| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
᠁ᠮᠢᠨᠦ ᠨᠥᠬᠦᠷ ᠭᠷᠸᠭ ᠬᠡᠯᠡᠨᠦ ᠪᠠᠭᠰᠢ ᠪᠸᠯᠢᠺᠤᠸ ᠭᠡᠭᠴᠢ ᠬᠣᠶᠠᠷ ᠰᠠᠷᠠᠶᠢᠨ ᠡᠮᠦᠨᠡᠬᠡᠨ ᠮᠠᠨᠤ ᠬᠣᠲᠠᠳᠤ ᠨᠠᠰᠤ ᠪᠠᠷᠠᠭᠰᠠᠨ ᠪᠢᠯᠡ᠃ ᠦᠨᠡᠬᠡᠷ ᠬᠠᠴᠢᠨ ᠬᠥᠮᠦᠨᠰᠡᠨ᠃ ᠶᠠᠮᠠᠷ ᠰᠠᠢᠬᠠᠨ ᠴᠡᠯᠮᠡᠭ ᠡᠳᠦᠷᠴᠦ ᠲᠡᠷᠡ ᠤᠰᠤᠨᠤ ᠭᠤᠲᠤᠯ ᠡᠮᠦᠰᠴᠦ᠂ ᠪᠣᠷᠤᠭᠠᠨᠤ ᠰᠢᠬᠦᠷ ᠪᠠᠷᠢᠨ᠂ ᠪᠠᠰᠠ ᠵᠠᠪᠠᠯ ᠬᠥᠪᠦᠩ ᠬᠤᠪᠴᠠᠰᠤᠲᠠᠢ ᠶᠠᠪᠤᠳᠠᠭ ᠪᠠᠢᠭᠰᠠᠨᠶᠤᠮ᠃ ᠡᠩᠦᠨ ᠴᠠᠭᠲᠤ ᠪᠣᠷᠤᠭᠠᠨᠤ ᠰᠢᠬᠦᠷᠢᠶᠡᠨ ᠳᠤᠭᠲᠤᠢᠳᠤ ᠬᠢᠵᠦ᠂ ᠴᠠᠭᠢᠶᠠᠨ ᠰᠠᠷᠠᠯ ᠢᠯᠭᠢᠨ ᠳᠤᠭᠲᠤᠢᠳᠤ ᠬᠢᠳᠡᠭ ᠪᠥᠭᠡᠳ ᠬᠠᠷᠠᠨᠳᠠᠶᠢᠨ ᠲᠣᠩᠭᠤᠷᠠᠭᠨᠢᠴᠤ ᠳᠤᠭᠲᠤᠢ ᠳᠣᠲᠤᠷᠠ ᠬᠢᠯᠲᠠᠲᠠᠢ ᠪᠠᠢᠳᠠᠭ᠃ ᠨᠢᠭᠤᠷ ᠴᠢᠷᠠᠢᠨᠢᠴᠤ ᠦᠷᠭᠦᠯᠵᠢ ᠳᠡᠪᠡᠯᠦᠨᠢᠶᠡᠨ ᠪᠣᠰᠭᠠᠭᠰᠠᠨ ᠵᠠᠭᠠᠮᠠᠨ ᠳᠣᠲᠤᠷᠠ ᠰᠢᠷᠭᠢᠵᠦ ᠪᠠᠢᠳᠠᠭ ᠲᠤᠯᠠ ᠮᠥᠨ ᠳᠤᠭᠲᠤᠢ ᠪᠤᠢ ᠮᠡᠲᠦ ᠦᠵᠡᠭᠳᠡᠨᠡ᠃ ᠪᠠᠰᠠ ᠨᠢᠳᠦᠨᠳᠡᠭᠡᠨ ᠪᠠᠷᠠᠭᠠᠨ ᠰᠢᠯ ᠬᠢᠵᠦ᠂ ᠵᠤᠵᠠᠭᠠᠨ ᠨᠣᠣᠰᠤᠨ ᠴᠠᠮᠴᠠ ᠡᠮᠦᠰᠴᠦ᠂ ᠴᠢᠬᠢᠪᠡᠨ ᠬᠥᠪᠦᠩᠢᠶᠡᠷ ᠪᠥᠭᠯᠡᠳᠡᠭ᠃ ᠮᠣᠷᠢᠨ ᠲᠡᠷᠭᠡᠨᠳᠦ ᠰᠠᠭᠤᠬᠤᠳᠠᠭᠠᠨ ᠲᠡᠷᠭᠡᠨᠦ ᠪᠦᠷᠬᠦᠭᠦᠯᠢ ᠪᠣᠰᠭᠠᠭᠤᠯᠳᠠᠭ᠃ ᠨᠢᠭᠡᠯᠡ ᠦᠭᠡᠪᠡᠷ ᠬᠡᠯᠡᠪᠡᠯ᠂ ᠲᠡᠷᠡ ᠬᠥᠮᠦᠨ ᠦᠷᠭᠦᠯᠵᠢ ᠥᠪᠡᠷᠦᠨ ᠪᠡᠶᠡᠶᠢ ᠬᠠᠯᠢᠰᠤᠨ ᠪᠦᠷᠬᠦᠭᠦᠯᠳᠦ ᠳᠤᠭᠲᠤᠢᠯᠠᠵᠤ᠂ ᠭᠠᠳᠠᠨᠠᠶᠢᠨ ᠨᠥᠯᠦᠭᠡᠡᠴᠡ ᠲᠤᠰᠠᠭᠠᠷᠯᠠᠵᠤ ᠰᠠᠯᠭᠠᠬᠤ ᠭᠡᠰᠡᠨᠰᠢᠭ ᠪᠣᠳᠤᠯᠲᠠᠢ ᠪᠠᠢᠭᠰᠠᠨ ᠪᠢᠯᠡ᠃ ᠪᠣᠳᠠᠲᠤ ᠠᠮᠢᠳᠤᠷᠠᠯ ᠲᠡᠭᠦᠨᠢ ᠬᠠᠳᠭᠤᠵᠤ ᠠᠶᠤᠯᠭᠠᠵᠤ ᠪᠠᠢᠳᠠᠭ ᠲᠤᠯᠠ ᠬᠡᠵᠢᠶᠡᠳᠡ ᠰᠡᠳᠭᠢᠯ ᠵᠣᠪᠠᠵᠤ ᠪᠠᠢᠳᠠᠭ᠃ ᠢᠮᠠᠭᠲᠠᠯᠠ ᠥᠩᠭᠡᠷᠡᠭᠰᠡᠨᠦ ᠪᠤᠶᠤ ᠶᠡᠷᠦ ᠪᠠᠢᠭᠠᠳᠤᠢ ᠶᠠᠭᠤᠮᠠᠶᠢ ᠮᠠᠭᠲᠠᠳᠠᠭᠨᠢ ᠥᠪᠡᠷᠦᠨ ᠠᠶᠤᠮᠠᠬᠠᠢ ᠪᠠ ᠣᠳᠣᠶᠢᠨ ᠶᠠᠭᠤᠮᠠᠶᠢ ᠵᠢᠭᠰᠢᠨ ᠦᠵᠡᠳᠡᠭᠢᠶᠡᠨ ᠵᠥᠪᠳᠡᠭᠡᠬᠦᠶᠢᠨ ᠲᠥᠯᠦᠭᠡ ᠪᠠᠢᠵᠤ ᠮᠡᠳᠡᠨᠡ᠃ ᠪᠠᠰᠠ ᠲᠡᠭᠦᠨᠦ ᠵᠢᠭᠠᠵᠤ ᠪᠠᠢᠭᠠ ᠡᠷᠲᠡᠨᠦ ᠬᠡᠯᠡᠨᠢᠴᠦ ᠦᠨᠡᠨᠳᠡᠭᠡᠨ ᠪᠣᠳᠠᠲᠤ ᠠᠮᠢᠳᠤᠷᠠᠯᠠᠴᠠ ᠨᠢᠭᠤᠭᠳᠠᠬᠤᠳᠤᠨᠢ ᠬᠠᠯᠬᠠ ᠪᠣᠯᠬᠤ ᠤᠰᠤᠨ ᠭᠤᠲᠤᠯ᠂ ᠪᠣᠷᠤᠭᠠᠨᠤ ᠰᠢᠬᠦᠷᠲᠡᠢ ᠠᠳᠠᠯᠢ ᠵᠦᠢᠯ ᠪᠠᠢᠵᠠᠢ᠃
ᠪᠸᠯᠢᠺᠤᠸ ᠥᠪᠡᠷᠦᠨ ᠦᠵᠡᠯ ᠰᠠᠨᠠᠭᠠᠪᠠᠨᠴᠤ ᠮᠥᠨ ᠳᠤᠭᠲᠤᠢ ᠳᠣᠲᠤᠷᠠ ᠳᠠᠯᠳᠠᠯᠠᠬᠤᠶᠢ ᠶᠡᠬᠡᠲᠡ ᠬᠢᠴᠢᠶᠡᠨ ᠣᠷᠤᠯᠳᠤᠳᠠᠭ᠃ ᠁ ᠬᠣᠲᠠᠳᠤ ᠵᠦᠴᠦᠭᠡᠶᠢᠨ ᠺᠯᠦ᠋ᠪ ᠪᠤᠶᠤ ᠤᠩᠰᠢᠯᠭᠠᠶᠢᠨ ᠭᠠᠵᠠᠷ᠂ ᠴᠠᠢᠶᠢᠨ ᠭᠠᠵᠠᠷ ᠪᠠᠢᠭᠤᠯᠬᠤᠶᠢ ᠵᠠᠰᠠᠭ ᠵᠠᠬᠢᠷᠭᠠᠠᠴᠠ ᠵᠥᠪᠰᠢᠶᠡᠷᠡᠭᠰᠡᠨᠢ ᠦᠵᠡᠪᠡᠯ᠂ ᠪᠸᠯᠢᠺᠤᠸ ᠲᠣᠯᠤᠭᠠᠢ ᠰᠡᠭᠰᠦᠷᠦᠨ ᠨᠠᠮ ᠳᠠᠭᠤᠨᠢᠶᠠᠷ:
《ᠬᠡᠯᠡᠯᠭᠡᠨᠦᠭᠡᠢ᠂ ᠪᠣᠯᠬᠤᠨᠢᠴᠤ ᠪᠣᠯᠤᠨᠠ᠂ ᠰᠠᠢᠨᠯᠠ ᠬᠡᠷᠡᠭ᠃ ᠭᠡᠪᠡᠴᠦ ᠶᠠᠮᠠᠷ ᠨᠢᠭᠡᠨ ᠶᠠᠪᠤᠳᠠᠯ ᠭᠠᠷᠤᠭᠤᠵᠠᠢ》 ᠭᠡᠨᠡ᠃
ᠡᠭᠦᠨᠴᠢᠯᠡᠨ ᠠᠯᠢᠪᠠ ᠨᠢᠭᠡᠨ ᠳᠦᠷᠢᠮ ᠲᠣᠭᠲᠠᠭᠠᠯ᠂ ᠡᠩᠦᠨ ᠶᠣᠰᠤ ᠵᠢᠷᠤᠮᠠᠴᠠ ᠵᠥᠷᠢᠴᠡᠭᠰᠡᠨ ᠶᠠᠪᠤᠳᠠᠯ ᠭᠠᠷᠪᠠᠯ᠂ ᠬᠡᠳᠦᠢᠪᠡᠷ ᠲᠡᠭᠦᠨᠳᠦ ᠬᠣᠯᠪᠤᠭᠳᠠᠯᠦᠭᠡᠢ ᠪᠣᠯᠪᠠᠴᠤ ᠲᠡᠷᠡ ᠡᠳᠦᠷ ᠲᠡᠷᠡ ᠤᠴᠢᠷᠲᠤ ᠶᠡᠬᠡᠯᠡ ᠭᠤᠨᠢᠭᠯᠠᠨ ᠭᠤᠲᠤᠷᠠᠳᠠᠭ ᠪᠠᠢᠯᠠ᠃ ᠬᠡᠷᠪᠡ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠭᠴᠢ ᠦᠢᠮᠡᠭᠡᠨ ᠭᠠᠷᠭᠠᠭᠰᠠᠨ ᠭᠡᠬᠦ ᠶᠠᠷᠢᠶᠠ ᠴᠤᠤᠷᠬᠠᠯ ᠭᠠᠷᠬᠤ᠂ ᠡᠰᠡᠬᠦᠯᠡ ᠡᠮᠡᠭᠲᠡᠢ ᠪᠠᠭᠰᠢ ᠴᠡᠷᠢᠭᠦᠨ ᠳᠠᠷᠤᠭᠠᠲᠠᠢ ᠬᠠᠮᠲᠤ ᠶᠠᠪᠤᠵᠤ ᠦᠳᠡᠰᠢ ᠣᠷᠤᠢ ᠪᠤᠴᠠᠵᠤ ᠢᠷᠡᠪᠡᠯ ᠪᠸᠯᠢᠺᠤᠸᠤᠨ ᠰᠡᠳᠭᠢᠯ ᠶᠡᠬᠡᠲᠡ ᠵᠣᠪᠠᠵᠤ᠂ ᠰᠡᠵᠢᠭᠯᠡᠯ᠂ ᠳᠤᠭᠲᠤᠢ ᠳᠣᠲᠤᠷᠠᠬᠢ ᠵᠠᠩᠢᠶᠠᠷᠢᠶᠠᠨ ᠪᠢᠳᠡᠨᠢ ᠦᠨᠡᠬᠡᠷ ᠰᠢᠨᠠᠯᠭᠠᠳᠠᠭ ᠪᠢᠯᠡ᠃ ᠡᠮᠡᠭᠲᠡᠢᠴᠦᠳᠦᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠰᠠᠬᠢᠯᠭᠠ ᠦᠭᠡᠢᠳᠡᠵᠦ ᠪᠠᠢᠨᠠ᠂ ᠬᠢᠴᠢᠶᠡᠯᠦᠨ ᠲᠠᠰᠤᠭ ᠳᠣᠲᠤᠷᠠ ᠡᠷᠡᠭᠲᠡᠢᠴᠦᠳᠦᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠭᠴᠢᠴᠤ ᠭᠡᠰᠡᠨ ᠪᠦᠷ ᠰᠠᠬᠢᠯᠭᠠ ᠦᠭᠡᠢᠳᠡᠵᠦ ᠪᠠᠢᠨᠠ᠂ ᠬᠢᠴᠢᠶᠡᠯᠦᠨ ᠭᠡᠷ ᠳᠣᠲᠤᠷᠠ ᠱᠤᠤᠭᠢᠶᠠᠨ ᠦᠢᠮᠡᠭᠡᠨᠲᠡᠢ ᠪᠠᠢᠨᠠ᠃ ᠠᠶᠠ᠂ ᠡᠨᠡ ᠦᠯᠦ ᠵᠣᠬᠢᠬᠤ ᠪᠠᠢᠳᠠᠯ᠂ ᠡᠷᠬᠡ ᠪᠠᠷᠢᠭᠴᠢᠳᠤᠨ ᠴᠢᠬᠢᠨᠳᠦ ᠣᠷᠤᠬᠤ ᠪᠣᠯᠤᠭᠤᠵᠠᠢ᠂ ᠶᠠᠮᠠᠷ ᠨᠢᠭᠡᠨ ᠪᠤᠳᠤᠯᠢᠶᠠᠨ ᠭᠠᠷᠤᠭᠤᠵᠠᠢ ᠭᠡᠵᠦ ᠶᠠᠩᠰᠢᠨᠠ᠃ ᠪᠠᠰᠠ ᠶᠡᠷᠦᠨᠢ ᠬᠣᠶᠠᠳᠤᠭᠠᠷ ᠠᠩᠭᠢᠠᠴᠠ ᠫᠸᠲᠷᠤᠸᠢ᠂ ᠳᠥᠷᠪᠡᠳᠦᠭᠡᠷ ᠠᠩᠭᠢᠠᠴᠠ ᠶᠸᠭᠤᠷᠤᠸᠢ ᠬᠥᠭᠡᠭᠡᠪᠡᠯ ᠰᠠᠢᠨ ᠰᠠᠢᠬᠠᠨ ᠪᠣᠯᠬᠤᠶᠤᠮ ᠭᠡᠨᠡ᠃ ᠶᠠᠭᠠᠬᠢᠭᠠᠳᠶᠤᠮ ᠪᠤᠤ ᠮᠡᠳᠡ! ᠲᠡᠭᠦᠨᠦ ᠭᠠᠰᠠᠯᠤᠯᠲᠠ ᠭᠤᠲᠤᠷᠠᠯᠲᠠ ᠪᠠ ᠥᠭᠡᠳᠡᠦᠭᠡᠢ ᠴᠣᠩᠬᠢᠭᠠᠷ ᠴᠢᠷᠠᠢ ᠳᠡᠭᠡᠷᠡᠬᠢ ᠪᠠᠷᠠᠭᠠᠨ ᠥᠩᠭᠡᠶᠢᠨ ᠨᠢᠳᠦᠨ ᠰᠢᠯᠨᠢ ᠪᠢᠳᠡᠨᠢ ᠰᠢᠨᠠᠯᠭᠠᠵᠤ ᠳᠠᠷᠤᠭᠰᠠᠭᠠᠷ ᠪᠠᠢᠭᠠᠳ ᠫᠸᠲᠷᠤᠸ ᠶᠸᠭᠤᠷᠦᠸ ᠬᠣᠶᠠᠷᠤᠨ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠦᠨᠡᠯᠡᠯᠲᠡᠡᠴᠡᠨᠢ ᠳ᠋ᠦᠩ ᠬᠠᠰᠤᠭᠤᠯᠵᠤ ᠬᠣᠶᠠᠭᠤᠯᠠᠶᠢ ᠬᠣᠷᠢᠭᠤᠯᠤᠭᠠᠳ᠂ ᠰᠡᠭᠦᠯᠳᠦᠨᠢ ᠬᠣᠶᠠᠭᠤᠯᠠᠶᠢ ᠬᠥᠭᠡᠭᠡᠯᠭᠡᠵᠦ ᠰᠠᠨᠠᠭᠠᠨᠢ ᠠᠮᠠᠷᠠᠭᠰᠠᠨ ᠪᠢᠯᠡ᠃ ᠁
ᠪᠸᠯᠢᠺᠤᠸ ᠪᠢᠳᠡ ᠬᠣᠶᠠᠷ ᠨᠢᠭᠡ ᠪᠠᠢᠷᠢᠳᠤ ᠬᠠᠮᠲᠤ ᠰᠠᠭᠤᠵᠤ ᠪᠠᠢᠭᠰᠠᠨ᠃ ᠁ ᠪᠸᠯᠢᠺᠤᠸᠤᠨ ᠤᠨᠲᠠᠬᠤ ᠲᠠᠰᠤᠭᠨᠢ ᠬᠠᠢᠷᠴᠠᠭ ᠮᠡᠲᠦ ᠵᠢᠵᠢᠭ᠂ ᠬᠡᠪᠲᠡᠬᠦ ᠣᠷᠤᠳᠤᠨᠢ ᠪᠢᠲᠡᠭᠦᠦ ᠬᠥᠰᠢᠭᠡ ᠲᠠᠲᠠᠭᠤᠰᠤᠲᠠᠢ ᠪᠠᠢᠳᠠᠭ ᠪᠥᠭᠡᠳ ᠣᠷᠤᠨᠳᠠᠭᠠᠨ ᠬᠡᠪᠲᠡᠮᠡᠭᠴᠡ ᠬᠥᠨᠵᠢᠯᠡᠪᠡᠷᠢᠶᠡᠨ ᠲᠣᠯᠤᠭᠠᠢᠪᠠᠨ ᠪᠦᠲᠡᠭᠡᠨᠡ᠃ ᠲᠠᠰᠤᠭ ᠳᠣᠲᠤᠷᠠᠨᠢ ᠬᠠᠯᠠᠭᠤᠨ ᠪᠦᠭᠴᠢᠮ᠂ ᠲᠦᠭᠵᠢᠭᠰᠡᠨ ᠬᠠᠭᠠᠯᠭᠠᠨᠢ ᠬᠠᠤᠭᠢᠨᠠᠨ ᠳᠤᠤᠭᠠᠷᠤᠨᠠ᠂ ᠬᠣᠭᠤᠯᠠᠨ ᠭᠡᠷᠡᠴᠡᠨᠢ ᠠᠶᠤᠮᠰᠢᠭᠲᠤᠰᠠᠨᠠᠭᠠ ᠠᠯᠳᠠᠬᠤ ᠮᠡᠲᠦ ᠳᠠᠭᠤᠨ ᠰᠣᠨᠤᠰᠳᠠᠨᠠ᠃ ᠁ ᠪᠸᠯᠢᠺᠤᠸ᠂ ᠬᠥᠨᠵᠢᠯᠡᠶᠢᠨᠢᠶᠡᠨ ᠳᠣᠲᠤᠷᠠ ᠠᠶᠤᠵᠤ ᠳᠠᠭᠵᠢᠨ ᠬᠡᠪᠲᠡᠳᠡᠭ᠃ ᠬᠥᠮᠦᠨ ᠢᠷᠡᠭᠡᠳ ᠠᠯᠠᠴᠢᠬᠠᠬᠤ ᠪᠣᠯᠪᠠᠤᠤ᠂ ᠬᠤᠯᠠᠭᠠᠢᠴᠢ ᠣᠷᠤᠵᠤ ᠢᠷᠡᠬᠦ ᠪᠣᠯᠪᠠᠤᠤ ᠭᠡᠵᠦ ᠡᠮᠢᠶᠡᠭᠰᠡᠭᠡᠷ᠂ ᠰᠥᠨᠢ ᠲᠤᠷᠰᠢ ᠮᠠᠭᠤᠬᠠᠢ ᠵᠡᠭᠦᠳᠦ ᠵᠡᠭᠦᠳᠦᠯᠡᠳᠡᠭ ᠪᠠᠢᠵᠠᠢ᠃ ᠥᠷᠯᠦᠭᠡ ᠪᠢᠳᠡ ᠬᠠᠮᠲᠤᠪᠠᠷ ᠰᠤᠷᠭᠠᠭᠤᠯᠢᠳᠤ ᠣᠴᠢᠬᠤ ᠵᠠᠮᠳᠤ ᠴᠢᠷᠠᠢᠨᠢ ᠤᠢᠳᠭᠠᠷᠲᠠᠢ ᠵᠡᠪᠡᠬᠡᠢᠷᠡᠨ ᠴᠠᠢᠵᠤ ᠪᠠᠢᠳᠠᠭ᠃ ᠪᠢᠳᠡᠨᠦ ᠣᠴᠢᠵᠤ ᠶᠠᠪᠤᠭᠠ ᠣᠯᠠᠨ ᠬᠥᠮᠦᠰ ᠪᠦᠬᠦᠢ ᠰᠤᠷᠭᠠᠭᠤᠯᠢ ᠲᠡᠭᠦᠨᠢ ᠠᠶᠤᠯᠭᠠᠨ ᠵᠢᠭᠰᠢᠭᠦᠯᠵᠦ ᠪᠤᠢᠨᠢ ᠡᠷᠬᠡᠲᠡᠨ ᠪᠦᠬᠦᠨᠡᠴᠡᠨᠢ ᠢᠯᠡᠳᠲᠡ ᠦᠵᠡᠭᠳᠡᠨᠡ᠃ ᠨᠠᠳᠠᠲᠠᠢ ᠬᠠᠮᠲᠤ ᠶᠠᠪᠤᠬᠤᠳᠤᠨᠢᠴᠤ ᠬᠠᠵᠢᠭ ᠵᠠᠩᠲᠠᠢ ᠲᠡᠭᠦᠨᠳᠦ ᠶᠡᠬᠡ ᠬᠡᠴᠡᠭᠦᠦ ᠰᠠᠨᠠᠭᠳᠠᠵᠤ ᠪᠠᠢᠭᠠᠨᠢ ᠢᠯᠡᠷᠬᠡᠢ ᠪᠠᠢᠳᠠᠭ᠃
ᠲᠠᠪᠤᠨ ᠰᠠᠷᠠᠶᠢᠨ ᠨᠢᠭᠡᠨᠦ ᠭᠠᠷᠠᠭᠤᠨ ᠡᠳᠦᠷ᠂ ᠪᠠᠭᠰᠢ ᠰᠤᠷᠤᠭᠴᠢᠳ ᠴᠥᠮ ᠰᠤᠷᠭᠠᠭᠤᠯᠢ ᠳᠡᠭᠡᠷᠡ ᠴᠤᠭᠯᠠᠷᠠᠭᠠᠳ ᠣᠢ ᠤᠷᠤᠭᠤ ᠶᠠᠪᠠᠭᠠᠨ ᠶᠠᠪᠤᠬᠤᠪᠠᠷ ᠬᠡᠯᠡᠯᠴᠡᠭᠰᠡᠨ ᠲᠤᠯᠠ ᠡᠨᠡ ᠡᠳᠦᠷ ᠪᠢᠳᠡ ᠭᠡᠷᠡᠴᠡᠪᠡᠨ ᠭᠠᠷᠴᠤ ᠶᠠᠪᠤᠬᠤᠳᠤ ᠪᠸᠯᠢᠺᠤᠸᠤᠨ ᠨᠢᠭᠤᠷ ᠪᠠᠷᠠᠭᠠᠨ ᠡᠭᠦᠯᠡᠨᠡᠴᠡ ᠪᠠᠰᠠ ᠴᠢᠨᠠᠭᠰᠢ ᠪᠠᠢᠪᠠ᠃
ᠪᠢ ᠲᠡᠭᠦᠨᠢ ᠥᠷᠦ ᠡᠪᠡᠳᠪᠡ᠃ ᠪᠢᠳᠡ ᠶᠠᠪᠤᠵᠤ ᠪᠠᠢᠭᠰᠠᠨᠴᠢᠨᠢ ᠭᠡᠨᠡᠳᠲᠡ ᠺᠤᠸᠨᠯᠸᠨᠺᠤ ᠳᠤᠭᠤᠢ ᠤᠨᠤᠨ ᠢᠷᠡᠪᠡ᠃ ᠬᠣᠢᠨᠠᠠᠴᠠ ᠸᠠᠷᠸᠨᠺᠠ ᠮᠥᠨ ᠳᠤᠭᠤᠢ ᠤᠨᠤᠵᠤ᠂ ᠴᠢᠷᠠᠢᠨᠢ ᠤᠯᠠᠢᠵᠤ᠂ ᠵᠦᠳᠡᠷᠡᠭᠰᠡᠨ ᠮᠠᠶᠢᠭᠲᠠᠢ ᠶᠠᠪᠤᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠪᠠᠶᠠᠷ ᠴᠡᠩᠭᠡᠯᠲᠡᠢ ᠪᠠᠢᠪᠠ᠃
《ᠪᠢᠳᠡ ᠤᠷᠢᠳᠠᠪᠠᠷ ᠶᠠᠪᠤᠵᠤ ᠪᠠᠢᠶᠠ᠃ ᠥᠨᠥᠳᠦᠷ ᠮᠠᠰᠢ ᠰᠠᠢᠬᠠᠨ ᠡᠳᠦᠷ ᠪᠠᠢᠨᠠ! ᠰᠠᠢᠬᠠᠨ ᠭᠡᠳᠡᠭᠨᠢ ᠶᠠᠭᠠᠬᠢᠬᠤ ᠪᠢᠯᠡ!》 ᠭᠡᠵᠦ ᠸᠠᠷᠸᠨᠺᠠ ᠬᠠᠰᠭᠢᠷᠤᠭᠠᠳ᠂ ᠬᠣᠶᠠᠭᠤᠯᠠ ᠠᠯᠠᠭᠠ ᠪᠣᠯᠪᠠ᠃
ᠪᠸᠯᠢᠺᠤᠸᠮᠠᠨᠢ ᠰᠦᠷᠳᠡᠨ ᠠᠶᠤᠭᠰᠠᠨ ᠮᠡᠲᠦ ᠪᠣᠯᠵᠤ᠂ ᠴᠢᠷᠠᠢᠨᠢ ᠬᠥᠬᠡᠷᠡᠵᠦ ᠪᠠᠢᠭᠰᠠᠨᠢᠶᠠᠨ ᠬᠤᠪᠠᠬᠠᠢᠷᠠᠨ ᠴᠠᠢᠵᠤ᠂ ᠮᠡᠯᠡ ᠭᠠᠢᠬᠠᠵᠤ ᠴᠡᠯ ᠬᠥᠬᠡᠷᠡᠨ ᠨᠠᠳᠠᠠᠴᠠ ᠠᠰᠠᠭᠤᠭᠰᠠᠨᠨᠢ:
《ᠠᠢ ᠪᠤᠷᠬᠠᠨᠮᠢᠨᠢ! ᠡᠨᠡ ᠶᠠᠭᠤ ᠪᠣᠯᠪᠠ ? ᠮᠢᠨᠦ ᠬᠠᠷᠠᠭᠠ ᠨᠠᠮᠠᠢ ᠬᠠᠭᠤᠷᠴᠤ ᠪᠠᠢᠨᠠᠤᠤ? ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠪᠠᠭᠰᠢ ᠪᠠᠢᠭᠠᠳ ᠥᠬᠢᠨ ᠬᠥᠮᠦᠨᠲᠡᠢ ᠳᠤᠭᠤᠢ ᠤᠨᠤᠵᠤ ᠶᠠᠪᠤᠬᠤᠨᠢ ᠵᠣᠬᠢᠰᠲᠠᠢ ᠬᠡᠷᠡᠭᠦᠦ?》 ᠭᠡᠬᠦᠳᠦ ᠪᠢ:
《ᠵᠣᠬᠢᠰᠦᠭᠡᠢ ᠶᠠᠭᠤ ᠪᠠᠢᠬᠤ ᠪᠤᠢ? ᠤᠨᠤᠵᠤᠯᠠ ᠪᠠᠢᠭ᠂ ᠪᠠᠶᠠᠷ ᠴᠡᠩᠭᠡᠯᠲᠡᠢ ᠵᠤᠭᠠᠴᠠᠭ》 ᠭᠡᠬᠦᠳᠦ ᠪᠸᠯᠢᠺᠤᠸᠮᠢᠨᠦ ᠲᠠᠢᠪᠤᠩ ᠪᠠᠢᠳᠠᠯᠢ ᠬᠠᠷᠠᠵᠤ ᠭᠠᠢᠬᠠᠨ ᠬᠠᠰᠭᠢᠷᠤᠨ: 《ᠲᠠ ᠶᠠᠭᠤ ᠬᠡᠯᠡᠵᠦ ᠪᠠᠢᠨᠠ ᠪᠤᠢ?》 ᠭᠡᠳ ᠬᠡᠯᠮᠡᠭᠳᠡᠭᠰᠡᠨᠳᠡᠭᠡᠨ ᠴᠢᠨᠠᠭᠰᠢ ᠶᠠᠪᠤᠬᠤᠶᠢ ᠪᠣᠯᠢᠵᠤ ᠭᠡᠷᠲᠡᠭᠡᠨ ᠪᠤᠴᠠᠪᠠ᠃
ᠮᠠᠷᠭᠠᠰᠢᠨᠢ ᠪᠸᠯᠢᠺᠤᠸ ᠮᠥᠨᠯᠡ ᠭᠠᠷᠢᠶᠠᠨ ᠨᠤᠬᠤᠯᠠᠵᠤ ᠰᠡᠳᠭᠢᠯ ᠰᠠᠨᠠᠭᠠᠨᠢ ᠠᠮᠤᠷᠦᠭᠡᠢ ᠪᠠᠢᠪᠠ᠃ ᠨᠢᠭᠤᠷ ᠴᠢᠷᠠᠢᠠᠴᠠᠨᠢ ᠦᠵᠡᠬᠦᠳᠦ ᠡᠪᠡᠳᠴᠢᠨᠳᠦ ᠨᠡᠷᠪᠡᠭᠳᠡᠭᠰᠡᠨᠨᠢ ᠢᠯᠡᠳᠲᠡ ᠮᠡᠳᠡᠭᠳᠡᠨᠡ᠃ ᠢᠩᠭᠢᠵᠦ ᠪᠠᠢᠭᠠᠳ ᠬᠢᠴᠢᠶᠡᠯ ᠪᠠᠭᠤᠬᠤᠠᠴᠠ ᠤᠷᠢᠳ ᠬᠠᠷᠢᠴᠢᠬᠠᠭᠰᠠᠨᠨᠢ ᠲᠡᠭᠦᠨᠦ ᠨᠢᠭᠡ ᠨᠠᠰᠤᠨᠳᠤ ᠠᠩᠬᠠ ᠤᠳᠠᠭᠠ ᠭᠠᠷᠤᠭᠰᠠᠨ ᠶᠠᠪᠤᠳᠠᠯ ᠪᠢᠯᠡ᠃ ᠦᠳᠡᠶᠢᠨ ᠬᠣᠭᠤᠯᠠᠴᠤ ᠢᠳᠡᠭᠰᠡᠨᠦᠭᠡᠢ᠃ ᠲᠡᠷᠡ ᠬᠢᠷᠢ ᠵᠤᠨᠤ ᠴᠠᠭ ᠪᠣᠯᠴᠢᠬᠠᠭᠰᠠᠨ ᠪᠣᠯᠪᠠᠴᠤ ᠪᠸᠯᠢᠺᠤᠸ ᠳᠤᠯᠠᠭᠠᠨ ᠬᠤᠪᠴᠠᠯᠠᠵᠤ ᠪᠦᠷᠦᠢᠪᠡᠷ ᠺᠤᠸᠨᠯᠸᠨᠺᠤᠶᠢᠨ ᠭᠡᠷ ᠤᠷᠤᠭᠤ ᠮᠠᠢᠵᠢᠭᠢᠨᠠᠪᠠ᠃ ᠸᠠᠷᠸᠨᠺᠠ ᠭᠡᠷᠲᠡᠭᠡᠨ ᠪᠠᠢᠭᠠᠦᠭᠡᠢ ᠲᠤᠯᠠ ᠭᠠᠭᠴᠠᠬᠠᠨ ᠳᠡᠭᠦᠦᠲᠡᠢᠨᠢ ᠤᠴᠠᠷᠠᠵᠠᠢ᠃
《ᠮᠣᠷᠢᠯᠠᠵᠤ ᠰᠠᠭᠤ》 ᠭᠡᠵᠦ ᠺᠤᠸᠨᠯᠸᠨᠺᠤ ᠬᠥᠮᠦᠰᠭᠡᠪᠡᠨ ᠵᠠᠩᠭᠢᠳᠴᠤ ᠬᠦᠢᠲᠡᠨᠢᠶᠡᠷ ᠥᠭᠦᠯᠡᠪᠡ᠃ ᠪᠸᠯᠢᠺᠤᠸ ᠤᠳᠡᠰᠬᠢᠭᠡᠳ ᠤᠢᠳᠭᠠᠷᠲᠠᠢ ᠳᠣᠣᠷᠠ ᠳᠠᠭᠤᠨᠢᠶᠠᠷ ᠥᠭᠦᠯᠡᠭᠰᠡᠨᠨᠢ:
《ᠪᠢ ᠪᠣᠯ ᠤᠳᠠᠭᠠᠨ ᠵᠢᠯ ᠠᠯᠪᠠ ᠬᠠᠭᠠᠵᠤ ᠪᠤᠢ ᠪᠥᠭᠡᠳ ᠬᠠᠷᠢᠨ ᠲᠠ ᠰᠠᠶᠢ ᠠᠯᠪᠠ ᠬᠠᠭᠠᠵᠤ ᠡᠬᠢᠯᠡᠵᠦ ᠪᠤᠢ ᠲᠤᠯᠠ ᠪᠢ ᠠᠬᠠ ᠬᠥᠮᠦᠨᠦ ᠬᠤᠪᠢᠳᠤ ᠲᠠᠨᠢ ᠢᠳᠭᠠᠬᠤ ᠶᠠᠪᠤᠳᠠᠯ ᠪᠣᠯ ᠮᠢᠨᠦ ᠡᠭᠦᠷᠭᠡ ᠭᠡᠵᠦ ᠪᠣᠳᠤᠨᠠ᠃ ᠲᠠ ᠳᠤᠭᠤᠢ ᠤᠨᠤᠵᠤ ᠵᠤᠭᠠᠴᠠᠵᠤ ᠪᠠᠢᠨᠠ᠂ ᠡᠨᠡ ᠪᠣᠯ ᠵᠠᠯᠠᠭᠤᠰᠢ ᠬᠥᠮᠦᠵᠢᠭᠦᠯᠦᠭᠴᠢ ᠬᠥᠮᠦᠨᠳᠦ ᠶᠡᠷᠦ ᠵᠣᠬᠢᠰᠦᠭᠡᠢ ᠬᠡᠷᠡᠭ!》 ᠭᠡᠪᠡ᠃
《ᠶᠠᠭᠠᠬᠢᠭᠠᠳ ᠲᠡᠷᠡ ᠪᠤᠢ?》 ᠭᠡᠵᠦ ᠺᠤᠸᠨᠯᠸᠨᠺᠤ ᠪᠦᠳᠦᠭᠦᠨ ᠳᠠᠭᠤᠨᠢᠶᠠᠷ ᠠᠰᠠᠭᠤᠪᠠ᠃
《ᠮᠢᠬᠠᠢᠯ ᠰᠸᠢᠴᠧᠮᠢᠨᠢ᠂ ᠡᠭᠦᠨᠳᠦ ᠲᠠᠢᠯᠪᠤᠷᠢᠯᠠᠬᠤ ᠬᠡᠷᠡᠭ ᠶᠠᠭᠤ ᠪᠠᠢᠬᠤ ᠪᠤᠢ! ᠡᠨᠡᠨᠢ ᠣᠢᠯᠠᠭᠠᠮᠵᠢᠦᠭᠡᠢ ᠪᠠᠢᠨᠠ ᠭᠡᠵᠦᠦᠦ! ᠬᠡᠷᠪᠡ ᠪᠠᠭᠰᠢᠨᠢ ᠳᠤᠭᠤᠢᠲᠠᠢ ᠶᠠᠪᠤᠬᠤ ᠠᠬᠤᠯᠠ ᠰᠤᠷᠤᠭᠴᠢᠳᠢ ᠶᠠᠭᠠᠬᠢᠵᠤ ᠰᠠᠢᠨ ᠵᠦᠭ ᠵᠢᠯᠤᠭᠤᠳᠬᠤ ᠪᠤᠢ? ᠲᠡᠳᠡ ᠲᠣᠯᠤᠭᠠᠢᠪᠠᠷᠢᠶᠠᠨ ᠬᠥᠯ ᠬᠢᠵᠦ ᠶᠠᠪᠤᠬᠤ ᠬᠥᠮᠦᠰᠯᠡ ᠪᠣᠯᠤᠨᠠ! ᠳᠤᠭᠤᠢ ᠤᠨᠤᠬᠤᠶᠢ ᠵᠥᠪᠰᠢᠶᠡᠷᠡᠭᠰᠡᠨ ᠲᠣᠳᠤᠷᠬᠠᠢ ᠬᠠᠤᠯᠢᠦᠭᠡᠢ ᠤᠴᠢᠷᠠᠴᠠ ᠪᠣᠯᠬᠤᠦᠭᠡᠢ ᠰᠢᠤ᠃ ᠥᠴᠦᠭᠡᠳᠦᠷ ᠪᠢ ᠦᠨᠡᠬᠡᠷ ᠠᠶᠤᠵᠤ ᠰᠣᠴᠢᠪᠠ! ᠪᠢ ᠲᠠᠨᠤ ᠡᠭᠡᠴᠢᠶᠢ ᠦᠵᠡᠮᠡᠭᠴᠡ ᠨᠢᠳᠦ ᠪᠦᠷᠬᠦᠵᠦ ᠬᠠᠷᠠᠩᠭᠤᠢᠯᠠᠪᠠ᠃ ᠨᠢᠭᠡᠨ ᠠᠪᠠᠬᠠᠢ ᠡᠰᠡᠬᠦᠯᠡ ᠨᠢᠭᠡᠨ ᠥᠬᠢᠨ ᠬᠥᠮᠦᠨ ᠬᠠᠷᠢᠨ ᠳᠤᠭᠤᠢ ᠤᠨᠤᠬᠤ ᠭᠡᠰᠡᠨᠴᠢᠨᠢ - ᠡᠨᠡ ᠦᠨᠡᠬᠡᠷ ᠠᠶᠤᠮᠰᠢᠭᠲᠠᠢ ᠠᠵᠢ!》
《ᠲᠠᠨᠤ ᠰᠠᠨᠠᠭᠠᠪᠠᠷ ᠪᠣᠯ ᠶᠠᠭᠠᠬᠢᠬᠤ ᠪᠤᠢ?》
《ᠨᠠᠳᠠ᠂ ᠲᠠᠨᠢ ᠢᠳᠭᠠᠬᠤᠯᠠ ᠬᠡᠷᠡᠭᠲᠡᠢ ᠪᠠᠢᠨᠠ᠂ ᠮᠢᠬᠠᠢᠯ ᠰᠸᠢᠴᠧᠮᠢᠨᠢ᠃ ᠲᠠ ᠪᠣᠯ ᠵᠠᠯᠠᠭᠤ ᠬᠥᠮᠦᠨ᠂ ᠢᠷᠡᠭᠡᠳᠦᠢ ᠪᠣᠯ ᠡᠮᠦᠨᠡᠴᠢᠨᠢ ᠰᠠᠷᠠᠭᠤᠯ ᠪᠠᠢᠨᠠ᠃ ᠲᠠ ᠶᠠᠭᠤᠮᠠᠨᠳᠤ ᠪᠣᠯᠭᠤᠮᠵᠢᠲᠠᠢ ᠪᠠᠢᠪᠠᠯ ᠵᠣᠬᠢᠨᠠ᠃ ᠬᠠᠷᠢᠨ ᠲᠠ ᠶᠡᠷᠦ ᠶᠠᠭᠤᠮᠠᠶᠢ ᠦᠯᠦ ᠣᠢᠰᠢᠶᠠᠬᠤ ᠮᠠᠶᠢᠭᠲᠠᠢ ᠪᠠᠢᠨᠠ ᠰᠢᠤ᠃ ᠲᠠ ᠬᠡ ᠤᠭᠠᠯᠵᠠᠲᠠᠢ ᠴᠠᠮᠴᠠ ᠡᠮᠦᠰᠴᠦ ᠭᠤᠳᠤᠮᠵᠢᠨᠠ ᠶᠠᠩᠵᠤ ᠪᠦᠷᠢᠶᠢᠨ ᠨᠣᠮ ᠲᠡᠪᠡᠷᠢᠨ ᠶᠠᠪᠤᠳᠠᠭᠠᠴᠠᠪᠠᠨ ᠣᠳᠣ ᠬᠠᠷᠢᠨ ᠪᠠᠰᠠ ᠳᠤᠭᠤᠢ ᠤᠨᠤᠳᠠᠭ ᠪᠣᠯᠪᠠ᠃ ᠲᠠ ᠡᠭᠡᠴᠢᠲᠡᠢᠪᠡᠨ ᠳᠤᠭᠤᠢ ᠤᠨᠤᠵᠤ ᠪᠤᠢᠶᠢᠨ ᠲᠤᠬᠠᠢ ᠰᠤᠷᠭᠠᠭᠤᠯᠢᠶᠢᠨ ᠳᠠᠷᠤᠭᠠ ᠮᠡᠳᠡᠵᠦ᠂ ᠴᠢᠨᠠᠭᠰᠢᠳᠠ ᠰᠠᠢᠳ ᠮᠡᠳᠡᠪᠡᠯ ᠶᠠᠭᠠᠬᠢᠬᠤ ᠪᠢᠯᠡ᠃ ᠶᠠᠮᠠᠷ ᠰᠠᠢᠨ ᠪᠠᠢᠬᠤ ᠪᠤᠢ᠃ 》
《ᠡᠭᠡᠴᠢ ᠪᠢᠳᠡ ᠬᠣᠶᠠᠷᠤᠨ ᠳᠤᠭᠤᠢ ᠤᠨᠤᠵᠤ ᠪᠠᠢᠭᠠᠨᠢ ᠬᠡᠨᠳᠦᠴᠦ ᠬᠦᠷᠲᠡᠭᠡᠯᠦᠭᠡᠢ ᠬᠡᠷᠡᠭ᠃ ᠶᠡᠷᠦ ᠮᠢᠨᠦ ᠬᠤᠪᠢᠶᠢᠨ ᠬᠡᠷᠡᠭᠲᠦ ᠣᠷᠤᠯᠴᠠᠭᠰᠠᠨ ᠬᠥᠮᠦᠨᠢ ᠪᠢ ᠬᠥᠭᠡᠭᠡᠵᠦ ᠭᠠᠷᠭᠠᠨᠠ》 ᠭᠡᠵᠦ ᠺᠤᠸᠨᠯᠸᠨᠺᠤ ᠬᠡᠯᠡᠵᠦ ᠨᠢᠭᠤᠷᠨᠢ ᠤᠯᠠᠢᠪᠠ᠃
ᠪᠸᠯᠢᠺᠤᠸᠤᠨ ᠴᠢᠷᠠᠢ ᠬᠤᠪᠠᠬᠠᠢ ᠪᠣᠯᠤᠨ ᠪᠣᠰᠴᠤ ᠵᠣᠭᠰᠤᠪᠠ᠃
《ᠬᠡᠷᠪᠡ ᠲᠠ ᠨᠠᠳᠠᠲᠠᠢ ᠡᠢᠮᠦ ᠮᠠᠶᠢ᠍ᠭᠢᠶᠠᠷ ᠶᠠᠷᠢᠪᠠᠯ ᠪᠢ ᠴᠢᠨᠠᠭᠰᠢᠳᠠ ᠦᠷᠭᠦᠯᠵᠢᠯᠡᠵᠦ ᠦᠯᠦ ᠴᠢᠳᠠᠨᠠ᠂ ᠮᠢᠨᠦ ᠳᠡᠷᠭᠡᠳᠡ ᠡᠷᠬᠡ ᠪᠠᠷᠢᠭᠴᠢᠳᠤᠨ ᠲᠤᠬᠠᠢ ᠡᠢᠮᠦ ᠦᠭᠡ ᠪᠢᠲᠡᠭᠡᠢ ᠶᠠᠷᠢ ᠭᠡᠵᠦ ᠭᠤᠶᠤᠶᠠ᠂ ᠲᠠ ᠡᠷᠬᠡ ᠪᠠᠷᠢᠭᠴᠢᠳᠢ ᠬᠦᠨᠳᠦᠯᠡᠬᠦ ᠬᠡᠷᠡᠭᠲᠡᠢ ᠰᠢᠤ》 ᠭᠡᠬᠦᠳᠦᠨᠢ ᠺᠤᠸᠨᠯᠸᠨᠺᠤ ᠠᠭᠤᠷᠲᠠᠢ ᠬᠠᠷᠠᠵᠤ:
《ᠡᠷᠬᠡ ᠪᠠᠷᠢᠭᠴᠢᠳᠤᠨ ᠲᠤᠬᠠᠢ ᠪᠢ ᠶᠠᠮᠠᠷ ᠮᠠᠭᠤ ᠶᠠᠭᠤᠮᠠ ᠶᠠᠷᠢᠭᠰᠠᠨ ᠪᠤᠢ? ᠴᠢ ᠲᠣᠨᠢᠯ᠂ ᠪᠢ ᠰᠢᠳᠤᠷᠭᠤ ᠰᠢᠯᠤᠭᠤᠨ ᠬᠥᠮᠦᠨ᠂ ᠴᠢᠮᠠᠰᠢᠭ᠋ ᠡᠢᠮᠦ ᠠᠪᠤᠭᠠᠢᠲᠠᠢ ᠶᠠᠷᠢᠬᠤ ᠳᠤᠷᠠᠦᠭᠡᠢ ᠪᠠᠢᠨᠠ᠃ ᠪᠢ ᠶᠡᠷᠦ ᠳᠠᠯᠳᠠ ᠭᠠᠵᠠᠷ ᠬᠣᠪ ᠦᠭᠡ ᠬᠡᠯᠡᠬᠦ ᠬᠥᠮᠦᠰᠢ ᠲᠤᠩ ᠶᠡᠬᠡ ᠵᠢᠭᠰᠢᠳᠡᠭ!》 ᠭᠡᠪᠡ᠃
ᠪᠸᠯᠢᠺᠤᠸᠤᠨ ᠰᠡᠳᠭᠢᠯ ᠰᠠᠮᠠᠭᠤᠷᠠᠨ ᠲᠦᠷᠭᠡᠨ ᠬᠥᠳᠡᠯᠭᠡᠭᠡᠨᠢᠶᠡᠷ ᠳᠡᠪᠡᠯᠢᠶᠡᠨ ᠡᠮᠦᠰᠬᠦᠳᠦ ᠴᠢᠷᠠᠢᠳᠤᠨᠢ ᠠᠶᠤᠭᠰᠠᠨ ᠪᠠᠢᠳᠠᠯ ᠢᠯᠡᠷᠡᠵᠦ ᠪᠠᠢᠪᠠ᠃ ᠡᠢᠮᠦ ᠪᠦᠳᠦᠭᠦᠯᠢᠭ ᠰᠢᠷᠦᠭᠦᠨ ᠦᠭᠡᠶᠢ ᠪᠸᠯᠢᠺᠤᠸ ᠠᠩᠬᠠ ᠤᠳᠠᠭᠠ ᠰᠣᠨᠤᠰᠴᠤ ᠪᠤᠢ ᠪᠢᠵᠡ ᠳ᠋ᠠ᠃
ᠪᠸᠯᠢᠺᠤᠸ ᠬᠠᠭᠠᠯᠭᠠᠪᠠᠷ ᠱᠠᠲᠤᠨᠤ ᠲᠠᠪᠴᠠᠩ ᠳᠡᠭᠡᠷᠡ ᠭᠠᠷᠴᠤ:
《ᠲᠠ ᠶᠠᠭᠤ ᠶᠠᠷᠢᠭᠰᠠᠨᠴᠤ ᠬᠠᠮᠢᠭᠠᠦᠭᠡᠢ᠂ ᠳᠤᠷᠠᠪᠠᠷ ᠪᠣᠯ᠂ ᠪᠢ ᠭᠠᠭᠴᠠᠬᠦ ᠲᠠᠨᠳᠤ ᠤᠷᠢᠳᠠᠠᠴᠠ ᠰᠡᠷᠡᠮᠵᠢᠯᠡᠭᠦᠯᠦᠶᠡ: ᠪᠢᠳᠡ ᠬᠣᠶᠠᠷᠤᠨ ᠶᠠᠷᠢᠶᠠᠶᠢ ᠬᠥᠮᠦᠨ ᠰᠣᠨᠤᠰᠤᠭᠰᠠᠨ ᠪᠠᠢᠬᠤ ᠮᠠᠭᠠᠳ᠃ ᠡᠢᠮᠦᠳᠦ ᠪᠢᠳᠡᠨᠦ ᠶᠠᠷᠢᠶᠠᠶᠢ ᠴᠢᠨᠠᠭᠰᠢ ᠭᠠᠵᠢᠭᠤᠳᠠᠭᠤᠯᠬᠤᠦᠭᠡᠢ ᠪᠠ ᠶᠠᠭᠤᠮᠠ ᠪᠣᠯᠭᠠᠬᠤᠦᠭᠡᠢᠶᠢᠨ ᠲᠤᠯᠠᠳᠠ ᠰᠤᠷᠭᠠᠭᠤᠯᠢᠶᠢᠨ ᠳᠠᠷᠤᠭᠠᠳᠤ ᠪᠢᠳᠡ ᠬᠣᠶᠠᠷᠤᠨ ᠶᠠᠷᠢᠯᠴᠠᠭᠰᠠᠨ ᠶᠠᠷᠢᠶᠠᠶᠢᠨ ᠭᠣᠣᠯᠢ ᠮᠡᠳᠡᠭᠦᠯᠦᠨᠡ᠂ ᠪᠢ ᠢᠩᠭᠢᠬᠦᠦᠭᠡᠢ ᠦᠯᠦ ᠪᠣᠯᠤᠨᠠ》 ᠭᠡᠪᠡ᠃
《ᠮᠡᠳᠡᠭᠦᠯᠦᠨᠡ ᠭᠡᠨᠡ? ᠴᠢᠩᠭᠢ᠂ ᠣᠴᠢᠵᠤ ᠮᠡᠳᠡᠭᠦᠯ!》
ᠺᠤᠸᠨᠯᠸᠨᠺᠤ᠂ ᠪᠸᠯᠢᠺᠤᠸᠤᠨ ᠠᠷᠤᠠᠴᠠᠨᠢ ᠳᠡᠪᠡᠯᠦᠨ ᠵᠠᠭᠠᠮᠠᠶᠢᠨᠢ ᠪᠠᠷᠢᠵᠤ᠂ ᠱᠠᠲᠤ ᠤᠷᠤᠭᠤ ᠲᠦᠯᠬᠢᠭᠰᠡᠨᠳᠦ ᠲᠡᠷᠡ ᠤᠰᠤᠨ ᠭᠤᠲᠤᠯ ᠵᠡᠷᠭᠡ ᠶᠠᠭᠤᠮᠠᠰᠲᠠᠢᠪᠠᠨ ᠵᠡᠷᠭᠡᠪᠡᠷ ᠫᠢᠷᠭᠢᠨᠠᠭᠤᠯᠤᠨ ᠳᠣᠣᠷᠠᠳᠤ ᠳᠠᠪᠬᠤᠷ ᠬᠦᠷᠲᠡᠯᠡ ᠥᠩᠬᠦᠷᠢᠨ ᠤᠨᠠᠪᠠ᠃ ᠱᠠᠲᠤᠨᠢ ᠥᠨᠳᠦᠷ ᠡᠭᠴᠡᠪᠲᠦᠷ ᠪᠣᠯᠪᠠᠴᠤ ᠲᠡᠷᠡ ᠬᠠᠷᠢᠨ ᠮᠡᠨᠳᠦ ᠥᠩᠬᠦᠷᠢᠨ ᠪᠠᠭᠤᠭᠠᠳ ᠥᠨᠳᠡᠢᠨ ᠪᠣᠰᠴᠤ᠂ ᠨᠢᠳᠦᠨ ᠰᠢᠯᠦᠨᠢᠶᠡᠨ ᠪᠦᠲᠦᠨ ᠡᠰᠡᠬᠦᠶᠢ ᠲᠡᠮᠲᠡᠷᠢᠨ᠂ ᠬᠠᠮᠠᠷᠢᠶᠠᠨ ᠪᠠᠷᠢᠵᠤ ᠦᠵᠡᠪᠡ᠃ ᠭᠡᠪᠡᠴᠦ ᠲᠡᠭᠦᠨᠢ ᠱᠠᠲᠤᠨ ᠳᠡᠭᠡᠷᠡ ᠥᠩᠬᠦᠷᠢᠳᠡᠵᠦ ᠪᠠᠢᠬᠤ ᠦᠶᠡᠳᠦ ᠸᠠᠷᠸᠨᠺᠠ ᠬᠣᠶᠠᠷ ᠬᠠᠲᠤᠭᠲᠠᠢᠶᠢᠨ ᠬᠠᠮᠲᠤ ᠢᠷᠡᠵᠦ ᠬᠠᠷᠠᠵᠠᠭᠠᠵᠤ ᠪᠠᠢᠭᠰᠠᠨᠨᠢ ᠪᠸᠯᠢᠺᠤᠸᠳᠤ ᠶᠠᠭᠤᠮᠠ ᠪᠦᠬᠦᠨᠡᠴᠡ ᠠᠶᠤᠯᠲᠠᠢ ᠪᠠᠢᠵᠠᠢ᠃ ᠪᠣᠳᠤᠬᠤᠳᠤ᠂ ᠢᠨᠢᠶᠡᠳᠦᠮ ᠳᠣᠭᠤᠭᠢ ᠪᠣᠯᠬᠤᠠᠴᠠ ᠬᠦᠵᠦᠭᠦᠦᠪᠡᠨ ᠪᠤᠯᠭᠤᠯᠵᠤ᠂ ᠬᠥᠯᠢᠶᠡᠨ ᠬᠤᠭᠤᠯᠪᠠᠯ ᠳᠡᠭᠡᠷᠡ ᠭᠡᠵᠦ ᠰᠠᠨᠠᠬᠤ ᠪᠢᠵᠡ᠃ ᠣᠳᠣ ᠪᠦᠬᠦ ᠬᠣᠲᠠ ᠮᠡᠳᠡᠵᠦ᠂ ᠰᠤᠷᠭᠠᠭᠤᠯᠢᠶᠢᠨ ᠳᠠᠷᠤᠭᠠ᠂ ᠴᠢᠨᠠᠭᠰᠢ ᠰᠠᠢᠳᠲᠤ ᠬᠦᠷᠭᠡᠪᠡᠯ - ᠠᠢ᠂ ᠶᠠᠮᠠᠷ ᠨᠢᠭᠡ ᠶᠠᠪᠤᠳᠠᠯ ᠭᠠᠷᠤᠭᠤᠵᠠᠢ ᠳ᠋ᠠ ! ᠡᠴᠦᠰᠲᠦᠨᠢ ᠵᠠᠷᠯᠢᠭᠢᠶᠠᠷ ᠠᠵᠢᠯᠢᠶᠠᠨ ᠬᠠᠯᠠᠭᠳᠠᠬᠤ ᠮᠠᠭᠠᠳ᠃ ᠁
ᠪᠸᠯᠢᠺᠤᠸᠢ ᠥᠨᠳᠡᠢᠵᠦ ᠪᠣᠰᠬᠤᠳᠤ᠂ ᠸᠠᠷᠸᠨᠺᠠᠲᠡᠭᠦᠨᠢ ᠰᠠᠶᠢ ᠲᠠᠨᠢᠵᠤ᠂ ᠬᠠᠴᠢᠨ ᠰᠣᠨᠢᠨ ᠪᠢᠴᠢᠬᠠᠨ ᠴᠢᠷᠠᠢ᠂ ᠦᠷᠴᠢᠢᠭᠰᠡᠨ ᠳᠡᠪᠡᠯ᠂ ᠤᠰᠤᠨᠤ ᠭᠤᠲᠤᠯ ᠵᠡᠷᠭᠡ ᠤᠷᠤᠭᠤᠨᠢ ᠬᠠᠷᠠᠵᠤ ᠶᠠᠭᠤ ᠪᠣᠯᠤᠭᠰᠠᠨᠢ ᠦᠯᠦ ᠮᠡᠳᠡᠨ ᠭᠠᠢᠬᠠᠵᠤ᠂ ᠥᠪᠡᠷᠢᠶᠡᠨ ᠬᠥᠯ ᠠᠯᠳᠠᠵᠤ ᠤᠨᠠᠭᠰᠠᠨ ᠪᠠᠢᠬᠤ ᠭᠡᠵᠦ ᠪᠣᠳᠤᠭᠠᠳ ᠡᠰᠡ ᠲᠡᠰᠪᠦᠷᠢᠯᠡᠨ ᠪᠠᠢᠰᠢᠩ ᠳᠦᠭᠦᠷᠡᠩ ᠴᠤᠤᠷᠢᠶᠠᠲᠤᠭᠤᠯᠤᠨ 《ᠬᠠ ᠬᠠ ᠬᠠ!》 ᠭᠡᠵᠦ ᠢᠨᠢᠶᠡᠳᠦ ᠠᠯᠳᠠᠪᠠ᠃
ᠡᠨᠡᠬᠦ ᠴᠤᠤᠷᠢᠶᠠᠲᠤ 《ᠬᠠ ᠬᠠ ᠬᠠ》 ᠭᠡᠰᠡᠨ ᠢᠨᠢᠶᠡᠳᠦ ᠠᠯᠢᠪᠠᠶᠢ ᠡᠴᠦᠰᠯᠡᠭᠦᠯᠪᠡ᠃ ᠲᠤᠭᠤᠷᠪᠢᠵᠤ ᠪᠠᠢᠭᠰᠠᠨ ᠤᠷᠤᠭᠢ ᠡᠴᠦᠰᠯᠡᠭᠦᠯᠪᠡ᠃ ᠪᠸᠯᠢᠺᠤᠸᠤᠨ ᠨᠢᠭᠡ ᠨᠠᠰᠤᠶᠢ ᠡᠴᠦᠰᠯᠡᠭᠦᠯᠪᠡ᠃ ᠪᠸᠯᠢᠺᠤᠸ᠂ ᠸᠠᠷᠸᠨᠺᠠ ᠶᠠᠭᠤ ᠬᠡᠯᠡᠭᠰᠡᠨᠢᠴᠦ ᠳᠤᠭᠤᠯᠤᠭᠰᠠᠨᠦᠭᠡᠢ᠂ ᠶᠠᠭᠤᠴᠤ ᠣᠯᠵᠤ ᠬᠠᠷᠠᠭᠰᠠᠨᠦᠭᠡᠢ ᠰᠢᠭᠤᠳ ᠭᠡᠷᠲᠡᠭᠡᠨ ᠡᠭᠡᠵᠦ ᠢᠷᠡᠭᠡᠳ ᠰᠢᠷᠡᠭᠡᠨ ᠳᠡᠭᠡᠷᠡᠬᠢ ᠸᠠᠷᠸᠨᠺᠠᠶᠢᠨ ᠵᠢᠷᠤᠭᠢ ᠠᠪᠴᠤ ᠬᠠᠶᠠᠭᠠᠳ᠂ ᠣᠷᠤᠨᠳᠠᠭᠠᠨ ᠣᠷᠤᠵᠤ ᠬᠡᠪᠲᠡᠨ ᠳᠠᠬᠢᠨ ᠶᠡᠷᠦ ᠪᠣᠰᠤᠭᠰᠠᠨᠦᠭᠡᠢ ᠪᠢᠯᠡ᠃ ᠁
ᠪᠢᠳᠡ ᠪᠤᠯᠠᠰᠢᠨ ᠳᠡᠭᠡᠷᠡᠡᠴᠡ ᠪᠠᠶᠠᠷᠲᠠᠢᠬᠠᠨ ᠪᠤᠴᠠᠵᠠᠭᠠᠯᠠ᠃ ᠭᠡᠪᠡᠴᠦ ᠭᠠᠷᠠᠭ ᠪᠣᠯᠤᠭᠠᠳᠤᠢᠪᠠᠷ ᠠᠮᠢᠳᠤᠷᠠᠯ ᠮᠥᠨᠯᠡ ᠥᠨᠥᠬᠢ ᠤᠢᠳᠭᠠᠷᠲᠠᠢ᠂ ᠤᠳᠭᠠ ᠠᠭᠤᠯᠭᠠᠦᠭᠡᠢ᠂ ᠤᠬᠠᠭᠠᠨ ᠲᠥᠬᠦᠭᠡᠨᠢ ᠣᠯᠳᠠᠬᠤᠦᠭᠡᠢ ᠪᠠᠢᠳᠠᠯᠳᠠᠭᠠᠨ ᠣᠷᠤᠪᠠ᠃ ᠰᠠᠢᠵᠢᠷᠠᠭᠰᠠᠨ ᠶᠠᠭᠤᠮᠠ ᠣᠭᠲᠤ ᠠᠯᠠᠭᠠ᠃ ᠪᠢᠳᠡ ᠪᠸᠯᠢᠺᠤᠸᠢ ᠪᠤᠯᠠᠰᠢᠯᠠᠭᠰᠠᠨ ᠪᠣᠯᠪᠠᠴᠤ ᠲᠡᠭᠦᠨᠰᠢᠭ ᠳᠤᠭᠲᠤᠢ ᠳᠣᠲᠤᠷᠠᠬᠢ ᠬᠥᠮᠦᠨ ᠪᠠᠰᠠ ᠬᠡᠴᠢᠨᠡᠨ ᠪᠠᠢᠬᠤᠶᠢ ᠪᠤᠤ ᠮᠡᠳᠡ᠂ ᠬᠣᠢᠰᠢᠳᠠᠴᠤ ᠬᠡᠴᠢᠨᠡᠨ ᠭᠠᠷᠬᠤᠶᠢ ᠬᠡᠨ ᠮᠡᠳᠡᠬᠦᠶᠦᠮ!