᠪᠬᠤᠷᠠᠵᠤ ᠡᠮᠲᠡᠷᠡᠭᠰᠡᠨ ᠪᠣᠯᠤᠯᠲᠠᠢ᠃ ᠠᠢ ᠳ᠋ᠠ ! ᠴᠢᠪᠠᠭᠠᠨᠴᠠ ᠬᠥᠮᠦᠨ ᠬᠠᠨᠠᠰᠠ ᠨᠠᠳᠠᠲᠠᠢ ᠨᠢᠭᠡ ᠰᠡᠳᠭᠢᠯ ᠪᠠᠢᠬᠤᠪ? ᠬᠠᠮᠠᠷ ᠯᠣᠳᠤᠨ ᠪᠢ ᠰᠣᠷᠲᠤᠭᠤ ᠯᠠᠷᠵᠢᠶᠠᠲᠠᠢ ᠶᠠᠪᠤᠵᠤ ᠴᠢᠪᠠᠭᠠᠨᠴᠠᠶᠢᠨ ᠠᠲᠠᠭᠠᠶᠢ ᠪᠤᠴᠠᠯᠭᠠᠶᠠ!
ᠲᠡᠭᠦᠨᠡᠴᠡ ᠬᠣᠢᠰᠢ ᠬᠠᠮᠠᠷ ᠯᠣᠳᠤᠨ ᠨᠡᠢᠲᠡᠶᠢᠨᠴᠦ ᠪᠣᠯᠤᠭ ᠬᠤᠪᠢᠨᠤᠴᠤ ᠪᠣᠯᠤᠭ᠂ ᠬᠠᠮᠢᠭᠠ ᠪᠣᠯ ᠲᠡᠨᠳᠡ ᠮᠣᠳᠤᠲᠠᠢ ᠨᠣᠴᠤᠯᠳᠤᠭᠠᠳ ᠮᠠᠬᠠᠷᠠᠳᠠᠭ ᠪᠣᠯᠪᠠᠴᠤ ᠵᠠᠩᠨᠢ ᠶᠠᠪᠤᠬᠤ ᠲᠤᠰᠤᠮ ᠰᠣᠨᠢᠨ ᠪᠣᠯᠵᠠᠢ᠃
ᠬᠠᠩᠰᠢ ᠥᠩᠭᠡᠷᠡᠵᠦ ᠮᠠᠯ ᠴᠠᠳᠤᠭᠠᠳ ᠪᠠᠢᠬᠤᠳᠤ ᠪᠠᠷᠢᠭᠠᠳᠠᠠᠴᠠ ᠬᠥᠮᠦᠨ ᠢᠷᠡᠭᠦᠯᠵᠦ᠂ 《ᠨᠢᠭᠡᠳᠦᠯ ᠳᠡᠭᠡᠷᠡ ᠮᠣᠳᠤᠨᠤ ᠠᠵᠢᠯᠲᠠᠢ》 ᠭᠡᠰᠡᠨ ᠦᠭᠡ ᠥᠭᠴᠡᠢ᠃ ᠬᠠᠮᠠᠷ ᠯᠣᠳᠤᠨᠤ ᠬᠠᠮᠠᠷᠨᠢ ᠴᠡᠨᠳᠡᠢᠭᠰᠡᠨᠦᠭᠡᠢ ᠮᠥᠷᠲᠡᠭᠡᠨ ᠮᠠᠭᠠᠰᠠᠢᠭᠠᠳ ᠢᠨᠢᠶᠡᠴᠢᠬᠡᠪᠡ᠃ ᠬᠠᠮᠠᠷ ᠯᠣᠳᠤᠨ ᠣᠳᠣᠴᠤ ᠨᠢᠭᠡ ᠥᠪᠴᠢᠬᠦ ᠴᠠᠭ ᠪᠣᠯᠵᠠᠢ ᠳ᠋ᠠ ! ᠰᠤᠮᠤᠨ ᠳᠠᠷᠤᠭᠠ ᠬᠦᠷᠲᠡᠯᠡ ᠬᠠᠮᠠᠷ ᠨᠠᠮᠠᠢ ᠪᠡᠷᠬᠡ ᠲᠣᠭᠤᠭᠰᠠᠨᠢ ᠦᠵᠡᠬᠦᠦᠭᠡᠢᠦᠦ? ᠡᠭᠦᠷᠦᠨ ᠳᠠᠷᠤᠭᠠᠴᠤ ᠰᠠᠨᠳᠤᠷᠤᠭᠰᠠᠨ ᠲᠥᠯᠦᠪᠲᠡᠢ ᠯᠠᠪ ᠴᠢᠬᠤᠯᠠ ᠠᠵᠢᠯᠲᠠᠢ ᠪᠠᠢᠬᠤ! ᠢᠷᠭᠡᠶᠢᠨ ᠰᠢᠭᠦᠰᠦ ᠲᠠᠯᠪᠢᠳᠠᠭ ᠠᠮᠠ ᠰᠢᠷᠡᠭᠡ ᠬᠢᠯᠭᠡᠬᠦ ᠭᠡᠵᠦ ᠪᠠᠢᠬᠤ ᠪᠣᠯᠤᠤ? ᠶᠠᠮᠤᠨ ᠣᠷᠳᠤᠨᠤ ᠨᠣᠶᠠᠨ ᠨᠢᠷᠤᠭᠤ ᠠᠮᠠᠯᠠᠭᠤᠯᠬᠤ ᠭᠡᠵᠦ ᠪᠠᠢᠬᠤ ᠪᠣᠯᠤᠤ ᠁ ᠭᠡᠵᠦ ᠪᠣᠳᠤᠮᠠᠭᠴᠠ ᠪᠡᠷᠬᠡᠯᠡ ᠬᠥᠩᠭᠡᠨ ᠱᠥᠩᠭᠡᠨ ᠬᠥᠳᠡᠯᠦᠭᠡᠳ ᠥᠭᠴᠡᠢ᠃
ᠵᠠᠮᠳᠠᠭᠠᠨ ᠲᠡᠷᠭᠡ ᠭᠡᠯᠢᠵᠦ ᠶᠠᠪᠤᠭᠠ ᠲᠠᠨᠢᠬᠤᠦᠭᠡᠢ ᠵᠢᠭᠠᠯ ᠬᠦᠦᠲᠡᠢ ᠲᠠᠭᠠᠷᠠᠯᠳᠤᠵᠤ ᠪᠠᠭᠠᠵᠢᠪᠠᠨ ᠭᠤᠶᠤᠵᠤ ᠲᠠᠯᠪᠢᠪᠠ᠃ ᠠᠷᠠᠯᠤᠨ ᠱᠠᠷᠤᠨ ᠭᠡᠯᠳᠦᠷᠢᠭᠡᠶᠢ ᠳᠠᠭᠠᠵᠤ ᠪᠠᠢᠲᠠᠯᠠ ᠨᠣᠭᠤᠭᠠ ᠬᠥᠭᠡᠭᠡᠭᠰᠡᠨ ᠬᠣᠨᠢᠪᠠᠨ ᠳᠠᠷᠤᠵᠤ ᠶᠠᠪᠤᠭᠠ ᠬᠡᠯᠡᠭᠡᠢ ᠬᠣᠨᠢᠴᠢᠨᠲᠠᠢ ᠬᠠᠯᠵᠠ ᠲᠠᠭᠠᠷᠠᠯᠳᠤᠪᠠ᠃ ᠬᠠᠮᠠᠷ ᠯᠣᠳᠤᠨ ᠰᠣᠴᠢᠭᠰᠠᠨ ᠬᠦᠴᠦᠨᠳᠡᠭᠡᠨ ᠲᠡᠷᠭᠡᠶᠢ ᠣᠩᠬᠤᠯᠢᠳᠠᠲᠠᠯᠠ ᠦᠰᠦᠷᠴᠦ ᠭᠠᠷᠤᠭᠠᠳ ᠯᠠᠭ ᠬᠢᠲᠡᠯᠡ ᠵᠠᠪᠢᠯᠠᠵᠠᠢ᠃
《ᠬᠠᠮᠠᠷ ᠠᠬᠠ ᠬᠠᠮᠢᠭᠠ ᠬᠦᠷᠦᠨᠡ ᠪᠤᠢ?》
《ᠡᠨᠡ᠂ ᠡᠨᠡ ᠁ ᠪᠢ ᠁ ᠰᠤᠮᠤᠨ ᠳᠠᠷᠤᠭᠠ ᠵᠠᠯᠠᠯᠭᠠ ᠠᠢᠯᠠᠳᠤᠭᠰᠠᠨ ᠲᠤᠯᠠ ᠨᠠᠢᠷᠲᠤ ᠣᠴᠢᠵᠤ ᠶᠠᠪᠤᠨᠠ᠃ ᠥᠴᠦᠭᠡᠳᠦᠷ ᠡᠭᠦᠷᠦᠨ ᠳᠠᠷᠤᠭᠠ ᠨᠠᠮᠠᠢ ᠵᠠᠯᠠᠭᠠᠳ ᠥᠨᠥᠳᠦᠷ ᠰᠤᠮᠤᠨ ᠳᠠᠷᠤᠭᠠ ᠪᠠᠰᠠ ᠬᠦᠦᠪᠡᠷᠢᠶᠡᠨ ᠲᠡᠷᠭᠡ ᠬᠥᠲᠦᠯᠦᠭᠦᠯᠦᠭᠡᠳ ᠢᠷᠡᠭᠦᠯᠴᠢᠬᠡᠵᠡᠢ᠃ ᠠᠢ᠂ ᠣᠴᠢᠶᠠ ᠳ᠋ᠠ ᠣᠴᠢᠶᠠ ᠁》
ᠬᠠᠮᠠᠷ ᠯᠣᠳᠤᠨ ᠢᠩᠭᠢᠵᠦ ᠣᠷᠤᠦᠭᠡᠢ ᠭᠠᠵᠠᠷ ᠣᠪᠤᠭᠠ ᠪᠣᠰᠭᠠᠭᠰᠠᠨ ᠪᠣᠯᠪᠠᠴᠤ ᠢᠴᠢᠵᠦ ᠵᠣᠪᠠᠭᠰᠠᠨᠦᠭᠡᠢ ᠮᠥᠷᠲᠡᠭᠡᠨ ᠭᠡᠳᠡᠷᠭᠦ ᠪᠠᠶᠠᠷᠯᠠᠴᠢᠬᠠᠪᠠ᠃ ᠡᠨᠡ ᠦᠭᠡᠶᠢ ᠬᠡᠯᠡᠭᠡᠢ ᠬᠣᠨᠢᠴᠢᠨ ᠴᠢᠪᠠᠭᠠᠨᠴᠠᠶᠢᠨ ᠴᠢᠬᠢᠨᠳᠦ ᠬᠦᠷᠭᠡᠬᠦᠳᠦ ᠬᠦᠷᠪᠡᠯ ᠲᠡᠷᠡ ᠶᠠᠭᠠᠬᠢᠵᠤ ᠠᠲᠠᠭᠠᠷᠬᠠᠬᠤ ᠪᠣᠯ? ᠪᠠᠷᠤᠭ ᠬᠡᠷᠡᠮ ᠮᠥᠷᠭᠦᠭᠡᠳ ᠦᠬᠦᠬᠦ ᠪᠠᠢᠬᠤ ᠡ!
ᠨᠢᠭᠡᠳᠦᠯ ᠳᠡᠭᠡᠷᠡ ᠬᠡᠳᠦ ᠬᠣᠨᠤᠬᠤ ᠵᠠᠭᠤᠷᠠ᠂ ᠠᠯᠪᠠᠨ ᠭᠡᠷᠲᠦ ᠶᠠᠷᠢᠯᠳᠤᠬᠤ ᠳᠠᠭᠤᠨ ᠭᠠᠷᠴᠤᠯᠠ ᠪᠠᠢᠪᠠᠯ ᠬᠠᠮᠠᠷ ᠯᠣᠳᠤᠨ ᠭᠠᠷᠲᠠᠬᠢᠪᠠᠨ ᠬᠠᠶᠠᠭᠠᠳ ᠴᠣᠩᠬᠤᠨ ᠳᠣᠣᠷᠠᠨᠢ ᠣᠴᠢᠵᠤ ᠴᠢᠬᠢ ᠲᠠᠯᠪᠢᠵᠤᠯᠠ ᠪᠠᠢᠯᠠ᠃ ᠭᠡᠪᠡᠴᠦ ᠲᠡᠷᠡ ᠪᠣᠯᠭᠠᠨᠤ ᠤᠬᠠᠭᠠᠨᠢᠨᠢ ᠶᠡᠷᠦ ᠣᠯᠬᠤᠦᠭᠡᠢ᠂ ᠲᠣᠭᠲᠠᠭᠠᠵᠤ ᠠᠪᠬᠤ ᠣᠢ ᠲᠣᠢ ᠨᠡᠩᠦᠭᠡᠢ᠃ ᠠᠷᠪᠠᠭᠠᠳ ᠬᠣᠨᠤᠭᠲᠤ ᠵᠥᠪᠬᠡᠨᠯᠡ: 《᠁ ᠮᠣᠷᠢᠨ ᠳᠡᠯ ᠳᠡᠭᠡᠭᠦᠷ ᠶᠠᠭᠠᠷᠠᠵᠤ ᠶᠠᠪᠤᠨᠠ᠃ ᠣᠳᠣᠴᠤ ᠨᠢᠭᠡ ᠶᠠᠩᠵᠤ ᠪᠣᠯᠬᠤ ᠭᠡᠵᠦ ᠪᠠᠢᠨᠠ》
ᠭᠡᠰᠡᠨ ᠬᠠᠭᠠᠰ ᠳᠤᠲᠠᠭᠤ ᠦᠭᠡᠶᠢᠨᠢᠯᠡ ᠣᠯᠵᠤ ᠴᠡᠭᠡᠵᠢᠯᠡᠭᠰᠡᠨᠢ ᠶᠠᠭᠠᠮᠠᠢ᠃ ᠬᠠᠮᠠᠷ ᠯᠣᠳᠤᠨ ᠨᠢᠭᠡᠳᠦᠯᠦᠨ ᠳᠠᠷᠤᠭᠠᠳᠤ ᠡᠷᠳᠡᠮᠢᠶᠡᠨ ᠭᠠᠢᠬᠠᠭᠤᠯᠵᠤ ᠨᠢᠭᠤᠷ ᠣᠯᠬᠤ ᠰᠠᠨᠠᠭᠠᠲᠠᠢ᠃ 《 ᠬᠡᠷᠡᠭᠦᠭᠡᠢ》 ᠭᠡᠵᠦ ᠪᠠᠢᠲᠠᠯᠠ ᠮᠣᠳᠤᠨ ᠣᠷᠤ ᠬᠢᠬᠦᠳᠡᠭᠡᠨ ᠳᠥᠷᠪᠡᠨ ᠲᠠᠯᠠᠳᠤᠨᠢ ᠢᠯᠡᠭᠦᠴᠡ ᠬᠠᠰᠢᠯᠭᠠ ᠲᠠᠭᠠᠷᠠᠭᠤᠯᠵᠤ ᠥᠭᠴᠡᠢ᠃ ᠨᠢᠭᠡᠳᠦᠯᠦᠨ ᠳᠠᠷᠤᠭᠠ ᠬᠥᠮᠦᠰᠭᠡᠪᠡᠨ ᠵᠠᠩᠭᠢᠳᠴᠤ ᠠᠪᠤᠭᠠᠳ ᠲᠡᠭᠦᠨᠢ ᠭᠡᠷᠲᠦᠨᠢ ᠪᠤᠴᠠᠭᠠᠭᠰᠠᠨᠳᠤ᠂ ᠠᠶᠠ! ᠬᠠᠮᠠᠷ ᠨᠠᠮᠠᠢ ᠥᠩᠭᠡᠷᠡᠦ ᠵᠦᠳᠡᠷᠡᠬᠦᠡᠴᠡ ᠬᠢᠴᠢᠶᠡᠭᠡᠳ ᠪᠤᠰᠤᠳᠠᠴᠠ ᠡᠮᠦᠨᠡ ᠴᠢᠯᠦᠭᠡ ᠥᠭᠴᠢᠬᠡᠯᠡ ᠰᠢᠦ ᠭᠡᠵᠦ ᠪᠠᠶᠠᠷᠯᠠᠭᠰᠠᠨᠢ ᠶᠠᠭᠠᠬᠢᠨᠠ᠃
ᠬᠡᠯᠡᠭᠡᠢ ᠬᠣᠨᠢᠴᠢᠨ ᠴᠢᠪᠠᠭᠠᠨᠴᠠᠶᠢᠨᠳᠤ ᠣᠴᠢᠭᠠᠳᠤᠢᠶᠢ ᠰᠤᠷᠠᠭᠯᠠᠵᠤ ᠮᠡᠳᠡᠭᠡᠳ ᠬᠠᠮᠠᠷ ᠯᠣᠳᠤᠨ ᠰᠢᠷᠠ ᠪᠦᠷᠦᠢᠪᠡᠷ ᠬᠡᠯᠡᠭᠡᠢ ᠬᠣᠨᠢᠴᠢᠨᠲᠠᠢ ᠠᠭᠤᠯᠵᠠᠬᠤᠪᠠᠷ ᠬᠦᠷᠴᠡᠢ᠃ 《 ᠵᠠ᠂ ᠬᠠᠮᠠᠷ ᠠᠬᠠ ᠬᠡᠳᠦᠨ ᠬᠣᠨᠤᠭᠢᠶᠠᠷ ᠨᠢᠭᠡᠳᠦᠯ ᠳᠡᠭᠡᠷᠡ ᠰᠠᠭᠤᠭᠠᠳ ᠨᠠᠢᠷ ᠥᠨᠳᠦᠷ ᠪᠣᠯᠤᠭᠰᠠᠨ ᠪᠢᠵᠡ?》
《ᠬᠡᠯᠡᠳᠡᠭᠦᠦ ᠳ᠋ᠠ᠂ ᠡᠷᠢᠨ ᠡᠷᠢᠨᠳᠦ ᠳᠤᠮᠳᠠᠪᠠᠨ ᠭᠠᠯᠲᠠᠢ᠂ ᠲᠣᠭᠤᠷᠢᠭᠠᠳ ᠱᠥᠯᠦᠲᠡᠢ ᠬᠣᠭᠤᠯᠠ! ᠰᠤᠮᠤᠨ ᠳᠠᠷᠤᠭᠠ᠂ ᠡᠭᠦᠷᠦᠨ ᠳᠠᠷᠤᠭᠠ ᠮᠠᠨᠤ ᠭᠤᠷᠪᠠ ᠵᠥᠪᠳᠡᠯᠴᠡᠭᠡᠳ ᠁》
《ᠶᠠᠭᠤ ᠭᠡᠵᠦ ??》
《᠁ ᠮᠣᠷᠢᠨ ᠳᠡᠯ ᠳᠡᠭᠡᠭᠦᠷ ᠶᠠᠭᠠᠷᠠᠵᠤ ᠶᠠᠪᠤᠨᠠ᠃ ᠣᠳᠣᠴᠤ ᠨᠢᠭᠡ ᠶᠠᠩᠵᠤ ᠪᠣᠯᠬᠤ ᠭᠡᠵᠦ ᠪᠠᠢᠨᠠ!》
《ᠶᠠᠮᠠᠷ ᠶᠠᠩᠵᠤ ᠪᠣᠯᠬᠤ ᠭᠡᠨᠡ ᠪᠤᠢ?》
ᠴᠣᠬᠤᠮ ᠶᠠᠮᠠᠷ ᠶᠠᠩᠵᠤ ᠪᠣᠯᠬᠤᠶᠢ ᠬᠠᠮᠠᠷ ᠯᠣᠳᠤᠨ ᠥᠪᠡᠷᠢᠶᠡᠨᠴᠦ ᠫᠠᠳ ᠲᠤᠯᠠ ᠬᠡᠯᠡᠭᠡᠢᠡᠴᠡ ᠢᠯᠡᠭᠦᠦ ᠢᠯᠠᠭᠠᠢ ᠪᠣᠯᠵᠤ:
《ᠡᠨᠡ ᠁ ᠲᠡᠢᠮᠦ ᠶᠠᠩᠵᠤ ᠁ ᠮᠣᠷᠢᠨ ᠳᠡᠯ ᠳᠡᠭᠡᠭᠦᠷ ᠁ ᠶᠠᠭᠤᠴᠤ ᠭᠡᠰᠡᠨ ᠴᠢᠪᠠᠭᠠᠨᠴᠠ᠂ ᠬᠡᠯᠡᠭᠡᠢ ᠤᠯᠤᠰᠤᠳᠲᠤᠯᠠ ᠬᠡᠴᠡᠭᠦᠦ ᠭᠡᠨᠡ ᠳ᠋ᠠ !》 ᠭᠡᠵᠦ ᠲᠠᠪᠠᠪᠠᠷᠢᠶᠠᠨ ᠠᠢᠯᠠᠳᠤᠭᠠᠳ᠂ ᠰᠡᠩᠳᠡ ᠮᠡᠩᠳᠡ ᠵᠢᠯᠢᠢᠵᠦ ᠣᠷᠬᠢᠵᠠᠢ᠃
ᠡᠨᠡᠨᠢ ᠨᠡᠭᠡᠷᠡᠨ ᠲᠤᠰᠠ ᠭᠠᠷᠴᠤ ᠬᠡᠯᠡᠭᠡᠢ ᠬᠣᠨᠢᠴᠢᠨᠢ ᠲᠡᠷᠡ ᠮᠥᠷᠲᠦᠨᠢ ᠠᠪᠤᠭᠠᠳ ᠠᠷᠤ ᠥᠭᠡᠳᠡ ᠭᠦᠶᠦᠯᠭᠡᠵᠦ ᠴᠢᠳᠠᠵᠠᠢ᠃ ᠤᠤᠬᠠᠢ ᠮᠥᠨ ᠪᠣᠯᠵᠤ ᠪᠠᠢᠨᠠ! ᠮᠠᠭᠤ ᠴᠢᠪᠠᠭᠠᠨᠴᠠ ᠰᠦᠨᠡᠰᠦᠪᠡᠨ ᠵᠠᠢᠯᠠᠲᠠᠯᠠ ᠠᠶᠤᠵᠤ ᠪᠠᠢᠨᠠ ᠳ᠋ᠠ᠂ ᠠᠶᠠᠭᠦᠢᠳᠡᠪᠡᠯ 《ᠢᠯᠠᠢ ᠶᠠᠭᠠᠬᠢᠳᠠᠭ ᠪᠢᠯᠡ? ᠠᠷᠭᠠ ᠪᠠᠢᠨᠠᠤᠤ? ᠬᠠᠮᠠᠷᠮᠢᠨᠢ ᠡ!》 ᠭᠡᠳ ᠠᠪᠤᠷᠠᠯ ᠭᠤᠶᠤᠬᠤᠪᠠᠷ ᠢᠷᠡᠵᠦ ᠮᠡᠳᠡᠨᠡ ᠰᠢᠦ!
ᠬᠠᠮᠠᠷ ᠯᠣᠳᠤᠨ ᠭᠠᠷᠤᠨ ᠣᠷᠤᠨ ᠠᠪᠤᠷᠠᠯ ᠭᠤᠶᠤᠬᠤ ᠬᠥᠮᠦᠨᠢᠶᠡᠨ ᠬᠠᠷᠠᠭᠰᠠᠭᠠᠷ ᠪᠣᠯᠪᠠᠴᠤ ᠴᠢᠪᠠᠭᠠᠨᠴᠠᠶᠢᠨ ᠪᠠᠷᠠ ᠠᠯᠠᠭᠠᠶᠢ ᠶᠠᠭᠠᠬᠢᠨᠠ᠃ ᠨᠣᠬᠠᠢ ᠳᠣᠯᠢᠶᠠ! ᠮᠥᠨᠴᠦ ᠰᠠᠭᠤᠷᠢᠲᠠᠢ ᠡᠮᠡ ᠪᠠᠢᠨᠠ ᠳ᠋ᠠ ! ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠤᠯᠠᠮ ᠠᠲᠠᠭᠠᠷᠬᠠᠵᠠᠢ᠃
ᠡᠳᠡᠴᠢᠨᠢ ᠶᠠᠭᠠᠬᠢᠨᠠ ᠭᠡᠪᠡᠯ ᠲᠡᠭᠡᠵᠦ᠂ ᠲᠡᠭᠷᠢᠳᠦ
ᠭᠠᠷᠬᠤᠠᠴᠠ ᠪᠤᠴᠠᠳᠠᠭᠦᠭᠡᠢ ᠤᠯᠤᠰ ᠳ᠋ᠠ !
ᠵᠤᠨᠤ ᠰᠡᠭᠦᠯᠴᠢ ᠨᠠᠮᠤᠷᠤᠨ ᠡᠬᠢᠨᠳᠦ ᠨᠢᠭᠡ ᠡᠳᠦᠷ ᠪᠢᠴᠢᠬᠠᠨ ᠵᠠᠩᠵᠤᠨᠨᠠᠷᠢ ᠲᠡᠭᠡᠭᠡᠭᠰᠡᠨ ᠨᠣᠭᠤᠭᠠᠨ ᠮᠠᠰᠢᠨ ᠵᠢᠭᠠᠬᠠᠨ ᠰᠦᠮᠡᠳᠦ ᠬᠤᠪᠢᠰᠭᠠᠯ ᠬᠢᠬᠦᠪᠡᠷ ᠢᠷᠡᠭᠰᠡᠨ ᠣᠨᠴᠠ ᠰᠣᠨᠢᠨ ᠴᠢᠮᠡᠭᠡ ᠳᠤᠭᠤᠯᠳᠠᠪᠠ᠃
ᠤᠷᠢᠳᠤ ᠬᠠᠮᠠᠷ ᠯᠣᠳᠤᠨ ᠬᠠᠭᠠᠰ ᠰᠥᠨᠢᠶᠢᠨ ᠨᠣᠢᠷᠢᠶᠠᠨ ᠪᠦᠷᠢᠯᠭᠡᠵᠦ ᠪᠠᠢᠭᠠᠳ ᠬᠤᠭᠤᠷᠴᠢᠶᠢᠨ ᠠᠮᠠᠪᠠᠷ 《ᠵᠠᠩᠵᠤᠨ ᠮᠣᠷᠳᠠᠭᠤᠯᠵᠤ》 ᠪᠠᠢᠭᠰᠠᠨ ᠪᠢᠯᠡ᠃ 《ᠭᠡᠷᠡᠯ ᠲᠤᠰᠤᠭᠰᠠᠨ ᠭᠡᠭᠡᠨ ᠮᠠᠩᠨᠠᠢ᠂ ᠬᠡᠪᠲᠡᠭᠡ ᠪᠠᠷᠰᠤᠨ ᠬᠠᠷᠠ ᠬᠥᠮᠦᠰᠭᠡ᠂ ᠨᠠᠮᠤᠷᠤᠨ ᠤᠰᠤᠨ ᠮᠣᠢᠯ ᠨᠢᠳᠦ᠂ ᠨᠠᠴᠢᠨ ᠱᠣᠩᠬᠤᠷᠤᠨ ᠰᠣᠢᠷ ᠰᠣᠷᠮᠤᠤᠰᠤ》᠂ 《ᠮᠢᠨᠳᠠᠰᠤᠨ ᠬᠤᠶᠠᠭ᠂ ᠮᠥᠩᠭᠦᠨ ᠳᠤᠭᠤᠯᠠᠭᠠ᠂ ᠰᠤᠪᠤᠳᠤᠨ ᠬᠤᠶᠠᠭ》 ᠁ ᠣᠳᠣᠶᠢᠨ ᠵᠠᠩᠵᠤᠨ ᠮᠥᠨᠯᠡ ᠡᠢᠮᠦ ᠪᠠᠢᠭᠠ ᠳ᠋ᠠ᠂ ᠶᠠᠳᠠᠬᠤᠳᠤ 《ᠥᠷᠭᠡᠨ ᠴᠢᠬᠢ ᠮᠥᠷᠦᠪᠡᠨ ᠳᠡᠷᠡᠯᠡᠵᠦ᠂ ᠥᠨᠳᠦᠷ ᠮᠥᠴᠢ ᠡᠪᠦᠳᠦᠭᠡᠴᠡ ᠢᠯᠡᠭᠦᠳᠡᠭᠰᠡᠨ》 ᠵᠠᠭᠠᠨ ᠵᠠᠭᠠᠨᠢᠶᠠᠷ ᠪᠡᠶᠡᠲᠡᠢᠯᠡ ᠪᠠᠢᠬᠤ ᠶᠣᠰᠤᠲᠠᠢ! ᠁ 《ᠬᠦᠨᠳᠦ ᠲᠡᠮᠦᠷ ᠳᠠᠮ ᠢᠯᠳᠦᠶᠢ ᠬᠦᠳᠡᠷ ᠭᠠᠷᠲᠠᠭᠠᠨ ᠪᠠᠷᠢᠭᠠᠳ᠂ ᠬᠦᠯᠦᠭᠦᠨ ᠵᠦᠭᠲᠡᠭᠡᠨ ᠬᠦᠷᠴᠦ ᠬᠥᠮᠦᠯᠳᠦᠷᠭᠡ ᠵᠢᠯᠤᠭᠤ ᠰᠤᠭᠰᠤᠷᠤᠭᠠᠳ》 ᠁ 《ᠲᠡᠮᠦᠷ ᠵᠤᠤᠵᠠᠢ ᠶᠠᠩᠭᠢᠨᠠᠭᠤᠯᠵᠤ᠂ ᠳᠥᠷᠦᠭᠡᠨ ᠳᠡᠭᠡᠷᠡᠪᠡᠨ ᠳᠠᠪ ᠬᠢᠵᠦ》 ᠁ ᠣᠳᠣᠶᠢᠨ ᠵᠠᠩᠵᠤᠨ ᠲᠡᠮᠦᠷ ᠢᠯᠳᠦᠦᠭᠡᠢᠴᠦ ᠭᠠᠩ ᠫᠤᠤᠲᠠᠢ ᠪᠠᠢᠯᠭᠦᠢ᠂ ᠮᠠᠰᠢᠨ ᠳᠡᠭᠡᠷᠡᠪᠡᠨ ᠳᠠᠪ ᠬᠢᠵᠦ ᠮᠥᠨᠴᠦ ᠵᠢᠪᠬᠤᠭᠠᠲᠠᠢ ᠪᠠᠢᠯᠭᠦᠢ! ᠪᠠᠰᠠ ᠴᠢᠩᠭᠢᠭᠡᠳ ᠪᠢᠴᠢᠬᠠᠨ ᠭᠡᠨᠡ ᠰᠢᠦ᠂ ᠪᠣᠭᠳᠠ ᠴᠢᠩᠭᠢᠰ ᠳᠣᠯᠤᠭᠠᠨ ᠨᠠᠰᠤᠲᠠᠢ ᠳᠠᠢᠨᠳᠤ ᠮᠣᠷᠳᠠᠵᠤ᠂ ᠭᠤᠨᠠᠭᠠᠨ ᠤᠯᠠᠭᠠᠨ ᠪᠠᠭᠠᠲᠤᠷ ᠮᠠᠩᠭᠤᠰᠢ ᠳᠠᠷᠤᠬᠤᠳᠤ ᠭᠤᠷᠪᠠᠬᠠᠨ ᠨᠠᠰᠤᠲᠠᠢ ᠪᠠᠢᠭᠰᠠᠨ ᠳ᠋ᠠᠭ᠂ ᠵᠠᠩᠵᠤᠨᠢ ᠪᠢᠴᠢᠬᠠᠨ ᠭᠡᠵᠦ ᠪᠤᠤᠯᠠ ᠬᠢᠷᠢᠴᠢᠯᠡᠶᠡ᠂ ᠨᠡᠩᠴᠦ ᠨᠣᠭᠤᠭᠠᠨ ᠮᠠᠰᠢᠨᠲᠠᠢ ᠵᠠᠩᠵᠤᠨᠢ! ᠁
ᠬᠠᠮᠠᠷ ᠯᠣᠳᠤᠨ ᠪᠣᠳᠤᠬᠤ ᠲᠤᠰᠤᠮ᠂ ᠵᠠᠪᠢ ᠠᠯᠳᠠᠵᠤ ᠪᠣᠯᠬᠤᠦᠭᠡᠢ ᠭᠡᠵᠦ ᠪᠡᠶᠡᠪᠡᠨ ᠡᠷᠴᠢᠯᠡᠨᠡ᠃ ᠣᠳᠣ ᠨᠢᠳᠦᠪᠡᠨ ᠨᠡᠭᠡᠭᠡᠬᠦᠦᠭᠡᠢ ᠬᠡᠵᠢᠶᠡ ᠨᠢᠳᠦᠪᠡᠨ ᠨᠡᠭᠡᠭᠡᠬᠦ ᠪᠤᠢ? ᠬᠠᠮᠠᠷ ᠯᠣᠳᠤᠨ ᠭᠠᠷᠲᠠᠬᠢ ᠠᠵᠤᠪᠠᠨ ᠬᠠᠶᠠᠭᠠᠳ ᠬᠠᠮᠤᠭ ᠲᠡᠩᠬᠡᠭᠡᠪᠡᠷᠢᠶᠡᠨ ᠵᠢᠭᠠᠬᠠᠨ ᠰᠦᠮᠡ ᠥᠭᠡᠳᠡ ᠭᠦᠶᠦᠬᠦᠳᠡᠭᠡᠨ ᠲᠡᠷᠯᠢᠭᠢᠶᠡᠨᠴᠦ ᠡᠮᠦᠰᠬᠦᠪᠡᠨ ᠮᠠᠷᠲᠠᠴᠢᠬᠠᠵᠠᠢ᠃
ᠯᠣᠳᠤᠨ ᠵᠢᠭᠠᠬᠠᠨ ᠰᠦᠮᠡᠳᠦ ᠣᠢᠷᠠᠳᠲᠠᠯᠠ ᠭᠠᠨᠵᠢᠷᠠᠶᠢᠨ ᠣᠷᠤᠨᠳᠤ ᠬᠠᠳᠭᠤᠭᠳᠠᠭᠰᠠᠨ ᠰᠢᠷᠠ ᠦᠰᠦᠭᠲᠡᠢ ᠤᠯᠠᠭᠠᠨ ᠳᠤᠭ ᠲᠡᠭᠦᠨᠢ ᠤᠷᠢᠶᠠᠯᠠᠨ ᠳᠠᠯᠠᠯᠤᠭᠰᠠᠨᠳᠤ ᠬᠠᠷᠠ ᠬᠤᠷᠳᠤᠪᠠᠷ ᠫᠤᠤᠵᠢᠩᠰᠢᠭ᠋ ᠲᠠᠯᠪᠢᠭᠤᠨ ᠬᠦᠷᠪᠡ᠃ ᠲᠣᠭᠤᠰᠤ ᠲᠣᠷᠲᠤᠭ᠂ ᠤᠲᠤᠭᠠ ᠮᠠᠨᠠᠨ ᠰᠦᠮᠡᠶᠢᠨ ᠬᠦᠷᠢᠶᠡᠶᠢ ᠵᠠᠯᠭᠢᠵᠤ᠂ ᠲᠤᠩ ᠣᠯᠠᠨ ᠬᠥᠮᠦᠨ ᠴᠤᠭᠯᠠᠭᠰᠠᠨ ᠲᠤᠯᠠ ᠯᠣᠳᠤᠨ ᠥᠯᠮᠡᠢ ᠳᠡᠭᠡᠷᠡᠪᠡᠨ ᠶᠠᠭᠠᠬᠢᠵᠤ ᠥᠨᠳᠡᠯᠵᠡᠭᠰᠡᠨᠴᠦ ᠳᠣᠲᠤᠷᠠᠨᠢ ᠶᠠᠭᠤ ᠪᠣᠯᠵᠤ ᠪᠠᠢᠭᠠᠶᠢ ᠣᠯᠵᠤ ᠦᠵᠡᠭᠰᠡᠨᠦᠭᠡᠢ᠃ ᠮᠠᠨᠴᠤᠷᠭᠠᠨ ᠬᠠᠮᠠᠷᠨᠢ ᠴᠡᠨᠳᠡᠢᠵᠦ ᠠᠪᠤᠭᠠᠳ᠂ ᠬᠥᠮᠦᠬᠡᠢ ᠵᠠᠭᠤᠮᠠᠭᠴᠠ ᠬᠠᠷᠠ ᠴᠢᠳᠠᠯᠢᠶᠠᠷᠢᠶᠠᠨ ᠣᠯᠠᠨᠢ ᠬᠠᠪᠢᠷᠭᠠᠯᠠᠨ ᠱᠤᠩᠭᠤᠯᠠᠭᠰᠠᠭᠠᠷ ᠳᠥᠩᠭᠡᠵᠢ ᠳᠣᠲᠤᠭᠰᠢᠯᠠᠯᠠ᠃
ᠮᠥᠷᠦᠪᠡᠨ ᠴᠠᠪᠴᠢᠭᠤᠯᠵᠤ᠂ ᠲᠣᠯᠤᠭᠠᠢᠨᠢ ᠰᠠᠯᠤᠭᠰᠠᠨ ᠮᠠᠬᠠᠷᠠᠨᠽᠠ ᠬᠠᠭᠠᠷᠬᠠᠢ ᠬᠡᠩᠭᠡᠷᠭᠡ ᠳᠡᠷᠡᠯᠡᠵᠦ ᠤᠨᠠᠭᠠᠳ᠂ ᠱᠠᠭᠢᠮᠤᠨᠢᠶᠢᠨ ᠭᠡᠭᠡᠨ ᠳᠦᠷᠢ ᠳᠤᠭᠠᠩᠤᠨ ᠰᠠᠷᠠᠪᠴᠢᠨᠠᠴᠠ ᠪᠣᠭᠤᠮᠢᠯᠠᠭᠳᠠᠵᠠᠢ᠃ ᠰᠠᠮᠪᠠᠷᠠ ᠰᠠᠮᠪᠠᠷᠠ ᠰᠤᠳᠤᠷ ᠨᠣᠮ ᠰᠦᠮᠡᠶᠢᠨ ᠬᠦᠷᠢᠶᠡᠨᠳᠦ ᠭᠠᠯ ᠠᠪᠤᠯᠴᠠᠭᠠᠳ᠂ ᠬᠦᠵᠢᠶᠢᠨ ᠦᠨᠦᠷᠲᠡᠢ ᠬᠥᠬᠡ ᠤᠲᠤᠭᠠ ᠣᠭᠲᠠᠷᠭᠤᠢᠳᠤ ᠪᠤᠷᠭᠢᠯᠤᠨᠠ᠃ ᠰᠤᠳᠤᠷ ᠨᠣᠮ ᠳᠡᠭᠡᠷᠡ ᠪᠤᠤᠯᠠ ᠭᠢᠰᠭᠢᠵᠦ ᠬᠢᠯᠢᠨᠴᠡ ᠨᠢᠭᠦᠯ ᠦᠢᠯᠡᠳᠦᠶᠡ ᠭᠡᠵᠦ ᠣᠯᠠᠨᠤ ᠳᠤᠮᠳᠠᠭᠤᠷ ᠰᠢᠬᠠᠯᠴᠠᠬᠤᠳᠠᠭᠠᠨ ᠬᠠᠮᠠᠷ ᠯᠣᠳᠤᠨ ᠪᠠᠢᠨ ᠪᠠᠢᠨ ᠬᠥᠯ ᠳᠣᠣᠷᠠᠬᠢᠪᠠᠨ ᠠᠵᠢᠭᠯᠠᠨᠠ᠃
ᠥᠪᠴᠢ ᠪᠡᠶᠡ ᠴᠤᠯᠤ ᠨᠣᠭᠤᠭᠠᠨ ᠬᠤᠪᠴᠠᠰᠤᠲᠠᠢ᠂ ᠪᠣᠭᠲᠤᠰᠤᠨᠳᠠᠭᠠᠨ ᠤᠯᠠᠭᠠᠨ 《ᠳᠤᠭ》 ᠵᠡᠭᠦᠭᠰᠡᠨ ᠨᠠᠮᠬᠠᠨ ᠪᠡᠶᠡᠲᠡᠢ ᠬᠠᠷᠠ ᠬᠦᠦ ᠰᠦᠮᠡᠶᠢᠨ ᠶᠡᠨᠳᠡᠷ ᠳᠡᠭᠡᠷᠡ ᠨᠠᠮᠪᠠᠲᠠᠢ ᠢᠯᠡᠷᠡᠭᠡᠳ᠂ ᠬᠠᠨᠴᠤᠢᠪᠠᠨ ᠲᠣᠬᠤᠢᠳᠠᠭᠠᠨ ᠲᠤᠯᠲᠠᠯᠠ ᠰᠢᠭᠤᠭᠠᠳ ᠨᠢᠳᠤᠷᠭᠠᠪᠠᠨ ᠬᠤᠷᠤᠢᠯᠠᠨ ᠨᠢᠭᠡ ᠶᠠᠭᠤᠮᠠ ᠬᠠᠰᠭᠢᠴᠢᠵᠤ ᠭᠠᠷᠤᠨᠠ᠃ ᠣᠯᠠᠨ ᠬᠥᠮᠦᠨ ᠫᠠᠷᠭᠢᠯᠳᠤᠨ᠂ ᠪᠠᠯᠪᠠᠴᠢᠵᠤ ᠬᠡᠮᠬᠡᠯᠬᠦ ᠳᠠᠭᠤᠨ ᠦᠷᠭᠦᠯᠵᠢᠯᠡᠭᠰᠡᠨ ᠲᠤᠯᠠ ᠶᠠᠮᠠᠷ ᠨᠣᠮ ᠲᠠᠯᠪᠢᠵᠤ ᠪᠠᠢᠭᠠᠶᠢ ᠬᠠᠮᠠᠷ ᠯᠣᠳᠤᠨ ᠴᠢᠬᠢ ᠪᠠᠢᠭᠠᠳ ᠣᠯᠵᠤ ᠰᠣᠨᠤᠰᠬᠤᠦᠭᠡᠢᠨᠢ ᠬᠠᠢᠷᠠᠯᠠᠯᠲᠠᠢ᠂ ᠭᠠᠷᠴᠠᠭᠠᠦᠭᠡᠢ ᠪᠢᠴᠢᠬᠠᠨ ᠵᠠᠩᠵᠤᠨ! ᠤᠷᠲᠤ ᠰᠣᠷᠮᠤᠤᠰᠤᠲᠠᠢ ᠬᠠᠷᠠ ᠨᠢᠳᠦ᠂ ᠳᠡᠪᠢᠭᠦᠷ ᠭᠡᠮᠡᠷ ᠳᠡᠯᠳᠡᠩ ᠴᠢᠬᠢᠪᠡᠷᠨᠢ ᠬᠠᠮᠠᠷ ᠯᠣᠳᠤᠨ ᠢᠩᠭᠢᠵᠦ ᠲᠠᠨᠢᠪᠠ᠃ ᠰᠢᠨᠡ ᠴᠠᠭᠤᠨ ᠵᠠᠩᠵᠤᠨ ᠭᠡᠵᠦ ᠮᠥᠨᠴᠦ ᠬᠡᠴᠡᠭᠦᠦ᠂ ᠭᠠᠯᠪᠠᠶᠢ ᠡᠵᠡᠯᠡᠭᠰᠡᠨ ᠱᠠᠭᠢᠮᠤᠨᠢᠲᠠᠢᠴᠤ ᠬᠠᠯᠳᠠᠭᠠᠳ ᠪᠠᠢᠳᠠᠭᠨᠢ ᠯᠠᠪᠯᠠ ᠬᠤᠷᠮᠤᠰᠲᠠᠠᠴᠠ ᠪᠠᠭᠤᠵᠤ ᠢᠷᠡᠭᠰᠡᠨᠶᠦᠮ ᠪᠠᠢᠯᠭᠦᠢ᠃ ᠪᠣᠭᠲᠤᠰᠤᠨᠳᠠᠭᠠᠨ ᠵᠡᠭᠦᠭᠰᠡᠨ ᠤᠯᠠᠭᠠᠨ ᠲᠤᠭᠨᠢ ᠯᠠᠪ ᠨᠣᠮᠤᠨ ᠦᠰᠦᠭᠲᠡᠢ ᠠᠮᠢᠨ ᠰᠠᠬᠢᠶᠠ ᠪᠠᠢᠭᠠ ᠳ᠋ᠠ᠃ ᠭᠡᠷᠡᠯ ᠣᠢᠭᠰᠠᠨ ᠲᠣᠯᠢᠲᠠᠢ ᠰᠢᠯᠢᠶᠡᠷ ᠬᠡᠪᠲᠡᠭᠡ ᠪᠠᠷᠰᠤᠨ ᠬᠥᠮᠦᠰᠭᠡᠪᠡᠨ ᠳᠠᠷᠤᠵᠤ ᠡᠩᠭᠡᠷ ᠳᠡᠭᠡᠷᠡᠨᠢ ᠳᠤᠯᠠᠯᠵᠠᠵᠤ ᠬᠠᠷᠠᠭᠳᠠᠬᠤᠨᠢ ᠭᠤᠤᠳᠤ ᠰᠠᠭᠤᠯᠭᠠᠭᠰᠠᠨ ᠪᠤᠷᠬᠠᠨᠴᠤ ᠪᠣᠯᠪᠠᠤᠤ? ᠁ ᠬᠠᠮᠠᠷ ᠯᠣᠳᠤᠨ ᠡᠷᠬᠡᠦᠭᠡᠢ ᠠᠢᠳᠠᠰ ᠬᠦᠷᠦᠭᠡᠳ ᠳᠤᠲᠠᠭᠠᠬᠤᠶᠢ ᠪᠣᠳᠤᠭᠰᠠᠨ ᠪᠣᠯᠪᠠᠴᠤ ᠬᠠᠮᠠᠷ ᠪᠢ ᠱᠠᠭᠢᠮᠤᠨᠢᠶᠢᠨ ᠬᠦᠦ ᠪᠢᠰᠢ᠂ ᠶᠠᠳᠠᠬᠤᠳᠤ ᠬᠣᠯᠠᠶᠢᠨ ᠰᠠᠳᠤᠨᠨᠢᠴᠤ ᠪᠢᠰᠢ ᠲᠤᠯᠠ ᠭᠠᠢᠭᠤᠢ ᠪᠢᠵᠡ ᠡ! ᠭᠡᠵᠦ ᠪᠣᠳᠤᠪᠠ᠃
ᠭᠡᠨᠡᠳᠲᠡ ᠪᠢᠴᠢᠬᠠᠨ ᠵᠠᠩᠵᠤᠨ ᠤᠯᠠᠭᠠᠨ ᠳᠡᠪᠲᠡᠷᠢᠶᠡᠨ ᠳᠡᠭᠡᠷᠡ ᠬᠤᠷᠤᠢᠯᠳᠤᠭᠤᠯᠤᠨ:
《ᠴᠢᠳᠭᠦᠷ ᠱᠣᠯᠤᠮᠢ ᠴᠢᠷᠴᠦ ᠭᠠᠷᠭᠠᠶᠠ! ᠴᠣᠬᠢᠵᠤ ᠤᠨᠠᠭᠠᠶᠠ! ᠱᠦᠭᠦᠷᠳᠡᠨ ᠠᠷᠢᠯᠭᠠᠶᠠ!》 ᠭᠡᠵᠦ ᠨᠢᠭᠡᠨ ᠵᠡᠷᠭᠡ ᠬᠠᠰᠭᠢᠷᠤᠭᠰᠠᠨᠳᠤ ᠣᠯᠠᠨ ᠳᠠᠭᠠᠯᠴᠠᠨ ᠣᠷᠢᠯᠠᠨᠠ᠃ ᠴᠢᠬᠢ ᠳᠦᠯᠡᠢᠷᠡᠮᠡ ᠬᠠᠰᠭᠢᠷᠤᠯᠳᠤᠭᠠᠨ ᠳᠤᠮᠳᠠ ᠰᠦᠮᠡᠶᠢᠨ ᠯᠠᠮᠠᠨᠠᠷᠢ ᠶᠡᠨᠳᠡᠷ ᠳᠡᠭᠡᠷᠡ ᠭᠠᠷᠭᠠᠨ ᠵᠡᠷᠭᠡᠴᠡᠭᠦᠯᠦᠨ ᠲᠣᠩᠭᠤᠢᠯᠭᠠᠪᠠ᠃ ᠴᠠᠭᠠᠨ ᠴᠠᠭᠠᠰᠤᠨ ᠭᠣᠮᠰᠢᠶᠠ ᠲᠣᠯᠤᠭᠠᠢ ᠳᠡᠭᠡᠷᠡᠪᠡᠨ ᠰᠤᠪᠤᠷᠭᠠᠯᠠᠭᠰᠠᠨᠨᠢ ᠵᠢᠭᠠᠬᠠᠨ ᠰᠦᠮᠡᠶᠢᠨ ᠭᠡᠭᠡᠨ ᠪᠠᠢᠨᠠ᠃ ᠨᠣᠮᠤᠨ ᠰᠠᠮᠪᠠᠷᠠ ᠬᠦᠵᠦᠭᠦᠦᠡᠴᠡᠪᠡᠨ ᠳᠡᠭᠦᠵᠢᠯᠡᠭᠰᠡᠨᠨᠢ ᠳ᠋ᠠ ᠯᠠᠮᠠ ᠰᠢᠪ ᠳ᠋ᠠ᠃ ᠲᠡᠭᠦᠨᠡᠴᠡ ᠳᠠᠷᠠᠭᠠᠬᠢᠨᠢ ᠴᠠᠮᠤᠨ ᠬᠣᠬᠢᠮᠠᠢ ᠪᠠᠭᠤᠳ ᠵᠡᠭᠦᠭᠰᠡᠨ ᠲᠤᠯᠠ ᠬᠠᠮᠠᠷ ᠯᠣᠳᠤᠨ ᠬᠡᠨ ᠬᠡᠨᠢᠨᠢ ᠡᠰᠡ ᠲᠠᠨᠢᠪᠠ᠃
ᠣᠯᠠᠨ ᠴᠢᠳᠭᠦᠷᠦᠨ ᠳᠤᠮᠳᠠ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠲᠣᠩᠭᠤᠢᠵᠤ ᠪᠠᠢᠭᠠᠨᠢ ᠭᠡᠨᠡᠳᠲᠡ ᠦᠵᠡᠭᠳᠡᠪᠡ᠃ ᠬᠥᠭᠡᠷᠦᠬᠦᠢ ᠵᠠᠭᠷᠠᠢᠮᠠᠨᠢ ᠬᠦᠵᠦᠭᠦᠨᠡᠴᠡᠪᠡᠨ ᠬᠢᠩᠭᠠᠷᠠ ᠳᠢᠩᠭᠠᠷ ᠬᠣᠩᠬᠤ ᠳᠠᠮᠠᠷᠤ ᠳᠡᠭᠦᠵᠢᠯᠡᠭᠡᠳ ᠳᠠᠭᠵᠢᠨ ᠴᠡᠴᠡᠷᠡᠵᠦ ᠪᠠᠢᠬᠤᠨᠢ ᠪᠡᠷᠬᠡ᠃ ᠬᠠᠮᠠᠷ ᠯᠣᠳᠤᠨᠤ ᠮᠠᠨᠴᠤᠷᠭᠠᠨ ᠬᠠᠮᠠᠷᠨᠢ ᠪᠤᠷᠭᠢᠷᠠᠵᠤ ᠡᠬᠢᠯᠡᠭᠰᠡᠨᠢᠶᠡᠨ ᠳᠣᠣᠷᠠᠬᠠᠨᠢᠶᠠᠨ ᠴᠡᠨᠳᠡᠢᠴᠢᠬᠡᠪᠡ᠃ ᠪᠣᠯᠵᠠᠢ᠂ ᠶᠠᠭᠤᠨᠤ ᠰᠠᠢᠨᠶᠤᠮ! ᠴᠢᠮᠠᠳᠤ ᠪᠠᠰᠠ ᠡᠢᠮᠦ ᠴᠠᠭ ᠪᠠᠢᠳᠠᠭᠶᠤᠮᠤᠤ? ᠬᠠᠮᠠᠷ ᠯᠣᠳᠤᠨᠤᠯᠠ ᠮᠠᠭᠤᠶᠢ ᠦᠵᠡᠨᠡᠦᠦ ᠴᠢ! ᠮᠠᠷᠭᠠᠰᠢᠠᠴᠠ ᠪᠢ ᠪᠠᠰᠠ ᠴᠢᠮᠠᠢ 《ᠰᠢᠷᠢᠨ ᠨᠢᠭᠤᠷᠢᠶᠠᠷ ᠮᠢᠨᠦ ᠬᠠᠲᠠᠪᠴᠢᠶᠢ ᠠᠯᠬᠤᠪᠠᠤᠤ? ᠰᠢᠭᠢᠷᠡᠪᠡᠨ ᠲᠠᠲᠠᠭᠰᠠᠨᠴᠢᠨᠢ ᠳᠡᠭᠡᠷᠡᠦᠭᠡᠢᠦᠦ?》 ᠭᠡᠵᠦ ᠬᠠᠷᠢᠶᠠᠨᠠ ᠳ᠋ᠠ ! ᠵᠠᠭᠷᠠᠢᠮᠠᠳᠤ ᠲᠠᠯᠠ ᠲᠤᠯᠠ ᠮᠠᠨᠲᠠᠤ ᠶᠠᠳᠠᠪᠠᠯ ᠲᠠᠬᠢᠯᠤᠨ ᠪᠠᠯᠢᠩᠴᠤ ᠶᠠᠭᠠᠬᠢᠬᠤᠪ ᠬᠣᠶᠠᠷᠢ ᠠᠳᠭᠤᠭᠤᠯᠤᠭᠠᠳ ᠭᠤᠷᠪᠠᠯᠵᠢᠨ ᠴᠠᠭᠠᠨ ᠳᠤᠭ ᠵᠠᠭᠠᠮᠠᠨᠳᠤᠨᠢ ᠬᠠᠪᠴᠢᠭᠤᠯᠤᠭᠰᠠᠨ ᠪᠣᠯ ᠡ! ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠪᠡᠷᠬᠡ ᠲᠠᠪᠠᠯᠠᠨᠠ᠃
ᠪᠢᠴᠢᠬᠠᠨ ᠵᠠᠩᠵᠤᠨ ᠭᠡᠭᠡᠨ ᠯᠠᠮᠠᠬᠠᠢᠶᠢ ᠬᠦᠵᠦᠭᠦᠦᠶᠢᠨᠢ ᠰᠤᠨᠲᠠᠯᠠ ᠳᠠᠷᠤᠵᠤ ᠶᠠᠪᠤᠨᠠ᠃ ᠡᠳᠡᠴᠢᠨᠢ ᠶᠠᠭᠠᠬᠢᠨᠠ ᠭᠡᠪᠡᠯ ᠲᠡᠭᠡᠵᠦ᠂ ᠲᠡᠭᠷᠢᠳᠦ ᠭᠠᠷᠬᠤᠠᠴᠠᠴᠤ ᠪᠤᠴᠠᠳᠠᠭᠦᠭᠡᠢ ᠤᠯᠤᠰ ᠳ᠋ᠠ ᠁ ᠡᠳᠡ ᠴᠣᠬᠤᠮ ᠶᠠᠭᠠᠬᠢᠵᠤᠴᠤ ᠱᠦᠭᠦᠷᠳᠡᠳᠡᠭᠰᠡᠨ ᠪᠣᠯ? ᠪᠠᠷᠤᠭᠤᠨ ᠱᠦᠭᠦᠷ ᠡᠳᠡᠨᠢ ᠬᠥᠳᠡᠯᠭᠡᠵᠦ ᠴᠢᠳᠠᠬᠤᠦᠭᠡᠢ ᠳ᠋ᠠ᠂ ᠨᠡᠩᠴᠦ ᠶᠣᠯᠬᠤᠭᠤᠷ ᠭᠡᠳᠡᠰᠦᠲᠡᠢ ᠭᠡᠭᠡᠨ᠂ ᠪᠥᠬᠡᠴᠢᠨ ᠶᠠᠪᠤᠭᠰᠠᠨ ᠳ᠋ᠠ ᠯᠠᠮᠠᠶᠢ! ᠴᠣᠬᠤᠮ ᠭᠠᠷ ᠫᠤᠤᠪᠠᠷ ᠫᠤᠤᠳᠠᠵᠤ ᠤᠨᠠᠭᠠᠳᠠᠭ ᠪᠣᠯᠤᠤ! ᠬᠠᠷᠢᠨ ᠰᠦᠮᠡᠶᠢᠨ ᠠᠷᠢᠭᠤᠨ ᠶᠡᠨᠳᠡᠷ ᠳᠡᠭᠡᠷᠡ᠂ ᠱᠠᠭᠢᠮᠤᠨᠢᠶᠢᠨ ᠭᠡᠭᠡᠨ ᠨᠢᠳᠦᠨ ᠳᠣᠣᠷᠠ᠂ ᠪᠤᠤᠯᠠ ᠴᠢᠰᠤ ᠨᠥᠵᠢᠶᠢᠨᠢ ᠪᠢᠯᠳᠠ ᠳ᠋ᠠ ! ᠨᠢᠭᠦᠯ ᠬᠤᠷᠢᠶᠠᠵᠤ ᠦᠢᠯᠡᠶᠢᠨ ᠦᠷᠡᠪᠡᠨ ᠲᠠᠷᠢᠬᠤᠦᠭᠡᠢᠶᠢᠨ ᠲᠥᠯᠦᠭᠡ ᠵᠠᠯᠠᠭᠤ ᠴᠢᠪᠠᠭᠠᠨᠴᠠᠶᠢ ᠴᠣᠬᠢᠨ ᠤᠨᠠᠭᠠᠬᠤ ᠦᠶᠡᠰ ᠨᠢᠳᠦᠪᠡᠨ ᠠᠨᠢᠵᠤ ᠨᠠᠮᠠᠨᠴᠢᠯᠠᠶᠠ ᠭᠡᠵᠦ ᠲᠡᠷᠡ ᠪᠣᠳᠤᠪᠠ!
ᠥᠨᠥ ᠨᠠᠮᠬᠠᠨ ᠪᠢᠴᠢᠬᠠᠨ ᠵᠠᠩᠵᠤᠨ᠂ ᠥᠨᠳᠦᠷ ᠲᠠᠷᠭᠤᠨ ᠭᠡᠭᠡᠨᠦ ᠥᠭᠡᠳᠡ ᠴᠣᠷᠤᠢᠨ᠂ ᠰᠢᠷᠠ ᠣᠷᠬᠢᠮᠵᠢᠶᠢᠨᠢ ᠬᠠᠤ ᠲᠠᠲᠠᠭᠠᠳ 《ᠴᠢᠳᠭᠦᠷᠦᠨ ᠠᠷᠠᠰᠤ!》 ᠭᠡᠵᠦ ᠠᠮᠠᠨᠳᠠᠭᠠᠨ ᠵᠦᠬᠡᠭᠰᠡᠭᠡᠷ ᠳᠦᠷᠡᠯᠵᠡᠬᠦ ᠭᠠᠯᠳᠤ ᠰᠢᠳᠡᠵᠦ ᠣᠷᠤᠭᠤᠯᠪᠠ᠃ ᠬᠦᠷᠡᠩ᠂ ᠰᠢᠷᠠ ᠥᠩᠭᠡᠨᠢ ᠴᠢᠳᠭᠦᠷᠦᠨ ᠢᠪᠡᠭᠡᠯᠲᠦ ᠥᠩᠭᠡᠶᠦᠮ ᠪᠠᠢᠨᠠ ᠰᠢᠤ ᠭᠡᠵᠦ ᠪᠣᠳᠤᠭᠰᠠᠭᠠᠷ᠂ ᠬᠠᠮᠠᠷ ᠯᠣᠳᠤᠨ ᠳ᠋ᠠ ᠯᠠᠮᠠᠶᠢᠨ ᠢᠴᠢᠭᠦᠷᠢ ᠭᠤᠲᠤᠮᠰᠢᠭᠢ ᠱᠣᠬᠤᠭᠤᠷᠠᠬᠤᠪᠠᠷ ᠤᠷᠤᠭᠰᠢ ᠨᠥᠷᠢᠲᠡᠯᠡ᠂ ᠬᠥᠯᠳᠦᠨᠢ ᠨᠢᠭᠡ ᠬᠠᠪ ᠬᠠᠲᠠᠭᠤ ᠶᠠᠭᠤᠮᠠ ᠲᠣᠷᠪᠠ᠃ ᠨᠢᠳᠦ ᠬᠠᠷᠠᠪᠠᠯ ᠯᠤᠤᠶᠢᠨ ᠬᠡᠲᠡᠢ ᠮᠥᠩᠭᠦᠨ ᠴᠥᠭᠦᠴᠡ ᠠᠵᠢ᠃ ᠬᠠᠮᠠᠷ ᠯᠣᠳᠤᠨ ᠥᠪᠡᠷᠦᠨ ᠡᠷᠬᠡᠦᠭᠡᠢ ᠥᠯᠮᠡᠢᠪᠡᠷᠢᠶᠡᠨ ᠬᠠᠮᠤᠵᠤ ᠣᠢᠷᠠᠲᠤᠭᠤᠯᠤᠭᠠᠳ᠂ ᠰᠡᠮᠬᠡᠨ ᠰᠢᠭᠦᠷᠡᠵᠦ ᠡᠪᠦᠷᠯᠡᠬᠦ ᠰᠠᠨᠠᠭᠠᠲᠠᠢ ᠪᠥᠬᠦᠢᠭᠰᠡᠨᠢᠶᠡᠨ ᠬᠥᠯᠦᠰᠦ ᠭᠬᠢᠷ ᠪᠣᠯᠤᠭᠰᠠᠨ ᠰᠡᠮᠡᠷᠬᠡᠢ ᠬᠠᠨᠲᠠᠭᠠᠵᠠᠶᠢᠨᠢᠶᠠᠨ ᠳᠡᠭᠡᠭᠦᠷ ᠰᠢᠷᠠ ᠬᠣᠷᠭᠤᠢ ᠡᠯᠢᠭᠡᠪᠴᠢ ᠳᠠᠪᠬᠤᠷᠯᠠᠵᠤ ᠡᠮᠦᠰᠴᠦ ᠶᠠᠪᠤᠭᠠᠪᠠᠨ ᠭᠡᠨᠡᠳᠲᠡ ᠣᠯᠵᠤ ᠦᠵᠡᠪᠡ᠃ ᠠᠢ ᠪᠠᠯᠠᠷᠠ! ᠵᠠᠭᠷᠠᠢᠮᠠᠶᠢᠨ ᠣᠶᠤᠵᠤ ᠳᠤᠷᠠᠰᠭᠠᠭᠰᠠᠨ ᠡᠨᠡ ᠡᠯᠢᠭᠡᠪᠴᠢᠶᠢ ᠲᠡᠷᠡ ᠶᠡᠷᠦᠡᠴᠡ ᠢᠯᠡ ᠪᠤᠯᠲᠠᠢᠯᠭᠠᠭᠰᠠᠨᠦᠭᠡᠢᠰᠠᠨ᠃ ᠥᠨᠥᠳᠦᠷ ᠵᠠᠩᠵᠤᠨ ᠦᠵᠡᠬᠦ ᠭᠡᠵᠦ ᠬᠡᠢᠷᠬᠡᠵᠦ ᠪᠠᠢᠭᠰᠠᠭᠠᠷ ᠲᠡᠷᠯᠢᠭᠢᠶᠡᠨ ᠡᠮᠦᠰᠴᠦ ᠢᠷᠡᠬᠦᠪᠡᠨ ᠲᠠᠭ ᠮᠠᠷᠲᠠᠵᠠᠢ᠃ ᠬᠠᠮᠠᠷ ᠯᠣᠳᠤᠨᠤ ᠳᠣᠲᠤᠷᠠ ᠫᠠᠯ ᠬᠢᠵᠦ ᠡᠳᠡᠴᠢᠨᠢ ᠭᠡᠭᠡᠨᠢ ᠬᠦᠷᠲᠡᠯᠡ ᠨᠣᠭᠤᠭᠠᠨᠤ ᠪᠢᠷᠠᠭᠤᠶᠢᠨ ᠪᠡᠨᠡᠲᠡᠢ ᠦᠵᠡᠬᠦᠦᠭᠡᠢ᠂ ᠬᠠᠮᠢᠭᠠᠰᠢᠨᠢ ᠵᠠᠯᠠᠨᠠ ᠭᠡᠪᠡᠯ ᠲᠡᠰᠢᠨᠢ ᠭᠤᠶᠠᠳᠠᠵᠤ ᠪᠠᠢᠬᠤᠶᠤᠮᠴᠢᠨᠢ᠂ ᠬᠠᠮᠠᠷ ᠯᠣᠳᠤᠨᠢ ᠶᠠᠭᠤ ᠪᠠᠢᠬᠤᠪ᠂ ᠰᠢᠷᠠ ᠡᠯᠢᠭᠡᠪᠴᠢᠲᠡᠢᠨᠢ ᠭᠠᠯᠳᠤ ᠰᠢᠳᠡᠭᠰᠡᠨᠴᠦ ᠪᠦᠷ ᠴᠢᠳᠠᠬᠤ ᠭᠠᠷᠤᠳ ᠡ!ᠦᠭᠡᠢ᠂ ᠶᠡᠷᠦᠨᠢ ᠪᠢᠴᠢᠬᠠᠨ ᠵᠠᠩᠵᠤᠨᠤ ᠨᠢᠳᠦᠨᠳᠦ ᠥᠷᠲᠦᠭᠡᠦᠭᠡᠢ ᠵᠠᠪᠲᠤ! ᠭᠡᠳ ᠲᠡᠷᠡ ᠠᠷᠤᠳᠠᠬᠢ ᠬᠥᠮᠦᠰᠢᠶᠡᠨ ᠪᠥᠭᠰᠡᠪᠡᠷᠢᠶᠡᠨ ᠨᠦᠳᠦᠴᠢᠨ ᠪᠠᠢᠵᠤ᠂ ᠣᠯᠠᠨᠤ ᠬᠦᠷᠢᠶᠡᠨᠡᠴᠡ ᠴᠣ᠋ ᠴᠢᠮᠠᠢ ᠰᠢᠪᠲᠤᠯᠵᠤ ᠭᠠᠷᠤᠭᠠᠳ ᠭᠣᠳ ᠵᠢᠭᠤᠳᠠᠪᠠ᠃
ᠬᠡᠳᠦᠨ ᠳᠣᠪᠤᠶᠢ ᠮᠡᠳᠡᠭᠡᠲᠡᠢ ᠮᠡᠳᠡᠭᠡᠦᠭᠡᠢ ᠳᠠᠪᠠᠵᠤ᠂ ᠨᠠᠭᠤᠷᠤᠨ ᠤᠰᠤᠶᠢ ᠭᠤᠲᠤᠯᠲᠠᠢᠪᠠᠨ ᠳᠣᠭᠤᠴᠠᠵᠤ ᠭᠦᠶᠦᠭᠰᠡᠭᠡᠷ ᠬᠣᠲᠠᠪᠠᠨ ᠣᠢᠷᠠᠲᠤᠭᠰᠠᠨᠢᠶᠠᠨ ᠮᠡᠳᠡᠪᠡ᠃ ᠭᠡᠷ ᠤᠷᠤᠭᠤᠪᠠᠨ ᠰᠠᠷᠠᠪᠴᠢᠯᠠᠭᠰᠠᠨᠢᠶᠠᠨ ᠵᠣᠭ ᠲᠣᠰᠴᠤ ᠮᠡᠯᠡᠷᠡᠴᠢᠬᠡᠪᠡ᠃ ᠮᠠᠢᠵᠢᠭᠢ ᠪᠣᠷᠤ ᠭᠡᠷᠦᠨ ᠬᠢᠨᠢ ᠡᠭᠦᠳᠡᠨᠳᠦ ᠬᠥᠮᠦᠨ ᠠᠮᠢᠲᠠᠨ ᠣᠪᠤᠭᠠᠷᠠᠯᠳᠤᠨ ᠬᠥᠯ ᠪᠣᠯᠵᠤ ᠪᠠᠢᠨᠠ᠃ ᠪᠣᠳᠤᠪᠠᠯ ᠬᠤᠪᠢᠰᠭᠠᠯ ᠬᠢᠵᠦ ᠪᠠᠢᠭᠠ ᠪᠣᠯᠤᠯᠲᠠᠢ᠃ ᠬᠠᠮᠠᠷ ᠯᠣᠳᠤᠨᠤ ᠲᠣᠯᠤᠭᠠᠢᠶᠢᠨ ᠦᠰᠦᠨᠢ ᠨᠢᠭᠡ ᠨᠢᠭᠡᠪᠡᠷ ᠪᠣᠰᠤᠭᠠᠳ᠂ ᠰᠢᠷᠠ ᠡᠯᠢᠭᠡᠪᠴᠢᠪᠡᠨ ᠲᠠᠢᠯᠵᠤ ᠬᠤᠮᠢᠵᠤ ᠬᠤᠮᠢᠭᠠᠳ᠂ ᠳᠡᠷᠡᠰᠦᠨᠦ ᠰᠤᠯᠢ ᠳᠣᠭᠤᠤᠷ ᠡᠪᠲᠡᠢᠬᠡᠨ ᠰᠢᠷᠭᠤᠭᠤᠯᠵᠤ ᠲᠠᠯᠪᠢᠪᠠ᠃ ᠤᠷᠤᠭᠰᠢ ᠬᠣᠶᠠᠷ ᠠᠯᠬᠤᠭᠰᠠᠨᠢᠶᠠᠨ ᠶᠡᠷᠦ ᠵᠢᠭᠠᠬᠠᠨ ᠬᠠᠨᠤᠮᠵᠢᠦᠭᠡᠢ ᠰᠠᠨᠠᠭᠳᠠᠭᠠᠳ ᠪᠠᠢᠬᠤᠯᠠᠷ᠂ ᠬᠠᠷᠠ ᠲᠣᠷᠭᠠᠨ ᠲᠣᠭᠤᠷᠴᠤᠭᠠᠴᠠᠪᠠᠨ ᠬᠠᠭᠵᠠᠷᠬᠠᠢ ᠮᠠᠢᠵᠢᠭᠢ ᠭᠤᠲᠤᠯᠳᠠᠭᠠᠨ ᠣᠷᠤᠲᠠᠯᠠ ᠳᠠᠬᠢᠵᠤ ᠨᠢᠭᠡ ᠤᠳᠠᠭᠠ ᠨᠡᠩᠵᠢᠯᠲᠡ ᠬᠢᠪᠡ᠃ ᠴᠢᠩᠭᠢᠭᠡᠳ ᠬᠦᠷᠡᠩ ᠳᠠᠯᠢᠩᠪᠤᠤ ᠲᠡᠯᠡᠢᠪᠡᠨ ᠲᠦᠭᠳᠡᠷᠡᠯᠦᠭᠡᠢ ᠲᠠᠢᠯᠵᠤ ᠠᠪᠤᠭᠠᠳ᠂ ᠡᠪᠡᠰᠦᠨᠦ ᠥᠳᠭᠡᠨᠳᠦ ᠭᠤᠯᠳᠤᠢᠲᠠᠯᠠ ᠰᠢᠳᠡᠵᠡᠢ᠃ ᠣᠳᠣ ᠶᠠᠭᠤᠴᠤ ᠭᠡᠰᠡᠨ ᠭᠠᠢᠭᠤᠢ ᠪᠠᠢᠬᠤ ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠤᠷᠲᠤᠬᠠᠨ ᠠᠮᠢᠰᠭᠤᠵᠤ ᠠᠪᠤᠭᠠᠳ᠂ ᠠᠭᠤᠵᠢᠮ ᠵᠠᠬᠠᠲᠠᠢ ᠳᠠᠪᠬᠤᠷ ᠥᠮᠦᠳᠦᠪᠡᠨ ᠲᠠᠲᠠᠭᠰᠠᠭᠠᠷ ᠭᠡᠷ ᠵᠦᠭᠢᠶᠡᠨ ᠬᠡᠬᠦᠯᠵᠡᠨ ᠠᠯᠬᠤᠪᠠ᠃
ᠬᠠᠮᠠᠷᠲᠤ ᠪᠢ ᠠᠮᠪᠠᠨ ᠰᠠᠭᠤᠭᠰᠠᠨ ᠪᠠᠢᠬᠤᠳᠤ ᠮᠡᠩᠭᠡᠲᠦᠶᠢᠨ ᠬᠦᠦ ᠳᠥᠩᠭᠡᠵᠢ ᠵᠠᠩᠭᠢᠯᠠ ᠪᠢᠵᠡ!
ᠵᠦᠢᠷᠡᠢ ᠠᠪᠳᠠᠷᠠᠨᠢ ᠡᠭᠦᠳᠡᠨ ᠭᠠᠳᠠᠨᠠ ᠬᠠᠶᠠᠭᠳᠠᠵᠤ᠂ ᠴᠤᠯᠤ ᠨᠣᠭᠤᠭᠠᠨ ᠬᠤᠪᠴᠠᠰᠤᠯᠠᠭᠰᠠᠨ ᠮᠡᠩᠭᠡᠲᠦᠶᠢᠨ ᠬᠦᠦ ᠵᠢᠵᠢᠭ ᠤᠯᠠᠭᠠᠨ ᠳᠡᠪᠲᠡᠷ ᠳᠡᠯᠭᠡᠭᠡᠳ: 《ᠬᠠᠮᠤᠭᠤᠨ ᠳᠡᠭᠡᠳᠦ ᠵᠢᠭᠠᠪᠤᠷᠢ: ᠁ ᠴᠣᠬᠢᠬᠤᠦᠭᠡᠢ ᠪᠣᠯ ᠤᠨᠠᠬᠤᠦᠭᠡᠢ ᠁》 ᠭᠡᠵᠦ ᠣᠯᠠᠨᠳᠤ ᠤᠬᠠᠭᠤᠯᠭᠠ ᠲᠠᠯᠪᠢᠨᠠ᠃ ᠵᠡᠭᠦᠨ ᠠᠢᠯᠤᠨ ᠲᠠᠷᠬᠠᠨᠤ ᠲᠣᠮᠤ ᠠᠯᠤᠬᠠᠶᠢ ᠠᠯᠢ ᠵᠠᠪᠲᠤᠨᠢ ᠠᠪᠴᠢᠷᠠᠭᠰᠠᠨᠢ ᠪᠤᠤ ᠮᠡᠳᠡ᠂ ᠨᠢᠭᠡᠨ ᠮᠠᠷᠢᠶᠠ ᠮᠢᠬᠠᠲᠠᠢ ᠪᠢᠴᠢᠬᠠᠨ ᠵᠠᠩᠵᠤᠨ ᠳᠡᠭᠡᠷᠡ ᠭᠡᠭᠴᠢ ᠳᠠᠯᠠᠢᠵᠤ ᠵᠣᠭᠰᠤᠭᠠᠳ᠂ ᠬᠠᠵᠠᠭᠤᠳᠠᠬᠢᠪᠠᠨ ᠶᠠᠷᠢᠶᠠ ᠲᠡᠭᠦᠰᠦᠮᠡᠭᠴᠡ᠂ ᠠᠪᠳᠠᠷᠠ ᠳᠡᠭᠡᠷᠡ ᠨᠢᠴᠠ ᠪᠠᠭᠤᠯᠭᠠᠬᠤᠳᠤ ᠪᠡᠯᠡᠬᠡᠨ ᠪᠠᠢᠨᠠ᠃ ᠬᠠᠮᠠᠷ ᠯᠣᠳᠤᠨ ᠡᠭᠡᠷ ᠲᠠᠲᠠᠵᠤ ᠠᠪᠤᠭᠠᠳ᠂ ᠮᠡᠩᠭᠡᠲᠦᠶᠢᠨ ᠬᠦᠦ ᠵᠦᠭ ᠲᠡᠮᠡᠦᠯᠬᠦᠳᠡᠭᠡᠨ ᠠᠪᠳᠠᠷᠠ ᠳᠣᠲᠤᠷᠠᠠᠴᠠ ᠭᠣᠭᠤᠵᠢᠵᠤ ᠭᠡᠭᠡᠭᠳᠡᠭᠰᠡᠨ ᠶᠠᠭᠠᠨ ᠳᠤᠷᠳᠤᠩ ᠠᠯᠴᠢᠭᠤᠷ ᠣᠯᠠᠨᠤ ᠬᠥᠯᠳᠦ ᠳᠡᠪᠰᠡᠭᠳᠡᠨ ᠪᠠᠢᠭᠠᠶᠢ ᠦᠵᠡᠭᠡᠳ ᠰᠡᠮᠬᠡᠨ ᠰᠢᠭᠦᠷᠡᠵᠦ ᠠᠪᠤᠭᠠᠳ ᠲᠡᠯᠡᠢᠯᠠᠪᠡ᠃
《ᠨᠠᠢᠷ ᠪᠣᠳᠤᠵᠤ ᠥᠷᠦᠰᠢᠶᠡᠯ ᠦᠵᠡᠭᠦᠯᠴᠢᠬᠡ᠂ ᠳᠡᠭᠦᠦᠮᠢᠨᠢ!》
《ᠭᠣᠷᠢᠦᠭᠡᠢ᠂ ᠭᠣᠷᠢᠦᠭᠡᠢ᠂ ᠳᠥᠷᠪᠡᠨ ᠬᠠᠭᠤᠴᠢᠨ ᠰᠤᠷᠲᠠᠯᠢ ᠡᠪᠳᠡᠬᠦᠨᠢ ᠮᠠᠨᠤ ᠤᠯᠠᠭᠠᠨ ᠬᠠᠮᠠᠭᠠᠯᠠᠬᠤ ᠴᠡᠷᠢᠭᠦᠨ ᠳᠠᠷᠬᠠᠨ ᠦᠢᠯᠡᠰ! ᠨᠠᠳᠠᠲᠠᠢ ᠪᠠᠢᠲᠤᠭᠠᠢ ᠡᠪᠦᠭᠡᠲᠡᠢᠮᠢᠨᠢ ᠨᠠᠢᠷᠲᠠᠢ ᠶᠠᠪᠤᠭᠰᠠᠨᠴᠤ ᠢᠯᠳᠠᠷ ᠬᠠᠶᠠᠬᠤᠦᠭᠡᠢ᠃ ᠶᠠᠭᠤ ᠪᠣᠯᠤᠭᠰᠠᠨᠴᠤ ᠹᠧᠣᠳᠠᠯ ᠶᠣᠰᠤᠶᠢ ᠤᠬᠠᠭᠤᠯᠤᠭᠰᠠᠨ ᠵᠢᠷᠤᠭᠢ ᠦᠯᠡᠳᠡᠭᠡᠵᠦ ᠪᠣᠯᠬᠤᠦᠭᠡᠢ!》
《ᠯᠣᠳᠤᠨ ᠠᠬᠠᠨᠢ ᠠᠯᠲᠠᠨ ᠯᠤᠤᠪᠠᠨ ᠁ᠦᠭᠡᠢ᠂ ᠬᠠᠷᠠ ᠹᠸᠣᠳᠠᠯᠢᠶᠠᠨ ᠠᠷᠢᠯᠭᠠᠭᠠᠳ ᠬᠠᠶᠠᠴᠢᠬᠠᠪᠠᠯ ᠠᠪᠳᠠᠷᠠᠶᠢᠮᠢᠨᠢ ᠪᠠᠯᠪᠠᠴᠢᠬᠤᠦᠭᠡᠢᠳᠤ ᠪᠣᠯᠤᠨᠠᠤᠤ?》 ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠰᠡᠬᠡᠭᠡᠦᠭᠡᠢ ᠠᠰᠠᠭᠤᠬᠤᠳᠤ:
《ᠠᠷᠢᠯᠭᠠᠭᠠᠳ ᠬᠠᠶᠠᠨᠠ ᠭᠡᠨᠡ? ᠲᠡᠭᠡᠪᠡᠯ ᠪᠠᠰᠠ ᠶᠠᠭᠠᠮᠠᠢ᠂ ᠬᠣᠣᠷ ᠲᠠᠷᠬᠠᠭᠠᠭᠰᠠᠨᠢᠶᠠᠨ ᠣᠯᠠᠨᠤ ᠨᠢᠭᠤᠷ ᠳᠡᠭᠡᠷᠡ ᠮᠡᠳᠡᠷᠡᠳᠡᠭᠶᠦᠮ ᠪᠣᠯ ᠶᠠᠭᠠᠬᠢᠬᠤᠪ᠂ ᠤᠯᠠᠭᠠᠨ ᠲᠠᠪᠤᠨ ᠲᠥᠷᠦᠯᠳᠦ ᠪᠠᠭᠲᠠᠭᠰᠠᠨᠳᠤᠴᠢᠨᠢᠯᠠ ᠨᠠᠢᠷ ᠬᠠᠷᠠᠵᠤ ᠨᠢᠭᠡ ᠤᠳᠠᠭᠠ ᠠᠭᠤᠴᠢᠯᠠᠴᠢᠬᠠᠶᠠ!》 ᠭᠡᠳ ᠰᠦᠪᠡᠭᠡ ᠲᠤᠯᠤᠨ ᠰᠦᠷ ᠮᠠᠨᠳᠤᠭᠤᠯᠵᠤ ᠪᠠᠢᠭᠰᠠᠨ ᠮᠡᠩᠭᠡᠲᠦᠶᠢᠨ ᠬᠦᠦ ᠵᠢᠭᠠᠬᠠᠨ ᠠᠶᠠᠳᠠᠵᠤ ᠵᠥᠭᠡᠯᠡᠷᠡᠪᠡ᠃
ᠪᠠᠢᠳᠠᠭ ᠪᠠᠭᠠᠵᠢᠪᠠᠨ ᠪᠠᠷᠢᠭᠠᠳᠠ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠲᠤᠯᠠ ᠬᠠᠮᠠᠷ ᠯᠣᠳᠤᠨ ᠭᠠᠷ ᠮᠤᠬᠤᠷᠳᠠᠵᠤ ᠰᠠᠨᠳᠤᠷᠤᠨᠠ᠃ ᠠᠪᠳᠠᠷᠠᠶᠢᠨ ᠬᠥᠨᠳᠡᠢᠪᠡᠷ ᠡᠮᠲᠡᠷᠡᠵᠦ ᠮᠣᠬᠤᠭᠰᠠᠨ ᠤᠭᠤᠯᠢᠶᠢᠨ ᠲᠣᠯᠤᠭᠠᠢᠪᠠᠨ ᠰᠠᠨᠠᠵᠤ᠂ ᠮᠤᠷᠤᠢ ᠮᠣᠳᠤᠨᠳᠤ ᠳᠥᠭᠦᠮᠬᠡᠨ ᠡᠰᠢᠯᠡᠪᠡ᠃
ᠲᠦᠰ - ᠮᠣᠬᠤᠭᠤ ᠤᠭᠤᠯᠢᠶᠢᠨ ᠲᠤᠰᠤᠯᠲᠠ ᠬᠠᠮᠠᠷ ᠯᠣᠳᠤᠨᠤ ᠵᠢᠷᠦᠬᠡᠶᠢ ᠣᠨᠤᠪᠠ᠃ ᠮᠠᠩᠨᠠᠢ ᠳᠦᠭᠦᠷᠡᠩ ᠳᠠᠭᠠᠪᠤᠷᠢᠯᠠᠬᠤ ᠬᠥᠯᠦᠰᠦᠨᠢ ᠮᠡᠯᠮᠡᠢ ᠳᠦᠭᠦᠷᠡᠩ ᠲᠤᠨᠤᠯᠵᠠᠬᠤ ᠨᠢᠯᠪᠤᠰᠤᠲᠠᠢᠨᠢ ᠨᠡᠢᠯᠡᠭᠡᠳ ᠮᠠᠨᠴᠤᠷᠭᠠᠨ ᠬᠠᠮᠠᠷᠤᠨ ᠬᠢᠨᠢ ᠤᠭᠢᠶᠠᠷ ᠵᠢᠮ ᠪᠣᠯᠤᠨ ᠵᠤᠷᠠᠢᠭᠰᠠᠭᠠᠷ ᠵᠠᠪᠠᠵᠢᠨᠳᠤᠨᠢ ᠬᠤᠷᠠᠵᠤ ᠱᠣᠷᠪᠤᠭ ᠠᠮᠲᠠ ᠠᠮᠲᠠᠭᠳᠠᠨᠠ᠃ ᠮᠠᠨᠳᠠᠭᠠᠨᠴᠤ ᠴᠢᠪᠠᠭᠠᠨᠴᠠᠲᠠᠢ ᠭᠡᠷᠯᠡᠭᠰᠡᠨᠦᠭᠡᠢ᠂ ᠴᠢᠪᠠᠭᠠᠨᠴᠠᠲᠠᠢ ᠭᠡᠷᠯᠡᠭᠰᠡᠨ ᠪᠣᠯ ᠪᠠᠰᠠ ᠨᠢᠭᠡ ᠹᠸᠣᠳᠠᠯᠢᠶᠠᠨ ᠠᠷᠢᠯᠭᠠᠭᠤᠯᠬᠤ ᠪᠣᠯᠤᠨᠠ᠃
ᠮᠡᠩᠭᠡᠲᠦᠶᠢᠨ ᠬᠦᠦ ᠴᠣᠬᠤᠮ ᠶᠠᠭᠤ ᠪᠣᠳᠤᠭᠰᠠᠨᠢ ᠪᠤᠤ ᠮᠡᠳᠡ᠂ ᠬᠠᠮᠠᠷ ᠯᠣᠳᠤᠨᠳᠤ ᠪᠣᠭᠲᠤᠰᠤᠨ ᠲᠡᠮᠳᠡᠭᠢᠶᠡᠨ ᠪᠡᠯᠡᠭᠯᠡᠵᠦ ᠵᠡᠭᠦᠯᠭᠡᠭᠡᠳ: 《ᠯᠣᠳᠤᠨᠳᠤ ᠮᠡᠨᠳᠦᠴᠢᠯᠡᠯ ᠬᠦᠷᠭᠡᠶᠡ! ᠯᠣᠳᠤᠨᠲᠠᠢ ᠬᠠᠮᠲᠤ ᠪᠠᠢᠯᠳᠤᠵᠤ᠂ ᠯᠣᠳᠤᠨᠲᠠᠢ ᠬᠠᠮᠲᠤ ᠢᠯᠠᠯᠲᠠ ᠣᠯᠤᠨᠠ!》 ᠭᠡᠵᠦ ᠬᠠᠰᠭᠢᠷᠤᠭᠰᠠᠭᠠᠷ ᠣᠮᠤᠭᠲᠠᠢᠬᠠᠨ ᠠᠶᠠᠷᠯᠠᠨ ᠣᠳᠴᠠᠢ᠃
ᠬᠠᠮᠠᠷ ᠯᠣᠳᠤᠨ ᠰᠤᠭᠤᠨᠢ ᠬᠡᠭᠵᠡᠷᠡᠵᠦ᠂ ᠮᠥᠷᠦᠨᠢ ᠲᠠᠰᠤᠷᠠᠭᠰᠠᠨ ᠰᠡᠮᠡᠷᠬᠡᠢ ᠬᠠᠨᠲᠠᠭᠠᠵᠠᠶᠢᠨᠢᠶᠠᠨ ᠬᠠᠨᠴᠤᠢᠳᠤ ᠤᠯᠠᠯᠵᠠᠬᠤ ᠠᠮᠢᠨ ᠰᠠᠬᠢᠶᠠᠲᠠᠢ ᠤᠯᠠᠭᠠᠨ 《ᠳᠤᠭ》ᠢ ᠰᠠᠨᠠᠨ ᠰᠠᠨᠠᠨ ᠰᠢᠨᠵᠢᠭᠰᠡᠭᠡᠷ᠂ ᠳᠣᠭᠳᠤᠯᠤᠨ ᠬᠥᠭᠰᠡᠭᠰᠡᠨ ᠭᠡᠵᠦ ᠵᠢᠭᠲᠡᠢ᠃ ᠡᠰᠡᠯᠡ ᠰᠣᠯᠢᠶᠠᠷᠠᠪᠠ᠃ ᠬᠠᠮᠠᠷ ᠬᠠᠰᠢᠯᠠ ᠬᠠᠮᠠᠷ᠃ ᠰᠢᠷᠠ ᠬᠣᠷᠭᠤᠢ ᠡᠯᠢᠭᠡᠪᠴᠢ᠂ ᠬᠦᠷᠡᠩ ᠳᠠᠯᠢᠩᠪᠤᠤ ᠲᠡᠯᠡᠢᠪᠡᠷᠢᠶᠡᠨ ᠡᠢᠮᠦ ᠰᠠᠢᠬᠠᠨ ᠶᠠᠭᠤᠮᠠ ᠰᠣᠯᠢᠭᠠᠳ ᠨᠢᠳᠦ ᠢᠷᠮᠡᠬᠦ ᠵᠠᠭᠤᠷᠠ ᠰᠠᠬᠢᠭᠤᠯᠰᠤᠨᠤ ᠡᠩᠨᠡᠭᠡᠨᠳᠦ ᠲᠠᠯᠪᠢᠭᠠᠳ ᠣᠷᠤᠴᠢᠬᠠᠪᠠ᠃ ᠯᠣᠳᠤᠨ ᠤᠷᠢᠳᠤᠶᠢᠨ ᠯᠣᠳᠤᠨ ᠪᠢᠰᠢ ᠪᠣᠯᠵᠠᠢ᠂ ᠣᠳᠣᠴᠢᠨᠢ ᠵᠠᠩᠵᠤᠨ ᠮᠥᠷᠲᠡᠭᠡᠨ ᠭᠠᠯᠤᠨ ᠠᠬᠠᠨᠢ ᠡ ᠁ ᠬᠠᠮᠠᠷ ᠯᠣᠳᠤᠨ ᠭᠡᠨᠡᠳᠲᠡ ᠠᠪᠳᠠᠷᠠᠶᠢᠨ ᠢᠷᠤᠭᠠᠷᠢᠶᠠᠨ ᠠᠭᠤᠳᠠᠯᠤᠨ᠂ ᠹᠧᠣᠳᠠᠯ ᠪᠠᠢᠬᠤ ᠡᠰᠡᠬᠦᠶᠢ ᠪᠠᠢᠴᠠᠭᠠᠵᠤ ᠡᠬᠢᠯᠡᠪᠡ᠃ ᠰᠡᠮᠡᠷᠬᠡᠢ ᠬᠠᠳᠠᠭ᠂ ᠱᠠᠵᠠᠩ ᠬᠥᠬᠦᠷ᠂ ᠭᠠᠤᠯᠢᠨ ᠴᠥᠭᠦᠴᠡ ᠁ ᠳᠥᠷᠪᠡᠨ ᠬᠠᠭᠤᠴᠢᠨ ᠰᠤᠷᠲᠠᠯ ᠭᠡᠰᠡᠨᠶᠦᠮ ᠳ᠋ᠠ᠂ ᠮᠢᠨᠦ ᠡᠨᠡᠴᠢᠨᠢ ᠭᠤᠷᠪᠠᠬᠠᠨᠯᠠ ᠪᠠᠢᠨᠠ᠃ ᠥᠭᠡᠷᠡ ᠶᠠᠭᠤᠪᠠᠨ ᠰᠢᠯᠢᠵᠦ ᠭᠠᠷᠭᠠᠳᠠᠭ ᠪᠢᠯᠡ? ᠬᠠᠮᠠᠷ ᠯᠣᠳᠤᠨ ᠪᠠᠢᠳᠠᠭ ᠬᠥᠷᠦᠩᠭᠡ ᠳᠡᠭᠡᠷᠡᠪᠡᠨ ᠨᠢᠭᠡ ᠵᠡᠷᠭᠡ ᠨᠢᠳᠦ ᠪᠡᠯᠴᠢᠭᠡᠭᠰᠡᠨᠢᠶᠡᠨ ᠲᠤᠤᠵᠠ ᠬᠠᠳᠭᠤᠮᠠᠯᠲᠠᠢ ᠲᠣᠷᠭᠠᠨ ᠲᠡᠷᠯᠢᠭᠢᠶᠡᠨ ᠰᠢᠭᠦᠷᠦᠨ ᠠᠪᠤᠪᠠ᠃ ᠲᠡᠷᠡ ᠵᠢᠯ ᠪᠠᠳᠮᠠ ᠪᠡᠷᠭᠡᠨᠦ ᠪᠠᠯᠪᠠᠷᠬᠠᠢ ᠲᠣᠭᠤᠨᠤᠶᠢ ᠪᠦᠬᠦᠯᠢ ᠡᠳᠦᠷ ᠵᠠᠰᠠᠵᠤ ᠪᠠᠢᠭᠠᠳ ᠬᠡᠷᠡᠭ ᠪᠣᠯᠭᠠᠵᠤ ᠣᠶᠤᠭᠤᠯᠤᠭᠰᠠᠨᠶᠤᠮ ᠳ᠋ᠠᠭ᠃ ᠵᠠᠭᠷᠠᠢᠮᠠᠲᠠᠢ ᠭᠡᠷᠯᠡᠬᠦ ᠦᠶᠡᠳᠡᠭᠡᠨ ᠡᠮᠦᠰᠬᠦ ᠭᠡᠵᠦ ᠴᠣ᠋ ᠰᠢᠨᠡᠪᠡᠷᠨᠢ ᠬᠠᠳᠠᠭᠠᠯᠠᠭᠰᠠᠭᠠᠷ ᠡᠳᠦᠢ ᠪᠣᠯᠵᠠᠢ᠃ ᠬᠠᠶᠠᠪᠠᠯ ᠳᠡᠩᠴᠢ ᠬᠠᠢᠷᠠᠨ᠂ ᠪᠣᠯᠵᠠᠢ ᠴᠠᠰᠢ! ᠰᠢᠨᠡ ᠪᠣᠯᠪᠠᠴᠤ ᠬᠠᠭᠤᠴᠢᠨᠢᠶᠠᠷ ᠪᠣᠳᠤᠴᠢᠬᠠᠶᠠ! ᠵᠠᠩᠵᠤᠨ ᠪᠣᠯᠤᠭᠰᠠᠨ ᠬᠥᠮᠦᠨ ᠡᠳᠦᠢᠬᠡᠨᠢ ᠠᠯᠳᠠᠬᠤᠳᠤ ᠭᠡᠮᠰᠢᠬᠦ ᠶᠣᠰᠤ ᠶᠠᠭᠤ ᠪᠠᠢᠨᠠ? ᠁ ᠬᠠᠮᠠᠷ ᠯᠣᠳᠤᠨ 《ᠳᠥᠷᠪᠡᠨ ᠬᠠᠭᠤᠴᠢᠨ ᠰᠤᠷᠲᠠᠯ》ᠢ ᠴᠢᠳᠠᠨ ᠶᠠᠳᠠᠨ ᠪᠦᠷᠢᠳᠦᠭᠦᠯᠵᠦ᠂ ᠦᠨᠡᠰᠦᠨ ᠣᠪᠤᠭᠠᠨ ᠳᠡᠭᠡᠷᠡ ᠪᠤᠯᠠᠵᠤ ᠬᠠᠶᠠᠭᠠᠳ ᠢᠯᠠᠭᠤᠭᠰᠠᠨ ᠴᠢᠷᠠᠢᠳᠤᠨᠢ ᠪᠠᠶᠠᠰᠭᠤᠯᠠᠩ ᠲᠤᠶᠠᠭᠠᠷᠠᠪᠠ᠃
ᠵᠠᠩᠵᠤᠨ ᠪᠣᠯᠤᠭᠰᠠᠨ ᠬᠥᠮᠦᠨᠳᠦ ᠥᠭᠡᠷᠡ ᠶᠠᠭᠤ ᠬᠡᠷᠡᠭᠲᠡᠢ ᠪᠢᠯᠡ? ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠰᠦᠮᠡᠶᠢᠨ ᠬᠦᠷᠢᠶᠡᠨᠳᠦ᠂ ᠭᠡᠷᠦᠨ ᠬᠢᠨᠢ ᠡᠭᠦᠳᠡᠨᠳᠦ ᠪᠣᠯᠵᠤ ᠪᠠᠢᠭᠰᠠᠨ ᠠᠯᠢᠪᠠ ᠶᠠᠪᠤᠳᠠᠯᠢ ᠡᠷᠭᠢᠴᠡᠭᠦᠯᠪᠡ᠃ ᠥ ᠲᠡᠢᠮᠦ᠂ ᠮᠠᠯᠠᠭᠠᠢ ᠪᠠ ᠡᠩᠭᠡᠷ ᠳᠡᠭᠡᠷᠡᠪᠡᠨ ᠬᠥᠷᠦᠭ ᠵᠡᠭᠦᠭᠰᠡᠨ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠭᠠᠷᠲᠠᠭᠠᠨ ᠵᠢᠵᠢᠭ ᠤᠯᠠᠭᠠᠨ ᠳᠡᠪᠲᠡᠷ ᠠᠳᠭᠤᠭᠰᠠᠨ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠠᠮᠠ ᠨᠡᠭᠡᠭᠡᠬᠦ ᠪᠣᠯᠭᠠᠨ 《ᠬᠠᠮᠤᠭᠤᠨ ᠳᠡᠭᠡᠳᠦ ᠵᠢᠭᠠᠪᠤᠷᠢ》 ᠭᠡᠵᠦ ᠤᠩᠰᠢᠬᠤ ᠬᠡᠷᠡᠭᠲᠡᠢ! ᠭᠡᠲᠡᠯᠡ 《ᠬᠠᠮᠤᠭᠤᠨ ᠳᠡᠭᠡᠳᠦ ᠵᠢᠭᠠᠪᠤᠷᠢ》ᠨᠢ ᠶᠠᠭᠤ ᠪᠣᠯᠬᠤᠶᠢ ᠬᠠᠮᠠᠷ ᠯᠣᠳᠤᠨ ᠶᠠᠭ ᠮᠡᠳᠡᠬᠦᠦᠭᠡᠢ ᠲᠤᠯᠠ᠂ 《ᠤᠮ ᠮᠠᠨᠢ ᠪᠠᠳ ᠮᠧ ᠬᠤᠮ》 ᠭᠡᠵᠦ ᠤᠩᠰᠢᠬᠤ ᠪᠣᠯᠳᠠᠭ ᠪᠣᠯᠤᠤ? ᠭᠡᠵᠦ ᠪᠣᠳᠤᠵᠠᠢ᠃ ᠮᠠᠷᠭᠠᠰᠢᠠᠴᠠᠨᠢ ᠬᠠᠮᠠᠷ ᠯᠣᠳᠤᠨ ᠬᠠᠷᠠ ᠪᠣᠷᠤ ᠠᠵᠢᠯᠢᠶᠠᠨ ᠬᠠᠶᠠᠭᠠᠳ ᠡᠨᠳᠡ ᠲᠡᠨᠳᠡ ᠭᠦᠶᠦᠵᠦ᠂ ᠬᠠᠮᠤᠭᠤᠨ ᠳᠡᠭᠡᠳᠦ ᠵᠢᠭᠠᠪᠤᠷᠢ ᠭᠡᠵᠦ ᠪᠣᠯᠪᠠᠰᠤᠷᠠᠵᠤ ᠡᠬᠢᠯᠡᠪᠡ᠃ ᠴᠢᠩᠭᠢᠭᠡᠳ ᠠᠢᠯᠤᠨ ᠬᠣᠭᠤᠯᠠ ᠬᠤᠰᠢᠨ ᠳᠡᠭᠡᠷᠡ ᠲᠠᠭᠠᠷᠠᠪᠠᠯ: ᠬᠠᠭᠤᠴᠢᠨ ᠪᠡᠯᠡᠨᠢᠶᠡᠨ ᠢᠳᠡᠵᠦ ᠪᠣᠯᠬᠤᠦᠭᠡᠢ᠂ ᠰᠢᠨᠡ ᠭᠤᠯᠢᠷ ᠪᠠᠢᠬᠤ ᠬᠡᠷᠡᠭᠲᠡᠢ ᠬᠡᠮᠡᠬᠦ ᠪᠣᠯᠵᠠᠢ᠃ ᠬᠠᠮᠤᠭᠤᠨ ᠠᠮᠵᠢᠯᠲᠠᠲᠠᠢ ᠰᠤᠷᠴᠤ ᠬᠡᠷᠡᠭᠯᠡᠭᠰᠡᠨ ᠨᠢᠭᠡ ᠤᠳᠠᠭᠠ ᠭᠡᠪᠡᠯ ᠬᠥᠳᠡᠭᠡᠶᠢᠨ ᠬᠡᠳᠦᠨ ᠵᠠᠯᠠᠭᠤᠰ 《ᠪᠠᠢᠯᠳᠤᠬᠤ ᠠᠩᠭᠢ》 ᠪᠠᠢᠭᠤᠯᠬᠤᠳᠤ ᠬᠣᠷᠤᠬᠠᠢᠯᠠᠵᠤ᠂ ᠬᠠᠪᠢ ᠲᠥᠰᠦᠷᠲᠡᠭᠡᠨ ᠭᠠᠭᠴᠠᠬᠠᠨ ᠪᠣᠭᠲᠤᠰᠤᠨ ᠲᠡᠮᠳᠡᠭᠲᠡᠢᠪᠡᠷᠨᠢ ᠬᠠᠮᠠᠷ ᠯᠣᠳᠤᠨᠢ ᠡᠷᠢᠨ ᠵᠥᠪᠳᠡᠯᠴᠡᠵᠡᠢ᠃ ᠬᠠᠮᠠᠷ ᠯᠣᠳᠤᠨᠴᠤ ᠭᠠᠯᠤᠨ ᠠᠬᠠᠶᠢᠨ ᠰᠡᠭᠡᠷᠳᠡᠭᠦᠦ ᠵᠠᠩᠢᠶᠠᠷ: 《ᠲᠡᠷᠡᠴᠦ ᠪᠣᠯᠤᠯᠭᠦᠢ ᠳ᠋ᠠ᠂ ᠭᠠᠭᠴᠠ ᠨᠠᠮᠵᠢᠯ ᠵᠠᠯᠠᠨ ᠶᠠᠭᠤ ᠭᠡᠵᠦ ᠪᠠᠢᠨᠠ ᠪᠤᠢ?》 ᠭᠡᠵᠦ ᠠᠰᠠᠭᠤᠵᠠᠢ᠃ ᠬᠡᠳᠦᠨ ᠵᠠᠯᠠᠭᠤᠰ ᠦᠭᠡᠨᠦ ᠬᠢᠨᠢ ᠤᠬᠠᠭᠠᠨᠢ ᠣᠯᠵᠤ ᠶᠠᠳᠠᠨ ᠪᠡᠶᠡ ᠪᠡᠶᠡᠪᠡᠨ ᠰᠢᠷᠲᠡᠯᠴᠡᠭᠰᠡᠨᠢᠶᠡᠨ ᠨᠢᠭᠡᠨᠢ: 《ᠨᠠᠮᠵᠢᠯ ᠵᠠᠯᠠᠨ ᠶᠠᠭᠤᠴᠤ ᠭᠡᠰᠡᠨᠦᠭᠡᠢ᠂ ᠪᠠᠢᠯᠳᠤᠬᠤ ᠠᠩᠭᠢ ᠪᠠᠢᠭᠤᠯᠪᠠᠯ ᠪᠢ ᠪᠠᠰᠠ ᠣᠷᠤᠶᠠ ᠭᠡᠵᠦ ᠵᠠᠯᠠᠨᠤ ᠰᠢᠷᠠ ᠬᠦᠦᠯᠡ ᠪᠡᠷᠬᠡ ᠭᠤᠶᠤᠵᠤ ᠪᠠᠢᠭᠰᠠᠨ》 ᠭᠡᠵᠦ ᠠᠮᠠ ᠠᠯᠳᠠᠪᠠ᠃
《ᠪᠦᠷ ᠲᠡᠢᠮᠦ ᠪᠣᠯᠬᠤᠶᠤᠮ ᠡ! ᠳᠠᠢᠰᠤᠨᠤ ᠬᠣᠷᠤᠬᠠᠢᠯᠠᠳᠠᠭ ᠪᠦᠬᠦᠨᠢ ᠪᠢᠳᠡ ᠡᠰᠡᠷᠭᠦᠴᠡᠨᠡ᠃ ᠪᠠᠢᠯᠳᠤᠬᠤ ᠠᠩᠭᠢ ᠭᠠᠷᠭᠠᠵᠤ ᠪᠣᠯᠬᠤᠦᠭᠡᠢ》 ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠭᠠᠭᠴᠠᠬᠠᠨ ᠦᠭᠡᠪᠡᠷ ᠬᠠᠮᠤᠭ ᠵᠠᠯᠠᠭᠤᠰᠤᠨ ᠲᠦᠭᠦᠰᠢᠶᠢ ᠵᠠᠭᠤᠷᠠᠭᠤᠯᠵᠤ ᠲᠠᠯᠪᠢᠵᠠᠢ᠃ ᠲᠡᠢᠮᠦᠡᠴᠡ ᠬᠥᠳᠡᠭᠡᠶᠢᠨ ᠬᠥᠮᠦᠰ ᠬᠠᠮᠠᠷ ᠯᠣᠳᠤᠨ ᠭᠡᠪᠡᠯ ᠨᠡᠭᠡᠷᠡᠨ ᠪᠢᠰᠢᠷᠡᠵᠦ ᠬᠦᠨᠳᠦᠯᠡᠳᠡᠭᠡᠴᠡ ᠭᠠᠳᠠᠨᠠ ᠪᠠᠰᠠ ᠵᠢᠭᠠᠬᠠᠨ ᠠᠶᠤᠬᠤ ᠳᠠᠢᠵᠢᠳᠠᠭ ᠪᠣᠯᠵᠠᠢ᠃
ᠢᠩᠭᠢᠬᠦ ᠲᠤᠲᠤᠮ ᠬᠠᠮᠠᠷ ᠯᠣᠳᠤᠨ ᠬᠡᠨᠢᠴᠦ ᠨᠢᠳᠦᠨᠳᠡᠭᠡᠨ ᠬᠠᠪᠴᠢᠬᠤᠦᠭᠡᠢ ᠪᠣᠯᠵᠤ᠂ ᠵᠥᠪᠬᠡᠨᠯᠡ ᠮᠡᠩᠭᠡᠲᠦᠶᠢᠨ ᠬᠦᠦᠲᠡᠢ ᠪᠤᠯᠤ ᠲᠡᠩᠬᠡᠯᠢᠭ ᠪᠣᠯᠤᠨ ᠨᠡᠢᠯᠡᠨᠡ᠃ ᠪᠢᠴᠢᠬᠠᠨ ᠵᠠᠩᠵᠤᠨ ᠭᠡᠳᠡᠭᠴᠢᠨᠢ ᠶᠣᠰᠤᠲᠠᠢ ᠱᠠᠭᠢᠮᠤᠨᠢᠶᠢᠨ ᠡᠪᠦᠭᠡᠡᠴᠡᠴᠦ ᠢᠯᠡᠭᠦᠦ ᠰᠠᠢᠨ ᠵᠠᠩᠲᠠᠢ ᠤᠯᠤᠰ ᠪᠠᠢᠨᠠ ᠳ᠋ᠠ ! ᠬᠠᠨᠢᠯᠠᠪᠠᠯ ᠡᠢᠮᠦᠯᠡ ᠤᠯᠤᠰᠲᠠᠢ ᠬᠠᠨᠢᠯᠠᠵᠤ᠂ ᠮᠥᠷᠳᠡᠪᠡᠯ ᠡᠨᠡᠯᠡ ᠵᠠᠮᠢ ᠮᠥᠷᠳᠡᠶᠡ! ᠪᠤᠷᠤᠭᠤ ᠮᠡᠳᠡᠷᠡᠭᠰᠡᠨ ᠪᠠᠢᠲᠠᠯᠠ ᠮᠠᠭᠤᠶᠢᠨᠢ ᠳᠤᠷᠠᠰᠤᠭᠠᠳ ᠪᠠᠢᠳᠠᠭ ᠬᠢᠯᠠᠷ ᠳᠠᠮᠪᠢ᠂ ᠴᠠᠭᠠᠨ ᠬᠥᠮᠦᠨᠦ ᠲᠣᠯᠤᠭᠠᠢ ᠳᠡᠭᠡᠷᠡ ᠬᠠᠷᠠ ᠲᠣᠭᠤᠭᠠ ᠬᠥᠮᠦᠷᠢᠳᠡᠭ ᠬᠣᠭᠤᠯᠠ ᠬᠠᠮᠢᠶᠠᠷᠤᠭᠴᠢ᠂ ᠶᠠᠯᠢᠭᠦᠢ ᠶᠠᠭᠤᠮᠠᠳᠤ ᠥᠰ ᠵᠠᠩᠭᠢᠳᠤᠭᠰᠠᠨ ᠵᠠᠯᠠᠭᠤ ᠴᠢᠪᠠᠭᠠᠨᠴᠠ ᠁ ᠵᠠᠩᠵᠤᠳᠤᠨᠮᠢᠨᠢ ᠳᠡᠷᠭᠡᠳᠡ ᠡᠳᠡ ᠶᠣᠰᠤᠲᠠᠢᠯᠠ ᠬᠤᠳᠳᠤᠭᠤᠨ ᠮᠡᠯᠡᠬᠡᠢ! ᠤᠯᠠᠭᠠᠨ ᠨᠠᠷᠠ᠂ ᠤᠯᠠᠭᠠᠨ ᠵᠢᠷᠦᠬᠡ᠃ ᠤᠯᠠᠭᠠᠨ ᠳᠡᠪᠲᠡᠷ᠂ ᠤᠯᠠᠭᠠᠨ ᠬᠥᠷᠦᠭ᠃ ᠤᠯᠠᠭᠠᠨ ᠪᠣᠭᠲᠤᠰᠤᠨ 《ᠳᠤᠭ》᠂ ᠤᠯᠠᠭᠠᠨ ᠣᠳᠣ ᠁ ᠠᠶᠠ! ᠪᠢᠴᠢᠨᠢ ᠡᠢᠮᠦ ᠬᠤᠷᠳᠤᠨ ᠤᠯᠠᠭᠠᠨ ᠵᠢᠷᠭᠤᠭᠠᠨ ᠲᠥᠷᠦᠯᠲᠡᠢ ᠪᠣᠯᠴᠢᠬᠠᠯᠠ᠃ ᠬᠡᠳᠦ ᠬᠣᠨᠤᠪᠠᠯ ᠠᠷᠪᠠ ᠬᠣᠷᠢᠨ ᠤᠯᠠᠭᠠᠨᠲᠠᠢᠴᠤ ᠪᠣᠯᠵᠤ ᠮᠡᠳᠡᠨᠡ ᠳ᠋ᠠ !ᠦᠭᠡᠢ ᠶᠡᠷᠦᠨᠢ ᠮᠡᠩᠭᠡᠲᠦᠶᠢᠨ ᠬᠦᠦ ᠪᠡᠶᠡᠪᠡᠨ ᠬᠡᠵᠢᠶᠡᠳᠡ ᠤᠯᠠᠭᠠᠨ ᠲᠠᠪᠤᠨ ᠲᠥᠷᠦᠯ ᠭᠡᠵᠦ ᠭᠠᠢᠬᠠᠭᠤᠯᠳᠠᠭ ᠪᠢᠰᠢᠦᠦ? ᠬᠠᠮᠠᠷ ᠯᠣᠳᠤᠨ ᠣᠳᠣ ᠲᠡᠭᠦᠨᠢ ᠲᠡᠯᠡᠢᠳᠡᠭᠡᠨᠴᠦ ᠬᠠᠪᠴᠢᠭᠤᠯᠬᠤᠦᠭᠡᠢ ᠪᠣᠯᠤᠭᠰᠠᠨ ᠡ᠃ ᠬᠠᠭᠤᠴᠢᠨᠢᠶᠠᠷ ᠵᠢᠱ᠋ᠢᠪᠡᠯ ᠬᠠᠮᠠᠷ ᠪᠢ ᠠᠮᠪᠠᠨ ᠰᠠᠭᠤᠭᠰᠠᠨ ᠪᠠᠢᠬᠤᠳᠤ ᠮᠡᠩᠭᠡᠲᠦᠶᠢᠨ ᠬᠦᠦ ᠳᠥᠩᠭᠡᠵᠢ ᠵᠠᠩᠭᠢᠯᠠ ᠪᠢᠵᠡ!
ᠬᠠᠮᠲᠤᠶᠢᠨ ᠢᠯᠠᠯᠲᠠᠪᠠᠨ ᠣᠯᠬᠤᠠᠴᠠ ᠡᠮᠦᠨᠡ
ᠬᠠᠮᠠᠷ ᠯᠣᠳᠤᠨᠳᠠᠭᠠᠨ ᠪᠠᠭᠤᠴᠢᠬᠠᠬᠤᠨᠢ ᠡᠨᠡᠦᠦ!
ᠨᠢᠭᠡᠳᠦᠯ ᠳᠡᠭᠡᠷᠡ 《ᠰᠧᠯᠢᠩᠪᠦ᠋》ᠶᠢ ᠫᠤᠤᠳᠠᠬᠤ ᠠᠨᠳᠠᠭᠠᠢᠯᠠᠯᠲᠠᠶᠢᠨ ᠶᠡᠬᠡ ᠬᠤᠷᠠᠯ ᠪᠣᠯᠪᠠ᠃ ᠶᠠᠳᠠᠭᠤ ᠮᠠᠯᠴᠢᠨᠤ ᠲᠥᠯᠦᠭᠡᠯᠡᠭᠴᠢ ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠪᠢᠴᠢᠬᠠᠨ ᠵᠠᠩᠵᠤᠨᠤ ᠮᠣᠲ᠋ᠤᠷᠤᠨ ᠠᠷᠤᠳᠤ ᠰᠤᠨᠳᠠᠯᠠᠨ ᠢᠷᠡᠭᠡᠳ᠂ ᠲᠡᠷᠢᠭᠦᠯᠡᠭᠴᠢᠶᠢᠨ ᠲᠠᠢᠰᠠᠨᠳᠤ ᠵᠠᠯᠠᠭᠳᠠᠨ ᠭᠠᠷᠤᠭᠰᠠᠨᠨᠢ ᠳᠠᠮᠵᠢᠭᠦᠭᠡᠢ᠃ ᠬᠠᠮᠠᠷ ᠯᠣᠳᠤᠨ ᠡᠨᠡ ᠶᠠᠪᠤᠭᠠ ᠨᠠᠰᠤᠨᠳᠠᠭᠠᠨ ᠡᠢᠮᠦ ᠥᠪᠡᠳᠡᠭᠰᠢ ᠴᠤᠭᠯᠠᠭᠠᠨᠳᠤ ᠠᠩᠬᠠ ᠤᠳᠠᠭᠠ ᠣᠷᠤᠯᠴᠠᠵᠤ ᠮᠢᠩᠭᠠᠨ ᠬᠥᠮᠦᠨᠦ ᠡᠮᠦᠨᠡ ᠲᠣᠩᠬᠤᠢᠨ ᠰᠠᠭᠤᠵᠤ ᠪᠠᠢᠭᠠ ᠲᠤᠯᠠ ᠵᠢᠷᠦᠬᠡᠨᠢ ᠡᠷᠬᠡᠦᠭᠡᠢ ᠰᠠᠪᠠᠯᠠᠵᠤ᠂ ᠵᠠᠩᠭᠤᠤ ᠵᠠᠢᠳᠠᠯᠠᠭᠰᠠᠨᠶᠤᠮᠰᠢᠭ᠋ ᠣᠪᠤᠭᠤᠨᠠᠵᠤ ᠪᠠᠢᠯᠠ᠃
ᠲᠠᠢᠰᠠᠨ ᠳᠣᠣᠷᠠ ᠡᠯᠳᠡᠪ ᠡᠰᠡᠶᠢᠨ ᠮᠠᠯᠠᠭᠠᠢ ᠫᠠᠢᠰᠠᠲᠠᠢ ᠨᠢᠭᠡᠳᠦᠯᠦᠨ ᠱᠦᠵᠢ᠂ ᠨᠠᠮᠵᠢᠯ ᠵᠠᠯᠠᠨ᠂ ᠰᠦᠮᠡᠶᠢᠨ ᠭᠡᠭᠡᠨ᠂ ᠬᠢᠯᠠᠷ ᠳᠠᠮᠪᠢ ᠁ ᠭᠡᠳ ᠪᠥᠭᠡᠮ ᠴᠢᠳᠭᠦᠷ ᠱᠣᠯᠤᠮᠢ ᠣᠯᠠᠨᠤ ᠡᠰᠡᠷᠭᠦ ᠲᠣᠯᠤᠭᠠᠢ ᠪᠥᠬᠦᠢᠯᠭᠡᠨ ᠵᠣᠭᠰᠤᠭᠠᠵᠠᠢ᠃ ᠨᠠᠮᠵᠢᠯ ᠵᠠᠯᠠᠨᠤ ᠠᠳᠤᠭᠤᠴᠢᠨᠳᠤ ᠶᠠᠪᠤᠵᠤ ᠪᠠᠢᠭᠰᠠᠨ ᠨᠢᠭᠡᠳᠦᠯᠦᠨ ᠳᠠᠷᠤᠭᠠ᠂ ᠰᠦᠮᠡᠶᠢᠨ ᠭᠡᠭᠡᠨᠦ ᠬᠥᠯᠦᠰᠦᠦᠭᠡᠢ ᠠᠯᠪᠠᠨᠳᠤ ᠪᠠᠷᠢᠭᠳᠠᠵᠤ ᠪᠠᠢᠭᠰᠠᠨ ᠬᠢᠯᠠᠷ ᠳᠠᠮᠪᠢᠨᠠᠷ ᠥᠪᠡᠷᠦᠨ ᠳᠠᠢᠰᠤᠨ ᠡᠲᠡᠭᠡᠳᠲᠡᠢᠪᠡᠨ ᠵᠡᠷᠭᠡᠴᠡᠨ ᠲᠣᠩᠭᠤᠢᠭᠰᠠᠨᠨᠢ ᠳᠡᠩᠴᠢ ᠡᠪᠦᠭᠡᠢᠶᠦᠮᠦᠦ? ᠭᠡᠵᠦ ᠯᠣᠳᠤᠨ ᠪᠣᠳᠤᠪᠠ᠃
ᠪᠢᠴᠢᠬᠠᠨ ᠵᠠᠩᠵᠤᠨᠤ ᠬᠢᠭᠰᠡᠨ ᠢᠯᠡᠳᠭᠡᠯᠨᠢ ᠬᠠᠮᠠᠷ ᠯᠣᠳᠤᠨᠢ ᠨᠢᠭᠡᠮᠦᠰᠦᠨ ᠬᠢᠷᠳ᠋ᠬᠢᠯᠭᠡᠪᠡ᠃ ᠬᠦᠢ ᠳ᠋ᠠ᠂ ᠭᠥᠷᠦᠨ ᠲᠥᠷᠦᠴᠢᠨᠢ ᠲᠦᠪᠰᠢᠨᠦᠭᠡᠢ ᠪᠣᠯᠤᠭᠰᠠᠨᠶᠤᠮ ᠪᠠᠢᠨᠠ ᠰᠢᠤ! ᠰᠦᠷᠡᠬᠡᠢ ᠪᠦᠳᠦᠭᠦᠨ ᠬᠡᠷᠡᠭ ᠭᠠᠷᠴᠤ ᠭᠡᠨᠡ᠃ ᠨᠢᠭᠡᠳᠦᠯᠦᠨ ᠱᠦᠵᠢ ᠪᠠᠰᠠ ᠰᠠᠪᠠᠭᠠᠦᠭᠡᠢ ᠳᠤᠮᠳᠠᠨᠢ ᠳᠡᠯᠳᠡᠭᠡᠨᠡᠵᠦ ᠨᠠᠮᠵᠢᠯ ᠵᠠᠯᠠᠨᠢ ᠡᠷᠭᠦᠨ ᠪᠣᠰᠭᠠᠭᠠᠳ᠂ ᠳᠠᠯᠳᠠᠭᠤᠷ ᠨᠢᠭᠡ ᠨᠢᠭᠤᠴᠠ ᠶᠠᠮᠤᠨ ᠪᠠᠢᠭᠤᠯᠬᠤᠪᠠᠷ ᠬᠦᠴᠦᠯᠡᠵᠦ ᠭᠡᠨᠡ᠂ ᠬᠣᠰᠢᠭᠤ ᠶᠠᠮᠤᠨ ᠭᠠᠷᠬᠤᠳᠤ ᠬᠦᠷᠪᠡᠯ ᠪᠦᠬᠦᠯᠢᠶᠢᠨ ᠰᠢᠭᠦᠰᠦᠨᠦ ᠠᠮᠠᠨ ᠰᠢᠷᠡᠭᠡ ᠬᠢᠬᠦᠨᠢ ᠯᠠᠪ! ᠠᠮᠠᠨ ᠰᠢᠷᠡᠭᠡ ᠬᠢᠬᠦᠳᠦ ᠬᠦᠷᠪᠡᠯ ᠬᠠᠮᠠᠷ ᠯᠣᠳᠤᠨᠢ ᠠᠯᠪᠠᠳᠤ ᠪᠠᠷᠢᠵᠤ ᠠᠪᠠᠴᠢᠬᠤᠨᠢ ᠭᠠᠷᠴᠠᠭᠠᠦᠭᠡᠢ᠂ ᠲᠡᠷᠡᠨᠢᠴᠦ ᠭᠠᠢᠭᠤᠢᠯᠠ ᠪᠠᠢᠨᠠ᠃ ᠠᠬᠠᠳᠠᠪᠠᠯ ᠬᠡᠳᠦᠨ ᠵᠢᠩ ᠮᠢᠬᠠᠪᠠᠨ ᠭᠡᠭᠡᠨᠡᠯᠡ ᠪᠢᠵᠡ᠃ ᠬᠠᠮᠤᠭᠤᠨ ᠬᠡᠴᠡᠭᠦᠦᠨᠢ ᠬᠠᠷᠢᠨ ᠶᠠᠮᠤᠨᠤ ᠠᠭᠠᠷᠤ ᠬᠠᠪᠲᠠᠰᠤᠪᠠᠷ ᠠᠪᠳᠠᠷᠠ ᠬᠢᠭᠰᠡᠨ ᠤᠴᠢᠷ! ᠵᠦᠰᠦᠵᠦ ᠵᠦᠢᠭᠡᠳ ᠰᠦᠢᠳᠭᠡᠭᠰᠡᠨ ᠮᠥᠷᠲᠡᠭᠡᠨ ᠨᠢᠭᠤᠷᠤᠨ ᠬᠠᠪᠲᠠᠰᠤᠶᠢᠨᠢ ᠬᠢᠮᠤᠰᠤ ᠮᠡᠲᠦ ᠨᠢᠮᠭᠡᠷᠡᠲᠡᠯᠡ ᠬᠤᠰᠤᠭᠰᠠᠨᠢᠮᠢᠨᠢ ᠠᠮᠪᠠᠨ ᠨᠣᠶᠠᠨᠲᠠᠨ ᠠᠵᠢᠭ ᠠᠪᠤᠪᠠᠯ ᠬᠥᠩᠭᠡᠨᠳᠡᠭᠡᠨ ᠨᠠᠰᠤᠨᠤ ᠪᠣᠭᠤᠯ ᠪᠣᠯᠭᠠᠵᠤ᠂ ᠬᠡᠯᠲᠦᠰᠬᠢᠪᠡᠯ ᠴᠢᠪᠠᠭᠠᠨᠴᠠᠶᠢᠨ ᠬᠠᠷᠠ ᠬᠥᠮᠦᠨᠦ ᠣᠷᠤᠶᠢ ᠳᠠᠷᠤᠭᠤᠯᠬᠤᠳᠤ ᠣᠢᠷᠠᠬᠠᠨ ᠰᠢᠤ! ᠁ ᠠᠶᠠ! ᠡᠨᠡ ᠮᠠᠭᠤ ᠨᠢᠭᠡᠳᠦᠯᠦᠨ ᠱᠦᠵᠢ ᠬᠣᠣᠷᠠ ᠢᠷᠤᠠᠲᠠᠢ ᠭᠡᠵᠦ ᠡ! ᠁ ᠴᠢᠮᠠᠢ ᠴᠣᠬᠢᠵᠤ ᠤᠨᠠᠭᠠᠬᠤᠨᠢ ᠪᠦᠷ ᠲᠠᠭᠠᠷᠠᠨᠠ᠂ ᠴᠣᠬᠢᠭᠠᠳ ᠠᠯᠠᠪᠠᠴᠤ ᠰᠠᠨᠠᠯᠦᠭᠡᠢ᠃
ᠬᠠᠮᠠᠷ ᠯᠣᠳᠤᠨ ᠮᠠᠨᠴᠤᠷᠭᠠᠨ ᠬᠠᠮᠠᠷᠢᠶᠠᠨ ᠤᠭᠲᠤᠨᠢ ᠲᠤᠯᠲᠠᠯᠠ ᠤᠯᠠᠢᠯᠭᠠᠵᠤ ᠴᠡᠨᠳᠡᠢᠯᠭᠡᠭᠡᠳ ᠰᠠᠭᠤᠷᠢᠦᠭᠡᠢ ᠣᠪᠤᠯᠵᠠᠵᠤ ᠪᠠᠢᠲᠠᠯᠠ᠂ ᠮᠡᠩᠭᠡᠲᠦᠶᠢᠨ ᠬᠦᠦ:
《ᠣᠳᠣ ᠶᠠᠳᠠᠭᠤ ᠮᠠᠯᠴᠢᠨᠤ ᠵᠢᠩᠬᠢᠨᠢ ᠲᠥᠯᠦᠭᠡᠯᠡᠭᠴᠢ ᠨᠥᠬᠦᠷ ᠯᠣᠳᠤᠨ ᠴᠢᠬᠤᠯᠠ ᠶᠠᠷᠢᠶᠠ ᠲᠠᠯᠪᠢᠨᠠ》 ᠭᠡᠵᠦ ᠵᠠᠷᠯᠠᠭᠠᠳ᠂ ᠤᠷᠭᠠᠨᠤ ᠪᠣᠯᠴᠤᠤ ᠭᠡᠮᠡᠷ ᠰᠣᠨᠢᠨ ᠡᠳ᠋ ᠡᠮᠦᠨᠡᠨᠢ ᠠᠪᠴᠢᠷᠠᠵᠤ ᠲᠠᠯᠪᠢᠪᠠ᠃
ᠢᠷᠠᠢᠲᠠᠯᠠ ᠰᠠᠭᠤᠭᠰᠠᠨ ᠮᠢᠩᠭᠠᠨ ᠠᠮᠢᠲᠠᠨᠤ ᠠᠶᠤᠩᠭᠠ ᠮᠡᠲᠦ ᠨᠢᠵᠢᠭᠢᠨᠡᠭᠰᠡᠨ ᠠᠯᠠᠭᠠ ᠲᠠᠰᠢᠯᠲᠠ ᠬᠠᠮᠠᠷ ᠯᠣᠳᠤᠨᠤ ᠵᠢᠷᠦᠬᠡᠶᠢ ᠫᠣᠯ ᠫᠣᠯ ᠲᠦᠭᠰᠢᠭᠦᠯᠵᠦ᠂ ᠰᠠᠨᠳᠤᠷᠴᠤ ᠲᠡᠪᠡᠳᠡᠬᠦᠶᠢᠨ ᠲᠤᠢᠯᠳᠤ ᠬᠦᠷᠦᠭᠦᠯᠵᠡᠢ᠃ ᠬᠡᠳᠦᠨ ᠦᠭᠡ ᠶᠠᠷᠢᠬᠤᠦᠭᠡᠢ ᠪᠣᠯ ᠮᠡᠩᠭᠡᠲᠦᠶᠢᠨ ᠬᠦᠦᠳᠦ ᠣᠰᠤᠯᠳᠠᠵᠤ᠂ ᠪᠢᠴᠢᠬᠠᠨ ᠵᠠᠩᠵᠤᠨᠳᠤ ᠭᠣᠯᠤᠭᠳᠠᠵᠤ ᠮᠡᠳᠡᠨᠡ ᠰᠢᠦ᠃ ᠶᠠᠷᠢᠴᠢᠬᠠᠶᠠ ᠭᠡᠬᠦᠳᠦ ᠡᠢᠮᠦ ᠣᠯᠠᠨ ᠬᠥᠮᠦᠨᠦ ᠡᠮᠦᠨᠡ ᠪᠠᠢᠲᠤᠭᠠᠢ᠂ ᠡᠭᠦᠷ ᠠᠷᠪᠠᠨᠤ ᠴᠤᠭᠯᠠᠭᠠ ᠳᠡᠭᠡᠷᠡ ᠬᠡᠳᠦᠬᠡᠨ ᠦᠭᠡᠨᠳᠦ ᠬᠡᠯᠡᠪᠡᠨ ᠪᠣᠯᠵᠠᠭᠠᠵᠤ ᠬᠠᠮᠤᠭ ᠠᠮᠢᠲᠠᠨᠤ ᠬᠠᠷᠠ ᠢᠨᠢᠶᠡᠳᠦ ᠪᠣᠯᠵᠤ ᠶᠠᠪᠤᠭᠰᠠᠨ ᠳ᠋ᠠᠭ᠃ ᠠᠢ! ᠬᠥᠭᠰᠢᠨ ᠪᠤᠬᠠ ᠵᠢᠷᠤᠭᠠ ᠰᠤᠷᠬᠤᠯᠠ ᠬᠡᠷᠡᠭᠲᠡᠢ ᠪᠣᠯᠵᠠᠢ ᠳ᠋ᠠ ! ᠶᠠᠭᠤᠴᠤ ᠭᠡᠰᠡᠨ 《ᠬᠠᠮᠤᠭᠤᠨ ᠳᠡᠭᠡᠳᠦ ᠵᠢᠭᠠᠪᠤᠷᠢ》ᠪᠠᠨ ᠤᠩᠰᠢᠵᠤ ᠪᠠᠢᠭᠠᠳ ᠪᠣᠯᠤᠶᠠ ᠭᠡᠵᠦ ᠪᠣᠳᠤᠭᠠᠳ ᠬᠠᠮᠠᠷ ᠯᠣᠳᠤᠨ ᠳᠠᠷᠤᠭᠳᠠᠭᠰᠠᠨ ᠢᠰᠢᠭᠡᠶᠢᠨ ᠮᠠᠭᠤᠬᠠᠢ ᠬᠣᠭᠤᠯᠠᠢᠪᠠᠷ:
《ᠬᠠᠮᠤᠭᠤᠨ ᠁ ᠳᠡᠭᠡᠳᠦ ᠵᠢᠭᠠᠪᠤᠷᠢ:
ᠬᠡᠨ ᠴᠢᠨᠦ ᠳᠠᠢᠰᠤᠨ ᠪᠤᠢ ᠁ ᠬᠡᠨ ᠮᠢᠨᠦ ᠬᠠᠨᠢ ᠪᠤᠢ? ᠁ ᠡᠨᠡ ᠪᠣᠯ ᠬᠤᠪᠢᠰᠭᠠᠯᠤᠨ ᠁ ᠲᠦᠷᠦᠭᠦᠦ ᠬᠤᠳᠠ ᠮᠥᠨ》 ᠭᠡᠪᠡ᠃ ᠴᠠᠰᠢ ᠲᠡᠭᠡᠭᠯᠡᠴᠢᠬᠡᠭᠡᠳ ᠬᠣᠭᠤᠯᠠᠢᠪᠠᠨ ᠵᠠᠰᠠᠵᠤ ᠪᠠᠢᠲᠠᠯᠠ᠂ ᠮᠡᠩᠭᠡᠲᠦᠶᠢᠨ ᠬᠦᠦᠶᠢᠨ ᠴᠢᠷᠠᠢ ᠨᠢᠭᠡᠯᠡ ᠬᠠᠴᠢᠨ ᠪᠣᠯᠵᠤ ᠠᠪᠤᠭᠠᠳ᠂ ᠲᠡᠮᠦᠷ ᠪᠣᠯᠴᠤᠤᠪᠠᠨ ᠰᠤᠭᠤ ᠲᠡᠳᠡᠨ ᠠᠪᠴᠢᠬᠠᠪᠠ᠃ ᠵᠠ ᠪᠣᠯᠵᠠᠢ᠂ ᠲᠡᠷᠡᠲᠡᠢ ᠲᠡᠷᠡᠦᠭᠡᠢ ᠬᠡᠳᠦᠨ ᠦᠭᠡ ᠡᠪᠯᠡᠭᠦᠯᠵᠦ ᠬᠡᠯᠡᠭᠡᠳ ᠲᠠᠮᠤᠠᠴᠠ ᠬᠤᠷᠳᠤᠬᠠᠨ ᠮᠤᠯᠲᠤᠷᠠᠶᠠ᠃
ᠪᠢᠴᠢᠬᠠᠨ ᠵᠠᠩᠵᠤᠳ ᠨᠢᠭᠡᠨ ᠵᠡᠷᠭᠡ ᠬᠥᠯ ᠪᠣᠯᠵᠤ᠂ ᠴᠢᠬᠢ ᠴᠢᠬᠢᠪᠡᠨ ᠵᠠᠭᠤᠯᠴᠠᠭᠰᠠᠨᠢᠶᠠᠨ ᠮᠡᠩᠭᠡᠲᠦᠶᠢᠨ ᠬᠦᠦ ᠭᠡᠨᠡᠳᠲᠡ:
《ᠬᠠᠮᠠᠷ ᠯᠣᠳᠤᠨ ᠲᠠᠢᠰᠠᠨᠠᠴᠠ ᠪᠠᠭᠤ!》 ᠭᠡᠵᠦ ᠬᠠᠰᠭᠢᠷᠪᠠ᠃ 《ᠥ᠂ ᠳᠣᠣᠷᠠ ᠪᠠᠭᠤᠭᠠᠳ ᠶᠠᠷᠢᠪᠠᠯ ᠣᠯᠠᠨ ᠬᠥᠮᠦᠨ ᠲᠣᠳᠤ ᠰᠣᠨᠤᠰᠬᠤᠳᠤ ᠠᠮᠠᠷ ᠭᠡᠵᠦ ᠪᠠᠢᠨᠠᠤᠤ? ᠵᠠ᠂ ᠵᠠ! ᠁》 ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠲᠠᠪᠴᠠᠩᠠᠴᠠ ᠪᠠᠭᠤᠬᠤᠶᠢᠨ ᠳᠠᠭᠠᠤ: 《ᠨᠢᠭᠡᠳᠦᠯᠦᠨ ᠱᠦᠵᠢ ᠦᠨᠡᠬᠡᠷ ᠣᠯᠢᠭᠦᠭᠡᠢ ᠁》 ᠭᠡᠵᠦ ᠠᠮᠠᠨ ᠳᠣᠲᠤᠷᠠᠪᠠᠨ ᠳᠦᠳᠦᠨᠡᠵᠦ ᠶᠠᠪᠤᠨᠠ᠃
《ᠲᠡᠨᠳᠡ ᠵᠣᠭᠰᠤ!》 ᠭᠡᠵᠦ ᠮᠡᠩᠭᠡᠲᠦᠶᠢᠨ ᠬᠦᠦ ᠴᠢᠳᠭᠦᠷ ᠱᠣᠯᠤᠮᠤᠨ ᠵᠦᠭ ᠵᠢᠭᠠᠭᠰᠠᠨᠳᠤ᠂ ᠶᠠᠭᠤ ᠪᠢᠯᠡ ? ᠭᠡᠵᠦ ᠬᠠᠮᠠᠷ ᠯᠣᠳᠤᠨ ᠵᠣᠭ ᠲᠣᠰᠤᠭᠰᠠᠨᠢᠶᠠᠨ ᠬᠠᠭᠵᠠᠷᠬᠠᠢ ᠭᠤᠲᠤᠯᠤᠨ ᠬᠣᠩᠰᠢᠶᠠᠷᠢᠶᠠᠨ ᠬᠠᠷᠠᠵᠤ᠂ ᠣᠷᠤᠨᠳᠠᠭᠠᠨ ᠪᠠᠷᠪᠠᠢᠨ ᠵᠣᠭᠰᠤᠪᠠ᠃
ᠲᠠᠢᠰᠠᠨ ᠳᠡᠭᠡᠷᠡᠡᠴᠡ ᠭᠡᠨᠡᠳᠲᠡ:
《ᠣᠳᠣᠪᠠᠷᠢᠶᠠᠨ ᠠᠵᠢᠯᠯᠠᠭᠠᠲᠠᠢ ᠬᠤᠪᠢᠰᠭᠠᠯᠢ ᠡᠰᠡᠷᠭᠦᠴᠡᠭᠴᠢ ᠬᠠᠮᠠᠷ ᠯᠣᠳᠤᠨᠢ ᠴᠣᠬᠢᠨ ᠤᠨᠠᠭᠠᠶᠠ!》 ᠭᠡᠵᠦ ᠴᠢᠬᠢ ᠳᠦᠯᠡᠢᠷᠡᠲᠡᠯᠡ ᠬᠠᠰᠭᠢᠷᠤᠭᠰᠠᠨᠳᠤ ᠬᠠᠮᠠᠷ ᠯᠣᠳᠤᠨ ᠰᠣᠴᠢᠭᠠᠨ ᠳᠡᠭᠡᠷᠡᠪᠡᠨ ᠨᠢᠳᠦᠨᠢ ᠣᠷᠤᠢ ᠳᠡᠭᠡᠷᠡᠪᠡᠨ ᠭᠠᠷᠪᠠ᠃ ᠯᠠᠮᠠ ᠭᠣᠨᠴᠤᠭ ᠰᠦᠮᠡ! ᠬᠣᠷᠤᠮᠤᠨ ᠵᠠᠭᠤᠷᠠ ᠢᠵᠢᠯᠢ ᠳᠠᠰᠤᠯ ᠬᠠᠷᠠᠴᠠᠨᠤᠭᠤᠳᠨᠢ ᠡᠷᠡᠢᠵᠦ ᠦᠵᠦᠭᠦᠷᠯᠡᠭᠰᠡᠨ ᠬᠢᠯᠢᠩᠲᠦ ᠬᠠᠷᠠᠴᠠ ᠪᠣᠯᠤᠨ ᠬᠤᠪᠢᠷᠠᠵᠤ ᠬᠡᠳᠦᠨ ᠮᠢᠩᠭᠠᠨ ᠵᠠᠩᠭᠢᠳᠤᠭᠰᠠᠨ ᠨᠢᠳᠤᠷᠭᠠ ᠪᠦᠷᠯᠡ ᠲᠡᠭᠦᠨᠦ ᠥᠭᠡᠳᠡ ᠵᠠᠩᠭᠠᠯᠴᠠᠨᠠ᠃ ᠬᠠᠮᠠᠷ ᠯᠣᠳᠤᠨ ᠴᠡᠴᠡᠷᠡᠵᠦ ᠳᠠᠭᠵᠢᠭᠰᠠᠭᠠᠷ᠂ ᠴᠢᠪᠠᠭᠠᠨᠴᠠᠶᠢᠨᠢᠶᠠᠨ ᠠᠷᠤᠳᠤ ᠣᠴᠢᠵᠤ ᠲᠣᠩᠭᠤᠢᠪᠠ᠃
ᠲᠦᠮᠡᠨ ᠨᠢᠳᠦᠲᠡᠢ ᠲᠡᠭᠷᠢ᠂ ᠲᠥᠷᠦᠯᠬᠢ ᠮᠡᠷᠭᠡᠨ ᠵᠠᠩᠵᠤᠨ ᠡ! ᠬᠠᠮᠠᠷ ᠯᠣᠳᠤᠨᠴᠢᠨᠢ ᠬᠠᠮᠢᠭᠠᠨᠢ ᠲᠠᠨᠠᠷᠤᠨ ᠦᠭᠡᠪᠡᠷ ᠶᠠᠪᠤᠭᠰᠠᠨᠦᠭᠡᠢ ᠪᠤᠢ? ᠬᠤᠪᠢᠰᠭᠠᠯᠢ ᠢᠩᠭᠢᠵᠦ ᠬᠢᠳᠡᠭ ᠭᠡᠵᠦ ᠪᠢ ᠲᠠᠨᠠᠷᠠᠴᠠ ᠰᠤᠷᠴᠤ ᠮᠡᠳᠡᠭᠡᠳ᠂ ᠭᠠᠭᠴᠠ ᠰᠡᠳᠭᠢᠯ ᠪᠠᠷᠢᠵᠤ᠂ ᠲᠥᠭᠡ ᠰᠠᠯᠤᠯᠦᠭᠡᠢ ᠮᠥᠷᠳᠡᠭᠰᠡᠭᠡᠷ ᠢᠷᠡᠭᠰᠡᠨ᠃ ᠁ ᠠᠯᠲᠠᠨ ᠯᠤᠤᠪᠠᠨ ᠬᠤᠰᠤᠵᠤ ᠬᠠᠶᠠᠯᠠ᠂ ᠠᠮᠠᠷᠠᠭ ᠴᠢᠪᠠᠭᠠᠨᠴᠠᠪᠠᠨ ᠭᠣᠯᠤᠭᠠᠳ ᠬᠠᠶᠠᠯᠠ᠃ ᠳᠥᠷᠪᠡᠨ ᠬᠠᠭᠤᠴᠢᠨ ᠰᠤᠷᠲᠠᠯᠢᠶᠠᠨ ᠪᠤᠯᠠᠵᠤ ᠲᠠᠯᠪᠢᠯᠠ᠂ ᠲᠠᠪᠤᠨ ᠤᠯᠠᠭᠠᠨᠢ ᠪᠦᠷᠢᠳᠦᠯᠭᠦᠵᠦ ᠳᠠᠭᠠᠭᠠᠳ ᠪᠠᠰᠠ ᠵᠠᠪᠳᠤᠬᠤᠦᠭᠡᠢ ᠪᠠᠢᠨᠠ ᠰᠢᠤ! ᠁ ᠬᠠᠮᠲᠤ ᠪᠠᠢᠯᠳᠤᠵᠤ ᠬᠠᠮᠲᠤᠶᠢᠨ ᠢᠯᠠᠯᠲᠠᠪᠠᠨ ᠣᠯᠬᠤᠠᠴᠠ ᠡᠮᠦᠨᠡ ᠬᠠᠮᠠᠷ ᠯᠣᠳᠤᠨᠳᠠᠭᠠᠨ ᠪᠠᠭᠤᠴᠢᠬᠠᠬᠤᠨᠢ ᠡᠨᠡᠦᠦ? ᠪᠠᠭᠤᠬᠤ ᠮᠥᠷᠲᠡᠭᠡᠨ ᠳᠠᠢᠰᠤᠨᠲᠠᠢ ᠴᠤᠭ ᠬᠠᠷᠠᠯᠠᠭᠤᠯᠴᠢᠬᠠᠨᠠ ᠭᠡᠵᠦᠦᠦ! ᠁ ᠬᠠᠮᠠᠷ ᠯᠣᠳᠤᠨᠤ ᠭᠣᠮᠤᠳᠠᠯᠤᠨ ᠨᠢᠯᠪᠤᠰᠤᠨᠢ ᠬᠣᠷᠢᠭᠠᠵᠤ ᠵᠠᠪᠳᠤᠯᠦᠭᠡᠢ ᠡᠩᠭᠡᠷᠢᠨᠢ ᠳᠡᠪᠲᠦᠭᠡᠨᠡ᠃
ᠬᠠᠮᠠᠷ ᠯᠣᠳᠤᠨ ᠢᠩᠭᠢᠵᠦ ᠭᠣᠮᠤᠳᠠᠯᠲᠠᠢᠬᠠᠨ ᠲᠣᠩᠭᠤᠢᠭᠠᠳ᠂ ᠨᠢᠭᠡ ᠮᠡᠳᠡᠭᠰᠡᠨᠴᠢᠨᠢ ᠠᠷᠪᠠᠨ ᠵᠢᠯ ᠪᠣᠯᠵᠠᠢ᠃ ᠡᠨᠡ ᠳᠤᠮᠳᠠ ᠶᠠᠭᠤ ᠪᠣᠯᠵᠤ ᠶᠠᠭᠠᠬᠢᠵᠤ ᠶᠠᠪᠤᠭᠰᠠᠨᠢᠶᠠᠨ ᠲᠡᠷᠡ ᠥᠪᠡᠷᠢᠶᠡᠨᠴᠦ ᠬᠡᠯᠡᠵᠦ ᠮᠡᠳᠡᠬᠦᠦᠭᠡᠢ᠃ ᠰᠦᠭ ᠰᠦᠨᠡᠰᠦᠨᠢ ᠲᠠᠮᠤᠶᠢᠨ ᠢᠷᠤᠭᠠᠷᠲᠤ ᠬᠡᠪᠲᠡᠭᠡᠳ᠂ ᠬᠣᠭᠤᠰᠤᠨ ᠮᠠᠬᠠᠪᠤᠳ ᠲᠡᠳᠦᠢ ᠣᠪᠤᠢᠵᠤ ᠪᠠᠢᠭᠰᠠᠨ ᠲᠤᠯᠠ ᠠᠮᠢ ᠭᠣᠣᠯ ᠪᠠᠢᠭᠠᠳ ᠳᠤᠤᠭᠠᠷᠴᠤ ᠪᠣᠯᠬᠤᠦᠭᠡᠢ᠂ ᠬᠠᠲᠠᠭᠤ ᠬᠦᠨᠳᠦ ᠬᠥᠳᠡᠯᠮᠦᠷᠢᠶᠢ ᠪᠡᠶᠡᠯᠡᠭᠦᠯᠦᠭᠡᠳ ᠠᠰᠢᠭ ᠰᠢᠮᠡ ᠬᠦᠷᠲᠡᠵᠦ ᠪᠣᠯᠬᠤᠦᠭᠡᠢ ᠭᠡᠳᠡᠭᠢᠯᠡ ᠴᠡᠭᠡᠵᠢᠯᠡᠵᠦ ᠶᠠᠪᠤᠭᠰᠠᠨ᠃ ᠠᠮᠢᠳᠤᠷᠠᠯᠤᠨ ᠵᠠᠮᠳᠤ ᠲᠡᠭᠦᠨᠳᠦ ᠬᠤᠮᠠᠬᠢᠶᠢᠨ ᠲᠡᠳᠦᠢᠯᠡ ᠭᠡᠭᠡ ᠣᠯᠭᠤᠭᠰᠠᠨ ᠬᠥᠮᠦᠨᠨᠢ ᠭᠡᠪᠡᠯ ᠵᠠᠯᠠᠭᠤᠪᠠᠨ ᠥᠩᠭᠡᠷᠡᠵᠦ ᠵᠠᠵᠢᠨᠢ ᠴᠠᠢᠵᠤ ᠡᠬᠢᠯᠡᠭᠰᠡᠨ ᠴᠢᠪᠠᠭᠠᠨᠴᠠ ᠵᠠᠭᠷᠠᠢᠮᠠᠨᠢᠯᠠ ᠠᠵᠢ᠃
《ᠬᠡᠨ ᠬᠡᠨᠢᠶᠡᠨ ᠬᠡᠯᠡᠯᠭᠡᠦᠭᠡᠢ᠂ ᠬᠡᠭᠡᠷ ᠮᠣᠷᠢᠪᠠᠨ ᠭᠤᠶᠠᠳᠠᠯᠭᠠᠦᠭᠡᠢ᠃ ᠴᠢᠨᠦ ᠮᠢᠨᠦ ᠵᠠᠶᠠᠭᠠ ᠨᠢᠭᠡᠯᠡ! ᠭᠣᠮᠤᠳᠠᠭᠠᠳᠴᠤ ᠶᠠᠭᠠᠬᠢᠨᠠ ᠪᠤᠢ? ᠬᠣᠷᠤᠰᠤᠭᠠᠳᠴᠤ ᠶᠠᠭᠠᠬᠢᠨᠠ ᠪᠤᠢ?》 ᠭᠡᠳ ᠬᠥᠭᠰᠢᠨ ᠴᠢᠪᠠᠭᠠᠨᠴᠠ ᠲᠡᠭᠦᠨᠲᠡᠢ ᠪᠡᠷᠬᠡ ᠣᠢᠷᠠᠳᠴᠤ᠂ ᠣᠭᠤᠴᠢ ᠤᠰᠤ ᠣᠯᠪᠠᠴᠤ ᠬᠤᠪᠢᠶᠠᠵᠤ ᠤᠤᠭᠤᠨ᠂ ᠵᠦᠰᠦᠮ ᠪᠢᠰᠢᠯᠠᠭ ᠣᠯᠪᠠᠴᠤ ᠲᠠᠯᠠᠯᠠᠵᠤ ᠢᠳᠡᠭᠰᠡᠭᠡᠷ ᠡᠳᠦᠢ ᠪᠣᠯᠵᠠᠢ᠃
ᠡᠨᠡᠬᠦ ᠶᠢᠷᠲᠢᠨᠴᠦᠶᠢᠨ ᠬᠠᠷᠠ ᠰᠢᠭᠤᠷᠭᠠᠨᠳᠤ᠂ ᠨᠢᠭᠡᠳᠦᠯᠦᠨ ᠱᠦᠵᠢ᠂ ᠬᠢᠯᠠᠷ ᠳᠠᠮᠪᠢ ᠁ ᠠᠷᠤ ᠠᠷᠤᠠᠴᠠᠪᠠᠨ ᠡᠷᠯᠢᠭᠲᠦ ᠣᠴᠢᠬᠤᠳᠤ᠂ ᠬᠠᠮᠠᠷ ᠯᠣᠳᠤᠨ ᠬᠠᠷᠢᠨ ᠵᠡᠷᠯᠢᠭ ᠡᠪᠡᠰᠦᠰᠢᠭ ᠠᠮᠢ ᠪᠥᠬᠡᠲᠡᠢᠳᠡᠭᠡᠨ ᠵᠣᠯᠢᠶᠠᠷ ᠦᠯᠡᠳᠡᠵᠡᠢ᠃ ᠬᠥᠷᠦᠬᠦ ᠰᠢᠬᠠᠭᠰᠠᠨ ᠵᠢᠷᠦᠬᠡᠨᠳᠦᠨᠢ ᠪᠦᠯᠢᠶᠡᠨ ᠴᠢᠰᠤ ᠣᠯᠭᠤᠯᠠ ᠭᠡᠪᠡᠯ ᠲᠡᠷᠡᠨᠢ ᠴᠢᠪᠠᠭᠠᠨᠴᠠ ᠵᠠᠭᠷᠠᠢᠮᠠᠶᠢᠨ ᠰᠤᠯᠠᠬᠠᠨ ᠰᠢᠪᠡᠨᠡᠭᠡ ᠪᠠ ᠥᠷᠦᠪᠳᠦᠯᠦᠨ ᠬᠠᠷᠠᠴᠠᠯᠠ! ᠁