| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠰᠠᠷᠠᠨ ᠮᠠᠨᠳᠤᠯᠠ᠂ ᠬᠦᠷᠢᠶᠡᠨ ᠳᠣᠲᠤᠷᠠ ᠮᠠᠰᠢ ᠰᠡᠷᠢᠭᠦᠬᠡᠨ ᠪᠥᠭᠡᠳ ᠴᠡᠪᠡᠷᠬᠡᠨᠴᠦ ᠪᠠᠢᠯᠠ᠃ ᠡᠳᠦᠷᠦᠨ ᠬᠠᠭᠠᠯᠤᠭᠰᠠᠨ ᠬᠤᠯᠤᠰᠤ ᠴᠢᠭᠢᠭᠳᠡᠨ ᠳᠡᠪᠲᠦᠭᠡᠳ ᠰᠦᠯᠵᠢᠬᠦᠳᠦ ᠲᠠᠭᠠᠲᠠᠢ ᠰᠠᠢᠬᠠᠨ ᠪᠠᠢᠨᠠ᠃ ᠨᠢᠭᠡ ᠡᠮᠡᠭᠲᠡᠢ ᠵᠢᠵᠢᠭᠬᠡᠨ ᠬᠦᠷᠢᠶᠡᠨ ᠳᠣᠲᠤᠷᠠ ᠵᠥᠭᠡᠯᠡᠷᠡᠵᠦ ᠳᠡᠪᠲᠦᠭᠰᠡᠨ ᠬᠤᠯᠤᠰᠤᠶᠢ ᠬᠤᠷᠤᠭᠤᠨᠳᠠᠭᠠᠨ ᠣᠷᠢᠶᠠᠵᠤ ᠰᠠᠭᠤᠨᠠ᠃ ᠨᠢᠮᠭᠡᠨ ᠪᠥᠭᠡᠳ ᠨᠠᠷᠢᠬᠠᠨ ᠰᠠᠢᠬᠠᠨ ᠬᠠᠭᠠᠯᠤᠭᠰᠠᠨ ᠬᠤᠯᠤᠰᠤ ᠲᠡᠭᠦᠨᠦ ᠡᠮᠦᠨᠡ ᠨᠠᠬᠢᠯᠵᠠᠨᠠ᠃
ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯᠳᠤ ᠬᠤᠯᠤᠰᠤᠲᠠᠢ ᠭᠠᠵᠠᠷ ᠬᠡᠳᠦᠢ ᠪᠠᠢᠳᠠᠭ ᠪᠤᠢ? ᠭᠡᠪᠡᠯ ᠮᠡᠳᠡᠬᠦᠦᠭᠡᠢ᠃ ᠵᠢᠯᠳᠦ ᠬᠡᠳᠦᠢ ᠬᠤᠯᠤᠰᠤ ᠭᠠᠷᠳᠠᠭ ᠪᠤᠢ? ᠭᠡᠪᠡᠯ ᠪᠠᠰᠠᠯᠠ ᠮᠡᠳᠡᠬᠦᠦᠭᠡᠢ᠃ ᠵᠥᠪᠬᠡᠨ ᠵᠢᠯ ᠪᠣᠯᠭᠠᠨ ᠬᠤᠯᠤᠰᠤᠨᠤ ᠨᠠᠪᠴᠢ ᠰᠢᠷᠠᠯᠠᠵᠤ᠂ ᠰᠠᠬᠠᠯ ᠰᠠᠮᠪᠠᠢᠨᠢ ᠨᠢᠰᠦᠨ ᠳᠡᠭᠳᠡᠬᠦ ᠦᠶᠡᠳᠦ ᠪᠢᠯᠬᠠᠮᠠᠯᠤᠨ ᠬᠤᠯᠤᠰᠤ ᠴᠥᠮ ᠬᠠᠮᠤᠭᠳᠠᠭᠠᠳ ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯ ᠣᠷᠴᠢᠮᠤᠨ ᠥᠷᠭᠡᠨ ᠲᠠᠯᠠᠪᠠᠢᠨᠢ ᠶᠣᠰᠤᠲᠠᠢ ᠨᠢᠭᠡ ᠬᠤᠯᠤᠰᠤᠨ ᠬᠣᠷᠤᠭᠠ ᠪᠣᠯᠳᠠᠭᠰᠠᠨ᠃ ᠡᠮᠡᠭᠲᠡᠢᠴᠦᠳ ᠲᠠᠯᠠᠪᠠᠢ ᠪᠤᠶᠤ ᠬᠠᠰᠢᠶᠠᠨᠳᠤ ᠰᠠᠭᠤᠵᠤ ᠴᠢᠭᠢᠷᠰᠦ ᠰᠦᠯᠵᠢᠵᠡᠭᠡᠨᠡ᠃ ᠳᠠᠷᠠᠭᠠ ᠵᠢᠯᠦᠨ ᠬᠢᠨᠢ ᠵᠢᠷᠭᠤᠭᠠᠨ ᠰᠠᠷᠠᠳᠤ ᠪᠢᠯᠬᠠᠮᠠᠯᠤᠨ ᠤᠰᠤ ᠨᠡᠮᠡᠭᠳᠡᠮᠡᠭᠴᠡ ᠲᠣᠭᠠ ᠲᠣᠮᠰᠢᠦᠭᠡᠢ ᠣᠩᠭᠤᠴᠠᠨᠤᠭᠤᠳ ᠮᠥᠩᠭᠦᠨ ᠴᠠᠭᠠᠨ ᠭᠡᠷᠡᠯ ᠰᠠᠴᠤᠷᠠᠭᠤᠯᠤᠭᠰᠠᠨ ᠴᠢᠭᠢᠷᠰᠦ ᠠᠴᠢᠭᠠᠳ ᠭᠠᠳᠠᠭᠰᠢ ᠵᠥᠭᠡᠭᠡᠵᠦ ᠡᠬᠢᠯᠡᠳᠡᠭ᠃ ᠲᠡᠭᠡᠭᠡᠳ ᠤᠳᠠᠯᠦᠭᠡᠢ ᠬᠣᠲᠠ ᠲᠣᠰᠭᠤᠨᠳᠤ ᠭᠣᠶᠤ ᠰᠠᠢᠬᠠᠨ ᠬᠤᠸᠠᠷ ᠬᠡᠲᠡᠢ᠂ ᠨᠢᠭᠲᠠ ᠨᠠᠷᠢᠨ ᠤᠷᠠᠯᠢᠭ ᠰᠠᠢᠬᠠᠨ ᠰᠦᠯᠵᠢᠭᠰᠡᠨ ᠴᠢᠭᠢᠷᠰᠦᠲᠡᠢ ᠪᠣᠯᠴᠢᠬᠠᠳᠠᠭ᠃ ᠬᠥᠮᠦᠰ: 《ᠰᠠᠢᠨ ᠴᠢᠭᠢᠷᠰᠦ᠂ ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯᠤᠨ ᠴᠢᠭᠢᠷᠰᠦ!》 ᠬᠡᠮᠡᠨ ᠪᠤᠯᠢᠶᠠᠯᠳᠤᠨ ᠠᠪᠳᠠᠭ ᠪᠢᠯᠡ᠃
ᠲᠡᠷᠡ ᠡᠮᠡᠭᠲᠡᠢ ᠴᠢᠭᠢᠷᠰᠦᠪᠡᠨ ᠰᠦᠯᠵᠢᠭᠰᠡᠭᠡᠷ ᠪᠠᠢᠯᠠ᠃ ᠤᠳᠠᠯᠦᠭᠡᠢ ᠨᠢᠭᠡᠶᠢ ᠰᠦᠯᠵᠢᠵᠦ ᠣᠷᠬᠢᠯᠠ᠃ ᠲᠡᠷᠡ ᠡᠮᠡᠭᠲᠡᠢ ᠶᠠᠭᠯᠠ ᠴᠡᠪᠡᠷ ᠰᠠᠢᠬᠠᠨ ᠴᠠᠰᠤᠨ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠭᠠᠰᠢᠭ᠋ ᠪᠤᠶᠤ ᠬᠥᠪᠦᠩ ᠴᠠᠭᠠᠨ ᠡᠭᠦᠯᠡ ᠬᠥᠯᠭᠡᠯᠡᠭᠰᠡᠨᠴᠦᠶᠦᠮᠰᠢᠭ ᠪᠠᠢᠯᠠ᠃ ᠪᠠᠢᠨ ᠪᠠᠢᠨ ᠪᠢᠯᠬᠠᠮᠠᠯ ᠤᠷᠤᠭᠤ ᠰᠢᠷᠲᠡᠨᠡ᠃ ᠪᠢᠯᠬᠠᠮᠠᠯᠤᠨ ᠤᠰᠤᠴᠤ ᠮᠥᠩᠭᠦᠨ ᠴᠠᠭᠠᠨ ᠳᠡᠯᠡᠬᠡᠢ ᠪᠣᠯᠤᠭᠰᠠᠨ ᠪᠠᠢᠯᠠ᠃ ᠤᠰᠤᠨ ᠳᠡᠭᠡᠭᠦᠷ ᠰᠡᠪᠰᠡᠭᠡᠷ ᠨᠢᠮᠭᠡᠨ ᠮᠠᠨᠠᠨ ᠬᠥᠰᠢᠭᠡ ᠲᠠᠲᠠᠵᠤ ᠰᠣᠷᠭᠤᠭ ᠰᠠᠢᠬᠠᠨ ᠯᠢᠩᠬᠤᠠ ᠴᠡᠴᠡᠭᠦᠨ ᠦᠨᠦᠷ ᠠᠩᠬᠢᠯᠤᠨᠠ᠃
ᠭᠡᠪᠡᠴᠦ ᠬᠦᠷᠢᠶᠡᠨᠦ ᠬᠠᠭᠠᠯᠭᠠᠪᠠᠨᠴᠤ ᠬᠠᠭᠠᠭᠠᠳᠤᠢ᠂ ᠡᠷᠡ ᠨᠥᠬᠦᠷᠨᠢ ᠢᠷᠡᠭᠡᠳᠦᠢ ᠬᠦᠯᠢᠶᠡᠭᠰᠡᠭᠡᠷ ᠠᠵᠢ᠃
ᠡᠷᠡ ᠨᠥᠬᠦᠷᠨᠢ ᠣᠷᠤᠢᠬᠠᠨ ᠢᠷᠡᠵᠡᠢ᠃ ᠲᠡᠷᠡ ᠵᠠᠯᠠᠭᠤ᠂ ᠬᠣᠷᠢ ᠬᠡᠲᠦᠷᠡᠭᠡᠳᠦᠢ ᠪᠥᠭᠡᠳ ᠲᠣᠯᠤᠭᠠᠢᠳᠠᠭᠠᠨ ᠲᠣᠮᠤ ᠭᠡᠭᠴᠢᠶᠢᠨ ᠡᠪᠡᠰᠦᠨ ᠮᠠᠯᠠᠭᠠᠢ ᠵᠡᠭᠦᠵᠡᠢ᠃ ᠴᠠᠪ ᠴᠠᠭᠠᠨ ᠬᠠᠨᠲᠠᠭᠠᠵᠠᠲᠠᠢ ᠪᠥᠭᠡᠳ ᠲᠠᠰ ᠬᠠᠷᠠ ᠥᠮᠦᠳᠦᠨᠦᠪᠡᠨ ᠰᠢᠷᠬᠤᠨᠠᠭᠢ ᠡᠪᠦᠳᠦᠭᠡᠴᠡ ᠳᠡᠭᠡᠭᠰᠢ ᠭᠠᠷᠲᠠᠯᠠ ᠰᠢᠭᠤᠵᠤ ᠣᠷᠬᠢᠭᠠᠳ ᠬᠥᠯ ᠨᠢᠴᠦᠭᠦᠨ᠃ ᠨᠡᠷᠡᠨᠢ ᠱᠦᠢ ᠱᠧᠩ ᠭᠡᠳᠡᠭ ᠪᠥᠭᠡᠳ ᠬᠤᠯᠤᠰᠤᠲᠤ ᠲᠣᠰᠭᠤᠨᠤ ᠫᠠᠷᠲ᠋ᠢᠽᠠᠨ ᠳᠤᠭᠤᠢᠯᠠᠩᠤᠨ ᠳᠠᠷᠤᠭᠠ᠂ ᠨᠠᠮᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨᠶᠤᠮ᠃ ᠡᠨᠡ ᠵᠠᠯᠠᠭᠤ ᠳᠤᠭᠤᠢᠯᠠᠩᠢᠶᠠᠨ ᠳᠠᠭᠠᠭᠤᠯᠵᠤ ᠰᠤᠮᠤᠨ ᠳᠡᠭᠡᠷᠡ ᠣᠴᠢᠵᠤ ᠬᠤᠷᠠᠯ ᠬᠢᠭᠡᠳ ᠢᠷᠡᠭᠰᠡᠨ ᠠᠵᠢ᠃
ᠡᠬᠡᠨᠡᠷᠨᠢ: 《ᠥᠨᠥᠳᠦᠷ ᠶᠠᠭᠠᠬᠢᠭᠠᠳ ᠡᠢᠮᠦ ᠣᠷᠤᠢᠲᠠᠪᠠ?》 ᠭᠡᠳ ᠬᠣᠭᠤᠯᠠᠪᠠᠨ ᠠᠪᠴᠢᠷᠠᠬᠤᠪᠠᠷ ᠪᠣᠰᠤᠯᠠ᠃
ᠱᠦᠢ ᠱᠧᠩ : 《ᠬᠣᠭᠤᠯᠠ ᠢᠳᠡᠴᠢᠬᠡᠭᠰᠡᠨ᠂ ᠠᠪᠴᠢᠷᠠᠬᠤ ᠬᠡᠷᠡᠭᠦᠭᠡᠢ》 ᠭᠡᠯᠡ᠃
ᠡᠬᠡᠨᠡᠷᠨᠢ ᠮᠥᠨ ᠥᠨᠥᠬᠢ ᠴᠢᠭᠢᠷᠰᠦᠨ ᠳᠡᠭᠡᠷᠡᠪᠡᠨ ᠰᠠᠭᠤᠯᠠ᠃ ᠡᠷᠡ ᠨᠥᠬᠦᠷᠦᠨᠢᠶᠡᠨ ᠴᠢᠷᠠᠢᠨᠢ ᠬᠤᠪᠢᠷᠠᠵᠤ ᠠᠭᠤᠷᠲᠠᠢᠰᠢᠭ᠋ ᠪᠠᠢᠬᠤᠶᠢ ᠮᠡᠳᠡᠭᠡᠳ: 《ᠲᠡᠷᠡ ᠬᠡᠳᠦᠭᠦᠯᠡᠴᠢᠨᠢ?》 ᠭᠡᠵᠦ ᠠᠰᠠᠭᠤᠬᠤᠳᠤ: 《ᠰᠤᠮᠤᠨ ᠳᠡᠭᠡᠷᠡ ᠪᠠᠢᠭᠰᠠᠭᠠᠷ᠃ ᠠᠪᠤ ᠬᠠᠮᠢᠭᠠ ᠣᠴᠢᠭᠰᠠᠨᠶᠤᠮ ᠪᠤᠢ?》 ᠭᠡᠪᠡ᠃
《ᠤᠨᠲᠠᠴᠢᠬᠠᠭᠰᠠᠨ᠃ 》
《ᠰᠢᠶᠣᠣ ᠬᠤᠸᠠ?》
《ᠰᠢᠶᠣᠣ ᠬᠤᠸᠠ᠂ ᠡᠪᠦᠭᠡ ᠠᠪᠤᠲᠠᠢᠪᠠᠨ ᠬᠠᠭᠠᠰ ᠡᠳᠦᠷ ᠰᠢᠬᠠᠭᠤ ᠬᠠᠪᠴᠢ ᠪᠠᠷᠢᠬᠤ ᠰᠠᠭᠰᠤᠲᠠᠢᠪᠠᠨ ᠣᠷᠤᠯᠳᠤᠭᠰᠠᠭᠠᠷ ᠠᠯᠢ ᠬᠡᠳᠦᠢᠨᠡᠢ ᠤᠨᠲᠠᠴᠢᠬᠠᠭᠰᠠᠨ᠃ ᠨᠥᠭᠦᠭᠡᠳᠦᠭᠦᠯᠡᠴᠢᠨᠢ ᠶᠠᠭᠠᠬᠢᠭᠠᠳ ᠬᠠᠷᠢᠵᠤ ᠢᠷᠡᠭᠰᠡᠨᠦᠭᠡᠢᠶᠦᠮ ᠪᠤᠢ?》
ᠱᠦᠢ ᠱᠧᠩ ᠢᠨᠢᠶᠡᠮᠰᠦᠭᠯᠡᠯᠡ᠃ ᠡᠬᠡᠨᠡᠷᠨᠢ ᠲᠡᠭᠦᠨᠦ ᠶᠡᠷᠦ ᠪᠤᠰᠤᠶᠢᠨ ᠢᠨᠢᠶᠡᠮᠰᠦᠭᠯᠡᠯᠢ ᠦᠵᠡᠭᠡᠳ 《ᠴᠢᠮᠢᠨᠢ ᠪᠠᠰᠠ ᠶᠠᠭᠠᠬᠢᠴᠢᠬᠠᠪᠠ?》 ᠭᠡᠬᠦᠳᠦ᠂ ᠱᠦᠢ ᠱᠧᠩ ᠨᠠᠮ ᠳᠠᠭᠤᠪᠠᠷ: 《ᠪᠢ ᠮᠠᠷᠭᠠᠰᠢ ᠶᠡᠬᠡ ᠠᠩᠭᠢᠶᠢᠨ ᠭᠠᠵᠠᠷᠲᠤ ᠣᠴᠢᠬᠤ ᠪᠣᠯᠤᠯᠠ》 ᠭᠡᠪᠡ᠃
ᠡᠬᠡᠨᠡᠷᠨᠢ ᠰᠣᠨᠤᠰᠤᠩᠭᠤᠲᠠ ᠬᠠᠴᠢᠨ ᠪᠣᠯᠵᠤ ᠭᠠᠷᠨᠢ ᠰᠠᠯᠭᠠᠨᠠᠵᠤ ᠬᠤᠯᠤᠰᠤᠨᠤ ᠢᠷᠲᠦ ᠬᠤᠷᠤᠭᠤᠪᠠᠨ ᠡᠰᠭᠡᠵᠦ ᠠᠮᠠᠨᠳᠠᠭᠠᠨ ᠰᠢᠮᠡᠨᠡ᠃
ᠱᠦᠢ ᠱᠧᠩ : 《ᠰᠢᠶᠠᠨᠤ ᠨᠠᠮᠤᠨ ᠺᠣᠮᠢᠰ ᠪᠢᠳᠡᠨᠢ ᠥᠨᠥᠳᠦᠷ ᠬᠤᠷᠠᠯᠳᠤᠭᠤᠯᠵᠤ᠂ ᠳᠠᠢᠰᠤᠨ ᠬᠡᠷᠪᠡ ᠲᠦᠩ ᠺᠧᠦᠳᠦ ᠳᠠᠬᠢᠨ ᠪᠡᠬᠢᠯᠡᠯᠲᠡ ᠬᠢᠳᠡᠭᠶᠦᠮ ᠪᠣᠯ ᠳ᠋ᠤᠸᠠᠨ ᠼᠦᠨ ᠲᠣᠰᠭᠤᠨᠲᠠᠢ ᠨᠢᠭᠡ ᠱᠤᠭᠤᠮ ᠪᠣᠯᠵᠤ ᠪᠢᠯᠬᠠᠮᠠᠯᠤᠨ ᠲᠡᠮᠡᠴᠡᠯᠦᠨ ᠪᠠᠢᠳᠠᠯ ᠥᠭᠡᠷᠡ ᠪᠣᠯᠤᠨᠠ ᠭᠡᠵᠦ ᠦᠵᠡᠭᠡᠳ᠂ ᠣᠷᠤᠨ ᠨᠤᠲᠤᠭᠤᠨ ᠳᠤᠭᠤᠢᠯᠠᠩ ᠪᠠᠢᠭᠤᠯᠬᠤᠪᠠᠷ ᠲᠣᠭᠲᠠᠯᠠ᠃ ᠪᠢ ᠬᠡᠨᠡᠴᠡᠴᠦ ᠲᠦᠷᠦᠭᠦᠨᠳᠦ ᠭᠠᠷ ᠡᠷᠭᠦᠵᠦ ᠨᠡᠷᠡᠪᠡᠨ ᠪᠦᠷᠢᠳᠭᠡᠭᠦᠯᠦᠭᠰᠡᠨ》 ᠭᠡᠬᠦᠳᠦ᠂
ᠡᠬᠡᠨᠡᠷᠨᠢ ᠳᠣᠷᠤᠭᠰᠢ ᠬᠠᠷᠠᠭᠠᠳ: 《ᠴᠢ ᠭᠡᠵᠦ ᠳᠠᠩᠳᠠ ᠢᠳᠡᠪᠬᠢ ᠭᠠᠷᠭᠠᠵᠤᠯᠠ ᠪᠠᠢᠳᠠᠭ ᠰᠢᠤ》 ᠭᠡᠯᠡ᠃
ᠱᠦᠢ ᠱᠧᠩ : 《ᠪᠢᠴᠢᠨᠢ ᠲᠣᠰᠭᠤᠨᠤ ᠫᠠᠷᠲ᠋ᠢᠽᠠᠨ ᠠᠩᠭᠢᠶᠢ ᠬᠠᠷᠢᠭᠤᠴᠠᠵᠤ ᠪᠠᠢᠭᠠ ᠪᠥᠭᠡᠳ ᠺᠠᠳ᠋ᠷ ᠬᠥᠮᠦᠨ ᠲᠤᠯᠠ ᠪᠦᠬᠦᠨᠦ ᠲᠦᠷᠦᠭᠦᠨᠳᠦ ᠵᠣᠭᠰᠤᠬᠤ ᠶᠣᠰᠤᠲᠠᠢ ᠰᠢᠤ ᠳ᠋ᠠ᠃ ᠨᠥᠭᠦᠭᠡᠳᠦᠭᠦᠯᠡᠮᠠᠨᠢ ᠪᠠᠰᠠ ᠨᠡᠷᠡᠪᠡᠨ ᠪᠦᠷᠢᠳᠭᠡᠭᠦᠯᠦᠭᠰᠡᠨ᠃ ᠲᠡᠳᠡ ᠮᠠᠨᠢ᠂ ᠠᠷᠤ ᠭᠡᠷᠦᠨ ᠬᠢᠨᠲᠡᠢᠪᠡᠨ ᠵᠢᠭᠤᠷᠠᠯᠳᠤᠬᠤᠠᠴᠠ ᠠᠶᠤᠭᠠᠳ ᠢᠷᠡᠭᠰᠡᠨᠦᠭᠡᠢ᠃ ᠪᠦᠭᠦᠳᠡᠯᠡ ᠨᠠᠮᠠᠶ᠋ᠢᠪᠠᠨ ᠲᠦᠯᠬᠢᠨ᠂ ᠠᠷᠤ ᠭᠡᠷᠦᠨ ᠬᠢᠨᠲᠡᠢᠪᠡᠨ ᠶᠠᠷᠢᠯᠴᠠᠵᠤ ᠥᠭᠭᠦᠨᠡᠦᠦ ᠭᠡᠰᠡᠨᠶᠦᠮ᠃ ᠬᠠᠷᠢᠨ ᠴᠢᠮᠠᠢᠪᠠᠨ ᠪᠣᠯ ᠲᠡᠳᠡ ᠴᠥᠮ ᠣᠪᠤᠭᠠ ᠲᠣᠮᠤᠭᠠᠲᠠᠢᠶᠤᠮ ᠭᠡᠵᠡᠭᠡᠵᠦ ᠪᠠᠢᠯᠠ》 ᠭᠡᠬᠦᠳᠦ᠂
ᠡᠬᠡᠨᠡᠷᠨᠢ ᠶᠠᠭᠤᠴᠤ ᠭᠡᠵᠦ ᠳᠤᠤᠭᠠᠷᠤᠭᠰᠠᠨᠦᠭᠡᠢ ᠪᠠᠬᠠᠨ ᠪᠠᠢᠭᠰᠠᠨᠢᠶᠠᠨ: 《ᠶᠠᠪᠤᠯᠠ ᠳ᠋ᠠ᠂ ᠪᠢ ᠴᠢᠮᠠᠢ ᠬᠣᠷᠢᠭᠯᠠᠬᠤᠦᠭᠡᠢ᠂ ᠬᠠᠷᠢᠨ ᠭᠡᠷᠦᠨᠢᠶᠡᠨ ᠬᠥᠮᠦᠰᠢ ᠶᠠᠭᠠᠬᠢᠬᠤ ᠪᠤᠢ?》 ᠭᠡᠪᠡ᠃
ᠱᠦᠢ ᠱᠧᠩ ᠡᠴᠢᠭᠡᠶᠢᠨᠢᠶᠡᠨ ᠰᠠᠭᠤᠳᠠᠭ ᠵᠢᠵᠢᠭᠬᠡᠨ ᠥᠷᠦᠭᠡᠶᠢ ᠵᠢᠭᠠᠵᠤ: 《ᠨᠠᠮ ᠳᠠᠭᠤᠪᠠᠷ ᠶᠠᠷᠢᠭᠠᠴᠢ ᠳ᠋ᠠ᠂ ᠭᠡᠷᠦᠨ ᠬᠢᠨᠴᠦ ᠶᠠᠭᠠᠬᠢᠬᠤᠪ᠂ ᠬᠠᠷᠠᠭᠠᠯᠵᠠᠬᠤ ᠬᠥᠮᠦᠨ ᠯᠠᠪ ᠪᠠᠢᠬᠤᠶᠤᠮ᠃ ᠭᠡᠪᠡᠴᠦ ᠮᠠᠨᠤ ᠲᠣᠰᠭᠤᠨ ᠵᠢᠵᠢᠭᠬᠡᠨ ᠪᠣᠯᠬᠣᠷ ᠴᠡᠷᠢᠭᠲᠦ ᠡᠯᠰᠡᠭᠳᠡᠭᠰᠡᠨᠨᠢ ᠳᠣᠯᠤᠭᠠᠬᠠᠨ ᠬᠥᠮᠦᠨ᠃ ᠵᠠᠯᠠᠭᠤᠴᠤᠳ ᠴᠥᠭᠡᠨ ᠪᠣᠯᠬᠣᠷ ᠶᠠᠭᠤᠮᠠ ᠪᠦᠬᠦᠨᠳᠦᠯᠡ ᠪᠤᠰᠤᠳᠤᠨ ᠴᠢᠷᠠᠢᠶᠢ ᠬᠠᠷᠠᠵᠤ ᠪᠣᠯᠬᠤᠦᠭᠡᠢ᠂ ᠭᠡᠷᠦᠨᠢᠶᠡᠨ ᠠᠵᠢᠯᠢ ᠴᠢᠮᠢᠨᠢ ᠪᠠᠬᠠᠨ ᠢᠯᠡᠭᠦᠬᠡᠨ ᠬᠢᠵᠦ ᠪᠠᠢᠭᠠᠷᠠᠢ᠃ ᠡᠴᠢᠭᠡᠮᠢᠨᠢᠴᠦ ᠨᠠᠰᠤᠵᠢᠯᠠ᠃ ᠢᠯᠠᠩᠭᠤᠶᠠ ᠰᠢᠶᠣᠣ ᠬᠤᠸᠠ ᠶᠠᠭᠤᠪᠠᠨ ᠬᠢᠵᠦ ᠴᠢᠳᠠᠬᠤ ᠪᠤᠢ》 ᠭᠡᠬᠦᠳᠦ᠂
ᠡᠬᠡᠨᠡᠷᠦᠨ ᠬᠢᠨᠢ ᠬᠠᠮᠠᠷ ᠤᠷᠤᠭᠤ ᠱᠠᠷᠬᠢᠷᠠᠭᠰᠠᠨ ᠪᠣᠯᠪᠠᠴᠤ ᠤᠬᠢᠯᠠᠭᠰᠠᠨᠦᠭᠡᠢ᠂ ᠵᠥᠪᠬᠡᠨ: 《ᠴᠢ ᠭᠡᠷᠦᠨᠢᠶᠡᠨ ᠵᠣᠪᠠᠭᠤᠷᠢᠲᠠᠢ ᠭᠠᠵᠠᠷ ᠪᠠᠢᠬᠤᠯᠠ ᠭᠡᠳᠡᠭᠢ ᠮᠡᠳᠡᠵᠦ ᠪᠠᠢᠭᠠ ᠪᠢᠵᠡ ᠳ᠋ᠡ 》 ᠭᠡᠵᠦ ᠬᠡᠯᠡᠪᠡ᠃
ᠱᠦᠢ ᠱᠧᠩ ᠲᠡᠭᠦᠨᠢ ᠢᠳᠭᠠᠨ ᠠᠷᠭᠠᠳᠠᠬᠤᠶᠢ ᠪᠣᠳᠤᠭᠰᠠᠨ ᠪᠣᠯᠪᠠᠴᠤ ᠪᠣᠳᠤᠵᠤ ᠲᠤᠩᠭᠠᠬᠤ ᠪᠠ ᠪᠡᠯᠡᠳᠭᠡᠬᠦ ᠠᠵᠢᠯ ᠲᠤᠩ ᠣᠯᠠᠨ ᠪᠠᠢᠭᠰᠠᠨ ᠲᠤᠯᠠ ᠵᠥᠪᠬᠡᠨ 《ᠮᠢᠩᠭᠠᠨ ᠵᠢᠩᠦᠨ ᠡᠭᠦᠷᠭᠡᠶᠢ ᠴᠢᠮᠢᠨᠢ ᠤᠷᠢᠳᠢᠶᠠᠷ ᠡᠭᠦᠷᠴᠦ ᠪᠠᠢ᠂ ᠪᠢ ᠳᠠᠢᠰᠤᠨᠢᠶᠠᠨ ᠳᠠᠷᠤᠵᠤ ᠳᠠᠷᠬᠠᠨ ᠣᠷᠤᠨᠢᠶᠠᠨ ᠬᠠᠮᠠᠭᠠᠯᠠᠭᠰᠠᠨᠤ ᠳᠠᠷᠠᠭᠠ ᠴᠢᠮᠠᠳᠠᠭᠠᠨ ᠪᠠᠶᠠᠷ ᠲᠠᠯᠠᠷᠬᠠᠯᠢᠶᠠᠨ ᠢᠯᠡᠷᠬᠡᠢᠯᠡᠶᠡ》 ᠭᠡᠵᠦ ᠬᠡᠳᠦᠬᠡᠨ ᠦᠭᠡ ᠬᠡᠯᠡᠵᠦ ᠨᠥᠭᠦᠭᠡᠳᠦᠭᠦᠯᠡᠶᠢᠨᠢᠶᠡᠨ ᠭᠡᠷᠢᠶᠡᠷ ᠶᠠᠪᠤᠯᠠ᠃ ᠠᠢᠯᠢᠶᠠᠷ ᠶᠠᠪᠤᠵᠤ ᠢᠷᠡᠭᠰᠡᠨᠦ ᠬᠣᠢᠨᠠ ᠠᠪᠤᠲᠠᠢᠪᠠᠨ ᠶᠠᠷᠢᠯᠴᠠᠬᠤᠪᠠᠷ ᠰᠢᠢᠳᠦᠯᠡ᠃
ᠱᠦᠢ ᠱᠧᠩ ᠲᠠᠬᠢᠶᠠ ᠳᠤᠤᠭᠠᠷᠬᠤ ᠦᠶᠡᠪᠡᠷ ᠬᠠᠷᠢᠵᠤ ᠢᠷᠡᠪᠡ᠃ ᠡᠬᠡᠨᠡᠷᠨᠢ ᠮᠥᠨᠯᠡ ᠭᠥᠯᠢᠷᠡᠨ ᠬᠦᠯᠢᠶᠡᠭᠰᠡᠭᠡᠷ ᠪᠠᠢᠭᠰᠠᠨ ᠲᠤᠯᠠ ᠡᠷᠡ ᠨᠥᠬᠦᠷᠲᠡᠭᠡᠨ:《ᠴᠢ ᠨᠠᠳᠠ ᠵᠠᠬᠢᠬᠤ ᠦᠭᠡ ᠪᠠᠢᠨᠠᠤᠤ?》 ᠭᠡᠪᠡᠯ᠂ ᠡᠷᠡ ᠨᠥᠬᠦᠷᠨᠢ:
《 ᠴᠢᠮᠢᠨᠢ ᠴᠤᠴᠠᠯᠲᠠᠦᠭᠡᠢ ᠤᠷᠤᠭᠰᠢᠯᠠᠵᠤ᠂ ᠪᠢᠴᠢᠭ ᠦᠰᠦᠭᠢᠶᠡᠨ ᠰᠠᠢᠨ ᠰᠤᠷᠴᠤ᠂ ᠰᠠᠢᠨ ᠠᠵᠢᠯᠯᠠᠵᠤ ᠪᠠᠢᠭᠠᠷᠠᠢ》 ᠭᠡᠯᠡ᠃
《ᠡᠩ᠃ 》
《ᠶᠠᠮᠠᠷᠴᠤ ᠶᠠᠪᠤᠳᠠᠯᠳᠤ ᠪᠢᠲᠡᠭᠡᠢ ᠪᠤᠰᠤᠳᠤᠨ ᠬᠣᠢᠨᠠ ᠣᠷᠤ᠃ 》
《ᠵᠠ᠂ ᠥᠭᠡᠷᠡ ᠶᠠᠭᠤᠮᠠ ᠪᠠᠢᠨᠠᠤᠤ?》
《ᠳᠠᠢᠰᠤᠨᠳᠤ ᠪᠢᠲᠡᠭᠡᠢᠯᠡ ᠠᠮᠢᠳᠤᠪᠠᠷᠢᠶᠠᠨ ᠪᠠᠷᠢᠭᠳᠠᠵᠤ ᠪᠠᠭᠤᠵᠤ ᠥᠭᠭᠦᠭᠡᠷᠡᠢ! ᠪᠠᠷᠢᠭᠳᠠᠳᠠᠭᠯᠠᠶᠤᠮ ᠪᠣᠯ ᠦᠬᠦᠨ ᠲᠡᠮᠡᠴᠡᠭᠡᠷᠡᠢ》 ᠭᠡᠯᠡ᠃ ᠡᠨᠡᠨᠢ ᠲᠡᠭᠦᠨᠦ ᠬᠠᠮᠤᠭᠤᠨ ᠴᠢᠬᠤᠯᠠ ᠵᠠᠬᠢᠶᠠ ᠪᠠᠢᠯᠠ᠃ ᠡᠬᠡᠨᠡᠷᠨᠢ ᠵᠠᠬᠢᠭᠰᠠᠨ ᠪᠦᠬᠦᠨᠢᠨᠢ ᠨᠢᠯᠪᠤᠰᠤ ᠤᠨᠠᠭᠠᠨ ᠬᠦᠯᠢᠶᠡᠨ ᠠᠪᠴᠤ ᠪᠠᠢᠯᠠ᠃
ᠳᠠᠷᠠᠭᠠ ᠡᠳᠦᠷ᠂ ᠡᠬᠡᠨᠡᠷᠨᠢ ᠲᠡᠭᠦᠨᠳᠦ ᠳ᠋ᠠᠩ ᠬᠤᠪᠴᠠᠰᠤ᠂ ᠨᠢᠭᠤᠷ ᠭᠠᠷᠤᠨ ᠰᠢᠨᠡ ᠠᠯᠴᠢᠭᠤᠷ᠂ ᠰᠢᠨᠡ ᠣᠶᠤᠭᠰᠠᠨ ᠱᠠᠬᠠᠢ ᠵᠡᠷᠭᠡᠶᠢ ᠪᠡᠯᠡᠳᠭᠡᠵᠦ ᠥᠭᠭᠦᠭᠰᠡᠨ ᠪᠠ ᠵᠠᠮ ᠵᠠᠭᠤᠷᠠᠪᠠᠨ ᠬᠡᠷᠡᠭᠯᠡᠬᠦ ᠶᠠᠭᠤᠮᠠ ᠬᠡᠦᠮᠡᠶᠢ ᠪᠣᠭᠤᠵᠤ ᠪᠠᠭᠯᠠᠭᠰᠠᠨ ᠵᠢᠵᠢᠭᠬᠡᠨ ᠪᠣᠭᠴᠤ ᠪᠡᠯᠡᠳᠭᠡᠵᠦ ᠥᠭᠪᠡ᠃ ᠨᠥᠭᠦᠭᠡ ᠬᠡᠳᠦᠨ ᠭᠡᠷᠦᠨ ᠬᠢᠨᠢ ᠡᠢᠮᠦᠷᠬᠦᠦ ᠶᠠᠭᠤᠮᠠ ᠬᠡᠦᠮᠡᠶᠢ 《ᠠᠪᠤᠭᠠᠳ ᠶᠠᠪᠤ᠂ ᠬᠦᠦᠮᠢᠨᠢ》 ᠭᠡᠳᠯᠡ ᠱᠦᠢ ᠱᠧᠩᠳᠦ ᠥᠭᠴᠦ ᠪᠠᠢᠯᠠ᠃
ᠠᠷᠤ ᠭᠡᠷᠦᠨ ᠬᠢᠨ ᠴᠥᠮ ᠦᠳᠡᠵᠡᠭᠡᠯᠡ᠃ ᠠᠪᠤᠨᠢ ᠰᠢᠶᠣᠣ ᠬᠤᠸᠠᠪᠠᠨ ᠬᠥᠲᠦᠯᠦᠭᠰᠡᠭᠡᠷ: 《ᠱᠦᠢ ᠱᠧᠩᠮᠢᠨᠢ᠂ ᠴᠢᠨᠦ ᠬᠢᠵᠦ ᠪᠤᠢ ᠠᠵᠢᠯ ᠢᠷᠠᠭᠤ ᠠᠯᠳᠠᠷᠲᠠᠢ ᠠᠵᠢᠯ᠂ ᠠᠪᠤᠨᠢ ᠴᠢᠮᠠᠳᠠᠭᠠᠨ ᠰᠠᠭᠠᠳ ᠪᠣᠯᠬᠤᠦᠭᠡᠢ᠂ ᠴᠢᠮᠢᠨᠢ ᠰᠠᠨᠠᠭᠠ ᠠᠮᠤᠷ ᠶᠠᠪᠤᠭᠠᠷᠠᠢ᠂ ᠭᠡᠷᠦᠨ ᠶᠡᠬᠡ ᠪᠠᠭᠠᠶᠢ ᠴᠥᠮ ᠠᠪᠤᠨᠢ ᠬᠠᠷᠠᠭᠠᠯᠵᠠᠵᠤ ᠪᠠᠢᠶᠠ᠂ ᠶᠠᠭᠤᠨᠳᠠᠭᠠᠨᠴᠤ ᠭᠡᠰᠡᠨ ᠪᠢᠲᠡᠭᠡᠢ ᠰᠡᠳᠭᠢᠯ ᠬᠤᠪᠢᠶᠠᠭᠳᠠᠭᠠᠷᠠᠢ》 ᠭᠡᠪᠡ᠃ ᠲᠣᠰᠭᠤᠨᠤ ᠬᠥᠭᠰᠢᠨ ᠵᠠᠯᠠᠭᠤ᠂ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠴᠥᠮᠢᠶᠡᠷᠢᠶᠡᠨ ᠦᠳᠡᠵᠡᠭᠡᠯᠡ᠃ ᠱᠦᠢ ᠱᠧᠩ ᠣᠯᠠᠨᠤ ᠵᠦᠭ ᠬᠠᠷᠠᠵᠤ ᠢᠨᠢᠶᠡᠮᠰᠦᠭᠯᠡᠨ ᠣᠩᠭᠤᠴᠠᠨᠳᠠᠭᠠᠨ ᠭᠠᠷᠤᠭᠠᠳ ᠶᠠᠪᠤᠵᠤ ᠬᠣᠯᠠᠳᠤᠯᠠ᠃
ᠡᠮᠡᠭᠲᠡᠢᠴᠦᠳ ᠡᠷᠡᠰᠦᠳᠡᠴᠡᠪᠡᠨ ᠪᠡᠶᠡᠨᠢ ᠰᠠᠯᠤᠭᠰᠠᠨᠴᠤ ᠰᠡᠳᠭᠢᠯᠨᠢ ᠰᠠᠯᠤᠭᠠᠳᠤᠢ ᠪᠠᠢᠯᠠ᠃ ᠬᠣᠶᠠᠷ ᠬᠣᠨᠤᠭᠤᠨ ᠳᠠᠷᠠᠭᠠ ᠳᠥᠷᠪᠡᠨ ᠵᠠᠯᠠᠭᠤ ᠪᠦᠰᠡᠭᠦᠢ ᠱᠦᠢ ᠱᠧᠩᠦᠨ ᠭᠡᠷᠲᠦ ᠢᠷᠡᠵᠡᠭᠡᠵᠦ ᠵᠥᠪᠯᠡᠯᠳᠦᠵᠦ ᠡᠬᠢᠯᠡᠯᠡ᠃
《ᠰᠣᠨᠤᠰᠬᠤᠳᠤ ᠲᠡᠳᠡᠴᠦ ᠶᠠᠪᠤᠭᠠᠳᠤᠢ ᠡᠨᠳᠡᠪᠡᠨ ᠪᠠᠢᠭᠰᠠᠭᠠᠷ ᠭᠡᠨᠡ ᠰᠢᠦ ᠳ᠋ᠡ᠃ ᠪᠢᠴᠦ ᠲᠡᠳᠡᠨᠳᠦ ᠰᠠᠭᠠᠳ ᠪᠣᠯᠬᠤᠦᠭᠡᠢ᠂ ᠬᠠᠷᠢᠨ ᠨᠢᠭᠡ ᠬᠤᠪᠴᠠᠰᠤᠶᠢᠨᠢ ᠥᠭᠴᠦ ᠶᠠᠪᠤᠭᠤᠯᠬᠤᠪᠠᠨ ᠮᠠᠷᠲᠠᠴᠢᠬᠠᠵᠠᠢ᠃ 》
《ᠪᠢᠴᠦ ᠭᠡᠳ ᠨᠢᠭᠡ ᠦᠭᠡ ᠬᠡᠯᠡᠵᠦ ᠪᠠᠢᠭᠰᠠᠨᠶᠤᠮᠰᠠᠨ》 ᠭᠡᠵᠡᠭᠡᠬᠦᠳᠦ ᠱᠦᠢ ᠱᠧᠩᠦᠨ ᠡᠬᠡᠨᠡᠷ:
《ᠰᠣᠨᠤᠰᠬᠤᠳᠤ ᠳᠠᠢᠰᠤᠨ᠂ ᠲᠦᠩ ᠺᠧᠦᠳᠦ ᠳᠠᠬᠢᠨ ᠪᠡᠬᠢᠯᠡᠬᠦ ᠭᠡᠨᠡ ᠁》 ᠭᠡᠬᠦᠳᠦ᠂
《ᠬᠠᠮᠢᠭᠠᠠᠴᠠ ᠲᠡᠭᠡᠵᠦ ᠰᠠᠢᠬᠠᠨ ᠳᠠᠭᠠᠷᠢᠯᠳᠤᠬᠤ ᠭᠡᠵᠦ ᠳ᠋ᠠ᠂ ᠪᠢᠳᠡ ᠲᠦᠷᠭᠡᠬᠡᠨ ᠣᠴᠢᠭᠠᠳ ᠢᠷᠡᠵᠡᠭᠡᠶᠡ》 ᠭᠡᠨᠡ᠃
《ᠪᠢ ᠦᠨᠡᠨᠳᠡᠭᠡᠨ ᠣᠴᠢᠶᠠᠴᠤ ᠭᠡᠵᠦ ᠰᠠᠨᠠᠬᠤᠦᠭᠡᠢ᠂ ᠬᠠᠷᠢᠨ ᠮᠠᠨᠠᠢ ᠬᠠᠳᠠᠮ ᠡᠬᠡᠯᠡ ᠶᠠᠭᠠᠬᠢᠭᠰᠠᠨᠴᠤ ᠳᠠᠬᠢᠨ ᠨᠢᠭᠡ ᠣᠴᠢᠭᠠᠳ ᠦᠵᠡᠵᠦ ᠢᠷᠡ ᠭᠡᠳ ᠪᠠᠢᠬᠤᠶᠤᠮ᠃ ᠶᠠᠭᠤᠶᠢᠨᠢ ᠦᠵᠡᠭᠡᠳᠯᠡ ᠪᠠᠢᠬᠤᠶᠤᠮ ᠪᠣᠯ ᠪᠤᠤ ᠮᠡᠳᠡ!》 ᠭᠡᠨᠡ᠃
ᠲᠡᠨᠳᠡᠡᠴᠡᠪᠡᠨ ᠲᠡᠳᠡᠨ ᠬᠡᠳᠦᠭᠦᠯᠡ ᠨᠢᠭᠡ ᠵᠢᠵᠢᠭᠬᠡᠨ ᠵᠠᠪᠢ ᠣᠯᠵᠤ ᠰᠡᠯᠢᠭᠡᠳ ᠠᠰ ᠡᠮᠦᠨᠡᠨᠢ ᠪᠠᠢᠭᠠ ᠮᠠ ᠵᠤᠸᠠᠩ ᠲᠣᠰᠭᠤᠨ ᠤᠷᠤᠭᠤ ᠶᠠᠪᠤᠯᠠ᠃
ᠲᠡᠳᠡ ᠲᠣᠰᠭᠤᠨᠳᠤ ᠬᠦᠷᠦᠮᠡᠭᠴᠡ ᠵᠡᠭᠡᠯᠢ ᠭᠤᠳᠤᠮᠵᠢᠪᠠᠷ ᠶᠠᠪᠤᠵᠤ ᠡᠷᠢᠬᠦᠡᠴᠡᠪᠡᠨ ᠬᠠᠯᠠᠰᠢᠷᠠᠨ ᠲᠣᠰᠭᠤᠨᠤ ᠵᠠᠬᠠᠳᠤ ᠪᠠᠢᠭᠠ ᠰᠠᠳᠤᠨᠤᠳᠠᠭᠠᠨ ᠪᠠᠭᠤᠪᠠ᠃ ᠰᠠᠳᠤᠨᠤ ᠬᠢᠨ 《ᠲᠠᠨᠠᠷ ᠮᠣᠷᠢᠪᠠᠨ ᠮᠠᠭᠤ ᠭᠤᠶᠠᠳᠠᠵᠠᠢ᠂ ᠲᠡᠳᠡ ᠥᠴᠦᠭᠡᠳᠦᠷ ᠣᠷᠤᠢᠬᠠᠨ ᠡᠨᠳᠡ ᠪᠠᠢᠵᠠᠭᠠᠵᠤ ᠪᠠᠢᠭᠠᠳ ᠰᠥᠨᠢ ᠳᠤᠮᠳᠠᠪᠠᠷ ᠶᠠᠪᠤᠵᠠᠭᠠᠭᠰᠠᠨ᠂ ᠴᠣᠬᠤᠮ ᠬᠠᠮᠢᠭᠠᠰᠢᠪᠠᠨ ᠶᠠᠪᠤᠭᠰᠠᠨᠢ ᠪᠤᠤ ᠮᠡᠳᠡ᠃ ᠲᠠᠨᠠᠷ ᠲᠡᠳᠡᠨᠦ ᠲᠥᠯᠦᠭᠡ ᠵᠣᠪᠠᠬᠤᠶᠢᠨ ᠬᠡᠷᠡᠭ ᠠᠯᠠᠭᠠ᠃ ᠱᠦᠢ ᠱᠧᠩ ᠳᠡᠳ᠋ ᠰᠠᠯᠠᠭᠠᠨ ᠳᠠᠷᠤᠭᠠ ᠪᠣᠯᠵᠤ᠂ ᠨᠥᠬᠦᠳᠨᠢ ᠴᠥᠮ ᠬᠥᠭᠵᠢᠶᠡᠨ ᠬᠥᠷᠲᠡᠢ ᠪᠠᠶᠠᠷᠯᠠᠵᠤ ᠪᠠᠢᠨᠠ᠁》 ᠭᠡᠪᠡ᠃
ᠲᠡᠳᠡ ᠬᠡᠳᠦᠭᠦᠯᠡᠮᠠᠨᠢ ᠢᠴᠢᠭᠰᠡᠨ ᠪᠣᠯᠤᠯᠲᠠᠢ ᠨᠢᠭᠤᠷᠢᠶᠠᠨ ᠤᠯᠠᠢᠯᠭᠠᠨ ᠭᠠᠷᠴᠠᠭᠠᠵᠤ᠂ ᠨᠠᠭᠤᠷᠤᠨ ᠬᠥᠪᠡᠭᠡᠨᠳᠦ ᠲᠠᠯᠪᠢᠭᠰᠠᠨ ᠵᠠᠪᠢᠪᠠᠨ ᠰᠡᠯᠢᠭᠰᠡᠭᠡᠷ ᠣᠳᠤᠯᠠ᠃ ᠦᠳᠡ ᠪᠣᠯᠬᠤ ᠰᠢᠬᠠᠵᠤ ᠪᠠᠢᠯᠠ᠃ ᠣᠭᠲᠠᠷᠭᠤᠢᠳᠤ ᠡᠭᠦᠯᠡᠴᠦᠦᠭᠡᠢ ᠴᠡᠯᠮᠡᠭ ᠰᠠᠢᠬᠠᠨ᠃ ᠬᠠᠷᠢᠨ ᠤᠰᠤᠨ ᠳᠡᠭᠡᠷᠡ ᠰᠡᠷᠢᠭᠦᠬᠡᠨ ᠵᠢᠪᠠᠷ ᠰᠡᠷᠴᠢᠭᠢᠨᠡᠵᠦ᠂ ᠲᠤᠲᠤᠷᠭᠠᠶᠢᠨ ᠲᠦᠷᠦᠭᠦᠦ᠂ ᠬᠤᠯᠤᠰᠤᠨᠤ ᠲᠣᠯᠤᠭᠠᠢᠶᠢ ᠰᠢᠷᠪᠢᠭᠦᠯᠦᠨ ᠰᠡᠩᠭᠢᠨᠡᠭᠦᠯᠦᠭᠰᠡᠭᠡᠷ ᠪᠠᠢᠯᠠ᠃ ᠤᠰᠤᠨᠳᠤ ᠨᠢᠭᠡᠴᠦ ᠣᠩᠭᠤᠴᠠᠦᠭᠡᠢ ᠨᠢᠳᠦ ᠠᠯᠳᠠᠮᠠ ᠴᠠᠪ ᠴᠡᠯᠡᠭᠡᠷ ᠬᠠᠷᠠᠭᠳᠠᠨᠠ᠃
ᠬᠡᠳᠦᠨ ᠡᠮᠡᠭᠲᠡᠢᠴᠦᠳ ᠬᠡᠰᠡᠭ ᠤᠷᠮᠠ ᠠᠯᠳᠠᠵᠤ ᠭᠤᠲᠤᠷᠠᠨ ᠭᠤᠨᠢᠬᠤᠳᠠᠭᠠᠨ ᠣᠷᠬᠢᠭᠠᠳ ᠶᠠᠪᠤᠭᠰᠠᠨ ᠬᠠᠷᠠ ᠰᠡᠳᠭᠢᠯᠲᠦ ᠡᠷᠡ ᠨᠥᠬᠦᠷᠲᠡᠭᠡᠨ ᠬᠣᠷᠤᠰᠤᠨᠠ᠃ ᠭᠡᠪᠡᠴᠦ ᠵᠠᠯᠠᠭᠤ ᠬᠥᠮᠦᠰ ᠦᠷᠭᠦᠯᠵᠢ ᠪᠠᠶᠠᠷ ᠴᠡᠩᠭᠡᠯᠲᠡᠢ ᠤᠴᠢᠷᠢ ᠪᠣᠳᠤᠵᠤ ᠬᠠᠷᠠᠵᠤ ᠪᠠᠢᠳᠠᠭ᠃ ᠢᠯᠠᠩᠭᠤᠶᠠ ᠡᠮᠡᠭᠲᠡᠢᠴᠦᠳ ᠲᠡᠢᠮᠦᠷᠬᠦ ᠪᠠᠭᠠ ᠰᠠᠭᠠ ᠤᠴᠠᠷᠠᠯᠤᠳᠢ ᠬᠢᠯᠪᠠᠷᠬᠠᠨ ᠮᠠᠷᠲᠠᠳᠠᠭ᠃ ᠦᠨᠡᠬᠡᠷ᠂ ᠨᠥᠭᠦᠭᠡᠳᠦᠭᠦᠯᠡᠴᠢᠨᠢ ᠤᠳᠠᠭᠰᠠᠨᠴᠤᠦᠭᠡᠢ ᠢᠨᠢᠶᠡᠯᠳᠦᠵᠦ ᠣᠷᠬᠢᠯᠠ᠃
《ᠬᠠᠷᠠᠯᠠ ᠳ᠋ᠠ᠂ ᠶᠠᠪᠤᠨᠠ ᠭᠡᠪᠡᠯ ᠶᠠᠪᠤᠴᠢᠬᠠᠳᠠᠭ ᠪᠢᠰᠢᠦ᠃ 》
《ᠶᠣᠰᠤᠲᠠᠢ ᠬᠥᠭᠡᠷᠦᠭᠰᠡᠨ! ᠶᠠᠭᠤᠠᠴᠠᠴᠤ ᠢᠯᠡᠭᠦᠦ ᠪᠠᠶᠠᠷᠯᠠᠭᠰᠠᠨ᠃ ᠵᠢᠯ ᠴᠠᠭᠠᠨ ᠰᠠᠷᠠ ᠪᠠ ᠪᠡᠷᠢ ᠠᠪᠬᠤᠳᠠᠭᠠᠨᠴᠤ ᠲᠡᠷᠡ ᠢᠩᠭᠢᠵᠦ ᠶᠡᠬᠡ ᠪᠠᠶᠠᠷᠯᠠᠨ ᠬᠥᠭᠡᠷᠴᠦ ᠦᠵᠡᠭᠡᠦᠭᠡᠢ ᠪᠢᠯᠡ᠃ 》
《ᠲᠡᠳᠡᠨᠢ ᠲᠡᠮᠦᠷ ᠠᠷᠭᠠᠮᠵᠢᠶᠠᠴᠤ ᠳᠡᠢᠯᠬᠦᠡᠴᠡ ᠥᠩᠭᠡᠷᠡᠭᠰᠡᠨ᠃ 》
《ᠪᠣᠯᠬᠤᠪᠠᠨ ᠪᠣᠯᠢᠭᠰᠠᠨ᠃ ᠪᠦᠷ ᠰᠠᠨᠠᠭᠠᠨ ᠲᠠᠪᠠᠪᠠᠷᠢᠶᠠᠨ ᠪᠣᠯᠤᠭᠰᠠᠨ᠃ 》
《ᠨᠢᠭᠡᠨᠲᠡ ᠴᠡᠷᠢᠭᠲᠦ ᠣᠷᠤᠭᠰᠠᠨ ᠬᠣᠢᠨᠠ ᠭᠡᠷᠢᠶᠡᠨ ᠮᠠᠷᠲᠠᠨᠠ ᠳ᠋ᠠ᠃ 》
《ᠲᠡᠷᠡᠴᠦ ᠦᠨᠡᠨ ᠤᠴᠢᠷ᠃ᠮᠠᠨᠠᠢᠳᠤ ᠬᠡᠳᠦᠨ ᠵᠠᠯᠠᠭᠤ ᠴᠡᠷᠢᠭ ᠰᠠᠭᠤᠵᠤ ᠥᠩᠭᠡᠷᠡᠭᠰᠡᠨ᠃ ᠲᠡᠳᠡ ᠡᠳᠦᠷᠵᠢᠨᠯᠡ ᠪᠣᠳᠤᠬᠤ ᠶᠠᠭᠤᠮᠠ ᠠᠯᠠᠭᠠ᠂ ᠡᠷᠡᠦᠪᠡᠨ ᠡᠷᠲᠡᠢᠯᠭᠡᠵᠦ᠂ ᠣᠷᠤᠪᠠᠴᠤ ᠳᠠᠭᠤᠯᠠᠭᠠᠳ ᠭᠠᠷᠪᠠᠴᠤ ᠳᠠᠭᠤᠯᠠᠭᠠᠳ ᠪᠠᠢᠳᠠᠭ ᠪᠠᠢᠭᠰᠠᠨ᠃ ᠪᠢᠳᠡ ᠶᠡᠷᠦ ᠨᠠᠰᠤᠨᠳᠠᠭᠠᠨ ᠲᠡᠭᠡᠵᠦ ᠵᠢᠷᠭᠠᠵᠤ ᠦᠵᠡᠭᠡᠦᠭᠡᠢ᠃ ᠲᠡᠳᠡ ᠵᠠᠷᠢᠮᠳᠠᠭᠠᠨ ᠴᠢᠮᠡᠭᠡᠦᠭᠡᠢ ᠪᠣᠯᠬᠤᠳᠤᠨᠢ ᠪᠢ: 〈ᠣᠳᠣ ᠲᠣᠯᠤᠭᠠᠢ ᠤᠨᠵᠢᠭᠤᠯᠬᠤ ᠴᠠᠭᠨᠢ ᠪᠣᠯᠤᠭᠰᠠᠨ ᠪᠠᠢᠬᠤ!〉 ᠭᠡᠵᠦ ᠳᠡᠮᠡᠢ ᠪᠣᠳᠤᠨᠠ᠃ ᠭᠡᠲᠡᠯᠡ ᠲᠡᠳᠡ ᠶᠠᠭᠤ ᠬᠢᠵᠦ ᠪᠠᠢᠭᠰᠠᠨᠢ ᠮᠡᠳᠡᠨᠡᠦᠦ? ᠴᠠᠭᠠᠨ ᠴᠣᠬᠤᠢᠪᠠᠷ ᠮᠠᠨᠤ ᠬᠡᠷᠡᠮ ᠳᠡᠭᠡᠷᠡ ᠲᠣᠭᠤᠷᠢᠭ ᠵᠢᠷᠤᠭᠠᠳ᠂ ᠴᠥᠮ ᠣᠴᠤᠢᠵᠤ ᠰᠠᠭᠤᠭᠠᠳ ᠲᠡᠷᠡ ᠤᠷᠤᠭᠤᠪᠠᠨ ᠣᠨᠢᠯᠠᠵᠤ ᠪᠠᠢᠳᠠᠭ ᠰᠢᠤ᠂ ᠲᠡᠭᠡᠭᠡᠳ ᠪᠠᠰᠠ ᠳᠠᠭᠤᠯᠠᠵᠠᠭᠠᠨᠠ᠃ 》
ᠲᠡᠳᠡ ᠣᠩᠭᠤᠴᠠᠪᠠᠨ ᠬᠣᠶᠠᠷ ᠬᠠᠵᠠᠭᠤᠶᠢᠨ ᠤᠰᠤᠶᠢ ᠢᠷᠠᠯᠵᠠᠲᠠᠯᠠ ᠠᠯᠭᠤᠷᠬᠠᠨ ᠰᠡᠯᠢᠨᠡ᠃ ᠭᠠᠷᠤᠨᠢᠶᠠᠨ ᠠᠶᠠᠪᠠᠷ ᠤᠰᠤᠨᠤ ᠳᠣᠲᠤᠷᠠᠠᠴᠠ ᠪᠣᠳᠠ ᠲᠡᠮᠦᠷ ᠵᠠᠩᠭᠤᠤ ᠱᠦᠭᠦᠵᠦ ᠠᠪᠤᠭᠠᠳ ᠦᠵᠡᠪᠡᠯ ᠲᠡᠷᠡᠨᠢ ᠲᠤᠩ ᠵᠢᠵᠢᠭᠬᠡᠨ ᠪᠥᠭᠡᠳ ᠰᠦᠨ ᠴᠠᠭᠠᠨ ᠨᠢᠯᠬᠠᠪᠠᠷᠢᠶᠠᠨ ᠪᠠᠢᠭᠠ ᠲᠤᠯᠠ ᠤᠰᠤ ᠤᠷᠤᠭᠤ ᠪᠤᠴᠠᠭᠠᠨ ᠬᠠᠶᠠᠨᠠ᠃
《ᠡᠳᠦᠭᠡ ᠲᠡᠳᠡ ᠬᠠᠮᠢᠭᠠ ᠣᠴᠢᠭᠰᠠᠨᠢ ᠴᠢ ᠮᠡᠳᠡᠨᠡᠦᠦ?》
《ᠶᠠᠷᠰᠢᠭ᠂ ᠬᠡᠨ ᠮᠡᠳᠡᠬᠦ ᠪᠤᠢ! ᠲᠡᠭᠷᠢᠳᠦ ᠭᠠᠷᠤᠭᠰᠠᠨ ᠪᠠᠢᠬᠤ ᠡ᠃ 》
ᠲᠡᠳᠡᠨᠡᠷ ᠴᠥᠮ ᠠᠯᠤᠰᠢ ᠰᠥᠯᠢᠢᠨ ᠰᠢᠷᠲᠡᠨᠡ᠃
《ᠥ! ᠲᠡᠨᠳᠡᠡᠴᠡ ᠨᠢᠭᠡ ᠣᠩᠭᠤᠴᠠ ᠢᠷᠡᠵᠦ ᠶᠠᠪᠤᠨᠠ᠃ 》
《ᠠᠶᠠ᠂ ᠬᠠᠷᠠᠭᠠᠴᠢ᠂ ᠶᠠᠫᠤᠨ ᠬᠤᠪᠴᠠᠰᠤᠲᠠᠢ!》
《ᠬᠤᠷᠳᠤᠬᠠᠨ ᠰᠡᠯᠢ!》
ᠵᠢᠵᠢᠭᠬᠡᠨ ᠵᠠᠪᠢ ᠠᠮᠢ ᠲᠡᠮᠡᠴᠡᠨ ᠤᠷᠤᠭᠰᠢᠯᠠᠨᠠ᠃ ᠲᠡᠳᠡ ᠢᠩᠭᠢᠵᠦ ᠲᠠᠮᠤᠪᠠᠨ ᠡᠳ᠋ᠯᠡᠵᠦ ᠶᠠᠪᠤᠬᠤᠠᠴᠠ ᠢᠷᠡᠭᠰᠡᠨᠦᠭᠡᠢᠨᠢ ᠳᠡᠭᠡᠷᠡ ᠪᠠᠢᠵᠠᠢ ᠳ᠋ᠠ ᠭᠡᠵᠦ ᠪᠣᠳᠤᠬᠤᠴᠤ ᠪᠠᠢᠵᠤ ᠮᠡᠳᠡᠨᠡ᠃ ᠪᠠᠰᠠ ᠲᠡᠳᠡᠭᠡᠷ ᠶᠠᠪᠤᠭᠰᠠᠨ ᠬᠥᠮᠦᠰᠢᠶᠡᠨ ᠵᠠᠨᠤᠨ ᠬᠣᠷᠤᠰᠴᠤ ᠪᠠᠢᠵᠤ ᠮᠡᠳᠡᠨᠡ᠃ ᠬᠡᠷᠡᠭᠲᠡᠢ ᠬᠡᠷᠡᠭᠦᠭᠡᠢ ᠶᠠᠭᠤᠮᠠ ᠪᠣᠳᠤᠬᠤᠶᠢᠨ ᠵᠠᠪ ᠠᠯᠠᠭᠠ᠃ ᠨᠥᠭᠦᠭᠡ ᠣᠩᠭᠤᠴᠠ ᠶᠠᠭᠠᠬᠢᠬᠤ ᠵᠠᠪᠦᠭᠡᠢ ᠣᠢᠷᠠᠲᠤᠯᠠ!
ᠲᠣᠮᠤ ᠣᠩᠭᠤᠴᠠ ᠮᠠᠰᠢ ᠣᠢᠷᠠᠬᠠᠨ ᠪᠣᠯᠤᠯᠠ᠃ ᠠᠵᠠᠪᠠᠷ ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯ ᠶᠡᠬᠡ᠂ ᠰᠡᠯᠢᠬᠦᠨᠢᠴᠦ ᠬᠤᠷᠳᠤᠨ᠂ ᠪᠢᠴᠢᠬᠠᠨ ᠵᠠᠪᠢ ᠶᠠᠭᠯᠠ ᠤᠰᠤᠠᠴᠠ ᠰᠠᠯᠤᠭᠰᠠᠨ ᠦᠬᠦᠷᠢ ᠵᠢᠭᠠᠰᠤ ᠦᠰᠦᠷᠬᠢᠯᠡᠨ ᠲᠣᠩᠭᠤᠴᠠᠵᠤ ᠪᠠᠢᠭᠠᠶᠤᠮᠰᠢᠭ᠋ ᠪᠠᠢᠯᠠ᠃ ᠲᠡᠳᠡ ᠤᠯᠠᠭᠠᠨ ᠨᠢᠯᠬᠠᠠᠴᠠᠪᠠᠨ ᠵᠠᠪᠢᠲᠠᠢ ᠨᠣᠴᠤᠯᠳᠤᠵᠤ ᠰᠤᠷᠤᠭᠰᠠᠨ ᠪᠣᠯᠬᠣᠷ ᠰᠡᠯᠢᠨᠡᠴᠦ ᠭᠡᠵᠦ ᠶᠣᠰᠤᠲᠠᠢᠯᠠ ᠨᠢᠰᠴᠢᠬᠡᠬᠦᠶᠦᠮ᠃
ᠠᠷᠤᠠᠴᠠ ᠨᠥᠭᠦᠭᠡ ᠲᠣᠮᠤ ᠣᠩᠭᠤᠴᠠ ᠨᠢᠰᠬᠦ ᠮᠡᠲᠦ ᠬᠤᠷᠳᠤᠯᠠᠨᠠ᠃ ᠲᠡᠷᠡᠴᠦ ᠳᠠᠢᠰᠤᠨ ᠭᠡᠳᠡᠭᠨᠢ ᠢᠪ ᠢᠯᠡᠷᠬᠡᠢ ᠪᠠᠢᠯᠠ᠃ ᠡᠨᠡ ᠬᠡᠳᠦᠨ ᠡᠮᠡᠭᠲᠡᠢᠮᠠᠨᠢ ᠵᠢᠷᠦᠬᠡᠨ ᠲᠦᠭᠰᠢᠯᠲᠡᠪᠡᠨ ᠳᠠᠷᠤᠨ᠂ ᠰᠢᠳᠦᠪᠡᠨ ᠲᠠᠴᠢᠭᠢᠨᠠᠲᠠᠯᠠ ᠵᠠᠭᠤᠵᠤ ᠠᠵᠢᠭᠦᠭᠡᠢ ᠴᠠᠢᠯᠵᠠᠲᠠᠯᠠ ᠰᠡᠯᠢᠵᠦ ᠪᠠᠢᠯᠠ᠃
《ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯ ᠲᠡᠰᠢ ᠵᠠᠯᠠᠭᠠᠷᠠᠢ! ᠲᠡᠨᠳᠡᠬᠢ ᠤᠰᠤ ᠭᠦᠶᠦᠬᠡᠨ᠂ ᠲᠣᠮᠤ ᠣᠩᠭᠤᠴᠠ ᠬᠠᠢᠷᠳᠠᠨᠠ》 ᠭᠡᠨᠡ᠃
ᠲᠡᠳᠡ ᠬᠡᠮᠵᠢᠶᠡ ᠬᠢᠵᠠᠭᠠᠷᠢᠨᠢ ᠦᠯᠦ ᠮᠡᠳᠡᠬᠦ ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯ ᠲᠡᠰᠢ ᠲᠡᠮᠡᠦᠯᠦᠨᠡ᠃ ᠪᠢᠲᠡᠭᠦᠦ ᠪᠦᠷᠬᠦᠭᠰᠡᠨ ᠯᠢᠩᠬᠤᠠᠶᠢᠨ ᠲᠣᠮᠤ ᠨᠠᠪᠴᠢ ᠨᠠᠷᠠᠨᠤ ᠭᠡᠷᠡᠯᠢ ᠤᠭᠲᠤᠨ ᠳᠡᠯᠭᠡᠭᠰᠡᠨᠨᠢ ᠭᠠᠤᠯᠢᠨ ᠬᠡᠷᠡᠮ ᠲᠡᠮᠦᠷ ᠬᠠᠨᠠᠰᠢᠭ᠋ ᠠᠵᠢ᠃ ᠦᠵᠡᠰᠭᠦᠯᠡᠩᠲᠦ ᠶᠠᠭᠠᠨ ᠯᠢᠩᠬᠤᠠ ᠥᠨᠳᠦᠷᠡᠴᠡ ᠥᠨᠳᠦᠷᠲᠦ ᠰᠡᠬᠦᠢᠨ᠂ ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯᠤᠨᠢᠶᠠᠨ ᠬᠠᠷᠠᠭᠤᠯᠨᠢ ᠪᠣᠯᠵᠤ ᠪᠠᠢᠭᠠ ᠪᠢᠵᠡ᠃
ᠲᠡᠳᠡ ᠵᠠᠪᠢᠪᠠᠨ ᠪᠢᠯᠬᠠᠮᠠᠯ ᠲᠡᠰᠢ ᠵᠠᠯᠠᠯᠠ᠃ ᠵᠠᠪᠢ ᠬᠠᠮᠤᠭᠤᠨ ᠡᠴᠦᠰᠦᠨ ᠴᠢᠷᠮᠠᠢᠯᠲᠠᠪᠠᠷ ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯ ᠤᠷᠤᠭᠤ ᠰᠤᠮᠤᠳᠠᠨ ᠣᠷᠤᠪᠠ᠃ ᠬᠡᠳᠦᠨ ᠨᠤᠭᠤᠰᠤ ᠰᠠᠩᠳᠠ ᠮᠡᠩᠳᠡ ᠨᠢᠰᠦᠨ ᠭᠠᠷᠴᠤ ᠠᠶᠤᠨ ᠰᠣᠴᠢᠭᠰᠠᠨ ᠳᠠᠭᠤᠨᠢᠶᠠᠷ ᠳᠤᠤᠭᠠᠷᠤᠭᠠᠳ ᠬᠠᠯᠢᠨ ᠳᠡᠭᠳᠡᠯᠡ᠃ ᠲᠡᠳᠡᠨᠦ ᠬᠠᠵᠠᠭᠤᠬᠠᠨᠳᠤ ᠫᠤᠤ ᠫᠠᠷᠴᠢᠭᠢᠨᠠᠯᠠ᠃
ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯ ᠪᠤᠯᠲᠤᠪᠠᠷᠢᠶᠠᠨ ᠬᠥᠳᠡᠯᠬᠦᠰᠢᠭ ᠪᠣᠯᠤᠯᠠ᠃ ᠲᠡᠳᠡ ᠳᠠᠢᠰᠤᠨᠤ ᠳᠤᠮᠳᠠ ᠣᠷᠤᠴᠢᠬᠠᠭᠰᠠᠨ ᠪᠠᠢᠬᠠ᠂ ᠯᠠᠪ ᠦᠬᠦᠬᠦᠨᠢ ᠭᠡᠵᠦ ᠪᠣᠳᠤᠭᠠᠳ ᠴᠥᠮ ᠤᠰᠤ ᠤᠷᠤᠭᠤ ᠬᠠᠷᠠᠢᠨ ᠣᠷᠤᠵᠠᠭᠠᠯᠠ᠃ ᠪᠠᠭᠠ ᠪᠠᠢᠰᠬᠢᠭᠠᠳ ᠫᠤᠤᠶᠢᠨ ᠳᠠᠭᠤᠨ ᠤᠯᠠᠮᠢᠶᠠᠷ ᠭᠠᠳᠠᠭᠰᠢ ᠴᠢᠭᠯᠡᠭᠰᠡᠨᠢ ᠮᠡᠳᠡᠭᠡᠳ ᠲᠣᠯᠤᠭᠠᠢᠪᠠᠨ ᠵᠠᠪᠢᠪᠠᠷ ᠳᠠᠯᠳᠠᠯᠠᠨ ᠴᠤᠬᠤᠢᠯᠭᠠᠯᠠ᠃ ᠳᠡᠮᠡᠢ ᠬᠣᠯᠠᠦᠭᠡᠢ ᠪᠠᠢᠭᠠ ᠲᠣᠮᠤᠬᠠᠨ ᠯᠢᠩᠬᠤᠠᠶᠢᠨ ᠨᠠᠪᠴᠢ ᠳᠣᠭᠤᠤᠷ ᠨᠢᠭᠡ ᠬᠥᠮᠦᠨᠦ ᠴᠢᠷᠠᠢ ᠪᠥᠷᠲᠦᠭᠡᠨᠡᠨ ᠴᠤᠬᠤᠢᠨᠠ᠃ ᠬᠠᠭᠠᠰ ᠪᠡᠶᠡᠨᠢ ᠤᠰᠤᠨᠳᠤ ᠪᠤᠢ᠃ ᠯᠢᠩᠬᠤᠠ ᠬᠤᠪᠢᠷᠠᠭᠰᠠᠨ ᠪᠢᠰᠢ ᠪᠢᠵᠡ? ᠱᠦᠢ ᠱᠧᠩᠮᠠᠨᠢ ᠪᠢᠰᠢ ᠭᠡᠵᠦᠦᠦ? ᠳᠠᠬᠢᠨ ᠯᠠᠪᠯᠠᠨ ᠠᠵᠢᠭᠯᠠᠭᠰᠠᠭᠠᠷ ᠤᠳᠠᠯᠦᠭᠡᠢ ᠥᠪᠡᠷ ᠥᠪᠡᠷᠦᠨ ᠡᠷᠡ ᠨᠥᠬᠦᠷᠦᠨᠢᠶᠡᠨ ᠵᠢᠰᠦ ᠴᠢᠷᠠᠢᠶᠢ ᠣᠯᠵᠤ ᠬᠠᠷᠠᠯᠠ᠃ ᠠ᠂ ᠲᠡᠳᠡᠮᠠᠨᠢ ᠰᠢᠪ ᠳ᠋ᠠ !
ᠭᠡᠲᠡᠯᠡ ᠴᠡᠴᠡᠭᠦᠨ ᠨᠠᠪᠴᠢᠨ ᠳᠣᠣᠷᠠ ᠨᠢᠭᠤᠨ ᠬᠣᠷᠭᠤᠭᠳᠠᠵᠤ ᠪᠠᠢᠭᠰᠠᠨ ᠲᠡᠳᠡᠭᠡᠷ ᠪᠠᠢᠯᠳᠤᠭᠴᠢᠳ᠂ ᠪᠦᠬᠦ ᠠᠩᠬᠠᠷᠤᠯᠢᠶᠠᠨ ᠳᠠᠢᠰᠤᠨ ᠤᠷᠤᠭᠤ ᠲᠥᠪᠯᠡᠷᠡᠭᠦᠯᠵᠦ ᠪᠠᠢᠭᠰᠠᠨ ᠲᠤᠯᠠ ᠲᠡᠳᠡᠨᠢᠪᠡᠨ ᠣᠭᠲᠤᠬᠠᠨᠴᠤ ᠣᠯᠵᠤ ᠦᠵᠡᠭᠰᠡᠨᠦᠭᠡᠢ ᠪᠠᠢᠵᠠᠢ᠃ ᠫᠤᠤᠶᠢᠨ ᠳᠠᠭᠤᠨ ᠬᠡᠰᠡᠭ ᠰᠦᠷᠡᠬᠡᠢ ᠰᠢᠷᠦᠭᠦᠰᠴᠦ ᠲᠣᠪ ᠲᠣᠳᠤᠬᠠᠨ ᠪᠣᠯᠵᠤ᠂ ᠬᠡᠳᠦᠨ ᠬᠡᠰᠡᠭ ᠭᠠᠯᠯᠠᠯᠲᠠ ᠶᠢᠨ ᠳᠠᠷᠠᠭᠠ ᠲᠡᠳᠡ ᠭᠠᠷᠨᠠᠲᠠ ᠰᠢᠳᠡᠭᠰᠡᠭᠡᠷ ᠪᠢᠯᠬᠠᠮᠠᠯᠠᠴᠠ ᠳᠠᠭᠠᠷᠢᠨ ᠭᠠᠷᠴᠤ ᠢᠷᠡᠯᠡ᠃
ᠭᠠᠷᠨᠠᠲᠠ ᠳᠠᠢᠰᠤᠨᠤ ᠲᠣᠮᠤ ᠣᠩᠭᠤᠴᠠᠶᠢ ᠵᠢᠪᠪᠦᠭᠦᠯᠴᠢᠬᠡᠯᠡ᠃ ᠪᠠᠢᠳᠠᠭᠨᠢ ᠴᠥᠮ ᠤᠰᠤᠨᠳᠤ ᠵᠢᠪᠴᠦ᠂ ᠤᠰᠤᠨ ᠳᠡᠭᠡᠷᠡ ᠵᠥᠪᠬᠡᠨ ᠪᠥᠭᠡᠮ ᠬᠠᠷᠠ ᠳᠠᠷᠢᠶᠢᠨ ᠤᠲᠤᠭᠠᠨᠤ ᠦᠨᠦᠷᠡᠴᠡ ᠥᠭᠡᠷᠡ ᠶᠠᠭᠤᠮᠠ ᠭᠡᠵᠦ ᠦᠯᠡᠳᠡᠭᠰᠡᠨᠦᠭᠡᠢ ᠪᠢᠯᠡ᠃ ᠪᠠᠢᠯᠳᠤᠭᠴᠢᠳ ᠬᠠᠰᠭᠢᠷᠤᠯᠳᠤᠨ ᠢᠨᠢᠶᠡᠯᠴᠡᠭᠰᠡᠭᠡᠷ ᠣᠯᠵᠠᠯᠠᠭᠰᠠᠨ ᠶᠠᠭᠤᠮᠠ ᠬᠡᠦᠮᠡᠪᠡᠨ ᠱᠦᠭᠦᠨ ᠭᠠᠷᠭᠠᠨᠠ᠃ ᠲᠡᠳᠡ ᠤᠰᠤᠨᠤ ᠢᠷᠤᠭᠠᠷᠲᠤ ᠣᠷᠤᠭᠠᠳ ᠲᠣᠮᠤ ᠵᠢᠭᠠᠰᠤᠶᠢ ᠱᠦᠭᠦᠳᠡᠭ ᠡᠷᠳᠡᠮᠢᠶᠡᠨ ᠭᠠᠷᠭᠠᠵᠤ ᠳᠠᠢᠰᠤᠨᠤ ᠫᠤᠤ ᠰᠤᠮᠤ ᠵᠡᠷᠭᠡᠶᠢ ᠤᠷᠤᠯᠳᠤᠨ ᠱᠦᠭᠦᠵᠡᠭᠡᠵᠦ ᠪᠠᠰᠠ ᠭᠤᠯᠢᠷ᠂ ᠲᠤᠲᠤᠷᠭᠠ ᠭᠠᠷᠭᠠᠨᠠ᠃ ᠱᠦᠢ ᠱᠧᠩ ᠤᠰᠤᠨ ᠳᠡᠭᠡᠷᠡ ᠬᠥᠪᠴᠦ ᠶᠠᠪᠤᠭᠠ ᠨᠠᠷᠢᠯᠢᠭ ᠬᠢᠴᠡᠲᠦ ᠴᠠᠭᠠᠰᠤᠨ ᠬᠠᠢᠷᠴᠠᠭᠲᠤ ᠬᠢᠭᠰᠡᠨ ᠪᠣᠣᠪᠤᠶᠢ ᠨᠡᠬᠡᠨᠡ᠃
ᠡᠮᠡᠭᠲᠡᠢᠴᠦᠳ᠂ ᠪᠦᠬᠦ ᠪᠡᠶᠡᠡᠴᠡᠪᠡᠨ ᠤᠰᠤ ᠭᠣᠭᠤᠵᠢᠭᠤᠯᠤᠨ᠂ ᠵᠠᠪᠢᠪᠠᠨ ᠰᠡᠯᠢᠭᠰᠡᠭᠡᠷ ᠣᠴᠢᠵᠠᠭᠠᠯᠠ᠃
ᠱᠦᠢ ᠱᠧᠩ ᠲᠡᠷᠡᠬᠦ ᠴᠠᠭᠠᠰᠤᠨ ᠬᠠᠢᠷᠴᠠᠭᠲᠠᠢ ᠪᠣᠣᠪᠤᠶᠢ ᠨᠢᠭᠡ ᠭᠠᠷᠲᠠᠭᠠᠨ ᠳᠡᠭᠡᠷᠡ ᠡᠷᠭᠦᠨ᠂ ᠨᠥᠭᠦᠭᠡ ᠭᠠᠷᠢᠶᠠᠷᠢᠶᠠᠨ ᠤᠰᠤ ᠰᠡᠯᠢᠭᠰᠡᠭᠡᠷ ᠪᠢᠯᠬᠠᠮᠠᠯ ᠤᠷᠤᠭᠤ ᠶᠡᠬᠡ ᠳᠠᠭᠤᠨᠢᠶᠠᠷ:
《ᠲᠠᠨᠠᠷ ᠭᠠᠷᠴᠤ ᠢᠷᠡᠵᠡᠭᠡ!》 ᠭᠡᠵᠦ ᠪᠠᠷᠬᠢᠷᠠᠯᠠ᠃
ᠡᠮᠡᠭᠲᠡᠢᠴᠦᠳ ᠵᠠᠪᠢᠪᠠᠨ ᠰᠡᠯᠢᠭᠰᠡᠭᠡᠷ ᠭᠠᠷᠴᠤ ᠢᠷᠡᠯᠡ᠃ ᠭᠡᠨᠡᠳᠲᠡ ᠲᠡᠳᠡᠨᠦ ᠣᠩᠭᠤᠴᠠᠨ ᠳᠣᠣᠷᠠᠠᠴᠠ ᠨᠢᠭᠡ ᠬᠥᠮᠦᠨᠦ ᠲᠣᠯᠤᠭᠠᠢ ᠴᠤᠬᠤᠢᠪᠠ᠃ ᠡᠨᠡ ᠬᠥᠮᠦᠨᠨᠢ ᠨᠤᠲᠤᠭᠤᠨ ᠪᠠᠭᠠ ᠠᠩᠭᠢᠶᠢᠨ ᠳᠠᠷᠤᠭᠠ ᠪᠣᠯᠬᠤᠶᠢ ᠱᠦᠢ ᠱᠧᠩᠦᠨ ᠡᠬᠡᠨᠡᠷᠨᠢᠯᠡ ᠲᠠᠨᠢᠳᠠᠭ ᠪᠠᠢᠵᠠᠢ᠃ ᠲᠡᠷᠡ ᠬᠥᠮᠦᠨ ᠨᠢᠭᠤᠷ ᠳᠡᠭᠡᠷᠡᠬᠢ ᠤᠰᠤᠪᠠᠨ ᠬᠤᠰᠤᠭᠠᠳ: 《ᠲᠠᠨᠠᠷ ᠶᠠᠭᠤ ᠬᠢᠬᠦᠪᠡᠷ ᠢᠷᠡᠪᠡ?》 ᠭᠡᠵᠦ ᠠᠰᠠᠭᠤᠪᠠ᠃
ᠱᠦᠢ ᠱᠧᠩᠦᠨ ᠡᠬᠡᠨᠡᠷ: 《ᠲᠡᠳᠡᠨᠳᠦ ᠬᠤᠪᠴᠠᠰᠤ ᠬᠦᠷᠭᠡᠬᠦᠪᠡᠷ ᠢᠷᠡᠵᠦ ᠶᠠᠪᠤᠭᠠ》 ᠭᠡᠪᠡ᠃
ᠠᠩᠭᠢᠶᠢᠨ ᠳᠠᠷᠤᠭᠠ᠂ ᠱᠦᠢ ᠱᠧᠩ ᠤᠷᠤᠭᠤ ᠬᠠᠷᠠᠭᠠᠳ: 《ᠴᠥᠮ ᠲᠠᠨᠤ ᠲᠣᠰᠭᠤᠨᠤ ᠬᠢᠦᠦ?》 ᠭᠡᠬᠦᠳᠦ᠂
《ᠲᠡᠳᠡᠨᠡᠴᠡ ᠥᠭᠡᠷᠡ ᠬᠡᠨ ᠪᠠᠢᠬᠤ ᠪᠤᠢ? ᠬᠡᠰᠡᠭ ᠬᠣᠴᠤᠷᠤᠭᠳᠠᠩᠭᠤᠢ ᠡᠮᠡᠭᠲᠡᠢᠴᠦᠳ!》 ᠭᠡᠵᠦ ᠬᠡᠯᠡᠭᠡᠳ ᠱᠦᠢ ᠱᠧᠩ ᠨᠥᠭᠦᠭᠡ ᠴᠠᠭᠠᠰᠤᠨ ᠬᠠᠢᠷᠴᠠᠭᠲᠠᠢᠪᠠᠨ ᠲᠡᠳᠡᠨᠦ ᠵᠠᠪᠢᠳᠤ ᠰᠢᠳᠡᠵᠦ ᠣᠷᠬᠢᠭᠠᠳ ᠳᠠᠬᠢᠨ ᠤᠰᠤᠨᠤ ᠢᠷᠤᠭᠠᠷᠲᠤ ᠵᠢᠪᠪᠦᠵᠦ ᠣᠷᠤᠭᠠᠳ᠂ ᠲᠡᠷᠲᠡᠭᠡ ᠬᠣᠯᠠ ᠣᠴᠢᠭᠠᠳ ᠲᠣᠯᠤᠭᠠᠢᠪᠠᠨ ᠴᠤᠬᠤᠢᠯᠭᠠᠨᠠ᠃
ᠠᠩᠭᠢᠶᠢᠨ ᠳᠠᠷᠤᠭᠠ ᠲᠣᠭᠯᠠᠭᠠᠮ ᠬᠢᠵᠦ: 《ᠲᠠᠨᠠᠷᠤᠨ ᠢᠷᠡᠭᠰᠡᠨ ᠲᠠᠯᠠᠭᠠᠷ ᠪᠣᠯᠤᠭᠰᠠᠨᠦᠭᠡᠢ᠃ ᠲᠠᠨᠠᠷ ᠢᠷᠡᠭᠡᠦᠭᠡᠢ ᠪᠣᠯ ᠪᠢᠳᠡᠨᠦ ᠪᠦᠭᠦᠳᠡ ᠳᠠᠭᠠᠷᠢᠬᠤ ᠲᠤᠯᠤᠯᠳᠤᠭᠠᠨ ᠢᠩᠭᠢᠵᠦ ᠲᠤᠤᠱᠲᠠᠢ ᠶᠠᠪᠤᠭᠳᠠᠵᠤ ᠴᠢᠳᠠᠬᠤᠦᠭᠡᠢ᠃ ᠡᠭᠦᠷᠭᠡᠮᠠᠨᠢ ᠪᠡᠶᠡᠯᠡᠭᠳᠡᠯᠡ᠃ ᠨᠥᠬᠦᠳ ᠬᠠᠷᠢᠭᠠᠳ ᠬᠤᠪᠴᠠᠰᠤ ᠬᠤᠨᠠᠷᠢᠶᠠᠨ ᠬᠠᠲᠠᠭᠠᠵᠤ ᠪᠣᠯᠤᠨᠠ᠃ ᠭᠡᠪᠡᠴᠦ ᠪᠠᠢᠳᠠᠯ ᠪᠣᠯ ᠰᠢᠷᠦᠭᠦᠨ ᠪᠠᠢᠭᠠ ᠰᠢᠤ ᠳ᠋ᠠ 》 ᠭᠡᠯᠡ᠃
ᠪᠠᠢᠯᠳᠤᠭᠴᠢᠳ ᠣᠯᠵᠠᠯᠠᠭᠰᠠᠨ ᠶᠠᠭᠤᠮᠠ ᠬᠡᠦᠮᠡᠪᠡᠨ ᠴᠥᠮ ᠲᠡᠳᠡᠨᠦ ᠵᠠᠪᠢᠳᠤ ᠠᠴᠢᠵᠤ ᠪᠤᠴᠠᠬᠤᠪᠠᠷ ᠪᠡᠯᠡᠳᠭᠡᠯᠡ᠃ ᠨᠢᠭᠡᠨᠢ ᠯᠢᠩᠬᠤᠠᠶᠢᠨ ᠲᠣᠮᠤ ᠨᠠᠪᠴᠢᠶᠢ ᠲᠠᠰᠤᠳᠠᠨ ᠲᠣᠯᠤᠭᠠᠢ ᠳᠡᠭᠡᠷᠡᠪᠡᠨ ᠲᠠᠯᠪᠢᠵᠤ ᠦᠳᠡ ᠳᠤᠮᠳᠠᠶᠢᠨ ᠨᠠᠷᠠᠶᠢ ᠬᠠᠯᠬᠠᠯᠠᠨᠠ᠃ ᠡᠮᠡᠭᠲᠡᠢᠴᠦᠳ᠂ ᠨᠥᠭᠦᠭᠡ ᠬᠠᠢᠷᠴᠠᠭᠲᠠᠢᠶᠢ ᠳᠠᠬᠢᠨ ᠲᠡᠳᠡ ᠤᠷᠤᠭᠤ ᠰᠢᠳᠡᠨᠡ᠃ ᠪᠠᠢᠯᠳᠤᠭᠴᠢᠳᠤᠨ ᠪᠢᠴᠢᠬᠠᠨ ᠭᠤᠷᠪᠠᠨ ᠵᠠᠪᠢ ᠠᠰ ᠤᠷᠤᠭᠰᠢ ᠴᠢᠭᠯᠡᠨ ᠬᠠᠷᠪᠤᠭᠰᠠᠨ ᠰᠤᠮᠤᠰᠢᠭ᠋ ᠬᠠᠯᠢᠨ ᠳᠡᠭᠳᠡᠵᠦ ᠤᠳᠠᠯᠦᠭᠡᠢ ᠤᠲᠤᠭᠠ ᠤᠨᠢᠶᠠᠷᠠᠴᠠ ᠰᠠᠯᠤᠨ ᠣᠳᠪᠠ᠃
ᠬᠡᠳᠦᠨ ᠵᠠᠯᠠᠭᠤ ᠡᠮᠡᠭᠲᠡᠢᠴᠦᠳ ᠥᠪᠡᠷᠦᠨᠢᠶᠡᠨ ᠵᠠᠪᠢᠶᠢ ᠰᠡᠯᠢᠭᠰᠡᠭᠡᠷ ᠭᠡᠷᠦᠨᠢᠶᠡᠨ ᠵᠦᠭ ᠱᠠᠯᠠᠪᠳᠠᠨ ᠶᠠᠪᠤᠨᠠ᠃ ᠲᠡᠳᠡ ᠴᠥᠮ ᠤᠰᠤᠨᠳᠤ ᠤᠨᠠᠭᠰᠠᠨ ᠲᠠᠬᠢᠶᠠᠰᠢᠭ᠋ᠯᠠ ᠪᠠᠢᠯᠠ᠃ ᠬᠡᠲᠦᠷᠬᠡᠢ ᠬᠡᠢᠷᠬᠡᠭᠰᠡᠨ ᠬᠡᠳᠦᠭᠦᠯᠡ ᠮᠠᠨᠢ ᠳᠠᠬᠢᠨ ᠶᠠᠷᠢᠯᠴᠠᠨ ᠬᠥᠭᠡᠷᠦᠯᠳᠦᠭᠰᠡᠭᠡᠷ ᠶᠠᠪᠤᠨᠠ᠃
ᠣᠩᠭᠤᠴᠠᠨᠤ ᠲᠣᠯᠤᠭᠠᠢ ᠳᠡᠭᠡᠷᠡ ᠭᠡᠳᠡᠷᠭᠦ ᠬᠠᠨᠳᠤᠵᠤ ᠰᠠᠭᠤᠭᠰᠠᠨ ᠨᠢᠭᠡ ᠡᠮᠡᠭᠲᠡᠢ: 《ᠲᠡᠳᠡ ᠪᠢᠳᠡᠨᠢ ᠬᠠᠷᠠᠴᠢᠬᠠᠭᠠᠳ ᠣᠢᠰᠢᠶᠠᠬᠤᠴᠤᠦᠭᠡᠢ ᠪᠠᠢᠭᠰᠠᠨᠢ ᠦᠵᠡᠭᠡᠴᠢ ᠳ᠋ᠡ !》 ᠭᠡᠬᠦᠳᠦ ᠨᠥᠭᠦᠭᠡᠨᠢ:
《ᠲᠡᠢᠮᠦ᠂ ᠶᠠᠭᠯᠠ ᠪᠢᠳᠡ ᠲᠡᠳᠡᠨᠦ ᠨᠢᠭᠤᠷᠢᠨᠢ ᠪᠠᠷᠠᠴᠢᠬᠠᠭᠰᠠᠨᠶᠤᠮᠰᠢᠭ᠋ᠯᠠ》 ᠭᠡᠨᠡ᠃
ᠲᠡᠳᠡ ᠥᠪᠡᠷᠰᠡᠳᠢᠶᠡᠨᠴᠦ ᠢᠨᠢᠶᠡᠵᠡᠭᠡᠭᠡᠳ᠂ ᠥᠨᠥᠳᠦᠷᠦᠨ ᠶᠠᠪᠤᠳᠠᠯᠴᠤ ᠲᠡᠢᠮᠦ ᠥᠩᠭᠡ ᠭᠡᠷᠡᠯᠲᠡᠢ ᠪᠢᠰᠢᠯᠡ ᠳ᠋ᠡ᠂ ᠭᠡᠪᠡᠴᠦ -
《ᠪᠢᠳᠡᠨᠳᠦ ᠫᠤᠤ ᠪᠠᠢᠭᠰᠠᠨᠦᠭᠡᠢᠶᠤᠮᠴᠢᠨᠢ᠂ ᠫᠤᠤᠲᠠᠢᠰᠠᠨ ᠪᠣᠯ ᠯᠢᠩᠬᠤᠠ ᠴᠡᠴᠡᠭᠲᠦ ᠪᠢᠯᠬᠠᠮᠠᠯ ᠤᠷᠤᠭᠤ ᠳᠤᠲᠠᠭᠠᠬᠤᠦᠭᠡᠢ᠂ ᠰᠢᠭᠤᠳ ᠲᠣᠮᠤ ᠪᠢᠯᠬᠠᠮᠠᠯᠤᠨ ᠳᠣᠲᠤᠷᠠ ᠴᠢᠳᠭᠦᠷᠦᠳᠲᠡᠢ ᠦᠵᠡᠯᠴᠡᠬᠦ ᠪᠠᠢᠭᠰᠠᠨᠶᠤᠮ!》
《ᠪᠠᠢᠯᠳᠤᠨ ᠲᠤᠯᠤᠯᠳᠤᠬᠤᠶᠢ ᠪᠢ ᠥᠨᠥᠳᠦᠷ ᠣᠯᠵᠤ ᠦᠵᠡᠯᠡ᠃ ᠳᠣᠯᠤᠭᠠ ᠬᠢᠨᠡ ᠭᠡᠳᠡᠭᠴᠢᠨᠢ ᠲᠡᠢᠮᠦᠯᠡ ᠠᠢᠬᠤᠪᠲᠤᠷ ᠶᠠᠭᠤᠮᠠ ᠪᠢᠰᠢ ᠳ᠋ᠡ᠂ ᠵᠥᠪᠬᠡᠨ ᠵᠣᠷᠢᠭᠲᠠᠢᠯᠠ ᠪᠠᠢᠳᠠᠭᠶᠤᠮ ᠪᠣᠯ᠂ ᠲᠡᠨᠳᠡ ᠬᠡᠪᠲᠡᠭᠡᠳ ᠭᠠᠯᠯᠠᠬᠤᠶᠢ ᠬᠡᠨ ᠴᠢᠳᠠᠬᠤᠦᠭᠡᠢ ᠪᠤᠢ ᠳ᠋ᠠ !》
《ᠣᠩᠭᠤᠴᠠᠶᠢ ᠴᠣᠬᠢᠭᠠᠳ ᠵᠢᠪᠪᠦᠭᠦᠯᠴᠢᠬᠡᠪᠡᠯ ᠪᠢᠴᠦ ᠭᠡᠰᠡᠨ ᠤᠰᠤᠨᠳᠤ ᠣᠷᠤᠭᠠᠳ ᠶᠠᠭᠤᠮᠠ ᠱᠦᠭᠦᠵᠦ ᠴᠢᠳᠠᠨᠠ᠃ ᠪᠢ ᠤᠰᠤᠨᠳᠠᠭᠠᠨ ᠲᠡᠳᠡᠨᠡᠴᠡ ᠬᠠᠮᠢᠶᠠᠦᠭᠡᠢ ᠰᠠᠢᠨ᠃ ᠲᠡᠭᠦᠨᠡᠴᠡ ᠭᠦᠨ ᠪᠣᠯᠤᠭᠰᠠᠨᠴᠤ ᠠᠶᠤᠬᠤᠦᠭᠡᠢ᠃ 》
《ᠱᠦᠢ ᠱᠧᠩ ᠪᠡᠷᠭᠡᠨ ᠡ᠂ ᠬᠠᠷᠢᠭᠠᠳ ᠪᠢᠳᠡ ᠪᠠᠰᠠ ᠳᠤᠭᠤᠢᠯᠠᠩ ᠪᠠᠢᠭᠤᠯᠵᠠᠭᠠᠶᠠ᠃ ᠲᠡᠭᠡᠬᠦᠦᠭᠡᠢ ᠪᠣᠯ ᠪᠢᠳᠡ ᠮᠥᠨ ᠭᠠᠳᠠᠭᠰᠢ ᠭᠠᠷᠴᠤ ᠴᠢᠳᠠᠬᠤᠦᠭᠡᠢ ᠰᠢᠦ᠃ 》
《ᠰᠠᠶᠢ ᠴᠡᠷᠢᠭᠲᠦ ᠣᠷᠤᠮᠠᠭᠴᠠᠪᠠᠨ ᠮᠠᠨᠢ ᠣᠢᠰᠢᠶᠠᠬᠤᠦᠭᠡᠢ ᠪᠣᠯᠴᠢᠬᠠᠯᠠ᠃ ᠨᠢᠭᠡ ᠬᠣᠶᠠᠷ ᠵᠢᠯᠦᠨ ᠳᠠᠷᠠᠭᠠ ᠪᠢᠳᠡᠨᠢ ᠤᠯᠠᠮ ᠰᠣᠬᠤᠷ ᠵᠣᠭᠤᠰᠴᠤ ᠬᠦᠷᠬᠦᠦᠭᠡᠢᠪᠡᠷ ᠦᠵᠡᠬᠦ ᠪᠠᠢᠬᠤ᠃ ᠴᠣᠬᠤᠮ ᠬᠡᠨᠨᠢ ᠬᠡᠨᠡᠴᠡᠪᠡᠨ ᠬᠣᠴᠤᠷᠤᠭᠠᠳ ᠬᠠᠮᠢᠭᠠ ᠬᠦᠷᠬᠦ ᠪᠤᠢ ᠳ᠋ᠠ !》
ᠡᠨᠡ ᠵᠢᠯᠦᠨ ᠨᠠᠮᠤᠷ ᠲᠡᠳᠡ ᠫᠤᠤᠳᠠᠯᠭᠠ ᠬᠢᠵᠦ ᠰᠤᠷᠤᠯᠠ᠃ ᠡᠪᠦᠯᠨᠢ ᠮᠥᠰᠦ ᠬᠠᠭᠠᠯᠵᠤ ᠵᠢᠭᠠᠰᠤ ᠱᠦᠭᠦᠬᠦ ᠦᠶᠡᠪᠡᠷ ᠲᠡᠳᠡ ᠴᠥᠮ ᠴᠢᠷᠭᠠᠪᠠᠷᠢᠶᠠᠨ ᠨᠠᠰᠢ ᠴᠠᠰᠢ ᠰᠦᠯᠵᠢᠵᠦ ᠰᠡᠷᠭᠡᠢᠯᠡᠵᠡᠭᠡᠵᠦ ᠪᠠᠢᠯᠠ᠃ ᠳᠠᠢᠰᠤᠨ ᠲᠡᠷᠡᠬᠦ ᠬᠤᠯᠤᠰᠤᠲᠤ ᠨᠠᠮᠤᠭᠢ 《ᠪᠦᠰᠡᠯᠡᠨ ᠱᠦᠭᠦᠷᠳᠡᠬᠦ》 ᠦᠶᠡᠳᠦ ᠲᠡᠳᠡ᠂ ᠠᠬᠠ ᠳᠡᠭᠦᠦ ᠪᠠᠢᠯᠳᠤᠭᠴᠢᠳᠲᠠᠢᠪᠠᠨ ᠬᠠᠮᠲᠤᠷᠠᠨ ᠪᠠᠢᠯᠳᠤᠬᠤᠨᠢ ᠲᠡᠷᠡ ᠶᠡᠬᠡ ᠬᠤᠯᠤᠰᠤᠨ ᠳᠠᠯᠠᠢᠳᠤ ᠬᠠᠷᠠᠭᠳᠠᠵᠤ ᠪᠠᠢᠭᠰᠠᠨ ᠪᠢᠯᠡ᠃
1945 ᠣᠨᠠ ᠶᠠᠨ ᠠᠨᠳᠤ