| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠨᠢᠭᠡ ᠳᠡᠳ᠋ ᠫᠷᠣᠹᠧᠰᠰᠣᠷ ᠬᠢᠴᠢᠶᠡᠯ ᠲᠠᠢᠯᠪᠤᠷᠢᠯᠠᠬᠤ ᠲᠠᠢᠵᠠᠶᠢᠨ ᠳᠡᠭᠡᠷᠡ ᠵᠣᠭᠰᠤᠭᠰᠠᠨ ᠪᠠᠢᠳᠠᠯᠨᠢ ᠶᠠᠭ ᠣᠩᠭᠤᠴᠠᠶᠢᠨ ᠳᠠᠷᠤᠭᠠ ᠲᠤᠰᠢᠶᠠᠯ ᠪᠠᠭᠤᠯᠭᠠᠬᠤ ᠶᠡᠨᠳᠡᠷ ᠳᠡᠭᠡᠷᠡ ᠵᠣᠭᠰᠤᠭᠰᠠᠨᠰᠢᠭ᠋ ᠬᠠᠷᠠᠭᠳᠠᠨᠠ᠃ ᠬᠢᠴᠢᠶᠡᠯᠦᠨ ᠲᠠᠩᠬᠢᠮᠳᠤ ᠬᠣᠪ ᠬᠣᠭᠤᠰᠤᠨ᠂ ᠶᠠᠭ ᠣᠩᠭᠤᠴᠠᠶᠢᠨ ᠱᠠᠯᠠᠲᠠᠢ ᠠᠳᠠᠯᠢ᠂ ᠰᠢᠷᠡᠭᠡᠴᠦᠦᠭᠡᠢ᠃ ᠰᠠᠨᠳᠠᠯᠢᠴᠤᠦᠭᠡᠢ᠂ ᠶᠠᠭᠤᠮᠠ ᠪᠦᠬᠦᠨ ᠴᠥᠮ ᠭᠧᠷᠮᠠᠨ ᠹᠠᠱ᠋ᠢᠰᠤᠨ ᠲᠦᠷᠢᠮᠡᠭᠡᠢᠯᠡᠨ ᠡᠵᠡᠯᠡᠭᠴᠢᠳᠲᠦ ᠰᠢᠲᠠᠭᠠᠭᠳᠠᠵᠠᠢ᠃
ᠭᠡᠪᠡᠴᠦ ᠬᠠᠷᠢᠶᠢᠨ ᠳᠣᠪᠲᠤᠯᠤᠭᠴᠢᠳ ᠥᠭᠭᠢᠶᠡᠮᠦᠷ ᠬᠠᠪᠤᠷᠢ ᠤᠰᠠᠳᠭᠠᠵᠤ ᠴᠢᠳᠠᠭᠰᠠᠨᠦᠭᠡᠢ᠂ ᠬᠠᠪᠤᠷ ᠡᠭᠡᠨᠡᠭᠳᠡ ᠬᠠᠭᠠᠷᠬᠠᠢ ᠴᠣᠩᠬᠤᠪᠠᠷ ᠠᠯᠲᠠᠨ ᠨᠠᠷᠠᠨᠤ ᠲᠤᠶᠠᠭᠠᠶᠢ ᠲᠤᠰᠭᠠᠵᠤ᠂ ᠲᠠᠤᠯᠠᠢᠶᠢᠨ ᠪᠥᠭᠡᠷᠡᠶᠢᠨ ᠮᠣᠳᠤᠨᠤ ᠨᠣᠭᠤᠭᠠᠨ ᠨᠠᠪᠴᠢ ᠨᠠᠬᠢᠶᠠᠶᠢ ᠳᠣᠲᠤᠭᠰᠢ ᠱᠠᠭᠠᠢᠯᠭᠠᠪᠠ᠃
ᠥᠬᠢᠳ ᠳᠠᠢᠨᠤ ᠡᠮᠦᠨᠡᠬᠢ ᠦᠶᠡᠶᠢᠨᠰᠢᠭᠢᠶᠡᠨ ᠬᠢᠴᠢᠶᠡᠯ ᠪᠠᠭᠤᠬᠤ ᠪᠦᠷᠢ ᠰᠠᠩᠳᠠ ᠮᠡᠩᠳᠡ ᠰᠡᠷᠢᠭᠦᠴᠡᠬᠦ ᠲᠠᠢᠵᠠ ᠤᠷᠤᠭᠤ ᠥᠷᠢᠰᠦᠯᠳᠦᠨ ᠭᠦᠶᠦᠯᠳᠦᠬᠦᠪᠡᠨ ᠪᠠᠢᠵᠠᠢ᠃ ᠰᠡᠷᠢᠭᠦᠴᠡᠬᠦ ᠲᠠᠢᠵᠠᠨᠳᠤ ᠣᠴᠢᠬᠤ ᠬᠠᠭᠠᠯᠭᠠᠶᠢ ᠣᠳᠣ ᠨᠢᠭᠡᠨᠲᠡ ᠬᠠᠳᠠᠭᠠᠰᠤᠪᠠᠷ ᠬᠠᠳᠠᠵᠤ᠂ ᠡᠪᠳᠡᠷᠬᠡᠢ ᠰᠡᠷᠢᠭᠦᠴᠡᠬᠦ ᠲᠠᠢᠵᠠ ᠨᠤᠷᠠᠵᠤ ᠤᠨᠠᠬᠤᠶᠢᠨ ᠨᠠᠭᠠᠳᠤ ᠴᠠᠭᠠᠲᠤ ᠳᠡᠭᠡᠷᠡ ᠬᠦᠷᠦᠭᠡᠳ ᠪᠠᠢᠯᠠ᠃
ᠳᠡᠳ᠋ ᠫᠷᠣᠹᠧᠰᠰᠣᠷ ᠲᠠᠶᠠᠭᠢᠶᠠᠨ ᠲᠤᠯᠤᠭᠰᠠᠭᠠᠷ ᠬᠢᠴᠢᠶᠡᠯ ᠲᠠᠢᠯᠪᠤᠷᠢᠯᠠᠬᠤ ᠲᠠᠢᠵᠠᠨᠠᠴᠠ ᠪᠠᠭᠤᠯᠠ᠃ ᠶᠠᠭ ᠡᠨᠡ ᠬᠣᠷᠤᠮᠬᠠᠨᠠ ᠲᠡᠭᠦᠨᠦ ᠥᠭᠡᠳᠡᠡᠴᠡ ᠨᠢᠭᠡᠨ ᠬᠥᠮᠦᠨ ᠳᠣᠷᠪᠢᠯᠢᠭ ᠠᠯᠬᠤᠴᠠᠪᠠᠷ ᠢᠷᠡᠬᠦ ᠬᠥᠯᠦᠨ ᠴᠢᠮᠡᠭᠡ ᠭᠠᠷᠴᠠᠢ᠃
《ᠳ᠋ᠮᠢᠲᠷᠢ ᠢᠸᠠᠨᠤᠸᠢᠴ ᠁》
ᠬᠡᠷᠪᠡ ᠳᠡᠳ᠋ ᠫᠷᠣᠹᠧᠰᠰᠣᠷᠤᠨ ᠨᠢᠳᠦᠨᠢ ᠰᠣᠬᠤᠷᠠᠭᠠᠦᠭᠡᠢ ᠪᠣᠯ᠂ ᠲᠡᠭᠦᠨᠦ ᠡᠮᠦᠨᠡ ᠵᠣᠭᠰᠤᠵᠤ ᠪᠠᠢᠭᠠᠨᠢ ᠰᠠᠶᠢᠬᠠᠨ ᠰᠤᠷᠭᠠᠭᠤᠯᠢᠳᠤ ᠣᠷᠤᠭᠰᠠᠨ ᠵᠠᠯᠠᠭᠤ ᠴᠡᠷᠢᠭᠦᠨ ᠳᠠᠷᠤᠭᠠ ᠭᠡᠵᠦ ᠮᠡᠳᠡᠬᠦ ᠪᠠᠢᠭᠰᠠᠨ ᠪᠢᠯᠡ᠃
ᠲᠡᠷᠡ ᠵᠠᠯᠠᠭᠤ: 《ᠳ᠋ᠮᠢᠲᠷᠢ ᠢᠸᠠᠨᠤᠸᠢᠴ! ᠪᠢ ᠲᠠᠨᠢ ᠮᠠᠷᠲᠠᠭᠠᠦᠭᠡᠢ᠃ ᠲᠠ ᠤᠷᠢᠳᠤᠮᠢᠨᠦ ᠰᠤᠮᠤᠨᠤ ᠪᠠᠢᠯᠳᠤᠭᠴᠢ ᠪᠠᠢᠭᠰᠠᠨ》 ᠭᠡᠪᠡ᠃
《ᠲᠠ ᠁ ᠲᠠ ᠁》
《ᠭᠣᠯᠤᠸᠤᠢ᠃ 》
《ᠠ᠂ ᠳᠡᠰᠯᠡᠭᠴᠢ ᠭᠣᠯᠤᠸᠤᠢ!》
《ᠪᠢᠰᠢ ᠡ᠃ ᠪᠢ ᠨᠢᠭᠡᠨᠲᠡ ᠭ᠋ᠸᠠᠷᠳᠧ ᠪᠣᠯᠤᠭᠰᠠᠨ᠂ ᠭᠡᠪᠡᠴᠦ ᠣᠳᠣ ᠁ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠣᠶᠤᠲᠠᠨ ᠭᠣᠯᠤᠸᠤᠢᠶᠤᠮ᠃ 》
《ᠶᠠᠭᠠᠬᠢᠭᠰᠠᠨ ᠰᠠᠢᠨᠶᠤᠮ》 ᠭᠡᠵᠦ ᠳᠡᠳ᠋ ᠫᠷᠣᠹᠧᠰᠰᠣᠷ ᠭᠠᠷᠢᠶᠠᠨ ᠰᠤᠩᠭᠠᠭᠠᠳ:
《ᠶᠠᠭᠠᠬᠢᠭᠠᠳ? ᠶᠠᠭᠠᠬᠢᠭᠠᠳ ᠨᠠᠳᠠ ᠵᠡᠭᠦᠨ ᠭᠠᠷᠢᠶᠠᠨ ᠥᠭᠴᠦ ᠪᠠᠢᠨᠠ?》 ᠭᠡᠪᠡ᠃
《ᠳ᠋ᠮᠢᠲᠷᠢ ᠢᠸᠠᠨᠤᠸᠢᠴ᠂ ᠨᠠᠳᠠ ᠁ ᠪᠠᠷᠠᠭᠤᠨ ᠭᠠᠷᠦᠭᠡᠢ ᠪᠣᠯᠴᠢᠬᠠᠭᠰᠠᠨ᠃ 》
ᠡᠭᠦᠨᠢ ᠰᠣᠨᠤᠰᠤᠭᠠᠳ ᠳᠡᠳ᠋ ᠫᠷᠣᠹᠧᠰᠰᠣᠷᠤᠨ ᠲᠦᠯᠡᠭᠳᠡᠭᠰᠡᠨ ᠬᠠᠷᠠᠪᠲᠤᠷ ᠴᠢᠷᠠᠢᠨᠢ ᠠᠲᠤᠷᠢᠵᠤ ᠥᠷᠦ ᠡᠪᠡᠳᠦᠭᠰᠡᠨ ᠪᠠᠢᠳᠠᠯ ᠤᠳᠠᠲᠠᠯᠠ ᠬᠠᠷᠠᠭᠳᠠᠵᠠᠢ᠃ ᠲᠡᠳᠡ ᠬᠣᠶᠠᠭᠤᠯᠠ ᠬᠡᠳᠦᠨ ᠮᠢᠨᠦ᠋ᠲ ᠳᠤᠪ ᠳᠤᠭᠤᠢ ᠵᠣᠭᠰᠤᠪᠠ᠃
《ᠲᠠ ᠶᠠᠭᠤᠨᠳᠤᠮᠢᠨᠦ ᠡᠴᠢᠭᠡᠶᠢᠨ ᠨᠡᠷᠡᠪᠡᠷ ᠨᠠᠮᠠᠢ ᠳᠠᠭᠤᠳᠠᠬᠤᠶᠤᠮ ᠪᠤᠢ?》
《ᠡᠨᠳᠡ ᠪᠦᠭᠦᠳᠡᠭᠡᠷ ᠲᠠᠨᠢ ᠢᠩᠭᠢᠵᠦ ᠳᠠᠭᠤᠳᠠᠳᠠᠭ ᠰᠢᠤ᠃ 》
《ᠲᠠ ᠤᠷᠢᠳᠤᠶᠢᠨ ᠬᠢᠲᠡᠢᠪᠡᠨ ᠠᠳᠠᠯᠢ ᠁ ᠨᠠᠮᠠᠢ ᠨᠥᠬᠦᠷ ᠭᠯᠤᠪᠠ ᠭᠡᠵᠦ ᠳᠠᠭᠤᠳᠠᠭᠠᠷᠠᠢ᠃ ᠨᠠᠮᠠᠢ ᠢᠩᠭᠢᠵᠦ ᠳᠠᠭᠤᠳᠠᠪᠠᠯ᠂ ᠤᠷᠢᠳᠤ ᠲᠠᠨᠤ ᠲᠡᠷᠡ ᠰᠤᠮᠤᠨᠳᠤ ᠪᠠᠢᠯᠳᠤᠭᠴᠢ ᠶᠠᠪᠤᠭᠰᠠᠨ ᠦᠶᠡᠶᠢᠮᠢᠨᠢ ᠰᠠᠨᠠᠭᠳᠠᠭᠤᠯᠬᠤ ᠪᠣᠯᠤᠨᠠ ᠁》
ᠬᠣᠶᠠᠷ
ᠭᠣᠯᠤᠸᠤᠢᠶᠢᠨ ᠥᠩᠭᠡᠷᠡᠭᠰᠡᠨᠦ ᠪᠠᠢᠳᠠᠯ ᠭᠯᠤᠪᠠᠶᠢᠨ ᠳᠣᠲᠤᠷᠠ ᠲᠣᠪ ᠲᠣᠳᠤᠬᠠᠨ ᠪᠣᠳᠤᠭᠳᠠᠵᠤ ᠡᠬᠢᠯᠡᠪᠡ᠃ ᠭᠯᠤᠪᠠ ᠡᠨᠡᠬᠦ ᠤᠴᠠᠭᠠᠷᠳᠠᠩᠭᠤᠢ ᠵᠠᠯᠠᠭᠤ ᠳᠡᠰᠯᠡᠭᠴᠢᠶᠢ ᠪᠣᠳᠤᠮᠠᠭᠴᠠ ᠳᠣᠲᠤᠷᠠᠨᠢ ᠵᠣᠪᠠᠩᠭᠤᠢ ᠭᠡᠮᠰᠢᠩᠭᠦᠢ ᠲᠥᠷᠦᠭᠳᠡᠯ ᠣᠷᠤᠳᠠᠭ ᠪᠠᠢᠵᠠᠢ᠃
ᠡᠨᠡ ᠪᠣᠯ 1941 ᠣᠨᠤ ᠲᠡᠭᠷᠢ ᠭᠠᠵᠠᠷ ᠳᠣᠩᠰᠤᠯᠭᠠᠭᠰᠠᠨ ᠨᠠᠢ᠍ᠮᠠᠳᠤᠭᠠᠷ ᠰᠠᠷᠠᠳᠤ ᠪᠣᠯᠤᠭᠰᠠᠨ ᠬᠡᠷᠡᠭ ᠪᠢᠯᠡ᠃
ᠨᠢᠭᠡ ᠰᠥᠨᠢ᠂ ᠭᠣᠯᠤᠸᠤᠢᠶᠢᠨ ᠲᠡᠷᠡ ᠰᠤᠮᠤ ᠨᠢᠭᠡ ᠭᠠᠵᠠᠷᠠᠴᠠ ᠥᠭᠡᠷᠡ ᠨᠢᠭᠡᠨ ᠭᠠᠵᠠᠷ ᠰᠢᠯᠵᠢᠬᠦ ᠪᠣᠯᠪᠠ᠃ ᠵᠦᠰᠡ ᠪᠣᠷᠤᠭᠠᠨᠲᠠᠢ᠂ ᠳᠤᠯᠠᠭᠠᠬᠠᠨ ᠫᠠᠳ ᠬᠠᠷᠠᠩᠭᠤᠢ ᠲᠡᠷᠡ ᠰᠥᠨᠢ ᠡᠨᠡ ᠰᠤᠮᠤᠨᠤ ᠴᠡᠷᠢᠭ ᠲᠦᠷᠭᠡᠨ ᠤᠷᠤᠭᠰᠢᠯᠠᠨ ᠶᠠᠪᠤᠵᠤ ᠪᠠᠢᠯᠠ᠃ ᠪᠠᠢᠯᠳᠤᠭᠴᠢᠳ ᠡᠭᠦᠨᠡᠴᠡ ᠡᠮᠦᠨᠡ ᠬᠡᠳᠦᠨ ᠰᠥᠨᠢ ᠤᠨᠲᠠᠭᠠᠦᠭᠡᠢ ᠲᠤᠯᠠ ᠡᠮᠦᠨᠡ ᠮᠥᠷᠦᠨ ᠬᠥᠮᠦᠰ ᠭᠡᠨᠡᠳᠲᠡ ᠰᠡᠮᠬᠡᠨ ᠵᠣᠭᠰᠤᠪᠠᠯ ᠬᠣᠢᠨᠠᠬᠢ ᠬᠥᠮᠦᠰᠨᠢ ᠡᠮᠦᠨᠡᠬᠢ ᠬᠥᠮᠦᠰᠦᠨᠢᠶᠡᠨ ᠪᠡᠶᠡ ᠳᠡᠭᠡᠷᠡ ᠮᠥᠷᠭᠦᠵᠦ ᠠᠪᠤᠭᠠᠳ ᠨᠣᠢᠷᠠᠴᠠᠪᠠᠨ ᠰᠡᠷᠢᠳᠡᠭ ᠪᠠᠢᠯᠠ᠃
ᠲᠦᠷ ᠠᠮᠤᠰᠬᠢᠬᠦ ᠦᠶᠡᠰ᠂ ᠬᠡᠨᠴᠦ ᠬᠠᠭᠤᠷᠠᠢ ᠭᠠᠵᠠᠷ ᠡᠷᠢᠵᠦ ᠵᠠᠪᠳᠤᠯᠦᠭᠡᠢ - ᠦᠨᠡᠨᠳᠡᠭᠡᠨ ᠬᠠᠭᠤᠷᠠᠢ ᠭᠠᠵᠠᠷᠴᠤ ᠪᠠᠢᠬᠤᠦᠭᠡᠢ - ᠬᠠᠮᠢᠭᠠ ᠲᠤᠰᠢᠶᠠᠯ ᠪᠠᠭᠤᠮᠠᠭᠴᠠ ᠲᠡᠨᠳᠡᠯᠡ ᠰᠢᠪᠠᠷ ᠳᠣᠲᠤᠷᠠᠴᠤ ᠲᠡᠷᠡ᠂ ᠵᠠᠮ ᠳᠡᠭᠡᠷᠡᠴᠦ ᠲᠡᠷᠡ᠂ ᠬᠡᠪᠲᠡᠭᠡᠳ ᠥᠭᠳᠡᠭ ᠮᠥᠷᠲᠡᠭᠡᠨ ᠳᠣᠣᠷᠠᠪᠠᠨ ᠤᠨᠲᠠᠴᠢᠬᠠᠳᠠᠭ ᠪᠠᠢᠭᠰᠠᠨ ᠪᠢᠯᠡ᠃ ᠭᠠᠭᠴᠠᠯᠠ ᠵᠢᠯᠤᠭᠤᠳᠤᠭᠴᠢᠨᠠᠷ ᠡᠨᠡ ᠵᠣᠯ ᠵᠢᠷᠭᠠᠯᠢ ᠥᠪᠡᠷᠰᠡᠳᠲᠡᠭᠡᠨ ᠣᠯᠭᠤᠳᠠᠭᠦᠭᠡᠢ ᠪᠠᠢᠪᠠ᠃ ᠲᠡᠳᠡ ᠵᠠᠪᠠᠯ ᠵᠢᠵᠢᠭᠦᠷ ᠬᠢᠵᠦ ᠴᠠᠭ ᠦᠵᠡᠨᠡ᠃
ᠡᠢᠮᠦ ᠲᠠᠪᠤᠬᠠᠨ ᠮᠢᠨᠦ᠋ᠲᠦᠨ ᠠᠮᠠᠷᠠᠯᠲᠠᠳᠤ ᠬᠡᠪᠲᠡᠬᠦᠪᠡᠷ ᠦᠯᠦ ᠪᠠᠷᠠᠮ ᠨᠡᠬᠡᠢ ᠳᠡᠪᠡᠯᠦᠨᠢᠶᠡᠨ ᠬᠣᠷᠮᠤᠢᠪᠠᠷ ᠫᠤᠤᠪᠠᠨ ᠳᠠᠷᠤᠵᠤ᠂ ᠲᠡᠮᠦᠷ ᠮᠠᠯᠠᠭᠠᠢᠪᠠᠨ ᠵᠠᠰᠠᠨ ᠳᠡᠷᠡᠯᠡᠭᠡᠳ᠂ ᠨᠢᠭᠡ ᠰᠠᠢᠨ ᠵᠡᠭᠦᠳᠦ ᠵᠡᠭᠦᠳᠦᠯᠡᠭᠡᠳᠴᠦ ᠠᠮᠵᠢᠳᠠᠭ ᠪᠠᠢᠭᠰᠠᠨᠢᠶᠠᠨ ᠭᠯᠤᠪᠠ ᠣᠳᠣ ᠬᠦᠷᠲᠡᠯᠡ ᠮᠠᠷᠲᠠᠭᠠᠦᠭᠡᠢ ᠪᠢᠯᠡ᠃ ᠵᠡᠭᠦᠳᠦᠯᠡᠭᠰᠡᠨ ᠵᠦᠢᠯᠨᠢ ᠶᠠᠩᠵᠤ ᠪᠦᠷᠢᠶᠢᠨ ᠶᠠᠭᠤᠮᠠ ᠪᠠᠢᠳᠠᠭ ᠲᠤᠯᠠ ᠨᠡᠯᠢᠶᠡᠳ ᠤᠨᠲᠠᠴᠢᠬᠠᠭᠰᠠᠨᠶᠤᠮ ᠪᠠᠢᠨᠠ ᠭᠡᠵᠦ ᠪᠣᠳᠤᠳᠠᠭ ᠠᠵᠢ᠃ ᠥᠭᠡᠷᠡ ᠬᠥᠮᠦᠨ ᠭᠤᠲᠤᠯᠢᠶᠠᠷᠢᠶᠠᠨ ᠲᠡᠭᠦᠨᠦ ᠨᠢᠷᠤᠭᠤᠶᠢ ᠬᠥᠩᠭᠡᠨ ᠢᠰᠭᠦᠯᠵᠦ ᠰᠡᠷᠢᠭᠡᠬᠦᠳᠦ᠂ ᠬᠠᠷᠢᠨ ᠳᠥᠩᠭᠡᠵᠢ ᠲᠠᠪᠤᠨ ᠮᠢᠨᠦ᠋ᠲ ᠥᠩᠭᠡᠷᠡᠭᠰᠡᠨ ᠭᠡᠳᠡᠭᠢ ᠦᠨᠡᠮᠰᠢᠳᠡᠭᠦᠭᠡᠢ ᠪᠠᠢᠳᠠᠭᠰᠠᠨ᠃
ᠨᠢᠭᠡ ᠤᠳᠠᠭᠠᠶᠢᠨ ᠠᠮᠠᠷᠠᠯᠲᠠᠳᠤ ᠭᠯᠤᠪᠠ ᠵᠣᠷᠢᠭᠤᠳᠠ ᠵᠠᠮ ᠳᠡᠭᠡᠷᠡ ᠬᠡᠪᠲᠡᠭᠡᠳ᠂ ᠴᠡᠷᠢᠭ ᠠᠩᠭᠢ ᠬᠥᠳᠡᠯᠦᠮᠡᠭᠴᠡ ᠬᠥᠮᠦᠰ ᠲᠡᠭᠦᠨ ᠳᠡᠭᠡᠷᠡ ᠪᠦᠳᠦᠷᠢᠪᠡᠯ ᠪᠢ ᠰᠡᠷᠢᠨᠡ ᠭᠡᠵᠦ ᠪᠣᠳᠤᠵᠠᠢ᠃ ᠭᠡᠲᠡᠯᠡ ᠬᠠᠷᠢᠨ ᠬᠡᠨᠴᠦ ᠲᠡᠭᠦᠨᠢ ᠰᠡᠷᠢᠭᠡᠭᠰᠡᠨᠦᠭᠡᠢ᠂ ᠬᠡᠨᠴᠦ ᠲᠡᠭᠦᠨᠳᠦ ᠬᠥᠯ ᠬᠦᠷᠦᠭᠰᠡᠨᠦᠭᠡᠢ᠂ ᠥᠪᠡᠷᠢᠶᠡᠨᠴᠦ ᠴᠡᠷᠢᠭ ᠠᠩᠭᠢ ᠬᠥᠳᠡᠯᠬᠦ ᠵᠠᠷᠯᠢᠭᠢ ᠰᠣᠨᠤᠰᠤᠭᠰᠠᠨᠦᠭᠡᠢᠪᠠᠷ ᠲᠤᠩ ᠰᠠᠢᠨ ᠤᠨᠲᠠᠴᠢᠬᠠᠪᠠ᠃ ᠰᠥᠨᠢᠶᠢᠨ ᠭᠦᠨᠳᠦ ᠴᠡᠷᠢᠭ ᠠᠩᠭᠢ ᠴᠢᠪ ᠴᠢᠮᠡᠭᠡᠦᠭᠡᠢ ᠬᠥᠳᠡᠯᠴᠢᠬᠡᠪᠡ᠃
ᠭᠯᠤᠪᠠᠶᠢ ᠰᠡᠷᠢᠬᠦᠳᠦ ᠡᠷᠭᠢᠨ ᠲᠣᠭᠤᠷᠢᠨᠳᠤᠨᠢ ᠨᠢᠭᠡᠴᠦ ᠬᠥᠮᠦᠨᠦᠭᠡᠢ ᠪᠠᠢᠯᠠ᠃
ᠰᠥᠨᠢ ᠬᠠᠪ ᠬᠠᠷᠠᠩᠭᠤᠢᠪᠠᠷᠢᠶᠠᠨ᠂ ᠪᠣᠷᠤᠭᠠ ᠦᠷᠭᠦᠯᠵᠢᠯᠡᠨ ᠣᠷᠤᠭᠰᠠᠭᠠᠷ ᠪᠠᠢᠯᠠ᠃ ᠭᠯᠤᠪᠠ ᠡᠵᠡᠭᠦᠢ ᠬᠡᠭᠡᠷᠡ ᠲᠠᠯᠠᠳᠤ ᠬᠠᠶᠠᠭᠳᠠᠭᠰᠠᠨᠢᠶᠠᠨ ᠮᠡᠳᠡᠭᠡᠳ ᠠᠶᠤᠨ ᠰᠠᠨᠳᠤᠷᠴᠤ ᠥᠨᠳᠡᠢᠵᠦ ᠪᠣᠰᠤᠭᠠᠳ᠂ ᠫᠠᠳ ᠬᠠᠷᠠᠩᠭᠤᠢᠶᠢᠨ ᠳᠤᠮᠳᠠ:
《ᠬᠦᠢ ᠁ ᠬᠦᠢ ᠁》 ᠭᠡᠵᠦ ᠬᠣᠭᠤᠯᠠᠢ ᠮᠡᠳᠡᠨ ᠪᠠᠷᠬᠢᠷᠠᠪᠠ᠃
ᠲᠡᠭᠡᠭᠡᠳ ᠣᠷᠤᠨᠳᠠᠭᠠᠨ ᠵᠣᠭᠰᠤᠵᠤ ᠴᠢᠩᠨᠠᠪᠠ᠃ ᠭᠡᠪᠡᠴᠦ ᠬᠠᠷᠢᠭᠤ ᠴᠢᠮᠡᠭᠡ ᠠᠯᠠᠭᠠ᠃
ᠡᠷᠭᠢᠵᠦ ᠥᠭᠡᠷᠡ ᠲᠡᠰᠢᠪᠡᠨ ᠬᠠᠷᠠᠨ:
《ᠬᠦᠢ ᠁ ᠬᠦᠢ ᠁》 ᠭᠡᠵᠦ ᠪᠠᠷᠬᠢᠷᠠᠪᠠ᠃
ᠭᠡᠪᠡᠴᠦ ᠬᠠᠷᠠᠩᠭᠤᠢ ᠰᠥᠨᠢ ᠨᠠᠮ ᠭᠦᠮ ᠬᠡᠪᠢᠶᠡᠷ ᠪᠠᠢᠯᠠ᠃
ᠳᠠᠷᠠᠭᠠᠨᠢ ᠴᠢᠨᠡᠭᠡᠪᠡᠷᠢᠶᠡᠨ ᠭᠦᠶᠦᠬᠦᠳᠦ ᠡᠪᠳᠡᠯᠡᠭᠳᠡᠭᠰᠡᠨ ᠵᠠᠮᠤᠨ ᠰᠢᠷᠤᠢ ᠴᠢᠯᠠᠭᠤ ᠠᠷᠤᠳᠤᠨᠢ ᠲᠠᠷᠲᠤᠷ ᠬᠢᠨ ᠬᠣᠴᠤᠷᠤᠨᠠ᠃
ᠵᠠᠮᠤᠨ ᠳᠡᠷᠭᠡᠳᠡᠬᠢ ᠪᠤᠲᠠ ᠪᠤᠷᠭᠠᠰᠤ ᠰᠥᠭᠡᠭ ᠰᠥᠭᠡᠭᠢᠶᠡᠷ ᠰᠦᠭᠯᠡᠢᠨ ᠬᠠᠷᠠᠭᠳᠠᠨᠠ᠃ ᠡᠳᠡᠭᠡᠷᠨᠢ ᠬᠠᠮᠢᠭᠠᠠᠴᠠ ᠭᠠᠷᠤᠭᠠᠳ ᠢᠷᠡᠭᠰᠡᠨᠢ ᠪᠤᠤ ᠮᠡᠳᠡ᠂ ᠶᠠᠭ ᠭᠯᠤᠪᠠᠶᠢᠨ ᠤᠨᠲᠠᠵᠤ ᠪᠠᠢᠭᠰᠠᠨ ᠦᠶᠡ ᠡᠨᠳᠡ ᠤᠷᠭᠤᠭᠠᠳ ᠤᠷᠭᠤᠭᠠᠳ ᠭᠠᠷᠤᠭᠰᠠᠨᠶᠤᠮᠰᠢᠭ᠋ ᠪᠠᠢᠯᠠ᠃ ᠡᠭᠦᠨᠡᠴᠡ ᠡᠮᠦᠨᠡ ᠭᠯᠤᠪᠠᠳᠤ ᠡᠢᠮᠦ ᠪᠤᠲᠠ ᠪᠤᠷᠭᠠᠰᠤᠨᠤᠭᠤᠳ ᠶᠡᠷᠦ ᠦᠵᠡᠭᠳᠡᠭᠰᠡᠨᠦᠭᠡᠢ᠃
ᠭᠯᠤᠪᠠ ᠬᠡᠯᠮᠡᠭᠳᠡᠯᠳᠦ ᠣᠯᠵᠠᠯᠠᠭᠳᠠᠪᠠ᠃ ᠡᠨᠡᠴᠢᠨᠢ ᠲᠡᠨᠡᠭ᠂ ᠶᠠᠮᠠᠷ ᠮᠠᠭᠤᠬᠠᠢ ᠬᠡᠷᠡᠭ ᠪᠣᠯᠪᠠ? ᠁ ᠨᠢᠭᠡᠨ ᠰᠠᠢᠨ ᠳᠤᠷᠠᠶᠢᠨ ᠴᠡᠷᠢᠭ ᠬᠠᠷᠮᠠᠨᠳᠠᠭᠠᠨ ᠰᠤᠮᠤ ᠳᠦᠭᠦᠷᠭᠡᠵᠦ ᠲᠤᠯᠤᠯᠳᠤᠭᠠᠨᠳᠤ ᠣᠷᠤᠬᠤ ᠭᠡᠵᠦ ᠰᠡᠳᠭᠢᠯ ᠵᠢᠷᠦᠬᠡ ᠳᠣᠭᠳᠤᠯᠤᠨ ᠪᠠᠢᠬᠤ ᠦᠶᠡᠳᠦ ᠡᠢᠮᠦ ᠬᠡᠷᠡᠭ ᠭᠠᠷᠤᠨᠠ ᠭᠡᠵᠦ ᠳ᠋ᠠ ! ᠁ ᠴᠡᠷᠢᠭ ᠠᠩᠭᠢ ᠲᠦᠷᠭᠡᠨ ᠤᠷᠤᠭᠰᠢᠯᠠᠭᠠᠳ᠂ ᠯᠠᠪ ᠲᠤᠯᠤᠯᠳᠤᠬᠤᠪᠠᠷ ᠶᠠᠪᠤᠭᠰᠠᠨ ᠪᠠᠢᠬᠤ᠃ ᠭᠡᠪᠡᠴᠦ ᠁ ᠨᠥᠬᠦᠳᠨᠢ ᠲᠡᠭᠦᠨᠢ ᠶᠠᠭᠤ ᠭᠡᠵᠦ ᠬᠡᠯᠡᠬᠦ ᠪᠣᠯ? ᠵᠢᠭᠤᠳᠠᠴᠢᠬᠠᠵᠠᠢ᠂ ᠣᠷᠭᠤᠴᠢᠬᠠᠵᠠᠢ ᠭᠡᠵᠦ ᠬᠡᠯᠡᠨᠡ ᠭᠡᠵᠦ ᠪᠣᠳᠤᠬᠤᠠᠴᠠ ᠦᠬᠦᠴᠢᠬᠡᠭᠰᠡᠨᠨᠢ ᠡᠭᠦᠨᠡᠴᠡ ᠳᠡᠭᠡᠷᠡᠰᠢᠭ ᠰᠠᠨᠠᠭᠳᠠᠨᠠ᠃
ᠭᠯᠤᠪᠠ ᠫᠤᠤᠶᠢᠨᠢᠶᠠᠨ ᠣᠭᠤᠰᠤᠷᠢ ᠴᠢᠩᠭᠠ ᠲᠠᠲᠠᠭᠠᠳ ᠭᠦᠶᠦᠭᠰᠡᠭᠡᠷ᠃
《ᠵᠣᠭᠰᠤ! ᠶᠠᠮᠠᠷ ᠬᠥᠮᠦᠨ ᠪᠤᠢ?》
ᠲᠡᠭᠦᠨᠦ ᠡᠮᠦᠨᠡ᠂ ᠪᠦᠷᠦᠩᠬᠦᠢᠶᠢᠨ ᠳᠣᠲᠤᠷᠠ᠂ ᠲᠡᠮᠦᠷ ᠮᠠᠯᠠᠭᠠᠢᠲᠠᠢ ᠬᠣᠶᠠᠷ ᠬᠥᠮᠦᠨᠦ ᠰᠡᠭᠦᠳᠡᠷ ᠬᠠᠷᠠᠭᠳᠠᠪᠠ᠃
《ᠥᠪᠡᠷᠦᠨ ᠬᠢᠨ᠃ 》
《ᠬᠡᠨ ᠪᠤᠢ? ᠴᠢ ᠬᠠᠮᠢᠭᠠᠰᠢᠪᠠᠨ ᠵᠢᠭᠤᠳᠠᠵᠤ ᠪᠠᠢᠨᠠ?》
《ᠠᠩᠭᠢᠠᠴᠠᠪᠠᠨ ᠬᠠᠶᠠᠭᠳᠠᠵᠠᠢ ᠁ ᠲᠡᠳᠡ ᠨᠠᠮᠠᠢ ᠰᠡᠷᠢᠭᠡᠭᠰᠡᠨᠦᠭᠡᠢ ᠁ ᠪᠢ ᠠᠩᠭᠢᠪᠠᠨ ᠨᠡᠬᠡᠵᠦ ᠶᠠᠪᠤᠨᠠ ᠁》
《ᠠᠩᠭᠢᠪᠠᠨ ᠨᠡᠬᠡᠵᠦ ᠶᠠᠪᠤᠨᠠ ᠭᠡᠨᠡ!》 ᠭᠡᠳ ᠲᠡᠷᠡ ᠬᠣᠶᠠᠷ ᠬᠥᠮᠦᠨ ᠢᠨᠢᠶᠡᠯᠳᠦᠭᠡᠳ: 《ᠴᠢ ᠲᠡᠳᠡᠨᠢ ᠬᠠᠮᠢᠭᠠᠠᠴᠠ ᠭᠡᠵᠦ ᠨᠡᠬᠡᠬᠦ ᠪᠤᠢ? ᠲᠡᠳᠡ ᠡᠮᠦᠨᠡ ᠹᠷᠣᠨᠲ ᠤᠷᠤᠭᠤ ᠶᠠᠪᠤᠴᠢᠬᠠᠭᠰᠠᠨ ᠁》 ᠭᠡᠪᠡ᠃
《ᠪᠢ ᠪᠠᠰᠠ ᠁》
《ᠴᠢᠨᠦ ᠡᠨᠡᠴᠢᠨᠢ ᠠᠷᠤ ᠲᠠᠯᠠ ᠤᠷᠤᠭᠤ ᠵᠢᠭᠤᠳᠠᠬᠤ ᠭᠡᠵᠦ ᠪᠠᠢᠨᠠ ᠰᠢᠤ!》
《ᠲᠠ ᠶᠠᠭᠤ ᠭᠡᠨᠡ? ᠠᠷᠤ ᠲᠠᠯᠠ ᠤᠷᠤᠭᠤ ᠵᠢᠭᠤᠳᠠᠨᠠ ᠭᠡᠨᠡ?》 ᠭᠡᠵᠦ ᠭᠯᠤᠪᠠ ᠮᠡᠯᠡᠷᠡᠨᠡ᠃
ᠲᠡᠷᠡ ᠬᠣᠶᠠᠷ ᠬᠥᠮᠦᠨ ᠪᠠᠰᠠᠯᠠ ᠢᠨᠢᠶᠡᠯᠳᠦᠭᠡᠳ: 《 ᠠᠯᠢ ᠠᠩᠭᠢᠶᠢᠨ ᠬᠢᠨ ᠪᠤᠢ?》 ᠭᠡᠵᠦ ᠠᠰᠠᠭᠤᠪᠠ᠃ ᠬᠠᠷᠢᠨ ᠲᠡᠳᠡ ᠨᠢᠭᠡ ᠪᠠᠲᠯᠢᠶᠤᠨᠤ ᠪᠠᠢᠯᠳᠤᠭᠴᠢ ᠪᠠᠢᠯᠠ᠃
《ᠵᠠᠭᠤ ᠨᠠᠶᠠᠨ ᠭᠷᠡᠳᠦ᠋ᠰ ᠡᠷᠭᠢᠭᠡᠷᠡᠢ᠃ ᠪᠢᠳᠡᠨᠲᠡᠢ ᠬᠠᠮᠲᠤ ᠶᠠᠪᠤ᠃ ᠪᠢᠳᠡᠨᠲᠡᠢ ᠬᠠᠮᠲᠤ ᠪᠣᠯ ᠬᠠᠶᠠᠭᠳᠠᠬᠤᠦᠭᠡᠢ᠃ ᠪᠢᠳᠡ ᠪᠠᠰᠠ ᠠᠩᠭᠢᠪᠠᠨ ᠨᠡᠬᠡᠵᠦ ᠶᠠᠪᠤᠨᠠ᠃ 》
ᠡᠨᠡ ᠬᠣᠶᠠᠷ ᠰᠠᠢᠨ ᠰᠠᠨᠠᠭᠠᠲᠤ ᠬᠥᠮᠦᠨ ᠠᠩᠬᠠᠨᠤ ᠠᠮᠠᠷᠠᠯᠲᠠᠳᠤ ᠠᠩᠭᠢᠠᠴᠠᠪᠠᠨ ᠬᠠᠶᠠᠭᠳᠠᠭᠰᠠᠨᠶᠤᠮ᠃ ᠭᠡᠪᠡᠴᠦ ᠲᠡᠳᠡ ᠥᠪᠡᠷᠦᠨ ᠬᠢᠨᠢᠶᠡᠨ ᠳᠣᠣᠷᠠᠪᠠᠨ ᠭᠦᠢᠴᠡᠨᠡ ᠭᠡᠵᠦ ᠪᠠᠲᠤ ᠢᠲᠡᠭᠡᠭᠰᠡᠨ ᠲᠤᠯᠠ ᠳᠡᠮᠡᠢ ᠰᠠᠨᠳᠤᠷᠬᠤᠦᠭᠡᠢ ᠪᠠᠢᠵᠠᠢ᠃ ᠬᠣᠶᠠᠭᠤᠯᠠ ᠪᠣᠯᠬᠣᠷ ᠠᠶᠤᠵᠤ ᠰᠠᠨᠳᠤᠷᠤᠭᠰᠠᠨᠦᠭᠡᠢ ᠪᠠᠢᠵᠤ ᠮᠡᠳᠡᠨᠡ᠃ ᠬᠣᠶᠠᠭᠤᠯᠠ ᠪᠣᠯ ᠶᠠᠭᠠᠬᠢᠯᠠᠴᠤ ᠭᠡᠰᠡᠨ ᠭᠠᠭᠴᠠᠬᠠᠨ ᠬᠥᠮᠦᠨᠡᠴᠡ ᠠᠶᠠᠲᠠᠢᠶᠤᠮ᠃
ᠲᠡᠳᠡ ᠴᠡᠷᠢᠭ ᠠᠩᠭᠢᠪᠠᠨ ᠭᠦᠢᠴᠡᠬᠦᠳᠦ ᠭᠡᠭᠡᠷᠡᠪᠡ᠃ ᠳᠡᠰᠯᠡᠭᠴᠢ ᠭᠣᠯᠤᠸᠤᠢ ᠨᠢᠭᠡ ᠪᠠᠢᠯᠳᠤᠭᠴᠢ ᠠᠯᠠᠭᠠ ᠭᠡᠵᠦ ᠨᠢᠭᠡᠨᠲᠡ ᠦᠭᠡᠢᠯᠡᠨ ᠮᠡᠳᠡᠭᠰᠡᠨ ᠪᠣᠯᠤᠯᠲᠠᠢ ᠪᠠᠢᠨ ᠳᠠᠬᠢᠨ ᠡᠷᠭᠢᠨ ᠬᠠᠷᠠᠵᠤ ᠶᠠᠪᠤᠵᠠᠢ᠃ ᠭᠯᠤᠪᠠ ᠥᠪᠡᠷᠦᠨ ᠵᠢᠯᠤᠭᠤᠳᠤᠭᠴᠢᠪᠠᠨ ᠬᠣᠯᠠᠠᠴᠠ ᠦᠵᠡᠮᠡᠭᠴᠡ ᠪᠠᠶᠠᠷᠯᠠᠨ᠂ ᠲᠡᠭᠦᠨ ᠤᠷᠤᠭᠤ ᠳᠠᠯᠠᠯᠪᠠ᠃ ᠭᠦᠶᠦᠵᠦ ᠣᠴᠢᠭᠠᠳ ᠥᠪᠡᠷᠦᠨ ᠬᠠᠢᠷᠠᠲᠤ ᠬᠣᠩᠭᠤᠷᠰᠢᠭ᠋ᠢᠶᠠᠨ ᠬᠦᠵᠦᠭᠦᠦᠪᠡᠷᠨᠢ ᠲᠡᠪᠡᠷᠢᠭᠡᠳ ᠠᠪᠤᠮᠠᠷ ᠰᠠᠨᠠᠭᠳᠠᠪᠠ᠃
ᠭᠣᠯᠤᠸᠤᠢ ᠰᠢᠳᠦᠪᠡᠨ ᠵᠠᠭᠤᠭᠠᠳ ᠵᠠᠮᠤᠨ ᠬᠠᠵᠠᠭᠤᠳᠤ ᠵᠣᠭᠰᠤᠪᠠ᠃
《ᠭᠯᠤᠪᠠ᠂ ᠴᠢ ᠬᠠᠮᠢᠭᠠ ᠵᠤᠭᠠᠴᠠᠬᠤᠪᠠᠷ ᠣᠴᠢᠪᠠ?》 ᠭᠡᠵᠦ ᠲᠡᠭᠦᠨᠡᠴᠡ ᠲᠤᠯᠭᠠᠵᠤ ᠠᠰᠠᠭᠤᠪᠠ᠃
《ᠳᠡᠰᠯᠡᠭᠴᠢ ᠡ! ᠪᠢ ᠴᠡᠷᠢᠭ ᠠᠩᠭᠢᠠᠴᠠᠪᠠᠨ ᠬᠠᠶᠠᠭᠳᠠᠵᠠᠢ ᠁ ᠪᠢ ᠰᠣᠨᠤᠰᠤᠭᠠᠦᠭᠡᠢᠪᠠᠷ ᠁》
ᠵᠢᠯᠤᠭᠤᠳᠤᠭᠴᠢᠨᠢ ᠰᠢᠷᠦᠭᠦᠨ ᠬᠠᠷᠠᠴᠠᠪᠠᠷ ᠰᠢᠷᠲᠡᠭᠰᠡᠭᠡᠷᠯᠡ ᠪᠠᠢᠪᠠ᠃
《ᠰᠣᠨᠤᠰᠤᠭᠠᠦᠭᠡᠢ ᠭᠡᠨᠡ! ᠳᠦᠯᠡᠢᠶᠦᠮᠦᠦ? ᠳᠠᠢᠰᠤᠨ ᠳ᠋ᠨᠧᠫᠷ ᠮᠥᠷᠡᠨᠢ ᠭᠡᠲᠦᠯᠵᠦ ᠪᠠᠢᠬᠤᠶᠢ ᠴᠢ ᠪᠠᠰᠠᠯᠠ ᠰᠣᠨᠤᠰᠤᠭᠠᠦᠭᠡᠢ! ᠁ ᠵᠥᠪᠬᠡᠨ ᠁ ᠴᠢᠮᠠᠳᠤ ᠬᠠᠷᠢᠭᠤᠴᠠᠬᠤ ᠬᠡᠷᠡᠭᠲᠡᠢ ᠁》 ᠭᠡᠬᠦ ᠵᠡᠷᠭᠡᠪᠡᠷ ᠭᠣᠯᠤᠸᠤᠢ ᠰᠢᠷᠦᠭᠦᠨ ᠵᠠᠩᠨᠠᠪᠠ᠃
《ᠳᠡᠰᠯᠡᠭᠴᠢ ᠨᠥᠬᠦᠷ ᠡ ᠁》 ᠭᠡᠳ ᠭᠯᠤᠪᠠ ᠵᠢᠭᠠᠬᠠᠨ ᠲᠠᠢᠯᠪᠤᠷᠢᠯᠠᠶᠠ ᠭᠡᠵᠦ ᠪᠣᠳᠤᠪᠠ᠃
《ᠠᠯᠬᠤᠭᠠᠳ ᠶᠠᠪᠤ! ᠨᠡᠬᠡᠭᠡᠳ ᠭᠦᠢᠴᠡ!》
ᠭᠯᠤᠪᠠ ᠭᠤᠷᠪᠠᠨ ᠠᠯᠬᠤᠮᠢ ᠬᠣᠶᠠᠷ ᠠᠯᠬᠤᠮᠢᠶᠠᠷ ᠲᠣᠪᠴᠢᠯᠠᠨ ᠠᠯᠬᠤᠪᠠ᠃ ᠶᠡᠷᠦ ᠬᠥᠮᠦᠨᠢᠶᠡᠷ ᠡᠢᠨᠬᠦ ᠰᠢᠭᠦᠮᠵᠢᠯᠡᠭᠦᠯᠦᠨ ᠵᠠᠩᠳᠤᠷᠤᠭᠤᠯᠵᠤ ᠦᠵᠡᠭᠡᠦᠭᠡᠢ ᠲᠤᠯᠠ ᠢᠴᠢᠬᠦᠶᠢᠨ ᠬᠠᠮᠲᠤ ᠭᠡᠮᠰᠢᠨ ᠵᠣᠪᠠᠪᠠ᠃ ᠡᠨᠡ ᠶᠠᠪᠤᠳᠠᠯ ᠵᠠᠵᠢᠨ ᠦᠰᠦᠨᠢ ᠪᠤᠭᠤᠷᠤᠯᠳᠤᠭᠰᠠᠨ ᠡᠨᠡᠬᠦ ᠢᠨᠵᠧᠨᠧᠷ ᠭᠤᠸᠠᠢᠳᠤ ᠶᠠᠭ ᠨᠢᠭᠡ ᠤᠳᠠᠭᠠ ᠦᠬᠦᠲᠡᠯᠡ ᠵᠣᠳᠤᠭᠳᠠᠭᠰᠠᠨᠲᠠᠢ ᠠᠳᠠᠯᠢ ᠰᠠᠨᠠᠭᠳᠠᠵᠠᠢ᠃ ᠲᠡᠢᠨᠬᠦ ᠪᠤᠴᠠᠵᠤ ᠬᠠᠷᠢᠭᠠᠳ ᠡᠨᠡ ᠬᠠᠢᠷᠠ ᠨᠠᠢᠷᠦᠭᠡᠢ ᠵᠠᠯᠠᠭᠤᠳᠤ ᠬᠡᠷᠡᠭᠦᠨ ᠶᠠᠪᠤᠴᠠᠶᠢ ᠲᠠᠢᠯᠪᠤᠷᠢᠯᠠᠮᠠᠷ ᠰᠠᠨᠠᠭᠳᠠᠭᠰᠠᠨ ᠪᠠᠢᠯᠠ᠃
ᠭᠡᠪᠡᠴᠦ ᠭᠯᠤᠪᠠ ᠴᠡᠷᠢᠭᠦᠨ ᠳᠦᠷᠢᠮᠢ ᠮᠡᠳᠡᠬᠦ ᠲᠤᠯᠠ ᠨᠢᠭᠡᠴᠦ ᠦᠭᠡ ᠬᠡᠯᠡᠭᠰᠡᠨᠦᠭᠡᠢ᠃ ᠳᠡᠰᠯᠡᠭᠴᠢᠶᠢᠨ ᠦᠭᠡ ᠲᠡᠭᠦᠨᠦ ᠵᠢᠷᠦᠬᠡᠨᠳᠦ ᠰᠢᠩᠭᠡᠨ ᠬᠣᠨᠤᠭᠰᠢᠯᠠ᠃
ᠭᠯᠤᠪᠠ᠂ ᠡᠨᠡ ᠳᠡᠰᠯᠡᠭᠴᠢᠶᠢᠨ ᠲᠡᠢᠨᠬᠦ ᠰᠢᠷᠦᠭᠦᠨ ᠳᠦᠷᠢ ᠭᠠᠷᠭᠠᠨ ᠵᠠᠩᠳᠤᠷᠬᠤᠨᠢ ᠵᠦᠢᠲᠡᠢᠶᠦᠮ ᠭᠡᠵᠦ ᠵᠠᠷᠢᠮᠳᠠᠭᠠᠨ ᠥᠪᠡᠷᠦᠨ ᠦᠵᠡᠯᠲᠡᠪᠡᠷᠢᠶᠡᠨ ᠲᠠᠢᠯᠪᠤᠷᠢᠯᠠᠬᠤᠪᠠᠷ ᠴᠢᠷᠮᠠᠢᠳᠠᠭ ᠪᠠᠢᠯᠠ᠃ ᠲᠡᠷᠡ ᠦᠶᠡ ᠪᠣᠯ ᠶᠠᠭ ᠳᠠᠢᠨᠤ ᠪᠠᠴᠢᠮ ᠴᠠᠭ ᠦᠶᠡ ᠪᠠᠢᠭᠰᠠᠨ ᠲᠤᠯᠠ ᠵᠠᠷᠢᠮᠳᠠᠭᠠᠨ ᠪᠡᠶᠡᠪᠡᠨ ᠪᠠᠷᠢᠬᠤᠳᠤ ᠦᠨᠡᠨ ᠠᠮᠠᠷᠦᠭᠡᠢᠶᠤᠮ᠃ ᠡᠢᠮᠦᠡᠴᠡ ᠡᠨᠡ ᠬᠠᠪᠤᠩᠨᠠᠭᠰᠠᠨ ᠤᠯᠠᠪᠲᠤᠷ ᠨᠢᠳᠦᠲᠡᠢ ᠵᠠᠯᠠᠭᠤ ᠥᠪᠡᠷᠦᠨ ᠵᠠᠬᠢᠷᠭᠠᠨᠳᠠᠬᠢ ᠨᠢᠭᠡ ᠴᠡᠷᠢᠭᠢᠶᠡᠨ ᠰᠢᠷᠦᠭᠦᠨ ᠳᠦᠷᠢᠪᠡᠷ ᠵᠠᠩᠨᠠᠬᠤᠨᠢ ᠲᠡᠢᠮᠦᠴᠦ ᠶᠡᠬᠡ ᠬᠡᠷᠡᠭ ᠪᠢᠰᠢ᠃ ᠲᠡᠭᠡᠭᠡᠳ ᠪᠠᠰᠠ ᠵᠢᠯᠤᠭᠤᠳᠤᠭᠴᠢ᠂ ᠡᠨᠡᠬᠦ ᠨᠠᠰᠤ ᠠᠬᠢᠮᠠᠭ᠂ ᠵᠠᠩ ᠨᠣᠮᠤᠬᠠᠨ ᠪᠠᠢᠯᠳᠤᠭᠴᠢᠶᠢᠨ ᠭᠤᠷᠪᠠᠨ ᠰᠠᠷᠠᠶᠢᠨ ᠡᠮᠦᠨᠡᠬᠡᠨ ᠥᠪᠡᠷᠲᠡᠢᠨᠢ ᠠᠳᠠᠯᠢ ᠬᠡᠳᠦᠨ ᠵᠠᠭᠤᠨ ᠨᠢᠯᠬᠠᠷᠬᠠᠭ ᠵᠠᠯᠠᠭᠤᠴᠤᠳᠲᠤ ᠬᠢᠴᠢᠶᠡᠯ ᠵᠢᠭᠠᠵᠤ ᠪᠠᠢᠭᠰᠠᠨᠢ ᠮᠡᠳᠡᠨᠡ ᠭᠡᠵᠦᠦᠦ? ᠳᠠᠬᠢᠭᠠᠳ ᠬᠡᠯᠡᠪᠡᠯ᠂ ᠭᠯᠤᠪᠠᠶᠢᠨ ᠳᠠᠢᠨᠤ ᠡᠮᠦᠨᠡ ᠶᠠᠭᠤ ᠬᠢᠵᠦ ᠪᠠᠢᠭᠰᠠᠨᠢ - ᠠᠯᠳᠠᠷ ᠬᠦᠨᠳᠦᠲᠦ ᠢᠨᠵᠧᠨᠧᠷ ᠪᠠᠢᠭᠰᠠᠨᠶᠤᠮᠤᠤ᠂ ᠡᠰᠡᠪᠡᠯ ᠨᠢᠭᠡ ᠲᠠᠷᠢᠶᠠᠴᠢᠨ᠂ ᠡᠰᠡᠪᠡᠯ ᠨᠡᠷᠡ ᠴᠤᠤᠲᠤ ᠬᠥᠮᠦᠨᠶᠦᠮᠦᠦ᠂ ᠡᠰᠡᠪᠡᠯ ᠶᠡᠷᠦᠶᠢᠨ ᠨᠢᠭᠡ ᠬᠥᠮᠦᠨᠶᠦᠮᠦᠦ? ᠭᠡᠳᠡᠭ ᠲᠤᠬᠠᠢ ᠭᠣᠯᠤᠸᠤᠢ ᠶᠠᠭᠤ ᠭᠡᠵᠦ ᠰᠡᠳᠭᠢᠯ ᠲᠠᠯᠪᠢᠬᠤ ᠪᠢᠯᠡ᠃ ᠭᠯᠤᠪᠠ ᠪᠣᠯ ᠲᠡᠭᠦᠨᠦ ᠳᠥᠷᠪᠡᠳᠦᠭᠡᠷ ᠰᠤᠮᠤᠶᠢᠨ ᠪᠠᠢᠯᠳᠤᠭᠴᠢ ᠭᠡᠵᠦᠯᠡ ᠮᠡᠳᠡᠬᠦ ᠪᠥᠭᠡᠳ ᠡᠨᠡ ᠬᠥᠮᠦᠨᠦ ᠪᠦᠬᠦ ᠦᠢᠯᠡ ᠬᠡᠷᠡᠭᠲᠦᠨᠢ ᠬᠠᠷᠢᠭᠤᠴᠠᠬᠤᠪᠠᠨᠯᠠ ᠮᠡᠳᠡᠨᠡ᠃
ᠬᠡᠳᠦᠨ ᠡᠳᠦᠷᠦᠨ ᠳᠠᠷᠠᠭᠠ ᠲᠡᠭᠦᠨᠦ ᠰᠤᠮᠤᠨᠤ ᠪᠠᠢᠯᠳᠤᠭᠴᠢ ᠭᠯᠤᠪᠠ ᠲᠦᠯᠡᠭᠳᠡᠭᠡᠳ ᠬᠦᠨᠳᠦ ᠰᠢᠷᠬᠠᠲᠤᠵᠠᠢ ᠭᠡᠵᠦ ᠭᠣᠯᠤᠸᠤᠢᠳᠤ ᠮᠡᠳᠡᠭᠦᠯᠪᠡ᠃ ᠳᠡᠰᠯᠡᠭᠴᠢᠶᠢᠨ ᠴᠢᠷᠠᠢ ᠪᠠᠷᠤᠢᠯᠠ᠃
《ᠲᠡᠷᠡ ᠪᠠᠢᠯᠳᠤᠭᠴᠢ ᠶᠠᠭᠠᠬᠢᠭᠠᠳ ᠲᠦᠯᠡᠭᠳᠡᠭᠰᠡᠨᠶᠦᠮ?》
ᠮᠡᠳᠡᠭᠦᠯᠦᠭᠴᠢᠶᠢᠨ ᠬᠡᠯᠡᠬᠦᠪᠡᠷ᠂ ᠳᠠᠢᠰᠤᠨᠤ ᠵᠢᠵᠢᠭ ᠲᠠᠩᠺ ᠭᠯᠤᠪᠠᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠨᠤᠭᠤᠴᠠ ᠤᠷᠤᠭᠤ ᠳᠠᠭᠠᠷᠢᠨ ᠢᠷᠡᠬᠦᠯᠡᠷ ᠭᠯᠤᠪᠠ ᠰᠢᠲᠠᠭᠠᠬᠤ ᠪᠥᠮᠪᠦᠭᠡ ᠠᠪᠴᠤ ᠳᠡᠭᠡᠭᠰᠢ ᠡᠷᠭᠦᠭᠡᠳ ᠰᠢᠳᠡᠬᠦ ᠭᠡᠲᠡᠯᠡ ᠨᠢᠭᠡ ᠰᠤᠮᠤ ᠶᠠᠭ ᠲᠡᠷᠡ ᠰᠢᠲᠠᠭᠠᠬᠤ ᠪᠥᠮᠪᠦᠭᠡ ᠳᠡᠭᠡᠷᠡ ᠲᠤᠰᠪᠠ᠃ ᠭᠠᠯ᠂ ᠭᠯᠤᠪᠠᠶᠢ ᠪᠦᠰᠡᠯᠡᠭᠡᠳ᠂ ᠬᠠᠮᠠᠭᠠᠯᠠᠯᠲᠠᠶᠢᠨ ᠨᠤᠭᠤᠴᠠ ᠳᠣᠲᠤᠷᠠ ᠦᠷᠪᠢᠰᠦᠨ ᠣᠷᠤᠪᠠ᠃ ᠪᠦᠭᠦᠳᠡᠭᠡᠷ ᠲᠡᠷᠡ ᠪᠠᠢᠯᠳᠤᠭᠴᠢ ᠯᠠᠪ ᠬᠠᠮᠠᠭᠠᠯᠠᠯᠲᠠᠶᠢᠨ ᠨᠤᠭᠤᠴᠠᠠᠴᠠᠪᠠᠨ ᠦᠰᠦᠷᠴᠦ ᠭᠠᠷᠤᠨᠠ - ᠬᠡᠷᠪᠡ ᠦᠰᠦᠷᠴᠦ ᠭᠠᠷᠪᠠᠯ ᠯᠠᠪᠲᠠᠢ ᠠᠮᠢ ᠦᠷᠡᠭᠳᠡᠨᠡ ᠭᠡᠵᠦ ᠪᠣᠳᠤᠵᠠᠭᠠᠵᠤ ᠪᠠᠢᠪᠠ᠃ ᠭᠡᠪᠡᠴᠦ ᠲᠡᠷᠡ ᠳᠠᠢᠰᠤᠨᠤ ᠫᠦᠯᠧᠮᠶᠣᠲᠤᠨ ᠭᠠᠯᠯᠠᠭᠠᠠᠴᠠ ᠬᠢᠴᠢᠶᠡᠵᠦ᠂ ᠦᠰᠦᠷᠴᠦ ᠭᠠᠷᠤᠭᠰᠠᠨᠦᠭᠡᠢ᠂ ᠪᠥᠭᠡᠮ ᠭᠠᠯ ᠪᠣᠯᠤᠭᠰᠠᠨ ᠪᠠᠢᠲᠠᠯᠠᠪᠠᠨ ᠨᠠᠷᠢᠬᠠᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠨᠤᠭᠤᠴᠠ ᠳᠣᠲᠤᠷᠠᠪᠠᠨ ᠪᠠᠢᠵᠠᠢ᠃ ᠭᠠᠷᠢᠶᠠᠨ ᠰᠤᠩᠭᠠᠭᠠᠳ ᠳᠠᠬᠢᠨ ᠨᠢᠭᠡ ᠤᠳᠠᠭᠠ ᠪᠥᠮᠪᠦᠭᠡ ᠰᠢᠳᠡᠪᠡ᠃
《ᠲᠡᠷᠡᠨᠢ ᠶᠠᠭᠠᠬᠢᠪᠠ?》 ᠭᠡᠵᠦ ᠳᠡᠰᠯᠡᠭᠴᠢᠶᠢᠨ ᠨᠢᠳᠦ ᠭᠡᠨᠡᠳᠲᠡ ᠭᠡᠷᠡᠯᠲᠦᠪᠡ᠃
《ᠣᠨᠤᠭᠰᠠᠨ!》
《ᠶᠠᠭᠠᠬᠢᠭᠰᠠᠨ ᠰᠠᠢᠨᠶᠤᠮ!》 ᠭᠡᠵᠦ ᠬᠡᠯᠡᠭᠰᠡᠨ ᠭᠣᠯᠤᠸᠤᠢᠶᠢᠨ ᠰᠡᠳᠭᠢᠯ ᠵᠢᠭᠠᠬᠠᠨ ᠲᠠᠯᠪᠢᠭᠳᠠᠯᠠ᠃ ᠲᠡᠭᠡᠭᠡᠳ ᠲᠡᠷᠡ ᠰᠥᠨᠢ ᠲᠡᠷᠡ ᠪᠠᠢᠯᠳᠤᠭᠴᠢᠳᠤ ᠲᠡᠢᠮᠦ ᠰᠢᠷᠦᠭᠦᠨ ᠵᠠᠩᠨᠠᠬᠤ ᠬᠡᠷᠡᠭᠦᠭᠡᠢ ᠪᠠᠢᠵᠠᠢ ᠭᠡᠵᠦ ᠳᠡᠰᠯᠡᠭᠴᠢ ᠭᠡᠮᠰᠢᠪᠡ᠃
ᠣᠷᠤᠢᠨᠢ ᠰᠢᠷᠬᠠᠲᠤᠭᠰᠠᠨ᠂ ᠦᠬᠦᠭᠰᠡᠨ ᠪᠠᠢᠯᠳᠤᠭᠴᠢᠶᠢ ᠲᠡᠮᠳᠡᠭᠯᠡᠬᠦ ᠬᠦᠰᠦᠨᠦᠭᠲᠦ ᠳᠡᠭᠡᠷᠡ ᠳᠡᠰᠯᠡᠭᠴᠢ᠂ ᠭᠯᠤᠪᠠᠶᠢᠨ ᠨᠡᠷᠡᠶᠢ ᠪᠢᠴᠢᠪᠡ᠃ ᠭᠡᠪᠡᠴᠦ ᠬᠣᠵᠢᠮ ᠲᠡᠭᠦᠨᠲᠡᠢ ᠪᠠᠰᠠ ᠠᠭᠤᠯᠵᠠᠨᠠ ᠭᠡᠵᠦ ᠣᠭᠲᠤ ᠪᠣᠳᠤᠭᠰᠠᠨᠦᠭᠡᠢ᠃
ᠭᠤᠷᠪᠠ
ᠭᠣᠯᠤᠸᠤᠢ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠢᠷᠡᠭᠡᠳ ᠬᠣᠶᠠᠷ ᠨᠢᠳᠦᠨᠦ ᠬᠠᠷᠠᠭᠠᠪᠠᠨ ᠠᠯᠳᠠᠭᠰᠠᠨ ᠳᠡᠳ᠋ ᠫᠷᠣᠹᠧᠰᠰᠣᠷᠲᠤ ᠣᠴᠢᠵᠤ ᠠᠭᠤᠯᠵᠠᠬᠤ ᠰᠢᠢᠳᠪᠦᠷᠢ ᠲᠡᠷᠡ ᠳᠠᠷᠤᠢᠳᠠᠭᠠᠨ ᠭᠠᠷᠭᠠᠭᠠᠳᠤᠢ ᠪᠠᠢᠯᠠ᠃ ᠭᠤᠳᠤᠮᠳᠤ᠂ ᠡᠰᠡᠪᠡᠯ ᠬᠢᠴᠢᠶᠡᠯᠦᠨ ᠲᠠᠩᠬᠢᠮᠳᠤ ᠲᠡᠭᠦᠨᠲᠡᠢ ᠳᠠᠭᠠᠷᠢᠯᠳᠤᠪᠠᠯ ᠡᠨᠡ ᠴᠡᠷᠢᠭᠦᠨ ᠳᠠᠷᠤᠭᠠ ᠶᠡᠬᠡᠯᠡ ᠠᠷᠭᠠᠪᠠᠨ ᠪᠠᠷᠠᠳᠠᠭ ᠪᠠᠢᠪᠠ᠃ ᠶᠠᠭᠠᠬᠢᠭᠠᠳᠶᠤᠮ ᠪᠤᠤ ᠮᠡᠳᠡ᠂ ᠭᠣᠯᠤᠸᠤᠢ ᠣᠳᠣ ᠬᠦᠷᠲᠡᠯᠡ ᠲᠡᠷᠡ ᠠᠶᠠᠯᠠᠯᠤᠨ ᠳᠤᠮᠳᠠ ᠪᠣᠯᠤᠭᠰᠠᠨ ᠰᠠᠨᠠᠭᠠ ᠵᠣᠪᠠᠮᠠ ᠬᠡᠷᠡᠭᠢ ᠮᠠᠷᠲᠠᠭᠠᠦᠭᠡᠢ᠃
ᠭᠡᠪᠡᠴᠦ ᠪᠠᠰᠠ ᠡᠢᠮᠦ ᠬᠥᠮᠦᠰᠢ ᠵᠢᠯᠤᠭᠤᠳᠴᠤ ᠶᠠᠪᠤᠭᠰᠠᠨᠢᠶᠠᠨ ᠪᠠᠬᠠᠷᠬᠠᠯᠲᠤ ᠰᠠᠢᠬᠠᠨ ᠬᠡᠷᠡᠭ ᠭᠡᠵᠦ ᠭᠣᠯᠤᠸᠤᠢ ᠪᠣᠳᠤᠨᠠ᠃ 1941 ᠣᠨᠳᠤ ᠤᠯᠤᠰᠤᠨ ᠬᠢᠵᠠᠭᠠᠷᠲᠤ ᠦᠭᠡ ᠳᠠᠭᠤᠦᠭᠡᠢᠪᠠᠷ ᠬᠠᠮᠠᠭᠠᠯᠠᠯᠲᠠᠶᠢᠨ ᠨᠤᠭᠤᠴᠠ ᠮᠠᠯᠲᠠᠵᠤ᠂ ᠲᠡᠭᠦᠨᠦ ᠵᠠᠷᠯᠢᠭ ᠪᠠᠭᠤᠮᠠᠭᠴᠠ ᠭᠦᠶᠦᠨ ᠪᠣᠰᠤᠭᠠᠳ ᠳᠠᠭᠠᠷᠢᠯᠲᠠ ᠬᠢᠵᠦ᠂ ᠠᠮᠢ ᠨᠠᠰᠤᠪᠠᠨ ᠬᠠᠢᠷᠠᠯᠠᠬᠤᠦᠭᠡᠢ ᠪᠠᠢᠯᠳᠤᠳᠠᠭ ᠪᠠᠢᠭᠰᠠᠨ ᠲᠡᠷᠡ ᠬᠡᠳᠦᠨ ᠠᠷᠪᠠᠨ ᠵᠠᠯᠠᠭᠤ ᠪᠠ ᠠᠬᠢᠮᠠᠭ ᠨᠠᠰᠤᠨᠤ ᠪᠠᠢᠯᠳᠤᠭᠴᠢᠳ ᠪᠦᠷ ᠶᠠᠮᠠᠷ ᠬᠥᠮᠦᠰ ᠪᠠᠢᠭᠰᠠᠨ ᠪᠣᠯ? ᠳᠣᠲᠤᠷᠠᠨᠢ ᠨᠡᠷᠡ ᠴᠤᠤᠲᠠᠢ ᠲᠷᠠᠺᠲ᠋ᠤᠷᠤᠨ ᠢᠨᠵᠧᠨᠧᠷ ᠪᠠ ᠠᠭᠤᠷᠬᠠᠢᠴᠢᠨᠠᠷ ᠪᠠᠢᠭᠰᠠᠨᠴᠤ ᠪᠠᠢᠵᠤ ᠮᠡᠳᠡᠨᠡ ᠢᠷᠠᠭᠤ ᠨᠠᠢᠷᠠᠭᠴᠢ ᠪᠠ ᠢᠨᠵᠧᠨᠧᠷ ᠪᠠᠢᠭᠰᠠᠨᠴᠤ ᠮᠠᠭᠠᠳ᠃ ᠶᠠᠭ ᠡᠨᠡᠬᠦ ᠭᠡᠵᠢᠭᠡᠨᠢ ᠪᠤᠭᠤᠷᠤᠯᠳᠤᠭᠰᠠᠨ᠂ ᠲᠠᠢᠯᠪᠤᠷᠢᠯᠠᠬᠤ ᠲᠠᠢᠵᠠᠨ ᠳᠡᠭᠡᠷᠡ ᠵᠣᠭᠰᠤᠭᠠᠳ᠂ ᠬᠡᠳᠦᠨ ᠠᠷᠪᠠᠨ ᠪᠤᠳᠤᠯᠢᠶᠠᠨᠲᠠᠢ ᠲᠡᠭᠰᠢᠳᠭᠡᠯᠢ ᠣᠶᠤᠲᠠᠨᠳᠤ ᠴᠡᠭᠡᠵᠢᠪᠡᠷ ᠲᠠᠢᠯᠪᠤᠷᠢᠯᠠᠨ ᠥᠭᠴᠦ ᠴᠢᠳᠠᠳᠠᠭ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠳᠡᠳ᠋ ᠡᠷᠳᠡᠮᠲᠡᠨ ᠪᠠᠢᠭᠰᠠᠨᠴᠤ ᠮᠡᠳᠡᠨᠡ᠃ ᠪᠠᠰᠠ ᠁ ᠭᠡᠪᠡᠴᠦ ᠲᠡᠷᠡ ᠦᠶᠡ ᠭᠣᠯᠤᠸᠤᠢ ᠬᠥᠮᠦᠨ ᠪᠦᠬᠦᠨᠢ ᠰᠠᠢᠲᠤᠷ ᠠᠵᠢᠭᠯᠠᠬᠤ ᠪᠣᠯᠤᠯᠴᠠᠭᠠ ᠪᠠᠢᠭᠰᠠᠨᠦᠭᠡᠢ᠃ ᠲᠡᠭᠦᠨᠦ ᠰᠤᠮᠤ ᠪᠣᠯ ᠨᠢᠭᠡᠳᠦᠭᠡᠷ ᠱᠤᠭᠤᠮᠤᠨ ᠮᠡᠷᠭᠡᠨ ᠫᠤᠤᠴᠢᠳᠤᠨ ᠰᠤᠮᠤ ᠪᠠᠢᠭᠰᠠᠨ ᠲᠤᠯᠠ ᠪᠦᠷᠢᠯᠳᠦᠬᠦᠨᠦ ᠬᠤᠪᠢᠳᠤ ᠶᠡᠬᠡ ᠥᠭᠡᠷᠡᠴᠢᠯᠡᠯᠲᠡᠲᠡᠢ ᠪᠠᠢᠳᠠᠭ᠃ ᠳᠠᠢᠨᠳᠤ ᠠᠮᠢ ᠦᠷᠡᠭᠳᠡᠭᠰᠡᠨ ᠪᠠ ᠠᠮᠢᠳᠤ ᠪᠠᠢᠭᠴᠢ ᠪᠠᠢᠯᠳᠤᠭᠴᠢ ᠨᠠᠢᠵᠠᠨᠠᠷ ᠲᠡᠭᠦᠨᠦ ᠳᠤᠲᠠᠭᠤ ᠳᠤᠯᠢᠬᠠᠨ ᠬᠠᠷᠠᠭᠠᠯᠵᠠᠯᠭᠠᠶᠢ ᠠᠭᠤᠴᠢᠯᠠᠭᠠᠴᠢ!
ᠲᠡᠢᠮᠦ ᠳ᠋ᠡ᠂ ᠲᠡᠷᠡᠴᠦ ᠨᠢᠭᠡ ᠹᠷᠣᠨᠲ ᠪᠠᠢᠭᠰᠠᠨ᠂ ᠡᠨᠡ ᠥᠭᠡᠷᠡ ᠨᠢᠭᠡ ᠹᠷᠣᠨᠲᠶᠤᠮ᠃ ᠡᠢᠮᠦᠡᠴᠡ ᠭᠣᠯᠤᠸᠤᠢᠶᠢᠨ ᠡᠮᠦᠨᠡ ᠵᠣᠭᠰᠤᠵᠤ ᠪᠠᠢᠭᠠ ᠬᠥᠮᠦᠨ ᠪᠣᠯ ᠤᠷᠢᠳᠤ ᠲᠡᠭᠦᠨᠦ ᠵᠠᠬᠢᠷᠭᠠᠨ ᠳᠣᠣᠷᠠ ᠪᠠᠢᠭᠰᠠᠨ ᠨᠢᠭᠡ ᠪᠠᠢᠯᠳᠤᠭᠴᠢ ᠮᠥᠨ᠃ ᠡᠨᠡ ᠪᠣᠯ ᠲᠡᠢᠮᠦᠴᠦ ᠶᠡᠬᠡ ᠰᠣᠨᠢᠨ ᠬᠡᠷᠡᠭ ᠪᠢᠰᠢ᠃ ᠲᠡᠷᠡ ᠬᠥᠮᠦᠨ ᠰᠢᠨᠡ ᠲᠠᠢᠵᠠᠶᠢᠨ ᠡᠮᠦᠨᠡ ᠵᠣᠭᠰᠤᠭᠠᠳ᠂ ᠲᠣᠯᠤᠭᠠᠢᠪᠠᠨ ᠭᠡᠳᠡᠢᠯᠭᠡᠵᠦ᠂ ᠵᠠᠷᠢᠮᠳᠠᠭᠠᠨ ᠡᠰᠢ ᠲᠡᠰᠢ ᠬᠠᠷᠠᠳᠠᠭ᠃ ᠠᠩᠭᠢᠶᠢᠨ ᠣᠶᠤᠲᠠᠨ ᠲᠡᠭᠦᠨᠦ ᠶᠠᠷᠢᠭᠰᠠᠨ ᠦᠭᠡ ᠪᠦᠬᠦᠨᠢ ᠠᠩᠬᠠᠷᠤᠨ ᠰᠣᠨᠤᠰᠴᠠᠭᠠᠳᠠᠭ᠃
ᠭᠡᠪᠡᠴᠦ ᠲᠡᠭᠦᠨᠦ ᠲᠠᠢᠯᠪᠤᠷᠢᠯᠠᠭᠰᠠᠨ ᠦᠭᠡ ᠪᠦᠬᠦᠨᠢ ᠣᠢᠯᠠᠭᠠᠬᠤᠳᠤ ᠲᠡᠢᠮᠦᠴᠦ ᠬᠢᠯᠪᠠᠷ ᠪᠢᠰᠢ᠃ ᠭᠣᠯᠤᠸᠤᠢᠳᠤ ᠵᠠᠷᠢᠮᠳᠠᠭᠠᠨ ᠣᠢᠯᠠᠭᠠᠵᠤ ᠳᠡᠢᠯᠬᠦᠦᠭᠡᠢᠰᠢᠭ ᠰᠠᠨᠠᠭᠳᠠᠨᠠ᠃ ᠶᠠᠭᠠᠬᠢᠵᠤ ᠴᠢᠷᠮᠠᠢᠪᠠᠴᠤ ᠪᠠᠰᠠᠯᠠ ᠬᠣᠴᠤᠷᠤᠭᠠᠳ ᠪᠠᠢᠳᠠᠭ ᠪᠠᠢᠯᠠ᠃ ᠳᠠᠢᠨᠤ ᠦᠶᠡᠳᠦ ᠪᠠᠢᠯᠳᠤᠭᠴᠢᠲᠠᠢᠪᠠᠨ ᠬᠠᠮᠲᠤ ᠮᠢᠨᠠ ᠪᠤᠯᠠᠭᠰᠠᠨ ᠬᠡᠭᠡᠷᠡ ᠲᠠᠯᠠᠶᠢ ᠰᠡᠮᠬᠡᠨ ᠭᠡᠲᠦᠯᠦᠨ᠂ ᠳᠠᠢᠰᠤᠨᠤ ᠨᠢᠭᠡᠳᠦᠭᠡᠷ ᠪᠡᠬᠢᠯᠡᠯᠲᠡᠳᠦ ᠮᠥᠯᠬᠦᠨ ᠬᠦᠷᠬᠦ ᠦᠶᠡᠳᠦ ᠣᠨᠤᠯᠤᠨ ᠹᠢᠽᠢᠺ ᠭᠡᠵᠦ ᠪᠣᠳᠤᠬᠤᠶᠢᠨᠴᠤ ᠵᠠᠪ ᠭᠠᠷᠤᠭᠰᠠᠨᠦᠭᠡᠢ ᠁ ᠬᠠᠷᠢᠨ ᠣᠳᠣ ᠁ ᠡᠨᠡᠨᠢ ᠲᠡᠭᠦᠨᠦ ᠬᠦᠴᠦ ᠬᠦᠷᠬᠦ ᠵᠦᠢᠯ ᠪᠢᠰᠢᠰᠢᠭ ᠰᠠᠨᠠᠭᠳᠠᠨ ᠵᠠᠷᠢᠮᠳᠠᠭᠠᠨ ᠡᠭᠦᠨᠢ ᠰᠢᠭᠤᠳ ᠬᠠᠶᠠᠭᠠᠳ ᠥᠭᠡᠷᠡ ᠠᠵᠢᠯ ᠡᠷᠢᠮᠡᠷᠴᠦ ᠪᠣᠳᠤᠭᠳᠠᠨᠠ᠃
ᠭᠯᠤᠪᠠᠲᠠᠢ ᠭᠣᠯᠤᠸᠤᠢ ᠬᠡᠳᠦᠨ ᠤᠳᠠᠭᠠ ᠶᠠᠷᠢᠯᠴᠠᠬᠤᠳᠤ ᠳᠡᠳ᠋ ᠫᠷᠣᠹᠧᠰᠰᠣᠷ ᠥᠩᠭᠡᠷᠡᠭᠡᠳ ᠨᠡᠯᠢᠶᠡᠳ ᠤᠳᠠᠭᠰᠠᠨ ᠲᠡᠷᠡ ᠬᠡᠷᠡᠭᠦᠳᠢᠶᠡᠨ ᠶᠡᠷᠦ ᠳᠤᠷᠠᠳᠤᠭᠠᠦᠭᠡᠢ᠂ ᠶᠠᠷᠢᠯᠴᠠᠭᠠᠨ ᠳᠤᠮᠳᠠ ᠮᠡᠳᠡᠭᠳᠡᠭᠰᠡᠨ ᠵᠦᠢᠯᠴᠦ ᠭᠠᠷᠤᠭᠰᠠᠨᠦᠭᠡᠢ᠃ 《ᠪᠠᠷᠤᠭ ᠮᠠᠷᠲᠠᠴᠢᠬᠠᠭᠰᠠᠨ ᠪᠢᠵᠡ ᠳ᠋ᠡ ? ᠪᠠᠭᠠ ᠬᠡᠷᠡᠭᠶᠦᠮᠴᠢᠨᠢ ᠳ᠋ᠠ ᠁ ᠲᠦᠷ ᠴᠠᠭᠤᠨ ᠤᠴᠠᠭᠠᠷᠯᠠᠯ ᠲᠡᠳᠦᠢ᠃ ᠬᠡᠷᠪᠡ ᠭᠯᠤᠪᠠᠶᠢᠨ ᠰᠠᠨᠠᠭᠠᠨᠳᠤ ᠳᠣᠷᠤᠮᠵᠢᠯᠠᠭᠳᠠᠭᠰᠠᠨ ᠰᠠᠭᠤᠭᠳᠠᠯ ᠦᠯᠡᠳᠡᠭᠰᠡᠨ ᠪᠣᠯ ᠡᠢᠮᠦ ᠴᠢᠩ ᠦᠨᠡᠨᠴᠢᠪᠡᠷ᠂ ᠡᠢᠮᠦ ᠥᠷᠦ ᠡᠪᠡᠳᠦᠩᠭᠦᠢᠪᠡᠷ ᠨᠠᠳᠠᠲᠠᠢ ᠬᠠᠷᠢᠴᠠᠬᠤ ᠭᠡᠵᠦᠦᠦ? ᠯᠠᠪ ᠨᠢᠭᠡᠨ ᠤᠳᠠᠭᠠ᠂ ᠶᠠᠮᠠᠷ ᠨᠢᠭᠡ ᠬᠡᠷᠡᠭ ᠳᠡᠭᠡᠷᠡ ᠢᠯᠡᠷᠡᠨ ᠭᠠᠷᠤᠨᠠ》 ᠭᠡᠵᠦ ᠪᠣᠳᠤᠳᠠᠭ ᠪᠠᠢᠯᠠ᠃
ᠨᠢᠭᠡ ᠤᠳᠠᠭᠠ ᠭᠣᠯᠤᠸᠤᠢ ᠠᠩᠭᠢᠶᠢᠨ ᠬᠡᠳᠦᠨ ᠵᠠᠯᠠᠭᠤ ᠬᠡᠦᠬᠡᠨᠲᠡᠢ ᠭᠯᠤᠪᠠᠶᠢᠨ ᠭᠡᠷᠲᠦ ᠨᠥᠬᠦᠪᠦᠷᠢ ᠬᠢᠴᠢᠶᠡᠯ ᠰᠣᠨᠤᠰᠬᠤᠪᠠᠷ ᠣᠴᠢᠪᠠ᠃ ᠡᠬᠢᠯᠡᠭᠡᠳ ᠵᠠᠯᠠᠭᠤ ᠬᠡᠦᠬᠡᠨᠴᠦᠳ ᠳ᠋ᠮᠢᠲᠷᠢ ᠢᠸᠠᠨᠤᠸᠢᠴᠠᠴᠠ ᠨᠡᠯᠢᠶᠡᠳ ᠰᠡᠳᠦᠪ ᠠᠰᠠᠭᠤᠪᠠ᠃ ᠲᠠᠷᠠᠭᠠᠳᠤᠨᠢ ᠭᠯᠤᠪᠠ ᠥᠪᠡᠷᠦᠨ ᠵᠠᠩᠰᠢᠯᠢᠶᠠᠷᠢᠶᠠᠨ ᠲᠡᠳᠡᠨᠡᠴᠡ ᠠᠰᠠᠭᠤᠵᠤ᠂ ᠲᠤᠰ ᠬᠢᠴᠢᠶᠡᠯᠢ ᠬᠢᠷᠢ ᠵᠡᠷᠭᠡ ᠡᠵᠡᠮᠰᠢᠭᠰᠡᠨᠢᠨᠢ ᠰᠢᠯᠭᠠᠵᠤ ᠡᠬᠢᠯᠡᠪᠡ᠃
ᠳ᠋ᠮᠢᠲᠷᠢ ᠢᠸᠠᠨᠤᠸᠢᠴ ᠬᠠᠷᠠ ᠺᠣᠰᠲ᠋ᠢᠶᠣᠮ ᠡᠮᠦᠰᠴᠦ᠂ ᠳᠠᠳᠭᠠᠯᠢᠶᠠᠷᠢᠶᠠᠨ ᠮᠠᠰᠢ ᠲᠡᠭᠰᠢᠬᠡᠨ ᠬᠤᠪᠴᠠᠯᠠᠵᠤ᠂ ᠲᠣᠪᠴᠢᠪᠠᠨ ᠪᠦᠷ ᠲᠣᠪᠴᠢᠯᠠᠨ ᠨᠢᠷᠤᠭᠤᠪᠠᠨ ᠭᠡᠳᠡᠢᠯᠭᠡᠭᠡᠳ ᠰᠢᠷᠡᠭᠡᠨᠦ ᠳᠡᠷᠭᠡᠳᠡ ᠰᠠᠭᠤᠵᠠᠢ᠃ ᠲᠦᠯᠡᠭ᠌ᠳᠡᠭᠰᠡᠨ ᠰᠣᠷᠪᠢᠲᠠᠢ ᠴᠢᠷᠠᠢᠨᠢ ᠲᠠᠰᠤᠷᠠᠯᠲᠠᠦᠭᠡᠢ ᠠᠲᠤᠪᠠᠯᠵᠠᠵᠤ ᠪᠠᠢᠪᠠ᠃
ᠨᠢᠭᠡ ᠬᠡᠦᠬᠡᠨᠡᠴᠡ ᠠᠰᠠᠭᠤᠭᠰᠠᠨᠳᠤ ᠬᠠᠷᠢᠭᠤᠯᠵᠤ ᠴᠢᠳᠠᠭᠰᠠᠨᠦᠭᠡᠢ᠂ ᠳᠠᠷᠠᠭᠠᠯᠠᠨ ᠥᠭᠡᠷᠡ ᠨᠢᠭᠡᠡᠴᠡ ᠠᠰᠠᠭᠤᠨᠠ᠃ 《ᠶᠠᠱᠧᠨᠢᠶᠠᠼᠺᠠᠶᠠ ᠲᠠ ᠬᠠᠷᠢᠭᠤᠯᠤᠭᠠᠷᠠᠢ!》
《ᠪᠢ ᠪᠠᠰᠠ ᠁ ᠮᠡᠳᠡᠬᠦᠦᠭᠡᠢ ᠁》 ᠭᠡᠵᠦ ᠶᠠᠱᠸᠨᠢᠶᠠᠼᠺᠠᠶᠠ ᠲᠣᠷᠴᠤ ᠲᠡᠭᠡᠭᠯᠡᠨ ᠬᠡᠯᠡᠵᠡᠢ᠃
《ᠭᠣᠯᠤᠸᠤᠢ᠂ ᠲᠠ ᠪᠠᠷᠤᠭ ᠮᠡᠳᠡᠬᠦ ᠪᠢᠵᠡ?》 ᠭᠡᠵᠦ ᠳᠡᠳ᠋ ᠫᠷᠣᠹᠧᠰᠰᠣᠷ ᠶᠡᠬᠡ ᠬᠦᠢᠲᠡᠮᠰᠦᠭ ᠵᠠᠩᠢᠶᠠᠷ ᠠᠰᠠᠭᠤᠪᠠ᠃
ᠭᠣᠯᠤᠸᠤᠢᠶᠢᠨ ᠴᠢᠷᠠᠢ ᠤᠯᠠᠢᠰᠬᠢᠵᠦ ᠣᠷᠤᠨᠠᠴᠠᠪᠠᠨ ᠪᠣᠰᠤᠭᠠᠳ:
《ᠪᠢ ᠮᠡᠳᠡᠨᠡ》 ᠭᠡᠪᠡ᠃
ᠦᠨᠡᠨᠳᠡᠭᠡᠨ ᠭᠣᠯᠤᠸᠤᠢ᠂ ᠡᠨᠡ ᠠᠰᠠᠭᠤᠯᠲᠠᠶᠢ ᠪᠠᠰᠠ ᠲᠡᠢᠮᠦ ᠰᠠᠢᠨ ᠣᠢᠯᠠᠭᠠᠭᠰᠠᠨᠦᠭᠡᠢ᠂ ᠭᠡᠪᠡᠴᠦ ᠶᠠᠭᠤᠨᠠᠴᠠ ᠪᠣᠯᠤᠭᠰᠠᠨᠢ ᠪᠤᠤ ᠮᠡᠳᠡ᠂ ᠬᠡᠯᠡᠨᠢ 《ᠦᠭᠡᠢ》 ᠭᠡᠳᠡᠭ ᠤᠷᠤᠭᠤ ᠰᠢᠯᠵᠢᠵᠦ ᠴᠢᠳᠠᠭᠰᠠᠨᠦᠭᠡᠢ᠃
《ᠲᠡᠭᠡᠪᠡᠯ ᠲᠠ ᠲᠠᠢᠯᠪᠤᠷᠢᠯᠠᠭᠠᠷᠠᠢ!》
ᠭᠯᠤᠪᠠᠶᠢᠨ ᠴᠢᠷᠠᠢᠳᠤ ᠭᠡᠷᠡᠯ ᠨᠡᠮᠡᠭᠳᠡᠪᠡ᠃ ᠪᠡᠶᠡᠪᠡᠷ ᠲᠡᠭᠰᠢᠬᠡᠨ᠂ ᠬᠠᠲᠠᠭᠤ ᠪᠣᠯᠪᠠᠰᠤᠷᠠᠯᠢ ᠬᠦᠷᠲᠡᠭᠰᠡᠨ ᠵᠢᠯᠤᠭᠤᠳᠤᠭᠴᠢᠪᠠᠨ ᠲᠣᠳᠤᠷᠬᠠᠢ ᠣᠯᠵᠤ ᠦᠵᠡᠬᠦᠦᠭᠡᠢ ᠪᠠᠢᠭᠰᠠᠨᠴᠤ ᠲᠡᠭᠦᠨᠳᠦ ᠡᠢᠮᠦ ᠬᠠᠨᠢ ᠪᠠᠢᠭᠠᠳᠠᠭᠠᠨ ᠣᠯᠠᠨᠤ ᠡᠮᠦᠨᠡ ᠪᠠᠬᠠᠷᠬᠠᠯᠲᠠᠢᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠢᠬᠤᠨᠢ ᠪᠠᠢᠳᠠᠯᠠᠴᠠᠨᠢ ᠦᠵᠡᠬᠦᠳᠦ ᠢᠯᠡᠷᠬᠡᠢ᠃ ᠬᠡᠦᠬᠡᠨᠴᠦᠳ᠂ ᠲᠦᠮᠡᠨ ᠪᠡᠷᠬᠡᠰᠢᠶᠡᠯᠦᠨ ᠳᠤᠮᠳᠠ ᠬᠠᠮᠲᠤ ᠶᠠᠪᠤᠭᠰᠠᠨ ᠡᠨᠡ ᠬᠣᠶᠠᠷ ᠪᠠᠢᠯᠳᠤᠭᠴᠢᠶᠢ ᠰᠢᠷᠲᠡᠨ᠂ ᠬᠣᠭᠤᠷᠤᠨᠳᠤᠪᠠᠨ ᠰᠢᠪᠡᠨᠡᠯᠳᠦᠨᠡ᠃ ᠡᠨᠡ ᠬᠣᠷᠤᠮᠬᠠᠨᠠ ᠲᠡᠳᠡᠨᠳᠦ ᠡᠨᠡ ᠬᠣᠶᠠᠷ ᠬᠥᠮᠦᠨ ᠵᠡᠷᠡᠮᠳᠡᠭ ᠴᠡᠷᠢᠭ ᠪᠢᠰᠢ᠂ ᠬᠠᠷᠢᠨ ᠴᠠᠬᠢᠯᠭᠠᠨᠳᠤ ᠴᠣᠬᠢᠭᠳᠠᠭᠰᠠᠨ ᠬᠣᠶᠠᠷ ᠪᠦᠳᠦᠭᠦᠨ ᠴᠠᠷᠠᠰᠤᠨ ᠮᠣᠳᠤᠰᠢᠭ᠋ ᠰᠠᠨᠠᠭᠳᠠᠪᠠ᠂
ᠭᠣᠯᠤᠸᠤᠢ ᠪᠠᠴᠢᠮᠳᠠᠨ ᠪᠤᠷᠤᠭᠤ ᠬᠡᠯᠡᠵᠦ ᠠᠪᠤᠭᠠᠳ ᠳᠠᠬᠢᠨ ᠶᠠᠷᠢᠪᠠ᠃ ᠳ᠋ᠮᠢᠲᠷᠢ ᠢᠸᠠᠨᠤᠸᠢᠴ ᠲᠡᠰᠪᠦᠷᠢᠲᠡᠢᠪᠡᠷ ᠰᠣᠨᠤᠰᠴᠤᠯᠠ ᠪᠠᠢᠯᠠ᠃ ᠭᠣᠯᠤᠸᠤᠢ ᠳᠡᠮᠡᠢ ᠬᠤᠳᠠᠯ ᠵᠦᠢᠯ ᠶᠠᠷᠢᠵᠤ ᠪᠠᠢᠭᠠᠪᠠᠨ ᠥᠪᠡᠷᠢᠶᠡᠨᠴᠦ ᠮᠡᠳᠡᠵᠡᠢ᠃ ᠡᠴᠦᠰᠲᠡᠭᠡᠨ ᠤᠴᠠᠭᠠᠷᠳᠠᠨ ᠭᠠᠷᠢᠶᠠᠨ ᠰᠠᠪᠠᠭᠠᠳ:
《ᠳᠠᠭᠤᠰᠪᠠ!》 ᠭᠡᠪᠡ᠃
《ᠭᠣᠯᠤᠸᠤᠢ᠂ ᠶᠠᠭᠤ ᠳᠠᠭᠤᠰᠪᠠ?》 ᠭᠡᠵᠦ ᠳᠡᠳ᠋ ᠫᠷᠣᠹᠧᠰᠰᠣᠷ ᠰᠠᠨᠳᠤᠷᠤᠨ ᠠᠰᠠᠭᠤᠪᠠ᠃
《ᠪᠢ ᠰᠤᠷᠬᠤᠪᠠᠨ ᠪᠣᠯᠢᠶᠠ ᠁ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠠᠴᠠ ᠭᠠᠷᠤᠶᠠ᠃ 》
ᠭᠯᠤᠪᠠ ᠶᠠᠭᠠᠷᠠᠯ ᠦᠭᠡᠢᠬᠡᠨ ᠪᠣᠰᠤᠭᠠᠳ: 《ᠲᠠ ᠶᠠᠭᠤ ᠭᠡᠨᠡ? ᠲᠠ ᠳᠠᠬᠢᠨ ᠨᠢᠭᠡ ᠤᠳᠠᠭᠠ ᠬᠡᠯᠡᠭᠡᠷᠡᠢ》 ᠭᠡᠪᠡ᠃
《ᠪᠢ ᠨᠢᠭᠡᠨᠲᠡ ᠳᠥᠷᠪᠡᠨ ᠵᠢᠯᠢ ᠲᠠᠯᠠᠭᠠᠷ ᠥᠩᠭᠡᠷᠡᠭᠦᠯᠪᠡ᠃ ᠣᠳᠣ ᠁ ᠨᠡᠬᠡᠵᠦ ᠭᠦᠢᠴᠡᠬᠦᠦᠭᠡᠢ ᠪᠣᠯᠵᠠᠢ᠃ 》
《ᠲᠠ ᠨᠡᠬᠡᠵᠦ ᠭᠦᠢᠴᠡᠬᠦᠦᠭᠡᠢ ᠪᠣᠯᠤᠭᠰᠠᠨ ᠭᠡᠨᠡ?》 ᠳᠡᠳ᠋ ᠫᠷᠣᠹᠧᠰᠰᠣᠷ ᠪᠠᠷᠤᠭ ᠬᠠᠰᠭᠢᠷᠬᠤ ᠰᠢᠬᠠᠮ ᠪᠣᠯᠵᠤ᠂ ᠬᠣᠶᠠᠷ ᠭᠠᠷᠨᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠴᠡᠴᠡᠷᠡᠵᠦ: 《 ᠲᠠ ᠨᠡᠬᠡᠵᠦ ᠭᠦᠢᠴᠡᠬᠦᠦᠭᠡᠢ ᠪᠣᠯᠤᠭᠰᠠᠨ ᠭᠡᠨᠡ?》 ᠭᠡᠪᠡ᠃
ᠬᠡᠦᠬᠡᠨᠴᠦᠳ ᠪᠠᠰᠠ ᠰᠢᠪᠡᠨᠡᠯᠳᠦᠵᠦ ᠡᠬᠢᠯᠡᠪᠡ᠃
《ᠲᠠᠨᠠᠷ ᠁ ᠲᠦᠷ ᠭᠠᠷᠴᠤ ᠪᠠᠢ》 ᠭᠡᠵᠦ ᠳᠡᠳ᠋ ᠫᠷᠣᠹᠧᠰᠰᠣᠷ ᠤᠴᠠᠭᠠᠷᠯᠠᠭᠰᠠᠨ ᠪᠠᠢᠳᠠᠯᠲᠠᠢ ᠲᠡᠳᠡᠨᠳᠦ ᠬᠡᠯᠡᠪᠡ᠃
ᠡᠮᠡᠭᠲᠡᠢ ᠣᠶᠤᠲᠠᠳ ᠭᠠᠷᠴᠠᠭᠠᠪᠠ᠃
《ᠲᠠ ᠶᠠᠭᠤᠨᠳᠤ ᠢᠩᠭᠢᠵᠦ ᠪᠣᠳᠤᠬᠤ ᠪᠣᠯᠤᠭᠰᠠᠨ ᠪᠤᠢ? ᠲᠠ ᠳᠥᠬᠦᠮ ᠵᠠᠮ ᠡᠷᠢᠨᠡ ᠭᠡᠵᠦ ᠪᠣᠳᠤᠨᠠᠤᠤ? ᠡᠨᠳᠡ ᠰᠤᠷᠬᠤᠳᠤ ᠬᠡᠴᠡᠭᠦᠦ ᠪᠠᠢᠨᠠᠤᠤ? ᠭᠡᠪᠡᠴᠦ ᠲᠠ ᠪᠠᠰᠠ ᠮᠠᠷᠲᠠᠬᠤ ᠪᠣᠯᠤᠭᠠᠦᠭᠡᠢ ᠪᠢᠵᠡ ᠁》 ᠭᠡᠵᠦ ᠠᠭᠤᠷᠯᠠᠩᠭᠤᠢ ᠨᠠᠮ ᠳᠠᠭᠤᠨᠢᠶᠠᠷ ᠠᠰᠠᠭᠤᠪᠠ᠃
ᠭᠯᠤᠪᠠ ᠣᠳᠣ ᠲᠡᠷᠡ ᠥᠩᠭᠡᠷᠡᠭᠰᠡᠨ ᠬᠡᠷᠡᠭᠢ ᠳᠤᠷᠠᠳᠤᠨᠠ ᠳ᠋ᠠ ᠭᠡᠵᠦ ᠭᠣᠯᠤᠸᠤᠢ ᠲᠠᠭᠠᠮᠠᠭᠯᠠᠪᠠ᠃ ᠭᠯᠤᠪᠠᠴᠤ ᠶᠠᠭ ᠲᠡᠷᠡ ᠬᠡᠷᠡᠭᠢ ᠬᠡᠯᠡᠴᠢᠬᠡᠯᠡ!
《ᠥᠷᠭᠡᠨ ᠲᠠᠯᠠᠶᠢᠨ ᠳᠤᠮᠳᠠ ᠥᠩᠭᠡᠷᠡᠭᠰᠡᠨ ᠵᠣᠪᠠᠭᠤᠷᠢᠲᠤ ᠲᠡᠷᠡ ᠨᠢᠭᠡᠨ ᠰᠥᠨᠢᠶᠢ ᠲᠠ ᠴᠡᠭᠡᠵᠢᠯᠡᠵᠦ ᠪᠠᠢᠨᠠᠤᠤ?》
《ᠴᠡᠭᠡᠵᠢᠯᠡᠵᠦ ᠪᠠᠢᠨᠠ᠃ 》
《ᠪᠢ ᠠᠩᠭᠢᠠᠴᠠᠪᠠᠨ ᠬᠠᠶᠠᠭᠳᠠᠬᠤ ᠦᠶᠡᠳᠦ᠂ ᠲᠠ ᠨᠠᠮᠠᠢ ᠶᠠᠮᠠᠷ ᠮᠠᠶᠢ᠍ᠭᠢᠶᠠᠷ ᠰᠤᠷᠭᠠᠵᠤ ᠪᠠᠢᠭᠰᠠᠨᠢᠶᠠᠨ ᠴᠡᠭᠡᠵᠢᠯᠡᠵᠦ ᠪᠠᠢᠭᠠ ᠪᠢᠵᠡ?》
《ᠴᠡᠭᠡᠵᠢᠯᠡᠵᠦ ᠪᠠᠢᠨᠠ᠃ 》
《ᠲᠠ ᠲᠡᠷᠡ ᠦᠶᠡᠳᠦ ᠨᠠᠳᠠ 〈᠁ ᠰᠣᠨᠤᠰᠤᠭᠠᠦᠭᠡᠢ! ᠳᠦᠯᠡᠢᠦᠦ? ᠁ ᠵᠥᠪᠬᠡᠨ ᠁ ᠴᠢᠮᠠᠳᠤ ᠬᠠᠷᠢᠭᠤᠴᠠᠬᠤ ᠬᠡᠷᠡᠭᠲᠡᠢ ᠁〉 ᠭᠡᠵᠦ ᠬᠡᠯᠡᠭᠰᠡᠨ ᠪᠠᠢᠨᠠᠤᠤ?》
《ᠴᠡᠭᠡᠵᠢᠯᠡᠵᠦ ᠪᠠᠢᠨᠠ᠃ 》
《ᠨᠥᠬᠦᠷ ᠭᠣᠯᠤᠸᠤᠢ᠂ ᠪᠢᠴᠦ ᠁ ᠴᠡᠭᠡᠵᠢᠯᠡᠵᠦ ᠪᠠᠢᠨᠠ᠃ ᠲᠡᠷᠡ ᠦᠶᠡᠳᠦ᠂ ᠲᠠ ᠨᠠᠳᠠ ᠨᠡᠯᠢᠶᠡᠳ ᠶᠣᠰᠤᠶᠢ ᠰᠤᠷᠭᠠᠪᠠ᠃ ᠠᠩᠬᠠᠨᠳᠠᠭᠠᠨ ᠪᠢ ᠶᠡᠬᠡ ᠭᠣᠮᠤᠳᠠᠭᠰᠠᠨ᠃ ᠭᠡᠪᠡᠴᠦ ᠶᠠᠪᠤᠭᠠᠨᠳᠠᠭᠠᠨ ᠲᠠᠨᠢ ᠪᠣᠳᠤᠬᠤ ᠲᠤᠲᠤᠮ ᠲᠠᠨᠤ ᠲᠡᠷᠡᠬᠦ ᠣᠪᠤᠷᠢ ᠵᠦᠢᠲᠡᠢ ᠭᠡᠵᠦ ᠨᠤᠲᠠᠯᠠᠪᠠ᠃ ᠲᠠ ᠥᠩᠭᠡᠷᠡᠭᠰᠡᠨᠳᠡᠭᠡᠨ ᠮᠠᠨᠢ ᠲᠥᠯᠦᠭᠡᠯᠡᠵᠦ᠂ ᠪᠠᠢᠯᠳᠤᠭᠴᠢᠳᠢ ᠲᠥᠯᠦᠭᠡᠯᠡᠨ᠂ ᠡᠬᠡ ᠣᠷᠤᠨᠤᠪᠠᠨ ᠲᠥᠯᠦᠭᠡ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠴᠦ ᠪᠠᠢᠪᠠ᠃ ᠣᠳᠣ ᠪᠢᠳᠡ ᠡᠬᠡ ᠣᠷᠤᠨᠤᠪᠠᠨ ᠱᠠᠭᠠᠷᠳᠠᠯᠭᠠᠪᠠᠷ ᠪᠠᠢᠷᠢᠪᠠᠨ ᠰᠣᠯᠢᠯᠴᠠᠪᠠ᠃ ᠬᠠᠷᠢᠨ ᠣᠳᠣ ᠪᠢ ᠭᠣᠯᠤᠸᠤᠢᠳᠤ ᠬᠠᠷᠢᠭᠤᠴᠠᠬᠤᠦᠭᠡᠢ ᠭᠡᠵᠦᠦᠦ? ᠲᠡᠭᠦᠨᠦ ᠠᠩᠭᠢᠠᠴᠠᠪᠠᠨ ᠬᠠᠶᠠᠭᠳᠠᠨᠠ ᠭᠡᠵᠦ ᠪᠠᠢᠬᠤᠳᠤᠨᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠢ ᠬᠠᠶᠠᠬᠤ ᠭᠡᠵᠦ ᠪᠠᠢᠬᠤᠳᠤᠨᠢ ᠮᠢᠨᠦ ᠵᠢᠷᠦᠬᠡ ᠰᠢᠮᠰᠢᠷᠡᠬᠦᠦᠭᠡᠢ ᠭᠡᠵᠦᠦᠦ? ᠲᠠ ᠨᠠᠳᠠ ᠬᠡᠯᠡᠵᠦ ᠥᠭᠭᠦᠭᠡᠴᠢ᠂ ᠪᠢ ᠲᠠᠨᠤ ᠡᠨᠡᠬᠦ ᠣᠪᠤᠷᠢ ᠶᠠᠭᠤ ᠭᠡᠵᠦ ᠬᠡᠯᠡᠪᠡᠯ ᠵᠣᠬᠢᠬᠤ ᠪᠤᠢ?》 ᠭᠯᠤᠪᠠᠶᠢᠨ ᠡᠮᠦᠨᠡ ᠭᠣᠯᠤᠸᠤᠢ ᠦᠭᠡ ᠳᠠᠭᠤᠨᠦᠭᠡᠢ ᠲᠥᠪ ᠵᠣᠭᠰᠤᠨᠠ᠃
《ᠮᠠᠨᠤ ᠠᠮᠢᠳᠤᠷᠠᠯ ᠪᠢᠳᠡᠨᠢ ᠢᠩᠭᠢᠵᠦᠯᠡ ᠲᠣᠬᠢᠷᠠᠭᠤᠯᠪᠠ᠃ 》 ᠳᠡᠳ᠋ ᠫᠷᠣᠹᠧᠰᠰᠣᠷ ᠪᠠᠬᠠᠨ ᠲᠠᠢᠪᠤᠰᠢᠷᠠᠯᠠ᠃
《ᠪᠢᠳᠡ ᠡᠭᠦᠷᠢᠳᠡ ᠬᠠᠷᠢᠯᠴᠠᠨ ᠬᠠᠷᠢᠭᠤᠴᠠᠬᠤ ᠬᠡᠷᠡᠭᠲᠡᠢ᠃ ᠲᠤᠬᠠᠢᠶᠢᠨ ᠦᠶᠡᠳᠦ ᠲᠠ ᠨᠠᠳᠠ ᠬᠠᠷᠢᠭᠤᠴᠠᠨᠠ᠃ ᠥᠭᠡᠷᠡ ᠨᠢᠭᠡᠨ ᠦᠶᠡᠳᠦ ᠪᠢ ᠲᠠᠨᠳᠤ ᠬᠠᠷᠢᠭᠤᠴᠠᠨᠠ᠃ ᠲᠠ ᠲᠡᠷᠡ ᠦᠶᠡᠳᠦ ᠬᠠᠰᠭᠢᠷᠤᠭᠠᠳ᠂ ᠨᠠᠮᠠᠢ ᠁》
《ᠠᠯᠬᠤᠭᠠᠳ ᠶᠠᠪᠤ!》 ᠭᠡᠵᠦ ᠭᠣᠯᠤᠸᠤᠢ ᠲᠡᠭᠦᠨᠦ ᠦᠭᠡᠶᠢ ᠬᠡᠯᠡᠭᠡᠳ ᠶᠡᠬᠡᠲᠡ ᠣᠮᠤᠭᠰᠢᠪᠠ᠃
《ᠲᠡᠢᠮᠦ᠂ ᠶᠠᠭ ᠡᠢᠮᠦ ᠪᠠᠢᠭᠰᠠᠨ ᠁ ᠲᠡᠷᠡ ᠦᠶᠡᠳᠦ ᠲᠠ ᠨᠠᠮᠠᠢ ᠴᠢᠩᠭᠠ ᠪᠠᠷᠢᠭᠠᠳ᠂ ᠤᠷᠤᠭᠰᠢᠪᠠᠨ ᠲᠦᠯᠬᠢᠭᠰᠡᠨᠶᠦᠮ᠂ ᠪᠢ ᠲᠡᠭᠡᠭᠡᠳ ᠁ ᠭᠦᠢᠴᠡᠪᠡ᠃ 》
《ᠬᠠᠷᠢᠨ ᠲᠡᠷᠡᠴᠦ ᠬᠢᠯᠪᠠᠷ᠃ 》
《ᠳᠠᠪᠠᠵᠤ ᠲᠤᠭᠤᠯᠤᠭᠰᠠᠨ ᠪᠦᠬᠦᠨ ᠬᠢᠯᠪᠠᠷ ᠳᠥᠬᠦᠮᠰᠢᠭ ᠰᠠᠨᠠᠭᠳᠠᠳᠠᠭᠶᠤᠮ》 ᠭᠡᠳ ᠳᠡᠳ᠋ ᠫᠷᠣᠹᠧᠰᠰᠣᠷ ᠰᠢᠷᠦᠭᠦᠨ ᠳᠦᠷᠢ ᠭᠠᠷᠭᠠᠨ: 《ᠪᠢ ᠤᠭᠨᠢ ᠡᠨᠡ ᠬᠡᠷᠡᠭᠢ ᠲᠠᠨᠤ ᠡᠮᠦᠨᠡ ᠳᠤᠷᠠᠳᠬᠤᠦᠭᠡᠢ ᠭᠡᠵᠦ ᠪᠣᠳᠤᠭᠰᠠᠨ᠃ ᠲᠠ ᠨᠠᠮᠠᠢ ᠪᠢᠲᠡᠭᠡᠢ ᠥᠰᠢᠶᠡ ᠪᠣᠳᠤᠬᠤ ᠳᠤᠷᠠᠲᠠᠢ ᠬᠥᠮᠦᠨ ᠭᠡᠵᠦ ᠣᠢᠯᠠᠭᠠᠭᠠᠷᠠᠢ》 ᠭᠡᠵᠦ ᠬᠡᠯᠡᠪᠡ᠃
《ᠪᠢ ᠲᠡᠭᠡᠵᠦ ᠶᠡᠷᠦ ᠰᠠᠨᠠᠬᠤᠦᠭᠡᠢ》 ᠭᠡᠵᠦ ᠭᠣᠯᠤᠸᠤᠢ ᠬᠠᠷᠢᠭᠤᠯᠵᠠᠢ᠃ ᠦᠨᠡᠨᠳᠡᠭᠡᠨᠴᠦ ᠲᠡᠭᠡᠵᠦ ᠪᠣᠳᠤᠭᠰᠠᠨᠦᠭᠡᠢ᠃
《ᠲᠡᠭᠡᠪᠡᠯ ᠲᠠ ᠨᠠᠳᠠ ᠳᠠᠬᠢᠨ ᠪᠢᠲᠡᠭᠡᠢ ᠡᠢᠮᠦ ᠦᠭᠡᠶᠢ ᠰᠣᠨᠤᠰᠭᠠᠭᠠᠷᠠᠢ᠃ 》 ᠭᠡᠵᠦ ᠳᠡᠳ᠋ ᠫᠷᠣᠹᠧᠰᠰᠣᠷ ᠠᠭᠤᠷᠲᠠᠢᠬᠠᠨ ᠬᠡᠯᠡᠪᠡ᠃
《ᠵᠠ᠃ 》
《ᠴᠡᠷᠢᠭ ᠠᠩᠭᠢ ᠁ ᠹᠢᠽᠢᠺ ᠤᠷᠤᠭᠤ ᠳᠠᠪᠰᠢᠬᠤ ᠪᠣᠯᠵᠠᠢ᠃ ᠲᠡᠢᠮᠦ᠂ ᠹᠢᠽᠢᠺ ᠤᠷᠤᠭᠤ᠃ ᠨᠥᠬᠦᠷ ᠭᠣᠯᠤᠸᠤᠢ ᠲᠠ ᠵᠠᠪᠠᠯ ᠭᠦᠢᠴᠡᠬᠦ ᠬᠡᠷᠡᠭᠲᠡᠢ᠃ 》
《᠁》
《ᠲᠡᠭᠡᠪᠡᠯ ᠶᠠᠪᠤ!》
《ᠡᠨᠡ ᠬᠥᠮᠦᠨ ᠦᠨᠡᠬᠡᠷ ᠵᠢᠯᠤᠭᠤᠳᠤᠭᠴᠢᠰᠢᠭ᠋ ᠪᠠᠢᠨᠠ᠂ ᠣᠭᠲᠤ ᠬᠠᠢᠷᠠ ᠨᠠᠢᠷ ᠦᠵᠡᠭᠦᠯᠳᠡᠭᠦᠭᠡᠢ ᠬᠥᠮᠦᠨᠶᠦᠮ ᠪᠠᠢᠨᠠ》 ᠭᠡᠵᠦ ᠭᠣᠯᠤᠸᠤᠢ ᠳᠣᠲᠤᠷᠠᠪᠠᠨ ᠪᠣᠳᠤᠭᠠᠳ᠂ ᠥᠪᠡᠷᠦᠨ ᠳᠣᠣᠷᠠ ᠪᠠᠢᠭᠰᠠᠨ ᠡᠨᠡ ᠪᠠᠢᠯᠳᠤᠭᠴᠢᠶᠢ ᠠᠩᠬᠠ ᠤᠳᠠᠭᠠ ᠨᠠᠷᠢᠨ ᠲᠣᠳᠤᠷᠬᠠᠢ ᠣᠯᠵᠤ ᠦᠵᠡᠭᠰᠡᠨ ᠮᠡᠲᠦ ᠪᠠᠢᠯᠠ᠃