| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠭᠤᠷᠪᠠᠳᠤᠭᠠᠷ ᠰᠠᠷᠠᠶᠢᠨ ᠠᠷᠪᠠᠨ ᠳᠥᠷᠪᠡᠨᠦ ᠦᠳᠡᠶᠢᠨ ᠬᠣᠢᠨᠠᠬᠢ ᠬᠣᠶᠠᠷ ᠴᠠᠭ ᠭᠤᠷᠪᠠᠨ ᠮᠥᠴᠡᠳᠦ ᠣᠳᠣ ᠦᠶᠡᠶᠢᠨ ᠬᠠᠮᠤᠭᠤᠨ ᠠᠭᠤᠤ ᠶᠡᠬᠡ ᠪᠣᠳᠤᠯᠭᠠᠲᠠᠨ ᠰᠡᠳᠭᠢᠬᠦᠪᠡᠨ ᠵᠣᠭᠰᠤᠪᠠ᠃ ᠲᠡᠭᠦᠨᠢ ᠭᠠᠭᠴᠠᠭᠠᠷᠢ ᠭᠡᠷᠲᠦ ᠣᠷᠬᠢᠭᠠᠳ ᠬᠣᠶᠠᠷᠬᠠᠨ ᠮᠢᠨ᠋ᠦ᠋ᠲᠦᠨ ᠵᠠᠪ ᠪᠣᠯᠤᠯᠦᠭᠡᠢᠪᠠᠷ ᠪᠢᠳᠡ ᠪᠤᠴᠠᠨ ᠣᠷᠤᠬᠤᠳᠤ ᠬᠡᠪᠲᠡᠭᠡ ᠲᠦᠰᠢᠯᠭᠡᠲᠦ ᠰᠠᠨᠳᠠᠯᠢ ᠳᠡᠭᠡᠷᠡᠪᠡᠨ ᠲᠠᠢᠪᠤᠭᠤᠬᠠᠨ ᠨᠣᠢᠷᠰᠤᠭᠰᠠᠨ ᠪᠠᠢᠯᠠ - ᠮᠥᠩᠬᠡ ᠨᠣᠢᠷᠰᠤᠵᠠᠢ᠃
ᠡᠨᠡ ᠬᠥᠮᠦᠨᠦ ᠨᠥᠭᠴᠢᠭᠰᠡᠨ ᠶᠠᠪᠤᠳᠠᠯᠨᠢ ᠧᠦ᠋ᠷᠣᠫᠠ ᠲᠢᠪᠦᠨ ᠪᠠᠢᠯᠳᠤᠵᠤ ᠪᠠᠢᠭᠠ ᠦᠭᠡᠭᠦᠦ ᠠᠩᠭᠢᠳᠤ᠂ ᠲᠡᠦᠬᠡᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠤ ᠪᠦᠷ ᠬᠡᠮᠵᠢᠶᠡᠯᠡᠰᠢᠦᠭᠡᠢ ᠬᠣᠬᠢᠷᠠᠯ ᠪᠣᠯᠬᠤᠶᠤᠮ᠃ ᠤᠴᠢᠷᠨᠢ ᠡᠨᠡ ᠠᠪᠤᠷᠭᠤ ᠬᠥᠮᠦᠨᠦ ᠨᠠᠰᠤ ᠪᠠᠷᠠᠭᠰᠠᠨᠠᠴᠠ ᠪᠣᠯᠤᠭᠰᠠᠨ ᠭᠡᠩᠰᠡᠷᠡᠯ ᠬᠣᠭᠤᠰᠤᠷᠠᠯᠢ ᠬᠥᠮᠦᠰ ᠤᠳᠠᠯᠦᠭᠡᠢ ᠮᠡᠳᠡᠬᠦᠶᠦᠮ᠃
ᠳ᠋ᠠᠷᠸᠢᠨ ᠣᠷᠭᠠᠨᠢᠭ ᠶᠢᠷᠲᠢᠨᠴᠦᠶᠢᠨ ᠬᠥᠭᠵᠢᠯᠦᠨ ᠵᠢᠮᠡ ᠶᠣᠰᠤᠶᠢ ᠮᠡᠳᠡᠭᠰᠡᠨᠲᠡᠢ ᠠᠳᠠᠯᠢ ᠮᠠᠷᠺᠰ ᠬᠥᠮᠦᠨ ᠲᠥᠷᠦᠯᠬᠢᠲᠡᠨᠦ ᠲᠡᠦᠬᠡᠨ ᠬᠥᠭᠵᠢᠯᠦᠨ ᠵᠢᠮᠡ ᠶᠣᠰᠤᠶᠢ ᠮᠡᠳᠡᠭᠰᠡᠨᠶᠦᠮ᠃ ᠲᠤᠬᠠᠢᠯᠠᠪᠠᠯ ᠵᠦᠢᠯ ᠵᠢᠰᠦᠮᠦᠨ ᠦᠵᠡᠯ ᠰᠠᠨᠠᠭᠠᠨᠳᠤ ᠳᠠᠪᠬᠤᠷ ᠳᠠᠪᠬᠤᠷ ᠳᠠᠯᠳᠠᠯᠠᠭᠳᠠᠨ ᠬᠤᠴᠢᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠨᠢᠭᠡᠨ ᠳᠥᠭᠦᠮᠬᠡᠨ ᠪᠣᠳᠠᠲᠤ ᠬᠡᠷᠡᠭ ᠪᠣᠯᠬᠤ: ᠬᠥᠮᠦᠰ ᠡᠩ ᠲᠡᠷᠢᠭᠦᠨᠳᠦ ᠡᠷᠬᠡᠪᠰᠢ ᠬᠣᠭᠤᠯᠠ ᠤᠮᠳᠠ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠣᠷᠤᠨ ᠰᠠᠭᠤᠴᠠᠲᠠᠢ ᠪᠠᠢᠮᠠᠨᠵᠢᠨ ᠳᠠᠷᠠᠭᠠᠨᠢ ᠤᠯᠤᠰ ᠲᠥᠷᠦ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠤᠷᠠᠯᠢᠭ᠂ ᠱᠠᠰᠢᠨ ᠰᠢᠲᠦᠯᠭᠡ ᠵᠡᠷᠭᠡ ᠬᠥᠳᠡᠯᠭᠡᠭᠡᠨᠢ ᠬᠢᠳᠡᠭ᠃ ᠲᠡᠢᠮᠦᠡᠴᠡ ᠠᠮᠢᠳᠤᠷᠠᠯᠳᠤ ᠰᠢᠭᠤᠳ ᠱᠠᠭᠠᠷᠳᠠᠭᠳᠠᠬᠤ ᠪᠣᠳᠠᠰᠤᠨ ᠬᠡᠷᠡᠭᠰᠡᠯᠢ ᠦᠢᠯᠡᠳᠪᠦᠷᠢᠯᠡᠳᠡᠭ ᠪᠠ ᠵᠢᠴᠢ ᠲᠡᠭᠦᠨᠢᠶᠡᠷ ᠰᠢᠢᠳᠪᠦᠷᠢᠯᠡᠭᠳᠡᠬᠦ ᠨᠢᠭᠡᠨ ᠦᠨᠳᠦᠰᠦᠲᠡᠨᠦ ᠪᠤᠶᠤ ᠨᠢᠭᠡᠨ ᠴᠠᠭ ᠦᠶᠡᠶᠢᠨ ᠵᠣᠬᠢᠬᠤ ᠬᠡᠮᠵᠢᠶᠡᠨᠦ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠦᠨ ᠱᠠᠲᠤ ᠪᠦᠷᠢᠨᠢ ᠰᠠᠭᠤᠷᠢ ᠪᠣᠯᠤᠨ ᠪᠦᠷᠢᠯᠳᠦᠳᠡᠭ᠃ ᠬᠥᠮᠦᠰᠦᠨ ᠲᠥᠷᠦᠶᠢᠨ ᠪᠠᠢᠭᠤᠯᠤᠮᠵᠢ᠂ ᠬᠠᠤᠯᠢᠶᠢᠨ ᠦᠵᠡᠯᠲᠡ᠂ ᠤᠷᠠᠯᠢᠭ ᠪᠣᠯᠤᠨ ᠱᠠᠰᠢᠨ ᠰᠢᠲᠦᠯᠭᠡᠶᠢᠨ ᠦᠵᠡᠯ ᠤᠬᠠᠮᠰᠠᠷᠨᠢ ᠪᠦᠷᠯᠡ ᠡᠨᠡᠬᠦ ᠰᠠᠭᠤᠷᠢ ᠳᠡᠭᠡᠷᠡ ᠭᠥᠭᠵᠢᠵᠦ ᠢᠷᠡᠭᠰᠡᠨᠶᠦᠮ᠃ ᠡᠢᠮᠦᠡᠴᠡ ᠵᠠᠪᠠᠯ ᠡᠨᠡᠬᠦ ᠰᠠᠭᠤᠷᠢᠠᠴᠠ ᠲᠡᠳᠡᠭᠡᠷᠢ ᠲᠠᠢᠯᠪᠤᠷᠢᠯᠠᠬᠤᠠᠴᠠ ᠪᠢᠰᠢ᠂ ᠬᠠᠷᠢᠨ ᠥᠩᠭᠡᠷᠡᠭᠰᠡᠨᠦ ᠮᠡᠲᠦ ᠡᠭᠦᠨᠦ ᠡᠰᠡᠷᠭᠦᠪᠡᠷ ᠲᠠᠢᠯᠪᠤᠷᠢᠯᠠᠵᠤ ᠪᠣᠯᠬᠤᠦᠭᠡᠢ ᠭᠡᠳᠡᠭᠢ ᠮᠡᠳᠡᠵᠡᠢ᠃
ᠡᠭᠦᠪᠡᠷ ᠦᠯᠦ ᠪᠠᠷᠠᠨ᠂ ᠮᠠᠷᠺᠰ ᠪᠠᠰᠠ ᠣᠳᠣ ᠦᠶᠡᠶᠢᠨ ᠬᠥᠷᠦᠩᠭᠡᠲᠦ ᠶᠣᠰᠤᠨᠤ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠡᠯᠪᠡᠷᠢ ᠮᠠᠶᠢ᠍ᠭ ᠪᠣᠯᠤᠨ ᠲᠡᠭᠦᠨᠢᠶᠡᠷ ᠪᠦᠷᠢᠯᠳᠦᠭᠰᠡᠨ ᠬᠥᠷᠦᠩᠭᠡᠲᠦ ᠨᠡᠢᠭᠡᠮᠦᠨ ᠣᠨᠴᠤᠭᠤᠢ ᠬᠥᠳᠡᠯᠭᠡᠭᠡᠨᠦ ᠵᠢᠮᠡ ᠶᠣᠰᠤᠶᠢ ᠮᠡᠳᠡᠭᠰᠡᠨᠶᠦᠮ᠃ ᠨᠡᠮᠡᠭᠦᠦ ᠥᠷᠲᠡᠭᠢ ᠮᠡᠳᠡᠭᠰᠡᠨᠢ ᠳᠠᠭᠠᠯᠳᠤᠨ ᠡᠨᠡᠬᠦ ᠬᠦᠷᠢᠶᠡ ᠭᠡᠨᠡᠳᠲᠡᠬᠡᠨ ᠭᠡᠢᠭᠦᠯᠦᠭᠳᠡᠪᠡ᠃ ᠬᠥᠷᠦᠩᠭᠡᠲᠡᠨ ᠠᠩᠭᠢᠶᠢᠨ ᠠᠵᠤ ᠠᠬᠤᠢᠶᠢᠨ ᠤᠬᠠᠭᠠᠨᠲᠠᠨ ᠪᠤᠶᠤ ᠨᠡᠢᠭᠡᠮ ᠵᠢᠷᠤᠮᠤᠨ ᠰᠢᠭᠦᠮᠵᠢᠯᠡᠭᠴᠢᠳᠦᠨ ᠠᠯᠢᠨᠤ ᠬᠢᠨᠢᠴᠦ ᠥᠩᠭᠡᠷᠡᠭᠰᠡᠨᠦ ᠠᠯᠢᠪᠠ ᠰᠤᠳᠤᠯᠤᠯᠨᠢ ᠪᠦᠷᠯᠡ ᠲᠦᠨᠡᠷ ᠬᠠᠷᠠᠩᠭᠤᠢᠶᠢᠨ ᠳᠣᠲᠤᠷᠠ ᠲᠡᠮᠲᠡᠷᠬᠢᠯᠡᠵᠦ ᠪᠠᠢᠵᠠᠢ᠃
ᠬᠥᠮᠦᠨ ᠨᠢᠭᠡ ᠨᠠᠰᠤᠨᠳᠠᠭᠠᠨ ᠡᠢᠮᠦ ᠬᠣᠶᠠᠷᠬᠠᠨ ᠵᠦᠢᠯᠦᠨ ᠨᠡᠭᠡᠭᠡᠯᠲᠡᠲᠡᠢ ᠪᠣᠯ ᠡᠨᠡ ᠨᠠᠰᠤᠪᠠᠨ ᠬᠣᠭᠤᠰᠤᠭᠠᠷ ᠥᠩᠭᠡᠷᠡᠭᠦᠯᠦᠭᠰᠡᠨᠦᠭᠡᠢ ᠭᠡᠵᠦ ᠬᠡᠯᠡᠵᠦ ᠪᠣᠯᠤᠨᠠ᠃ ᠴᠢᠨᠠᠭᠰᠢᠯᠠᠭᠠᠳ ᠵᠥᠪᠬᠡᠨ ᠨᠢᠭᠡ ᠵᠦᠢᠯᠦᠨ ᠡᠢᠮᠦᠷᠬᠦᠦ ᠨᠡᠭᠡᠭᠡᠯᠲᠡᠲᠡᠢ ᠪᠣᠯᠤᠭᠰᠠᠨᠴᠤ ᠲᠤᠩ ᠵᠣᠯ ᠵᠢᠷᠭᠠᠯᠲᠠᠢ ᠬᠡᠷᠡᠭ ᠪᠣᠯᠬᠤᠶᠤᠮ᠃ ᠭᠡᠲᠡᠯᠡ ᠮᠠᠷᠺᠰ ᠰᠤᠳᠤᠯᠤᠭᠰᠠᠨ ᠵᠦᠢᠯ ᠪᠣᠯᠭᠠᠨᠳᠠᠭᠠᠨ (ᠲᠣᠭᠠᠨᠤ ᠤᠬᠠᠭᠠᠨᠤ ᠲᠠᠯᠠᠪᠠᠷᠴᠤ ᠭᠡᠰᠡᠨ) ᠴᠥᠮ ᠣᠯᠠᠨᠠᠴᠠ ᠬᠡᠲᠦᠢᠳᠦᠭᠰᠡᠨ ᠨᠡᠭᠡᠭᠡᠯᠲᠡᠲᠡᠢ᠂ ᠲᠡᠭᠦᠨᠦ ᠰᠤᠳᠤᠯᠤᠯᠤᠨ ᠬᠦᠷᠢᠶᠡ ᠬᠡᠪᠴᠢᠶᠡᠨᠢ ᠮᠠᠰᠢ ᠥᠷᠭᠡᠨ ᠪᠥᠭᠡᠳ ᠠᠯᠢ ᠨᠢᠭᠡ ᠰᠤᠳᠤᠯᠤᠯᠨᠢᠴᠤ ᠭᠡᠳ ᠮᠥᠴᠢᠳ ᠮᠡᠬᠦᠰ ᠪᠢᠰᠢᠶᠦᠮ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠠᠪᠤᠷᠭᠤ ᠭᠠᠷ ᠡᠢᠮᠦᠯᠡ ᠪᠠᠢᠵᠠᠢ᠃ ᠭᠡᠪᠡᠴᠦ ᠡᠳᠡᠭᠡᠷᠨᠢ ᠶᠠᠭᠠᠬᠢᠭᠰᠠᠨᠴᠤ ᠲᠡᠭᠦᠨᠦ ᠴᠢᠬᠤᠯᠠ ᠵᠦᠢᠯᠨᠢ ᠪᠢᠰᠢᠶᠦᠮ᠃ ᠮᠠᠷᠺᠰ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠣᠯ ᠲᠡᠦᠬᠡᠶᠢ ᠲᠦᠯᠬᠢᠨ ᠤᠷᠤᠭᠰᠢᠯᠠᠭᠤᠯᠬᠤ ᠬᠤᠪᠢᠰᠭᠠᠯᠤᠨ ᠬᠦᠴᠦᠨ ᠭᠡᠵᠦ ᠦᠵᠡᠳᠡᠭ᠃ ᠬᠡᠳᠦᠢᠪᠡᠷ ᠪᠣᠳᠠᠲᠤ ᠬᠡᠷᠡᠭᠴᠡᠭᠡᠨᠦ ᠳ᠋ᠦᠩᠨᠢ ᠬᠠᠷᠠᠬᠠᠨ ᠮᠡᠳᠡᠭᠳᠡᠭᠡᠳᠦᠢ ᠪᠠᠢᠭᠰᠠᠨᠴᠤ ᠣᠨᠤᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠰᠢᠨᠡ ᠨᠡᠭᠡᠭᠡᠯᠲᠡ ᠨᠢᠭᠡᠪᠦᠷᠢ ᠲᠡᠭᠦᠨᠦ ᠰᠡᠳᠭᠢᠯᠢ ᠣᠨᠴᠠ ᠪᠠᠶᠠᠷᠯᠠᠭᠤᠯᠵᠤ ᠪᠠᠢᠳᠠᠭ᠃ ᠢᠯᠠᠩᠭᠤᠶᠠ ᠠᠵᠤ ᠦᠢᠯᠡᠳᠪᠦᠷᠢ ᠪᠤᠶᠤ ᠪᠦᠬᠦᠢᠯᠡ ᠲᠡᠦᠬᠡᠨ ᠬᠥᠭᠵᠢᠯᠲᠡᠳᠦ ᠨᠥᠯᠦᠭᠡ ᠦᠵᠡᠭᠦᠯᠳᠡᠭ ᠨᠡᠭᠡᠭᠡᠯᠲᠡ ᠪᠤᠢ ᠪᠣᠯᠬᠤ ᠦᠶᠡᠳᠦ ᠲᠡᠭᠦᠨᠦ ᠪᠠᠶᠠᠷ ᠪᠠᠬᠠᠳᠤᠯ ᠪᠦᠷᠢᠮᠦᠰᠦᠨ ᠣᠨᠳᠣᠣ ᠪᠣᠯᠳᠠᠭ ᠪᠢᠯᠡ᠃ ᠵᠢᠱ᠌ᠢᠶᠠᠯᠠᠪᠠᠯ᠂ ᠮᠠᠷᠺᠰ ᠴᠠᠬᠢᠯᠭᠠᠨᠤ ᠤᠬᠠᠭᠠᠨᠤ ᠡᠯᠡ ᠵᠦᠢᠯᠦᠨ ᠨᠡᠭᠡᠭᠡᠯᠲᠡᠶᠢᠨ ᠠᠬᠢᠴᠠᠶᠢ ᠨᠠᠷᠢᠨ ᠠᠩᠬᠠᠷᠴᠤ ᠪᠠᠢᠭᠰᠠᠨ ᠪᠥᠭᠡᠳ ᠣᠢᠷᠠᠳᠤ ᠮᠠᠷᠰᠸᠧ ᠲᠧᠫᠢᠤᠯᠸᠧᠷᠦᠨ ᠨᠡᠭᠡᠭᠡᠯᠲᠡᠶᠢ ᠪᠠᠰᠠ ᠠᠩᠬᠠᠷᠴᠤ ᠪᠠᠢᠯᠠ᠃
ᠮᠠᠷᠺᠰ ᠪᠣᠯ ᠡᠩ ᠲᠡᠷᠢᠭᠦᠨᠳᠦ ᠨᠢᠭᠡᠨ ᠬᠤᠪᠢᠰᠭᠠᠯᠴᠢ ᠮᠥᠨ᠃ ᠡᠢᠮᠦᠡᠴᠡ ᠲᠡᠷᠡ ᠬᠥᠷᠦᠩᠭᠡᠲᠦ ᠶᠣᠰᠤ ᠪᠠ ᠬᠥᠷᠦᠩᠭᠡᠲᠦ ᠶᠣᠰᠤᠨᠤ ᠲᠥᠷᠦᠶᠢᠨ ᠪᠠᠢᠭᠤᠯᠤᠮᠵᠢᠶᠢ ᠲᠦᠯᠬᠢᠨ ᠤᠨᠠᠭᠠᠬᠤ ᠦᠢᠯᠡᠰᠲᠦ ᠣᠯᠠᠨ ᠵᠦᠢᠯᠦᠨ ᠬᠡᠯᠪᠡᠷᠢᠪᠡᠷ ᠣᠷᠤᠯᠴᠠᠵᠤ ᠪᠠᠢᠭᠰᠠᠨ ᠪᠠ ᠣᠷᠤᠰᠢᠵᠤ ᠪᠦᠬᠦᠢ ᠨᠡᠢᠭᠡᠮᠳᠡᠬᠢ ᠥᠪᠡᠷᠦᠨ ᠪᠠᠢᠷᠢ ᠰᠠᠭᠤᠷᠢ ᠪᠣᠯᠤᠨ ᠱᠠᠭᠠᠷᠳᠠᠯᠭᠠᠶᠢ ᠠᠩᠬᠠ ᠤᠳᠠᠭᠠ ᠮᠡᠳᠡᠷᠡᠵᠦ᠂ ᠣᠳᠣ ᠦᠶᠡᠶᠢᠨ ᠦᠭᠡᠭᠦᠦ ᠠᠩᠭᠢᠶᠢᠨ ᠴᠢᠯᠦᠭᠡᠯᠡᠯᠲᠡᠶᠢᠨ ᠨᠥᠬᠦᠴᠡᠯ ᠪᠣᠯᠬᠤᠶᠢ ᠮᠡᠳᠡᠵᠡᠢ - ᠡᠳᠡᠭᠡᠷᠨᠢ ᠦᠨᠡᠨᠳᠡᠭᠡᠨ ᠲᠡᠭᠦᠨᠦ ᠨᠢᠭᠡ ᠨᠠᠰᠤᠨᠤ ᠡᠭᠦᠷᠭᠡ ᠪᠣᠯᠵᠠᠢ᠃ ᠲᠡᠮᠡᠴᠡᠯ ᠪᠣᠯ ᠲᠡᠭᠦᠨᠦ ᠰᠤᠷᠮᠠᠭᠠᠢ ᠵᠦᠢᠯ ᠮᠥᠨ᠃ ᠲᠡᠭᠦᠨᠰᠢᠭ ᠣᠷᠭᠢᠯᠤᠮᠠ ᠰᠡᠳᠭᠢᠯᠭᠡᠲᠡᠢ ᠬᠠᠲᠠᠭᠤ ᠰᠢᠷᠭᠠᠭᠤ ᠪᠥᠭᠡᠳ ᠳᠣᠪᠤᠢᠭᠰᠠᠨ ᠪᠦᠲᠦᠭᠡᠯ ᠣᠯᠲᠠᠯᠠ ᠲᠡᠮᠡᠴᠡᠭᠰᠡᠨ ᠬᠥᠮᠦᠨ ᠮᠠᠰᠢ ᠬᠣᠪᠤᠷᠶᠤᠮ᠃ 1842 ᠣᠨᠳᠤ ᠬᠠᠭᠤᠴᠢᠨ 《 ᠷᠧᠢᠨ ᠰᠣᠨᠢᠨ》ᠤ ᠨᠠᠢᠷᠠᠭᠤᠯᠤᠭᠴᠢ ᠪᠣᠯᠵᠠᠢ᠃ 1844 ᠣᠨᠳᠤ ᠫᠠᠷᠢᠰᠲᠤ ᠬᠡᠪᠯᠡᠭᠦᠯᠦᠭᠰᠡᠨ 《ᠤᠷᠤᠭᠰᠢᠯᠠᠯᠲᠠ ᠰᠣᠨᠢᠨ》ᠤ ᠨᠠᠢᠷᠠᠭᠤᠯᠬᠤ ᠠᠵᠢᠯᠳᠤ ᠣᠷᠤᠯᠴᠠᠵᠠᠢ᠃ 1847 ᠣᠨᠳᠤ 《 ᠭᠧᠷᠮᠠᠨ - ᠪᠧᠦᠰᠧᠯ ᠰᠣᠨᠢᠨ》ᠳᠤ ᠵᠣᠬᠢᠶᠠᠯ ᠪᠢᠴᠢᠵᠦ ᠪᠠᠢᠪᠠ᠃ 1848 ᠣᠨᠠᠴᠠ 1849 ᠣᠨ ᠬᠦᠷᠲᠡᠯᠡ 《 ᠰᠢᠨᠡ ᠷᠧᠢᠨ ᠰᠣᠨᠢᠨ》ᠢ ᠬᠡᠪᠯᠡᠭᠦᠯᠪᠡ᠃ 1852 ᠣᠨᠠᠴᠠ 1861 ᠣᠨ ᠬᠦᠷᠲᠡᠯᠡ 《ᠨᠢᠦ᠋ ᠶᠣᠷᠺᠤᠨ ᠡᠳᠦᠷ ᠪᠦᠷᠢᠶᠢᠨ ᠶᠠᠷᠢᠶᠠ ᠥᠭᠦᠯᠡᠯ ᠰᠣᠨᠢᠨ》ᠳᠤ ᠵᠣᠬᠢᠶᠠᠯ ᠪᠢᠴᠢᠵᠦ ᠪᠠᠢᠪᠠ᠃ ᠪᠠᠰᠠ ᠪᠠᠢᠯᠳᠤᠭᠴᠢ ᠴᠢᠨᠠᠷᠢᠶᠠᠷ ᠮᠠᠰᠢ ᠣᠯᠠᠨ ᠲᠣᠪᠬᠢᠮᠠᠯ ᠪᠢᠴᠢᠵᠡᠢ᠃ ᠫᠠᠷᠢᠰ᠂ ᠪᠧᠦᠰᠧᠯ᠂ ᠯᠤᠨᠳᠤᠨᠤ ᠡᠯᠡ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠠᠵᠢᠯᠳᠤ ᠣᠷᠤᠯᠴᠠᠭᠰᠠᠨ ᠪᠠ ᠬᠣᠵᠢᠮᠨᠢ ᠠᠭᠤᠤ ᠶᠡᠬᠡ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠳᠡᠯᠡᠬᠡᠢᠶᠢᠨ ᠠᠵᠢᠯᠴᠢᠨᠤ ᠡᠪᠯᠡᠯᠢ ᠰᠠᠳᠤᠨ ᠪᠠᠢᠭᠤᠯᠪᠠ᠃ ᠡᠳᠡᠭᠡᠷ ᠣᠯᠠᠨ ᠠᠵᠢᠯᠢ ᠪᠡᠶᠡᠯᠡᠭᠦᠯᠦᠭᠰᠡᠨᠨᠢ - ᠴᠣᠬᠤᠮᠳᠠᠭᠠᠨ᠂ ᠡᠪᠯᠡᠯᠢ ᠰᠠᠳᠤᠨ ᠪᠠᠢᠭᠤᠯᠤᠭᠴᠢ ᠡᠨᠡ ᠬᠥᠮᠦᠨ ᠣᠨᠳᠣᠣ ᠶᠠᠭᠤᠴᠤ ᠬᠢᠭᠡᠦᠭᠡᠢ ᠭᠡᠵᠦ ᠰᠠᠨᠠᠬᠤᠳᠤ ᠭᠠᠭᠴᠠ ᠡᠨᠡᠬᠦ ᠦᠷᠡ ᠪᠦᠲᠦᠭᠡᠯᠨᠢ ᠪᠠᠰᠠ ᠣᠮᠤᠭᠰᠢᠨ ᠪᠠᠬᠠᠳᠤᠵᠤ ᠪᠣᠯᠤᠮᠠᠷᠶᠤᠮ᠃
ᠡᠨᠡ ᠪᠣᠯ ᠮᠠᠷᠺᠰ ᠲᠤᠬᠠᠢᠶᠢᠨ ᠦᠶᠡᠳᠡᠭᠡᠨ ᠬᠠᠮᠤᠭᠤᠨ ᠭᠦᠨ ᠵᠠᠨᠤᠯ᠂ ᠬᠠᠮᠤᠭᠤᠨ ᠬᠦᠨᠳᠦ ᠭᠦᠳᠭᠡᠯᠳᠦ ᠤᠴᠠᠷᠠᠵᠤ ᠪᠠᠢᠭᠰᠠᠨᠤ ᠬᠢᠨᠢ ᠰᠢᠯᠲᠠᠭᠠᠨ ᠪᠣᠯᠤᠨᠠ᠃ ᠡᠯᠡ ᠤᠯᠤᠰᠤᠨ ᠡᠵᠡᠷᠬᠡᠬᠦ ᠵᠠᠰᠠᠭᠤᠨ ᠣᠷᠳᠤᠨ ᠪᠤᠶᠤ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠵᠠᠰᠠᠭᠤᠨ ᠣᠷᠳᠤᠨᠤ ᠠᠯᠢᠨᠢᠴᠤ ᠴᠥᠮ ᠲᠡᠭᠦᠨᠢ ᠬᠢᠯᠢᠡᠴᠡᠪᠡᠨ ᠦᠯᠳᠡᠨ ᠭᠠᠷᠭᠠᠵᠤ᠂ ᠬᠡᠪᠰᠢᠮᠡᠯ ᠬᠥᠷᠦᠩᠭᠡᠲᠡᠨ ᠪᠤᠶᠤ ᠲᠤᠢᠯᠤᠨ ᠠᠷᠠᠳᠴᠢᠯᠠᠭᠰᠠᠨ ᠬᠥᠷᠦᠩᠭᠡᠲᠡᠨ ᠴᠥᠮ ᠵᠡᠷᠭᠡ ᠵᠡᠷᠭᠡᠪᠡᠷ ᠲᠡᠭᠦᠨᠢ ᠭᠦᠵᠢᠷᠯᠡᠨ ᠭᠦᠳᠭᠡᠵᠦ᠂ ᠬᠠᠷᠢᠶᠠᠨ ᠵᠦᠬᠡᠳᠡᠭ ᠪᠠᠢᠯᠠ᠃ ᠡᠳᠡᠭᠡᠷᠢ ᠮᠠᠷᠺᠰ ᠥᠴᠦᠬᠡᠨᠴᠦ ᠣᠢᠰᠢᠶᠠᠳᠠᠭᠦᠭᠡᠢ᠂ ᠬᠠᠷᠢᠨ ᠠᠭᠠᠯᠵᠢᠨ ᠰᠢᠯᠦᠰᠦᠰᠢᠭ ᠠᠶᠠᠷᠬᠠᠨ ᠰᠠᠵᠢᠨ ᠶᠠᠪᠤᠭᠤᠯᠤᠭᠠᠳ ᠭᠠᠭᠴᠠᠬᠦ ᠣᠨᠴᠠ ᠴᠢᠬᠤᠯᠠᠲᠠᠢ ᠪᠠᠢᠳᠠᠯᠤᠨ ᠳᠣᠣᠷᠠ ᠬᠠᠷᠢᠭᠤ ᠥᠭᠳᠡᠭ᠃ ᠣᠳᠣ ᠮᠠᠷᠺᠰ ᠨᠠᠰᠤ ᠪᠠᠷᠠᠵᠠᠢ᠃ ᠪᠦᠬᠦ ᠧᠦ᠋ᠷᠣᠫᠠ ᠲᠢᠪ ᠪᠠ ᠠᠮᠧᠷᠢᠺᠠ ᠲᠢᠪᠲᠦ᠂ ᠰᠢᠪᠧᠷᠢᠶᠠᠶᠢᠨ ᠠᠭᠤᠷᠬᠠᠢᠶᠢᠨ ᠬᠤᠳᠳᠤᠭᠠᠴᠠ ᠺᠠᠯᠢᠹᠤᠷᠨᠢᠶᠠ ᠬᠦᠷᠲᠡᠯᠡᠬᠢ ᠰᠠᠶᠠ ᠵᠢᠤᠠ ᠬᠤᠪᠢᠰᠭᠠᠯᠲᠤ ᠳᠠᠢᠴᠢᠨ ᠬᠠᠨᠢ ᠨᠥᠬᠦᠳ ᠬᠦᠨᠳᠦᠳᠭᠡᠨ ᠪᠢᠰᠢᠷᠡᠬᠦᠦᠭᠡᠢ ᠬᠥᠮᠦᠨ᠂ ᠬᠠᠢᠷᠠᠯᠠᠨ ᠬᠠᠯᠠᠮᠵᠢᠯᠠᠬᠤᠦᠭᠡᠢ ᠬᠥᠮᠦᠨ᠂ ᠭᠠᠰᠢᠭᠤᠳᠠᠨ ᠳᠤᠷᠠᠳᠭᠠᠬᠤᠦᠭᠡᠢ ᠬᠥᠮᠦᠨ ᠨᠢᠭᠡᠴᠦ ᠪᠠᠢᠬᠤᠦᠭᠡᠢ᠃ ᠲᠡᠭᠦᠨᠦ ᠳᠠᠢᠰᠤᠨ ᠮᠠᠰᠢ ᠣᠯᠠᠨ ᠪᠠᠢᠭᠰᠠᠨ ᠪᠠᠢᠵᠤ ᠮᠡᠳᠡᠨᠡ᠃ ᠭᠡᠪᠡᠴᠦ ᠬᠤᠪᠢᠶᠢᠨ ᠳᠠᠢᠰᠤᠨ ᠨᠢᠭᠡᠴᠦ ᠪᠠᠢᠬᠤᠦᠭᠡᠢᠶᠤᠮ ᠭᠡᠵᠦ ᠪᠢ ᠵᠣᠷᠢᠭᠲᠠᠢᠪᠠᠷ ᠬᠡᠯᠡᠵᠦ ᠴᠢᠳᠠᠨᠠ᠃
ᠲᠡᠭᠦᠨᠦ ᠠᠯᠳᠠᠷ ᠨᠡᠷᠡ ᠪᠣᠯᠤᠨ ᠠᠵᠢᠯ ᠦᠢᠯᠡᠰ ᠥᠨᠢᠳᠡ ᠮᠥᠩᠬᠡᠷᠡᠬᠦ ᠪᠣᠯᠤᠨᠠ᠃