| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠯᠢᠩᠬᠤᠸᠠᠲᠤ ᠨᠠᠭᠤᠷᠤᠨ ᠰᠠᠷᠠᠨᠤ ᠲᠤᠶᠠᠭᠠ
ᠣᠢᠷᠠᠶᠢᠨ ᠡᠳᠦᠷᠦᠳᠲᠦ ᠰᠠᠨᠠᠭᠠ ᠰᠡᠳᠭᠢᠯᠮᠢᠨᠢ ᠲᠤᠩ ᠲᠠᠢᠪᠤᠭᠤᠨ ᠪᠤᠰᠤ ᠪᠠᠢᠪᠠ᠃ ᠡᠨᠡ ᠣᠷᠤᠢ ᠬᠦᠷᠢᠶᠡᠨ ᠳᠤᠮᠳᠠ ᠰᠠᠭᠤᠵᠤ ᠰᠡᠷᠢᠭᠦᠴᠡᠨ ᠪᠠᠢᠭᠠᠳ ᠭᠡᠨᠡᠳᠲᠡ ᠡᠳᠦᠷ ᠪᠦᠷᠢ ᠥᠭᠰᠦᠨ ᠤᠷᠤᠭᠤᠳᠠᠳᠠᠭ ᠯᠢᠩᠬᠤᠸᠠᠲᠤ ᠨᠠᠭᠤᠷ ᠰᠠᠨᠠᠭᠠᠨᠳᠤᠮᠢᠨᠢ ᠣᠷᠤᠵᠤ᠂ ᠲᠦᠭᠦᠷᠢᠭ ᠰᠠᠷᠠᠨ ᠲᠤᠶᠠᠭᠠᠨᠳᠤ ᠵᠠᠪᠠᠯ ᠥᠭᠡᠷᠡ ᠨᠢᠭᠡᠨ ᠦᠵᠡᠮᠵᠢ ᠪᠠᠢᠳᠠᠯᠲᠠᠢ ᠪᠠᠢᠬᠤ ᠡ ᠭᠡᠵᠦ ᠪᠣᠳᠤᠪᠠ᠃ ᠰᠠᠷᠠᠨ ᠠᠯᠭᠤᠷᠢᠶᠠᠷ ᠮᠠᠨᠳᠤᠯᠠ᠃ ᠬᠡᠷᠡᠮᠦᠨ ᠭᠠᠳᠠᠨᠠᠬᠢ ᠵᠠᠰᠠᠮᠠᠯ ᠵᠠᠮ ᠳᠡᠭᠡᠷᠡ ᠬᠡᠦᠬᠡᠳᠦᠳᠦᠨ ᠬᠥᠭᠡᠷᠦᠯᠳᠦᠨ ᠢᠨᠢᠶᠡᠬᠦ ᠳᠠᠭᠤᠨ ᠨᠢᠭᠡᠨᠲᠡ ᠬᠤᠷᠢᠶᠠᠭᠳᠠᠯᠠ᠃ ᠡᠬᠡᠨᠡᠷ ᠮᠠᠨᠢ ᠭᠡᠷᠲᠡᠭᠡᠨ ᠬᠦᠦᠪᠡᠨ ᠲᠠᠪᠰᠢᠵᠤ᠂ ᠪᠦᠪᠡᠢᠶᠢᠨ ᠳᠠᠭᠤᠤ ᠭᠢᠩᠰᠢᠵᠦ ᠵᠡᠭᠦᠷᠮᠡᠭᠯᠡᠨᠡ᠃ ᠪᠢ ᠰᠡᠮᠬᠡᠨ ᠴᠠᠮᠴᠠᠪᠠᠨ ᠡᠮᠦᠰᠴᠦ ᠬᠠᠭᠠᠯᠭᠠᠪᠠᠨ ᠬᠠᠭᠠᠨ ᠭᠠᠷᠴᠤ ᠣᠳᠪᠠ᠃
ᠯᠢᠩᠬᠤᠸᠠᠲᠤ ᠨᠠᠭᠤᠷᠤᠨ ᠬᠥᠪᠡᠭᠡ ᠳᠠᠭᠠᠤ ᠨᠡᠭᠦᠷᠡᠰᠦᠨ ᠬᠣᠭ ᠳᠡᠪᠢᠰᠦᠭᠰᠡᠨ ᠮᠤᠷᠤᠢ ᠰᠠᠷᠤᠢ ᠨᠠᠷᠢᠨ ᠵᠠᠮ ᠪᠠᠢᠳᠠᠭ᠃ ᠡᠨᠡ ᠪᠣᠯ ᠪᠣᠢᠳᠠ ᠰᠡᠯᠡᠭᠦᠨ ᠵᠠᠮᠶᠤᠮ᠃ ᠡᠳᠦᠷᠴᠦ ᠭᠡᠰᠡᠨ ᠬᠥᠮᠦᠨ ᠬᠠᠷᠠ ᠮᠠᠰᠢ ᠴᠥᠭᠡᠨ ᠶᠠᠪᠤᠳᠠᠭ ᠣᠷᠤᠢ ᠦᠳᠡᠰᠢ ᠨᠡᠩᠴᠦ ᠨᠠᠮ ᠬᠦᠮ᠃ ᠯᠢᠩᠬᠤᠸᠠᠲᠤ ᠨᠠᠭᠤᠷᠤᠨ ᠲᠣᠭᠤᠷᠢᠨᠳᠤ ᠰᠠᠬᠤᠯᠠᠭ ᠤᠷᠭᠤᠭᠰᠠᠨ ᠣᠢ ᠮᠣᠳᠤ ᠯᠦᠭᠯᠦᠢᠨ ᠰᠦᠭᠯᠡᠢᠵᠡᠢ᠃ ᠵᠠᠮᠤᠨ ᠨᠢᠭᠡ ᠲᠠᠯᠠᠪᠠᠷ ᠤᠷᠭᠤᠭᠰᠠᠨᠨᠢ ᠤᠳᠠ ᠤᠯᠢᠶᠠᠰᠤ ᠪᠣᠯᠤᠨ ᠬᠡᠰᠡᠭ ᠨᠡᠷᠡᠶᠢᠨᠢ ᠮᠡᠳᠡᠬᠦᠦᠭᠡᠢ ᠮᠣᠳᠤᠳ ᠪᠠᠢᠪᠠ᠃ ᠡᠨᠡ ᠵᠠᠮ ᠰᠠᠷᠠᠦᠭᠡᠢ ᠰᠥᠨᠢ ᠪᠣᠯ ᠪᠥᠷᠲᠦᠢᠨ ᠬᠠᠩᠬᠠᠢᠷᠠᠵᠤ ᠠᠢᠳᠠᠰ ᠬᠦᠷᠦᠮᠡᠷᠶᠦᠮ᠃ ᠰᠠᠷᠠᠨᠤ ᠲᠤᠶᠠᠭᠠ ᠭᠡᠢᠪᠡᠩᠷᠡᠨ ᠰᠠᠴᠤᠷᠠᠵᠤ ᠪᠠᠢᠪᠠᠴᠤ ᠡᠨᠡ ᠣᠷᠤᠢ ᠬᠠᠷᠢᠨ ᠮᠠᠰᠢ ᠰᠠᠢᠬᠠᠨ᠃
ᠵᠠᠮᠢᠶᠠᠷ ᠪᠢ ᠭᠠᠭᠴᠠᠭᠠᠷᠢᠶᠠᠨ ᠨᠢᠷᠤᠭᠤ ᠡᠭᠦᠷᠴᠦ ᠰᠡᠯᠡᠭᠦᠴᠡᠨᠡ᠃ ᠡᠨᠡ ᠬᠡᠰᠡᠭ ᠭᠠᠵᠠᠷ ᠡᠭᠡᠭᠡᠯᠡ ᠭᠠᠭᠴᠠ ᠮᠢᠨᠦᠬᠢᠰᠢᠭᠯᠡ ᠪᠠᠢᠯᠠ᠃ ᠮᠢᠨᠦ ᠪᠡᠶᠡᠴᠦ ᠬᠡᠪ ᠶᠡᠷᠦᠮᠳᠡᠭᠦᠨ ᠪᠠᠢᠳᠠᠯᠢᠶᠠᠨ ᠠᠯᠳᠠᠵᠤ᠂ ᠥᠭᠡᠷᠡ ᠨᠢᠭᠡ ᠶᠢᠷᠲᠢᠨᠴᠦᠳᠦ ᠣᠷᠤᠭᠰᠠᠨ ᠮᠡᠲᠦ᠃ ᠪᠢ ᠬᠥᠷ ᠨᠠᠷᠭᠢᠶᠠᠨᠳᠤ ᠳᠤᠷᠠᠲᠠᠢ ᠮᠥᠷᠲᠡᠭᠡᠨ ᠪᠠᠰᠠ ᠨᠠᠮ ᠰᠡᠯᠡᠭᠦᠦᠳᠦ ᠳᠤᠷᠠᠲᠠᠢ᠃ ᠬᠥᠮᠦᠰᠲᠡᠢ ᠬᠠᠮᠲᠤ ᠰᠠᠭᠤᠯᠴᠠᠬᠤ ᠳᠤᠷᠠᠲᠠᠢ ᠮᠥᠷᠲᠡᠭᠡᠨ ᠪᠠᠰᠠ ᠭᠠᠭᠴᠠᠭᠠᠷ ᠪᠠᠢᠬᠤᠴᠤ ᠳᠤᠷᠠᠲᠠᠢ᠂ ᠥᠨᠥ ᠣᠷᠤᠢᠶᠢᠨᠰᠢᠭ᠋᠂ ᠪᠥᠷᠲᠦᠭᠡᠨᠡᠭᠰᠡᠨ ᠰᠠᠷᠠᠨᠤ ᠭᠡᠷᠡᠯᠳᠦ ᠭᠠᠭᠴᠠᠭᠠᠷᠢᠶᠠᠨ ᠰᠠᠭᠠᠲᠠᠵᠤ᠂ ᠶᠠᠭᠤᠴᠤ ᠪᠦᠷ ᠪᠣᠳᠤᠵᠤ ᠪᠣᠯᠬᠤ ᠪᠥᠭᠡᠳ ᠶᠠᠭᠤᠶᠢᠴᠤ ᠪᠦᠷ ᠪᠣᠳᠤᠬᠤᠦᠭᠡᠢ ᠪᠠᠢᠵᠤ ᠪᠠᠰᠠ ᠪᠣᠯᠬᠤ ᠲᠤᠯᠠ ᠶᠣᠰᠤᠲᠠᠢ ᠨᠢᠭᠡ ᠴᠢᠯᠦᠭᠡᠲᠦ ᠬᠥᠮᠦᠨ ᠪᠣᠯᠵᠠᠢ᠃ ᠡᠳᠦᠷ ᠵᠠᠪᠠᠯ ᠭᠦᠢᠴᠡᠳᠭᠡᠬᠦ ᠴᠢᠬᠤᠯᠠᠲᠠᠢ ᠬᠡᠷᠡᠭ ᠤᠴᠢᠷ᠂ ᠵᠠᠪᠠᠯ ᠶᠠᠷᠢᠬᠤ ᠴᠢᠬᠤᠯᠠᠲᠠᠢ ᠦᠭᠡᠶᠢ ᠣᠳᠣ ᠪᠦᠷ ᠬᠠᠢᠬᠤᠷᠬᠤᠦᠭᠡᠢ ᠪᠠᠢᠵᠤ ᠪᠣᠯᠤᠨᠠ᠃ ᠡᠨᠡ ᠪᠣᠯ ᠭᠠᠭᠴᠠᠭᠠᠷᠢᠶᠠᠨ ᠪᠠᠢᠬᠤᠶᠢᠨ ᠬᠠᠪᠤᠲᠠᠢ ᠭᠠᠵᠠᠷ ᠮᠥᠨ᠃ ᠪᠢ ᠯᠢᠩᠬᠤᠠ ᠠᠩᠬᠢᠯᠵᠤ ᠰᠠᠷᠠᠨ ᠲᠤᠶᠠᠭᠠᠷᠠᠭᠰᠠᠨ ᠠᠭᠤᠳᠠᠮ ᠭᠠᠵᠠᠷᠢ ᠰᠣᠨᠢᠷᠬᠠᠵᠤᠯᠠ ᠰᠠᠭᠤᠶᠠ᠃
ᠮᠤᠷᠤᠯᠵᠠᠨ ᠳᠤᠭᠤᠢᠷᠠᠭᠰᠠᠨ ᠯᠢᠩᠬᠤᠸᠠᠲᠤ ᠨᠠᠭᠤᠷᠤᠨ ᠢᠯᠲᠠᠭᠠᠨᠠᠨ ᠭᠣᠷᠤᠢᠭᠰᠠᠨ ᠨᠠᠪᠴᠢᠰ ᠨᠢᠳᠦ ᠳᠦᠭᠦᠷᠡᠩ ᠬᠠᠷᠠᠭᠳᠠᠵᠤ᠂ ᠨᠠᠪᠴᠢᠰ ᠤᠰᠤᠨᠠᠴᠠ ᠬᠣᠯᠠ ᠳᠡᠭᠡᠭᠰᠢ ᠭᠠᠷᠴᠤ᠂ ᠳᠡᠩᠬᠡᠢᠨ ᠵᠣᠭᠰᠤᠵᠤ ᠪᠥᠵᠢᠭᠴᠢᠨ ᠪᠦᠰᠡᠭᠦᠢᠶᠢᠨ ᠪᠠᠩᠵᠠᠯ ᠮᠡᠲᠦ ᠬᠠᠷᠠᠭᠳᠠᠨᠠ᠃ ᠳᠡᠭᠲᠡᠷᠯᠡᠭᠰᠡᠨ ᠨᠠᠪᠴᠢᠰᠤᠨ ᠬᠣᠭᠤᠷᠤᠨᠳᠤᠬᠢ ᠵᠠᠢᠶᠢ ᠴᠠᠭᠠᠨ ᠴᠡᠴᠡᠭᠦᠳᠢᠶᠡᠷ ᠴᠢᠮᠡᠵᠦ᠂ ᠲᠡᠳᠡᠭᠡᠷ ᠴᠡᠴᠡᠭᠦᠳᠦᠨ ᠵᠠᠷᠢᠮᠨᠢ ᠮᠣᠰᠭᠢᠯᠵᠠᠨ ᠮᠢᠷᠠᠯᠵᠠᠩᠬᠠᠨ ᠳᠡᠯᠭᠡᠷᠡᠵᠦ᠂ ᠵᠠᠷᠢᠮᠨᠢ ᠢᠰᠪᠡᠯᠵᠡᠨ ᠮᠡᠭᠡᠢᠷᠡᠨ ᠴᠣᠮᠣᠷᠯᠢᠭᠢᠶᠠᠨ ᠰᠡᠬᠦᠵᠦ᠂ ᠮᠦᠬᠦᠯᠢᠭ ᠠᠮᠢᠳᠤ ᠰᠤᠪᠤᠳᠴᠤᠰᠢᠭ᠋᠂ ᠨᠣᠮᠢᠨ ᠣᠭᠲᠠᠷᠭᠤᠢᠳᠠᠬᠢ ᠣᠳᠤᠨ ᠮᠡᠴᠢᠳᠴᠦᠰᠢᠭ ᠬᠠᠷᠠᠭᠳᠠᠨᠠ᠃ ᠬᠣᠩᠭᠤᠷ ᠰᠠᠯᠬᠢᠨ ᠰᠡᠩᠭᠢᠨᠡᠨ ᠥᠩᠭᠡᠷᠡᠬᠦᠶᠡ ᠠᠩᠬᠢᠯᠤᠮᠠᠯ ᠦᠨᠦᠷᠢ ᠠᠪᠴᠢᠷᠠᠬᠤᠨᠢ ᠠᠯᠤᠰ ᠲᠡᠷᠲᠡᠭᠡᠶᠢᠨ ᠠᠰᠠᠷᠤᠨ ᠰᠢᠪᠡᠨᠡᠩᠬᠡᠨ ᠳᠠᠭᠤᠷᠢᠰᠬᠤ ᠳᠠᠭᠤᠤᠶᠢᠨ ᠠᠶᠠᠰ ᠮᠡᠲᠦ᠃ ᠡᠨᠡ ᠦᠶᠡᠰ ᠨᠠᠪᠴᠢ ᠴᠡᠴᠡᠭᠦᠳ ᠦᠯᠦ ᠮᠡᠳᠡᠭ ᠨᠠᠬᠢᠰ ᠨᠤᠬᠤᠰ ᠭᠡᠵᠡᠭᠡᠵᠦ᠂ ᠨᠢᠳᠦ ᠢᠷᠮᠡᠬᠦᠶᠢᠨ ᠵᠠᠭᠤᠷᠠ ᠬᠣᠩᠭᠤᠷ ᠰᠠᠯᠬᠢᠨᠢ ᠯᠢᠩᠬᠤᠸᠠᠲᠤ ᠨᠠᠭᠤᠷᠤᠨ ᠲᠡᠷᠲᠡᠭᠡ ᠳᠠᠮᠵᠢᠭᠤᠯᠴᠢᠬᠠᠯᠠ᠃ ᠡᠩ ᠴᠢᠴᠠᠤᠷᠠᠨ ᠢᠭᠴᠢ ᠤᠷᠭᠤᠭᠰᠠᠨ ᠨᠠᠪᠴᠢᠰ ᠡᠨᠡ ᠬᠢᠷᠢ ᠬᠠᠷᠠᠬᠠᠨ ᠨᠣᠮᠢᠨ ᠬᠥᠬᠡ ᠳᠠᠪᠠᠯᠭᠠᠨ ᠪᠣᠰᠤᠭᠰᠠᠨᠰᠢᠭ᠋ ᠪᠠᠢᠪᠠ᠃ ᠨᠠᠪᠴᠢᠰᠤᠨ ᠳᠣᠭᠤᠤᠷ ᠠᠷᠯᠠᠨ ᠮᠡᠯᠮᠡᠭᠡᠨᠡᠭᠰᠡᠨ ᠤᠰᠤ ᠬᠠᠯᠬᠠᠯᠠᠭᠳᠠᠵᠤ ᠪᠠᠢᠭᠠ ᠪᠣᠯᠬᠣᠷ ᠥᠩᠭᠡᠨᠢ ᠲᠣᠳᠤ ᠬᠠᠷᠠᠭᠳᠠᠬᠤᠦᠭᠡᠢ᠂ ᠭᠡᠪᠡᠴᠦ ᠨᠠᠪᠴᠢᠰ ᠤᠯᠠᠮ ᠭᠤᠤᠠ ᠬᠡᠭᠡᠨᠴᠢᠷ ᠠᠵᠢ᠃
ᠰᠠᠷᠠᠨᠤ ᠲᠤᠶᠠᠭᠠ ᠤᠷᠤᠰᠭᠠᠯ ᠮᠡᠲᠦ᠂ ᠥᠨᠥ ᠢᠯᠲᠠᠭᠠᠨᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠨᠠᠪᠴᠢ ᠴᠡᠴᠡᠭ ᠳᠡᠭᠡᠷᠡ ᠨᠠᠮ ᠵᠢᠮᠬᠡᠨ ᠲᠤᠰᠴᠠᠢ᠃ ᠯᠢᠩᠬᠤᠸᠠᠲᠤ ᠨᠠᠭᠤᠷ ᠳᠡᠭᠡᠭᠦᠷ ᠰᠢᠩᠭᠡᠨ ᠴᠡᠩᠬᠡᠷ ᠮᠠᠨᠠᠨ ᠲᠠᠲᠠᠯᠠ᠃ ᠨᠠᠪᠴᠢ ᠪᠣᠯᠤᠨ ᠴᠡᠴᠡᠭ ᠡᠭᠡᠭᠡᠯᠡ ᠦᠨᠢᠶᠡᠨ ᠰᠦ᠋ᠪᠡᠷ ᠤᠭᠢᠶᠠᠭᠰᠠᠨ ᠮᠡᠲᠦ ᠪᠥᠭᠡᠳ ᠪᠠᠰᠠ ᠶᠠᠭᠯᠠ ᠨᠢᠮᠭᠡᠨ ᠱᠠᠳᠤ ᠪᠦᠷᠬᠦᠭᠳᠡᠭᠰᠡᠨ ᠵᠡᠭᠦᠳᠦ ᠠᠳᠠᠯᠢ᠃ ᠰᠠᠷᠠᠨ ᠲᠦᠭᠦᠷᠢᠭ ᠪᠣᠯᠪᠠᠴᠤ ᠨᠢᠮᠭᠡᠨ ᠫᠠᠩᠰᠠᠨ ᠡᠭᠦᠯᠡᠨ ᠣᠭᠲᠠᠷᠭᠤᠢᠳᠤ ᠬᠥᠪᠪᠦᠭᠰᠡᠨ ᠲᠤᠯᠠ ᠣᠨᠴᠠᠶᠢᠨ ᠰᠠᠷᠠᠭᠤᠯᠬᠠᠨ ᠪᠢᠰᠢ ᠪᠠᠢᠪᠠ᠃ ᠡᠨᠡᠨᠢ ᠨᠠᠳᠠ ᠠᠰᠢᠲᠠᠢ ᠰᠠᠢᠬᠠᠨ ᠭᠠᠵᠠᠷᠲᠤ ᠢᠷᠡᠭᠰᠡᠨᠰᠢᠭ ᠰᠠᠨᠠᠭᠳᠠᠨᠠ᠃ ᠠᠮᠲᠠᠲᠤ ᠨᠣᠢᠷ ᠳᠤᠲᠠᠭᠳᠠᠵᠤ ᠪᠣᠯᠬᠤᠦᠭᠡᠢ ᠪᠣᠯᠪᠠᠴᠤ ᠭᠱᠠᠨ ᠵᠠᠭᠤᠷᠠ ᠵᠡᠭᠦᠷᠮᠡᠭᠯᠡᠭᠡᠳ ᠠᠪᠬᠤᠨᠢ ᠪᠠᠰᠠᠴᠤ ᠨᠢᠭᠡ ᠵᠢᠷᠭᠠᠯ ᠡ᠃ ᠰᠠᠷᠠᠨᠤ ᠲᠤᠶᠠᠭᠠ ᠮᠣᠳᠤᠳᠢ ᠨᠡᠪᠲᠡᠯᠦᠨ ᠰᠠᠴᠤᠷᠠᠵᠤ᠂ ᠳᠡᠭᠡᠷᠡ ᠭᠠᠵᠠᠷ ᠰᠠᠭᠰᠠᠢᠨ ᠤᠷᠭᠤᠭᠰᠠᠨ ᠪᠣᠳᠠᠨᠤᠭᠤᠳᠠᠴᠠ ᠰᠦᠯᠵᠢᠯᠳᠦᠨ ᠲᠣᠣᠷᠯᠠᠭᠰᠠᠨ ᠪᠠᠷᠠᠭᠠᠨ ᠰᠡᠭᠦᠳᠡᠷ ᠪᠠᠭᠤᠵᠤ᠂ ᠮᠣᠰᠭᠢᠷᠠ ᠤᠳᠠᠨᠤᠭᠤᠳᠤᠨ ᠡᠢᠷᠡᠭ ᠰᠡᠢᠷᠡᠭ ᠳᠡᠭᠵᠢᠨ ᠰᠡᠭᠦᠳᠡᠷ ᠯᠢᠩᠬᠤᠠ ᠴᠡᠴᠡᠭᠦᠨ ᠨᠠᠪᠴᠢᠨ ᠳᠡᠭᠡᠷᠡ ᠵᠢᠷᠤᠭᠳᠠᠭᠰᠠᠨᠶᠤᠮᠰᠢᠭ᠋ ᠬᠠᠷᠠᠭᠳᠠᠨᠠ᠃ ᠨᠠᠭᠤᠷ ᠳᠡᠭᠡᠷᠡᠬᠢ ᠰᠠᠷᠠᠨᠤ ᠲᠤᠶᠠᠭᠠ ᠲᠡᠭᠰᠢᠷᠡᠮᠡᠭ ᠪᠢᠰᠢ ᠪᠠᠢᠯᠠ᠃ ᠭᠡᠪᠡᠴᠦ ᠲᠤᠶᠠᠭᠠ ᠰᠡᠭᠦᠳᠡᠷ ᠬᠣᠶᠠᠷᠤᠨ ᠵᠣᠬᠢᠴᠠᠩᠭᠤᠢ ᠠᠢᠵᠠᠮᠨᠢ ᠬᠤᠭᠤᠷᠤᠨ ᠢᠷᠠᠭᠤ ᠬᠥᠭᠵᠢᠮᠰᠢᠭᠶᠦᠮ᠃
ᠯᠢᠩᠬᠤᠸᠠᠲᠤ ᠨᠠᠭᠤᠷᠤᠨ ᠳᠥᠷᠪᠡᠨ ᠲᠠᠯᠠᠶᠢᠨ ᠣᠢᠷᠠ ᠬᠣᠯᠠ᠂ ᠳᠡᠭᠡᠷᠡ ᠳᠣᠣᠷᠠ ᠭᠠᠵᠠᠷᠲᠤ ᠴᠥᠮ ᠮᠣᠳᠤ ᠤᠷᠭᠤᠭᠰᠠᠨᠤ ᠳᠣᠲᠤᠷᠠ ᠤᠳᠠ ᠬᠠᠮᠤᠭᠠᠴᠠ ᠣᠯᠠᠨ ᠪᠠᠢᠪᠠ᠃ ᠡᠳᠡᠭᠡᠷ ᠮᠣᠳᠤᠳ ᠯᠢᠩᠬᠤᠸᠠᠲᠤ ᠨᠠᠭᠤᠷᠢ ᠳᠠᠪᠬᠤᠷ ᠳᠠᠪᠬᠤᠷ ᠪᠦᠰᠡᠯᠡᠨ᠂ ᠭᠠᠭᠴᠠᠬᠦ ᠨᠠᠷᠢᠨ ᠵᠠᠮᠤᠨ ᠨᠢᠭᠡ ᠲᠠᠯᠠᠳᠤ ᠬᠡᠳᠦᠨ ᠬᠡᠰᠡᠭ ᠴᠠᠷᠠᠮ ᠪᠠᠢᠬᠤᠨᠢ ᠲᠤᠰᠭᠠᠢᠯᠠᠨ ᠰᠠᠷᠠᠨᠤ ᠲᠤᠶᠠᠭᠠᠳᠤ ᠦᠯᠡᠳᠡᠭᠡᠵᠦ ᠥᠭᠭᠦᠭᠰᠡᠨᠶᠦᠮ ᠪᠣᠯᠪᠠ ᠬᠡᠮᠡᠷ᠃ ᠣᠢ ᠮᠣᠳᠤᠨᠤ ᠥᠩᠭᠡᠨᠢ ᠨᠡᠢᠳᠡᠮᠳᠡᠭᠡᠨ ᠳᠦᠨᠡᠷᠡᠨ ᠪᠠᠷᠠᠭᠠᠯᠠᠵᠤ ᠵᠢᠷᠪᠢᠰᠬᠢᠨ ᠬᠠᠷᠠᠪᠠᠯ ᠨᠢᠭᠡ ᠪᠥᠭᠡᠮ ᠵᠤᠵᠠᠭᠠᠨ ᠮᠠᠨᠠᠨᠴᠤ ᠮᠡᠲᠦ᠃ ᠭᠡᠪᠡᠴᠦ ᠤᠳᠠ ᠮᠣᠳᠤᠨᠤ ᠭᠣᠶᠤᠮᠰᠤᠭ ᠳᠦᠷᠢᠨᠢ ᠤᠲᠤᠭᠠ ᠮᠠᠨᠠᠨ ᠳᠣᠲᠤᠷᠠᠠᠴᠠᠴᠤ ᠲᠠᠨᠢᠭᠳᠠᠵᠤ ᠪᠠᠢᠯᠠ᠃ ᠣᠢ ᠮᠣᠳᠤᠨᠤ ᠣᠷᠤᠢ ᠳᠡᠭᠡᠭᠦᠷ ᠠᠯᠤᠰ ᠲᠡᠷᠲᠡᠭᠡᠶᠢᠨ ᠬᠡᠰᠡᠭ ᠠᠭᠤᠯᠠᠶᠢᠨ ᠣᠷᠤ ᠪᠠᠷᠠ ᠲᠡᠳᠦᠢ ᠪᠥᠷᠲᠦᠯᠵᠡᠨᠡ᠃ ᠮᠣᠳᠤᠨ ᠰᠠᠯᠠᠭᠠ ᠮᠥᠴᠢᠷᠦᠨ ᠵᠠᠪᠰᠠᠷᠢᠶᠠᠷ ᠨᠢᠭᠡ ᠬᠣᠶᠠᠷ ᠵᠠᠮᠤᠨ ᠳ᠋ᠧᠩ ᠴᠤᠬᠤᠢᠵᠤ᠂ ᠨᠣᠢᠷᠮᠤᠭᠯᠠᠭᠰᠠᠨ ᠬᠥᠮᠦᠨᠦ ᠨᠢᠳᠦ ᠠᠳᠠᠯᠢ ᠰᠦᠷ ᠵᠢᠪᠬᠤᠭᠠᠦᠭᠡᠢ ᠬᠠᠷᠠᠭᠳᠠᠨᠠ᠃ ᠡᠨᠡ ᠦᠶᠡᠪᠡᠷ ᠬᠠᠮᠤᠭᠤᠨ ᠬᠥᠭᠵᠢᠯᠲᠡᠢ ᠵᠦᠢᠯ ᠭᠡᠪᠡᠯ ᠮᠣᠳᠤᠨ ᠳᠡᠭᠡᠷᠡᠬᠢ ᠵᠢᠷᠭᠢᠷᠡᠶᠢᠨ ᠳᠠᠭᠤᠨ ᠬᠢᠭᠡᠳ ᠤᠰᠤᠨ ᠳᠣᠲᠤᠷᠠᠬᠢ ᠮᠡᠯᠡᠬᠡᠢᠶᠢᠨ ᠳᠠᠭᠤᠨ ᠪᠣᠯᠤᠨᠠ᠃ ᠭᠡᠲᠡᠯᠡ ᠬᠥᠷ ᠬᠥᠭᠵᠢᠶᠡᠨᠨᠢ ᠲᠡᠳᠡᠨᠡᠢᠬᠢᠶᠦᠮ᠃ ᠨᠠᠳᠠ ᠶᠠᠭᠤᠴᠤ ᠠᠯᠠᠭᠠ᠃
ᠭᠡᠨᠡᠳᠲᠡ ᠯᠢᠩᠬᠤᠠᠶᠢᠨ ᠦᠷᠡ ᠲᠡᠭᠦᠳᠡᠭ ᠶᠠᠪᠤᠳᠠᠯ ᠰᠠᠨᠠᠭᠠᠨᠳᠤ ᠣᠴᠢᠯᠠᠪᠠ᠃ ᠯᠢᠩᠬᠤᠠᠶᠢᠨ ᠦᠷᠡ ᠲᠡᠭᠦᠬᠦᠨᠢ ᠵᠢᠶᠠᠩᠨᠠᠨ ᠭᠠᠵᠠᠷᠤᠨ ᠬᠠᠭᠤᠴᠢᠨ ᠵᠠᠩᠰᠢᠯᠶᠤᠮ᠃ ᠡᠨᠡ ᠵᠠᠩᠰᠢᠯ ᠮᠠᠰᠢ ᠡᠷᠲᠡᠡᠴᠡ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠪᠣᠯᠤᠯᠲᠠᠢ᠂ ᠵᠢᠷᠭᠤᠭᠠᠨ ᠲᠥᠷᠦᠶᠢᠨ ᠦᠶᠡᠳᠦ ᠬᠠᠮᠤᠭᠠᠴᠠ ᠶᠡᠬᠡ ᠳᠡᠯᠭᠡᠷᠡᠵᠡᠢ᠃ ᠡᠨᠡ ᠲᠤᠬᠠᠢ ᠰᠢᠯᠦᠭ ᠳᠠᠭᠤᠤᠠᠴᠠ ᠵᠠᠬᠠ ᠵᠤᠭᠠᠶᠢᠨᠢ ᠮᠡᠳᠡᠵᠦ ᠪᠣᠯᠤᠨᠠ᠃
ᠲᠡᠭᠡᠭᠡᠳ 《ᠰᠢ ᠵᠧᠦ ᠳᠠᠭᠤᠯᠠᠯ》ᠤᠨ ᠳᠣᠲᠤᠷᠠᠬᠢ ᠪᠠᠳᠠᠭ ᠰᠠᠨᠠᠭᠠᠨᠳᠤ ᠣᠷᠤᠪᠠ:
ᠡᠮᠦᠨᠡᠲᠦ ᠨᠠᠭᠤᠷᠠᠴᠠ ᠯᠢᠩᠬᠤᠠᠶᠢᠨ ᠦᠷᠡ ᠳᠡᠭᠦᠷᠦᠨ
ᠯᠢᠩᠬᠤᠠᠶᠢᠨ ᠡᠰᠢ ᠬᠥᠮᠦᠨᠡᠴᠡ ᠬᠡᠲᠦᠢᠳᠦᠮᠤᠢ᠂
ᠡᠮᠦᠨᠡᠰᠢ ᠪᠥᠬᠦᠢᠨ ᠯᠢᠩᠬᠤᠠᠶᠢᠨ ᠦᠷᠡᠶᠢ ᠠᠪᠬᠤᠶᠠ
ᠯᠢᠩᠬᠤᠠᠶᠢᠨ ᠦᠷᠡ ᠤᠰᠤᠨ ᠮᠡᠲᠦ ᠬᠥᠬᠡ᠃
ᠬᠡᠷᠪᠡ ᠡᠨᠡ ᠣᠷᠤᠢ ᠯᠢᠩᠬᠤᠠᠶᠢᠨ ᠦᠷᠡ ᠲᠡᠭᠦᠬᠦ ᠬᠥᠮᠦᠨ ᠪᠠᠢᠭᠰᠠᠨᠰᠠᠨ ᠪᠣᠯ ᠡᠨᠳᠡᠬᠢ ᠯᠢᠩᠬᠤᠠ ᠴᠡᠴᠡᠭᠴᠦ 《 ᠬᠥᠮᠦᠨᠡᠴᠡ ᠬᠡᠲᠦᠢᠳᠴᠡᠢ》 ᠳ᠋ᠠ᠂ ᠤᠷᠤᠰᠭᠠᠯ ᠤᠰᠤᠨᠤ ᠰᠡᠭᠦᠳᠡᠷᠢᠴᠦ ᠣᠯᠵᠤ ᠦᠵᠡᠬᠦᠦᠭᠡᠢ ᠶᠠᠭᠠᠬᠢᠵᠤ ᠪᠣᠯᠬᠤ ᠪᠤᠢ᠃ ᠡᠨᠡᠨᠢ ᠶᠣᠰᠤᠲᠠᠢ ᠨᠠᠳᠠ ᠵᠢᠶᠠᠩᠨᠠᠨᠢᠮᠢᠨᠢ ᠰᠠᠨᠠᠭᠳᠠᠭᠤᠯᠴᠢᠬᠠᠯᠠ᠃ ᠢᠩᠭᠢᠵᠦ ᠪᠣᠳᠤᠭᠰᠠᠭᠠᠷ ᠭᠡᠨᠡᠳᠲᠡ ᠲᠡᠷᠢᠭᠦᠨ ᠡᠷᠭᠦᠭᠰᠡᠨᠴᠢᠨᠢ ᠰᠠᠨᠠᠮᠰᠠᠷᠦᠭᠡᠢᠪᠠᠷ ᠭᠡᠷᠦᠨᠢᠶᠡᠨ ᠡᠭᠦᠳᠡᠨ ᠳᠡᠭᠡᠷᠡ ᠬᠦᠷᠦᠭᠡᠳ ᠢᠷᠡᠵᠡᠢ᠃ ᠡᠭᠦᠳᠡᠪᠡᠨ ᠠᠶᠠᠷᠬᠠᠨ ᠲᠦᠯᠬᠢᠵᠦ ᠣᠷᠤᠭᠰᠠᠨᠠ ᠨᠠᠮ ᠵᠢᠮᠬᠡᠨ᠃ ᠡᠬᠡᠨᠡᠷᠮᠢᠨᠢ ᠳᠤᠭ ᠨᠣᠢᠷ ᠳᠡᠭᠡᠷᠡᠪᠡᠨ ᠪᠠᠢᠵᠠᠢ᠃
ᠨᠣᠭᠤᠭᠠᠨ
ᠪᠢ ᠬᠣᠶᠠᠳᠠᠬᠢ ᠤᠳᠠᠭᠠ ᠰᠢᠶᠠᠨ ᠶᠠᠨ ᠠᠭᠤᠯᠠᠨᠳᠤ ᠬᠦᠷᠬᠦᠳᠡᠭᠡᠨ ᠮᠧᠢ ᠢᠦᠢ ᠲᠠᠨ ᠴᠣᠩᠬᠢᠶᠠᠯᠤᠨ 《 ᠨᠣᠭᠤᠭᠠᠨ》ᠢ ᠦᠵᠡᠭᠡᠳ ᠶᠣᠰᠤᠲᠠᠢ ᠶᠡᠬᠡ ᠰᠣᠴᠢᠭᠰᠠᠨ ᠪᠢᠯᠡ᠃
ᠮᠧᠢ ᠢᠦᠢ ᠲᠠᠨ ᠴᠣᠩᠬᠢᠶᠠᠯ ᠪᠣᠯ ᠬᠦᠷᠬᠢᠷᠡᠲᠦ ᠴᠣᠩᠬᠢᠶᠠᠯᠶᠤᠮ᠃ ᠰᠢᠶᠠᠨ ᠶᠠᠨ ᠠᠭᠤᠯᠠᠨᠳᠤ ᠭᠤᠷᠪᠠᠨ ᠬᠦᠷᠬᠢᠷᠡ ᠪᠤᠢ᠂ ᠮᠧᠢ ᠢᠦᠢ ᠬᠦᠷᠬᠢᠷᠡ ᠬᠠᠮᠤᠭᠤᠨ ᠪᠣᠭᠤᠨᠢᠨᠢᠶᠤᠮ᠃ ᠠᠭᠤᠯᠠᠨᠤ ᠬᠣᠷᠮᠤᠢᠳᠤ ᠬᠦᠷᠦᠮᠡᠭᠴᠡ ᠬᠣᠷᠴᠢᠭᠢᠨᠠᠬᠤ ᠴᠢᠮᠡᠭᠡ ᠰᠣᠨᠤᠰᠳᠠᠵᠤ᠂ ᠲᠡᠷᠢᠭᠦᠨ ᠡᠷᠭᠦᠵᠦ ᠦᠵᠡᠬᠦᠯᠡ᠂ ᠬᠣᠶᠠᠷ ᠵᠤᠷᠪᠤᠰ ᠬᠠᠷᠠ ᠬᠥᠪᠡᠭᠡᠶᠢᠨ ᠳᠤᠮᠳᠠᠭᠤᠷ ᠴᠠᠢᠷᠠᠨ ᠭᠢᠯᠠᠯᠵᠠᠭᠰᠠᠨ ᠤᠰᠤ ᠨᠢᠳᠦᠨ ᠡᠮᠦᠨᠡ ᠢᠯᠡᠷᠡᠨᠡ᠃ ᠪᠢᠳᠡ ᠤᠷᠢᠳᠠᠪᠠᠷ ᠮᠧᠢ ᠢᠦᠢ ᠲᠢᠩ ᠲᠢᠩᠬᠢᠮ ᠬᠦᠷᠦᠯᠡ᠃ ᠡᠨᠡ ᠲᠢᠩᠬᠢᠮ ᠶᠠᠭ ᠬᠦᠷᠬᠢᠷᠡᠶᠢ ᠴᠢᠭᠯᠡᠵᠦ ᠪᠠᠢᠨᠠ᠃ ᠲᠢᠩᠬᠢᠮᠦᠨ ᠳᠡᠷᠭᠡᠳᠡ ᠰᠠᠭᠤᠪᠠᠯ ᠥᠯᠢᠢᠵᠦ ᠬᠠᠷᠠᠬᠤᠦᠭᠡᠢᠪᠠᠷ ᠪᠦᠬᠦ ᠪᠠᠢᠳᠠᠯᠢᠨᠢ ᠣᠯᠵᠤ ᠦᠵᠡᠬᠦ ᠪᠢᠯᠡ᠃ ᠲᠢᠩᠬᠢᠮᠦᠨ ᠳᠣᠣᠷᠠ ᠪᠠᠢᠭᠠ ᠭᠦᠨ ᠤᠰᠤ ᠪᠣᠯ ᠮᠧᠢ ᠢᠦᠢ ᠲᠠᠨ ᠴᠣᠩᠬᠢᠶᠠᠯ ᠪᠣᠯᠤᠨᠠ᠃ ᠡᠨᠡ ᠲᠢᠩᠬᠢᠮ᠂ ᠶᠣᠷᠳᠤᠢᠨ ᠲᠦᠭᠳᠦᠢᠭᠰᠡᠨ ᠠᠰᠭᠠ ᠬᠠᠳᠠᠨ ᠳᠡᠭᠡᠷᠡ ᠪᠤᠢ᠃ ᠳᠡᠭᠡᠷᠡ ᠳᠣᠣᠷᠠ ᠴᠥᠮ ᠬᠥᠨᠳᠡᠢ ᠬᠣᠭᠤᠰᠤᠨ᠂ ᠣᠭᠲᠠᠷᠭᠤᠢᠶᠢᠨ ᠴᠡᠭᠡᠯᠳᠦ ᠳᠠᠯᠠᠪᠴᠢᠪᠠᠨ ᠳᠡᠯᠭᠡᠵᠦ ᠬᠥᠪᠪᠦᠭᠰᠡᠨ ᠬᠠᠷᠴᠠᠭᠠᠢ ᠱᠣᠩᠬᠤᠷᠰᠢᠭ᠋ ᠬᠠᠷᠠᠭᠳᠠᠬᠤᠶᠤᠮ᠃ ᠭᠤᠷᠪᠠᠨ ᠲᠠᠯᠠᠶᠢ ᠠᠭᠤᠯᠠ ᠪᠦᠰᠡᠯᠡᠵᠦ᠂ ᠲᠠᠯᠠ ᠴᠠᠭᠠᠷᠢᠭᠲᠤ ᠣᠷᠢᠶᠠᠭᠳᠠᠵᠤ᠂ ᠬᠥᠮᠦᠨ ᠬᠤᠳᠳᠤᠭᠤᠨ ᠢᠷᠤᠭᠠᠷᠲᠤ ᠰᠠᠭᠤᠭᠠᠰᠢᠭ᠋ ᠪᠢᠯᠡ᠃ ᠲᠡᠷᠡ ᠪᠣᠯ ᠪᠦᠷᠬᠦᠪᠲᠦᠷ ᠨᠢᠭᠡᠨ ᠨᠠᠮᠤᠷᠤᠨ ᠡᠳᠦᠷ ᠪᠠᠢᠵᠠᠢ᠃ ᠨᠢᠮᠭᠡᠨ ᠫᠠᠩᠰᠠᠨ ᠡᠭᠦᠯᠡ ᠮᠠᠨᠤ ᠲᠣᠯᠤᠭᠠᠢ ᠳᠡᠭᠡᠷᠡ ᠬᠥᠪᠴᠦ᠂ ᠬᠠᠳᠠ ᠴᠢᠯᠠᠭᠤ ᠪᠠ ᠥᠯᠦᠩ ᠡᠪᠡᠰᠦ ᠴᠥᠮ ᠴᠢᠭᠢᠭ ᠨᠣᠢᠲᠠᠨᠤ ᠳᠣᠲᠤᠷᠠᠠᠴᠠ ᠬᠡᠳᠦᠨ ᠬᠤᠪᠢᠶᠢᠨ ᠴᠡᠯ ᠨᠣᠭᠤᠭᠠᠨ ᠥᠩᠭᠡ ᠢᠯᠡᠷᠡᠵᠦ ᠪᠠᠢᠳᠠᠭ᠃ ᠲᠡᠭᠡᠲᠡᠯᠠ ᠬᠦᠷᠬᠢᠷᠡᠴᠦ ᠮᠥᠨ ᠣᠨᠴᠠ ᠭᠣᠢᠲᠠ ᠳᠠᠭᠤ ᠴᠢᠮᠡᠭᠡᠲᠡᠢᠴᠦ ᠪᠣᠯᠤᠭᠰᠠᠨᠰᠢᠭ᠋ ᠪᠠᠢᠯᠠ᠃ ᠲᠡᠷᠡ ᠬᠦᠷᠬᠢᠷᠡ ᠣᠷᠤᠢ ᠳᠡᠭᠡᠷᠡᠡᠴᠡ ᠱᠠᠪᠰᠢᠨ ᠪᠠᠭᠤᠬᠤᠳᠠᠭᠠᠨ ᠴᠣᠭᠤᠴᠢᠭᠳᠠᠨ ᠲᠣᠮᠤ ᠵᠢᠵᠢᠭ ᠬᠡᠳᠦᠨ ᠣᠷᠤᠮᠤᠭ ᠪᠣᠯᠤᠭᠠᠳ ᠪᠦᠬᠦᠯᠢ ᠪᠦᠲᠦᠨ ᠭᠢᠯᠦᠭᠡᠷ ᠲᠡᠭᠰᠢᠬᠡᠨ ᠳᠠᠪᠤᠤ ᠪᠢᠰᠢ ᠪᠣᠯᠴᠢᠬᠠᠵᠠᠢ᠃ ᠰᠡᠷᠪᠡᠭᠡᠷ ᠬᠠᠳᠠᠶᠢ ᠰᠠᠮᠨᠠᠨ ᠤᠷᠤᠰᠴᠤ ᠪᠠᠭᠤᠭᠰᠠᠨ ᠬᠦᠷᠬᠢᠷᠡ ᠬᠦᠴᠦᠲᠡᠢ ᠳᠣᠭᠰᠢᠨᠢᠶᠠᠷ ᠪᠠᠯᠪᠠᠨ ᠴᠣᠬᠢᠯᠠᠵᠤ ᠢᠷᠡᠬᠦᠳᠡᠭᠡᠨ ᠪᠤᠲᠠᠷᠠᠬᠤ ᠴᠡᠴᠡᠭ ᠬᠡᠮᠬᠡᠷᠡᠬᠦ ᠬᠠᠰᠰᠢᠭ᠋ ᠪᠤᠲᠠᠷᠠᠨ ᠰᠦᠷᠴᠢᠭᠳᠡᠵᠦ ᠪᠠᠢᠯᠠ᠃ ᠪᠤᠲᠠᠷᠠᠨ ᠰᠦᠷᠴᠢᠭᠳᠡᠭᠰᠡᠨ ᠤᠰᠤᠨᠤ ᠴᠡᠴᠡᠭ ᠭᠢᠯᠲᠠᠭᠠᠨᠠᠨ ᠭᠡᠷᠡᠯᠲᠦᠬᠦ ᠪᠥᠭᠡᠳ ᠱᠣᠪᠬᠤ ᠨᠠᠷᠢᠨ ᠦᠵᠦᠭᠦᠷᠯᠡᠵᠦ᠂ ᠠᠯᠤᠰᠠᠴᠠ ᠬᠠᠷᠠᠬᠤᠯᠠ ᠵᠢᠵᠢᠭᠬᠡᠨ ᠣᠯᠠᠨ ᠲᠡᠷᠢᠭᠦᠯᠡᠭᠴᠢ ᠴᠡᠴᠡᠭᠦᠨ ᠳᠡᠯᠪᠢᠰᠢᠭᠶᠦᠮ᠃ ᠰᠢᠪᠡᠷᠡᠭᠡ ᠪᠣᠷᠤᠭᠠᠨᠤ ᠳᠤᠰᠤᠯᠰᠢᠭ᠋ ᠰᠡᠷᠪᠡᠭᠡᠨᠡᠨ ᠪᠤᠲᠠᠷᠠᠵᠤ ᠪᠠᠢᠨᠠ᠃ ᠡᠨᠡᠬᠦ ᠪᠠᠢᠳᠠᠯ ᠪᠣᠯ ᠮᠧᠢ ᠢᠦᠢ ᠲᠠᠨ - ᠲᠡᠷᠢᠭᠦᠯᠡᠭᠴᠢ ᠴᠡᠴᠡᠭᠦᠨ ᠬᠤᠷᠠᠶᠢᠨ ᠴᠣᠩᠬᠢᠶᠠᠯᠤᠨ ᠨᠡᠷᠡᠢᠳᠦᠯᠦᠨ ᠢᠷᠡᠯᠨᠢ ᠭᠡᠳᠡᠭ ᠪᠢᠯᠡ᠃ ᠭᠡᠲᠡᠯᠡ ᠮᠢᠨᠦ ᠦᠵᠡᠬᠦᠪᠡᠷ ᠲᠡᠭᠦᠨᠢ ᠤᠯᠢᠶᠠᠰᠤᠨ ᠴᠡᠴᠡᠭ ᠭᠡᠪᠡᠯ ᠲᠤᠢᠯᠤᠨ ᠵᠦᠢᠲᠡᠢ ᠪᠠᠢᠭᠰᠠᠨᠶᠤᠮ᠃ ᠠᠶᠠᠰᠤᠨ ᠰᠠᠯᠬᠢᠨ ᠰᠡᠪᠡᠯᠵᠡᠨ ᠥᠩᠭᠡᠷᠡᠬᠦᠪᠡᠷ ᠠᠳᠭᠤ ᠠᠳᠭᠤᠪᠠᠷ ᠪᠤᠲᠠᠷᠠᠨ ᠰᠠᠳᠠᠷᠠᠳᠠᠭᠨᠢ ᠤᠯᠢᠶᠠᠰᠤᠨᠤ ᠤᠩᠭᠠᠷᠢᠯ ᠪᠠᠢᠭᠰᠠᠨᠶᠤᠮ᠃ ᠭᠡᠨᠡᠳᠲᠡᠪᠡᠷ ᠮᠠᠨᠤ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠡᠪᠦᠷᠲᠦ ᠬᠡᠳᠦᠨ ᠤᠩᠭᠠᠷᠢᠯ ᠬᠡᠢᠰᠦᠨ ᠣᠷᠤᠵᠤ ᠢᠷᠡᠭᠡᠳ ᠪᠠᠷᠠ ᠲᠠᠰᠤ ᠪᠣᠯᠵᠤ ᠣᠷᠬᠢᠳᠠᠭᠰᠠᠨ᠃
ᠮᠧᠢ ᠢᠦᠢ ᠲᠠᠨ ᠴᠣᠩᠬᠢᠶᠠᠯᠤᠨ ᠲᠤᠶᠠᠭᠠ ᠲᠠᠲᠠᠭᠰᠠᠨ ᠴᠡᠯᠭᠡᠮᠡ ᠨᠣᠭᠤᠭᠠᠨ ᠥᠩᠭᠡ ᠮᠠᠨᠤ ᠵᠦᠭ ᠭᠠᠷ ᠳᠠᠯᠠᠯᠤᠨ ᠳᠠᠭᠤᠳᠠᠬᠤᠳᠤ ᠪᠢᠳᠡ ᠲᠡᠭᠦᠨᠦ ᠬᠠᠭᠠᠴᠠᠨ ᠬᠠᠮᠲᠤᠳᠭᠠᠭᠴᠢ ᠳᠦᠷᠰᠦ ᠪᠠᠢᠳᠠᠯᠢ ᠨᠡᠬᠡᠨ ᠰᠤᠷᠪᠤᠯᠵᠢᠯᠠᠬᠤ ᠪᠣᠯᠤᠯᠠ᠃ ᠡᠪᠡᠰᠦ ᠮᠣᠳᠤᠨᠠᠴᠠ ᠪᠠᠵᠠᠭᠳᠠᠵᠤ᠂ ᠥᠨᠳᠦᠷ ᠬᠠᠳᠠᠨᠢ ᠳᠠᠪᠠᠭᠰᠠᠭᠠᠷ ᠬᠢᠴᠢᠶᠡᠩᠭᠦᠢ ᠪᠣᠯᠭᠤᠮᠵᠢᠲᠠᠢᠪᠠᠷ ᠪᠡᠶᠡ ᠮᠡᠬᠦᠢᠨ ᠨᠢᠷᠤᠭᠤ ᠪᠥᠭᠲᠦᠢᠨ᠂ ᠪᠠᠰᠠ ᠨᠢᠭᠡᠨ ᠴᠢᠯᠠᠭᠤᠨ ᠭᠤᠯᠳᠤᠩᠢ ᠥᠩᠭᠡᠷᠡᠮᠡᠭᠴᠡ ᠮᠡᠯᠲᠡᠭᠡᠨᠡᠨ ᠲᠤᠨᠤᠯᠵᠠᠭᠰᠠᠨ ᠨᠣᠮᠢᠨ ᠨᠣᠭᠤᠭᠠᠨ ᠴᠣᠩᠬᠢᠶᠠᠯᠤᠨ ᠳᠡᠷᠭᠡᠳᠡ ᠬᠦᠷᠬᠦᠶᠦᠮ᠃ ᠬᠦᠷᠬᠢᠷᠡ ᠨᠢᠭᠡᠨᠲᠡ ᠬᠠᠮᠠᠷᠤᠨ ᠦᠵᠦᠭᠦᠷ ᠳᠣᠣᠷᠠ ᠪᠠᠢᠭᠰᠠᠨᠴᠤ ᠬᠦᠷᠬᠢᠷᠡ ᠭᠡᠳᠡᠭᠢ ᠪᠢ ᠪᠦᠷᠴᠦ ᠮᠠᠷᠲᠠᠵᠤ ᠣᠷᠬᠢᠭᠰᠠᠨ ᠪᠠᠢᠵᠠᠢ᠃ ᠮᠢᠨᠦ ᠰᠡᠳᠭᠢᠯ ᠴᠣᠩᠬᠢᠶᠠᠯᠤᠨ ᠤᠰᠤᠨᠤ ᠴᠡᠯᠭᠡᠮᠡ ᠨᠣᠭᠤᠭᠠᠨᠢ ᠳᠠᠭᠠᠵᠤ ᠴᠢᠴᠢᠭᠡᠨᠡᠨ ᠳᠣᠯᠭᠢᠶᠠᠯᠠᠵᠤ ᠪᠤᠢ᠃ ᠰᠡᠳᠭᠢᠯᠢ ᠳᠣᠭᠳᠤᠯᠤᠭᠤᠯᠤᠨ ᠬᠥᠮᠦᠨᠢ ᠰᠣᠭᠲᠤᠭᠤᠷᠠᠭᠤᠯᠤᠯᠤᠮᠠ ᠨᠣᠭᠤᠭᠠᠨ ᠡ! ᠠᠰᠤᠷᠤ ᠲᠣᠮᠤ ᠯᠢᠩᠬᠤᠠᠶᠢᠨ ᠨᠠᠪᠴᠢ ᠢᠯᠲᠠᠭᠠᠨᠠᠨ ᠳᠡᠯᠭᠡᠭᠰᠡᠨᠶᠦᠮᠰᠢᠭ ᠬᠠᠴᠢᠨ ᠰᠣᠨᠢᠷᠬᠠᠯᠲᠤ ᠨᠣᠭᠤᠭᠠᠨᠢᠶᠠᠷ ᠳᠦᠭᠦᠷᠦᠭᠰᠡᠨ ᠪᠠᠢᠵᠠᠢ᠃ ᠬᠣᠶᠠᠷ ᠭᠠᠷᠢᠶᠠᠨ ᠰᠤᠩᠭᠠᠨ ᠠᠯᠳᠠᠯᠠᠵᠤ ᠲᠡᠪᠡᠷᠢᠭᠡᠳ ᠠᠪᠬᠤᠶᠤᠮᠰᠠᠨ ᠭᠡᠵᠦ ᠰᠠᠨᠠᠬᠤᠶᠤᠮ᠃ ᠭᠡᠲᠡᠯᠡ ᠡᠨᠡᠨᠢ ᠶᠠᠭᠠᠬᠢᠭᠰᠠᠨ ᠶᠡᠬᠡ ᠰᠦᠷᠡᠬᠡᠢ ᠬᠡᠢ ᠪᠣᠳᠤᠯ ᠪᠠᠢᠭᠰᠠᠨᠶᠤᠮ ᠪᠤᠢ ᠳ᠋ᠠ᠃ - ᠤᠰᠤᠨᠤ ᠳᠡᠷᠭᠡᠳᠡ ᠵᠣᠭᠰᠤᠵᠤ ᠲᠡᠷᠲᠡᠭᠡ ᠠᠯᠤᠰᠢ ᠪᠠᠷᠠᠯᠠᠬᠤᠶᠠ ᠬᠠᠷᠢᠨ ᠬᠣᠯᠠᠬᠢ ᠭᠠᠵᠠᠷᠰᠢᠭ᠋ ᠰᠠᠨᠠᠭᠳᠠᠬᠤᠶᠤᠮ ᠡ! ᠲᠡᠭᠰᠢ ᠳᠡᠪᠢᠰᠦᠭᠳᠡᠭᠰᠡᠨ ᠬᠤᠷᠠᠵᠤ ᠵᠤᠵᠠᠭᠠᠷᠠᠭᠰᠠᠨ ᠡᠨᠡ ᠨᠣᠭᠤᠭᠠᠨ ᠦᠨᠡᠬᠡᠷ ᠬᠠᠢᠷᠠᠬᠠᠨ ᠪᠠᠢᠭᠰᠠᠨᠰᠠᠨ᠂ ᠲᠡᠷᠡ ᠬᠥᠩᠭᠡᠬᠡᠨ ᠰᠤᠯᠠᠬᠠᠨ ᠬᠤᠨᠢᠶᠠᠰᠤᠷᠠᠨ ᠠᠲᠤᠷᠢᠬᠤᠳᠠᠭᠠᠨ ᠵᠠᠯᠠᠭᠤ ᠡᠮᠡᠭᠲᠡᠢᠶᠢᠨ ᠤᠷᠲᠤ ᠪᠠᠩᠵᠠᠯᠤᠨ ᠬᠣᠷᠮᠤᠢᠰᠢᠭ᠋ᠶᠤᠮ᠃ ᠲᠡᠷᠡ ᠭᠤᠯᠭᠤᠷᠢᠩᠬᠠᠨ ᠭᠢᠯᠠᠯᠵᠠᠵᠤ᠂ ᠰᠢᠷ ᠪᠣᠳᠤᠭ ᠲᠦᠷᠬᠢᠭᠰᠡᠨᠶᠦᠮᠰᠢᠭ᠂ ᠲᠠᠬᠢᠶᠠᠨ ᠥᠨᠳᠡᠭᠡᠨᠦ ᠴᠠᠭᠠᠨᠰᠢᠭ᠋ ᠵᠥᠭᠡᠯᠡᠨ ᠨᠡᠮᠡᠭᠦᠨ᠃ ᠭᠡᠬᠦᠳᠡᠭᠡᠨ ᠲᠡᠷᠡᠨᠢ ᠪᠠᠰᠠ ᠰᠢᠭᠠᠷᠤ ᠬᠣᠯᠢᠭᠠᠦᠭᠡᠢ ᠶᠣᠰᠤᠲᠠᠢ ᠨᠢᠭᠡᠨ ᠬᠡᠰᠡᠭ ᠪᠦᠯᠢᠶᠡᠨ ᠨᠦᠮᠵᠦᠷᠬᠡᠭ ᠨᠣᠮᠢᠨ ᠡᠷᠳᠡᠨᠢ ᠪᠠᠢᠭᠰᠠᠨ᠂ ᠭᠠᠭᠴᠠ ᠲᠡᠷᠡᠨᠢ ᠳᠠᠩ ᠭᠠᠭᠴᠠ ᠨᠢᠭᠡᠬᠡᠨ ᠥᠩᠭᠡ - ᠭᠡᠪᠡᠴᠦ ᠲᠡᠭᠦᠨᠢ ᠨᠡᠪᠲᠡ ᠬᠠᠷᠠᠵᠤ ᠴᠢᠳᠠᠬᠤᠦᠭᠡᠢᠶᠤᠮ! ᠪᠡᠭᠡᠵᠢᠩᠦᠨ ᠰᠢ ᠱᠠ ᠬᠠᠢ ᠴᠡᠴᠡᠷᠯᠢᠭᠦᠨ ᠭᠠᠵᠠᠷ ᠰᠢᠭᠦᠷᠬᠢᠯᠡᠬᠦ ᠨᠣᠭᠤᠭᠠᠨ ᠤᠳᠠᠶᠢ ᠪᠢ ᠦᠵᠡᠭᠰᠡᠨ! ᠰᠢᠩᠭᠡᠨ ᠰᠢᠷᠭᠠᠯ ᠥᠩᠭᠡ ᠡᠴᠡᠭᠡᠨ ᠭᠠᠷᠴᠤ ᠴᠢᠳᠠᠭᠰᠠᠨᠦᠭᠡᠢ᠂ ᠠᠷᠠᠢᠬᠠᠨ ᠴᠡᠩᠭᠡᠭ ᠤᠰᠤᠪᠬᠢ ᠪᠣᠯᠤᠭᠰᠠᠨ ᠪᠠᠢᠪᠠ᠃ ᠪᠢ ᠪᠠᠰᠠ ᠬᠠᠩᠵᠧᠦᠶᠢᠨ ᠾᠦ ᠫᠤᠤ ᠰᠧ ᠬᠡᠢᠳᠦᠨ ᠳᠡᠷᠭᠡᠳᠡᠬᠢ ᠭᠣᠢᠲᠠ ᠥᠨᠳᠦᠷ ᠪᠥᠭᠡᠳ ᠢᠭᠴᠢ ᠵᠤᠵᠠᠭᠠᠨ 《ᠨᠣᠭᠤᠭᠠᠨ ᠬᠠᠨᠠ》ᠶᠢ ᠦᠵᠡᠭᠰᠡᠨ ᠪᠢᠯᠡ᠃ ᠴᠠᠭᠯᠠᠰᠢᠦᠭᠡᠢ ᠵᠤᠵᠠᠭᠠᠨ ᠨᠣᠮᠢᠨ ᠡᠪᠡᠰᠦ ᠨᠣᠭᠤᠭᠠᠨ ᠨᠠᠪᠴᠢᠪᠠᠷ ᠰᠦᠭᠯᠡᠷᠡᠨ ᠣᠪᠤᠭᠠᠷᠠᠭᠰᠠᠨᠨᠢ ᠠᠷᠠᠢᠬᠠᠨᠴᠤ ᠥᠳᠭᠡᠷᠡᠨ ᠨᠢᠭᠲᠠᠷᠠᠭᠰᠠᠨ ᠪᠠᠢᠪᠠ᠃ ᠲᠡᠭᠦᠨᠡᠴᠡ ᠭᠠᠳᠠᠨᠠ ᠰᠢ ᠾᠦ ᠨᠠᠭᠤᠷᠤᠨ ᠳᠣᠯᠭᠢᠶᠠ ᠪᠣᠯ ᠠᠰᠤᠷᠤ ᠢᠯᠡ ᠴᠠᠢᠪᠠᠭᠠᠷ ᠪᠣᠯᠤᠭᠰᠠᠨ ᠪᠠᠢᠵᠠᠢ᠃ ᠴᠢᠨ ᠬᠤᠸᠠᠢ ᠾᠧ ᠭᠣᠣᠯᠤᠨ ᠥᠩᠭᠡ ᠪᠠᠰᠠ ᠳᠡᠩᠳᠡᠭᠦᠦ ᠬᠠᠷᠠᠩᠭᠤᠢ ᠭᠦᠨ ᠪᠣᠯᠵᠠᠢ᠃ ᠬᠠᠢᠷᠠᠲᠤᠮᠢᠨᠢ ᠡ᠂ ᠪᠢ ᠴᠣᠬᠤᠮ ᠴᠢᠮᠠᠢᠪᠠᠨ ᠶᠠᠭᠤᠪᠠᠷ ᠵᠦᠢᠷᠯᠡᠬᠦ ᠪᠢᠯᠡ? ᠪᠢ ᠴᠢᠮᠠᠢ ᠶᠠᠭᠠᠬᠢᠨ ᠵᠦᠢᠷᠯᠡᠨ ᠴᠢᠳᠠᠬᠤ ᠪᠢᠯᠡ? ᠤᠴᠢᠷᠨᠢ ᠴᠣᠩᠬᠢᠶᠠᠯ ᠯᠠᠪ ᠶᠡᠬᠡ ᠭᠦᠨ ᠪᠠᠢᠳᠠᠭᠠᠴᠠᠪᠠᠨ ᠬᠠᠴᠢᠨ ᠭᠠᠢᠬᠠᠮᠰᠢᠭᠲᠤ ᠨᠣᠭᠤᠭᠠᠨᠢ ᠬᠠᠳᠠᠭᠠᠯᠠᠨ ᠴᠢᠳᠠᠭᠰᠠᠨ ᠪᠠᠢᠨᠠ᠃ ᠬᠥᠬᠡᠮᠳᠦᠭ ᠨᠣᠮᠢᠨ ᠣᠭᠲᠠᠷᠭᠤᠢᠶᠢᠨ ᠨᠢᠭᠡ ᠬᠡᠰᠡᠭ ᠳᠣᠲᠤᠷᠠ ᠠᠭᠤᠰᠤᠭᠰᠠᠨᠰᠢᠭ᠋ ᠪᠠᠢᠵᠤ᠂ ᠡᠢᠮᠦᠷᠬᠦᠦ ᠰᠡᠪᠡᠬᠦᠨ ᠨᠡᠮᠡᠭᠦᠨ ᠪᠣᠯᠵᠤ ᠴᠢᠳᠠᠵᠠᠢ᠃ - ᠲᠡᠷᠡᠨᠢ ᠬᠥᠮᠦᠨᠢ ᠰᠣᠭᠲᠤᠭᠤᠷᠠᠭᠤᠯᠤᠮᠠ ᠨᠣᠭᠤᠭᠠᠨ ᠪᠠᠢᠭᠰᠠᠨᠶᠤᠮ ᠡ! ᠪᠢ ᠬᠡᠷᠪᠡ ᠴᠢᠮᠠᠢ ᠡᠰᠭᠡᠵᠦ ᠪᠦᠰᠡ ᠪᠣᠯᠭᠠᠵᠤ ᠴᠢᠳᠠᠳᠠᠭᠶᠤᠮ ᠪᠣᠯ ᠲᠡᠷᠡᠬᠦ ᠬᠥᠩᠭᠡᠨ ᠭᠠᠪᠰᠢᠭᠠᠢ ᠪᠥᠵᠢᠭᠦᠨ ᠬᠡᠦᠬᠡᠨᠳᠦ ᠪᠡᠯᠡᠭᠯᠡᠬᠦᠶᠦᠮ᠃ ᠲᠡᠭᠡᠪᠡᠯ ᠪᠥᠵᠢᠭ ᠴᠣᠬᠤᠮ ᠰᠠᠯᠬᠢᠨᠤ ᠠᠶᠠᠰᠢᠶᠠᠷ ᠳᠡᠷᠪᠡᠨ ᠬᠡᠢᠰᠭᠡᠬᠦ ᠪᠣᠯᠤᠨᠠ᠃ ᠬᠡᠷᠪᠡ ᠪᠢ ᠴᠢᠮᠠᠢ ᠣᠳᠭᠤᠨ ᠠᠪᠴᠤ ᠨᠢᠳᠦ ᠬᠢᠵᠦ ᠴᠢᠳᠠᠬᠤᠶᠤᠮ ᠪᠣᠯ ᠴᠣᠬᠤᠮ ᠥᠨᠥ ᠪᠠᠯᠠᠢ ᠨᠢᠳᠦᠲᠦ ᠳᠠᠭᠤᠴᠢᠨ ᠥᠬᠢᠨᠳᠦ ᠪᠡᠯᠡᠭᠯᠡᠬᠦ ᠪᠠᠢᠭᠰᠠᠨ᠃ ᠲᠡᠭᠡᠪᠡᠯ ᠲᠡᠷᠡᠮᠠᠨᠢ ᠪᠦᠲᠦᠨ ᠰᠠᠢᠬᠠᠨ ᠨᠢᠳᠦᠲᠡᠢ ᠪᠣᠯᠬᠤᠶᠤᠮ᠃ ᠴᠢᠮᠠᠢᠪᠠᠨ ᠪᠢ ᠶᠠᠭᠠᠬᠢᠭᠰᠠᠨᠴᠤ ᠬᠠᠶᠠᠵᠤ ᠣᠷᠬᠢᠬᠤᠦᠭᠡᠢ᠂ ᠪᠢ ᠶᠠᠭᠠᠬᠢᠭᠰᠠᠨ ᠭᠡᠨᠡᠳᠲᠡ ᠴᠢᠮᠠᠢᠪᠠᠨ ᠤᠭᠤᠷᠴᠤ ᠪᠣᠯᠬᠤ ᠪᠤᠢ? ᠬᠠᠯᠠᠭᠤᠨ ᠵᠥᠭᠡᠯᠡᠨ ᠭᠠᠷᠢᠶᠠᠷᠢᠶᠠᠨ ᠴᠢᠮᠠᠢᠪᠠᠨ ᠲᠠᠪᠰᠢᠵᠤ᠂ ᠴᠢᠮᠠᠢᠪᠠᠨ ᠢᠯᠪᠢᠵᠦ᠂ ᠠᠷᠪᠠᠨ ᠬᠣᠶᠠᠷ ᠭᠤᠷᠪᠠᠲᠠᠢᠬᠠᠨ ᠵᠢᠭᠠᠬᠠᠨ ᠬᠡᠦᠬᠡᠨᠰᠢᠭᠢᠶᠡᠷ ᠠᠮᠠᠨᠳᠠᠭᠠᠨ ᠡᠮᠬᠦᠵᠦ ᠠᠯᠠᠭᠠᠨᠳᠠᠭᠠᠨ ᠪᠦᠪᠡᠢᠯᠡᠵᠦ ᠡᠩᠬᠦᠷᠡᠢᠯᠡᠨᠡ᠃ ᠴᠢᠮᠠᠳᠤ ᠨᠢᠭᠡ ᠨᠡᠷᠡ ᠥᠭᠰᠦᠭᠡᠢ᠂ ᠡᠭᠦᠨᠴᠡ ᠬᠣᠢᠰᠢᠳᠠ ᠪᠢ ᠴᠢᠮᠠᠢ 《ᠬᠡᠦᠬᠡᠨ ᠨᠣᠭᠤᠭᠠᠨ》 ᠭᠡᠵᠦ ᠪᠠᠢᠶᠠ᠂ ᠪᠣᠯᠬᠤᠤᠤ?
ᠪᠢ ᠬᠣᠶᠠᠳᠠᠬᠢ ᠤᠳᠠᠭᠠᠪᠠᠨ ᠰᠢᠶᠠᠨ ᠶᠠᠨ ᠠᠭᠤᠯᠠᠨᠳᠤ ᠬᠦᠷᠬᠦᠳᠡᠭᠡᠨ ᠮᠧᠢ ᠢᠦᠢ ᠲᠠᠨ ᠴᠣᠩᠬᠢᠶᠠᠯᠤᠨ 《ᠨᠣᠭᠤᠭᠠᠨ》ᠢ ᠦᠵᠡᠭᠡᠳ ᠶᠣᠰᠤᠲᠠᠢ ᠶᠡᠬᠡ ᠰᠣᠴᠢᠭᠰᠠᠨ ᠪᠢᠯᠡ᠃